Category: Uncategorized

Nyuma yo gutsinda ikipe ya Police FC 2-0, AS Kigali yahise ikatisha itike yo kuzamuka mu itsinda, ni mu gihe mu itsinda D, Mukura VS yamaze gusigara.

Uyu munsi hakinwaga imikino ibanziriza iya nyuma yo mu matsinda ya shampiyona umwaka w’imikino wa 2020-2021, hakaba hakinnye itsinda C na D.

Mu itsinda C mu Bugesera ikipe ya AS Kigali yari yakiriye ikipe ya Police FC, umukino ubanza AS Kigali yari yayitsinze 2-0.

Umukino w’uyu munsi nabwo yaje kuyitsinda 2-0 bya Nkinzingabo Fiston na Shabani Hussein Tchabalala.

Undi mukino wo muri iri tsinda Musanze FC yatsindiye Etincelles kuri Stade Ubworoherane 3-1. Harimo icya Mutebi Rashid, Twizerimana Onesme na Akayezu Jean Bosco. Igitego cya Etincelles cyatsinzwe na Songa Isai. Iri tsinda riyobowe na AS Kigali ifite amanota 12 yamaze no kuzamuka, Police FC ifite 9, Musanze 6 mu gihe Etincelles ifite 3.

Mu itsinda D, Marines yari yakiriye Sunrise FC inayitsinda 2-1. Ni ibitego bya Ishimwe Fiston na Mugenzi Bienvenue, igitego cya Sunrise cyatsinzwe na Yafesi Mubiru ku munota wa 47.

Undi mukino wo muri iri tsinda, Espoir FC yatsindiye Mukura VS i Huye 1-0. Iri tsinda riyobowe na Marines ifite amanota 10 yamaze kuzamuka, Espoir FC ifite 9 ku munsi wa nyuma igomba kwisobanura Sunrise FC ifite 7, Mukura VS ifite 2.

Mu Mikino yabaye uyu munsi habonetsemo amakarita 3 atukura, nko ku mukino wa Police FC na AS Kigali, kapiteni wa Police FC, Nsabimana Aimable winjiye mu kibuga asimbura yaje kubona ikarita itukura.

Ku mukino wa Etincelles na Musanze FC habonetsemo amakarita 2 atukura, Jean Dushimumugenzi wa Musanze na Olivier Osomba wa Etincelles bazibonye.

Shampiyona izakomeza ku munsi w’ejo hakina itsinda A na B, Rayon Sports izakira Kiyovu Sports na Rutsiro ikina Gasogi United mu itsinda B, mu itsinda A, APR FC izakina na AS Muhanga, Bugesera yakire Gorilla FC.

AS Kigali yamaze kuzamuka

Umutoza w’ikipe ya Rayon Sports, Guy Bukasa yasabye abakunzi b’iyi kwima amatwi ibivugirwa mu itangazamakuru ahubwo bakihanganira ikipe yabo bakayishyigikira kuko bahuye n’ikibazo cy’uko abakinnyi bayo benshi ari bashya.

Rayon Sports ni imwe mu makipe yatanze amakuru mbere y’uko shampiyona ya 2020-2021 itangira bitewe n’uburyo yiyubatse aho byagiye bigarukwaho mu itangazamakuru ko yaguze abakinnyi batari ku rwego rwayo.

Na nyuma y’uko shampiyona itangiye, iri mu itsinda B iranariyoboye n’amanota 7, ntabwo iremeza abakunzi b’umupira w’amaguru. Mu mikino 4 yatsinzemo 2 inganya umwe itsindwa undi.

Guy Bukaba akaba umutoza w’ikipe ya Rayon Sports, yavuze ko bagize ikibazo cy’uko abakinnyi bafite bose ari bashya kandi nta mwanya babonye wo kumenyerana cyane bityo ko bakwiye kubihanganira ariko bizeye ko bazatanga umusaruro.

Ati'twahuye n’ikibazo cy’urutirigongo, uhereye inyuma ugana imbere dufite abakinnyi bashya, turimo kubaka benshi baragiye, abakunzi bacu bagomba kwihangana kuko turimo gukora imyitozo myiza kandi izagira icyo itugezaho, ntabwo wabyubaka mu munsi umwe bisaba igihe, turabizeza ko turimo kubikora kandi tuzabigeraho.'

Yakomeje asaba abafana b’iyi kipe kwirinda ibikomeje kuvugwa mu itangazamakuru kuko ibyinshi atari ukuri kuri Rayon Sports.

Ati'abafana ntibite kubikomeje kuvugwa mu itangazamakuru no ku mbuga nkoranyambaga, dufite ikipe itari nini ariko twiteguye guhangana, ku bw’izina ry’ikipe, mwabonye ko hari imyanya twaguzeho abakinnyi, twazanye Muhire Kevin watanze ibyo afite ku mukino wa mbere, ku mukino wa kabiri yagize imvune ikomeye.'

Ugereranyije na Rayon Sports ya 2019-2021, iyi kipe yarahindutse cyane. Mu bakinnyi iheruka kugura harimo Heritier Luvumbi umaze kuyitsindira ibitego 2 mu mikino 2, Kevin Muhire, Mambote Batshi Assis aba baje biyongera kuri Jean Vital Aurega, Manace Mutatu n’abandi banyarwanda benshi nka Niyibizi Emmanuel, Mutunzi Clement… Baje umwaka ushize ariko uyu mwaka akaba ari bwo batangiye gukinira iyi kipe kuko imikino mu Rwanda yari yarahagaze kubera icyorezo cya Coronavirus.

Abafana ba Rayon Sports basabwe kwirinda ibivugirwa mu itangazamakuru

Guy Bukasa yasabye abakunzi b’iyi kipe kwihangana

Rutahizamu Mambote Batshi Assis ni umukinnyi mushya wa Rayon Sports

Luvumbi amaze gutsindira Rayon Sports ibitego 2 mu mikino 2 yayikiniye

Muhire Kevin yakinnye umukino umwe, uwa kabiri ahita avunika

Uyu muturage yatangiye gusohorwa mu nzu mu gitondo cyo kuri uyu wa Gatatu tariki ya 12 Gicurasi 2021 mu Mujyi wa Kayonza rwagati iruhande rwa gare.

Ahari hubatse inzu y'ubucuruzi y'uyu mugore ifite imiryango itatu n'izindi nzu zubatswe mu gikari zifite imiryango icyenda ndetse n'abandi baturage bahegereye, byanzuwe ko hacishwa ruhurura nini ikusanya amazi yo muri uyu Mujyi ndetse hakanacishwa inzira y'abanyamaguru nini.

Hahise hatangira ibikorwa byo gukora igenagaciro kugira ngo aba baturage bimurwe aha hantu kuko amazi menshi aturuka muri aka Karere yari atangiye kujya asenyera benshi.

Akarere kohereje umugenagaciro atangira kugena amafaranga azahabwa aba baturage, ageze kuri Uzamukunda amubarira miliyoni 50 Frw undi arabyanga avuga ko amafaranga abarirwa ari make ugereranyije n'inzu zihari.

Byabaye ngombwa ko yishakira umugenagaciro we bwite abibwira ubuyobozi bw'Akarere burabyemera, uyu mugenangaciro we yahahaye agaciro ka miliyoni 77 Frw, abibwiye Akarere kamubwira ko ayo mafaranga ari menshi biba ngombwa ko abagenagaciro bombi bicarana bafatira umwanzuro hamwe.

Bombi baricaranye bananirwa kumvikana, uw'akarera azamura igiciro bigera kuri miliyoni 58 Frw naho uwa Uzamukunda nawe aragabanya ahagararira kuri miliyoni 65 Frw, hasigaramo ikinyuranyo cya miliyoni 7 Frw.

Uzamukunda yabwiye IGIHE ko yahise atangira kwitabaza inkiko kugira ngo arenganurwe, ariko ubuyobozi bumutegeka gukuramo ibintu bye.

Ati 'Amafaranga bambariye njye sinyemera.'

Ku ruhande rw'ubuyobozi bw'Akarere buvuga ko bwamuhaye amabaruwa menshi amuteguza kwimuka ngo kuko amazi menshi amanuka mu miferege arimo gusenyera abandi baturage kandi harimo kubakwa ruhurura nini, abandi baturage ngo barishyuwe ndetse banavamo bajya gushaka aho batura bukamushinja kwigomeka.

Umuyobozi w'Akarere ka Kayonza, Murenzi Jean Claude, aganira na IGIHE yavuze uyu muturage yakuwemo ku ngufu kuko yahawe amafaranga akayanga ahubwo agashaka kwigomeka ku buyobozi.

Ati 'Mu rwego rwo kuvugurura umujyi no gukora ibikorwa remezo hano mu Mujyi, twatangiye gukora imihanda, imiferege na za ruhurura nini zitwara amazi, ni uko dusanga hari inzu bizaba ngombwa ko zivamo bamwe twaranabimuye bigeze kuri uriya mugore arabyanga, twamweretse ko aho atuye hazaca umuhanda na ruhurura tumukoreye igenagaciro araryanga.'

Meya Murenzi yavuze ko byageze aho bamuha miliyoni 58 Frw zivuye kuri miliyoni 50 Frw we akabaka miliyoni 65 Frw, ngo bamusabye kugana urukiko ntiyabikora ahubwo akomeza kwigomeka ari nako amazi aturuka mu zindi ruhurura akomeza gusenyera abandi baturage.

Ati 'Mu kwezi kwa Gatatu twaramwandikiye tumusaba kwitegura gukuramo ibintu aranga, mu kwa Kane turongera turamwandikira nabwo arinangira, mu cyumweru gishize twarongeye tumusaba gukuramo ibintu bye acururizamo aranga atubwira ko ari twe tuzabyikuriramo.'

Meya Murenzi yavuze ko ibintu bye byakuwe mu iduka rye bibitse ahantu hizewe akaba ari nayo mpamvu byakuwemo hari ubuyobozi ku nzego zose kugira ngo hatagira ikintu cye kihaburira cyangwa ngo cyangirike.

Yavuze ko kandi uyu mugore nakenera amafaranga yemerewe nk'ingurane miliyoni 58 Frw azatanga konte ye akayashyikirizwa nta kibazo.

Mu Mujyi wa Kayonza hatangiye kubakwa ibilometero 4,5 bya kaburimbo ibindi bitatu bikazubakwa mu isantere ya Kabarondo bizatwara arenga miliyari eshanu, uretse iyi mihanda hazanubakwa ruhurura nini ikusanya amazi yose ava mu miferege iri muri aka karere ifite agaciro ka miliyoni 178 Frw.

Ruhurura nini iri kubakwa yahagaritswe n’inzu za Uzamukunda wanze kwimurwa

Uzamukunda avuga ko Akarere kamusohoye mu nzu ku ngufu atararegera urukiko ngo rukemure ikibazo

Iyi ndege yahagurutse i Kigali 23:55 z'ijoro, igomba kugera i Johannesburg ku Kibuga cy'Indege cya OR Tambo mu rukerera rwo kuri uyu wa Kane saa 05:03 mu rugendo rutwara amasaha atanu n'iminota umunani.

Kubera ibibazo bya tekiniki, urugendo rwayo ntirwagenze uko byari byagenwe kuko byabaye ngombwa ko ihagarara i Lubumbashi muri RDC igakererwa amasaha 7 n'iminota 47. Yageze aho yagombaga kugera 12:50.

RwandAir yifashishije urukuta rwayo rwa Twitter, yavuze ko hoherejwe indi ndege kugira ngo ikomezanye abagenzi aho bari bagiye.

Bugira buti 'Indi ndege yoherejwe gutwara abagenzi ngo bagere aho berekezaga mu mahoro.'

Passengers are not stranded.
The RwandAir aircraft developed a technical problem en route to Johannesburg and diverted to Lubumbashi. Another aircraft was sent to transport the passengers safely to their final destination.

— RwandAir (@FlyRwandAir) May 13, 2021

Muri Gashyantare uyu mwaka, RwandaAir yari yahagaritse ingendo ziva n'izijya i Johannesburg bitewe n'ubwoko bushya bwa Covid-19, bwari bwagaragaye muri Afurika y'Epfo gusa zongeye gusuburwa ubwo bwacogoraga.

Iri rushanwa ryegukanywe n'Umunya-Espagne Cristián Rodríguez Martin ukinira Direct Energie yo mu Bufaransa.

Uyu mukinnyi w'imyaka 26 yegukanye Tour du Rwanda yakinwe ku ntera y'ibilometero 913.3, akoresheje amasaha 22, iminota 49 n'amasegonda 51, arusha amasegonda 17, Umunya-Canada James Piccoli ukinira Israel Start-Up Nation.

Prime Insurance yaherekeje iri siganwa rizenguruka igihugu ku nshuro ya kane kuva yinjiye mu mikoranire naryo mu 2017.

Iki kigo kizirikana ko buri wese akeneye kwishingira ubuzima n'ahazaza he kuko ntawe usezerana n'ibyago birimo impanuka zitandukanye, yakomeje gusobanurira abaturarwanda serivisi zabafasha guteganyiriza ibihe by'amage.

Umuyobozi mukuru ushinzwe ibijyanye n'Ubucuruzi muri Prime Insurance, Uramutse Régis, yabwiye IGIHE ko mu minsi umunani ya Tour du Rwanda barushijeho kwegerana n'abaturarwanda.

Yagize ati 'Twanyuzwe n'uko Abanyarwanda batwakiriye na yombi. Prime yishimiye ko nta mpanuka zikomeye zabayeho. Twasanze Abanyarwanda banyotewe no kumenya ibijyanye n'ubwishingizi kandi turahari ngo tubasobanurire.'

Yavuze ko muri Tour du Rwanda barushijeho kwegera abaturage no gusobanurira abatazi neza ubwishingizi n'akamaro kabwo.

Yagize ati 'Abenshi ntibari basobanukiwe icyo ubwishingizi ari cyo, ariko muri iyi Tour du Rwanda barabisobanuriwe. Hari abatari bazi ko bakishingira inka n'andi matungo, imyaka yo mu murima mu gihe byaba bitwawe n'ibiza n'ibindi.''

Uramutse yavuze ko ubwishingizi atari ubw'ibinyabiziga gusa ahubwo ko wanakishingira buri kimwe cyose kugira ngo mu gihe habaye ikibazo, uzashumbushwe ibihwanye n'ibyo wari ufite.

Mu buhamya bwe, Umworozi w'i Nyagatare, Ndayambaje Vital, yabwiye IGIHE ko yanyuzwe n'ubwishingizi yahawe n'iki kigo bwamugobotse yapfushije inka ze.

Ati 'Twagiraga ikibazo cy'ubushyuhe bwatumaga dutinya korora inka za Friesian [frisone] twabwirwaga ko zitaba Nyagatare kubera ubushyuhe. Aho Prime Insurance idusobanuriye ko tugomba kugira ubwishingizi, twazagira impanuka ikatugoboka, nahise ntinyuka ndazorora ndetse ndazishinganisha. Nagize impanuka zimwe [inka] zirapfa ariko yarangobotse.''

Muri Prime Insurance hanatangirwa serivisi zitandukanye zirimo n'iyo kwizigama binyuze muri 'Ikimina cyacu'' ifasha abantu kwizigamira ku buryo mu gihe kizaza nibatungurwa n'ibyago bazabe bariteganyirije. Iyi gahunda yinjirwamo n'umuntu ufite indangamuntu utarengeje imyaka 74 y'amavuko ndetse uyirimo iyo apfuye, abasigaye babifitiye ububasha bahabwa imigabane yose n'inyungu zayo iri kuri konti ye.

Uramutse yanavuze ko barushijeho gusobanurira abaturage ibyiza biri mu gukoresha ikoranabuhanga mu gihe basaba serivisi z'ubwishingizi no gusigasira amagara yabo n'ibyabo.

Ati 'Ntawe umenya iby'ejo, ejo heza ni ukuhazigamira none. Umwaka utaha twifuza kuzabona abaturarwanda bareba Tour de Rwanda bafite ubuhagarike n'ubugingo ku bwo kwishinganisha muri Prime Insurance, banirinda Covid-19.''

Kuri ubu ntibikiri ngombwa gukora urugendo ujya ku ishami rya Prime Insurance, ahubwo ushobora gukanda *177# ku bakoresha MTN, ugasaba serivisi wifuza.

Yagize ati 'Kwinjiza ikoranabuhanga muri serivisi dutanga twabimenye kare Coronavirus itaraza. Dufite ikoranabuhanga rifasha ugize impanuka kuyimenyekanisha atiriwe uzana dosiye ze; ashobora guca ku rubuga rwa www.prime.rw, agashyiramo uko impanuka yagenze, ikakirwa.''

Prime Insurance irimo ibigo bibiri bitanga ubwishingizi burimo ubw'igihe gito bukubiyemo ubw'ibinyabiziga by'ubwoko bwose; ubw'inkongi z'umuriro, ububungabunga umutungo, imizigo, impanuka zonona umubiri, imirimo ijyanye n'inyubako z'ingeri zose, ingendo zo mu kirere. Ubw'igihe kirekire burimo, amashuri y'abana, inguzanyo za banki, izabukuru, impanuka zitewe n'akazi n'ubw'umuryango.

Prime Insurance ni yo ihemba umukinnyi muto witwaye neza muri Tour du Rwanda. Muri uyu mwaka, iki gihembo cyegukanywe n'Umufaransa w'imyaka 21, Alan Boileau ukinira B&B Hotels.

Umuyobozi mukuru ushinzwe ibijyanye n'Ubucuruzi muri Prime Insurance, Uramutse Régis, yavuze ko mu minsi umunani ya Tour du Rwanda barushijeho kwegerana n'abaturarwanda n’abafatabuguzi babo babasobanurira ibijyanye na serivisi z’ubwishingizi

Prime Insurance yaherekeje Tour du Rwanda 2021 mu rugendo rw'iminsi umunani

Prime Insurance ni umuterankunga wa Tour du Rwanda. Yaherekeje iri rushanwa mu bice bitandukanye by’igihugu

Umuyobozi ushinzwe ibijyanye no kumenyekanisha ibikorwa bya Prime Insurance Ltd, Divine Himili Simbi ari kumwe na Bayingana David, umunyamakuru wamamaza ibikorwa by’iki kigo ndetse akaba ari n’umunyamakuru wa siporo uri mu bakomeye mu gihugu

Prime Insurance yaherekeje iri siganwa rizenguruka igihugu ku nshuro ya kane kuva yinjiye mu mikoranire naryo mu 2017

Prime Insurance izirikana ko buri wese akeneye kwishingira ubuzima n'ahazaza he kuko nta muntu usezerana n'ibyago

Aho Prime Insurance yanyuze yagiye isobanura byinshi kuri serivisi zayo

Amafoto: Igirubuntu Darcy

Video: Mushimiyimana Azeem

Iyi mibiri yabonetse ubwo hatangiraga imirimo yo gusiza ikibanza cy’ahazubakwa inzu y’ayabyeyi muri biriya bitaro bya Kabyayi bihererere mu Murenge wa Nyamabuye mu Karere ka Muhanga.

Iyi mibiri 324 yabonetse mu gihe cy’iminsi 12, irimo 78 yabonetse kuri uyu wa Gatatu tariki 12 Gicurasi 2021.

Umuyobozi w’Akarere ka Muhanga wungirije ushinzwe imibereho myiza y’abaturage, Mukagatana Fortune ahamya ko hashize imyaka 27 abantu barahishe amakuru ariko ko hakomejwe gushakishwa abayafite kugira ngo bayatange ibikorwa byo gushakisha byaguke bigere no mu bice bitandukanye bikikije ibi bitaro.

Yagize ati 'Kuba hashize igihe kingana gutya ni uko abazi amakuru bagiye bayahisha, ariko twatangiye gushaka abayafite kugira ngo tugire nibyo dushingiraho dukomeza ibikorwa byagutse hagamijwe kureba hose naho tuzamenya.'

Yongeyeho ko bashatse abafite amakuru ndetse bajya gushaka bamwe mu bireze uruhare rwabo muri Jenoside yakorewe Abatutsi banireze ubwicanyi bwabereye i Kabgayi kugira ngo amakuru bafite bayatange bakomeze gushakisha imibiri y’abazize Jenoside.

Ati 'Turimo gushaka abantu bose tubona ko bafite amakuru y’Abatutsi biciwe i Kabgayi ndetse twagiye gushaka abagororwa bafungiye muri Gereza ya Muhanga banemeye uruhare rwabo bagize mu kwica Abatutsi bari bahungiye muri iki gice baziko bari buharokokere. Bari bavuye mu bice bitandukanye byahoze ari ibya perefegitura ya Gitarama n’ahandi hatandukanye.'

Bamwe mu barokotse Jenoside yakorewe Abatutsi bagiye batanga ubuhamya mu bihe bitandukanye bagaragaza ko mu bice bikikije ibitaro bya Kabgayi no mu mashyamba hari ababo bishwe muri Jenoside benshi bataramenya irengero ryabo nubwo hari aburizwaga amamodoka bakajyanwa kwicirwa kuri Nyabarongo ugana Kibuye cyangwa mu Ngororero.

UKWEZI.RW