Category: Uncategorized

Aba bantu 34 baregwa gushaka guhirika ubutegetsi bwa Nkurunziza muri 2015 ubwo hatangazwaga ko Perezida Nkurunziza yavanywe ku butegetsi ariko nyuma iri hirika rikaza kuburizwamo.

Uretse Gen. Niyombare ufatwa nk’aho ari we wari uyoboye aba bantu bahanishijwe gufungwa ubuzima bwabo bwose, muri aba bantu hazwimo kandi Bob Rugurika wayobora Radio RPA na Innocent Muhozi wa Televiziyo Renaissance.

Uretse guhamywa icyaha cyo gushaka guhirika ubutegetsi, aba bantu banaregwa ibindi byaha birimo kwica abaturage no kubasenyera.

Muri iyi myanzuro y’urukiko kandi, rwategetse ko Radiyo Rema FM ihabwa indishyi ya miliyari 4 z’amafaranga akoresha mu Burundi, Minisiteri y’Ingabo igahabwa indishyi ya miliyoni 800, Minisiteri y’Umutekano ihabwe miliyoni 360, n’Ishyaka CNDD-FDD rizahabwa indishyi za miliyoni180 z’akoreshwa mu Burundi.

Iriya coup d’etat yageregejwe mu Burundi muri 2015 ubwo Perezida Pierre Nkurunziza wariho ashaka kwitoza muri manda ya gatatu yari yitabiriye inama y’abakuru b’ibihugu by’Umuryango wa Africa y’Iburasirazuba yaberaga muri Tanzania.

Icyo gihe hamaze gutangazwa ibya ririya hirika, Perezida Pierre Nkurunziza yahise asubira mu gihugu cye igitaraganya ndetse bamwe mu basirikare baburizamo kiriya gikorwa cyo kumuhirika.

Perezida Pierre Nkurunziza kandi wanaje kongera gutorerwa kuyobora kiriya gihugu, yitabye Imana umwaka ushize aho bivugwa ko yazize indwara y’umutima.

UKWEZI.RW

Ni urugendo rw'amasaha atanu n'igice mu gihe ubusanzwe kugera muri Centrafrique byashoboraga no gufata amasaha 15 bitewe n'aho indege yanyuze.

Wari umunsi mwiza w'ibyishimo ku Banyarwanda bakora ubucuruzi kuko wabafunguriye amahirwe y'ishoramari muri iki gihugu kiruta u Rwanda inshuro zirenga 23 kuko gifite ubuso bwa kilometero kare 623.000 ariko kikaba gituwe na miliyoni 5,1.

Nibura abaturage umunani ni bo mu 2018 babarirwaga ko batuye kuri kilometero kare imwe.

Gusa bose bafite icyizere gike cyo kubaho kuko nibura bibarwa ko Umunya-Centrafrique abaho imyaka 45,3 biturutse ku bibazo by'umutekano n'intambara byashegeshe iki gihugu.

Abacuruzi barenga 32 bo mu Rwanda, bajyanye na RwandAir ku munsi wa mbere ubwo yatangiraga ingendo zigana ku Kibuga cy'Indege Mpuzamahanga cya M'poko; byari ibyishimo kuri bo kuko babonye ahantu hashya ho gukorera ishoramari.

Bakigera muri Centrafrique, bakiriwe mu Biro by'Umukuru w'Igihugu, Palais de la Renaissance, umwe ku wundi ahabwa umwanya imbere ya Perezida avuga amazina ye, ibyo akora ndetse nyuma babwirwa uburyo bagiye koroherezwa gukorera muri iki gihugu.

Jessie Kalisa Umutoni, umwe muri ba rwiyemezamirimo b'Abanyarwanda bakiriwe na Perezida Touadera, yavuze ko byari ibintu bitangaje kwakirwa na Perezida wa Repubulika, bisobanura uko afite inyota yo gufasha Abanyarwanda.

Ati 'Ni ibintu byadutunguye, twakiriwe na Perezida wa Repubulika. Byari ibyishimo, ntabwo twari tubizi, batwereka urugwiro, perezida yatwishimiye, twese turamwibwira. Byari byiza cyane, aduha Minisitiri wo muri Perezidansi, adufata mu nshingano mu bikorwa byacu byose mu minsi tuzamara muri iki gihugu.'

Kimwe mu byo uyu muhuro wa Perezida wa Centrafrique yemereye Abanyarwanda ni uko amahirwe yose ahari mu ishoramari, ari bo bazayahabwa mbere.

Magingo aya, ibicuruzwa hafi ya byose bigera muri Centrafrique bituruka hanze y'igihugu cyane muri Cameroon, kubera ibibazo by'umutekano muke, hari ubwo akenshi usanga n'inzira zibivanayo biturutse mu Murwa Mukuru Bangui zafunzwe bikabura n'ibihari bigahenda.

Jean Malick Kalima, ni rwiyemezamirimo mu bijyanye n'ubucukuzi bw'amabuye y'agaciro, yatangaje ko ari amahirwe akomeye ku Banyarwanda bakesha igihugu cyabashije guharura inzira z'imikoranire na Centrafrique ku buryo abikorera bashorayo imari.

Ati 'Ni amahirwe akomeye […] nkanjye mu byo nkora simvuga Bangui, ndavuga Centrafrique muri rusange. Ni urwego dufite byinshi twakorana, cyane urwego rw'ubucukuzi bw'amabuye y'agaciro hamwe n'ubundi bushabitsi kuko nta mupaka.'

Centrafrique ifite umutungo kamere urimo peteroli, amabuye y'agaciro nka uranium, zahabu ndetse na diamant, ifite amazi magari yakurwamo ingufu z'amashanyarazi, amabuye y'agaciro yitwa 'cobalt' yifashishwa mu gukora ibikoresho bitandukanye n'ibindi.

Malik yakomeje agira ati 'Njye navuga ko mu gihe dufite indege ihuza imirwa mikuru yombi bizatworohereza cyane. Urabizi muri Afurika, kugenderanirana ntabwo byoroshye, bisaba amasaha menshi ariko mu gihe hari indege igenda kuri twe ni amahirwe akomeye.'

Ururimi kavukire rwabo rwitwa 'Sango'. Ni igihugu gikoresha Igifaransa kubera ko cyakolonijwe n'u Bufaransa.

Minisitiri w'Ubwikorezi bwo mu Kirere muri Centrafrique, Arnaud Djoubaye Abazene, yavuze ko itangira ry'ingendo za RwandAir muri iki gihugu zisobanuye ikintu gikomeye kuko bizafasha mu mubano hagati y'ibihugu byombi.

Ati 'Urugendo rwa RwandAir i Bangui rusobanuye byinshi kuri twe nka Repubulika ya Centrafrique. Ni ingenzi cyane mu bijyanye n'ubucuruzi hagati y'ibihugu byombi. Bizafasha kandi mu mubano hagati y'abaturage b'u Rwanda n'aba Centrafrique.'

Hashize igihe kinini muri Centrafrique hari ibibazo by'umutekano muke byanatumye u Rwanda rwoherezayo ingabo zo gufasha mu kubungabunga amahoro. Nk'ahantu Abanyarwanda batangiye kuyoboka, ikintu cya mbere baba biteze ni umutekano nk'uwo basanga mu gihugu cyabo.

Minisitiri w'Ibikorwa Remezo, Amb. Claver Gatete, yatangaje ko mu gihe cyose ubukungu bwifashe neza, bushobora kuba igisubizo ku bibazo by'umutekano muke mu gihugu.

Ati 'Ibijyanye n'umutekano kugira ngo ushobore kuba watera imbere, bijyana n'iterambere ry'abaturage, kimwe mu bifasha uwo mutekano kugira ngo ugaruke, ni ubucuruzi, ni ubuhahirane, kugira ngo abantu bose babibonemo inyungu noneho binafashe n'abantu babo n'abacu kugira ngo babe batera imbere. Ni yo mpamvu bitaduteye impungenge kuko n'ingabo zacu zirahari mu bijyanye n'umutekano, amahoro akaba atangiye kugaruka.'

Umupilote wa RwandAir wagiye atwaye indege yakoze urugendo rwa mbere muri Centrafrique, Godwin Sarfo, we yavuze ko kwagura amarembo ari amahirwe akomeye kuri we kuko bituma arushaho kuryoherwa n'akazi akora.

Ati 'Uko tugira ibyerekezo byinshi, ni ko turushaho kuryoherwa akazi kacu kuko ubuzima bwacu twe buba mu kirere.'

Ku kibuga cy'indege i Bangui, ubwo RwandAir yasesekaraga, hari hateraniye abantu benshi bagiye kuyakira, bigaragara ko ari umushyitsi w'Imena wari winjiye mu gihugu.

Perezida Touadéra yakiriye mu Biro bye ba rwiyemezamirimo b’Abanyarwanda

Buri wese yahabwaga umwanya wo kwivuga akageza no ku mukuru w’igihugu icyifuzo cye

Abanyarwanda bageneye Perezida Touadéra impano

Video: Adeline Uwimana & Marc Hoogsteyns

Uyu murambo wagaragaye mu mazi kuri uyu wa Kane mu Mudugudu wa Karumuna mu Kagari ka Kanzenze mu Murenge wa Ntarama mu Karere ka Bugesera.

Amakuru avuga ko ubwo abagabo barimo baroba mu gishanga cy'Umugezi w'Akagera giherereye ahazwi nko mu Karumuna, babonye umufuka ureremba mu mazi, mu kuwukuramo ngo basanzemo umurambo w'umugabo utazwi muri ako gace bahita bahamagara ubuyobozi kugira ngo bukurikirane neza.

Umunyamabanga Nshingwabikorwa w'Umurenge wa Ntarama, Uwamugira Beatha, yabwiye IGIHE ko umurambo w'uyu mugabo wabonetse mu masaha ya saa Munani z'amanywa ubwo wabonwaga n'abaturage barimo baroba.

Yagize ati 'Umurambo wabonywe n'abantu bari bari kuroba mu mazi, twasanze bigaragara ko yapfuye nubwo tutamenye icyamwishe, twasanze bamukingishijeho agafuka, ni umugabo uri mu kigero cy'imyaka hagati ya 40 na 50.'

Yakomeje avuga ko uyu mugabo ataramenyekana kuko ngo umurambo we basanze nta byangombwa yari afite ndetse n'abaturage bo hafi aho abenshi bakaba bavuze ko batamuzi.

Ati 'Aho wabonetse ni mugishanga nta bantu banatuye hafi aho, abamubonye batubwiye ko babonye umurambo we uva mu Akagera bakawukurikira bakawukuramo ariko bavuga ko nta yandi makuru ye bazi, abenshi banahageze batubwiye ko babona batamuzi.'

Gitifu Uwamugira yavuze ko umurambo wa nyakwigendera wajyanywe ku Bitaro bya ADEPR Nyamata kugira ngo ukorerwe isuzumwa n'inzego zibishinzwe kugira ngo hamenyekane icyamwishe n'uburyo yapfuyemo.

Inzego z'umutekano zahise zitangira iperereza mu gukomeza gukurikirana uwaba yishe uyu mugabo cyangwa icyamwishe.

Nzamukosha Diane w'imyaka 36 y'amavuko ni uwo guhamya ibi, kuko yamaze amezi atandatu akorerwa iyicarubobozo, akubitwa, atotezwa, n'ibindi bikorwa bibabaza umubiri, asabwa kwemera ko atunze imbunda ndetse ari maneko yoherejwe n'u Rwanda.

Uyu mubyeyi yavuye mu Rwanda [yari atuye mu Murenge wa Gisenyi, Akarere ka Rubavu] mu 2014, ari kumwe n'umwana we, bajya muri Uganda aho yari agiye mu bikorwa by'ubushabitsi aho yakoraga ubucuruzi bw'imyenda ayivana muri Uganda, ajya kuyicuruza muri Sudani y'Epfo.

Ni umwe mu Banyarwanda batandatu bavanywe muri Uganda [aho bari bafungiye mu buryo bunyuranyije n'amategeko, bajugunywa ku Mupaka wa Kagitumba mu Karere ka Nyagatare ku wa 3 Gashyantare 2021.

Nyuma y'ibikorwa by'iyicarubozo yakorewe akagezwa mu Rwanda atakibasha no kugenda, yahise ajyanwa kuvurirwa mu Bitaro bya Gisikare biri i Kanombe mu Karere ka Kicukiro.

Avuga ko mu myaka irenga itandatu yari amaze aba muri Uganda, nta kibazo yari yarigeze agirana n'umuturage waho cyangwa undi muntu wese ariko umwaka wa 2020 ujya kurangira aribwo yafashwe n'abashinzwe umutekano bamujyana kumufunga bavuga ko ari maneko y'u Rwanda.

Agaruka ku buryo yafashwe yagize ati 'Nari nicaye mu nzu n'umwana hari nimugoroba nka saa Mbiri z'ijoro, mbona abantu baraje bambaye imyenda isanzwe barambwira ngo ni ab'inzego z'umutekano ngo nze barankeneye ku biro byabo mbabajije nti ese kuki mutaza ku manywa bambwira ko ari uburenganzira bwabo.'

Yakomeje agira ati 'Ubwo nari kumwe n'umwana mu nzu, umwana ariruka sinzi iyo yagiye, yabonye imbunda zuzuye mu nzu ariruka. N'ubu sinzi iyo ari.'

Nzamukosha avuga ko yavanywe iwe ajya gufungirwa muri gereza ya gisirikare ya Mbuya nyuma aza kujya ajyanwa mu zindi zitandukanye ariko hose bamukorera ibikorwa by'iyicarubozo.

Brig Gen CK yamusabye kwemera ko atunze imbunda

Abanyarwanda bagiye bafungirwa muri Uganda mu bihe bitandukanye bahuriza ku kuba uwahuye n'Umuyobozi w'Ishami rishinzwe kurwanya iterabwoba mu Rwego rushinzwe Ubutasi, CMI, Brig Gen Charles Asiimwe uzwi ku izina rya CK, baba batizeye ko uwo munsi bari burare bagihumeka umwuka w'abazima.

Nzamukosha avuga ko yakubiswe umubiri wose kandi yavanwaga muri gereza imwe ajyanwa mu yindi agahura n'abantu batandukanye bagenda bamubaza ibibazo yavuga ko atabizi bakamukubita.

Ati 'Narakubiswe umubiri wose, nkubitwa mu birenge, mu mutwe n'ubu mpora numva umutwe uzunguruka, nahakuwe n'uko nari ndwaye kuko nahoraga mva amaraso mu mazuru. Ni Imana yahankuye.'

Gereza yafungiwemo ni enye aho mu bantu yibuka bamuhase ibibazo harimo n'uwitwa CK [Brig Gen CK Asiimwe], wamuhatiraga kwemera ko ari maneko y'u Rwanda kandi atunze imbunda iwe mu rugo.

Yakomeje agira ati 'Ngezeyo narababajije nti nakoze iki? Bambwira ko ngo ndi maneko w'u Rwanda, mbabwira ko ndi umucuruzi ibyo kuneka ntabizi, bambwira ko neka, nibwo bankoreraga iyicarubozo ngo nemere ko u Rwanda rwanyohereje ngo nze kuneka.'

Nzamukosha avuga ko yari afunganywe n'abantu benshi barenga 100 ndetse harimo n'umugore w'Umunyarwandakazi wishwe [ni umugore bararanaga aho muri gereza, wari waramubwiye ko akomoka i Nyamirambo].

Uretse kuba atazi aho umwana we w'imyaka 13 ari, kugeza ubu n'amafaranga ye yakoreshaga mu bucuzi [yayabikaga iwe mu rugo], abarirwa muri miliyoni 8 z'Amashilingi ya Uganda, ibihumbi bitatu by'amadorali ya Amerika ndetse n'ibihumbi 700 Frw.

Avuga ko muri Uganda atari ahantu ho kujya ku buryo Umunyarwanda wese wifuzaga kujyaho ashatse yabihurwa.

Ati 'Uko meze ntabwo ariko nagiye meze, nari mfite imbaraga ngenda kandi nikorera ariko ubu nta kintu nshobora kongera gukora. Umunyarwanda wese ushaka kujya i Bugande yareba uko meze akabihurwa. Hari n'ibyo ntashobora kuvuga.'

Kuva mu 2017, Abanyarwanda baba muri Uganda batangiye gutabwa muri yombi mu mikwabu itandukanye, bakorerwa iyicarubozo, bamwe bagarurwa mu gihugu binyuranye n'amategeko.

Urwego rw'Ubutasi mu Gisirikare cya Uganda (CMI) nirwo rukora ibikorwa byo gufata no gutoteza Abanyarwanda b'inzirakarengane, bashinjwa 'kuba intasi z'u Rwanda' nyamara benshi muri bo ari abaturage bishakishiriza imibereho muri Uganda mu buryo busanzwe nk'abandi bose.

Ibikorwa byo gushimuta Abanyarwanda bakorera ingendo muri Uganda bifitanye isano n'umubano w'akadasohoka wa CMI n'abagize Umutwe w'iterabwoba urwanya Leta y'u Rwanda (RNC) uyoborwa na Kayumba Nyamwasa, ufite umugambi mubisha wo guhungabanya umutekano w'igihugu.

Nzamukosha Diane w'imyaka 36 y'amavuko yavuze ku itotezwa yakorewe mu gihe cy'amezi atandatu yamaze afungiwe muri gereza zo muri Uganda

Video: Mushimiyimana Azeem

Mu minsi 900 amaze ahawe inshingano zo gutoza ikipe y’igihugu y’u Rwanda y’umupira w’amaguru ‘Amavubi, Mashami Vincent yatoje imikino 23 mu marushanwa atandukanye, yatsinze imikino 4, atsindwa 8, anganya 11.

Mu myaka ibiri irengaho iminsi, uyu mutoza amaze atoza Amavubi hari bicye yagezeho nk’intego yari yihaye ahabwa akazi, ariko byinshi byamunaniye kubigeraho, ari nabyo bituma kuva ku itariki ya 18 Kanama 2018 ahabwa akazi kugeza magingo aya, hari benshi bagishidikanya ku bushobozi bwe mu ikipe y’igihugu.

N’ubwo umusaruro waba mwiza cyangwa mubi, iyo ubonetse ushyirwa ku mutwe w’umutoza, benshi mu bakunzi b’umupira w’amaguru mu Rwanda bamaze kurenga urwo rwego rw’imyumvire n’imitekerereze, ahubwo bashaka kumenya byimbitse, Mashami ubazwa umusaruro mwiza mu Amavubi aba yahawe ibyangombwa by’ingenzi biganisha kuri wa musaruro mwiza?

Muri ibyo byangombwa, ibigarukwaho na benshi ni nko gushakirwa imikino ya gicuti ifasha abakinnyi gukaza imyiteguro, gushakirwa umwiherero wihariye ku ikipe iba iri gutegurwa, gushakirwa abakinnyi b’abanyarwanda bakina mu bice bitandukanye by’Isi bakaganirizwa kugira ngo bakinire Amavubi, gutegurwa kw’abakinnyi mu buryo bw’umwihariko n’ibindi.

Ibi tuvuze haruguru ntabwo bireba umutoza, ahubwo bireba inzego z’ubuyobozi zireberera umupira w’amaguru mu Rwanda, harimo Minisiteri ya Siporo ‘MINISPORTS’ ndetse n’Ishyirahamwe ry’umupira w’amaguru mu Rwanda ‘FERWAFA’. 

Mu byo twavuze by’ibanze mu byitabwaho mu gutegura umusaruro mwiza w’ikipe y’igihugu usanga ibikorwa n’izi nzego z’ubuyobozi ari nka 40%.

Iyo ushyize ku ntara ukagosora usanga naho Mashami Vincent yari amabuye, kuko agerageza gukora ibishoboka byose agahangana n’amarangamutima y’abanyarwanda baba bifuza umusaruro mwiza, ariko mu by’ukuri witegereje neza ntaho uturuka.

Iyo usubije amaso inyuma usanga ikibazo nyamukuru atari umutoza kuko ni benshi bamubanjirije kandi b’abahanga ariko kugera ku musaruro mwiza bikanga, ariko bajya mu bindi bihugu bagatanga umusaruro mwiza, ahubwo usanga uburyo bw’imiyoborere y’umupira w’amaguru mu Rwanda n’imitegurire y’ikipe y’igihugu itayemerera kugira umusaruro ibona mu irushanwa iryo ariryo ryose.

Ntabwo umusaruro ari mwiza ku mutoza Mashami Vincent mu minsi 900 amaze atoza ikipe y’igihugu Amavubi, ndetse abaye ari umutoza uhabwa byose ndetse agakorerwa ibishoboka byose, yakabaye nawe yariyirukanye atarinze gutegereza ko bamwirukana, gusa ku muntu wirya akimara, agatega umutwe n’agatuza agahangana n’ibyiyumvo by’Abanyarwanda bashengurwa n’umusaruro w’Amavubi, barabizi ko umusaruro we mu myaka ibiri ari nta makemwa.

Biragoye kugira umutoza w’umunyamwuga w’umunyamahanga wahabwa akazi ko gutoza Amavubi agakorera mu buryo nk’ubwo Mashami Vincent akoreramo magingo aya.

Kugeza ikipe y’igihugu muri 1/4 mu irushanwa rya CHAN 2020, biri mu byongereye amahirwe menshi umutoza Mashami Vincent yo guhabwa amasezerano mashya yo gutoza Amavubi kuko ibyo yakoze ntawabitekerezaga, ndetse nta n’umutoza w’umunyamahanga watoje Amavubi wigeze abikora.

Iyo wegeranyije byose ukagosora uvanze ibibi n’ibyiza byaranze Mashami mu minsi 900 amaze atoza Amavubi, usanga nta wundi mutoza uzahabwa akazi mu Amavubi, ahubwo Mashami Vincent azongererwa amasezerano kuko yagaragaje ko kubiharanira kandi n’abakinnyi bamurwaniye ishyaka rikomeye cyane.

Mashami Vincent arahabwa amahirwe menshi yo guhabwa amasezerano mashya mu Mavubi

Mashami amaze hafi imyaka ibiri n’igice ahawe inshingano zo gutoza Amavubi

Mashami yitwaye neza muri CHAN 2020 akubutsemo muri Cameroun

Dushingiye ku byo yakoze mu bushobozi bwe, Mashami akwiriye guhabwa amasezerano yo gukomeza gutoza Amavubi. Wowe niba ubona atabikwiriye, waduha impamvu ushigiraho umwima ayo mahirwe

Meddy ahatanye mu cyiciro 'Listeners' Choice'. Ni gishya muri ibi bihembo. Kuko kuva mu Ukuboza 2020, hatangazwa abahanzi bahatanye nticyari kirimo.

Iki cyiciro kiri mu bikunzwe, aho abafana basabwa gutora uwo bashyigikiye. Ni icyiciro kirimo abahanzi bagera kuri 19 bo mu bihugu bitandukanye byo muri Afurika. Ndetse Dj Khaled ni we wari kuzayobora itangwa ry'ibi bihembo.

Ku mugoroba w'uyu Kane tariki 04 Gashyantare 2021, abategura iri rushanwa banyujije ubutumwa ku mbuga nkoranyambaga bavuga ko 'MTV Base yasubitse itangwa ry'ibihembo bya MTV Africa Music Awards. Tuzabamenyesha ikindi gihe bizabera.'

Ntibavuze impamvu y'isubikwa y'ibi bihembo, gusa bamwe bahurije ku cyorezo cya Covid-19 cyugarije Isi muri iki gihe. Ni mu gihe Abanya-Uganda benshi banditse kuri konti ya Twitter, bavuga ko bishimiye iki cyemezo kuko Igihugu cyabo kiri mu bihe bidasanzwe by'umutekano mucye ku ngoma ya Perezida Museveni.

Abandi bavuga ko bitari bikwiye ko iri rushanwa ribera muri Uganda mu gihe Museveni ari we watsinze amatora kuko bashakaga ko umuhanzi wahindutse umunyapolitiki Bobi Wine ari we utsinda.

Munassingo yashyize amafoto kuri konti ye ya Twitter y'abanya-Uganda bakubiswe mu buryo bukomeye n'inzego z'umutekano, ashima MTV Base Africa 'kuba mwumvise ijwi ry'abanya-Uganda barira.'

Mugabi Nathan yashimye ubuyobozi bwa MTV Base Africa avug ko muri Uganda bari mu bihe bitoroshye ku buryo nta gihe bafite cyo kwishima, kuko Bob Wine bari bashyigikiye 'akomeje guhohoterwa na Guverinoma ya Uganda.'

Steve yavuze ko ari byiza ko MTV Base Africa yatoranyije ko Uganda yakira ibi bihembo, ariko kandi ngo si igihe cyiza kuri bo kwakira ibi bihembo bitewe n'ibihe barimo.

M7 Talina Mpapula we yasabye MTV Base Africa gusubika ibi bihembo kugeza ubwo 'Perezida ukwiye azaba yicaye mu Ntebe.' N'abica abantu barabiryojwe.

Prince Mutebi Anthony Kale yavuze ko igihe ibi bihembo bizaba bisubukuwe 'Bobi Wine azahabwe umwanya wo kubiririmbamo.'

Ukoresha izina rya De Generation yavuze ko bazaha ikaze ibi bihembo muri Uganda ikindi gihe kuko bakiri mu kiriyo cy'abavandimwe n'inshuti bishwe 'n'umunyagitugu Musveni.'

Lugazi King we yavuze ko urubyiruko ruri kwica kandi rugakorerwa ihohoterwa n'igisirikare cya Uganda. Bityo ko nta kintu cyo kwishimira, ahubwo ko Televiziyo ya MTV yagashyize imbere mu gucumbura ibyerekeye ay'amakuru n'abantu barenga 45 bishwe mu minsi ishize.

Lucious Gonzalez we yavuze ko badakeneye ibi bihembo mu gihe Museveni akiri Perezida. Kuko ngo ibi kuba ari ku ngoma biteye isoni aho abantu bicwa umunsi ku munsi. Kuri we, avuga ko ibiri kubera muri Uganda ari 'Jenoside.'

Muwalla we yabiteyemo urwenya avuga ko atiyumvishaga ukuntu ibi birori byari kuzaba hifashishijwe ikoranabuhanga mu gihe imbuga nkoranyambaga muri Uganda zifunze kandi bakaba batari gukoresha internet neza, ahubwo bakaba ari gukoresha 'VPN' kugira ngo bagere kuri internet.

Ku wa mbere w'iki Cyumweru, ishyaka NUP ryatanze ikirego mu rukiko rihakana ibyavuye mu matora y'Umukuru w'Igihugu yabaye tariki 14 Mutarama 2021. Perezida Museveni aherutse gutangaza ko yiteguye guhangana n'ibi birego.

Muri aya matora, Perezida Museveni ni we watsinze n'amajwi 58.38%, Robert Kyagulanyi [Bobi Wine] agira amajwi 35.08%.

Nyuma y'amatora, Bobi Wine yafungiwe iwe, urugo rwe ruzengurukwa n'abashinzwe umutekano. Na Ambasaderi wa Amerika muri Uganda yangiwe gusura uyu muhanzi wahindutse umunyapolitiki.

Ibihembo bya MTV Africa Music Awards Kampala 2021 byasubitswe “ku mpamvu itatangajwe”

Abanya-Uganda bagaragaje ihohoterwa bakorewe n’Igisirikare cya Uganda mbere na nyuma y’amatora

Bamwe mu banya-Uganda bavuze ko badakeneye ibihembo bya MTV Africa muri Uganda mu gihe cyose Museveni akiri ku buyobozi