Webrwanda Backend

Category: Uncategorized

  • Kwizera Olivier yarekuwe #rwanda #RwOT

    Urukiko rwa Kicukiro rwemeje ko Kwizera Olivier na bagenzi be 7 barekurwa nyuma yo guhamwa n’icyaha cyo gukoresha urumogi ariko bagakatirwa igifungu cy’umwaka umwe usubitswe.

    Uyu munsi tariki ya 6 Nyakanga nibwo habaye isomwa ry’urubanza umunyezamu Kwizera Olivier, myugariro Runanira Amza na bagenzi babo 6 bari bakurikiranyweho icyaha cyo gukoresha ikiyobyabwenge cy’urumogi.

    Urukiko rwa Kicukiro rwemeje ko Kwizera Olivier, Ntakobisa David, Mugabo Ismael, Rumarigabo Wafiiq, Sinderibuye Seif, Kalisa Amerika Djuma, Mugisha Adolphe na Runanira Amza bahamwa n’icyaha cyo kunywa ibiyobyabwenge byo mu bwoko bw'urumogi.

    Bakaba bahanishijwe igifungo cy’umwaka umwe (1) kuri buri wese, ibi bihano
    bikaba bisubitswe mu gihe cy’umwaka umwe (1) kuri buri wese.

    Rwategetse kandi ko bafatanya gutanga amagarama y'urukiko ahwanye n’ibihumbi
    icumi (10 000Frw), aya batayatanga kuva uru rubanza rubaye ndakuka akavanwa mu mitungo yabo ku ngufu za Leta.

    Uko iburanishwa ryagenze

    Tariki ya 28 Kamena nibwo hatangiye kuburanishwa mu mizi urubanza rwa Kwizera Olivier, Runanira Amza n’abandi bantu 6 bafatanywe tariki ya 4 Kamena iwe(kwa Kwizera Olivier) Kicukiro mu murenge wa Kagarama, bakekwaho icyaha cyo gukoresha ikiyobyabwenge cy’urumogi.

    Uru rubanza rwagombaga gutangira saa 8h rwatangiye saa 9h zirenzeho iminota mike, nyuma y’iminota mike rwaje gusubikwa by’igihe gito nyuma y’uko ubwo bari bamaze gusomerwa imyirondoro n’ibyo baregwa, basanze hari umwe utari ufite umwunganira mu mategeko aho yari atarahagera, abazwa niba yiburanira asaba ko bategereza umwunganira, bisaba ko uru rubanza rwaba rusubikwa igihe gito kugira ngo bamutegereze.

    Uru rubanza rwaje gusubukurwa nyuma y’amasaha agera kuri 3 n’igice, maze uko ari 8 batatu barimo Kwizera Olivier na Runanira Amza bahakanye ibyo baregwa aho bavuze ko uwo munsi batarukoresheje, ni mu gihe abandi babihakanye.

    Kwizera Olivier yiregura yavuze ko urumogi yarukoresheje ariko yaruretse arimo no kwivuza.

    Yavuze ko yatangiye kunywa urumogi muri 2019 ubwo umwana we yari amaze gupfa ariko akaba yaraje kubireka aho yahise yerekana ko afite n’impapuro zo kwa muganga yatangiye kwivuza.

    Kwizera Olivier kandi yavuze ko ari no mu ikipe y’igihugu muri CHAN yabereye muri Cameroun mu ntangiriro z’uyu mwaka bamupimye bakarumusangamo ariko akaba yari yaratangiye kwivuza(amakuru avuga ko ubwo bari muri CHAN bajyaga batoranya abakinnyi bakajya kubapima).

    Runanira Amza we yavuze ko uwo munsi ntarwo yanyweye urwo bamusanzemo ari urwo muri 2019-2020 kubera ikigare cy’abakinnyi bakinanaga.

    Umwe muri aba bareganwa witwa David yavuze ko ari we waruzanye kwa Kwizera Olivier bagiye kureberayo umukino w’Amavubi na Centrafrique wa gicuti, avuga ko arunywa mu cyayi kuko rumuvura mu nda, akaba yarabwiye bagenzi be ko hari umuti ashaka guteka mu cyayi, arangije ahaho na bagenzi be bari bamusabye.

    Undi we yavuze ko uretse kurunywa mu cyayi yabibyeho gake akajya kukanywera mu bwiherero batabizi.

    Ibisubizo byo muri Laboratwari byagaragaje ko Kwizera Olivier mu nkari ze harimo 506ng/ml mu gihe Amza ari 112ng/ml ni mu gihe umuntu muzima aba afite 20ng/ml.

    Kwizera Olivier yarekuwe

    Source : http://isimbi.rw/siporo/article/kwizera-olivier-yarekuwe

  • Dore icyiza cyo gukundana n' umukobwa wabyariye i wabo #rwanda #RwOT

    Abasire bamwe na bamwe usanga bibwura ko gukundana n'umukobwa wabyariye i wabo ari amahano ndetse abandi bakabifata nk'aho baba batereta umugore mu bandi. Ku rundi ruhande hari abemera ko umukkbwa wabyayeho nawe aba akiri umwari mu bandi.

    Abenshi mu bakobwa bakunze kubyarira iwabo, rimwe na rimwe bikaba bibatunguye. Kubera gutangira inshingano zo kurera umwana akamukuza akiri umukobwa nta mugabo afite, umukobwa nk'uyu ntago uba ugomba kumwitesha mu gihe yagukunze urukundo rw'ukuri kuko hari byinshi by'umwihariko aba arusha abatarabyara.

    1. Aba azi icyo bashaka: Abakobwa nk'aba baba ari ari beza cyane kubera ko baba bazi byinshi , ubuzima bw'umunezero baba barabubayemo ndetse n'ubwumubabaro. Nta mikino mu rukundo kuko baba badakeneye kongera kubyararira mu rugo rw'ababyeyi ahubwo baba bumva bakeneye gushinga ingo zabo zikomeye. Iyo umukobwa nk'uyu rero ahuye n'umusore ufite gahunda nta kabuza aramukundwakaza ndetse akanashinga urugo rugakomera.

    2. Yumva vuba: Umukobwa nk'uyu wabyariye iwabo aba afite ubushobozi bwo kumva no guhita atekereza cyane ku kibazo kiri mu rugo, cyane ibyerekeye amafaranga abyumva vuba iyo umusobanuriye uko bimeze ahita abisobanukirwa kandi akaba yagufasha gufata imyanzuro imwe n'imwe ikomeye kubera ko aba yarafungutse mu bwonko.

    3. Akwitaho kandi akagufasha muri byose
    : Umukobwa wabyariye iwabo aba azi ukuntu ibikomere byo kutitabwaho biryana rero ntago areka umugabo we ngo abe yababara cyangwa se agire ubuzima bwo kwigunga ahubwo buri gihe ahora amuhozaho ijisho ngo arebe ko nta kibazo afite mu buzima. Ibi bituma urukundo rukomera ku rwego rwo hejuru ndetse bikongera icyizere mu rugo. Musore n'ubona umukobwa nk'uyu ntuzamwirengeshwe.

    4. Kuriwe nta mwanya wo gupfa ubusa: Umukobwa wabyariye iwabo aba afite intumbero ndetse aba yumva nta mwanya na muto yapfusha ubusa, ibi bituma iterambere ry'urugo ryihuta ku buryo bwihariye.

    N'ubona umukobwa nk'uyu ntuzamwiteshe kandi uzirinde cyane amabwire n'ibyo abantu baba batekereza ahubwo uzibande cyane ku rugendo rw'ejo hazaza mu buzima, n'aba agukunda by'ukuri ntuzazuyaze uzamuhe umutima wawe wose kandi uzirinde kumubabaza kuko akenshi ibikomere bimwe na bimwe yatewe no kuba yarabyariye iwabo biba bikiri mu mutima we.

    Source : https://impanuro.rw/2021/07/06/dore-icyiza-cyo-gukundana-n-umukobwa-wabyariye-i-wabo/

  • Kwizera Olivier na bagenzi be bari bafunganywe barekuwe #Rwanda #RwOT via @kigalitoday #rwanda #RwOT

    Urukiko rw’ibanze rwa Kicukiro rumaze gusoma urubanza rw’umunyezamu Kwizera Olivier wari umaze hafi ukwezi afunze, rumaze kwanzura ko Kwizera Olivier na bagenzi be barekurwa.

    Kwizera Olivier wari ufunganywe n’abandi barimo umukinnyi Runanira Amza ukinira ikipe ya Bugesera, urukiko rwabakatiye igifungo cy’umwaka gisubitse, rutegeka ko bahita barekurwa

  • Nyuma yo kutumvikana na Police FC, Aimable Nsabimana kuri miliyoni 12 yerekeje muri APR FC #rwanda #RwOT

    Myugariro Aimable Nsabimana wari usoje amasezerano muri Police FC bakananiranwa ku ngingo yo kongera amasezerano, yasinyiye APR FC imyaka 2.

    Uyu myugariro wari kapiteni wa Police FC, yasinyiye APR FC uyu munsi ku wa Kabiri i Nyarutarama kuri Tennis Club.

    Amakuru ISIMBI yamenye ni uko yasinye imyaka 2 agahabwa miliyoni 12 n’umushahara wa miliyoni ku kwezi.

    Uyu myugariro ukina mu mutima w’ubwugarizi bivugwa ko Police FC yifuje kumwongera amasezerano ariko ikaba yaramuhaga amafaranga make aho bivugwa ko yamuhaga miliyoni 8.

    Akaba asubiye muri APR FC kuziba icyuho cya Manzi Thierry ushobora kujya gukina muri Georgia.

    Uyu myugariro wo hagati yari amaze imyaka itatu akinira Police FC yagezemo muri Gashyantare 2018, avuye muri Minerva Punjab FC yo mu Buhinde.

    Asubiye muri APR FC yakiniye hagati ya 2016 na 2018 ubwo yari avuye muri Marines FC, na yo yagezemo avuye muri SEC Academy.

    Nsabimana Aimable yasubiye muri APR FC

    Source : http://isimbi.rw/siporo/article/nyuma-yo-kutumvikana-na-police-fc-aimable-nsabimana-kuri-miliyoni-12-yerekeje-muri-apr-fc

  • Brazil yageze ku mukino wa nyuma wa Copa America 2020, itegereje ko Argentina cyangwa Colombia yayisangayo #rwanda #RwOT

    Mu rukerera rwo kuri uyu wa kabiri tariki ya 6 Nyakanga 2021 nibwo ikipe y'igihugu ya Brazil yageze ku mukino wa nyuma wa Copa America 2020, ni nyuma yo gutsinda ikipe ya Peru igitego kimwe ku busa.

    Muri rushanwa rya Copa America 2020 rikomeje kubera mu gihugu Brazil, iri rushanwa ryari rigeze muri kimwe cya kabiri aho iyi kipe ya Brazil yitwariye neza ku kibuga cya Estadio Único de Santiago del Estero, mu mkino wabonetse igitego kimwe kubusa cya Lucas Paqueta cyatumye iyi kipe igera ku mukino wa nyuma.

    Lucas Paqueta ukinira ikipe ya Lyon yo mu gihugu cy'u Bufaransa cyatumye iyi kipe iri mu rugo itegereza indi kimwe bagomba gukina ku mukino wa nyuma uzaba ku itariki ya 10 Nyakanga 2021, ni umukino Brazil itegereje hagati ya Argentine ndetse na Columbia.

    Mu rukerera rwo kuri uyu wa gatatu tariki ya 7 Nyakanga 2021 nibwo Argentine ikina na Columbia umukino utegerejwe ku isaha ya Saa Cyenda zo mu rukerera.

    Muri uyu mukino, ku ruhande rw'ikipe y'igihugu ya Argentina hitezwe abakinnyi barimo rutahizamu wayo Sergio Agueron, kizigenza Lionel Messi kugeza ubu udafite ikipe arimo gukinira kuko amasezerano ye na FC Barcelona yarangiye, hari kandi na rutahizamu wa Inter De Milan witwa Lautaro Martinez.

    Ku ruhande rwa Columbia hitezwe cyane abakinnyi nka Duvan Zapata, Juan Cuadrado ba myugariro babiri bakomeye banakomeje gufasha iyi kipe barimo Yerry Mina ndetse na Davinson Sanchez utibagiwe n'umunyezamu David Ospina.

    The post Brazil yageze ku mukino wa nyuma wa Copa America 2020, itegereje ko Argentina cyangwa Colombia yayisangayo appeared first on RUSHYASHYA.

    Source : https://rushyashya.net/brazil-yageze-ku-mukino-wa-nyuma-wa-copa-america-2020-itegereje-ko-argentina-cyangwa-colombia-yayisangayo/?utm_source=rss&utm_medium=rss&utm_campaign=brazil-yageze-ku-mukino-wa-nyuma-wa-copa-america-2020-itegereje-ko-argentina-cyangwa-colombia-yayisangayo

  • APR FC yamaze kumvikana n’umukinnyi wa Bugesera FC #rwanda #RwOT

    Umukinnyi ukina asatira anyuze ku mpande mu ikipe ya Bugesera FC, Kwitonda Alain uzwi nka Bacca, ikipe ye yamaze kumvikana na APR FC kumugurishamo mu gihe cy’imyaka 2.

    Uyu mukinnyi yari asigaranye amasezerano y’umwaka umwe muri Bugesera FC, ikipe ya APR FC yamaze kwemera kuyagura.

    Amakuru ISIMBI yamenye ni uko ubuyobozi bwa Bugesera FC n’ubwa APR FC bwahuye mu gitondo cyo kuri uyu wa Kabiri, bakaba batandukanye amakipe yombi yumvikanye ko umwaka umwe yari asigaraniye Bugesera FC ugurwa na APR FC.

    Umuntu wahaye amakuru ISIMBI nubwo atifuje gutangaza ibyamutanzweho, ariko yemeje ko uyu mukinnyi na we ubwe yamaze kumvikana na APR FC, hari n’amakuru avuga ko yamaze no gusinyira iyi kipe y’ingabo z’igihugu.

    Uyu mukinnyi yinjiye muri Bugesera FC muri 2018 avuye mu ikipe ya Miroplast FC. Mu mwaka ushize w’imikino wa 2020-2021 yari yongereye umwaka w’amasezerano ari na wo APR FC yaguze.

    Bacca yamaze kumvikana na APR FC

    Source : http://isimbi.rw/siporo/article/apr-fc-yamaze-kumvikana-n-umukinnyi-wa-bugesera-fc

  • Kamonyi-Kwibohora27: Umuturage yitangiye bagenzi be ngo babone umuriro w'amashanyarazi #rwanda #RwOT

    Ni mu Murenge wa Rukoma, Akagari ka Murehe aho abaturage 21 biyemeje kwibohora bishakira umuriro w'amashanyarazi bamwe batigeze mu myaka isaga 40 bahamaze. Umwe muri bo witwa Mukawiringiye Deborah, ari n'umwe mu bazanye igitekerezo, yemeye kubishingira atanga ingwate muri Banki ngo bibohore ku kutagira Umuriro.

    Mukawiringiye Deborah, afite imyaka 65 y'amavuko. Avuga ko kwibohora ari amagambo akubiye mu butumwa bushimangirwa n'ibikorwa biganisha ku iterambere rigamije ineza y'abanyagihugu kandi nabo ubwabo bagizemo uruhare.

    Avuga ko Igikorwa cyo kubohora Igihugu cyabaye kikarangira, ariko ko ibikorwa bishimangira kwibohora ari urugendo rurerure rujyana no kugenda abantu bashaka ibisubizo by'ibibazo bitandukanye barwana nabyo mu buzima bwa buri munsi.

    Abaturage mu ngo 21 hamwe n'undi bivugwa ko yawihaye nibo bamaze kubona umuriro babikesha kwishyira hamwe.

    Kubona abandi bacana umuriro w'amashanyarazi, yagera aho atuye agasanganirwa n'umwijima, byamuteye ishyari ryo kumva ko afatanije na bagenzi be nabo bashobora kwikururira umuriro mu mbaraga n'ubushobozi bafite, bityo mu kwizihiza Kwibohora ku nshuro ya 27 bikazasanga nabo bacana, baribihoye.

    Avuga ko yegeranye na bagenzi be, bahuza igitekerezo, ariko ngo kuko basabwaga asaga Miliyoni y'u Rwanda kugira ngo bahabwe amapoto anyuzwaho insinga kandi mu bushobozi aya mafaranga ntayo bari bafite, yahisemo kubitangira, atanga ingwate y'ubutaka, Banki ibaha amafaranga babona umuriro, basezerana kuzagenda bishyura gahoro gahoro mu gihe cy'imyaka ibiri.

    Mukawiringiye Deborah w'imyaka 65 y'amavuko, avuga ko nubwo yizeye bagenzi be akabishingira, ngo ni hagira umutenguka ubuyobozi buzamube hafi.

    Agira ati' Twaricaye na bagenzi banjye, tubaza iby'umuriro wageze ku Kagari ariko batubwira ko aho wageze ari aho, ko ahasigaye ari ukwirwariza. Mu kubiganiraho na bagenzi banjye twasanze twakora ishyirahamwe ryo gukurura umuriro bityo tukagera kucyo dukeneye. Twagiye muri REG, batubwira ibisabwa dusanga bisaba ingufu nyinshi, kubera byari kugorana ko buri wese abona amafaranga akenewe ako kanya, twagiye muri Banki mba ari njyewe uba umwishingizi wabo, mbatiza ingwate kugira ngo tubone icyo dukeneye kandi ubu turishimye'.

    Karemera Munyemana Jean Damascene, Umwe mu baturage babonye umuriro nyuma y'imyaka isaga 23 amaze aho atuye ntawo, ashima uku kwifatanya bagahuza imbaraga nk'abaturage mu kwishakamo ibisubizo. Avuga ko uku nako ari ukwibohora kuko ngo ari Igisubizo cy'icyari kibaboshye nk'abaturage. Avuga ati' Mbona hari ibintu byinshi tumaze kwibohoramo; dufite umuriro, dufite amazi kandi mbere kuri Leta yabanje ibi ntabwo hano byahabaga. Ibi nta n'umwaka bidutwaye kubikora dushyize hamwe. Turashima Leta y'Ubumwe'.

    Karemera ni umwe mu bafatanije na Deborah guhuza bagenzi babo.

    Avuga ko kimwe mu byo yazaniwe no 'Kwibohora' nk'Igihugu ari uko Leta binyuze mu miyoborere myiza yafashije umuturage gutekereza byagutse, kugira ijambo mu bimukorerwa ari nabyo bituma buri wese ajya mu rugamba rwo kwibohora binyuze mu bikorwa bitanga ibisubizo ku bibazo biba bibangamiye umuturage. Ashimangira ko iyo abaturage n'ubuyobozi bishyize hamwe bakishamo ibisubizo nabyo ari 'Ukwibohora'.

    Nkurunziza Jean de Dieu, Umunyamabanga Nshingwabikorwa w'Umurenge wa Rukoma, ashima igitekerezo n'ubufatanye bw'abaturage mu kwiyegereza umuriro no gushaka ibisubizo by'ibindi bibazo bahura nabyo, akavuga ko hari byinshi nk'ubuyobozi bafatanije n'abaturage bashobora kwikemura izindi mbaraga zikaza ari inyongera.

    Gitifu Nkurunziza, avuga kandi ko nk'ubuyobozi bazakomeza kuba hafi no gufatanya n'abaturage mu gushaka umuti w'umuriro bavuga ko ukiri muke, ko bakomeza ubuvugizi kugira ngo n'ibindi bikorwa by'iterambere aba baturage bifuza kugeraho bizagerweho. Ashimangira ko uruhare rw'umuturage mu bimukorerwa ari ingenzi.

    Aba baturage, bavuga ko umuriro bafite uyu munsi ari muke cyane, ko batabasha kugira byinshi by'iterambere bawubyaza. Bifuzaga kugura icyuma gisya, bakifuza ko urubyiruko rwabo rukora imishinga itandukanye yo kwiteza imbere babikesheje umuriro biyegereje ariko ngo ntabwo byakunda. Ni naho bahera basaba ko ubuyobozi bwagira icyo bukora.

    Munyaneza Theogene / intyoza.com

    Source : https://www.intyoza.com/kamonyi-kwibohora27-umuturage-yitangiye-bagenzi-be-ngo-babone-umuriro-wamashanyarazi/

  • Larry Rudolph wari ‘manager’ wa Britney Spears batandukanye nyuma y’imyaka 25 #Rwanda #RwOT via @kigalitoday #rwanda #RwOT

    Britney Spears ari kumwe na Larry Rudolph bagikorana
    Britney Spears ari kumwe na Larry Rudolph bagikorana

    Icyo cyemezo Rudolph yafashe yakimenyesheje Jamie Spears, umuvandimwe wa Britney Spears ndetse n’umunyamategeko, Jodi Montgomery, abo bombi bakaba bashinzwe kureberera icyo cyamamare muri Muzika, Britney Spears.

    Mu ibaruwa isezera yanditswe na Larry Rudolph, igasohorwa mu kinyamakuru kitwa ‘Deadline’, yavuze ko hashize imyaka ibiri n’igice, we n’umuhanzi Britney baganiriye ngo akamubwira ko yifuza kuba ahagaritse umuziki mu gihe kitazwi.

    Yagize ati “Uyu munsi numvise ko umuhanzi Britney ashaka kujya mu kiruhuko cy’izabukuru ku mugaragaro. Sinigeze ngira uruhare mu bijyanye no kumureberera haba mu bikorwa bye bimwerekeyeho, ni ukuvuga ko nta byinshi nzi kuri ibyo byatangajwe, nahawe akazi na Britney kugira ngo mufashe mu buhanzi bwe. Kandi nka ‘manager’, ntekereza ko kuba neguye ku mirimo yanjye biri mu nyungu za Britney kuko serivisi zanjye zitari zigikenewe. Mwakire iyi baruwa y’ubwegure bwanjye”.

    Rudolph yongeyeho ati “Nzahora nishimira umurimo nakoze mu myaka yacu 25 twari tumaze dukorana. Britney ndamwifuriza ibyiza byose bibaho ku isi. Ndahari igihe cyose azongera kunkenera nzamwitaba”.


  • Ethiopia: Leta itangaza ko kuvana ingabo muri Tigray bitavuze ko yatsinzwe #Rwanda #RwOT via @kigalitoday #rwanda #RwOT

    Minisitiri w’Intebe wa Ethiopia, Dr Abiy Ahmed, avuga ko kuvana ingabo n’abayobozi ba Leta bari boherejwe mu ntambara mu karere ka Tigray gaherereye mu Majyaruguru, bidakwiye gufatwa nk’ikimenyetso cyerekana ko uruhande rwa Guverinoma rwatsinzwe intambara.

    Yavuze ko amakimbirane, intambara n’imvururu byamaze amezi umunani barwanya inyeshyamba za Tigray kandi ko yabaciye intege.

    Ministri Ahmed yemeza ko ingabo z’igihugu zigifite ubushobozi bwo kurwana ariko ashimangira ko hakenewe amahoro kugira ngo Ethiopia itere imbere. Akomeza avuga ko nyuma y’inama zitandukanye yagiranye n’abafatanyabikorwa banyuranye n’abashoramari ngo bamweretse impungenge n’ibyago bituruka ku ntambara.

    Mu ijambo yagejeje ku Nteko Ishinga Amategeko, ntiyigeze asubiza ku rutonde rw’ibyo Guverinoma yemeje bigomba gukurikizwa n’inyeshyamba za TPLF kugira ngo habeho guhagarika imirwano ku mpande zombi.

    Ibihumbi n’ibihumbi by’abasivili muri Tigray bafite ibibazo n’inzara, uburwayi bwiganjemo icyorezo cya covid-19, biturutse ku makimbirane kandi inzego z’ubutabazi zigarasaba ko zakoroherezwa kugeza imfashanyo ku bagizweho ingaruka n’intambara badafite ubutabazi.

    Leta ya Ethiopia yavuze ko itangazo rihagarika imirwano ari akanya kuri buri wese ko gutekereza no kwigira ku byabereye muri Tigray.

  • Gorilla FC yamaze gutandukana n’abakinnyi 7 #rwanda #RwOT

    Ubuyobozi bw’ikipe ya Gorilla FC, bwamaze gutandukana n’abakinnyi barindwi barimo na kapiteni wayo, Tuyisenge Pekeyake.

    Gorilla FC yakinaga umwaka wayo wa mbere mu cyiciro cya mbere, ntabwo byagenze neza nk’uko yabishakaga kuko kugeza ku munsi wa nyuma yari mu makipe agomba kumanuka mu cyiciro cya kabiri ariko iza kurokoka nyuma yo gutsinda Sunrise FC 2-21.

    Mu rwego rwo kwiyubaka no gukora amavugurura, ubuyobozi bw’iyi kipe bwafashe umwanzuro wo gusezerera abakinnyi bagera kuri barindwi, ni mu gihe yatangiye kugura aho yatangiye izana umunyezamu Ndoli Jean Claude wasinye imyaka 3.

    Yirukana yahereye kuri kapiteni wayo wanayizamuye, Tuyisenge Pekeyake ‘Pekinho’, rutahizamu Sinamenye Cyprien wavuye muri Sunrise ariko nta mwanya wo gukina yabonye, abanyezamu Mugisha Yves na Mpawenimana Emmanuel, Mukunzi Vivens, Munyeshuri Aaron na Manace.

    Umuntu wahaye amakuru ISIMBI uretse aba bakinnyi iyi kipe igomba no kwirukana bamwe mu banyamahanga ifite kuko ubuyobozi bw’iyi kipe butigeze bunyurwa n’umusaruro wabo.

    Tuyisenge Pekeyake wari kapiteni wa Gorilla FC ni wahereweho

    Source : http://isimbi.rw/siporo/article/gorilla-fc-yamaze-gutandukana-n-abakinnyi-7