Category: Uncategorized

Abenshi ku isi bazi neza ishusho ya Yesu ariko nyamara abahanga bemeza ko nta foto ye yafashwe kuko ikoranabunga ribasha gufata amashusho n’amafoto byari bitaraza mu gihe cye, abazwi nka we abenshi ni abakinnye filime ye bisanisha newe barimo, Robert Powell, Jim Caviezel n’abandi.

Reka tugaruke kuri Jim Caviezel, wanamenya ko mu bakinnye Filime za Yezu mu bihe bitandukanye, bamwe ntabwo bari n’abakirisitu ahubwo ni impano yabo ikomeye yo kwisanisha na Yesu mu nkuru ivugwa muri Bibiliya. Bityo ibyanditswe bigakinwa, ababikinnye bakamamara ku isi maze amadini n’amatorero bagatangira kumanika no kwambara isura y’aba bakinnyi.

Jim Patrick Caviezel yavutse ku ya 26 Nzeri 1968, ni umukinnyi wa Filime w’umunyamerika. Caviezel yatangiye kumenyekana ku isi nyuma yo gukina muri Filime ya Yesu yitwa 'The Passion of the Christ’ akinamo nka Yezu Kirisito muri 2004.kuva icyo gihe yisanga mu nzu nyinshi ku isi amanitse mu byumba bamusenga akababara cyane. Mu zindi nshingano za Caviezel harimo kugaragara muri Filime 'The Thin Red Line' muri 1998 n’izindi nyinshi.

Caviezel yavukiye ku musozi wa Vernon i Washington, akaba umuhungu wa Margaret wahoze ari umukinnyi wa filime akaba mwene James Caviezel, umushoramari wanakinaga Basketball. Jim Caviezel yakuriye mu muryango w’Abagatolika bakomeye i Conway, i Washington mu gihe Se akomoka muri Silovakiya no mu Busuwisi, naho nyina ni umunya-Irlande.
Jim Patrick Caviezel

Uyu mugabo Jim Caviezel w’imyaka 52 y’amavuko yari asanzwe ari umukinnyi wa Basketball ukomeye nka Se, ntiyabikomeza kubera yaje kuvunika ajya kwiga ibijyanye no gukina Filime aza kwinjira muri Hollyhood. Yatangiye impano ye kuva mu 1991. Nyuma yo kwigaraza nka Yesu hari byinshi bimubabaza abona hirya no hino harimo kuba abantu baba barajwe ishinga no kumubona bazi ko ari Yesu.

Hari byinshi n’amagambo yavuze akomeye afasha benshi bayumvise yagize ati:

'Sinshaka ko abantu bambona, nibabone Yesu. Sinifuza ko abantu banyizera, nibizere Yesu kuko ibyaha byanjye n’ibyaha byawe ni byo byamushyize ku musaraba”.

Yakomeje agira ati”N’ubwo ujya mu rusengero buri cyumweru ariko ndakumenyesha ko Kristo nyawe ari hanze mu buzima bwa buri munsi, abo muhurira munzira ukabafasha utanabazi, uko ubaho ubuzima bwawe uko ubera urugero rwiza abandi ibyo byose birimo Yesu. Niba ushaka icyubahiro uyu munsi icishe bugufi kurusha uko wabikoraga umunsi wabanje. Mu bubabare bwose haba hihishemo amahirwe'.

Source:inyarwanda.com

[email protected]

Umuhanzi w’indirimbo zo kuramya no guhimbaza Imana, Kagame Charles uba Australia, arashima Imana yamurokoye impanuka aherutse gukora iba yaratwaye ubuzima bwe.

Uyu muhanzi abarizwa mu itorero rya Lifehouse Church mu mujyi wa Coffs Harbour, ni naho akorera umuziki we wo kuramya no guhimbaza Imana.

Kagame Charles umaze igihe kitari gito abarizwa hanze y’u Rwanda, mu minsi ishize humvikanye amakuru y’uko yakoze impanuka ikomeye, abakunzi be bakomeza kwibaza ukuri kwayo n’uko yaba amerewe magingo aya.

Uyu muhanzi yemeje aya makuru aho avuga ko yakoze impanuka y’imodka ariko ubu akaba arimo gukira.

Ati' Impanuka nakoze ni iy’imodoka nkaba naragize ikibazo cy’igufwa ry’akaboko k’iburyo, gusa ku bw’urukundo rw’Imana nkaba ndi amahoro ndetse ndi gukira'

Ku ruhande rw’umuziki we avuga ko ibikorwa byinshi byakomwe mu nkokora n’icyorezo cya Coronavirus.

Ati'Ku ruhande rwa muzika naho nkomeje gukora cyane n’ubwo ibikorwa twari dufite byagiye bikomwa mu nkokora na Coronavirus bigatuma bitazira igihe bisanzwe bizira, muri ibyo bikorwa harimo nk’indirimbo y’amashusho yagombaga gusohoka vuba mbere y’uko 'Guma mu rugo’ ya Kigali igaruka kuko hari scene zakorerwaga mu Rwanda. Ikindi hari indirimbo ziri muri studio ndetse harimo na collabo twifuzaga gukora mu gihe cyose icyorezo cyaba kiirangiye'.

Indirimbo ye y’amashusho azaheraho ashyira hanze yitwa 'Amakuru' ikaba iri kuri Album ya mbere ari gukora igizwe n’indirimbo 10, amajwi yayo akaba yarakozwe na Boris.

Yakomeje asaba abakunzi babo kubashyigikira ariko birinda iki cyorezo cyugarije Isi, bafatanya na leta mu kubahiriza ingamba zo kukirinda.

Kagame Charles mu rugendo rwe rw’umuziki amaze gushyira hanze indirimbo 4, zirimo; 'Ahindura ibihe', 'Tubagarure', 'Ntuzibagirwe' ndetse n’indi yitwa 'Naragukunze'.

Kagame Charles abarizwa muri Moriah Entertainment Group ibarizwamo abandi bahanzi b’amazina akomeye mu muziki wa Gospel barimo; Aline Gahongayire, Patient Bizimana, Gaby Kamanzi, Richard Ngendahayo, Kanuma Damascene , Fortran Bigirimana n’abandi.

Masamba Intore akaba musaza wa nyina wa Jules Sentore yasobanuye uburyo nyina w’uyu muhanzi yakoze impanuka ikomeye yahitanye se maze Umutako Fanny(Nyina wa Jules Sentore) agahita ajya muri koma ari nabwo yari amutwite.

Mu kiganiro yagiranye n’ikinyamakuru ISIMBI, Masamba yagarutse kuri mushiki we wamukurikiraga ari we nyina wa Jules Sentore, aho yavuze ko yari umuntu mwiza cyane ugira urukundo.

Ati'Yari mushiki wanjye uzi kubyina cyane, agira urugwiro nabaga naje mfite stress, ni we wazimaraga, uramuvuze numva ndanamukumbuye cyane, ntushobora kubabara iruhande rwe, ntushobora gusonza imbere ye, yakoraga ibishoboka byose akagushakira icyo kurya, yari afite umutima mwiza cyane.'

Yakomeje avuga ko Jules Sentore ameze nk’umuntu wazutse kuko yavutse mu buryo bugoye cyane ko batatekerezaga ko yavuka, ni nyuma y’impanuka se na nyina bakoze bamutwite aho papa we yahise yitaba Imana n’aho nyina akajya muri koma amezi 6.

Ati'nyina ni we wangwaga mu ntege, yakoze impanuka na se wa Jules ahantu mu Ngagara(mu Burundi), se ahita apfa ubwo, nyina atwite Jules, yagiye muri koma hafi nk’amezi 6. Twari tubizi ko atwite, gusa twumvaga wenda nyina azakira ariko ntabwo twatekerezaga ko umwana yarokoka. Twarasenze cyane.'

'Twari tukiri mu Burundi mu buhungiro ubanza Imana yaramvise amasengesho yacu, twabajije muganga atubwira ko umwana na nyina ari bazima ariko nyina yagize igikomere kizamumugaza. Turavuga tuti umwana na nyina barazutse.'

Nyina wa Sentore na Se, bakoze impanuka bahura ibyumweru bibiri ngo bakore ubukwe, Sentore akaba yaravukiye mu muryango wo kwa Sentore(se wa Masamba).

Jules Sentore akaba aherutse gusohora indirimbo yitwa 'Mama’, igaruka ku buzima bwe na nyina witabye Imana muri 2018.

Bariya bagabo barobaga muri uriya mugezi ahazwi nko mu Karumuna, babonye umufuka ureremba mu mazi bawufunguye babonamo uwo murambo.

Umurambo w’umugabo uri mu kigero cy’imyaka iri hagati ya 40 na 50 wabonetse mu Mugezi w’Akagera mu ruhande ruherereye mu Karere ka Bugesera, ubuyobozi buvuga ko butaramenya imyirondoro ye n’aho yiciwe.

Uwamugira Beatha uyobora Umurenge wa Ntarama, yabwiye Ikinyamakuru Igihe dukesha iyi nkuru ko uriya murambo wabonetse mu masaha y’ikigoroba kuri uyu wa Kane.

Yagize ati 'Bigaragara ko yapfuye nubwo tutamenye icyamwishe, twasanze bamukingishijeho agafuka, ni umugabo uri mu kigero cy’imyaka hagati ya 40 na 50.'

Uyu muyobozi avuga ko imyirondoro y’uyu mugabo itaramenyekana kuko nta n’icyangombwa bamusanganye ndetse muri kariya gace hakaba hadatuwe.

Yagize ati 'Abamubonye batubwiye ko babonye umurambo we uva mu Akagera bakawukurikira bakawukuramo ariko bavuga ko nta yandi makuru ye bazi, abenshi banahageze batubwiye ko babona batamuzi.'

Iperereza ryahise ritangira mu gihe umubiri wa nyakwigendera wo wahise ujyanwa mu bitaro by’Itorero ADEPR kugira ngo ukorerwe isuzuma rya nyuma.

UKWEZI.RW

Ngo ubwo bariho bahinga, aba bagore babonye iyi grenade ariko kuko bari bayizi, umwe ayikubita isuka ashaka kureba ibirimo imbere ihita ibarurikana irabakomeretsa.

Nyamutera Emmanuel uyobora uyu Murenge wa Kazo, avuga ko kiriya gisasu kitabakomereke bikabije.

Yagize ati 'Urebye ntabwo bikomeye cyane kuko twabajyanye ku Kigo Nderabuzima cya Mutenderi bitabwaho ku buryo ejo bazataha, ntabwo bakomeretse cyane.'

Uyu muyobozi avuga ko umwe yakomeretse ku kaguru undi agakomereka mu rubavu mu buryo bworoheje kuko bose n’ubundi bahungaga.
Avuga ko umwe muri bariya bagore akimara kuyikubita isuka, yatangiye gucumba umwotsi, na bo bakiruka ariko igahita iturika.

Inzego z’umutekano zahise zimenyeshwa iby’iki gisasu, zihutiye kuhagera, zishakisha niba hari ibindi byaba biri hafi aho ariko babibuze.

UKWEZI.RW