Webrwanda Backend

Category: Uncategorized

  • AMAFOTO : Abasirikare bakuru bo muri Nigeria baje kwigira ku byo RDF ikora #rwanda #RwOT

    Iri tsinda riyobowe na Brig Gen Aniedi EDET ryatangiye uruzinduko ku wa 12 Kamena ruzageza ku ya 19 Kamena 2021, ryahuye n’Umugaba Mukuru w’Ingabo zirwanira ku butaka, Lieutenant General Mubarakh Muganga.

    Nyuma yo guhura na Lieutenant General Mubarakh Muganga, iri tsinda ryagaragarijwe bimwe mu bikorwa by’ingabo z’u Rwanda.

    Brig Gen Aniedi EDET uyoboye iri tsinda yashimiye ingabo z’u Rwanda kubera ubunararibonye iki gisirikare gifite mu bikorwa bizamura imibereho y’Abanyarwanda.

    Yavuze ko muri uyu mwaka hari amatsinda umunani y’igisirikare cya Nigeria ari gusura ibice binyuranye by’Isi ariko 'amatsinda arindwi yaje mu Rwanda kugira ngo yige by’umwihariko ku bijyanye n’ikoranabuhanga mu buvuzi.'

    Yagarutse kandi ku mikoranire isanzwe iri hagati y’Ingabo z’ibihugu byombi, avuga ko ku ruhande rw’u Rwanda ari umufatanyabikorwa wihariye wa Nigeria dore ko ingabo z’ibihugu byombi zifitanye imikoranire mu bijyanye n’amasomo n’amahugurwa ahabwa abasirikare bakuru.

    Aba basirkare bo muri Nigeria kandi basuye Urwibutso rwa Jenoside rwa Kigali ku Gisozi aho bunamiye inzirakarengane zihashyinguye.

    Muri uru ruzinduko rw’icyumweru, bazanasura ibigo binyuranye birimo Minisiteri y’Ubuzima, Ikigo cy’Igihugu gishinzwe ubuzima (RBC), ikigo cy’Igihugu gishinzwe ikoranabuhanga (RISA), Zigama CSS ndetse n’ibitaro bya Gisirikare.

    UKWEZI.RW

    Source : http://www.ukwezi.rw/mu-rwanda/2/article/AMAFOTO-Abasirikare-bakuru-bo-muri-Nigeria-baje-kwigira-ku-byo-RDF-ikora

  • Miliyari 8 Frw z’imyenda, ibibazo by’abakozi, ikoranabuhanga ry’akayabo ridakoreshwa… ibibazo bya UR byahaswe Minisitiri w’Uburezi –

    Ni ibibazo byagaragaye mu isesengura rya raporo y’Umugenzuzi w’Imari ya leta mu mwaka warangiye ku wa 30 Kamena 2019, biri mu ibaruramari, ibishingiye ku micungire y’umutungo n’imitangire y’amasoko, imicungire y’amasezerano, imikoreshereze y’ikoranabuhanga, n’ibindi.

    Iyo raporo yagaragaje imyenda y’umurengera Kaminuza idafitiye ibisobanuro by’inkomoko yayo. Ni kimwe mu byo Minisitiri yabajijwe asobanura ko muri rusange ko kugeza ubu Kaminuza y’u Rwanda ifitiwe miliyari esheshatu na yo ikaba ifitiye abandi bantu miliyari umunani z’amafaranga y’u Rwanda.

    Abadepite bavuze ko aya mafaranga akwiye gushakirwa indi nyito bikitwa ko ‘yabuze’ kuko umwenda witwa wo kuko ufite uwawutanze n’uwawuhawe kandi buri wese akaba afite gihamya.

    Minisitiri w’Uburezi yavuze ko iyi myenda ikomoka ku bigo byahujwe bigakora Kaminuza y’u Rwanda ariko ko kubona ikiyigaragaza bikiri ingorabahizi.

    Ati “Ukurikije imyaka myinshi imwe mu myenda imaze hakwigwa uburyo yakurwa mu bitabo rusange by’ibaruramari ariko igakomeza gukurikiranwa. Imyinshi iri hagati y’imyaka 30 na 10.”

    Depite Karemera Francis yavuze ko icyakoroha ari uko iyo myenda yakomeza gukurikiranwa yanditse, dore ko hari n’undi mwenda ungana na miliyoni 110 z’amadolari Kaminuza y’u Rwanda iberewemo n’abanyeshuri bahawe inguzanyo yo kwiga muri ‘Masters in computer Sciences’ wahanaguwe mu bitabo by’ibaruramari nta bisobanuro ndetse hatabayeho kugerageza kuwishyuza.

    Ni kimwe n’undi ungana na miliyoni 16 z’amafaranga y’Rwanda wo muri Koleji ya Nyagatare wahanaguwe bitemejwe n’inama y’ubutegetsi.

    Kaminuza y’u Rwanda yaciwe amande ya miliyari 1,4 by’amaherere

    Raporo y’umugenzuzi w’imari ivuga ko iki kigo cyaciwe amande ya 1.414.408.399 Frw kubera kutubahiriza amasezerano yo kwishyura amacumbi y’abanyeshuri ariko Minisiteri y’Uburezi ivuga ko atari amande ahubwo ari imisoro yatanzwe bitari ngombwa Ikigo cy’Igihugu cy’Imisoro n’Amahoro kikaba cyaranze kuyasubiza.

    Dr Uwamariya ati “Kaminuza y’u Rwanda nta mande yaciwe ahubwo yishyuye imisoro itagombaga kwishuya. Arenga miliyari 1,2 Frw yishyuwe nk’umusoro ku nyongeragaciro muri RRA; UR yasabye ko RRA iyisubiza ayo mafaranga irabihakana ivuga ko yatanzwe mu nzira zemewe n’amategeko.

    Abadepite bagaragaje impungenge ko ibigo bya leta bizajya bikomeza guhomba mu buryo budasobanutse basaba ko ba nyirabayaza bajya babiryozwa ku giti cyabo.

    Abakozi barenga 200 Kaminuza yohereje kwiga barayicitse

    Abadepite kandi banenze Kaminuza y’u Rwanda ku kudakurikirana no kutishyuza abahoze ari abakozi bayo bahawe inguzanyo yo kwiga ariko ntibasubire mu kazi nk’uko amasezerano yabigenaga aho yishyuye miliyoni 453.717. 508 Frw ku bakozi 27.

    Mu gihe cy’igenzura muri Werurwe 2020, umwe ni we wari warasubiye mu kazi mu gihe abandi 26 baburiwe irengero ndetse Kaminuza ntifite amakuru y’aho baherereye ku buryo yabishyuza.

    Minisitiri Uwamariya yavuze ko abo banyeshuri bari bahawe inkunga yo kwiga binyuze muri Minisiteri y’ikoranabuhanga biga muri Kaminuza, bagomba kwishyuzwa binyuze muri BRD nk’abandi bize ku nkunga ya leta.

    Agaruka kuri iki kibazo yavuze ko muri rusange abakozi ba kaminuza bishyuriwe ntibasubire kuyikorera bagera kuri 212 bigaga banahabwa umushahara wabo kuva mu 1998.

    Harimo abatangiye kwiga amasezerano atarategurwa ubu akaba adahari, abandi nta makuru y’aho baherereye yabonetse kuko telefone na email bakoreshaga zahindutse.

    Nyuma y’aho Kaminuza ishyizeho itsinda ryo gukurikirana iki kibazo, 130 amasezerano yabo yarabonetse, hakaba n’abandi byagaragaye ko badakwiye gukurikiranwa kubera ko bahawe izindi nshingano na guverinoma, abapfuye n’abandi.

    Kaminuza ifite imitungo itazi itanafitiye ibyangombwa

    Abadepite bavuze ko mu bibanza 116 Kaminuza itunze, 55 nta byangombwa bifite ndetse nta rutonde rw’imitungo itimukanwa igira uretse iyo ku ishami rya Huye na yo igwiriyemo imaze igihe itabyazwa umusaruro ndetse n’iyangirika ntisanwe.

    Minisitiri Uwamariya yavuze ko ibibanza 95 byaje kubonerwa ibyangombwa hakaba hasigaye 21 bitaraboneka bizakomeza gushakishwa.

    Ku bijyanye no kuba hari imitungo itazwi, Dr Uwamariya yavuze ko Kaminuza yahaye isoko ikompanyi yitwa Landmark ryo kuyibarura yose, kuyiha agaciro no gukora igitabo kizaba gikubiye hamwe iyimukanwa n’itimukanwa.

    Depite Mukayijore Suzanne yavuze ko kubona kaminuza nk’ikigo cy’intiti itazi umutungo wayo ari ikibazo gikomeye, abandi bakubitwa n’inkuba bumvise iby’amasezrano iyo kompanyi yagiranye na kaminuza bagaragaza impungenge ko ikomeza gutakaza amafaranga yishyura serivisi zitari ngombwa.

    Depite Uwambaje Aimée Sandrine ati “Kuba ibigo bya kaminuza byarahujwe bivuze ko nta makuru ifite y’imitungo? Byahujwe ryari ku buryo bigejeje iyi saha itaramenyekana, ibyo bigo ntibikiri mu Rwanda ku buryo bashobora kumenya amakuru? Harimo ikibazo cy’igenamigambi, numva byashyirwa mu mihigo y’abakozi ba kaminuza hakamenyekana imitungo ifite.”

    Ikoranabuhanga ryashowemo arenga miliyari ebyiri z’amafaranga y’u Rwanda ntirikoreshwa

    Muri Kaminuza y’u Rwanda kandi hagaragaye icyuho mu mikoreshereze y’ikoranabuhanga rya IEBMIS (Integrated Education Business Management Information Systems) ritabyazwa umusaruro mu gihe kugeza mu Ugushyingo 2019 ryari rimaze gutangwaho 2.323.035.463 Frw.

    Ni système igizwe n’ibice 14 ariko hakaba hakoreshwa bitatu gusa bingana na 21.4%, ibyo abadepite bagereranyije no ‘kugura imodoka ugakomeza kugenza ibirenge.’

    Kaminuza yayiguze mu 2012 na sosiyete yitwa Adapt IT yo muri Afurika y’Epfo. Iyi sosiyete yakomeje kwifashishwa kuko abakozi ba Kaminuza bari bataragira ubumenyi mu kuyikoresha.

    Ikibazo cyakomeje kubaho ni uko n’abahuguwe bagiye bigendera ku buryo kuri ubu batagikorera Kaminuza y’u Rwanda.

    Icyakora kuri ubu ngo hateguwe amahugurwa ku gice kijyanye n’imicungire y’abakozi, icyo abanyeshuri bigiramo bakaniyandikishamo, igikorerwamo iby’umutungo, icy’imicungire y’abakozi n’igifasha abakozi gusaba ikiruhuko.

    Mu bindi byagaragajwe mu isesengura ry’iyi raporo, harimo ko Kaminuza y’u Rwanda yananiwe gutanga imisanzu ya RSSB hagati ya 1999 na 2008.

    Ifite imicungire mibi y’amasezerano y’inguzanyo n’inkunga, imicungire mibi y’amasoko, kwandika nabi mu bitabo by’ibaruramari n’ibindi.

    Minisitiri w’Uburezi, Dr Uwamariya Valentine yabajijwe ibibazo bya Kaminuza y’u Rwanda birimo imyenda y’umurengera bitazwi inkomoko yayo

  • Lt Gen Mubarakh Muganga yakiriye itsinda ry’Abasirikare bo muri Nigeria –

    Ni itsinda riyobowe na Brig Gen Aniedi Edet wakiriwe n’Umugaba w’Ingabo z’u Rwanda zirwanira ku butaka, Lieutenant General Mubarakh Muganga, wamusobanuriye inshingano za RDF n’imiterere yayo.

    Uyu muyobozi wo muri Nigeria yavuze ko muri uyu mwaka, we n’itsinda bayoboye, ari aba munani bakoreye urugendoshuri hanze ya Nigeria, gusa by’umwihariko itsinda rye ryasuye u Rwanda kugira ngo rirebe ibijyanye n’ubuvuzi.

    Gen Edet yavuze ko gutoranya u Rwanda nk’igihugu cyo gukoreramo uru rugendo, byari bishingiye ahanini ku bufatanye busanzwe hagati y’ibihugu byombi. Yavuze ko u Rwanda ari umufatanyabikorwa mwiza wa Nigeria.

    Igisirikare cy’u Rwanda n’icya Nigeria bifitanye imikoranire ishingiye kuri gahunda z’amasomo n’imyitozo ahabwa abasirikare ku mpande zombi.

    Aho iri tsinda ryasuye rikigera mu Rwanda, harimo Urwibutso rwa Jenoside rwa Kigali ruherereye ku Gisozi aho bunamiye inzirakarengane ziruruhukiyemo.

    Mu minsi bazamara mu Rwanda, bazasura kandi Minisiteri y’Ubuzima; Ikigo cy’Igihugu gishinzwe Ubuzima, RBC; Ikigo cy’Igihugu gishinzwe Ikoranabuhanga, RISA; Zigama CSS; MMI [Ubwishingizi bwa Gisirikare]; Ibitaro bya Gisirikare bya Kanombe; Ingoro y’Urugamba rwo guhagarika Jenoside; Inzu Ndangamurage ya Huye n’izindi nzego zitandukanye za Guverinoma.

    Rikigera mu Rwanda, ryasuye Urwibutso rwa Jenoside rwa Kigali ku Gisozi

    Aba bayobozi bombi bashimangiye umubano mwiza usanzwe hagati y’ibihugu byombi n’igisirikare cyabyo

    Iri tsinda ryagiranye ibiganiro n’ubuyobozi bukuru bwa RDF

    Lt Gen Mubarakh Muganga mu ifoto y’urwibutso hamwe n’itsinda ry’abayobozi bakuru mu gisirikare cya Nigeria

  • COVID : Mu Rwanda habonetse abarwayi bashya bakabakaba 300 mu munsi umwe #rwanda #RwOT

    Aba bantu 298 bagaragaye mu bipimo 6 072 byafashwe mu masaha 24 aho muri ariya masaha nta n’umwe wakize kiriya cyorezo cya COVID-19 ndetse kikaba nta n’uwo cyahitanye. Ubu igipimo cy’ubwandu kiri kuri 5%.

    Imibare ya Minisiteri y’Ubuzima kandi igaragaza ko abantu 14 barembye cyane mu gihe kugeza ubu abamaze gusanganwa iki cyorezo bose hamwe ari 28 912 naho abamaze kugikira bakaba ari 26 383 naho abo kimaze guhitana bakaba ari 372.

    Minisiteri y’Ubuzima kandi itangaza ko kugeza ubu abamaze gukingirwa iki cyorezo ari 389 719 barimo 61 bakingiwe kuri uyu wa Kabiri.

    Icyorezo cya COVID-19 cyari kimaze gucika intege mu Rwanda ariko mu byumweru bibiri bishize cyongeye kuzura umugara, ibintu byanatumye Guverinoma iterana igafata ingamba nshya zo guhangana n’iki cyorezo.

    Inama y’Abaminisitiri yateranye mu cyumweru gishize, yagabanyije imibare y’abantu mu bikorwa binyuranye birimo mu modoka rusange, mu nsengero ndetse n’ahandi.

    Iyi nama kandi yanagabanyije amasaha yo kugera mu rugo ava saa yine z’ijoro (22:00) ashyirwa saa tatu (21:00) ikaba yaranakuyeho ibirori byose n’imihango ikorerwa mu rugo.

    UKWEZI.RW

    Source : http://www.ukwezi.rw/mu-rwanda/Ubuzima/article/COVID-Mu-Rwanda-habonetse-abarwayi-bashya-bakabakaba-300-mu-munsi-umwe

  • Knowless Butera arashinjwa Ubwambuzi bwa Miliyoni irenga – YEGOB #rwanda #RwOT

     

    Kuri uyu wa Kabiri Taliki 15 Kamena 2021 Urwego rw'igihugu rw'Ubugenzacyaha RIB rwakiriye ikirego cy'uwitwa Munezero Josette urega Butera Knowless ikirego kijyanye n'ubucuruzi bwa Pyramid (Pyramid Business) aho avuga ko yamuhaye amafaranga undi akanga kumwishyura.

    Uyu Munezero Josette urega umuhanzikazi Butera Knowless avuga ko yamuhaye amafaranga 1,350,000Rwf ariko undi akanga kumwishyura.RIB yavuze ko yatangiye isuzuma.

    Knowless arashinjwa Kwambura Miliyoni irenga Munezero Josette

    Urwego rw'Igihugu rushinzwe Ubugenzacyaha (RIB) rwari ruherutse kuburira abaturarwanda kutajya mu bucuruzi bw'amafaranga y'uruhererekane (Pyramid Scheme) burimo gukorerwa kuri murandasi (Internet) kuko butemewe n'amategeko.

    Ubu bucuruzi bukorwa bizeza umuntu gushoramo amafaranga akazabona inyungu z'umurengera, banakangurira uwashoyemo gushaka abandi bantu yinjiza kugira ngo azabone ya nyungu hashingiwe ku mubare wabo yinjije.

    Uru ruhererekane rw'amafaranga (Pyramid Scheme/Ponzi Scheme, Eight Sphere Scheme) bugamije ubwambuzi bushukana bityo abaturarwanda bakaba basabwa kutabujyamo, kuko butemewe mu Rwanda.

    RIB ikaba yari yasabye  abantu bagiye muri ubu bucuruzi bw'uruhererekane rw'amafaranga kubuvamo kuko uzabifatirwamo wese azahanwa nk'uko amategeko abiteganya.

    Source : https://yegob.rw/knowless-butera-arashinjwa-ubwambuzi-bwa-miliyoni-irenga/

  • Niwe rutahizamu wibihe byose i Burayi! Crist… – #rwanda #RwOT

    Ku mugoroba wo kuri uyu wa Kabiri tariki ya 15 Kamena 2021, ku kibuga Puskas Arena, giherereye mu mujyi wa Budapest muri Hongrie, imbere y'abafana ibihumbi 60, Cristiano yanditse amateka akomeye i Burayi nyuma y'ibitego bibiri yatsinze muri bitatu Portugal yatsinze Hongrie.

    Uyu mukino wagoye cyane ikipe y'igihugu ya Portugal, kuko yari yagerageje ibishoboka byose ihiga igitego ariko biranga mu minota 80 yose y'umukino, biza guhira Raphael Guerreiro ku munota wa 84, ku mupira wari uvuye kwa Rafa Silva, atsindira Portugal igitego cya mbere, mu gihe ku munota wa 87 Cristiano Ronaldo yatsinze igitego cya kabiri kuri Penaliti, anashyiramo icy'agashinguracumu ku munota wa 92, bituma Portugal itangirana intsinzi muri iri rushanwa iheruka kwegukana.

    Ibitego bibiri Cristiano yatsinze byatumye aba umukinnyi w'ibihe byose muri iri rushanwa watsinze ibitego byinshi mu irushanwa, kuko yujuje ibitego 11 amaze gutsinda mu rugendo rwo gushaka igikombe cya Euro 2020, akaba yahigitse Umufaransa Michel Platini watsinze ibitego 9 mu irushanwa ryo mu mwaka wa 1984.

    Cristiano kandi niwe rutahizamu w'ibihe byose mu ikipe y'igihugu ya Portugal, kuko yujuje ibitego 6 amaze kuyitsindira.

    Uyu munyabigwi muri ruhago yabaye umukinnyi wa mbere i Burayi ukinnye Euro Eshanu, kandi buri rushanwa agatsindamo ibitego.

    Cristiano kandi yabaye umukinnyi wa mbere i Burayi ukinnye imikino 12 ya Euro, kurusha undi mukinnyi wese.

    Uyu munya-Portugal yatowe nk'umukinnyi witwaye neza kurusha abandi muri uyu mukino (Man of the match).

    Portugal ya Cristiano yabaye ikipe ya mbere i Burayi itsinze ibitego bitatu mu minota 10 ya nyuma y'umukino.

    Umukino Portugal izakurikizaho muri iri tsinda F iherereyemo, izawukina n'u Budage tariki ya 19 Kamena 2021, izasoreze ku Bufaransa tariki ya 23 Kamena 2021.

    Cristiano yakuyeho agahigo ka Michel Platini  aba rutahizamu w’ibihe byose i Burayi

    Cristino yahembwe nk’umukinnyi w’umukino nyuma yo gutsinda ibitego bibiri

    Source : https://inyarwanda.com/inkuru/106645/niwe-rutahizamu-wibihe-byose-i-burayi-cristiano-ronaldo-yakuyeho-agahigo-ka-michel-platini-106645.html

  • Nyaruguru-Busanze: Poste de Sante bari bategereje bayitashye, bavuga ko ari nko kubonekerwa #rwanda #RwOT

    Abaturage bo mu Murenge wa Busanze, Akagari ka Nteko barishimira ivuriro rito ryabegerejwe-Poste de Sante, bavuga ko ari nk'ijuru ryiza ryabagwiriye mu kuyibegereza. Bahamya ko izabafasha mu koroshya urugendo rurerure bakoraga bajya kwivuza ariko kandi bakanazigama ayo bakoreshaga agakora ibindi. Hatashywe kuri uyu wa 14 Kamena 2021 n'ubuyobozi bw'Akarere na bamwe mu baturage hubahirijwe ingamba zo kwirinda Covid-19.

    Iyi Poste de Sante, abaturage bayegerejwe bavuga ko ije gukemura ibibazo bari bafite, aho ifite ubushobozi bwo kwakira abantu 3020. Ibi ngo bizagabanya ubucucike bwagaragaraga ku ivuriro ndetse bifashe ku bagorwaga n'ubushobozi buke mu kugera ku kigo nderabuzima bitewe n'uburebure bw'urugendo n'ubushobozi mu mafaranga.

    Mukiganiro abaturage bagiranye n'itangazamakuru, bavuze ko ubusanzwe bajyaga kwivuza ahitwa i Runyombyi ariko kuri ubu ngo bakaba begerejwe iyi Poste de Sante. Bahamya ko ari ibyishimo kuri bo, aho bashimira cyane ubuyobozi budahwema kumva no gushyira mu bikorwa ibyo basabye bakeneye.

    Umuturage Sebareme Anastase yagize ati: Ubusanzwe twajyaga kwivuriza I Runyombyi, twirirwaga tuvunika tujya kwivuza no mu gihe umurwayi yaturembanye tukamuheka tumujyanayo hakaba ubwo dutinya amayira yajyaga I Runyombyi ahitwa mu gatobotobo hakunda kuba inzoka, ndetse byari n'urugendo rurerure rw'amasaha atatu wagira ngo uranateze bakaguca ibihumbi 3000 kugenda. Gusa ubwo ryatwegereye ni ibisubizo gusa ni nk'ijuru ryiza ryatugwiriye'.

    Ibi kandi Anastase abihuriraho na Madamu Mukamana Esperence, uvuga ko nabo nk'ababyeyi bavunwaga n'urugendo rurerure bakoraga bajya kwivuza i Runyombyi ariko kuri ubu bakaba bafite icyizere cy'uko ababyeyi bazajya banahabyarira, bakaruhuka imvune bahuraga nazo.

    Yagize ati' Byadushimishije cyane kutwegereza Poste de Sante, kuko ubusanzwe byatuvunaga gukora urugendo rurerure cyane, ariko ubu n'ababyeyi bashobora kuhabyarira, mbere umuntu yaremberaga mu rugo kandi afite mituweri kubera ukuntu ari kure kugira ngo umuntu agereyo'.

    Asoza ashimira cyane ubuyobozi bw'akarere ka Nyaruguru kuko kabakoreye ubuvugizi bityo ibyo 'bakabidukorera' rero natwe ibyo badusaba tugomba kubikora kandi vuba kuko aritwe biba bifitiye akamaro nko kwishyurira mituweri ku gihe, kugira isuku twirinda kubana n'amatungo munzu n'ibindi..

    Gashema Janvier, Umuyobozi w'akarere ka Nyuruguru mu kiganiro yagiranye n'umunyamakuru kumurongo wa Telefone, yavuze ko iyi Posite de Sante yasabwe n'abaturage hanyuma Akarere kayishyira mu mihigo yubakwa kubufanye n'abaturage ikazabafasha mu koroshya urugendo no kwivuza batararemba.

    Meya Gashema, yagize ati: Iyi poste de Sante yari mu mihigo y'uyu mwaka turimo gusoza kuko yasabwe n'abaturage, kuba yuzuye ni igisubizo kubaturage ikaba yari n'icyifuzo cyabo muri gahunda y'Akarere, abaturage turabasaba gufata neza igikoresho basabye, baributswa kandi gutanga mituweri ku gihe kugira ngo babashe guhendukirwa na serivise z'ubuzima'.

    Akomeza avuga ko Iyi poste de Sante ari igisubizo izanye kubaturage, ko kandi ari ukubagabanyiriza urugendo rurerure bakoraga bajya kwivuza i Runyombyi. Aha ngo banahahuriraga ari benshi, bakoze urugendo rurerure ndetse hakaba n'ubwo batabashaga kubona Serivise uko babyifuzaga, ariko ubu ngo bigiye kuba amateka.

    Mu Karere ka Nyaruguru mu Majyepfo y'u Rwanda mu 2020/2021 harimo poste de Sante eshatu. Iyi ya Nteko yakira abantu 3020, iya Rutobwe ifite ubushobozi bwo kwakira abarwayi 6400 hamwe n'iya Gititi ifite ubushobozi bwo kwakira abantu. Izi Poste de Sante zose zubatswe ku mafaranga asaga Miliyoni mirongo itanu( 50,103,320).

    Isabella Iradukunda Elisabeth

    Source : https://www.intyoza.com/nyaruguru-busanze-poste-de-sante-bari-bategereje-bayitashye-bavuga-ko-ari-nko-kubonekerwa/

  • Ibyo utamenye ku isabukuru ya Cedru n’uburyo… – #rwanda #RwOT

    Producer Cedru ni umwe mu basore bamamaye mu ruhando rw'imyidagaduro mu Rwanda kubera gukora amashusho meza y'indirimbo. Kuwa 14 Kamena 2021 akaba yarakorewe ibirori by'isabukuru ye y'amavuko.

    Ni ibirori byitabiriwe n'inshuti ze za hafi zikaba n'ibyamamare mu ruhando rw'imyidagaduro zirimo: Meddy n'umufasha we Mimi, kimwe na K8 Kavuyo umwe mu baraperi b'urufatiro rw'uruganda rwa muzika mu Rwanda ndetse n'icyamamare King James.

    King James, Cedru, Meddy na K8 Kavuyo

    Ibi birori bikaba byarimo kandi abakobwa n'abandi basore batandukanye ubona bizihiwe mu nseko izira imbereka y’ab’urungano. Ku ruhande rwa Meddy na Mimi byari ibindi kuko aho ibi birori byabereye wabonaga banyuzwe bakananyuzamo nk’abari mu kwa buki yewe kandi n'urukundo ruganje bagasomana.

    Uwabasinga Cedric yavutse kuwa 14 Kamena 1995 mu gace ka Nyamirambo mu karere ka Nyarugenge, ni umwe mu bacuzi bakomeye b’amashusho y’indirimbo u Rwanda rufite. Yagiye akorana n'ibyamamare bikomeye mu bitaramo no mu bigo binyuranye.

    Yakuranye inzozi zo kuzakora ibintu bijyanye n'ubugeni, yinjira mu gukora amashusho intumbero ye ari ukugera ku rwego mpuzamahanga. Mu muryango avukamo ni umwana wa kabiri mu bana bane, yasoje ibijyanye n'ubwubatsi n’ubwo atari amahitamo ye. Ku bwe yumvaga ashaka kwiga ibijyanye n'ikoranabuhanga ry’ihererekanyamakuru.

    Afite kompanyi yitwa Dric Entertainment, yifuza ko igisekuru gishya cyakwinjira mu mwuga wamuhuje n'ibyamamare bikomeye mu Rwanda no mu mahanga birimo Meddy, The Ben, Ya Levis, Malick Berry, Israel Mbonyi, Burna Boy, Ya Levis, Malick Berry, Fally Ipupa, Sauti Sol, Patoranking n'abandi


    Meddy na Mimi babasomana aho bishoboka hose

    Byari ibirori bikomeye ku isabukuru ya Cedric 

    Source : https://inyarwanda.com/inkuru/106631/ibyo-utamenye-ku-isabukuru-ya-cedru-nuburyo-meddy-na-mimi-bakomeje-kuryoherwa-nukwa-buki-a-106631.html

  • Abantu 298 banduye Covid-19 –

    Ibi byatumye umubare w’abamaze kwandura ugera ku bantu 28 912, mu gihe abamaze gukira ari 26 383 n’ubwo kuri uyu wa Kabiri nta muntu mushya wakize iki cyorezo.

    Abakirwaye ni abantu 2 157 barimo 14 barembye, mu gihe abamaze kwitaba Imana ari 372. Nta muntu witabye Imana kuri uyu wa Kabiri.

    Ubwandu bwinshi bwabonetse mu Mujyi wa Kigali aho habonetse abantu 121 mu gihe i Rubavu ari 48 naho Muhanga ni 21 na Rutsiro ifite 16.

    Muri rusange, mu Rwanda hamaze gufatwa ibipimo 1 516 498.

    Usibye abanduye n’abakize, abakingiwe uyu munsi ni 1.133. Abamaze gukingirwa mu gihugu hose bahawe doze ya Kabiri y’urukingo rwa AstraZeneca ni 243.757.

  • MoMoPay izajya yifashishwa mu kugura itike za RwandAir –

    Umuyobozi Mukuru wa Mobile Money Limited, ikigo gishamikiye kuri MTN Rwandacell Plc, kikibanda kuri serivise za mobile money, Chantal Kagame, yavuze ko iyi serivise izafasha abakiliya ba RwandAir kwishyura itike z’indege mu buryo bworoshye, bwihuse kandi bakabikorera aho bari hose.

    Yagize ati “Twese hamwe, turajwe ishinga no guha abakiliya bacu serivise nziza bakwiye. Ubu byorohejwe.”

    Umuyobozi Mukuru wa RwandAir, Yvonne Makolo, yavuze ko bashimishijwe n’uburyo abakiliya babo bagiye kujya babasha kwishyura itike zabo z’indege mu buryo bworoshye bakoresheje mobile money.

    Yagize ati “Twishimiye ko abakiliya bacu bashobora kwishyura itike zabo mu buryo bworoshye bakoresheje mobile money.”

    Abifuza kugura izi tike bazakoresha kode ya *182*8*1*046404#

    Kuri ubu RwandAir ishobora kujya mu byerekezo 26 byo ku migabane ya Afurika, u Burayi na Aziya, ndetse iki kigo kikaba gifite indege 12.