Category: Uncategorized

Ibiro by’Umukuru w’Igihugu mu Burundi byatangaje ko Perezida Evariste Ndayishimiye afite uruzinduko rw’iminsi ibiri muri Kenya aho yatumiwe na mugenzi we Perezida Uhuru Kenyatta wa Kenya.

Perezida Evariste Ndayishimiye ujyana n’umugor we Angeline Ndayishimiye, aratangira uru ruzinduko kuri uyu wa Mbere tariki 31 Gicurasi aho bazanitabira umunsi mukuru wa 'Madakara Day' uba tariki ya 01 Kamena wo kwizihiza ubwigenge bwa Kenya.

Iri tangazo rivuga ko uru ruzinduko ruzabera umwanya mwiza abakuru b’Ibihugu byombi kuganira ku buryo bakomeza kongera imbaraga umubano w’ibihugu byombi ndetse n’uw’ababituye.

Rivuga kandi ko hazabaho gusinya amasezerano y’imikoranire mu nzego zinyuranye agamije kongera ubufatanye.

Kenya ibaye igihugu cya gatatu gikorewemo uruzinduko na Perezida Evariste Ndayishimiye nyuma ya Tanzania yanasaye bwa mbere akimara gutorwa ndetse na Uganda aherutse gusura ubwo yitabiraga n’irahira rya mugenzi we Yoweri Kaguta Museveni.

Muri ruriya ruzinduko aheruka kugirira muri Uganda, Perezida Evariste Ndayishimiye yavuze ko Igihugu cye gifata Museveni nk’umubyeyi kuko yakunze kukiba hafi.

Icyo gihe kandi Perezida Ndayishimiye yabwiye Museveni ko yizeye inama ze ndetse ko azazikenera cyane ubwo azaba ayoboye Umuryango wa Africa y’Iburasirazuba.

UKWEZI.RW

Iyi mikino ya gicuti izaba mu ntangiro za Kamenya, izakinwa mu rwego rwo kwitegura imikino yo gushaka itike y’Igikombe cy’isi u Rwanda rugomba gukina na Mali na Kenya muri Nzeri 2021.

Abakinnyi b’Ikipe y’Igihugu basanzwe bakina imbere mu gihugu ni bo babimburiye abandi kugera mu mwiherero uri kubera mu Karere ka Bugesera.

Mbere yo kwinjira mu mwiherero babanje gufatwa ibipimo kugira ngo basuzumwe niba ntawurwaye icyorezo cya COVID-19.

UKWEZI.RW

Mbabazi Chadia wamamaye ku mbuga nkoranyambaga nka Shaddyboo, yishingoye kuri benshi bamucaga intege none ubu akaba ari bo bakiriya be abandi bamubaza uko yabigenge.

Abinyujije ku rukuta rwe rwa Twitter, Shaddyboo yavuze ko yagiye acibwa intege kenshi, bamubwira ko ibyo yirirwa akora ashyira amafoto kuri Instagram ntacyo bizamumarira ariko ubu bikaba bimutunze ndetse banamubaza uko yabikoze.

Ati' Muri 2016 bambwiye ko gushyira amafoto yanjye kuri I.G(Instagram) ko nta nyungu. Ubu baransaba kubamamariza. Kuri Twitter naje bambwira ko imihanda inyerera atari ibyanjye ntabishobora, none barikumbaza uko mbigenza. nibakubwira ko utabishobora nibo baba bivuga .jya umenya ko wowe ukaze.'

Muri 2016 bambwiye ko gushyira amaphoto yanjye kuri I.G ko ntanyungu. Ubu baransaba kubamamariza.
Kuri Twitter naje bambwira ko imihanda inyerera atari ibyange ntabishobora,none barikumbaza uko mbigenza.
Ni bakubwira ko utabishobora nibo baba bivuga .Jya umenyako wowe ukaze

— Shaddyboo ( Mbabazi Chadia) (@shaddyboo__92) May 30, 2021

Kuva mu ntangiriro za 2016 ubwo yari amaze gutandukana n’umugabo we, Meddy Saleh, Shaddyboo yagiye agaruka mu itangazamakuru cyane mu nkuru zitandukanye.

Amafoto ye yagiye ashyira kuri Instagram akurura abagabo ni kimwe mu byagiye bigaruka mu mitwe y’inkuru zitandukanye mu myaka 5 ishize.

Uyu mugore w’abana babiri bitewe n’uburyo yakoreshaga uru rubuga yaje guhabwa akazina k’Umwamikazi wa Instagram.

Ni kenshi yagiye atutwa bitewe n’amafoto ahashyira ariko nk’uwari uzi icyo agamije yarakomeje ubu akaba ari na we cyamamare nyarwanda cya mbere gikurikirwa n’abantu benshi kuri Instagram aho akurikirwa n’abantu ibihumbi 874.

Nyuma yo gufatisha kuri Instagram Shaddyboo utarakoreshaga urubuga rwa Twitter, nayo yahise yiyemeza kuyikoresha, nta mwaka urashira ayikoresha kuko yatangiye kuyikoresha muri Kamena 2020, ubu akaba akurikirwa n’abantu ibihumbi 37.5.

Izi mbuga nkoranyambaga ni kimwe mu bintu byinjiriza uyu mugore agatubutse, muri iyi minsi abantu batekereza kwamamaza abenshi batekereza imbuga nkoranyambaga(social media), Shaddyboo ni izina rihita riza mu mutwe w’abantu benshi bashaka kwamamaza.

Izina rye ryavuzwe cyane ndetse anamenyekana birushijeho muri 2017 ubwo yari yatumiwe kuri Televiziyo avuga ibyerekeye ubuzima bwe, umunyamakuru yamubajije ahantu akunda kujya mu buryo bwo kuruhura ubwonko no gushimisha amaso, atazuyaje yavuze ko akunda kujya ku mucanga hafi y’amazi.

Yabajijwe niba yaba azi koga, asubiza agira ati 'Enfete nkunda kubona abantu boga, sinzi, no kumva iriya odeur ya ocean[impumuro y’inyanja], biranshimisha cyane'. Undi ahita amubaza niba hari inyanja yari yageraho undi na we ati 'No! No!'

Ibi byatumye aba igitaramo ku mbuga nkoranyambaga, muri uwo mwaka(2017) yongeye kugaruka mu mitwe y’abantu ubwo yajyaga muri Tanzania yatumiwe na Diamand, aganira n’itangazamakuru bakamubaza mu cyongereza na we agasubiza ariko ubona ibyo avuga bidahuye neza.

Shaddyboo wa 2017

Amafoto ye ashobora abagabo ni amwe muyo yagiye yifashashija azamura konti ye ya Instagram

Ni kenshi yabwiwe ko ibyo akora ntacyo bizamugezaho

Ngo abamuciye intege nibo bamubaza uko abikora

Ni umukino watangiranye ishyaka ku mpande z’amakipe yombim aho US Monastir yahabwaga amahirwe menshi kurusha Zamalek kubera uburyo iriya kipe yo muri Tunisia yigaragaje mu mikino yabanje.

Amakipe yombi yatangiye ahatana ndetse asa nk’aringaniye mu bitego, agace ka mbere k’umukino karangiye US Monastir iyoboye ifite amanota 22-17.

Naho agace ka kabiri ari na ko karangije igice cya mbere cy’umukino, karangiye Zamalek yigaranzuye US Monastir kuko bagiye kuruhuka ifite amanota 44-42.

Agace ka gatatu, Zamalek yakomeje kuyobora uyu mukino kuko karangiye ifite amanota 55-51, umukino uza no kurangira iyi kipe yo mu misiri ikiwuyoboye aho yari ifite amanota 68-56 ihita yegukana iri rushanwa ryari ribaye bwa mbere rikabera mu Rwanda.

UKWEZI.RW

Shampiyona Nyafurika ya Basketball (BAL) yari imaze iminsi ibera mu Rwanda muri Kigali Arena yasojwe uyu munsi aho iki gikombe cyegukanywe na Zamalek yo mu Misiri itsinze US Monastir yo muri Tunisia amanota 76 kuri 63.

Iri rushanwa ryabaga ku nshuro ya mbere ryatangiye tariki ya 16 Gicurasi rikaba ryasojwe uyu munsi tariki ya 30 Gicurasi 2021 ryegukanywe na Zamalek.

Umukino wa nyuma watangiye saa 16h ukaba wari wabanjirijwe n’uw’umwanya wa 3 wahuje Patriots BBC yasezerewe na US Monastir muri 1/2 na Petro de Luanda yasezerewe na Zamalek.

Patriots yaje gutsindwa na US Monastir amanota 97 kuri 68 itahana umwanya wa 4.

Agace ka mbere karangiye Petro de Luanda iyoboye n’amanota 24 kuri 14, agace ka kabiri Petro yongeye kugatsinda ku munota 29 kuri 23(53-37).

Patriots yakomeje kugorwa n’umukino, agace ka gatatu yagatsinzwe 27-13(80-50). Patriots yatsinze agace ka nyuma 18-17. Umukino warangiye ku ntsinzi ya Petro de Luanda ku manota 97 kuri 68, ihita inegukana umwanya wa 3.

Valdelicio wa Petro de Luanda niwe watsinze amanota menshi muri uyu mukino aho yatsinze 21, Kenneth Gasana wa Patriots BBC yatsinze 18.

Ndizeye Dieudonne hagati y’abakinnyi ba Petro de Luanda

Nshobozwabyosenumukuza

Ntabwo byari byoroshye

Prince Ibeh agerageza gutera umupira mu nkangara

Valdelicio Joacquim watsinze amanota 22 muri uyu mukino

Kenneth Gasana wa Patriots yatsinze amanota 18

Uyu mukino ukaba wakurikiwe n’uwa US Monastir na Zamalek, wanarebwe na Perezida Paul Kagame.

US Monastir niyo yatangiye umukino neza kuko yasoje agace ka mbere iyoboye n’amanota 22 kuri 17.

Zamalek yari yashyizwemo ikinyuranyo cy’amanota 5, yaje kugikuramo kuko yagatsinze ishyizemo amanota 7, yagatsinze 27-20, amakipe yagiye kuruhuka ari 44 ya Zamalek kuri 42 ya US Monastir.

Mu gace ka gatatu amakipe yombi yafunganye ariko Zamalek iza kugatsinda 11-9(55-51), agace ka nyuma US Monastir yaje kugorwa nako kuko yaje kugatsindwa ku munota 21-12, umukino warangiye ku ntsinzi ya Zamalek y’amanota 76 kuri 63.

Zamalek ikaba ari yo yegukanye igikombe cya BAL cyabaga ku nshuro ya mbere.

Michael Olayinka wa Zamalek niwe watsinze amanota menshi muri uyu mukino aho yatsinze 15, Marcus Christophe wa US Monastir atsinda 14.

Ntabwo wari umukino woroshye

US Monastir byari byanze

Zamalek yari hejuru ya US Monastir cyane