Category: Uncategorized

Gasana Edna Darlène yari mu bakobwa bahataniye ikamba rya Miss Rwanda 2015 ryegukanywe na Miss Kundwa Doriane, ariko nawe yari mu bakobwa bahabwaga amahirwe muri aya marushanwa ndetse yanegukanye ikamba ry'umukobwa w'intangarugero mu mibanire n'abandi (Miss Congeniality). Nyuma kubura ikamba rya Miss Rwanda 2015, ntiyacitse intege kuko yahise anitabira amarushanwa ya Miss CBE, ndetse akaza kuryegukana.

Kuri ubu uyu mukobwa yamaze kwambikwa impeta y'urukundo n'umusore witwa Christian bamaze imyaka 8 bakundana. Ni mu birori byabaye ku mugoroba wo ku Cyumweru tariki 04/04/2021 ubwo hirya no hino ku Isi bizihizaga Umunsi Mukuru wa Pasika – Izuka rya Yesu Kristo. Miss Darlene yakorewe ibi birori mu buryo bwamutunguye cyane dore ko hari hashize iminsi micye yizihije isabukuru y'amavuko, akaba ari ho umuntu yakeka cyane ko ari bwo yari gukorerwa 'Surprise' ariko ntibibe.

Miss Darlene yambitswe impeta mu birori byabereye kuri Inka Steakhouse mu Mujyi wa Kigali. Mu kiganiro na InyaRwanda.com, uyu mukobwa yadutangarije ko umusore wamwambitse impeta bamaze imyaka 8 bakundana. Urukundo rw'aba bombi ntirwamenyekanye mu itangazamakuru kabone nubwo bamaranye igihe kingana gutya. Ku bijyanye n'ubukwe bwabo n'ubwo nta mpapuro z'ubutumire zirajya hanze, amakuru yizewe ahari avuga ko buzaba muri uyu mwaka kuri Boxing Day ni ukuvuga tariki 26 Ukuboza 2021.

Source : http://umuryango.rw/imyidagaduro/article/miss-darlene-gasana-wabaye-miss-congeniality-muri-2015-yambitswe-impeta-n

Imvura y'umuvumbi yangije byinshi muri ibyo bihugu bituranye byo mu majyepfo ashyira uburasirazuba bw'Aziya, amazi yo mu bidendezi (dams) aruzura arameneka atabika ingo zibarirwa mu bihumbi.

Akarere kibasiwe gahera ku kirwa cya Flores mu burasirazuba bwa Indonesia kakagera muri East Timor.

Muri Indonesia honyine, abantu 80 bapfuye mu gihe abandi babarirwa muri za mirongo bakomeje kuburirwa irengero. Abategetsi baburiye ko umubare w'abapfuye ushobora kwiyongera.

Raditya Jati, umuvugizi w'ikigo cya Indonesia cyo kurwanya ibiza, yabwiye abanyamakuru ati:

“Icyondo n'ikirere kimeze nabi cyane byabaye imbogamizi ikomeye kandi no kuba ibisigazwa bikomeje kwirundarunda byabangamiye itsinda rikora ibikorwa byo gushakisha no gutabara”.

Mugenzi we, Alfons Hada Bethan ukuriye ikigo cyo kurwanya ibiza cyo ku kirwa cya East Flores, yagize ati:

“Ducyeka ko hari abantu benshi barengewe, ariko ntabwo bizwi umubare w'ababuriwe irengero”.

Yongeyeho ati: “Abarokowe bashyizwe ahantu hose. Hari ababarirwa mu magana muri buri gace k'akarere, ariko hari abandi benshi bari mu ngo. Bacyeneye imiti, ibiribwa, ibiringiti”.

Abantu batari munsi ya 21 na bo bapfuye muri East Timor, igihugu kizwi no ku izina rya Timor Leste, nkuko ibiro ntaramakuru byasubiyemo amagambo y'abategetsi bo kuri icyo kirwa babivuga.

Bicyekwa ko benshi mu bapfuye ari abo mu murwa mukuru Dili w'icyo gihugu.

Perezida wa Indonesia Joko Widodo yihanganishije imiryango yabuze abayo ndetse ashishikariza abaturage gukurikiza inama bagirwa n'abategetsi muri ibihe ikirere kimeze nabi cyane.

Yagize ati: “Nategetse ko ibikorwa by'ubutabazi biba mu buryo bwihuse kandi neza, nk'urugero ubufasha mu rwego rw'ubuvuzi, gutanga ibikoresho n'ibicyenerwa by'ibanze ku bataye ingo zabo ndetse no gusana ibikorwa-remezo”.

Muri iki gihe cy'imvura, inkangu n'imyuzure imara igihe gito bikunze kubaho mu birwa bigize Indonesia.

Mu kwezi kwa mbere muri uyu mwaka, abantu 40 barapfuye ubwo imyuzure yibasiraga umujyi wa Sumedang wo ku kirwa cya Java.

No mu kwezi kwa cyenda mu 2020, abantu batari munsi ya 11 bishwe n'inkangu ku kirwa cya Borneo, mu gihe mu mezi macye yari yabanje abantu babarirwa mu macumi bapfiriye ku kirwa cya Sulawesi.

Ikigo cya Indonesia cyo kurwanya ibiza cyagereranyije ko hafi kimwe cya kabiri cy'abaturage b'iki gihugu – ni ukuvuga abantu miliyoni 125 – batuye ahantu ho mu manegeka hashobora kwibasirwa n'inkangu.

Source : http://umuryango.rw/amakuru/mu-mahanga/article/abarenga-100-bishwe-n-imyuzure-muri-indonesia-na-east-timor

Source : https://imirasire.com/?Miss-Gasana-wabaye-Miss-CBE-na-Miss-Congeniality-muri-2015-yambitswe-impeta

Yabigarutseho kuri uyu wa Mbere tariki ya 5 Mata 2021 ubwo yari mu Karere ka Nyaruguru aho yagiranye ibiganiro n'abagize inzego z'ibanze, abavuga rikijyana n'abafatanyabikorwa.

Minisitiri Gatabazi yaganiriye n'abo mu Mirenge ya Ruheru, Nyabimata, Muganza na Kivu.

Yagarutse by'umwihariko ku bwiyongere bw'icyorezo cya Covid-19, avuga ko imibare y'abacyandura mu Majyepfo bakomeje kuba benshi, abasaba kwitwararika birinda ko bashyirwa muri gahunda ya guma mu rugo.

Yagize ati 'Intara y'Amajyepfo kuri ubu ni yo iri ku isonga mu bwandu bwa Covid-19 ku buryo bisaba ko abaturage mwongera imbaraga mu kubahiriza amabwiriza yo kuyirinda.'

'Mu muhanda nagiye mbona abaturage batambaye agapfukamunwa, hari n'abaje hano mu nama batwambara ari uko bahageze, ntabwo ari ko bigenda. Agapfukamunwa ntabwo ari ako kwambara uje mu nama, ni ako kwirinda uri mu bandi baturage mutabana mu nzu, ba bandi baba bashobora kuba bafite aho banyuze utazi.'

Yabibukije ko agapfukamunwa atari ako kwambara babonye abayobozi cyangwa abapolisi, ahubwo kagomba kwambarwa igihe cyose umuntu avuye mu rugo agiye aho ashobora guhura n'abandi.

Ati 'Urebye uko imibare ihagaze muri Huye, Gisagara, Ruhango, Nyaruguru n'ahandi, murasabwa kongera gutekereza kurushaho, mufate ingamba kuko nibiba ngombwa hari ibice bigomba gusubira muri guma mu rugo.'

Minisitiri Gatabazi yabibukije ko guma mu rugo ari yo ihenda kurusha kwirinda, abasaba kubahiriza amabwiriza yose yashyizweho n'inzego z'ubuzima agamije gukumira Covid-19.

Bamwe mu bitabiriye iyo nama batanze ibitekerezo bavuze ko bagiye kongera imbaraga mu gukumira ikwirakwira rya Covid-19 bubahiriza amabwiriza y'inzego z'ubuzima.

Bimenyimana Venuste ati 'Tugiye kongera imbaraga mu kwirinda kuko kuba imibare y'abandura Covid-19 iri kwiyongera bigaragara ko habayeho kudohoka mu Ntara yacu y'Amajyepfo.'

Imibare ya Minisiteri y'Ubuzima imaze iminsi igaragaza ko abandura Covid-19 benshi bari kugaragara mu Ntara y'Amajyepfo.

Mu minsi ishize Guverinoma y'u Rwanda yashizeho amabwiriza yihariye ku Turere twa Ruhango, Nyanza, Huye, Gisagara, Nyamagabe na Nyaruguru y'uko abantu bagomba kuba bageze mu rugo 19h00, bitandukanye n'ahandi mu gihugu kuko isaha yagizwe 21h00.

Minisitiri Gatabazi yagiranye ibiganiro n'abagize inzego z'ibanze, abavuga rikijyana n'abafatanyabikorwa mu Karere ka Nyaruguru

Minisitiri Gatabazi yasabye abatuye Intara y'Amajyepfo kwitwararika bakumira Covid-19 birinda gusubizwa muri guma mu rugo

Minisitiri Gatabazi yasuye Akarere ka Nyaruguru kuri uyu wa Mbere, agirana ibiganiro byihariye n’abagatuye

Abatanze ibitekerezo biyemeje kongera imbaraga mu gukumira icyorezo cya Covid-19

Abitabiriye inama bahawe umwanya wo gutanga ibitekerezo

Minisitiri Gatabazi aganira n’abo mu Mirenge ya Ruheru na Nyabimata muri Nyaruguru

[email protected]

---

Source : http://igihe.com/amakuru/u-rwanda/article/covid-19-minisitiri-gatabazi-yasabye-abatuye-mu-majyepfo-kwitwararika-birinda

Umuhango wo gutangiza Kwibuka ku nshuro ya 27 Jenoside yakorewe Abatutsi, ku rwego rw'Igihugu uzabera ku Rwibutso rwa Kigali ruri ku Gisozi mu Karere ka Gasabo, Umujyi wa Kigali nk'uko bisanzwe bigenda buri mwaka.

Bitandukanye n'umwaka ushize ubwo Abanyarwanda bari muri gahunda ya Guma mu Rugo, kuri iyi nshuro nyuma y'umuhango wo gucana urumuri rw'icyizere ku rwibutso rwa Kigali hazakurikiraho umuhango nyir'izina uzabera i Rusororo mu Intare Arena.

Mu kiganiro yagiranye na RBA, Umunyamabanga Nshingwabikorwa wa CNLG, Dr Bizimana Jean Damascène, yavuze ko iki gikorwa kizakurikira umuhango wo gutangiza icyunamo ari nacyo kizavugirwamo ubutumwa nyamukuru.

Mu bazacyitabira harimo abayobozi bakuru b'igihugu, abahagarariye ibihugu byabo mu Rwanda, abo mu nzego z'ibanze, abikorera, abanyamadini n'abacitse ku icumu n'ibindi byiciro bitandukanye.

Ati 'Mbega ibyiciro byose by'Abanyarwanda bizahagararirwa muri icyo gikorwa kizabera mu Intare Arena, kirangwe n'ibiganiro, ubuhamya, indirimbo ndetse n'ubutumwa nyamukuru bugenewe Abanyarwanda, inshuti z'u Rwanda n'amahanga yose. Icyo ni igikorwa gishya ugereranyije n'umwaka ushize.'

Dr Bizimana yavuze ko abandi Banyarwanda bazakurikira ibi bikorwa mu buryo bw'ikoranabuhanga ririmo Radio na Televiziyo, ibinyamakuru ndetse n'imbuga nkoranyambaga.

CNLG ivuga ko ibikorwa bitandukanye birimo urugendo rwo kwibuka ndetse n'umugoroba w'icyunamo byose nta bizaba. Ni mu gihe kandi icyumweru cy'icyunamo ibikorwa bisanzwe biba mu bihe bisanzwe byo kwibuka bizaba hatangwa ibiganiro mu buryo bw'ikoranabuhanga.

Nk'uko amabwiriza yo kwirinda Covid-19, avuga ko gushyingura byemewe, ni nako bizagenda aho uturere twagiye tubona imibiri y'Abatutsi bishwe muri Jenoside muri uyu mwaka bizakorerwa ku nzibutso ariko hubahirizwa amabwiriza yo kwirinda ikwirakwira rya Covid-19.

Dr Bizimana ati 'Bivuze ko abaturage bafite ababo bataburuwe muri ibi bihe, imiryango izajya igena abayihagararira bakurikije umubare, inzego z'ibanze zizabikurikirana, iz'umutekano n'iz'ubuzima zizabikurikirana nk'uko bisanzwe ku buryo amabwiriza yubahirizwa.'

Yakomeje agira ati 'Iki kirajyana no kuba abantu bajya gushyira indabo ku nzibutso nabyo ni ibintu bifasha kwibuka ababo, kuzirikana abacu, icyo gikorwa nacyo abantu bashobora kuzajya bajya kugikora ariko bubahirije nanone ya mabwiriza yo kwirinda Covid-19, birinda kugenda ari benshi, ari ikivunge, hakajyayo umubare ugenwe wemewe.'

Dr Bizimana avuga kandi ko abantu bakwiye kwirinda kujya bafata amamodoka arimo abantu benshi ngo babaherekeze nk'uko byari bisanzwe ahubwo bagashishikarizwa bajya bipimisha Covid-19, mbere yo kujya ku nzibutso.

Ati 'Bashobora kubikora mu byiciro bitandukanye cyangwa ku minsi itandukanye, ariko tubanashishikariza kubanza kwipimisha Covid-19 bakamenya uko bahagaze noneho kuba bagiye no kujya mu ruhame icyo bakacyubahiriza kandi bakirinda kugendera rimwe ari benshi. Inzego ntizabyemera kuko amabwiriza aba agomba kubahirizwa uko ateye.'

Muri ibi bihe byo kwibuka ku nshuro ya 27 hateganyijwe ibiganiro bizajya bibera mu bigo bitandukanye na za Minisiteri aho bizajya bitangwa hifashishijwe ikoranabuhanga abakozi babyo bagasobanurirwa amateka yaranze Jenoside yakorewe Abatutsi.

Umunyamabanga Nshingwabikorwa wa CNLG, Dr Bizimana Jean Damascène, yagaragaje uko umuhango wo kwibuka Jenoside yakorewe Abatutsi uzakorwa hubahirizwa amabwiriza yo kwirinda Covid-19

---

Source : http://igihe.com/amakuru/u-rwanda/article/abajya-ku-nzibutso-za-jenoside-basabwe-kubanza-kwipimisha-covid-19-impinduka-mu

Source : https://agakiza.org/Nyiri-uyu-mushinga-yawushoyemo-amaraso.html

Source : https://agakiza.org/UBUZIMA-01-Ntuzategereze-ko-bibanza-kukugeraho-Im.html

Uyu mugabo ni umwe mu bavanga umuziki b'abahanga kandi bakiri bato u Rwanda rwari rufite. Ni gake washoboraga kubona aho yavanze imiziki hari irungu.

Dj Miller yabarizwaga mu itsinda rya Dream Team DJS yari ahuriyemo na DJ Marnaud, DJ Toxxyk, DJ Julzz na DJ Karimu ndetse iyo uganiriye n'umwe muri aba akubwira ko babuze umuntu w'ingenzi mu buzima bwabo no mu kazi bari bahuriyemo.

Mu makuru dukesha kiganiro IGIHE cyangiranye nabamwe mu nshuti ze zahafi bamweretse ko bamukunda kandi bamuzirikana ,Nka DJ Marnaud avuga ko ari ibintu bikomeye kwakira ko umwaka ushize mugenzi wabo abavuyemo.

Ati 'Ni ibintu bikomeye. Dj Miller yari inshuti, yari umuvandimwe yadufataga na we nk'abavandimwe be kandi yaraturutaga anaturusha kuba umu-star. Yatugiraga inama, yaradufashaga cyane. Bwa mbere numva ko yitabye Imana, ntabwo nabyizeye nabanje kugira ngo ni ibihuha.'


DJ Marnaud ushaka kongera izina Miller mu mazina y'umwana we ubusanzwe witwa Alvin yavu ko buri gihe batekereza ku muvandimwe wabo wabavuyemo ndetse asaba abantu kuba hafi y'umuryango we bakawufasha.

Ati 'Umuntu afata umwanya akamutekerezaho. Buri wese aho ari azibuke ko kuba yagira ikintu yakora. Hari byinshi byagezweho birimo album hari n'ibindi bikiri kuza. Ntabwo azigera yibagirana. Icyo twasaba ni uko abakunzi be batuba hafi.'

Kuri DJ Marnaud, ngo ni icyuho gikomeye kuri Dream Team DJS bari bahuriyemo kuko hari izindi mbaraga batakaje.

Ati 'Ni icyuho kuko niba wari umenyereye kuvugana n'umuntu buri munsi mukorana akagenda akazi kariyongera. Bigusaba izindi mbaraga, ni icyuho gikomeye cyane. Icyo turi gukora kugira ngo atazibagirana ni imishinga turi gukora kandi dushaka kujya tumwibuka buri mwaka no mu gihe gisanzwe hari ibikorwa bizagenda biza. Azakomeza kugaragara kuko turacyari kumwe muri Dream Team Djs.'

Yavuze ko ikintu gikomeye yasezeranyije DJ Miller ari ukuba hafi y'umuryango we wasigaye.

Ati 'Yanyinjije muri Dream Team, hari akazi yampaga. Hari igihe nabaga ndi mu bibazo akamfasha. Ikintu gikomeye navuga ni uko yamfashaga mu kazi. Namwemereye kuba hafi y'umuryango we . Afite umukobwa muto nanjye nzamubera nka papa, nzafasha umugore we na mama we . Ni inshuti yanjye cyane.'

Kuri uyu wa Mbere umuryango wa DJ Miller ndetse n'abari inshuti ze za hafi basuye imva ye ndetse banayishyiraho indabo.

Tariki ya 8 Mata 2020 nibwo DJ Miller yasezeweho bwa nyuma ndetse anashyingurwa mu irimbi rya Rusororo riherereye mu Karere ka Gasabo.

DJ Miller wari ufite imyaka 29, yatangiye umwuga wo kuvanga imiziki mu 2012 atojwe na DJ Karim bahuriye mu itsinda rya Dream Team DJs.

Yacuranze mu bitaramo bitandukanye bya Rock Events bikunze kuba harasirwamo ibishashi bitangiza umwaka, muri Waka Warrior Race 2015, mu birori byo Kwita Izina mu 2015, n'ibitaramo bya New Years' Vibes. Yibukirwa cyane ku gucurangira Sauti Sol ubwo bari mu rugendo rwa album yabo ya 'Live and Die in Africa' mu 2016, yanacuranze mu birori bya Jameson Connects Rwanda Party.

Ni umwe mu bavanga imiziki wari umaze kwandika izina rikomeye aho yanakoranaga n'abahanzi b'ingeri zose mu ndirimbo zitandukanye. Yakoranye na Butera Knowless, Dream Boys na Riderman indirimbo yitwa 'Iri Joro ni Bae'.

Yakoranye kandi na Social Mula mu ndirimbo yitwa Stamina, Un Million c'est Quoi na Peace ndetse na Belle yahuriyemo na Peace na Urban Boys.

Mu 2019 yari yashyingiranywe na Hope Nigihozo ndetse mu Ukuboza bibaruka imfura y'umukobwa bise 'Shani' . Iri zina rikaba ryaranitiriwe album ye yasize akoze ahuriyeho n'abahanzi batandukanye yagiye hanze mu minsi ishize.

Iyi album yamuritswe tariki 4 Ukuboza 2020, ari nabwo binyuze ku rukuta rwa YouTube rwa Dj Miller habaye igitaramo cyo kumurika album ye ya mbere yasize akoze.

Iki gitaramo cyabereye muri New Cadillac mu Mujyi wa Kigali, cyitabiriwe n'abahanzi batandukanye biganjemo abakoranye na Dj Miller kuri album ye ya mbere.

Umwihariko wari Rita Ange Kagaju wakoze indirimbo yo kuzirikana Dj Miller igashyirwa kuri iyi album na Uncle Austin waririmbye 'Witinya' bari baremeranyije gukorana akitaba Imana batarayitunganya.

Umugore wa DJ Miller ndetse na nyirabukwe basuye imva y'uyu mugabo umaze umwaka yitabye Imana

Kuri uyu wa Mbere hateganyijwe igitaramo cyo kwibuka DJ Miller kirabera kuri Instagram

Abarimo DJ Pius, Yago, David Bayingana n'abandi bari mu basuye imva ya DJ Miller nyuma y'umwaka yitabye Imana

Source : http://umuryango.rw/imyidagaduro/article/byinshi-bitazibagirana-kuri-dj-miller-umaze-umwaka-umwe-yitabye-imana-amafoto

Iyo umubano wakomeje kuba mwiza rero buri wese akiyumva muri mugenzi we hari igihe baba bameze nk'abavandimwe batagitinyana ku buryo buri wese yakora buri kimwe nta soni afite.

Ese gusura uri kumwe n'umukunzi wawe ni ikibazo?

Gusura ni ibintu bisanzwe nk'uko twabivuze haruguru ndetse ntiwabihagarika burundu nk'uko utareka kurya, kurira, guseka n'ibindi, ni igikorwa kibera mu mara aho aba yohereza umwuka utari mwiza hanze kandi ni ikimenyetso cy'ubuzima bwiza kuko haramutse hariho umuntu utabikora yaba afite ikibazo gikomeye.

N'ubwo akenshi bifatwa nk'igikorwa giteye isoni ariko ubushakashatsi burabivuguruza aho bushimangira ko icyo gikorwa iyo gikozwe n'umuntu ari kumwe n'umukunzi we cyangwa uwo bashakanye bifatwa nk'ikimenyetso cy'urukundo nyarukundo.

Umwe mu bakoraga ubu bushakashatsi ari we Decesare, mu gitabo yanditse cyitwa Naked Parenting avugamo ubuhamya bwe aho avuga ko umunsi wa mbere asurira umugabo we ari na wo munsi umunezero n'urukundo rwinshi byatashye mu rugo rwabo kuko umugabo we yahise yongera kwifuza kuzasazana n'umugore we kubera icyo gikorwa gifatwa nk'igisuzuguritse yari akoze.

Niba utajya witangira ukabona urasuze uri kumwe n'umukunzi wawe kandi utabasha kubikorera mu ruhame, nuko wiyumva neza kandi ukaba wumva utekanye rwose, ibyo byerekana urukundo rukomeye mufitanye mwembi.

Niba ufite umukunzi cyangwa uwo mwashakanye mujya museka cyane mugakwenkwenuka mu gihe umwe muri mwebwe asuze, mbese bikaba intangiriro y'ikiganiro cyanyu ni uko mwembi mukundana cyane ndetse bigaragaza ko ntacyo mujya muhishanya.

Ikindi gikomeye ubushakashatsi bugaragaza ni uko niba utinya gusura uri kumwe n'umukunzi wawe cyangwa uwo mwashakanye bishatse kuvuga ko n'ubusanzwe hari ibindi bintu byinshi umuhisha, muri make ntabwo umwizera na gato. Nyuma yo gusoma iyi nkuru rero ntuzongere kwitangira uri kumwe n'umukunzi wawe, gusura ni igikorwa kizagufasha kwereka uwo ukunda ko umukunda by'ukuri kandi ko ntacyo umukinga.

Source : http://umuryango.rw/ubuzima-115/imibereho/article/ubushakashatsi-bwagaragaje-uburyo-gusurira-umukunzi-wawe-cyangwa-uwo