Category: Uncategorized

Abaturage bo mu gihugu cya Repubulika Iharanira Demokarasi ya Kongo bavumbuye umusozi wuzuyeho zahabu barwanira kuzicukura ngo bagire nyinshi cyane basezere ku bukene.

Mu mashusho yakwirakwijwe ku mbuga nkoranyambaga,abaturage benshi bo muri iki gihugu gikungahaye ku mabuye y'agaciro baguye kuri izi zahabu zuzuye umusozi buri wese arwanira kujya gucukura no kugwiza nyinshi kurusha abandi.

BBC yatangaje ko Leta y'iki gihugu yahise yohereza abasirikare bo kurinda aka gace kuzuyemo zahabu cyane ko benshi bari kuhasiga ubuzima bapfa ubu bukungu.

Umunyamakuru wa BBC muri RDC yavuze ko izi zahabu zavumbuwe mu giturage kitwa Birava, gaherereye kuri 35km mu majyaruguru ya Bukavu.

Nubwo RDC iri mu bihugu bya mbere ku isi mu kugira amabuye y'agaciro menshi cyane,iri no mu bihugu bya mbere ku isi bikennye nubwo hari abantu ku giti cyabo bigwijeho umutungo.

Icyakora muri iki gihugu mu ntara ya Kwango mu Burengerazuba,haravugwa indwara y'amayobera imaze guhitana abantu 15 guhera mu mpera z'ukwezi gushize.

Guverineri w'iyi ntara yavuze ko iyi ndwara itangira umuntu aribwa umutwe,uburibwe bugakwira hose bwivanze n'umuriro hanyuma umuntu akananirwa guhumeka.

Source : http://umuryango.rw/ubuzima-115/udushya/article/rdc-abaturage-bavumbuye-umusozi-wuzuye-zahabu-barwanira-kuzicukura-karahava

Abahanzi bamaze igihe muri uyu muziki barimo: Neg-G, P Fla na Rafiki bafatanyije n'abo mu kiragano gishya barimo: B-Threy, Racine na Chris Eazy bakora indirimbo ‘Ese warubizi’ yatunganyijwe na Enobeatza afatanyije na Trackslayer mu buryo bw'amajwi, amashusho yayo ayoborwa anatunganywa na Eliel Sando (Eliel Filmz).

Eliel Sando nyiri igitekerezo cyo gusubiramo indirimbo ‘Nta muntu wari uzi ibi bintu’ yabwiye InyaRwanda ko ari umusanzu yifuza gutanga. Ati:”Ni umusanzu kuri Hiphop no ku bakunzi bayo, byose bigamije kuyiteza imbere''. Akomeza avuga ko gusubiramo iyi ndirimbo byavuye ku bakunzi ba muzika ndetse na we ubwe kuko yarabishyigikiye.

Gukorana na Rafiki, P Fla n'abahanzi bashya avuga ko ari uguhuza imbaraga kandi abo bahanzi bafite urukundo rwa muzika. Harimo umuhanzi witwa Chris Eazy, Eliel avuga ko hari icyo bamushakagaho kirimo ubuhanga bwo kuvanga injyana yo hambere (Old School) n'injyana nshya (new school) kandi ahamya ko uwo musanzu bamushakagaho yawutanze bitewe n'ubuhanga afite. 

Rafiki muri iyi ndirimbo agendera mu njyana abandi baririmbiramo. Ati: “Umuhanzi w’umuhanga aririmba injyana zitandukanye kandi Rafiki ni umuhanga yarabyerekanye''. Hari agace gasoza iyi ndirimbo aho Eliel ashimira The Cat umaze kubaka izina ku mbuga nkoranyambaga hano mu Rwanda ni ubwo benshi batamuvugaho rumwe. 

Elieli ati: “Thecatbabalao yagaragaje gushyigikira uyu mushinga kuva ku ndirimbo ya mbere kugeza kuri iyi isubiyemo urumva rero turi mu bihe bitoroshye ariko we yakomeje gushyigikira uyu mushinga''.

Enobeatz wagize uruhare muri iyi ndirimbo ni umuhanga mu gucura injyana (Beats) ari na wo musanzu we muri iyi ndirimbo naho Trackslayer yafashe amajwi yayo aranayayungurura (Recording, mastering and mixing)

Eliel Sando asaba abantu gukomeza gushyigikira Hip Hop no kuyiteza imbere. ‘Ese Warubizi’ ifite iminota 4 n’amasegonda 24. Ni indirimbo Neg-G aririmbamo asa nk'ubwira abanyamakuru bo muri iki kiragano ko badakunda gukina Hip Hop mu bitangazamakuru.

P Fla we asa nk’ucyurira bamwe mu batwaye Primus Guma guma Super Star none bakaba barasubiye inyuma muri muzika. Anagaruka ku mubano wahoze hagati ya Safi Madiba na Nizzo Kabosi. Ntasoreza aho kuko anibutsa abantu amwe mu matsinda yahozeho akaba yarabaye amateka (UTP Solidiers). B-Threy we yumvikana yishongora ko agiye gufata Kinyatrap akayihindura mpuzamahanga.

REBA HANO INDIRIMBO ‘ESE WARUBIZI’ IRIMO ABAHANZI B’AMAZINA AKOMEYE

Source : https://inyarwanda.com/inkuru/103559/benshi-bari-bayitegerezanyije-amatsiko-indirimbo-ese-warubizi-ihuriyemo-abahanzi-bakuru-na-103559.html

Mu marushanwa burya ni ngombwa ko haboneka uwa mbere n’uwa nyuma, gusa abakobwa 10 ba mbere barahabwa amahirwe yo kwinjira BootCamp, kuko hazashingirwa mu manota babonye mu buryo bwo kohereza ubutumwa bugufi no kuri interineti.

Harabura iminsi 2 abakobwa 20 bakamenyekana, muri iyi minsi isigaye, aba bakobwa bose uko ari 37, bafite akazi katoroshye ko kwiyamamaza hifashishijwe imbuga nkoranyambaga basaba inshuti n'abavandimwe kubaha amajwi.

Uyu mwaka wa 2021 ibintu byahinduye umuvuno muri Miss Rwanda, babikora mu nzira z’iyakure hifashishwa interineti. Abakobwa 20 ba mbere bazagira amajwi menshi kurusha abandi (SMS na Online), bazahita babona PASS ibajyana mu mwiherero (Boot Camp), 17 basigaye batahe.

Gutora kuri SMS, ni ukujya ahandikirwa ubutumwa bugufi, ukandika ijambo MISS ugasiga akanya, ugashyiraho nimero y’umukobwa utoye hanyuma ukohereza kuri 1525. Amarushanwa ya ba Nyampinga usanga hajyamo abakobwa biyizeye ku bwenge, uburanga n'imishinga yabo baba bamuritse.

Ttariki 06 Werurwe 2021 ni bwo hazamenyekana abakobwa 20 bakomeje muri iri rushanwa, mu muhango uzaba kuva saa kumi kumi n’ebyiri z’umugoroba (6pm) LIVE kuri Televiziyo KC2 na shene ya Youtube ya Miss Rwanda Official.

Reka turebe uburanga bw'abakobwa 10 bayoboye abandi.

1.Kabagema Laila: Amajwi ;180,080 (SMS) na 25,905 (Online)

2.Ishimwe Sonia: Amajwi 153,822 (SMS) na 27,057(Online)

3.Musango Natalia: Amajwi;130,454 (SMS) na 28,072 (Online)

4.Uwase Kagame Sonia: Amajwi 73,215 (SMS) na 9,343 (Online)

5.Umutesi Lea: Amajwi 62,473 (SMS) na 15,979 (Online)

6.Akaliza Amanda:Amajwi 58,308 (SMS) na 7,581 (Online)

7.Akaliza Hope:Amajwi 52,559 (SMS) na 7,242 (Online)

8.Ingabire Grace: Amajwi 50,092 (SMS) na 9,074 (Online)

9.Mutesi Doreen: Amajwi 31,391(SMS) na 13,735 (Online)

10.Ingabire Esther: Amajwi 32,290 (SMS) na 6,011(Online)

Source : https://inyarwanda.com/inkuru/103546/missrwanda2021-uburanga-bwabakobwa-10-bayoboye-abandi-mu-majwi-103546.html

Iyi mpanuka yabaye ku wa Kabiri tariki ya 02 Werurwe 2021, ibera mu gace ka Ivirgarzama karimo imisozi miremire mu gihugu cya Bolivia, inzego z'umutekano muri ako gace zatangaje ko abantu 21 bahise bitaba Imana, mu gihe abandi 13 bakomeretse.

Tumiri wari muri iyo modoka yo mu bwoko bwa 'Bus' ari mu bantu barokotse, gusa akaba yakomeretse ku mugongo ndetse no mu Ivi.

Polisi yo mu gace ka Ivirgarzama impanuka yabereyemo, iracyakora imperereza kugira ngo havumburwe icyaba cyayiteye. Gusa ababonye uko iyi mpanuka yabaye bemeza ko umushoferi yataye umuhanda kubera imvura nyinshi yarimo igwa.

Ni inshuro ya kabiri Tumiri arokoka urupfu mu mpanuka zikomeye zahitanye ubuzima bwa benshi, kubera ko mu 2016 yarokotse impanuka y'indege yari itwaye abakinnyi ba Chapecoense yabereye muri Colombia, igahitana abantu 71, akaba ari umwe muri batandatu barokotse, none no kuri iyi nshuro yongeye kurokoka impanuka y'imodoka yahitanye ubuzima bw'abantu 21.

Nyuma yo kurokoka iyi mpanuka, Tumiri yagize ati:'Navuye mu modoka numva nataye umutwe, nicaye hasi, ivi ryanjye ryakomeretse, nongeye ndavuga nti 'Na none! Biragoye kubyizera, ndi umunyamugisha'.

Tumiri yarokotse impanuka y’imodoka yahitanye abantu 21

Tumiri yarokotse urupfu ku nshuro ya kabiri mu mpanuka yahitanye abantu 92

Tumiri ari mu bantu batandatu barokotse impanuka y’indege yahitanye ubuzima bw’abantu 71 mu 2016

Iyi mpanuka y’imodoka yasize Tumiri akomeretse mu ivi no ku mugongo

Source : https://inyarwanda.com/inkuru/103549/avuye-mu-mva-kabiri-amaze-kurokoka-impanuka-ebyiri-zahitanye-abantu-92-amafoto-103549.html

Hakize abantu 113 bituma umubare w'abamaze gukira bose uba 17,682 mu gihe abanduye babaye 146 batumye abamaze kwandura bose baba 19,334.

Abakirwaye babaye 1,396 barimo 11 barembye.Umugabo w'imyaka 71 niwe witabye Imana i Kigali.

Minisiteri y'Ubuzima yatangaje ko kuva mu gitondo cyo kuri uyu wa Kane tariki ya 4 Werurwe 2021, inkingo z'Icyorezo cya COVID-19 zakwirakwijwe mu Gihugu hose ndetse zikaba zirara zigejejwe ku bitaro by'Uturere n'iby'Intara bisaga 50, n'ibigo nderabuzima 508 biherereye mu bice bitandukanye.

Imodoka zitwara izo nkingo zazindukiye mu Mujyi wa Kigali ahaherereye izo nkingo, ndetse mu bice byo mu cyaro bitagendwa izo nkingo zatwawe n'indege za gisirikare z'Ingabo z'u Rwanda (RDF) n'iza Polisi y'Igihugu (RNP) zo mu bwoko bwa helicopter.

Izo ndege zaguye mu bice bitandkanye byo mu Majyepfo y'Igihugu, mu Majyaruguru, mu Burasirazuba n'Iburengerazuba, aho zegerezaga ibigo nderabuzima inkingo zikenewe bitewe n'umubare w'abakingirwa bahari.

Abayobozi b'ibitaro ni bo baje gufata inkingo ku bubiko bwazo mu Kigo cy'Igihugu cy'Ubuzima, bakaba na bo bahita bazigeza mu bigo nderabuzima aho inkingo zizatangirwa ku munsi w'ejo hakingirwa ibyiciro by'abarusha abandi ibyago byo kwandura no kuzahazwa na COVID-19.

Minisiteri y'Ubuzima ivuga ko inkingo za COVID-19 zaraye zakiriwe, uyu munsi zirara zigejejwe mu bitaro n'ibigo nderabuzima bya Leta mu gihugu hose, aho igikorwa cyo gukingira kizabera. Ivuga kandi ko amatsinda akurikirana igikorwa cy'ikingira yamaze gutegurwa mu bitaro byose by'uturere.

Ayo matsinda arimo abakozi bashinzwe gutanga inkingo, abashinzwe gukusanya amakuru y'abakingirwa, abashinzwe ibikoresho ndetse n'abakurikirana ingaruka zaterwa n'urukingo

Minisitiri w'Ubuzima Dr Ngamije yasobanuye ko abagiye gukingirwa ku ikubitiro bazwi; ni uguhera ku Bajyanama b'Ubuzima kuzamura kugeza ku muganga mukuru mu bitaro bya kaminuza, abakozi bo kwa muganga, mu bitaro ndetse no mu bigo nderabuzima.

Abandi ngo ni abafite indwara karande bakunda no kwivuriza muri ibyo bigo nderabuzima ndetse n'ibitaro ku buryo kubamenya na bo byoroshye. Ikindi kiciro ni icy'abantu bakuru bafite hejuru y'imyaka y'amavuko 65 bafite indwara karande cyangwa batazifite.

Ati: '[…] Ntihakagire umuntu uhaguruka ngo yitumire ajye ku kigo nderabuzima kwikingiza kandi dufite uburyo tuza kumuhamagara, bitabujije ko ashatse gusobanuza hari Inzego z'ibanze n'Inzego z'ubuzima yasobanuza, niba hari uwacikanwe dukora urutonde kugira ngo tube twasuzuma ikibazo cye'.

Biteganyijwe ko abandi bantu bazagenda bakingirwa uko u Rwanda ruzarushaho kubona umubare munini w'inkingo uko Ishami ry'Umuryango w'Abibumbye ryita ku Buzima (OMS) rizagenda ryemeza inkingo zizewe.

Source : http://umuryango.rw/amakuru/mu-rwanda/ubuzima/article/umugabo-wo-mu-mujyi-wa-kigali-yahitanwe-na-covid-19-mu-rwanda-harembye-abandi

Aba bombi basezeraniye mu murenge wa Niboye mu karere ka Kicukiro mu mujyi wa Kigali.

Niyomukesha Euphrance n'umwe mu bakinnyi ikipe ya RRA Women Volleyball Club igenderaho,akaba n'umwe mu barambye muri iyi kipe ihora ihanganiye igikombe cya shampiyona na UTB ndetse na APR WVC mu cyiciro cy'abagore.

Mucyo Philbert nawe azwi muri siporo hano mu Rwanda kuko yakinnye umupira w'amaguru ariko ubu asigaye ari umukozi wa Kaminuza ya UTB ushinzwe ibikorwa by'amakipe ya Volleyball y'iyi kaminuza (Team Manager), iy'abagore n'iy'abagabo.

Ubukwe bw'aba bombi buteganyijwe kuwa Gatandatu tariki 12 Werurwe 2021 nk'uko bigaragara ku rwandiko rw'ubutumire (Invitation).

Source : http://umuryango.rw/ubuzima-115/imibereho/article/niyomukesha-ukinira-rra-vc-yasezeranye-mu-mategeko-n-umwe-mu-bayobozi-ba-utb-vc

Umurambo wa se w'umuhungu waanzwe mu rugo watemaguwe mu gihe nyina na mushiki we nawe basanzwe bapfuye bari mu rugo.

Abashinzwe umutekano bavuze ko bataye muri yombi uyu musore kubera ko ariwe bakekaho kwica aba bantu 3 kubera ko ngo 'atashakaga kujya ku ishuri.'

Uyu musore yahise ahunga akimara gutema se mu maso arangije amwambika imyenda ye nkuko polisi yabyemeje.

Ibi byabanje kujijisha abashinzwe iperereza kuko baketse ko ari uyu muhungu wapfuye bitewe n'iyi myenda ye gusa baje kureba umurambo basanga n'uyu mugabo w'imyaka 40.

Uyu mwana w'umuhungu yafatiwe mu birometero birenga 1000 uvuye iwabo bituma abashinzwe iperereza bamukeka kurushaho.

Uyu mwana wishe ababyeyi be na mushiki we,yemereye polisi ko yabikoze nyuma yo gushwana na nyina cyane bapfa ko yamuhatiriza kujya ku ishuri.

Amakuru avuga ko uyu musore wari mu mwaka wa nyuma w'amashuri yari umuhanga mu ishuri ariko ngo yari umuswa mu mibare byatumye ahindura amashuri.

Amakuru avuga ko uyu muhungu yabanje kwica nyina akoresheje ishoka hanyuma ategereza ko na se ataha.Mushiki we niwe yishe nyuma.

Abaturanyi bavuze ko uyu muryango wari ubanye neza ndetse uyu musore ngo yakundaga cyane mushiki we.akanamwitaho cyane.

Uyu musore yabwiye Polisi ati 'Ahagana saa kumi n'imwe za nimugoroba,nishe mama.Nyuma saa kumi n'imwe n'igice cyangwa saa kumi n'ebyiri nica papa kubera ko nari nahungabanye.Saa kumi n'ebyiri na saa moya nibwo nishe mushiki wanjye w'imyaka 12.'

Mwarimu w'uyu musore yavuze ko atumva ukuntu yishe aba babyeyi be kuko nta mbaraga yagiraga ndetse n'igihagararo.Ngo yari umwana w'amagara make wakundaga umuziki.

Source : http://umuryango.rw/imyidagaduro/imikino/article/yishe-ababyeyi-be-bombi-na-mushiki-we-abahoye-kumuhatiriza-kujya-ku-ishuri

Source : https://yegob.rw/niba-ushaka-kubaho-neza-gerageza-gukora-ibi-bintu-mbere-na-nyuma-yo-gufata-amafunguro/

Tuchel yagizwe umutoza wa Chelsea mu kwezi kwa mbere asimbuye Frank Lampard wari utari kwitwara neza kandi yaraguriwe abakinnyi ba miliyoni 200 z'amapawundi.
Kugeza ubu Tuchel ntabwo aratsindwa na rimwe mu mikino 9 amaze gukina muri Chelsea zirimo 6 yatsinze.

Kante yavuze ko yanze kwerekeza muri PSG ubwo yatozwaga na Tuchel mu minsi ishize.Yagize ati 'Nari mbizi ko mu myaka ishize hari ibiganiro na Paris Saint-Germain ubwo yari umutoza wayo ariko ntabwo nari mbishaka.

Ntabwo byakunze kuko nari nishimye muri Chelsea kandi nayigumyemo.Ntabwo nigeze mbiganiraho n'umutoza.

Kuva Chelsea yagura Kante miliyoni £33 muri 2016 avuye muri Leicester City,amaze kuyikinira imikino isaga 200 ndetse yabaye umukinnyi ngenderwaho mu kibuga hagati.

N'golo Kante yavuze ko umwaka we wa mbere muri Chelsea ariwo yakunze kurusha iyindi kuko yakoranye neza n'umutoza Antonio Conte waje kwirukanwa nyuma.

Yagize ati 'Hamwe na Antonio Conte twamaze imikino irenga 10 dutsinda.Muri icyo gihe,twakinaga twifitiye icyizere,ikipe yakinaga neza cyane.Twarushaga amakipe yose twakinaga tugatsinda.Numvaga meze neza mu kibuga.Byari ibihe byiza.'

N'golo Kante yagowe n'imvune muri uyu mwaka w'imikino zatumye atakaza umwanya we kuko kuva Tuchel yaza amaze kubanza mu kibuga kabiri gusa.

Uyu mukinnyi yavuze ko yize byinshi muri iki gihe yari amaze yarabuze umwanya wo gukina by'umwihariko ngo yabonye ko iyo utari mu bihe byiza ukwiriye gutegereza kuko aribyo byafasha ikipe yose.

Source : http://umuryango.rw/imyidagaduro/imikino/article/n-golo-kante-yavuze-umutoza-yakunze-muri-chelsea-n-impamvu-yanze-gukinira-psg

Source : http://umuryango.rw/ad-restricted/article/umusore-amaze-gutakaza-ibihumbi-20-by-amadolari-yihinduza-ngo-ase-na-dragon