Category: Uncategorized

Umurenge wa Muko ufite ubuso bungana na Kilometero kare 40, utuwe n'abaturage 19 738 bishatsemo ubushobozi bakusanya amafaranga agura moto. Ugizwe ahanini n'imisozi miremire ihanamye ku buryo hari n'Akagari ka Mwendo ushobora gukoresha amasaha ane ngo ukageremo uvuye aho Umurenge ukorera.

Bamwe mu baturage bagize uruhare mu kugura iyi moto, babwiye IGIHE ko icyo gitekerezo cyabaturutsemo ubwabo bakakigeza ku Murenge nabo bakagishyigikira kugeza ubwo gishyizwe mu bikorwa.

Ujeneza Justin ni umwe muri bo uhagarariye abikorera bagizemo uruhare rugaragara. Yagize ati ” Iki gitekerezo cyaturutse kuri twe abaturage, kubera ko hari nk'akagari kugira ngo ugeremo bisaba gukoresha amasaha arenga ane ugenda n'amaguru, biragoye rero ku rwego rw'umutekano kuba habaho ubukererwe bungana gutya ngo uwucunge neza. Twagishyikirije Umurenge wacu nabo baragishyigikira ubundi turitanga kugeza tuguze iyi moto”

Habineza Emmanuel na we yagize ati ” Turishimye cyane kuko igikorwa cyacu kigeze ku ntego, tuzi neza akamaro k'umutekano kandi Dasso nibo tubana hafi badufasha kuwucunga. Nta sitasiyo ya Polisi tugira muri uyu Murenge, urumva ko aba baradufasha kandi natwe tugomba kubigiramo uruharenk'uko dusanzwe tubikora”.

Umuhuzabikorwa wa Dasso mu Murenge wa Muko, Nteziryayo Anastase yavuze ko nabo bishimiye iyi moto baguriwe n'abaturage, abizeza ko bazarushaho kubaha serivisi nziza.

Yagize ati “Twabyishimiye cyane ubu tugiye kurushaho gutanga serivisi nziza aho bishoboka tujye dutabarira igihe, hari igihe umuturage yigeze gutemera undi urugo afitanye amakimbirane mu rugo rwe icyo gihe twarahamagawe nijoro biratugora kugerayo kugera ubwo yashyize umuhoro hasi abaturage baramwifatira nabwo byasabye ko irondo ariryo rimurarana kugeza bukeye. Ubu tuzajya duhamagarwa duhite twatsa moto tugereyo vuba”

Umunyamabanga Nshingwabikorwa w'Umurenge wa Muko, Kayiranga Théobald avuga ko bazakomeza gufatanya n'abaturage cyane cyane ko nabo bamaze kubona ko umutekano ubareba ndetse anamara impungenge ku baba bibwira ko kugurira moto Dasso byaba intandaro yo kuba hagaragara icyuho cyo kuba abakora amakosa bakoroherwa bitwaje ko hari ubu bufatanye.

Yagize ati 'Hari ababa batekereza ko kuba babafashije ngo nibakora amakosa bazoroherezwa, siko biri kuko tugendeye no ku mpanuro z'Umukuru w'Igihugu ahora atugezaho buri muntu wese afite uburenganzira bungana n'undi, kuba bagira uruhare mu gikorwa nk'iki ntibivuga ko uzakosa atazahanwa, icyo tubasaba ni ugukomeza kwitwararika birinda ibyaha”.

Moto yaguriwe Dasso yatwaye amafaranga y'u Rwanda agera kuri miliyoni imwe n'ibihumbi magana atatu. Bije byiyongera ku matoroshi na za telefoni zigendanwa nazo zaguzwe n'abaturage mu mwaka ishize zigahabwa abanyerondo.

Moto yaguzwe asaga miliyoni 1.5 Frw yitezweho korohereza Dasso mu gucunga umutekano

Kubera imiterere y’umurenge wa Muko, hari aho bisaba amasaha ane umuntu agenda n’amaguru ngo ahagere

Abagize Dasso bavuze ko ubu gucunga umutekano bigiye kujya byoroha kandi ibyaha bigakumirwa hakiri kare

Kandi ubwo yaciriye ho iteka imidugudu y’i Sodomu n’iGomora iyitwitse ikayigira ivu, ikayishyiraho kuba akabarore k’abazagenda batubaha Imana, 7ikarokora Loti umukiranutsi, wagiriraga agahinda kenshi ingeso z’isoni nke z’abanyabyaha, 8 kuko uwo mukiranutsi ubwo yabaga muri bo yibabarizaga umutima we ukiranuka iminsi yose, imirimo yabo y’ubugome yarebaga akumva. 2Petero 2:6-8

1Abakorinto 1:26'Muzirikane guhamagarwa kwanyu bene Data, yuko ab’ubwenge bw’abantu bahamagawe atari benshi, n’abakomeye bahamagawe atari benshi, n’imfura zahamagawe atari nyinshi.

Itangiriro 19:15-16' 15 Nuko bukeye mu gitondo, ba bamarayika batera Loti umwete bati 'Haguruka ujyane n’umugore wawe n’aba bakobwa bawe bombi bari hano, kugira ngo utarimburirwa mu gihano cy’umudugudu.' 16 Maze azaririye, abo bagabo bafata ukuboko kwe n’uk’ umugore we n’ay’abakobwa be bombi, Uwiteka amubabariye, baramusohora, bamushyira inyuma y’uwo mudugudu.'

Pawulo yandikira ab’i Korinto atangira avuga ko we na Sositene babandikiye. Komanteri (commentaries) zivuga ko Sositene yari nk’umwanditsi we. Gusa yandikira iri torero, bigaragaza ko ryari ryaracitsemo ibice, bamwe biyitaga aba Pawulo abandi aba Polo, abandi aba Kefa abandi aba Yesu. Pawulo niwe wari warabwirije itorero ry’Ikorinto, ababyaza ubutumwa bwiza, bashoboraga kumwiyitirira, ariko ari kubandikira nta tsinda narimwe yashimye. Nuko rero ageze aha dusomye arababwira ati' Abubwenge barihe, abahanga barihe? Arababwira ati rero muzirikane guhamagarwa kwanyu. Mubuzima bwaburi munsi bw’itorero aya matsinda ajya abonekamo, abantu bakiyitirira umupastori umwe abandi undi ariko, ibi bigaragaza kudakura mu Mwuka.

Dusomye inkuru za Loti. Bibiliya itubwiyeko Loti yari umukiranutsi wajyaga yibabariza umunsi wose aririra abanyabyaha b’i Sodomu. Gusa Loti ntiyigeraga yimuka ngo ave muri abo banyabyaha amahitamo ye yaje kurangira atumugendekeye neza.

Dusomye mu itangiriro Imana ihamagara Aburahamu, ariko na Loti mwishywa we aramukurikira. Bageze mugihugu Imana yamuhaye bose baza kuba abatunzi bituma abashumba babo batongana kubera amashyo bari bafite. Nuko Aburahamu abibonye abwira Loti ati twureke gutongana hitamo aho ujya, nuhitamo kujya ibumoso ndajya i buryo kandi nujya iburyo ndajya i bumoso. Loti ahitamo ikibaya cy’i Sodomu n’i Gomora cyari Cyiza cyane Bibiliya itubwira ko hari hameze nk’ingobyi ya Edeni Imana ikiyirema. Gusa ikibazo cya Sodomu ni uko abantu baho bari barangiritse bakora ibitanezeza Imana, kandi bayigomera. Kuko guhera kumuto kugera ku mukuru bose bakoraga ibiteye Isoni, niko twasomye babwira Loti ati nazane abo bagabo bari iwe ngo ababahe baryamane. Rero Loti yarebye ku biboneka aho niho yagiye kurerera umuryango we, ntiyigeze abavamo ahubwo yakomezaga kwita kuri icyo kibaya gitoye ntahave. Yahanze umutima ku butunzi bw’isi.

Loti yakomezaga kwibabariza ab’ i Sodomu ariko ntahimuke, kuko yagumaga kureba kuby’isi, ibi bintu abakrisitu ba none babigwamo kuko abenshi bahanze amaso kuby’isi. Yakiriye abo bamarayika bamukomangiye ngo ababahe babasambanye arababwira ari'Mfite abakobwa batigeze baryamana nabagaabo ndababaha ariko mureke abashyitsi banjye barare amahoro. Loti ntiyigeze yita kubyo abamalayika bamubwiye kuko yakomezaga guhanga amaso kumashyo ye n’ubutunzi bwe bwari i Sodomu, kugeza n’aho Abamalayika bamushikuje bamusohora mu mudugudu bamusohoramo bwangu. Uku niko abakirisitu ba none baba bari ahantu babizi ko badakora ibinejeje Imana ariko ntibahave kuko baba bita kumunezero w’akanya gato, babakaba bari mu bigare by’abantu babi ariko ntibemere kuhava, ariko nta kindi kuko birangira barimbutse.

Loti rero ishyano yahuriyemo naryo ni uko yaburiyemo umugore we, kuko yahindutse inkingi yumunyu. Nuko bituma ajya kwihisha mu buvumo, nuko abakobwa be baravuga bati' ntamugabo tuzabona ngo aturongore bigira inama yo gusindisha se babyarana abana umwe babyara Mori undi abyara Mowabu. Mori yakomotseho Abamori naho Mowabu akomokwa ho n’Abamowabu babereye Abisilaheri igihanda gikomeye. Ibi bivuze ko ibyo umuntu ari gukora bibi nuko nawe icyo azabyara kizakoza isoni itorero, umuryango we n’abandi. Nuko nitutava mu bibi bizatuma ibizavamo ejo bizadukoza isoni.

Muri iyi minsi abantu bihutira kujyana n’ibijyezweho. Ariko Pawulo yandikira Timoteyo yaramubwiye ngo yitoze kubaha Imana. Kandi yandikira Abakorinto,yarababwiye ngo ibyo mukora mujye mubikora mubanje kureba ko binezeza Imana. Kuko ntacyo dukora kugira ngo abantu badushime, ahubwo tugomba kubikora tunezeza Imana.

None mukirisitu, uhagaze hehe? Ni ibiki ushaka kugundira? Amahitamo yawe ameze gute kuko ibyo wabona bifite agaciro mu maso yawe hari igihe Imbere y’Imana byaba bidafite agaciro. Wimera nka Loti wibabarizaga umutima ariko ntasohoke mu bimubabaza umutima. Fata umwanzuro wimuke kandi usige ibyo bintu biri gutuma Imana itakubona neza, wireba kuby’isi ahubwo reba kubyo Imana ishaka nibwo uzakiza ubugingo bwawe

source:cepurhuye.org

[email protected]

Rurangirwa Louis akaba umuyobozi w’ikipe ya Rugende WFC, yasabye ishyirahamwe ry’umupira w’amaguru mu Rwanda 'FERWAFA’ ko ryaha amakipe y’abagore amafaranga yabagenewe yo guhangana n’ingaruka za COVID-19 bitaba ibyo akayitwara muri FIFA.

FIFA yoherereje amashyirahamwe amafaranga yo guhangana n’ingaruka za Coronavirus, ni amafaranga yaje umwaka ushize wa 2020 mu kwezi kwa Nzeri.

Muri ayo mafaranga harimo miliyoni 151frw yagombaga kujya mu makipe y’abagore ariko kugeza uyu munsi nta n’igiceri barahabwa.

Ni kenshi ubuyobozi bwa FERWAFA bwagiye buvuga kuri iki kibazo, aho bwavuze ko amafaranga yabo ntaho yagiye ndetse ko abitswe mu rwego rwo kugira ngo azayakoreshe mu gihe ibikorwa bya ruhago y’abagore bizaba byasubukuwe cyane ko ubu amenshi atujuje ibisabwa.

Rurangirwa Louis muri Gashyantare akaba yarareze Komite Nyobozi ya FERWAFA mu Kanama Nkemurampaka, iyi komite yasabwe kwihutisha gahunda zo gutanga amafaranga mu gihe kitarenze ibyumweru bibiri ku makipe yujuje ibisabwa.

Mu ibaruwa iri mu rurimi rw’igifaransa, umuyobozi wa Rugende WFC, Rurangirwa Louis yandikiye umunyamabanga wa FERWAFA, yasabye ko iki kibazo cyacyemurwa mu bwumvikane bidasabye ko bajya muri FIFA.

Yagize ati'impande 2 ni ukuvuga njye na Komite Nyobozi, Komisiyo yari yemeje ko amafaranga agomba gutangwa mu byumweru bibiri, mu yandi magambo ni ukuvuga tariki ya 14 Werurwe 2021, nyuma yo gufata uwo mwanzuro turifuza ko hashakwa igisubizo mu bwumvikane hatabayeho gutabaza FIFA.'

Ni ibaruwa yanditse akagenera kopi abaperezida b’amakipe y’abagore ndetse na Minisitiri wa Siporo, Munyangaju Aurore Mimosa.

Rurangirwa Louis akaba yahaye ubu buyobozi ibyumweru 2, mu gihe bitakorwa akazahita yitabaza impuzamashyirahamwe y’umupira w’amaguru ku Isi FIFA.

Rurangirwa Louis yasabye FERWAFA ko yabishyura amafaranga yabo mu bwumvikane

Ibyo urya bigira uruhare runini mu mikorere myiza cg mibi y’ingingo zitandukanye mu mubiri. Niba warigeze kurwara, wabonye ko mu gihe urwaye hari ibiryo ushaka ibindi ukabyanga, hari amafunguro amwe n’amwe agufasha gukira vuba, andi akakudindiza.

Ibyo kurya ugomba kwibandaho mu gihe urwaye n’ibyo ugomba kwirinda

1.Kuribwa umutwe

Imwe mu mpamvu ikomeye itera uburibwe bw’umutwe harimo kugira umwuma mu mubiri. Mbere yo gutekereza ibinini bya paracetamol, ukwiye kureba neza niba uri kuvura neza icyabiteye, ukareba niba ububabare buvaho.

Ibyo kurya wibandaho

Amazi n’ibindi binyobwa nibyo biza ku mwanya wa mbere mu gukiza kuribwa umutwe. Niba wumva umutwe uri kukurya, nywa amazi, utegereze byibuze iminota 20, urebe icyo bitanga.

Ushobora no kunywa ikawa ariko nke, caffeine ibonekamo ifasha mu kuvura umutwe. Mu gihe unyweye ikawa ugomba no kunywa amazi angana n’iyo wanyweye mu rwego rwo kwirinda umwuma mu mubiri.

Ibyo kurya wirinda

Ibiryo biryohereye, wine itukura, shokola, inyama zimaze iminsi ndetse na fromage imaze igihe.

2.Inkorora

•Ibyo kurya wibandaho

Amasosi atandukanye ashyushye (yaba ari umufa w’inyama, cg isosi y’izindi mboga zitandukanye), imbuto zikarishye (nk’amacunga cg indimu), icyayi gishyushye. Ibi byose bibarirwa mu biryo bifasha kwirukana igikororwa no kurinda gufungana.

Ibyo kurya wirinda

Inzoga n’ibiryo birimo urusenda ugomba kubyirinda mu gihe ukorora kuko bishobora kongera ubukana bw’indwara ukaba wanahita ufungana cg ukarwara ibicurane cyane.

3.Kuribwa mu muhogo

•Ibyo kurya wibandaho

Mu gihe wumva mu muhogo hokera, ugomba kwibanda ku mafunguro yoroshye; nk’ibirayi binombye, amasosi atandukanye, yogurt, icyayi gishyushye (ushobora no kongeramo ubuki ndetse na mint) gifite ubushobozi bwo kurinda uburibwe mu muhogo.

•Ibyo kurya wirinda

Ugomba kwirinda ibiryo birimo amavuta menshi (nk’amafiri), utubuto duto, imitobe ibonekamo aside nyinshi cg soda kuko byangiza umuhogo. Ugomba no kwirinda ibyo kunywa bishyushye cyane.

4.Kwituma impatwe

•Ibyo kurya wibandaho

Ibishyimbo, ingano zuzuye kuko zibonekamo urugero ruri hejuru rwa fibres (twavuga umuceri udatonoye, umugati ukozwe mu ngano zuzuye n’ibindi), broccoli ndetse n’imyembe. Ibiryo bibonekamo fibres nyinshi birinda kwituma impatwe (constipation), kuko bituma igogorwa rigenda neza.

Soma akamaro gatandukanye ka fibres ku mubiri http://umutihealth.com/2016/11/fibres/

Ibyo kurya wirinda

Ibikomoka ku mata byose, imiti ikuraho ububabare ndetse n’inyongera z’ubutare biri mu byongera ikibazo cyo kwituma impatwe.

5.Allergies

Gufuruta ndetse no kwishima cyane ku ruhu bishobora kuba ikimenyetso cya allergies, niba ujya urya ibiryo bimwe na bimwe ukabona umubiri utabyakiriye neza, uba ukwiye kubyirinda.

•Ibyo kurya wibandaho

Ibiribwa bikungahaye ku binure bya omega-3, nk’amafi atandukanye, abonekamo proteyine nyinshi kandi zirinda uruhu cyane. Amavuta akomoka ku tubuto duto nayo n’ingenzi mu kurinda ubwivumbure bw’umubiri.

•Ibyo kurya wirinda

Ibyo kurya bikunze gutera ubwivumbure cyane ku mubiri harimo; amata, amagi, inkeri, inyanya, soya ndetse n’ibikomoka ku ngano byose ndetse kandi na shokola.

6.Kubabara imikaya

Hari igihe wumva wacitse intege umubiri wose ukumva ahantu hose urababara. Bishobora guterwa n’impamvu nyinshi, gusa niba uburibwe buri mu mubiri wose, akenshi ibyo kurya bikungahaye kuri kalisiyumu na manyesiyumu birafasha.

•Ibyo kurya wibandaho

Amafunguro akungahaye cyane kuri manyesiyumu twavuga; imineke, imboga rwatsi, ibishyimbo, avoka n’utubuto duto. Calcium iboneka muri yawurute, amafi ndetse n’imboga rwatsi zijimye, ifasha mu kugabanya uburibwe bw’imikaya.

•Ibyo kurya wirinda

Ugomba kwirinda ibyo kunywa byose byongera umwuma, nk’inzoga cg ikawa. Kuko bishobora gutuma uburibwe bwiyongera.

Source:umutihealth.com

[email protected]

Aba uko ari muri 60 bafashwe ku mugoroba wo kuwa 4 Mata 2021, bari kwiyakirira muri iyo hoteli.

Makungu Thierry ari na we wari warongoye yabwiye itangazamakuru ko yemera ko bakoze amakosa bakarenga ku mabwiriza yo Kwirinda Coronavirus , akaba abisabira imbabazi .

Ati ' Byari mu masaha ya saa kumi n'ebyiri z'umugoroba, twari turi gufata amafunguro nibwo badufashe, ndemera amakosa nkanayasabira imbabazi.'

Yavuze ko amakosa yaguyemo yamusigiye amasomo bityo ko agira inama abandi gukomeza kwirinda icyorezo cya Coronavirus ndetse bubaha n'inama zitandukanye bagirwa.

Harerimana Gasana Jean de Dieu Ushinzwe Imari n'Ubutegetsi muri Hoteli Le Printemps , yavuze ko bari basabwe gutegura amafunguro y'abantu 50 kuko bari bari bizeye icyumba gisanzwe cyakira abantu 200 ariko baza gusanga ari abantu 60.

Yavuze kandi ko mu kubategurira ayo mafunguro batari babwiwe ko ari ubukwe bari gutegurira .

Yasabye abakora ubucuruzi bujyanye n'amahoteli kwitwararika mu kwirinda icyorezo cya Coronavirus.

Ati ' Ubutumwa naha abakora ubucuruzi nk'ubwacu , ni ukwitwararika ku bantu babagana kuko umuntu aza akubwira ko ari ukwiyakira mu buryo busanzwe ariko bifite amayeri abyihishe inyuma cyangwa ashobora gukora ibikorwa bye runaka atitaye ko ashobora kubateza ibibazo. '

Umunyamabanga Nshingwabikorwa w'Umurenge wa Kimironko, Umuhoza Rwabukumba, yavuze hoteli yakoze amakosa akomeye yo kutamenyekanisha ko hari abantu barenze 20 baraza kuhiyakirira.

Ati 'Aha hantu ntabwo bigeze batumenyesha y'uko bafite ubukwe uretse ko butemewe, nta nubwo bigeze batubwira y'uko bafite abantu nibuze barenga 20 kuko icyo kintu nicyo twari twabasabye dukora inama nabo'.

Yavuze ko inzego z'abikorera basanzwe bagirana imikoranire n'inzego z'ibanze kandi ko babibutsa kenshi ingamba zo kwirinda Coronavirus bityo ko abazajya barenga ku mabwiriza bazajya babihanirwa.

Umuvugizi wa Polisi y'Igihugu CP John Bosco Kabera, yasabye inzego z'abikorera kutadohoka ku mabwiriza yo kwirinda Coronavirus.

Ati ' Icya mbere turasaba kubahiriza amabwiriza ntibadohoke ariko rero ikigaragara n'uko iyo leta idohoye kubikorera, igashyiraho amabwiriza y'uburyo bakwiye gukora,abantu bashaka kwishyiriraho akarusho'.

Nyuma yo kuganirizwa ububi bw'icyorezo basabwe kwipimisha COVID-19 ndetse bacibwa n'amande y'ibihumbi 25 000 Frw kuri buri umwe . Hoteli yo yafunzwe mu gihe cy'iminsi 30 inacibwa amande angana na 150 000Frw.

Abarenze ku mabwiriza yo kwirinda Coronavirus bose bagera kuri 60 bajyanywe muri stade bagirwa inama bacibwa n’amande

Bafashwe bari mu birori by’ubukwe batubahirije amabwiriza yo kwirinda Coronavirus

Umunyamabanga Nshingwabikorwa w'Umurenge wa Kimironko, Umuhoza Rwabukumba yavuze ko basanzwe bakorana n’inzego z’ibanze bityo ko abazarenga ku mabwiriza bazabihanirwa