Category: Uncategorized

Muri Mutarama 2021, nibwo Mr Eazi yatangaje Ep (Extended Play) ye yise 'Something Else', atangira gusohora zimwe mu ndirimbo ziyigize kuva tariki 19 Gashyantare 2021, abinyujije mu rubuga rwe yise Empa Africa rugamije kuzamura impano z'Abanyafurika.

Empa Africa, ni urubuga Mr Eazi yafunguye agamije gufasha abahanzi bo muri Afurika, ngo impano zabo zimurike. Umuhanzi Joe Boy wataramiye i Kigali mu 2020, ni umusaruro w'uru rubuga, Mr Eazi avuga ko yitezeho guhindura umuziki wa Afurika.

EP ye yise 'Something else' iriho indirimbo nka 'Don' yakozweho n'abarimo Killertunes na E Kelly. Mu itangazo yageneye abanyamakuru, Mr Eazi yavuze ko yamaze hafi umwaka urenga akora ku rubuga rwe yise Empa Africa ntiyongera kubona umwanya wo gukora indirimbo.

Ati 'Nta mwanya nabonaga wo gukora indirimbo. Iyi ndirimbo ni umusaruro wa Kel P na Killertunes, bakomeje kunsanga mu Mujyi wa Accra kugeza ubwo nkoze 'The Don'. Byatumye nongera gufungura imiryango ya studio.'

Uretse Producer Killertunes na E Kelly, iyi Ep yanakozweho n'abarimo Spellz, Blaq Jerzee, Kel P, Jaylon na Manasseh.

Uyu muhanzi amaze iminsi anategura Album ye ya Gatatu yise 'Life is Eazi, Vol.3'. Ni nyuma yo gusohora Album 'Life Is Eazi, Vol. 1 – Accra to Lagos' mu 2017 na 'Life Is Eazi, Vol. 2 – Lagos to London' mu 2018.

Mr Eazi uri mu Rwanda afitanye indirimbo n'abarimo umunya-Colombi J Balvin bakoranye indirimbo 'Lento', Major Lazer, umuhanzikazi wubakiye umuziki kuri Dancehall, Nicki Minaj na K4MO bakoranye indirimbo 'Oh My Gawd'.

Mu minsi ishize, yasuye Ikigo cy’Igihugu Gishinzwe Iterambere, RDB mu rwego rwo kumenya amahirwe mu ishoramari ari mu Rwanda.

Mr Eazi yaganiriye n’abayobozi bakuru muri RDB, barimo Belyse Kaliza ku mugoroba w’uyu wa Gatatu tariki 12 Gicurasi 2021.

Uyu muhanzi yagaragaje ko ashishikajwe cyane n’ubugeni n’ubuhanzi. Kwishyurana hakoreshejwe ikoranabuhanga, n’iby’imikino y’amahirwe.

Mr Eazi azaririmba mu mukino wo gufungura imikino ya Basketball. Ni ku nshuro ya kabiri, agiye gutaramira mu Rwanda nyuma y'uko mu 2017 ahakoreye igitaramo gikomeye.

Yataramiye i Kigali tariki 07 Nyakanga mu gitaramo yahuriyemo n'itsinda rya Charly&Nina ryasenyutse burundu, Bruce Melodie ndetse n'itsinda rya Neptunez Band.

Mr Eazi yaririmbye mu gitaramo 'Liberation Day Concert' cyateguwe na Rock Events, cyacuranzemo Dj Miller witabye Imana na Dj Marnaud. Iki gitaramo cyabaye mu masaha y'umugoroba muri Kigali Convention Centre.

Mr Eazi yagiranye n'ikigo Kigali International Financial Centre ndetse na African Leadership University (ALU). Yanditse avuga ko yishimiye buri kimwe cyose yabonye muri iyi Kaminuza.

Mr Eazi witegura kuririmba mu mikino ya Basketball iri kubera mu Rwanda yasohoye amashusho y'indirimbo ya Gatanu kuri EP ye Mr Eazi afite umushinga yise Empa Africa uri gufasha abarimo Joe Boy ugezweho muri iki gihe

KANDA HANO UREBE AMASHUSHO Y’INDIRIMBO ‘E BE MAD’ Y’UMUHANZI MR EAZI

“>

Ubusanzwe ibitaro bya King Faisal (KFH) bifite ibitanda 160 byakira abarwayi barwariyemo, bikaba byarubatswe mu Rwanda mu mwaka wa 1987 na 1991 ku nkunga ya Saudi Fund for Develepment. Ku nkunga ibi bitaro byahawe na ‘Eastern and Southern African Trade and Development Bank (TDB)’, birifuza kubaka ibyumba 45 byo kuzajya bisuzumirwamo abarwayi baje babigana baturutse impande zitandukanye za Africa.

Banki y’ubucuruzi n’iterambere muri Afrika y’Iburasirazuba n’Amajyepfo ikaba yateye inkunga ibitaro bya King Faisal ibiha amafaranga angana na Miliyoni 14 z’amadolari (Hafi Miliyari 14 z’amanyarwanda) azafasha kwagura no kuvugurura ibi bitaro yaba ari aho abarwayi baryama, bakirirwa n’aho banyura.

Iyi nkunga kandi ikazafasha mu kubaka ahazajya hakorerwa ubushakashatsi ndetse inavugurure ibijyanye n’amashanyarazi. Ibitaro bya King Faisal (KFH) bikaba biri mu guteza imbere inkingi ya 4 ya Rwanda’s Health Sector Strategic Plan IV igamije guteza imbere imibereho myiza y’abaturage muri rusange.

Nk’uko umuyobozi ushinzwe imari muri Banki y’ubucuruzi n’iterambere muri Afrika y’Iburasirazuba n’Amajyepfo Admassu Tadesse yabitangaje yavuze ko ibitaro byitiriwe umwami Faisal bigiye gukomeza gukora neza kurushaho no gutanga serivisi z’ubuzima nziza ku banyarwanda bose. Yanavuze ko kandi bahaye iyi nkunga ibi bitaro bitewe n’uko byahuye n’ibihe bitoroshye muri iki gihe Isi yugarijwe n’icyorezo cya Corona Virus.

Micheal Awori, Umuyobozi Mukuru wa Banki y’Ubucuruzi n’Iterambere muri Afrika y’Uburasirazuba n’Amajyepfo yagize ati “Inkunga twahaye ibitaro bya King Faisal yanyuze muri Banki ya Kigali (BK) izafasha ibi bitaro gukomeza guhangana n’icyorezo cya Covid-19 ndetse binakomeze gufasha ababigana ku buryo bwiza kandi bwihuse”.

Umuyobozi Mukuru w’Ibitaro byitiriwe Umwami Faisal, Prof.Milliard Derbew yishimiye inkunga bahawe agira ati ”Kubaka ibyumba bizajya byigishirizwamo n’ibizajya bikorerwamo ubushakashatsi bizafasha abaganga bacu gukomeza gutera imbere mu bijyanye n’ubuvuzi, bizanafasha u Rwanda kuba rwabasha gutanga inkunga ikomeye mu buvuzi ku rwego mpuzamahanga”.

Banki y’ubucuruzi n’iterambere muri Afrika y’Iburasirazuba n’Amajyepfo ikaba yaratangiye gukorera mu Rwanda kuva mu mwaka wa 1985 aho itanga ubufasha muri Guverinoma n’abakiliya bayo mu bintu byinshi bitandukanye birimo ibikorwa by’iterambere n’ubucuruzi. Iyi nkunga iyi banki yahaye ibitaro bya King Faisal, yatanzwe ku bufatanye n’ikigo cya Rwanda Biometric Center, RBC.

Ibitaro bya King Faisal bigiye kuvuguruwa ku nkunga ya TDB

Ibiro by'Umukuru w'Igihugu, Village Urugwiro, bibinyujije kuri Twitter byatangaje ko aba bayobozi bombi bafatiye ifunguro ry'umugoroba wo kuri uyu wa 17 Gicurasi 2021 hamwe, ryari ryateguwe n'umuryango wa Perezida Macron.

Umukuru w'Igihugu na Madamu we bari i Paris aho bitabiriye Inama Mpuzamahanga yiga kuri Sudani yabaye kuri uyu wa 17 Gicurasi, n'Ihuriro ryiga ku Iterambere ry'Ubukungu bwa Afurika rizaba ejo ku wa 18 Gicurasi 2021.

Mbere yo guhurira ku meza, aba bayobozi bombi babanje guhura mu masaha yashize, banagirana ibiganiro byihariye.

Umubano w'abakuru b'ibihugu uratanga icyizere cyo kuzahura imibanire y'u Bufaransa n'u Rwanda byamaze imyaka myinshi byishishanya mbere y'uko Perezida Macron agera ku butegetsi.

Perezida Macron ni we wa mbere washishikarije ko hakorwa ubushakashatsi bwagira icyo bwerekana ku mubano w'igihugu cye na guverinoma yateguye ikanashyira mu bikorwa Jenoside yakorewe Abatutsi mu 1994.

Ibyagaragajwe byashyizwe hanze ku wa 26 Werurwe uyu mwaka, aho raporo byamuritswemo yitiriwe Duclert yagaragaje ko bwagize 'uruhare ruziguye kandi rutagereranywa'.

Ni intambwe yishimiwe n'Abarokotse Jenoside ndetse n'Abanyarwanda muri rusange.

Perezida Paul Kagame wari uherekejwe na Madamu ubwo yakirwaga na mugenzi we w'u Bufaransa, Emmanuel Macron n'umugore we Brigitte Macron

Perezida Paul Kagame na Madamu Jeannette Kagame bakiriwe na Perezida w'u Bufaransa, Emmanuel Macron n'umugore we Brigitte Macron

Ubutumwa bwanyujijwe ku rukuta rwa Twitter rwa Madamu Jeannette Kagame kuri uyu wa 17 Gicurasi 2021, buvuga ko abo bombi bahuriye i Paris, mu ruzinduko rw'abagore b'abakuru b'ibihugu.

Madamu Jeannette Kagame ari mu Bufaransa aho na Perezida Kagame yitabiriye Inama Mpuzamahanga yiga kuri Sudani yabaye kuri uyu wa 17 Gicurasi ndetse n'Ihuriro ryiga ku Iterambere ry'Ubukungu bwa Afurika rizaba ku wa 18 Gicurasi 2021.

Inama yiga kuri Sudani yigiwemo ingingo zitandukanye zirimo uburyo iki gihugu kiyobowe n'Uhagarariye Akanama ka Gisirikare, Abdel-Fattah Burhan na Minisitiri w'Intebe, Abdalla Hamdok cyabasha kwikura mu bibazo cyagize nyuma y'imvururu zakurikiye ihirikwa ku butegetsi rya Omar Al-Bashir mu 2019.

U Bufaransa bwahise butangaza ko buzaguriza Sudani miliyari 1.5 z'Amadorali ya Amerika mu gufasha iki gihugu kwishyura imyenda kibereyemo Ikigega Mpuzamahanga cy'Imari, IMF.

Ihuriro ryiga ku Iterambere ry'Ubukungu bwa Afurika ryo biteganyijwe ko rizarebera hamwe uko hazibwa icyuho cya miliyari zisaga 300$ cyatewe na COVID-19.

Madamu Jeannette Kagame yakiriwe na Madamu Brigitte Macron mu Mujyi wa Paris mu Bufaransa

Umukuru w'Igihugu yabigarutseho mu kiganiro yagiranye na France 24 na RFI aho ari mu Bufaransa mu ruzinduko rujyanye n'inama igamije kwiga ku bibazo by'umutekano muri Sudani n'iy'Ihuriro rigamije kwiga ku kuzahura ubukungu bwa Afurika bwazahajwe na Covid-19.

Perezida Kagame yavuze ko kuba u Rwanda rwafatanya na Repubulika Iharanira Demokarasi ya Congo mu bitero by'ingabo bihuriweho bigamije guhashya imitwe yitwaje intwaro mu Burasirazuba bw'iki gihugu, byaterwa n'imiterere y'ikibazo kandi ko impande zombi ziganiriye zishobora kubona igisubizo cyiza kandi kirambye.

Umukuru w'Igihugu yabajijwe icyo avuga ku bivugwa n'impuguke za Loni ko Ingabo z'u Rwanda ziri muri Repubulika Iharanira Demokarasi ya Congo, avuga ko ababivuga bakwiriye kwibaza ubundi impamvu rwakoherezayo ingabo.

Ati 'Nakwifuje ko bajya kure y'ibyo bavuga, bakibaza ikibazo, ndavuga Loni impamvu u Rwanda rwajya muri RDC mu gihe aribo [Loni] babifite mu nshingano?'

Abajijwe niba yemera ko Ingabo z'u Rwanda ziri muri RDC, yasubije ati 'Ndemera ko Loni ikora iyo raporo iri gutsindwa muri Congo, bari gutsindwa. Iyo tuza kuba turi yo, ntabwo tuba turi gutsindwa, ibyo ndabikwizeza, ntabwo twari kunanirwa gukemura ikibazo.'

Perezida Kagame yavuze ko hashize imyaka 24 Ingabo za Loni ziri muri RDC, ariko nta muntu n'umwe ujya ubaza icyo muri iyo myaka yose zimaze gukora, aho kuri we agaragaza ko ari 'ugutsindwa gukomeye'.

Yagaragaje ko “Mapping Report” ari igikoresho cy'abumva ko habayeho Jenoside ebyiri

Tariki ya 1 Ukwakira 2010, Komisiyo ya Loni ishinzwe Uburenganzira bwa Muntu yari ikuriwe n'Umunyafurika y'Epfo, Navi Pillay, yashyize hanze imbanzirizamushinga ya raporo yiswe 'Mapping Report'.

Ni raporo itaravuzweho rumwe ndetse yarakaje u Rwanda ku buryo bukomeye kugera n'aho rufata umwanzuro wo kuba rwakura cyangwa rukagabanya ingabo zarwo zari i Darfur muri Sudani rushingiye ku makuru y'ibinyoma yari ayikubiyemo.

Yavugaga ku byitwa ubwicanyi ndengakamere n'ihohoterwa ry'uburenganzira bw'ikiremwamuntu ryakorewe muri Repubulika Iharanira Demokarasi ya Congo ariko igashinja u Rwanda kubigiramo uruhare rukomeye.

Ikimara kujya hanze, u Rwanda rwagaragazaga ibimenyetso by'ingenzi byirengangijwe ubwo Ingabo z'u Rwanda zashinjwaga gukorera ibyaha ku butaka bwa RDC. Ni mu gihe rwo rwari rurangajwe imbere no gucyura no gusubiza mu buzima busanzwe impunzi miliyoni 1.5 zivuye mu yahoze ari Zaïre, izirenga miliyoni 1.7 zivuye mu Burundi, Tanzania na Uganda.

Rwerekanye ko uku gutahuka kw'izi mpunzi ari kimwe mu bintu bikomeye iyi raporo yirengangije, hakiyongeraho ukwirengagiza ukuri kwa nyako kw'ibyaberaga muri Congo, birimo ko abahoze mu ngabo za FAR hamwe n'Interahamwe bari bakomeje ibikorwa by'iterabwoba, kwica inzirakarengane z'abaturage no kugaba ibitero ku Rwanda.

Perezida Kagame muri iki kiganiro, yavuze ko Mapping Report yakunze kuba igikoresho cya Politiki y'abantu bo muri Repubulika Iharanira Demokarasi ya Congo n'abandi bo mu Karere barimo Denis Mukwege.

Guhera mu mwaka ushize, Mukwege ukomoka muri Repubulika ya Demokarasi ya Congo, yatangiye kuyifashisha avuga ko n'iyo ayivuzeho aterwa ubwoba kubera ibitekerezo bye ku 'bwicanyi' bwabaye mu Burasirazuba bwa RDC.

Perezida Kagame yavuze ko Mukwege yitwaje igihembo cya Nobel yabonye, akaba igikoresho cy'abamubwira icyo agomba kuvuga, mu gihe hari n'izindi raporo zivuga ibitandukanye ko nta byaha byabaye mu Burasirazuba bwa Congo.

Ati 'Ni imyumvire ya Jenoside ebyiri iba igarukwaho.'

Perezida Kagame yavuze ko yifuza ko Rusesabagina abona ubutabera buboneye

Perezida Kagame yabajijwe icyo avuga kuri Rusesabagina uri mu rukiko aburana ku byaha by'iterabwoba ariko akaba abihakana. Umukuru w'Igihugu yavuze ko Rusesabagina ataburana wenyine ndetse ko hari n'abo bareganwa bamushinja.

Ati 'Sinzi impamvu abantu bavuga cyane, ari mu rukiko, ntabwo ahishwe ahantu. Ari mu rukiko nk'abandi benshi.'

Perezida Kagame yavuze ko atumva kandi ikibazo kiri mu kuvuga ko Rusesabagina yabeshywe kugira ngo azanwe mu Rwanda.

Ati 'Bitwaye iki kubeshya umunyabyaha uri gushakisha? Iyo umubonye, nihe umushyira? Niba ari mu rukiko, ndakeka ibyo ntacyo bitwaye.'

Kuva Rusesabagina yatabwa muri yombi, ibihugu birimo u Bwongereza na Leta Zunze Ubumwe za Amerika byokeje u Rwanda igitutu bisaba ko yahabwa ubutabera buboneye; Perezida Kagame na we yashimangiye ko nawe aricyo asaba.

Ati 'Ndashaka nanjye ubwanjye kubona ubutabera buciye mu mucyo, ni kuki mwumva ko ubutabera buboneye bugenewe abandi aho kuba twe? Kuki? Ni yo mpamvu abantu bisanga baguye muri ibi bintu bidafite agaciro, bikarangira babaye abantu baronda uruhu, ni nk'aho ikintu cyonyine giciye mu mucyo mu Rwanda cyangwa muri Afurika, kigomba kugenzurwa n'u Burayi, Leta Zunze Ubumwe za Amerika cyangwa se abandi. Si byo rwose.'

Yabajijwe no ku rupfu rwa Kizito Mihigo

Urupfu rwa Kizito Mihigo rwabaye muri Gashyantare 2020, uyu muhanzi yaguye muri kasho ya Polisi i Remera aho yari afungiye, aho bivugwa ko yiyahuje amashuka yaryamagaho.

Kuva icyo gihe imiryango mpuzamahanga yamaganye ibyatangajwe n'inzego z'u Rwanda, yitsa ku kuvuga ko ashobora kuba yarishwe aho kwiyahura.

Perezida Kagame yavuze ko impungenge ku rupfu nk'uru zikwiriye kubaho, ariko ko zishirira mu iperereza.

Ati 'Impungenge zizabaho, ariko se ni inde wababwiye ko njye ntafite izo mpungenge njye ubwanjye? Ariko ibyo byose bisobanukira mu iperereza no mu rukiko.'

Yavuze ko nk'uko nta muntu ujya gukora iperereza ku byabereye mu Bufaransa avuye ahandi, ari nako bikwiriye kugenda ku Rwanda.

Perezida Kagame ubwo yakirwaga i Élysée na mugenzi we Emmanuel Macron / Ifoto: Village Urugwiro