Webrwanda Backend

Category: Uncategorized

  • I Kigali hazamuwe ibendera rya Common Wealth (Amafoto) – #rwanda #RwOT

    Ibihugu 54 bigize uwo muryango byose byazamuye ibendera ry'umuryango nk'uko bisanzwe bikorwa buri wa Mbere wa kabiri wa Werurwe kuva mu 1902.

    Ni umunsi watangijwe witwa Empire Day ku ngoma y'Umwamikazi w'u Bwongereza witwaga Queen Victoria, maze mu 1958 uwari Minisitiri w'Intebe w'icyo gihugu kinawuyobora, Harold MacMillan, awuhindurira inyito uba Common Wealth Day.

    Mu kuwizihiza, kuri uyu wa Mbere ibendera rya Commonwealth ryazamuwe kuri Kigali Convention Centre, ahanateganyijwe kuzabera Inama y'Abakuru b'Ibihugu na za guverinoma byibumbiye muri uwo muryango, izwi nka CHOGM.

    Iyo nama iteganyijwe kuzaba mu Cyumweru cya tariki 21 Kamena 2021, nyuma y'uko yagombaga kuba muri Kamena 2020 igasubikwa kubera icyorezo cya Coronavirus cyugarije Isi.

    Mu butumwa yanyujije kuri Twitter, Minisitiri w'Ububanyi n'Amahanga n'Ubutwererane, Dr Vincent Biruta, yavuze ko u Rwanda rwishimiye kwifatanya n'amahanga kwizihiza uwo munsi ndetse yibutsa ko rwiteguye neza kwakira iyo nama.

    Yagize ati 'U Rwanda rwiteguye kwakira inama ikomeye kandi mu buryo butekanye, hubahirizwa amabwiriza y'Ishami ry'Umuryango w'Abibumbye ryita ku Buzima (OMS). Ruhaye ikaze Umuryango wa Commonwealth, ari nako dukomeza gusenyera umugozi umwe kugira ngo tugere ku ntego duhuriyeho.'

    Byitezwe ko muri uyu mwaka CHOGM izagaruka ku mihindagurikire y'ikirere, uburinganire ndetse n'urwego rw'ubuzima ku Isi.

    U Rwanda ruri muri Commonwealth kuva mu 2009. Rwo na Mozambique ni byo bihugu bibiri rukumbi biba muri uwo muryango bitarakolonijwe n'Abongereza.

    Ibirori byo kwizihiza uyu munsi ku rwego rwa Commonwealth byabaye mu buryo bw'ikoranabuhanga hirindwa icyorezo, bitandukanye n'uko mu myaka yabanje byaberaga i Londres ndetse bikitabirwa n'Umuyobozi w'uyu muryango akaba n'Umwamikazi w'u Bwongereza, Queen Elizabeth II.

    Kuwizihiza byanyuzwaga mu myiyereko ya gisirikare, amasengesho, imbyino n'ibindi ariko kuri iyi nshuro guhurira hamwe ntibirabaho.

    Insanganyamatsiko ya Common Wealth Day muri uyu mwaka iragaruka ku 'kugera ku hazaza hahuriweho'.

    Uko byari byifashe ubwo ibendera rya Commonwealth ryari rigiye kuzamurwa i Kigali

    Kuri Kigali Convention Center niho ibendera ryazamuriwe

    Ibendera rya Commonwealth ryazamuwe mu Mujyi wa Kigali

    Kigali Convention Center iri mu nyubako zizaberamo Inama ya CHOGM 2021

    Amafoto: CHOGM 2021

    Source : http://igihe.com/amakuru/u-rwanda/article/i-kigali-hazamuwe-ibendera-rya-common-wealth-amafoto

  • I Kigali hazamuwe ibendera rya Common Wealth (Amafoto) –

    Ibihugu 54 bigize uwo muryango byose byazamuye ibendera ry’umuryango nk’uko bisanzwe bikorwa buri wa Mbere wa kabiri wa Werurwe kuva mu 1902.

    Ni umunsi watangijwe witwa Empire Day ku ngoma y’Umwamikazi w’u Bwongereza witwaga Queen Victoria, maze mu 1958 uwari Minisitiri w’Intebe w’icyo gihugu kinawuyobora, Harold MacMillan, awuhindurira inyito uba Common Wealth Day.

    Mu kuwizihiza, kuri uyu wa Mbere ibendera rya Commonwealth ryazamuwe kuri Kigali Convention Centre, ahanateganyijwe kuzabera Inama y’Abakuru b’Ibihugu na za guverinoma byibumbiye muri uwo muryango, izwi nka CHOGM.

    Iyo nama iteganyijwe kuzaba mu Cyumweru cya tariki 21 Kamena 2021, nyuma y’uko yagombaga kuba muri Kamena 2020 igasubikwa kubera icyorezo cya Coronavirus cyugarije Isi.

    Mu butumwa yanyujije kuri Twitter, Minisitiri w’Ububanyi n’Amahanga n’Ubutwererane, Dr Vincent Biruta, yavuze ko u Rwanda rwishimiye kwifatanya n’amahanga kwizihiza uwo munsi ndetse yibutsa ko rwiteguye neza kwakira iyo nama.

    Yagize ati “U Rwanda rwiteguye kwakira inama ikomeye kandi mu buryo butekanye, hubahirizwa amabwiriza y’Ishami ry’Umuryango w’Abibumbye ryita ku Buzima (OMS). Ruhaye ikaze Umuryango wa Commonwealth, ari nako dukomeza gusenyera umugozi umwe kugira ngo tugere ku ntego duhuriyeho.”

    Byitezwe ko muri uyu mwaka CHOGM izagaruka ku mihindagurikire y’ikirere, uburinganire ndetse n’urwego rw’ubuzima ku Isi.

    U Rwanda ruri muri Commonwealth kuva mu 2009. Rwo na Mozambique ni byo bihugu bibiri rukumbi biba muri uwo muryango bitarakolonijwe n’Abongereza.

    Ibirori byo kwizihiza uyu munsi ku rwego rwa Commonwealth byabaye mu buryo bw’ikoranabuhanga hirindwa icyorezo, bitandukanye n’uko mu myaka yabanje byaberaga i Londres ndetse bikitabirwa n’Umuyobozi w’uyu muryango akaba n’Umwamikazi w’u Bwongereza, Queen Elizabeth II.

    Kuwizihiza byanyuzwaga mu myiyereko ya gisirikare, amasengesho, imbyino n’ibindi ariko kuri iyi nshuro guhurira hamwe ntibirabaho.

    Insanganyamatsiko ya Common Wealth Day muri uyu mwaka iragaruka ku “kugera ku hazaza hahuriweho”.

    Uko byari byifashe ubwo ibendera rya Commonwealth ryari rigiye kuzamurwa i Kigali

    Kuri Kigali Convention Center niho ibendera ryazamuriwe

    Ibendera rya Commonwealth ryazamuwe mu Mujyi wa Kigali

    Kigali Convention Center iri mu nyubako zizaberamo Inama ya CHOGM 2021

    Amafoto: CHOGM 2021

  • Minisitiri Munyangaju yashimiye Team Rwanda ayizeza gukemura bimwe mu bibazo ifite birimo n'uduhimbazamusyi #rwanda #RwOT

    Muri iyi shampiyona Nyafurika ya 2021, Team Rwanda yasoje imaze kwegukana imidali 14 yose hamwe,irimo umwe wa Zahabu, icyenda ya Feza n'ine y'Umuringa.

    Minisitiri Munyangaju yabwiye aba bakinnyi ati 'Turabashimira uko mwitwaye, ibyifuzo n'ibibazo byanyu nabyanditse; ibikoresho byo birakemuka vuba.Naho ku mwiherero ndasaba FERWACY gukora planning yabyo. Twiteguye kubafasha mukabona umusaruro.

    Kugeza ubu ibirarane bya 2019 byamaze kuboneka, uduhimbazamusyi twamaze kubivuganaho ku rwego rwa MINISPORTS muzatubona mbere ya Tour du Rwanda. Kuko muba mugomba gushimirwa nyuma yo gukoresha imbaraga no guhesha ishema igihugu.'

    Umutoza Sempoma Felix w'ikipe y'igihugu yavuze imbogamizi bahuye nazo ati 'Twagiye tutiguye uko bikwiye, kuko nta marushawa yari ahari.Nari kwifuza nk'umwiherero w'amezi 3. Ibibazo byinshi biri kutogora bishingiye ku bikoresho, amagare turi gukoresha ntagezweho ugereranyije n'abo duhangana, ushobora no kuba umurusha imbaraga akagutsinda.

    Umudali wa zahabu muri buri cyiciro warashobokaga ariko byasabaga gutegura abakinnyi cyane mu mutwe kubera uko babona ibikoresho bya bamwe twari duhanganye. Tubashimiye ko mwadutekerejeho.'

    Umuyobozi wa FERWACY,Murenzi Abdallah yavuze ko abatoza bakoze akazi kenshi, kuko benshi mu bakinnyi baherukaga gusiganwa muri Gashyantare cyangwa Werurwe 2020.

    Yashimiye Minisitiri Mimosa ku bikoresho bishya Minisports yabemereye gusa ntibyabageraho kubera ikibazo cy'isoko riri kugenda gake kubera COVID-19.

    Murenzi Abdallah yakomeje ati 'Turashaka gutangira imyiteguro ya Tour du Rwanda vuba, byaba byiza hakabamo n'amarushanwa kugira ngo bakarishye imyitozo. Hari abakinnyi basubira mu makipe yabo, twe tuzashyira imbaraga ku ikipe y'igihugu ariko n'abandi tuzafatanya.

    Ni ku nshuro ya gatatu Team Rwanda yari yitabiriye Shampiyona Nyafurika yabereye mu Misiri nyuma yo gukina iyo mu 2013 na 2017.

    Abakinnyi batandatu bari bagize Ikipe y'Igihugu Nkuru y'abagabo ni Areruya Joseph, Habimana Jean Eric, Mugisha Moïse, Mugisha Samuel, Nsengimana Jean Bosco na Nzafashwanayo Jean Claude.

    Ikipe y'ingimbi yari igizwe n'abakinnyi bane ari bo Iradukunda Valens, Niyonkuru Samuel, Mugabo Hussein na Tuyizere Etienne.

    Abakinnyi bane bari bagize Ikipe y'Igihugu Nkuru y'Abagore ni Ingabire Diane, Mukashema Josiane, Nzayisenga Valentine na Tuyishimire Jacqueline.

    Hagiye gutegurwa abakinnyi bazitabira Tour du Rwanda izaba muri Gicurasi uyu mwaka nyuma yo gusubikwa muri Gashyantare kubera Covid-19.


    Source : http://umuryango.rw/imyidagaduro/imikino/article/minisitiri-munyangaju-yashimiye-team-rwanda-ayizeza-gukemura-bimwe-mu-bibazo

  • Umukunzi wa Yverry yamukoreye agashya ku munsi we w'amavuko amubuza kugenda [AMAFOTO] #rwanda #RwOT

    Mu bifurije Yverry isabukuru y'amavuko harimo n'umukunzi we, Vanessa Uwase uzwi cyane ku izina rya Vanillah, wakoresheje amagambo meza y'urukundo ashimangira urukundo akunda Yverry. Kuri uyu munsi nyirizina, Vanillah yakoreye udushya dutandukanye Yverry turimo nuko yapfumuye ipine ry'imodoka ye kugirango ataza kumucika akagenda. Nyuma Vanillah yahise asangira na Yverry ifunguro ry'umunsi we w'amavuko yari yamuteguriye.

    Dore uko byagenze: Vanillah abifashijwemo n'undi musore babana witwa Yvan bajyanye muri parikingi aho Yverry araza imodoka ye maze bakuramo umwuka mu ipine ry'inyuma ry'imodoka ya Yverry. Vanillah amaze gukuramo umwuka muri iryo pine, yahise atereka umutsima (birthday cake) iruhande rw'ipine kugirango Yverry naza kureba uko byagenze ahite abona uwo mutsima hanyuma bahite bamuririmbira.

    Nyuma yo gukuramo umwuka muri iryo pine no gushyira umutsima iruhande rwaryo, Vanillah yasubiye muri salon. Muri icyo gihe Yverry yarari mu cyumba aho yararimo kwambara imyenda n'inkweto yitegura kugenda.

    Nyuma yuko arangije kwitegura, Yverry yasohotse mu cyumba ahita ajya muri parikingi akihagera yakubiswe n'inkuba abonye ipine ry'imodoka ye ritarimo umwuka. Yarababaye cyane arunama agiye kureba ko haba hari ikintu cyaripfumuye kiri munsi y'imodoka ye.

    Akimara kunama yahise akubita amaso ikarito irimo umutsima yari yateguriwe na Vanillah ku isabukuru ye y'amavuko. Akiwubona, Vanillah n'undi musore babana bahise bamuririmbira bati 'happy birthday to you…….', Yverry byaramurenze akanyamuneza kaba kenshi mu maso araseka. Ubwo gahunda yo kugenda yahise yibagirana.

    Yverry, Vanillah ndetse n'undi musore babana witwa Yvan, bahise basubira muri salon maze Yverry abifashijwemo na Vanillah bafatanya umutsima (birthday cake) ndetse banasangira ifunguro ry'umunsi bari bateguriye Yverry. Ubwo Yverry yibagiwe atyo gahunda yari afite baba bamwemeje batyo.







    Source : http://umuryango.rw/imyidagaduro/article/umukunzi-wa-yverry-yamukoreye-agashya-ku-munsi-we-w-amavuko-amubuza-kugenda

  • CNLG yamuritse igitabo kigaragaza itegurwa n’ishyirwa mu bikorwa ry’umugambi wa Jenoside (Amafoto na Video) –

    Iki gitabo cyanditswe mu ndirimbo eshatu [Ikinyarwanda, Igifaransa n’Icyongereza], cyahawe umutwe ugira uti ‘Rwanda 1991-1994: Itegurwa n’ishyirwa mu bikorwa ry’umugambi wa Jenoside yakorewe Abatutsi mu Rwanda’.

    Ni igitabo cyamuritswe kuri uyu wa Mbere tariki 8 Werurwe, mu gihe abanyarwanda bitegura kwifatanya n’Isi mu bikorwa byo kwibuka ku nshuro ya 27 Jenoside yakorewe Abatutsi biteganyijwe gutangira ku wa 7 Mata 2021.

    Iki gitabo gikubiyemo ibice bitanu, icya mbere gisobanura bimwe mu bikorwa byaranze itegurwa rya Jenoside yakorewe Abatutsi kuva muri 1991 no mu myaka yakurikiyeho kugeza tariki ya 7 Mata, 1994. Igice cya kabiri cyerekana uburyo Jenoside yashyizwe mu bikorwa. Igice cya gatatu cyerekana uruhare rwa bamwe mu bari bagize Leta y’abicanyi.

    Igice cya kane cyerekana umwihariko w’abaganga n’abandi bakozi bo mu bitaro mu kurimbura Abatutsi, igice cya gatanu cyerekana uburyo Umuryango w’Abibumbye watinze kwemeza ko mu Rwanda hari Jenoside irimo gukorerwa Abatutsi, nyuma ukaza kubyemeza nyuma y’impaka nyinshi.

    Mu muhango wo kumurika iki gitabo, Umunyamabanga Nshingwabikorwa wa CNLG, Dr Bizimana Jean Damascène yavuze ko undi mwihariko w’iki gitabo ari uko kigaragaza uko Jenoside yagiye ikorwa itariki ku yindi, guhera tariki 7 Mata 1994, buri munsi na buri hantu.

    Ati “Icyo nicyo kintu navuga gishya kuko kugeza uyu munsi ibitabo byinshi byanditswe bivuga ku mateka ya Jenoside ariko nta gitabo cyari cyashobora gukusanya amakuru n’ubushakashatsi buvuga kuri Jenoside mu gihugu imbere buri hantu habereye ibikorwa by’ubwicanyi kugira ngo tugaragaze iby’ingenzi byaburanze.”

    Umwihariko wa Leta mu gutegura no gukora Jenoside

    Muri iki gitabo hagarukwa ku buryo bw’umwihariko ishyirwaho rya Komite iyobora ibikorwa bya Auto-defense civile yagiyeho muri Mutarama 1992, igomba gukurikirana ibikorwa byo guha abaturage intwaro n’imyitozo ya gisirikare.

    Kandi hagati ya Mutarama 1993 na Werurwe 1994, haguzwe toni 581 z’imihoro zinjijwe mu Rwanda, iyo mihoro yakwirakwijwe mu baturage ikoreshwa Jenoside.

    Dr Bizimana yakomeje agira ati “Auto-defense civile, ni igikorwa cyo gutegura kwica Abatutsi, igitekerezo gitangwa na Perezida Habyarimana ubwe mu 1991, amaze gutanga icyo gitekerezo cy’uko hashyirwaho uburyo abaturage bahabwa intwaro n’imyitozo […] icyo gikorwa cyarakozwe haba mu kugitegura.”

    “Ariko bigeze muri jenoside nyir’izina, Guverinoma igifata nk’igikorwa cyayo cyihariye, abaminisitiri bahabwa uburyo bwo gukurikirana ishyirwa mu bikorwa rya Auto-defense civile muri za perefegitura zitandukanye ku buryo buri mu minisitiri yamanutse akajya kuba muri perefegitura ashinzwe kugira ngo jenoside ishobora gukorwa mu buryo bwose kandi bwihuse anarebe n’ibikenewe kugira ngo jenoside yihute.”

    Yavuze kandi ko Guverinoma y’abicanyi yakomeje gushaka uburyo yagura intwaro zo gukoresha ku rugamba no kwica Abatutsi.

    Muri politiki yayo yo gutsemba Abatutsi hakoreshejwe icyiswe “Auto-Defense Civile”, gahunda ngome yo kwinjiza abaturage benshi b’Abahutu mu bwicanyi, ikaba yaratanzwemo intwaro ndetse n’amafaranga kugira ngo kwica Abatutsi byihutishwe bityo aho FPR izajya igera hose ijye isanga Abatutsi barashize.

    Muri iki gitabo kandi hibanzwe ku kureba inzego za leta by’umwihariko izifite ubuzima mu nshingano arizo abaganga, abaforomo n’abaforomokazi.

    CNLG igaragaza ko kimwe mu biranga ubukana bwa Jenoside yakorewe Abatutsi muri 1994, ari uko nta hantu na hamwe abicanyi batakoreye Jenoside, haba muri za Kiliziya, mu nsengero no mu mavuriro.

    Ikiremereye kurushaho ni uko na bamwe mu bari bashinzwe kurengera ubuzima bw’abantu, harimo abaganga babirahiriye mu mwuga wabo, aribo babaye ku isonga yo gukora Jenoside, cyane cyane mu bitaro, mu bigo nderabuzima no mu mavuriro.

    Benshi mu baganga, abaforomo n’abakozi b’ibitaro n’ibigo nderabuzima bishe Abatutsi bari bahahungiye, abandi bagiye mu bitero no gutanga amabwiriza yo kwica. Ubu bwicanyi bwakorewe hose mu Rwanda.

    Mu gihugu hose, umubare w’abaganga bamenyekanye bakoze Jenoside ni 59 barimo 25 bakoreye Jenoside mu Mujyi wa Butare. Naho umubare wose w’abaforomo n’abakozi bo mu bitaro no mu bigo nderabuzima bakoze Jenoside bashoboye kumenyekana ni 74 harimo 31 bayikoreye i Butare.

    Dr Bizimana ati “Muri jenoside nta hantu na hamwe abantu bahungiye ngo bareke kuhicirwa, twagize igice duharira abaganga, abaforomo n’abandi bakozi bo mu bitaro kugira ngo twerekane ko ububi Jenoside kuko nta hantu na hamwe abatutsi bashoboraga guhungira ngo bahabonere amaramuko no kubarengera.”

    Muri iki gitabo kandi hagarukwa ku buryo Umuryango w’Abibumbye watinze kwemeza ko Abatutsi mu Rwanda barimo gukorerwa Jenoside. Inama y’Umutekano y’Umuryango w’Abibumbye yari yakomeje kwirengagiza ikibazo cya Jenoside yakorerwaga Abatutsi kuva tariki ya 7 Mata 1994, ndetse iza no kugabanya ubushobozi buhabwa MINUAR iyisigira gusa abasirikare 250.

    Hakomeje impaka z’urudaca, bimwe mu bihugu by’ibihangange, nk’u Bufaransa na Leta Zunze Ubumwe za Amerika, byanga ko ubwicanyi bwakorerwaga Abatutsi mu Rwanda bwari Jenoside kandi nyamara byarahabwaga amakuru nyayo.

    Tariki ya 25 Gicurasi 1994, Boutros Boutros-Ghali wari Umunyamabanga Mukuru w’Umuryango w’ Abibumbye yemeje ko ubwicanyi bubera mu Rwanda ari Jenoside.

    Dr Bizimana yavuze ko byaje gushimangirwa na René Degni Segui, impuguke ya Komisiyo y’Umuryango w’Abibumbye y’Uburenganzira bwa Muntu, avuye gukora iperereza mu Rwanda akemeza ko Abatutsi bari mo gukorerwa Jenoside.

    CNLG itangaza ko iki gitabo gifite amapaji agera kuri 400, kizagezwa hirya no hino mu gihugu kugira ngo kizafashe abanyarwanda bose by’umwihariko mu bihe by’iminsi 100 yo kwibuka Jenoside yakorewe Abatutsi.

    Dr Bizimana yagaragaje ko Jenoside yakorewe Abatutsi ari umugambi wari wateguwe

    Umunyamabanga Nshingwabikorwa wa CNLG, Dr Bizimana Jean Damascène yamuritse ku mugaragaro igitabo kigaragaza itegurwa n’ishyirwa mu bikorwa ry’umugambi wa Jenoside yakorewe Abatutsi

    Ni igitabo kiri mu ndimi eshatu, Ikinyarwanda, Icyongereza n’Igifaransa

    Amafoto: Niyonzima Moise

    Video: Mbabazi Jean de Dieu

  • Ingabire Victoire abeshya ko yavuye muri FDU-Inkingi kandi ayiyoboye; uyu munsi aragirana ikiganiro n'abagore bo muri iryo shyaka #rwanda #RwOT

    Murwego rwo gukomeza kubagezaho urutonde rwa bamwe mu barwanya Leta y'u Rwanda, abakorana n'abatera inkunga abanzi b'Igihugu cy'u Rwanda uyu munsi turabagezaho ishyirahamwe rigizwe n'abagore babarizwa mu ishyaka rya FDU-Inkingi ya Victoire Ingabire, nubwo ajijisha ngo yahimbye irindi shyaka ryitwa DALFA-Umurinzi.

    Iryo shyirahamwe rizwi nka 'Réseau international des femmes pour la Démocratie et la Paix — Rifdp' mu Kinyarwanda rikaba rizwi nk'Ihuriro Mpuzamahanga ry'abagore bagamije kwimakaza amahoro na demokarasi, nyamara ari itsinda ry'abagore b'abahezanguni cyane cyane ko baba bafite abagabo b'abahezanguni abenshi ari abahunze kubera ibyaha bya Jenoside yakorewe Abatutsi.

    Interahamwe zose zibarizwa muru FDU-Inkingi uhereye kuri Charles Ndereyehe Ntahobatuye, ugakomeza mu Bubiligi kwa Marcel Sebatware ….ni ishyirahamwe ry'abagore bo muri FDU Inkingi. Ariko mu rwego rwo gushaka kwerekana ko batari mu bikorwa bya Politiki biyise izina ritandukanye na FDU Inkingi kandi ari Urugaga rw'abagore biri shyaka

    Mu byo bategura buri mwaka harimo icyiswe 'Ingabire Day'.
    Ibi babikora bazi neza ko Ingabire ari umunyabyaha wakatiwe n'inkiko z'u Rwanda ku byaha byo kubangamira umudendezo w'igihugu, kwamamaza ibihuha bigamije gukurura amakimbirane ndetse n'ibindi.

    Amakuru agera kuri Rushyashya ava i Buruseli mu gihugu cy'u Bubiligi aravuga ko ku mugoroba wo kuwa mbere tariki 8 Werurwe 2021, haza kuba ikiganiro aho abo bagore bakira Victoire Ingabire, warekuwe ku mbabazi za Perezida Kagame. Amategeko avugako umuntu wakatiwe n'inkiko igihe kirenze amezi atandatu aba afite ubusembwa bwo gukora imirimo imwe n'imwe harimo ubuganga,Ubwarimu, polotiki n'ibindi. Mu bandi bavuga muri icyo kiganiro harimo Ann Garrisson, umugore wiyemeje kuba umuvugizi w'abajenosideri ndetse akaba n'umuhakanyi wa Jenoside yakorewe Abatutsi.

    Kuba urugaga rw'abagore bo muri FDU Inkingi rwakira umunyabyaha nk'umushyitsi mukuru, nuko nabo ari abanyabyaha ndetse nibyo bakora babeshya ko bavuga ndetse bateza imbere amahoro kandi ahubwo bateza imbere imvururu. Ikindi uyu muhango werekanye, ni uko nubwo Ingabire abeshya ko yavuye muri FDU Inkingi ahubwo ariwe uyiyobora.

    The post Ingabire Victoire abeshya ko yavuye muri FDU-Inkingi kandi ayiyoboye; uyu munsi aragirana ikiganiro n'abagore bo muri iryo shyaka appeared first on RUSHYASHYA.

    Source : https://rushyashya.net/ingabire-victoire-abeshya-ko-yavuye-muri-fdu-inkingi-kandi-ayiyoboye-uyu-munsi-aragirana-ikiganiro-nabagore-bo-muri-iryo-shyaka/

  • CNLG yamuritse igitabo kigaragaza itegurwa n'ishyirwa mu bikorwa ry'umugambi wa Jenoside (Amafoto na Video) – #rwanda #RwOT

    Iki gitabo cyanditswe mu ndirimbo eshatu [Ikinyarwanda, Igifaransa n'Icyongereza], cyahawe umutwe ugira uti 'Rwanda 1991-1994: Itegurwa n'ishyirwa mu bikorwa ry'umugambi wa Jenoside yakorewe Abatutsi mu Rwanda'.

    Ni igitabo cyamuritswe kuri uyu wa Mbere tariki 8 Werurwe, mu gihe abanyarwanda bitegura kwifatanya n'Isi mu bikorwa byo kwibuka ku nshuro ya 27 Jenoside yakorewe Abatutsi biteganyijwe gutangira ku wa 7 Mata 2021.

    Iki gitabo gikubiyemo ibice bitanu, icya mbere gisobanura bimwe mu bikorwa byaranze itegurwa rya Jenoside yakorewe Abatutsi kuva muri 1991 no mu myaka yakurikiyeho kugeza tariki ya 7 Mata, 1994. Igice cya kabiri cyerekana uburyo Jenoside yashyizwe mu bikorwa. Igice cya gatatu cyerekana uruhare rwa bamwe mu bari bagize Leta y'abicanyi.

    Igice cya kane cyerekana umwihariko w'abaganga n'abandi bakozi bo mu bitaro mu kurimbura Abatutsi, igice cya gatanu cyerekana uburyo Umuryango w'Abibumbye watinze kwemeza ko mu Rwanda hari Jenoside irimo gukorerwa Abatutsi, nyuma ukaza kubyemeza nyuma y'impaka nyinshi.

    Mu muhango wo kumurika iki gitabo, Umunyamabanga Nshingwabikorwa wa CNLG, Dr Bizimana Jean Damascène yavuze ko undi mwihariko w'iki gitabo ari uko kigaragaza uko Jenoside yagiye ikorwa itariki ku yindi, guhera tariki 7 Mata 1994, buri munsi na buri hantu.

    Ati 'Icyo nicyo kintu navuga gishya kuko kugeza uyu munsi ibitabo byinshi byanditswe bivuga ku mateka ya Jenoside ariko nta gitabo cyari cyashobora gukusanya amakuru n'ubushakashatsi buvuga kuri Jenoside mu gihugu imbere buri hantu habereye ibikorwa by'ubwicanyi kugira ngo tugaragaze iby'ingenzi byaburanze.'

    Umwihariko wa Leta mu gutegura no gukora Jenoside

    Muri iki gitabo hagarukwa ku buryo bw'umwihariko ishyirwaho rya Komite iyobora ibikorwa bya Auto-defense civile yagiyeho muri Mutarama 1992, igomba gukurikirana ibikorwa byo guha abaturage intwaro n'imyitozo ya gisirikare.

    Kandi hagati ya Mutarama 1993 na Werurwe 1994, haguzwe toni 581 z'imihoro zinjijwe mu Rwanda, iyo mihoro yakwirakwijwe mu baturage ikoreshwa Jenoside.

    Dr Bizimana yakomeje agira ati 'Auto-defense civile, ni igikorwa cyo gutegura kwica Abatutsi, igitekerezo gitangwa na Perezida Habyarimana ubwe mu 1991, amaze gutanga icyo gitekerezo cy'uko hashyirwaho uburyo abaturage bahabwa intwaro n'imyitozo […] icyo gikorwa cyarakozwe haba mu kugitegura.'

    'Ariko bigeze muri jenoside nyir'izina, Guverinoma igifata nk'igikorwa cyayo cyihariye, abaminisitiri bahabwa uburyo bwo gukurikirana ishyirwa mu bikorwa rya Auto-defense civile muri za perefegitura zitandukanye ku buryo buri mu minisitiri yamanutse akajya kuba muri perefegitura ashinzwe kugira ngo jenoside ishobora gukorwa mu buryo bwose kandi bwihuse anarebe n'ibikenewe kugira ngo jenoside yihute.'

    Yavuze kandi ko Guverinoma y'abicanyi yakomeje gushaka uburyo yagura intwaro zo gukoresha ku rugamba no kwica Abatutsi.

    Muri politiki yayo yo gutsemba Abatutsi hakoreshejwe icyiswe 'Auto-Defense Civile', gahunda ngome yo kwinjiza abaturage benshi b'Abahutu mu bwicanyi, ikaba yaratanzwemo intwaro ndetse n'amafaranga kugira ngo kwica Abatutsi byihutishwe bityo aho FPR izajya igera hose ijye isanga Abatutsi barashize.

    Muri iki gitabo kandi hibanzwe ku kureba inzego za leta by'umwihariko izifite ubuzima mu nshingano arizo abaganga, abaforomo n'abaforomokazi.

    CNLG igaragaza ko kimwe mu biranga ubukana bwa Jenoside yakorewe Abatutsi muri 1994, ari uko nta hantu na hamwe abicanyi batakoreye Jenoside, haba muri za Kiliziya, mu nsengero no mu mavuriro.

    Ikiremereye kurushaho ni uko na bamwe mu bari bashinzwe kurengera ubuzima bw'abantu, harimo abaganga babirahiriye mu mwuga wabo, aribo babaye ku isonga yo gukora Jenoside, cyane cyane mu bitaro, mu bigo nderabuzima no mu mavuriro.

    Benshi mu baganga, abaforomo n'abakozi b'ibitaro n'ibigo nderabuzima bishe Abatutsi bari bahahungiye, abandi bagiye mu bitero no gutanga amabwiriza yo kwica. Ubu bwicanyi bwakorewe hose mu Rwanda.

    Mu gihugu hose, umubare w'abaganga bamenyekanye bakoze Jenoside ni 59 barimo 25 bakoreye Jenoside mu Mujyi wa Butare. Naho umubare wose w'abaforomo n'abakozi bo mu bitaro no mu bigo nderabuzima bakoze Jenoside bashoboye kumenyekana ni 74 harimo 31 bayikoreye i Butare.

    Dr Bizimana ati 'Muri jenoside nta hantu na hamwe abantu bahungiye ngo bareke kuhicirwa, twagize igice duharira abaganga, abaforomo n'abandi bakozi bo mu bitaro kugira ngo twerekane ko ububi Jenoside kuko nta hantu na hamwe abatutsi bashoboraga guhungira ngo bahabonere amaramuko no kubarengera.'

    Muri iki gitabo kandi hagarukwa ku buryo Umuryango w'Abibumbye watinze kwemeza ko Abatutsi mu Rwanda barimo gukorerwa Jenoside. Inama y'Umutekano y'Umuryango w'Abibumbye yari yakomeje kwirengagiza ikibazo cya Jenoside yakorerwaga Abatutsi kuva tariki ya 7 Mata 1994, ndetse iza no kugabanya ubushobozi buhabwa MINUAR iyisigira gusa abasirikare 250.

    Hakomeje impaka z'urudaca, bimwe mu bihugu by'ibihangange, nk'u Bufaransa na Leta Zunze Ubumwe za Amerika, byanga ko ubwicanyi bwakorerwaga Abatutsi mu Rwanda bwari Jenoside kandi nyamara byarahabwaga amakuru nyayo.

    Tariki ya 25 Gicurasi 1994, Boutros Boutros-Ghali wari Umunyamabanga Mukuru w'Umuryango w' Abibumbye yemeje ko ubwicanyi bubera mu Rwanda ari Jenoside.

    Dr Bizimana yavuze ko byaje gushimangirwa na René Degni Segui, impuguke ya Komisiyo y'Umuryango w'Abibumbye y'Uburenganzira bwa Muntu, avuye gukora iperereza mu Rwanda akemeza ko Abatutsi bari mo gukorerwa Jenoside.

    CNLG itangaza ko iki gitabo gifite amapaji agera kuri 400, kizagezwa hirya no hino mu gihugu kugira ngo kizafashe abanyarwanda bose by'umwihariko mu bihe by'iminsi 100 yo kwibuka Jenoside yakorewe Abatutsi.

    Dr Bizimana yagaragaje ko Jenoside yakorewe Abatutsi ari umugambi wari wateguwe

    Umunyamabanga Nshingwabikorwa wa CNLG, Dr Bizimana Jean Damascène yamuritse ku mugaragaro igitabo kigaragaza itegurwa n’ishyirwa mu bikorwa ry’umugambi wa Jenoside yakorewe Abatutsi

    Ni igitabo kiri mu ndimi eshatu, Ikinyarwanda, Icyongereza n’Igifaransa

    Amafoto: Niyonzima Moise

    Video: Mbabazi Jean de Dieu

    Source : http://igihe.com/amakuru/u-rwanda/article/cnlg-yamuritse-igitabo-kigaragaza-itegurwa-n-ishyirwa-mu-bikorwa-ry-umugambi-wa

  • Fleury Legend yahishuye byinshi bitamenyekanye ku rukundo rwe na Bahavu, ibintu 3 yamukundiye, icyamutunguye bageze mu rugo #rwanda #RwOT

    Ndayikingurikiye Fleury uzwi nka Legend uherutse gukora ubukwe na Bahavu Jeannette wamenyekanye nka Diane muri muri filime y’uruhererekane ya City Maid yahishuye byinshi ku rukundo rwabo rwatangiye muri 2016.

    Ku wa Gatandatu tariki ya 27 Gashyantare 2021 nibwo aba bombi nyuma y’urugendo rutoroshye rw’urukundo bakoze ubukwe bahitamo kubana akaramata, Iminsi basigaje ku Isi bakayimara bari kumwe.

    Ndayikingurukiye Fleury asanzwe akora akazi ko gufata no gutunganya amashasho ndetse akaba ari we muyobozi wa filime zirimo Impanga Series, Impanga Lockdown na Isi ya None ahuriyemo n’umugore we Bahavu Jeannette umukinnyi ukomeye wa filime nyarwanda.

    Mu kiganiro n’ikinyamakuru ISIMBI.RW, Legend yavuze ko bwa mbere ahura na Bahavu byari muri 2016 bahuriye ku nteko y’Ururimi n’Umuco.

    Ati'twahuye muri 2016, twahuriye ku Nteko y’umuco n’Ururimi(RALC), ku Gisiment hari nka saa kumi n’imwe n’igice(17h30′), oya uwo munsi nta nimero natwaye.'

    Yakomeje avuga ko umushinga wa filime yari afite uhuza Abarundi n’Abanyarwanda ari wo wongeye kubahuza ndetse batangira kugenda biyumvanamo.

    Ati'hari umushinga wa filime nari mfite yitwa 'Ca Inkoni Izamba’ uhuza Abarundi n’Abanyarwanda, twarimo guhitamo abakinnyi(Casting), na we aza muri Casting mu bandi ariko nta by’urukundo byajemo kuko urumva ninjye muyobozi ariko yari mu mushinga wanjye byari byoroshye kubona nimero ye.'

    Uko iminsi yagendaga niko Fleury Legend yarushagaho kugenda yiyumvamo Bahuavu cyane kugeza ubwo yagize igitekerezo cyo kuba yamwegera ngo amusabe urukundo.

    Ati'igitekerezo cyaje turi mu gihe cyo gufata amashusho, nakomezaga mureba, nkavuga ngo uyu mwana ni mwiza, urumva na we yabaga ahari yaje turimo gufata mashusho ya filime, icyo gihe byari byoroshye ko musaba nimero akayimpa kuko umushinga wari uwanjye kandi twari dufite na gurupe duhuriramo yo gutanga amakuru.'

    Muri uwo mwaka wa 2016 n’ubundi ntabwo Legend yapfushije ubusa kuko wagiye kurangira we na Bahavu Jeannette baramaze gukundana ndetse n’imiryango ibizi.

    Ati'Muri icyo gihe nibwo twatangiye gusa n’abavugana, nyuma ariko umushinga w’iyo filime wararangiye, filime yaragiye hanze twakomeje kugirana ubucuti nyine twisanga byamaze kuba. Mu mpera za 2016 nibwo namubwiye ko mukunda, nibwo twatangiye kujya mu bintu by’urukundo, dutangiye gusohokana, tujya mu mamurikagurisha(festival), n’imiryango yari ibizi kuko iwabo ni hafi yaho mba, urumva najyagayo bakamenya.'

    Kujya kumusaba urukundo ni uko yari yamaze kubona ko hari ibyihariye kuri we atandukaniyeho n’abandi bakobwa.

    Ati'Icya mbere ni umukobwa mwiza, nicyo namukundiye afite ubwiza, ikindi ni uko akunda gusenga, ikindi namukundiye nabonye atandukaniyeho n’abandi bakobwa ni uko afungutse mu mutwe, azi icyo gukora utabwiriza ngo kora iki, ashobora kunyunganira mu bikorwa byanjye.'

    Mbere y’uko barushinga, avuga ko Buhavu ari umukobwa wakomeje kumwitaho ndetse atakwibagirwa ukuntu yajyaga ateka ibiryo akamugemurira iwe mu rugo.

    Ati'ikintu ntazibagirwa, we twamenyanye ntari mu kazi ndi kuri iyo mishinga yanjye gusa, namaze igihe ubuzima butameze neza, ikintu ntazibagirwa ni ukuntu yashoboraga kuva iwabo batetse akavuga ngo uyu munsi ngiye kukuzanira ibiryo, ni umuntu wambaye hafi cyane, icyo gihe nibwo nari nje mu Rwanda nta muryango nari mfite, yambereye umuryango.'

    Kujya gufata umwanzuro wo kumusaba urukundo , nta bwoba yari afite yagiye kubimubwira yifitiye icyizere kinshi.

    Urukundo rwabo rwatangiye mu mpera za 2016, byatangiye kumenyekana mu ntangiriro za 2020 ubwo ISIMBI yabagezagabo bwa mbere inkuru y’urukundo rwabo.
    Avuga ko impamvu batabishyize hanze ari uko adakunda kujya mu itangazamakuru cyane ndetse akaba yari yaranabujije Bahavu kubishyiramo, bakaba barabivuzeho Ubukwe bugiye kuba.

    Nyuma y’ubukwe ikintu cyamutunguye kuri Bahavu atari azi ni uko yasanze azinduka cyane kumurusha ndetse ngo ni nawe umubyutsa.

    Ati'ikintu cyantunguye cyane arazinduka kundusha, arazinduka cyane arandusha, arambyutsa akambwira ngo amasaha y’akazi yageze, ibyo bintu sinari mbizi.'

    Kuba bakundana, babana ari umugore n’umugore banakorana mu mushinga umwe wa filime ngo ntabwo byica akazi cyangwa ngo bihungabanye umubano wabo kuko iyo bari mu kazi aba ari akazi niyo akosheje aramurakarira nk’abandi ariko nyuma akamubwira ko byari akazi ubuzima bugakomeza.

    Urukundo rwa Ndayikengurukiye Fleury[Legend] na Bahavu Jeannette rwatangiye mu mpera za 2020, tariki ya 17 Nyakanga 2020 nibwo yamwambitse impeta ya fiançailles, ni mu gihe tariki ya 17 Ukuboza 2020 basezeranye imbere y’amategeko n’aho ubukwe bwabo bukaba bwarabaye ku wa Gatandatu tariki ya 27 Gashyantare 2021.

    Fleury Legend avuga ko Bahavu Jeannette yasanze atandukanye n’abandi bakobwa

    Mu mpera za Gashyantare nibwo bakozwe

    Urukundo rwabo rwatangiye muri 2016 ari nabwo bamenyanye

    Source : http://isimbi.rw/imyidagaduro/article/fleury-legend-yahishuye-byinshi-bitamenyekanye-ku-rukundo-rwe-na-bahavu-ibintu-3-yamukundiye-icyamutunguye-bageze-mu-rugo

  • Bwa mbere Platini yeruye ahishura aho yahuriye n'umukobwa baheruka gusezerana bari bamaranye imya 2 bakundana mu ibanga rikomeye[AMAFOTO] #rwanda #RwOT

    Nk'uko byagaragaye mu mafoto yashyizwe hanze ku mbuga nkoranyambaga, umuhanzi Platini Nemeye yari agaragiwe na Ishimwe Clement usanzwe ari n'umujyanama we mu bijyanye na muzika mu nzu ya Kina Music.

    Mu kiganiro kirambuye yagiranye na Radio Rwanda, Platini yavuze ko yamenyaniye n'uyu mukobwa mu bukwe mu 2019 ashakisha nimero ze atangira kumutereta kuva ubwo. Avuga ko igiye cyari kigeze kugira ngo ntiyongere kuvuga iby'urukundo rwe n'umukunzi we bitewe n'uko yarivuzwemo igihe kinini, bitagenda neza bikaba inkuru itwara urupapuro rwa mbere rw'itangazamakuru.

    Hejuru y'ibi ngo umukobwa [Olivia] nawe yamusabye ko urukundo rwabo rutajya mu itangazamakuru. Ati 'Ni njye wamushatse. Eeeh hari ubukwe nari namubonyemo yambariye abandi bantu mpita mpamagara umuntu nabonaga uri gupositanga amafoto ndamubwira nti 'mbabarira undemere'.

    Ampa nimero umukobwa turavugana ndamubwira ko twahura arabyanga nyine, bimara amezi menshi yarabyanze ndahahitira. Ariko uko nakomeje guhatiriza, murabizi gutereta ntibyoroha eeeh tuza kuganira aza kunyemerera turahura.' Yakomeje agira ati 'Muri uko kuganira hari ibyo nashimye mu miganirire yanjye nawe. Nibyo byatumye mfata icyo cyemezo.'

    Platini avuga ko yakuruwe n'uburyo uyu mukobwa ari mwiza, agaragara neza kandi akaba abereye ifoto. Ibi ngo ntibyari bihagije ari nabyo byatumye yumva yifuje ko bazaganira birambuye, buri umwe akamenya undi byisumbuyeho. Uyu muhanzi avuga ko yakunze uburyo yemeranyije n'uyu mukobwa ku ngingo ijyanye n'ukuntu bose badakunda umusore uterera ivi umukobwa amuteguza kurushinga.

    Nemeye Platini anavuga ko yaganiriye n'uyu mukobwa kubijyanye n'ubuzima busanzwe, asanga anafite amatsiko ku buzima bw'umuziki byatumye yumva ko ari mu murongo w'uyu mukobwa. Yavuze ko byafashe igihe kugira ngo uyu mukobwa amwemerere urukundo, ariko kandi ngo uko iminsi yicumaga yagiye yihuza n'ubuzima bwe.

    Platini avuga ko mbere yo kubwira uyu mukobwa ko yamukunze, yamwinjije mu buzima bw'umuziki kugira ngo ibyo azajya yumva ajye amenya ko harimo ukuru n'ibinyoma. Uyu muhanzi yavuze ko yamaze hafi amezi atatu abwira uyu mukobwa ko yamukunze, ariko undi akajya amucisha ku ruhande.

    Ntiyibuka neza itariki umukunzi we yamubwiriyeho ko nawe yamukunze, gusa ngo muri we yabaye nk'utunguwe ataha yibaza ibimubayeho. Ati 'Nagize icyikango […] Icyo gihe ndabyibuka nari mucyuye turi mu mudoka mugezayo amaze kubimbwira nsigara numiwe arisohokera arigendera. Ndataha inzira yose namanjiriwe. Nibaza ibi bintu koko nibyo! Ngera mu rugo ndamubaza nti 'nibyo se koko?'.

    Platini yavuze ko bucyeye, yahise ahamagara Olivia amubwira ko nk'uko babisezeranye atazigera atera ivi, ahubwo ko agiye gutangira gutegura ubukwe. Ngo bagiye bakomwa mu nkokora na Covid-19, kuko ubukwe buba byarabaye mu bihe bishize. Uyu muhanzi avuga ko yahise atangira gutegura ubukwe 'kuko yumvaga urukundo akunda uyu mukobwa atari urwo kumara igihe ahubwo ari urwo kubana nk'umugabo n'umugore'.



    Source : http://umuryango.rw/imyidagaduro/article/bwa-mbere-platini-yeruye-ahishura-aho-yahuriye-n-umukobwa-baheruka-gusezerana

  • Abanyarwandakazi berekanye ukwihangana kudasanzwe mu bihe by’amage- Madamu Jeannette Kagame –

    Ni ubutumwa yatanze kuri uyu wa Mbere, mu Nama Ngarukamwaka yiga ku Ihame ry’Uburinganire, Imibereho myiza n’Imiyoborere (Gender Equality, Wellness and Leadership-GEWAL.

    Iyi nama yabaye ku nshuro ya gatanu itegurwa na Motsepe Foundation, umuryango washinzwe na Dr Precious Moloi Motsepe, wibanda ku mishinga iteza imbere abagore no kububakamo ubushobozi. Iyi nama ikaba yahuriranye n’Umunsi Mpuzamahanga w’Umugore, wizihizwa buri wa 8 Werurwe.

    GEWAL yitabiriwe na Madamu Jeannette Kagame, abayobozi bakuru muri Afurika y’Epfo barimo Minisitiri muri Perezidansi ushinzwe Abagore, Urubyiruko n’Abafite Ubumuga, Maite Nkoana-Mashabane; Madamu Tshepo Motsepe, umugore wa Perezida w’icyo gihugu, Cyril Ramaphosa n’abandi.

    Iyi nama yahuriranye n’ibihe bidasanzwe aho Isi igihanganye n’icyorezo cya COVID-19, yateguwe mu nsanganyamatsiko igira iti “Kwihutisha uruhare rw’abagore mu guhangana n’ingaruka z’icyorezo (COVID-19).’’

    Kuva mu mwaka ushize, iki cyorezo cyashegeshe by’umwihariko ab’igitsina gore. Mu 2020, abagore b’Abanyafurika miliyoni eshatu bashakaga imirimo ntibayibonye ndetse abagera kuri miliyoni 1.3 bahagaritse gushaka akazi.

    Madamu Jeannette Kagame yavuze ko nubwo COVID-19 yagize ingaruka ku buzima muri rusange ariko hari amasomo yasize.

    Yagize ati “Dufatanyije, mureke ntitwirengagize amasomo yasizwe n’icyorezo ahubwo duharanire ko abagore n’abakobwa berekana imbaraga zabo nyakuri mu ngo, ibihugu n’Isi muri rusange.’’

    Avuga ku ntambwe igihugu cyateye yo kwimakaza ihame ry’uburinganire n’ubwuzuzanye, Madamu Jeannette Kagame yavuze ko Abanyarwandakazi berekanye imbaraga zihariye mu bihe bikomeye.

    Yakomeje ati “Igihugu cyanjye cyamenye ko mu bihe by’akaga n’aho bikenewe, abagore b’Abanyarwanda berekanye ukwihangana kutagira akagero. Imibare ya nyuma ya Jenoside yerekana ko abagore n’abakobwa bari bagize 80% y’abaturage bari mu gihugu.’’

    Umuyobozi wa Motsepe Foundation, Dr Precious Moloi-Motsepe, yavuze ko uburinganire atari ikibazo cy’abagore gusa ahubwo abagabo n’abasore bakwiye kugira uruhare kugira ngo bwimakazwe.

    Ati “Ni ingenzi kugena ahazaza hubakiye ku buringanire buhamye. Uburinganire ntibuba bwuzuye iyo budatanga amahirwe angana mu bijyanye n’ubukungu.’’

    Dr Precious yavuze ko u Rwanda ari urugero rw’ibyakorwa mu ‘kwerekana uruhare rw’igihugu mu guteza imbere abagore’.

    Yifashishije raporo ya WEF ku kubahiriza ihame ry’uburinganire, yerekanye ko mu myaka itandatu ishize, mu bihugu 153 byakorewemo inyigo, u Rwanda rwazaga mu 10 bya mbere byimakaza uburinganire.

    Madamu Jeannette Kagame yavuze ko nubwo uyu munsi ugamije kwishimira iterambere ry’umugore ariko hari n’ibibazo agihura nabyo bikwiye gushakirwa umuti.

    Yagaragaje ko by’umwihariko icyorezo cya COVID-19 cyahungabanyije ubukungu ndetse abagore bagirwaho ingaruka nyinshi, ahanini kubera inshingano zo mu rugo ziyongereye.

    Ati “Icyorezo cya COVID-19 cyazanye imbogamizi zidasanzwe. Ingaruka zacyo za mbere zanahungabanyije inzego z’imibereho myiza n’ubukungu ndetse byakangaranyije ibihugu n’imiryango itandukanye.’’

    Madamu Jeannette Kagame yanasangije abitabiriye iyi nama yabaye hifashishijwe ikoranabuhanga, uko u Rwanda rwateje imbere umugore ndetse agahabwa umwanya mu nzego zitandukanye.

    Ati “Ntewe ishema no kuvuga ko kuva mu 2003, u Rwanda rwagize mu buryo buhoraho umubare munini w’abadepite b’abagore ku Isi. Ubu ni 61.3% mu Nteko ndetse imyanya 53% muri Guverinoma ifitwe n’abagore.’’

    Ni iterambere ashimangira ko rifitanye isano n’imiyoborere myiza, ituma abari n’abategarugori biremamo icyizere.

    Madamu Jeannette Kagame yavuze ko hagikenewe kongera imbaraga mu kubahiriza iryo hame hibandwa ku kwigisha amahame yaryo mu bakiri bato, ari abakobwa n’abasore.

    Yashishikarije buri wese gukomeza gukora cyane by’umwihariko mu guhangana n’ingaruka zatewe n’iki cyorezo.

    Minisitiri muri Perezidansi ushinzwe Abagore, Urubyiruko n’Abafite Ubumuga, Maite Nkoana-Mashabane, yavuze ko hari ibikeneye gukorwa mu gukuraho ibibazo bikibangamira abagore.

    Yagize ati “Iyo hari icyizere, abagore ntibiyitaho bonyine, bita ku muryango. Ni bo bari ku isonga mu bikorwa by’abatanga ubuvuzi kandi ntibita ku gishobora kuba kuri bo. Dufite ibibazo bijyanye n’imitekerereze aho abagore bapfa, dukeneye ko hagira igikorwa kuri ubu.’’

    Abitabiriye iyi nama basabye ko mu guhangana n’ibibazo byatewe na COVID-19, hakwiye no kuzirikanwa kubaka ubushobozi bw’abagore mu bijyanye n’ubukungu no kumurinda ihohoterwa ryose.

    Madamu Jeannette Kagame yagaragaje intambwe yatewe n’abagore nyuma y’akaga gakomeye u Rwanda rwanyuzemo