Category: Uncategorized

Kuri uyu wa Kane, Abadepite bo mu Nteko Ishinga Amategeko y'Umuryango w'Ubumwe bw'u Burayi batoreye umwanzuro wo gusaba ko Paul Rusesabagina umaze iminsi imbere y'ubutabera bw'u Rwanda yacibwa urubanza mu buryo buboneye.

Uyu mwanzuro aba badepite bawufashe mu gihe habura iminsi micye ngo urubanza rwa Rusesabagina n'abandi baregwa hamwe ibyaha bijyanye no kugira uruhare mu bikorwa by'iterabwoba ndetse no kwica inzirakarengane rutangire.

Muri Kanama 2020 nibwo Inzego z'umutekano z'u Rwanda zataye muri yombi Paul Rusesabagina wari umaze igihe ashakishwa kubera ibyaha by'iterabwoba akurikiranyweho.

Ku wa 17 Nzeri 2020 Rusesabagina yagejejwe imbere y'urukiko maze, Urukiko rw'Ibanze rwa Kicukiro rwanzura ko aburana afunzwe kubera ko hari ibimenyetso bikomeye bituma akekwaho ibyaha no kuba hari iperereza rigikeneye gukorwa.

Kuva Rusesabagina yatabwa muri yombi abo mu muryango we n'ababashyigikiye ntibahwemye kugaragazwa inzitwazo zitandukanye, ahanini bashaka ko leta y'u Rwanda yashyirwaho igitutu uyu mugabo akaba yarekurwa, bitwaje ko filime yakinnyemo igatuma amenyekana itavugwaho rumwe.

Ku ikubitiro ubwo yari atangiye kuburanishwa bavuze ko batemera abanyamategeko batoranyijwe n'uyu mugabo w'imyaka 66, kuko ngo babogamiye ku ruhande rw'u Rwanda, ugena abandi barindwi barimo Umunyarwanda umwe nk'abagomba kumwunganira.

Ibyatangajwe n'uyu muryango byaje kunyomozwa na Rusesabagina, aho yavuze ko ariwe wihitiyemo abamwunganira kandi ko anezerewe kuba akorana nabo. Ati 'Ni njye watoranyije abanyunganira kandi nishimiye kuba mbafite. Gusa umuryango wanjye ntabwo wabimenyeshejwe.'

Na nyuma y'ibi umuryango wa Rusesabagina ahanini bigizwemo uruhare n'umukobwa we Carine Kanimba wakomeje kwiruka mu bihugu by'u Burayi na Amerika bashaka uburyo ifungwa ndetse no kugezwa imbere y'ubutabera kwa Rusesabagina byamaganwa, ndetse byaba ngombwa na Leta y'u Rwanda ikaba yashyirwaho igitutu.

Carine Kanimba, yageze n'aho anenga imyitwarire y'igihugu y'u Bubiligi nk'igihugu cya kabiri cya se, aho yibazaga icyo kuba se afite ubwenegihugu bw'iki gihugu bimumariye mu gihe kidashobora kumukurikirana ngo arekurwe.

Uku guhiririkana no gupfunda imitwe kw'abagize umuryango wa Rusesabagina kwatumye umwaka ushize Umudepite wo muri Leta Zunze Ubumwe za Amerika, Carolyn B. Maloney yandikira Perezida Kagame amusaba kurekura Rusesabagina.

Uretse kuba nta n'ahandi byabaye, iki gikorwa cya Carolyn B. Maloney gishobora gufatwa nk'agasuzuguro kuko ibyo yakoze bitari mu nshingano ze. Ibi ni nk'uko urugero, Depite Mukabunani cyangwa undi wese wo mu Rwanda yakwandikira Perezida w'u Burusiya Vladimir Putin amusaba kurekura Alexei Navalny utavuga rumwe na we.

Mu by'ukuri Umudepite w'u Rwanda aramutse akoze ibi yaba atandukiriye cyane kuko umukuru w'igihugu mu buryo bwemewe yandikirwa n'undi mukuru w'igihugu cyangwa Guverinoma, ibi nibyo byatumye Guverinoma y'u Rwanda isubiza Carolyn B. Maloney imubwira ko ubutabera bw'u Rwanda bwigenga.

Amatakirangoyi y'abo kwa Rusesabagina yageze mu Nteko ya EU

Nyuma y'igihe umuryango wa Rusesabagina n'abawushyigikiye bakubita imitwe hirya no hino, kuri uyu wa Kane Abadepite bo mu Nteko Ishinga Amategeko y'Umuryango w'Ubumwe bw'u Burayi batoreye umwanzuro wo gusaba ko uyu mugabo aburanishwa mu buryo buboneye.

Carine Kanimba yabwiye France 24 ko amaze igihe kinini ategereje umwanzuro uzafatwa n'iyi Nteko Ishinga Amategeko. Ati 'Bwa nyuma Inteko Ishinga Amategeko y'Umuryango w'Ubumwe bw'u Burayi ifashe umwanzuro wo guhagarara aho u Bubiligi bwananiwe ku kurinda umwenegihugu wabwo”.

Umugore wa Rusesabagina, Tatiana Rusesabagina we yavuze ko ahangayikishijwe n'ubuzima bw'umugabo we. Ati 'ibyiyumviro byanjye ni uko umutima wanjye washegeshwe, arampangayikishije cyane yakize kanseri kandi afite n'ikibazo cy'umuvuduko w'amaraso.'

Nubwo Umuryango wa Rusesabagina uvuga ko wanejejwe n'iki gikorwa, amakuru ahari avuga ko babaye nk'abatenguhwa n'iyi nteko kuko bo bashakaga ko hatorwa icyemezo gisaba ko ahita arekurwa.

Umudepite w'Umubiligi uri muri iyi Nteko, Hilde Vautmans yavuze ko bashyigikiye kuba batora umwanzuro usaba ko Rusesabagina aburanishwa mu buryo buboneye, aho gusaba ko arekurwa.

Ati 'dushyigikiye ko habaho umwanzuro ukomeye wo gusaba ko habaho ukuburanishwa mu buryo buboneye aho gufata umwanzuro wo gusaba ko yarekurwa.”

Hilde Vautmans abinyujije kuri Twitter ku wa Kane yari yashyize hanze ubutumwa bugaragaza ko ibigiye gukorwa n'Abadepite bo mu Nteko Ishinga Amategeko y'Umuryango w'Ubumwe bw'u Burayi ari ugushakira ubutabera Rusesabagina.

Ati 'Uyu munsi turasabira Rusesabagina Ubutabera. Bitari uko ari we Munyarwanda uzwi cyane. bitari uko yahawe ibihembo bitandukanye by'amahoro, ahubwo ari ukubera ko afite uburenganzira ku kuburanishwa binyuze mu mucyo.”

'Today, we demand justice for Mr #Rusesabagina. Not because he is the most famous Rwandan. Not because he has won several peace prizes. But, because he simply has the right to a fair trial.' in #EPlenary @reneweurope pic.twitter.com/rgAVTxZ0FB

— Hilde Vautmans (@hildevautmans) February 11, 2021

Ubu butumwa bwa Hilde Vautmans ntibwakiriwe neza n'Abanyanyarwanda. Uwitwa Gerald Mbanda yavuze ko bitari bikwiye ko barwana kuri Rusesabagina kuko ari umuturage w'u Burayi birengagije amabi yakoze.

Ati “Niba uvuga Rusesabagina kubera ko ari umuturage w'Ubumwe bw'u Burayi ukirengagiza imiborogo n'amarira y'abapfakazi n'imfubyi babyuka bitegereza imva z'abo bakunda baguye muri bitero bye by'iterabwoba, birenze imyumvire ya muntu.”

If you speak for Rusesabagina simply bcse he is an #EU citizen and ignore the cries & tears of widows and orphans who wake up to see the graves of their loved ones his terror attacks killed, its beyond comprehension. #Rwandanlivesmatter https://t.co/KATJzEihYM

— Gerald Mbanda (@GeraldMbanda) February 11, 2021

Umunyamakuru wa RBA, Ingabire Egidie Bibio abinyujije kuri Twitter yibukije Hilde Vautmans ko u Rwanda rufite ubutabera bwigenga.

Ati 'Guciribwa urubanza mu buryo buboneye bisobanuye iki niba udaha agaciro inzirakarengane z'I Nyabimata? U Rwanda ni igihugu gifite ubusugire ubyibuke.'

What does fair trial mean if you don’t care about Nyabimata victims?#Rwanda is a sovereign country remember that

— Ingabire Egidie Bibio🇷🇼 (@EgidieBibio) February 11, 2021

Aime Prosper we yagize ati 'Aya ni amashusho y'umuturage wanyu, tugomba kubabaza impamvu umuturage w'u Burayi yatangije intambara ku gihugu cyo muri Afurika.'

Here is the video of your citizen , we should ask why a European citizen declared war on a country in Africa? 🤔https://t.co/5NTmt2xxBu

— Aime Prosper (@Aime_Prosper) February 11, 2021

Rusesabagina akurikiranyweho ibyaha birimo kurema kurema umutwe w'igabo utemewe cyangwa kuwujyamo, iterabwoba ku nyungu za politike, gukora cyangwa kugira uruhare mu bikorwa by'iterabwoba, kuba mu mutwe r'iterabwoba, kugambana no gushishikariza abandi gukora iterabwoba.

Mu byaha aregwa harimo kandi ubufatanyacyaha mu byaha by'ubwicanyi, ubufatanyacyaha mu cyaha cyo kwiba hakoreshwejwe intwaro, ubufatanyacyaha mu gufata umuntu nk'ingwate, ubufatanyacyaha mu cyaha cyo gutwikira undi ku bushake inyubako, ubufatanyacyaha mu cyaha cyo gukubita no gukomeretsa ku bushake, ubufatanyacyaha mu cyaha cyo gushyira abandi mu mirwano.

Kuva Rusesabagina Paul yafatwa abo mu muryango we ntibigeze bagaragaza kwemera ibyaha yakoze, aha yari yaramaze gufatwa abakobwa be bari mu nama yabaye hifashishijwe ikoranabuhanga n’abanyamategeko be

Kuri ubu Rusesabagina Paul ari kuburanishwa n’ubutabera bw’u Rwanda

Itangazo ryashyizwe ahagaragara n'Igisirikare cy'u Rwanda rivuga ko Musemakweli yaguye mu bitaro bya Gisirikare i Kanombe 'azize urupfu rusanzwe'.

Rikomeza rigira riti 'Igisirikare cy'u Rwanda cyihanganishije ndetse cyifatanyije n'umuryango we muri ibi bihe by'akababaro. Ibijyanye no gushyingura bizamekanishwa nyuma. Aruhukire mu mahoro.'

Lt Gen Jacques Musemakweli yitabye Imana afite imyaka 59. Asize umugore umwe n'abana bane.

Mu nshingano yakoze mu gisirikare harimo ko yigeze kuba Umuyobozi w'Umutwe ushinzwe kurinda Umukuru w'Igihugu (Republican Guard); Umugaba Mukuru w'Ingabo zirwanira ku butaka, Umugaba Mukuru w'Inkeragutabara ndetse ubu yari Umugenzuzi Mukuru wa RDF.

Lt Gen Musemakweli Jacques yitabye Imana ku myaka 59

Lt.Gen. Jacques Musemakweli has gone too soon. He fought a good fight to liberate our country. He has left a good legacy. He taught many of us the virtue of humility. A big loss to the family, @RwandaMoD and the country. May his Soul Rest in Eternal Peace. pic.twitter.com/UbZLttDSp9

— Gerald Mbanda (@GeraldMbanda) February 12, 2021

RIP Afande Jacques Musemakweli!

— Maurice Musoni (@mauromusoni) February 12, 2021

Pole sana. Heroes never die. #RwOT

— Abdul K. Harelimana (@HarelimanaAK) February 12, 2021

Heartbreaking loss! You fought a good fight Afande – Go well Comrade.

— Emmanuel Nkurunziza (@Ebnziza1) February 12, 2021

So sad! May his soul rest in perfect eternal peace and may God also comfort his family during this difficult period.#RIPMusemakweli

— Antoine IYAMUREMYE (@IYAntoine) February 12, 2021

'A great soul serves everyone all the time. A great soul never dies. It brings us together again and again'
May his soul rest in peace. Our condoleances to the whole family.

— Emmanuel Uwitonze 🇷🇼 (@euwitonze2000) February 12, 2021

So Sad!!!! *Iyi Nkuru Mbi Se Kandi! Hari Abanyarwanda Benshi Babonye Amahoro kubera Wowe, Akazi wagombaga Gukora Karakozwe, Iyo Tuba tubigena Ntitwakemeye ko Ugenda ariko Kuko Tudahita mo; Dusabye Nyiri Ibihembo Azaguhembe… RIP Afande*

— Muhire Munana Rodrigue (@MuhireRodrigue) February 12, 2021

So sad 💔 May his soul rest in eternal peace! 🙏🏾🙏🏾🙏🏾

— C. Nkulikiyinka (@CNkulikiyinka) February 12, 2021

Umuherwekazi w’umugande wibera muri Afruika y’Epfo, Zari Hassan yatanze gasopo ku bantu bakomeje kuvuga ko n’ubundi we n’umukunzi we mushya batazarambana bizarangira mu marira, yabasabye kureba ibibareba kuko n’ubundi nibatandukana ntacyo bazahomba.

Zari Hassan aherutse gutangaza ko ubu ari mu rukundo rushya n’umusore yise Dark Stallion, abantu bakomeje kugenda bamushotora ko na we batazarambana nk’uko byabaye kuri King Bae.

Abinyujije kuri Instagrm Stories, Zari yiyamye abakomeje kumutega iminsi cyane ko nanatandukana na we ntacyo bazahomba.

Ati'Abantu benshi bababaye bifuza kukubona muri group yabo ya WhatsApp. Ndakwinginze ntumbarire muri urwo rwego. Nahakanye kuba umwe muri mwe. Ibyishimo biba hano. Niba bizarangira mu marira bireke bibe, mwe muzahomba iki?'

Iyi post yayikurikije indi bigaragra ko uyu musore amufashe ikiganza agira iti'ntumvunire akaboko kanjye gato, ndavuga wowe mukunzi, mwite Dark Stallion.'

Amaze iminsi agaragaza ko ari mu rukundo, gusa isura y’umukunzi we arayihisha ntabwo akunda kuyigaragaza.

Zari Hassan w’abana 5, nyuma yo gutandukana na Diamond muri 2018, yongeye kumvikana mu rukundo ubwo yavugaga ko ari kumwe na King Bae, na we baje gutandukana kuko uyu musore ngo yamweretse ko ari umukire kandi nyamara ibyo yakoreshaga byose byari ibitirano.

Afatanye n’umukunzi we

Yatanze gasopo

Ni mu Murenge wa Gishyita ahazwi nko kuri Dawe uri mu ijuru mu karere ka Karongi aho ubutaka bwamanutse bugafunga umuhanda kubera imvura nyinshi yaguye.

Ni umuhanda uzwi ku izina rya Kivu Belt, uva Rubavu ukagera Rusizi. Umwe mu bari muri aka gace yabwiye IGIHE ko byabaye guhera saa kumi n'imwe za mu gitondo.

Uyu muhanda ukaba ukunze gucamo imodoka nyinshi ariko kubera gahunda ya Guma mu Karere, imodoka zitwara ibicuruzwa nizo zawucagamo zirimo amakamyo Manini azana ibicuruzwa ndetse n'abijyana mu mujyi wa Bukavu muri Repubulika iharanira Demokarasi ya Congo.

Nubwo utakiri nyabagendwa harimo imashini za sosiyete ya Horizon iri kubasha gukuramo iryo taka ariko ubwo twandikaga iyi nkuru ubutaka bwari bukiri kugenda bumanuka buva ku musozi.

Ni kenshi iyo imvura iguye kuri uyu muhanda uri mu misozi ukunze kwibasirwa n'inkangu. Umwaka ushize nabwo inkangu yahagaritse ingendo muri uwo muhanda.

Uyu muhanda wafunzwe n’inkangu guhera mu gitondo cyo kuri uyu wa Gatanu

Inkangu yafunze umuhanda, imigenderanire hagati ya Rusizi na Nyamasheke irahagarara

Mu kiganiro IGIHE yagiranye n'Umuvugizi wa Minisiteri y'Ubuzima, Juliet Mahoro Niyingabira, yatubwiye ko imyiteguro irimbanyije kandi ko inkingo zizatangira gutangwa ku itariki 15 Gashyantare zikigera mu Rwanda.

Yagize ati “Ibikorwa byo kwitegura ikingira byaratangiye kandi bigeze kure, ariko ikingira ryo rizatangira icyo gihe”.

Uyu muyobozi yirinze kwemeza niba inkingo za Pfizer-BioNTech u Rwanda rwemerewe muri gahunda ya COVAX zaramaze kugera mu Rwanda, gusa ahamya ko ibintu byose, birimo ibikoresho, gutegura abazakingira n'abazakingirwa, gutegura ibikoresho bizabikwamo inkingo ndetse no gutegura uko zizatangwa mu gihugu hose byamaze gutegurwa kandi biri kugenda uko byapanzwe.

U Rwanda ruri mu bihugu bine bizakira inkingo za mbere muri gahunda ya Covax ku Mugabane wa Afurika, kimwe na Cape Vert, Tunisia na Afurika y'Epfo. Ni nyuma y'igenzura ryakozwe n'inzego zitandukanye zirimo Ishami ry'Umuryango w'Abibumbye ryita ku Buzima, OMS, bikaza kwemezwa ko u Rwanda rufite imyiteuro ihagije ku buryo inkingo ruzahabwa zitazapfa ubusa.

U Rwanda ruherutse kwakira ibyuma bizifashishwa mu kubika no gukonjesha inkingo za Coronavirus ndetse byatangajwe ko bifite ubushobozi bwo kubika inkingo zose zikenewe. Frigo eshanu ziherutse kugurwa zishobora kubikwamo ibintu mu bukonje bwa dogere celsius -70 -80.

Inkigo za Pfizer-BioNTech u Rwanda ruzakira zigera ku 102 960, zikazaba zageze mu Rwanda mu minsi itatu iri imbere. Izindi ni izakozwe na AstraZenica ziera ku bihumbi 996 zikazagera mu Rwanda mu mpera z'uku kwezi.

Muri rusange, hari icyizere cy'uko uku kwezi gusiga inkingo miliyoni 1 098 960 zigeze mu Rwanda, zikazakingira abantu 549 480 kuko izi nkingo zombi zikenera guterwa kabiri kugira ngo zitange umusaruro.

Ibyiciro bya mbere biri bukingirwe mu minsi ya vuba birimo abantu bari hejuru y'imyaka 65, abakora mu nzego z'ubuzima, abasanganywe indwara karande ndetse n'abandi bahura n'abantu benshi barimo abapolisi n'ibindi byiciro nk'ibyo.

Miliyoni 124$ (arenga miliyari 121 Frw) niyo azakoreshwa mu gukingira abanyarwanda 60% kugira ngo icyorezo cya Covid-19 kirandurwe burundu.

Abantu 231 bamaze kwitaba Imana mu Rwanda bazize Covid-19. Abandi 3 159 baracyarwaye barimo 15 barembye. Muri rusange abantu 17 068 bamaze kwandura iki cyorezo mu Rwanda mu bipimo 934 672.

U Rwanda rugiye gutangira gukingira Covid-19

Uru rubyiruko rwabwiye TV1 ko ubuyobozi bw'uyu murenge wa Kacyiru bujya bubabeshyera ko ari abajura bigatuma polisi ibafata ikajya kubafunga nk'inzererezi.

Bavuga ko babangamirwa n'uburyo bakuye amaboko mu mifuka bakihangira imirimo birinda kuba imburamukoro nk'uko babishishikarizwa na Leta none bakaba bari kubafunga babeshyerwa ko ari abajura.

Umwe ati ' Dufite ikibazo kimwe kijyanye n'umutekano wacu. Batubwira ko leta y'u Rwanda tugomba kwihangira imirimo, hano Kacyiru mwese murahazi ko haba serivise z'irembo ariko ubu baba bavuga ngo turi abajura.'

Undi ati ' Dukorera hano turi nk'abantu bageze kuri 30, abantu bose bamaze gufunga bajya i Gikondo buri munsi, twahagera bagasanga nta cyaha tuzira ariko i Gikondo murahazi uburyo ari habi'.

Undi yagize ati ' Twe ikirego dushyirwaho iyo tugeze kwa Kabuga ni icy'uko turi abajura, tukaba twibaza duti ko dufasha abaturage tubaha serivise kuki dushyirwaho icyo cyasha kandi nta muturage wari wagenda ku murenge ngo aturege.'

Ubuyobozi bw'Umurenge wa Kacyiru bwo buvuga ko uru rubyiruko ruhohotera abaje gushaka serivise y'irembo rukabakurura bari mu muhanda bubajyana aho batangira izo serivise ku ngufu.

Umunyamabanga nshingwabikorwa w'Umurenge wa Kacyiru, Urujeni Gertrude yavuze ko uru rubyiruko rwiyise Abataka ruteje ikibazo.

Ati ' Ni abantu bameze nk'inzererezi biyita ngo ni abataka, ni abantu urebye bahohotera abaturage bagana serivise z'ibiro bishinzwe abinjira n'abasohoka, ugasanga rimwe barajya gukurura abanyamahanga n'umuturage wese ngo bagiye kumuha serivise mu gihe umuturage ugiye gushaka serivise aba azi aho agiye. Niba agiye gufotoza irangamuntu cyangwa ikindi cyangombwa n'ubundi azi aho ari bubonere iyo serivisi.'

Yongeyeho ko aba basore biyise abataka harimo n'abajura bashikuza abaturage telefone cyane ko ngo hari nabagiye babitangira ibirego.

Abataka bavuga ko bashinjwa kuba abajura kandi ari abantu bihangiye umurimo

Usibye kugira uruhare mu rugamba rwo kubohora igihugu, yakoze inshingano zitandukanye zirimo kuba yarabaye Umuyobozi w'Umutwe ushinzwe kurinda Umukuru w'Igihugu (Republican Guard); Umugaba Mukuru w'Ingabo zirwanira ku butaka, Umugaba Mukuru w'Inkeragutabara ndetse yapfuye yari Umugenzuzi Mukuru wa RDF.

Asize umuryango ugizwe n'umugore n'abana bane.

Mu gihe cy'urugamba rwo kubohora igihugu, Jacques Musemakweli wari Captain, yari umuganga ushinzwe kwita ku ngabo zakomeretse.

Umwe mu bazi neza Lt Gen Musemakweli yabwiye IGIHE ko yari mu buyobozi bwa APR itangira, gusa ntibari bazi ko izakomera kuko byari uburyo Gen Paul Kagame wayoboraga ingabo za APR icyo gihe, yari ashyizeho bwo kwidagadura mu gihe hari imishyikirano intambara ihagaze ho gato.

Mu gushinga iyi kipe, hatoranyijwe abasirikare muri batayo zitandukanye hitegurwa umukino wahuje APR n'urubyiruko rwahuzaga amashyaka atavuga rumwe na Habyarimana rwagiye gukina ku Murindi.

Musemakweli na we yari mu bakurikiranaga ibikorwa by'iyi kipe ariko umuyobozi mukuru yari Umukuru w'Ingabo za FPR Inkotanyi. Musemakweli yarakinaga kandi ari n'umuyobozi, ibyatumaga afatwa nk'aho ayiyoboye kuko yabonekaga mu bakinnyi kandi ari no mu buyobozi.

Abayireberaga kugeza igeze i Kigali mu 1994 ni Caeser Kayizari, Musemakweli na Ngenzi Eustache witabye Imana mu 2008.

Nyuma y'umukino wahuje Inkotanyi n'urubyiruko rw'mashyaka ataravugaga rumwe na Leta, Gen Paul Kagame yategetse ko ikipe igumaho hagashyirwaho ubuyobozi bwayo buhamye abakinnyi bakagumana.

Caesar Kayizari ni we wabaye Perezida, Musemakweli aba ushinzwe ubuzima bwa buri munsi bw'ikipe (Team Manager).

Lt Gen Jacques Musemakweli yitabye Imana azize uburwayi

Yari umwe mu basirikare igihugu gikesha kuba uyu munsi gifite umutekano n'amahoro asesuye

Hari hashize imyaka myinshi ari mu buyobozi bukuru bw'ingabo z'u Rwanda

Lt Gen Jacques Musemakweli aha yaganirana na Gen Romeo Dallaire

Mu 2016 ubwo Jacques Musemakweli wari ufite ipeti rya Major General yari amaze kurahirira kuba Umugaba w'Ingabo zirwanira ku butaka, we n'umuryango we bafashe ifoto y'urwibutso hamwe na Perezida Kagame

Iyi foto yafashwe kuwa 29 Werurwe 2016 ubwo Jacques Musemakweli wari ufite ipeti rya Geneneral Major yarahiriraga kuba Umugaba w'Ingabo zirwanira ku butaka

Lt Gen Jacques Musemakweli ni umwe mu basirikare barwanye urugamba rwo kubohora igihugu

Aha Musemakweli yaganiraga na Gen Fred Ibingira bari mu Ngoro y'Inteko Ishinga Amategeko

Lt Gen Jacques Musemakweli (uwa kabiri iburyo) mu muhango wo gusoza amasomo ya gisirikare wabereye i Gako ku wa 29 Ugushyingo 2019

Lt Gen Jacques Musemakweli (wicaye inyuma ya Minisitiri w'Ubuhinzi n'Ubworozi, Dr Mukeshimana Gerardine) ubwo yari yitabiriye umuhango w'irahira ry'abayobozi batandukanye wabereye mu Nteko Ishinga Amategeko ku wa 6 Ukuboza 2019

Lt Gen Jacques Musemakweli mu ifoto y'urwibutso hamwe na Perezida Kagame

Lt Gen Jacques Musemakweli ubwo ku wa 14 Ugushyingo yarahiriraga kuba Umugenzuzi Mukuru wa RDF

Lt Gen Jacques Musemakweli n'umuryango we mu ifoto y'urwibutso na Perezida Kagame

Umwana wa Lt Gen Jacques Musemakweli aramutsa Perezida Kagame

Lt Gen Jacques Musemakweli (ubanza ibumoso mu bicaye) ubwo yafataga ifoto y'urwibutso hamwe na Perezida Kagame mu muhango wo gusoza amasomo ya gisirikare wabereye i Gako ku wa 16 Ugushyingo 2019

Lt Gen Jacques Musemakweli (wa kabiri uturutse ibumoso) ateye isaruti ubwo haririmbwaga indirimbo yubahiriza igihugu mu muhango wabereye mu Nteko Ishinga Amategeko wo kurahira kw'abayobozi ku wa 14 Ugushyingo 2019

Gen. Jacques Musemakweli ubwo yari akurikiye imikino yahuje abasirikare mu gikombe cy’Intwari cya 2019

Abari bazi Lt Jacques Musemakweli (iburyo) basobanura ko ari umuntu wakundaga kuganira

Lt Jacques Musemakweli (iburyo) yari umukunzi w'umupira w'amaguru aho bivugwa ko yanawukinnye

Aha Gen Jacques Musemakweli wari Umugaba w’ingabo zirwanira ku butaka yari kumwe na Emmanuel Gasana wayoboraga Polisi y'Igihugu

Mu Ugushyingo 2017 ubwo Gen Maj Jacques Musemakweli yafatanyaga gutera morali n'abasirikare bari bagiye mu butumwa bw'amahoro i Darfur

Lieutenant General Jacques Musemakweli (hagati) atera urwenya na Gen Fred Ibingira (iburyo) na Gen Maj Innocent Kabandana (ibumoso)

Lt Gen Musemakweli yakundaga kugaragara mu bikorwa hafi ya byose bya APR FC

Inkuru y’urupfu rwa Lt. Gen. Jacques Musemakweli yamenyekanye ahagana saa tanu z’ijoro

Lt. Gen. Jacques Musemakweli wari Umugenzuzi Mukuru w'Ingabo z'u Rwanda (RDF) yitabye Imana

Lt. Gen. Jacques Musemakweli ubwo yitabiraga Inama Nkuru ya RDF yabaye muri Gashyantare 2019

Lt. Gen. Jacques Musemakweli yabaye Umuyobozi ushinzwe Ingabo zirinda Umukuru w'Igihugu ndetse uyu mwanya yawuvuyeho mu 2016. Icyo gihe yari agifite ipeti rya Maj. Gen.

Lt. Gen. Jacques Musemakweli yabaye igihe kinini Umuyobozi wa APR FC

Lt. Gen. Jacques Musemakweli (Iburyo) ni umwe mu basirikare bakuru mu Ngabo z’u Rwanda bakundaga umupira w’amaguru ndetse inshuro nyinshi yagaragaraga kuri stade cyane ku mikino ya APR FC

Muri Gicurasi umwaka ushize ubwo Lt Gen Jacques Musemakweli yasezeraga kuri Bwitare Nyirinkindi Eulade witabye Imana

Aha hari muri Mata 2019 ubwo Lt Gen Jacques Musemakweli (uwa gatatu uturutse iburyo) wari Umugaba Mukuru w'Inkeragutabara yari mu gikorwa cyo gutangiza gahunda y'ibikorwa by'ingabo z'igihugu mu iterambere ry'abaturage mu Karere ka Rwamagana

Lt Gen Jacques Musemakweli ubwo muri Mutarama 2019 yahaga impanuro abasirikare bari bagiye mu butumwa bw'amahoro muri muri Sudani i Darfur

Lt Gen Jacques Musemakweli ubwo muri Kanama 2018 yasozaga amahugurwa ya gisirikare azwi nka Accord yabereye i Gako

Lt Gen Jacques Musemakweli ubwo yatahaga umudugudu w'icyitegererezo wa Rugeyo wubakiwe abatishoboye

Muri Mutarama 2018 nibwo Jacques Musemakweli yazamuwe mu ntera ahabwa ipeti rya Lieutenant General avuye kuri General Major

Mu Ukwakira 2020, ubwo Lt Gen Jacques Musemakweli yasuhuzaga Umutoza wungirije wa APR FC

Muri Werurwe 2016 ubwo Jacques Musemakweli wari ufite ipeti rya General Major yarahiriraga kuba Umugaba w’Ingabo zirwanira ku butaka

Lt. Gen. Jacques Musemakweli yishimana n’abakinnyi ba APR FC ubwo yegukanaga igikombe cya shampiyona mu 2018

Ubwo APR FC yari imaze kwegukana igikombe cya Shampiyona, Musemakweli yagiye mu kibuga ashimira abakinnyi barimo Kimenyi Yves wari umunyezamu icyo gihe

Amakuru dukesha Ikigo cy’Igihugu cy’Itangazamakuru RBA, avuga ko Padiri Habimfura Jean Baptiste yafatiwe ku mupaka wa Rusumo agerageza gutoroka.

Uyu mupadiri akekwaho gusambanya umwana w’umuhungu w’imyaka 17 utarageza imyaka y’ubukure.

Umuvugizi wa RIB, Dr Murangira Thierry avuga ko Padiri Habimfura afungiye kuri Stasiyo ya RIB ya Nyamabuye mu Karere ka Muhanga.

UKWEZI.RW