Category: Uncategorized

Inama y'Abaminisitiri yateranye kuri uyu wa Mbere iyobowe na Perezida Kagame yafashe umwanzuro ko ingendo hagati y'Umujyi wa Kigali n'Intara, ndetse no hagati y'Uturere dutandukanye zemewe, uretse ingendo zo kujya no kuva mu turere twa Bugesera, Nyanza na Gisagara.

Kubera iyo mpamvu,Minisiteri y'Ubutegetsi bw'Igihugu yasohoye amabwiriza agenewe uturere twa Bugesera, Nyanza na Gisagara.

Ubushakashatsi buherutse gukorwa mu turere twose tw'igihugu bwagaragaje ko ahiganje ubwandu bwa COVID-19,ari muri utu turere 3 twavuzwe.

MINALOC yatangaje ko Hashingiwe ku byemezo by'lnama y'Abaminisitiri yo kuwa 15 Werurwe 2021, no ku busesenguzi bwakozwe n'inzego z'ubuzima ku cyorezo cya Coronavirus mu Turere twa Bugesera, Nyanza na Gisagara, yashyizeho amabwiriza yihariye yo kwirinda iki cyorezo muri utu turere ku buryo bukurikira:

1. Uturere twa Bugesera, Nyanza na Gisagara turakomeza kubahiriza gahunda ya Guma mu Karere;

2. Ingendo zo gusohoka cyangwa kwinjira mu Karere ka Bugesera, Nyanza na Gisagara zirabujijwe keretse ku bantu bafite impamvu zumvikana zemejwe n'inzego zibifitiye ububasha;

3. Imodoka zikora ubwikorezi bw'ibicuruzwa n'ibiribwa zemerewe kwinjira no gusohoka muri utu Turere;

4. Imodoka zitwaye abagenzi zinyura mu Karere ka Nyanza na Gisagara ntizemerewe kuhahagarara;

5. Inama rusange zihuza abantu imbonankubone (Physical meetings) zirabujijwe;

6. Ingendo zirabujijwe guhera saa moya z'ijoro(19:00) kugeza saa kumi za mu gitondo(4:00). Ibikorwa byose byemerewe gukomeza bizajya bifunga saa kumi n'ebyiri z'umugoroba (18:00);

7. Indi myanzuro y'Inama y'Abaminisitiri yateranye tarikiya 15 Werurwe 2021 yubahirizwa uko iri.

Imbonerahamwe yerekana uko uturere tumeze mu kugira abarwayi benshi ba Covid-19

Source : http://umuryango.rw/amakuru/mu-rwanda/ubuzima/article/minaloc-yasohoye-amabwiriza-agenewe-uturere-twa-bugesera-nyanza-na-gisagara

Source : https://agakiza.org/????-LIVE-IGITARAMO-07-Esther-N-Past-7791-7791-7791-7791-7791-7791-7791-7791-7791-7791-7791-7791-7791-7791-7791.html

Yavuze ko abari basoje umusoro wa 2020 bagendeye ku mpinduka zabaye mu itegeko, amafaranga arengaho bazayaheraho nibongera gusora.

Minisitiri Ndagijimana yavuze ko umwaka utaha ari bwo hazakorwa isuzumwa ry'impinduka zari zashyizweho, ikizava muri iryo suzuma, abantu bakaba ari cyo bazagenderaho batanga umusoro.

Mu gihe itariki ntarengwa yo gutanga umusoro w'ubutaka wa 2020 yari mu mpera za Werurwe, Minisitiri Ndagijimana avuze ko iyo tariki yimuriwe mu mpera za Mata 2021.

Umusoro w'ubutaka umaze iminsi uvugwaho cyane n'abaturage, by'umwihariko abo mu mujyi wa Kigali guhera muri Nyakanga 2020, ubwo batangiraga gucibwa amafaranga ari hagati ya 0-300 kuri metero kare, uvuye hagati ya 0 na 80 Frw.

Ni umusoro wahabije benshi by'umwihariko muri iki gihe ubukungu bwasubijwe inyuma na Coronavirus ku buryo hari abari bafite impungenge ko ubutaka bwabo bushobora gutezwa kubera kunanirwa kwishyura umusoro.

Mu kiganiro Perezida Kagame yagiranye n'abanyamakuru n'abaturage, ku wa 21 Ukuboza 2020, ikibazo cy'imisoro ku mutungo utimukanwa yiyongereye ni kimwe mu byo yagejejweho bituma yizeza ko kigiye kwigwaho

Icyo gihe,Minisitiri w'Imari n'Igenamigambi Dr. Uzziel Ndagijimana yavuze ko icyo kibazo kizwi kandi inzego kireba zarimo kugisuzuma no kugishakira igisubizo ariko na none ngo habayeho korohereza abasora ku buryo bikorwa mu byiciro kugeza ku wa 31 Werurwe 2021.

Ati 'Twatangiye isuzuma ari Minisiteri y'Imari n'Igenamigambi, ari Minisiteri y'Ubutegetsi bw'Igihugu ndetse n'inzego z'ibanze, gusuzuma ikibazo ubu twarabitangiye ngo turebe icyakorwa ariko hagati aho hashyizweho uburyo bwo korohereza abasora kugera mu mpera za Werurwe 2021 kandi mu byiciro.'

Perezida wa Repubulika Paul Kagame yavuze ko umusoro ujyanye n'ubukode bw'ubutaka ugomba kubaho ariko nanone hakarebwa amikoro y'abaturage ndetse n'igihugu hagashakwa igisubizo kibereye benshi ku buryo binashoboka ko habamo n'inyoroshyo.

Ati 'Nagira ngo yumve ko ubutaka bugira ubukode n'umusoro ujyanye na bwo, icyo gihe umuntu agereranya ibintu byinshi akareba abantu amikoro yabo, igihugu n'impamvu uwo musoro wagiyeho noneho tugashaka igishobora kuba cyabera benshi na none ntabwo twabona igisubizo gihagije kuri buri wese ngo tuvuge ngo biramubereye ariko byo tugomba kubikurikirana tugashaka uko inyoroshyo yabaho.'

Source : http://umuryango.rw/amakuru/mu-rwanda/ubukungu/article/umusoro-w-ubutaka-winubiwe-na-benshi-mu-banyarwanda-wakuweho

VIDEO IVUGA KURUPFU RWA UMUTONI NAOMIE WENDAGA GUSOZA KAMINUZA

Mu itangazo ryatambutse kuri konte ya Twitter y'ibiro by'ubumwe bw'abanyeshuri ba kaminuza y'u Rwanda yatangaje ko bababajwe cyane n'urupfu rwa Naomie ndetse ko batazigera bamwibagirwa.

Rigira riti” Ihuriro ry'abanyeshuri bo muri kaminuza y'u Rwanda ryababajwe cyane no kubura Umutoni Naomi, wari umunyeshuri wiga mu mwaka wa 2 Marketing mu kigo cya CBE Gikondo Campus akaba yanakoraga nk'uhagarariye bagenzi be mu ishuri! Uzahora mu mitima yacu! RIP Naomi”

Naomie yitabye Imana akiri muto!

Iri tangazo ariko kandi ntirisobanura neza icyo yaba yazize naho yaba yaguye.

Iyi nkuru iracyakurikiranwa…..

Source : http://umuryango.rw/amakuru/mu-rwanda/article/birababaje-umutoni-naomie-yitabye-imana-yaburaga-umwaka-ngo-arangize-kaminuza

Nkuko amakuru dukesha ikinyamakuru IGIHE abitangaza,Lomami Marcel yafashwe kuri uyu wa Kabiri, tariki ya 16 Werurwe 2021. Kuri ubu afungiye kuri Sitasiyo ya RIB ya Nyarugenge.

Amakuru IGIHE yamenye ni uko kuva mu 2019, uyu mugabo yatangiye guhoza umugore we ku nkeke ariko muri icyo gihe akenshi iyo habagaho gukimbirana bariyungaga bikarangira.

Nyuma y'aho bagiranye ibibazo kugeza ubwo ku wa 13 Ukwakira 2020, umugore yareze umugabo we muri RIB, anakorerwa dosiye ishyikirizwa Ubushinjacyaha. Icyo gihe, Lomami yakurikiranyweho ari hanze.

Ku wa Gatanu w'icyumweru gishize, tariki ya 12 Werurwe 2021, ni bwo Lomami yakoreye umugore we ibikorwa byo kumuhoza ku nkeke, bituma afata umwanzuro wo kongera kumurega.

Umuvugizi w'Umusigire wa RIB, Dr Murangira B. Thierry, yabwiye IGIHE ko iperereza riri gukorwa mbere y'uko dosiye ye ishyikirizwa Ubushinjacyaha.

Yagize ati 'RIB irihanangiriza abantu bose bahohotera abo bashakanye. Ntibikwiye ko umuntu ahohotera uwo bashakanye. Inama RIB itanga ni uko igihe ibibazo bumva badashobora kubyikemurira bajya begera inzego za Leta zikabafasha kubikemura aho kuguma muri ayo makimbirane ashobora gutuma hakorwa ibindi byaha biremereye nk'ubwicanyi.''

Yasabye abaturage bose gufatanya mu kurwanya icyaha cyo guhohoterana no kwirinda kugihishira kugira ngo gicike burundu.

Lomami Marcel yatoje mu makipe arimo Rayon Sports (yungirije) na Gasogi United yafashije kuzamuka mu Cyiciro cya Mbere, ariko nyuma ayivamo yerekeza muri Gorilla FC, aho kuri ubu yungirije Ruremesha Emmanuel.

Igitabo cy'amategeko ahana ibyaha mu Rwanda giteganya ko umuntu wese uhoza ku nkeke uwo bashyingiranywe hagamijwe kumubuza kubaho mu mudendezo, aba akoze icyaha. Iyo abihamijwe n'urukiko, ahanishwa igifungo kitari munsi y'umwaka umwe ariko kitarenze imyaka ibiri.

Icyaha cyo gukubita cyangwa gukomeretsa ku bushake cyo gihanishwa igifungo kitari munsi y'imyaka itatu ariko kitarenze imyaka itanu n'ihazabu y'amafaranga y'u Rwanda atari munsi y'ibihumbi 500 Frw ariko atarenze miliyoni 1 Frw.

Source: IGIHE

Source : http://umuryango.rw/amakuru/mu-rwanda/umutekano/article/lomami-marcel-utoza-wakinnye-akanatoza-muri-rayon-sports-yatawe-muri-yombi

Ubusanzwe imyambaro iba ikoze mu buryo butandukanye, mu bihugu bimwe na bimwe hari imyenda bambara ahandi batatinyuka ngo bajye mu nzira, agahugu umuco akandi umuco. Ariko kuri izi nkweto ugiye kubona ntabwo zambarwa n'ahantu hamwe, buri muntu wese yayambara nta muco igenderaho.

Izi nkweto abazikoze ahanini bagendeye ku kuziha ishusho y'inyamaswa ziba mu mazi harimo n'izo mu ishyamba nka; ingona, Amafi, imbeba ,musumbashyamba, n'izindi zitandukanye.

1. Inkweto y’agasumbashyamba

2. Inkweto ikozwe mu mbeba

3. Inkweto ikozwe mu Ngona

4.Inkweto bakoze berekana amahembe y’inka

5. Inkweto zikoze mu mafi 

6. Inkweto yakozwe igashyirwa ku maguru y’inkoko

.

7. Inkweto ikozwe mu mineka

.

8. Inkweto ikozwe mu isura y’umuntu

.

9. Inkweto ikozwe mu binono by’inka 

10. Inkweto ijyamo CD, ukumva umuziki

Source : https://inyarwanda.com/inkuru/103935/ushobora-kuzibona-ugakizwa-namaguru-dore-inkweto-10-zitangaje-ku-isi-zakozwe-bagendeye-ku–103935.html

Ishyirahamwe ry'umukino w'intoki mu Rwanda rya Volleyball (FRVB) iritegura amatora y'uzariyobora, kuri ubu bamaze gutangaza ko tariki ya 27 Werurwe 2021 aribwo hazamenyekana uzariyobora mu gihe cy'imyaka ine iri imbere, ubwo ni ukuvuga kugeza mu mwaka wa 2025.

Kuri uyu wa mbere tariki ya 15 Werurwe 2021 nibwo hamenyekanye urutonde rw'abakandinda bemerewe kwiyamamariza kuzayobora iri shyirahamwe, mu mazina yashyizwe ahagaragara asanzwe amenyerewe muri uyu mukino harimo Geoffrey Zawadi usanzwe ari Perezida wa REG Volleyball Club we akaba yiyamaje k'umwanya wo kuyobora Intekorusange aho uyu mwanya wari usanzwe uyoborwa na Dr Kabera Callixte.

Ku mwanya w'uzayobora iri shyirahamwe, Kagarama Kansiime Julius wari usanzwe ari visi perezida muri komite ishoje manda yayo yari iyobowe na Karekezi Léandre ni umwe mubatanze kandidatire yo kuba yazayobora iri shyirahamwe, undi wifuza kuyobora iri shyirahamwe ni Mukamurenzi Providence wari usanzwe ari umubitsi muri iyo kkomite.

Ubwo hari tariki ya 8 Gashyantare 2021, habaye inama y'intekorusange idasanzwe y'uyu mukino w'intoki wa Volleyball mu Rwanda, muriyo ntekorusange hakaba haremejwe uburyo Shampiyona izakinwamo, aho izakinwa mu bice bitandukanye, kuri buri gice amakipe yose agahura kandi buri kipe ikazagira igihe cyo kwakira.

Hagaragajwe ingengabihe y'agateganyo y'amarushanwa ndetse iremezwa. Hemejwe kandi ko amarushanwa azatangira ku wa 20 Werurwe ariko bikaba bishobora guhinduka hagendewe ku ngamba za Leta zo kurwanya COVID-19.

Kaminuza y'u Rwanda, Ishami rya Nyarugenge, yemejwe nk'umunyamuryango mushya, ikazatangira ikina muri Shampiyona y'Icyiciro cya Kabiri (Serie B) mu gihe byemejwe ko IPRC Musanze iva muri Serie B ikajya mu Cyiciro cya Mbere (Serie A).

Shampiyona ya Volleyball ya 2019/20 yasojwe n'irushanwa rito mu Ukwakira, APR VC mu bagabo na UTB VC mu bagore, aba ari zo zegukana ibikombe.

The post Kansiime Julius na Geoffrey Zawadi bayoboye abandi bifuza kuyobora ishyirahamwe ry'umukino w'intoki mu Rwanda FRVB mu matora ategerejwe muri uku kwezi kwa Werurwe 2021 appeared first on RUSHYASHYA.

Source : https://rushyashya.net/kansiime-julius-na-geoffrey-zawadi-bayoboye-abandi-bifuza-kuyobora-ishyirahamwe-ryumukino-wintoki-mu-rwanda-frvb-mu-matora-ategerejwe-muri-uku-kwezi-kwa-werurwe-2021/

Ibi birori byizihijwe ku wa 13 Werurwe 2021, byateguwe na Ambasade y'u Rwanda mu Buholandi.

Mu ijambo rye, Ambasaderi w'u Rwanda mu Buholandi Nduhungirehe Olivier, yashimiye abitabiriye ibi biganiro, abibutsa impamvu yabahuje n'insanganyamatsiko y'uwo munsi.

Yagize ati 'Guhera mu kwezi kwa Werurwe 2019 u Rwanda n'Isi yose twugarijwe n'icyorezo cya COVID-19, ibihe turimo bikaba bitoroshye kuko byagize ingaruka ku buzima n'imibereho byacu, ubukungu burahazaharira, bituma abantu batisanzura uko bisanzwe, ngo bahure basabane, bizahaza cyane abari mu kazi k'ubuvuzi. Ibi bibazo ntawe byasize ariko kandi byanagize ingaruka zikomeye ku gitsina gore muri rusange.''

Abagore bari mu ba mbere bari mu butabazi mu buvuzi mu nzego zose, 70% mu bakora mu buvuzi, ubushakashatsi bugaragaza ko ari igitsina gore.

Ambasaderi Nduhungirehe yavuze ko nubwo uyu mubare ushimishije bitabuza ko usanga mu bafata ibyemezo ari bake ku Isi ndetse no mu bihugu bitandukanye.

Ati ''Umunsi nk'uyu ni uwo gutekereza ku burenganzira n'ubwisanzure bw'umugore mu byo dukora byose mu mashyirahamwe aduhuza n'ahandi ariko nabo bagiramo ijambo n'ibikorwa mu rwego rw'igihugu.''

Guverinoma y'u Rwanda mu rugendo rurerure yakomeje guha umwanya abagore mu mirimo yose no mu buyobozi bufata ibyemezo bakagiramo uruhare.

Mu mibanire n'imikoranire myiza ibi Guverinoma y'u Buholandi yabyumvise vuba kandi ikomeje 'kuduteramo inkunga kugira ngo dukomeze tugere ku ntego igihugu cyacu gishaka kugeraho.'

Nduhungirehe yakomeje ati ''Babikora bashyigikira imishinga yo guteza imbere ibikorwa by'abagore muri rusange mu bice bitandukanye by'imirimo bakora.''

Mu kiganiro yatanze, Umunyamabanga Nshingwabikorwa w'Inama y'Igihugu y'Abagore, Kamanzi Jackline, yavuze uko politiki y'u Rwanda ihagaze mu buringanire bw'umugore.

Yagarutse ku buryo imibare yagiye yiyongera mu nzego zose aho abagore bahabwa imyanya mu nzego z'ubuyobozi.

Ati ''Mu Rwanda uburinganire ni ikintu twiyemeje, mu Itegeko Nshinga ry'u Rwanda, ubu 30% by'abagore bari mu nzego z'ubuyobozi bufata ibyemezo.

Kubera icyorezo cya COVID-19, imiryango iyobowe n'abagore yagizweho ingaruka ku kigero cya 39,5%, naho iyobowe n'abagabo igera kuri 37,6%, bigaragara ko abagore bakozweho cyane.

Mu butumwa bwe, yagiriye inama abagore aho batuye hose kujya bamenya amategeko abarengera.

Mukamana Christella utuye akaba anakorera mu Buholandi mu bijyanye n'ubuzima yatanze ikiganiro agaruka ku kuntu umugore ukora muri ibi bihe mu nzu z'abarwaye COVID-19, yazahajwe n'ibyo abona bidasanzwe, harimo kwita ku muntu urembye mu kanya gato agapfa umureba, kandi bikaba byarabaye kuri benshi mu minsi yashize.

Ati ''Kubona umuntu mwakoranaga na we apfuye, urabyibaza bikakurenga bigatera benshi ihahamuka. Gukora amasaha menshi nta kuruhuka kandi kenshi urushye, uwo waruhiye ubuzima bukanga agapfa, ni ibintu bitoroshye umugore ahura nabyo kuko ari nabo benshi muri aka kazi.''

Marina Diboma, inshuti y'u Rwanda ni umwe mu bagore bakorera mu Buholandi wungirije Umuyobozi w'Ikigo NABC (Netherlands Africa Business Council) yerekanye uko icyorezo cya Covid cyazahaje urwego rw'abakora ishoramari.

Ati ''Mu bafatanyabikorwa bacu harimo n'abo mu Rwanda, iyo urebye ukuntu mu Rwanda bakoze mu gufasha Abanyarwanda bahuye n'iki cyorezo ubuyobozi bugerageza kuba hafi abaturage, bukabagenera ibyo kubatunga aho bikenewe byerekanye aho u Rwanda rugeze mu mitekerereze hashimishije.''

Ambasaderi w'u Rwanda mu Buholandi, Nduhungirehe Olivier, yashimiye abitabiriye ibi biganiro

Iyi nama yabaye hifashishijwe ikoranabuhanga

Abanyarwanda baba mu Buholandi bizihije Umunsi w'Abagore

[email protected]

---

Source : http://igihe.com/amakuru/u-rwanda/article/u-buholandi-abanyarwanda-bizihije-umunsi-w-abagore-hagarukwa-ku-ngaruka-zasizwe

Inama y'Abaminisitiri yateranye kuri uyu wa Mbere yafashe ingamba nshya zo kwirinda icyorezo cya Coronavirus aho yakomoreye ingendo zihuza Umujyi wa Kigali n'intara ariko Uturere twa Nyanza, Gisagara na Bugesera dushyirirwaho umwihariko kuko tutemerewe kugenderana n'utundi.

Minaloc yatangaje ko utwo turere 'turakomeza kubahiriza gahunda ya 'Guma mu karere'. Ingendo zose gisohoka cyangwa zinjira muri utwo turere uko ari dutatu zirabujijwe keretse ku bantu bafite impamvu zumvikana zemejwe n'inzego zibifitiye ububasha.

Icyakora, imodoka zikora ubwikorezi bw'ibicuruzwa n'ibiribwa zemerewe kwinjira no gusohoka muri utwo turere. Imodoka zitwaye abagenzi zinyura mu turere twa Nyanza na Gisagara ntizemerewe guhagarara.

Minaloc yavuze kandi ko inama rusange zihuza abantu imbonankubone (physical meetings) zibujijwe muri utwo turere kandi ingendo zitubujijwemo guhera saa Moya z'ijoro (19h00) kugeza saa Kumi za mu gitondo (4h00) naho ibikorwa byose byemerewe gukomeza bizajya bifunga saa Kumi n'ebyiri z'umugoroba (18h00).

Abatuye muri utwo turere uko ari dutatu bibukijwe ko usibye ayo mabwiriza yihariye abareba, indi myanzuro y'Imana y'Abaminisitiri yateranye ku wa 15 Werurwe 2021 yubahirizwa uko iri.

Minaloc yavuze ko ayo mabwiriza azamara igihe cy'ibyumweru bibiri gishobora kongerwa.

Kuri uyu wa Kabiri Umuvugizi wa Polisi mu Ntara y'Amajyepfo, SP Kanamugire Théobald, yabwiye IGIHE ko bazafatanya n'inzego zitandukanye kuganzura uko amabwiriza ari kubahirizwa kandi abazayarengaho bazahabwa ibihano.

Yagize ati 'Abaturage icyo tubasaba ni ukubahiriza amabwiriza yose yashyizweho kugira ngo dutsinde iki cyorezo. Abazayarengaho bazahanwa kuko tuzafatanya n'inzego zitandukanye gukora igenzura.'

Muri rusange abaturage barasabwa kubahiriza ingamba zose zashyizweho mu gukumira ikwirakwira rya Covid-19 zirimo guhana intera hagati y'umuntu n'undi, kwambara neza agapfukamunwa n'amazuru, gukaraba intoki kenshi no gutaha kare ku masaha yaganwe.

Mu Karere ka Nyanza ni hamwe mu hashyiriweho amabwiriza yihariye yo kwirinda Covid-19

[email protected]

---

Source : http://igihe.com/amakuru/u-rwanda/article/covid-19-hashyizweho-amabwiriza-yihariye-ku-turere-twa-nyanza-gisagara-na

Source : https://yegob.rw/imyitwarire-igayitse-idakwiye-kuranga-abakundana-bya-nyabyoyasenya-urukundo-rwanyu-mutayitondeye/