Webrwanda Backend

Category: Uncategorized

  • Banki ya Kigali yahawe igihembo cya Banki nziza mu Rwanda #Rwanda #RwOT via @kigalitoday #rwanda #RwOT

    Ibihembo bya ‘Euromoney Awards for Excellence’ byatangiye gutangwa mu 1992, bikaba ari bimwe mu bihembo bikomeye mu rwego rw’amabanki. Ibyo bihembo bihabwa ibigo by’imari byageze ku bikorwa by’indashyikirwa, bigahanga udushya, ndetse bikagaragaza imikorere myiza mu gihe cy’amezi 12 ashize.

    Kugira ngo ikigo cy’imari gihabwe icyo gihembo, itsinda ry’inzobere risuzuma urwunguko, ubushobozi bwo kuzamuka / gukura kw’ikigo cy’imari, ndetse n’ubushobozi bwo kugendana n’impinduka ziri ku isoko.

    N’ubwo hari ibibazo byinshi byazanywe n’icyorezo cya COVID-19, Amafaranga Banki ya Kigali yabikijwe yariyongereye, n’inguzanyo itanga ku bakiriya yarazamutse kurenza ikigereranyo cy’isoko muri 2020. Yahaye serivisi abakiriya 356,299 bakoresha konti zabo ku giti cyabo mu buryo busanzwe hamwe n’abakiriya 26,054 b’ibigo bito n’ibiciriritse by’ubucuruzi. Muri uwo mwaka kandi, Banki ya Kigali yagize inyungu ya miliyari 38.4Frw.

    Zimwe muri serivisi yakomeje gutanga mu korohereza abakiliya muri 2020, ni serivisi y”IKOFI igenewe abahinzi, ubwo abahinzi barenga 258,000 bakoresheje iyi serivisi ndetse abarenga 1,800 b’abacuruzi b’inyongeramusaruro bakomeza kugeza serivisi ku abahinzi bifashishije IKOFI.

    Mu gihe ubukungu bwahunganyijwe n’ingaruka z’icyorezo cya Covid-19, BK yafashije abakiriya bayo mu buryo butandukanye, harimo kubaha inguzanyo mu rwego rwo kuzahura ubukungu bwabo bwakomwe mu nkokora n’iki cyorezo ndetse inorohereza abakiliya bayo batari bashoboye kwishyura inguzanyo bafite.

    Mu mwaka wa 2020 kandi iyi banki yashyize ku mugaragaro serivisi ya Zamuka Mugore, serivisi yageneye abagore bari mu bucuruzi bakabasha guhabwa inguzanyo ku nyungu iri hasi cyane bityo bagateza imbere imishinga yabo.

    Kubera imbaraga Banki ya Kigali yashyize mu kurushaho kurinda ibyahungabanya umutekano w’amakuru arebana na banki, BK yahawe icyemezo cya ISO/IEC 27001:2013 Standard for Information Security Management System (ISMS), Banki ya Kigali ikaba yarahawe icyo cyemezo nk’ikimenyetso ko uburyo ikoresha mu kurinda umutekano w’amakuru bwemewe ku rwego mpuzamahanga.

    Undi mushinga BK yashyize mu bikorwa muri 2020 mu rwego rwo gufasha sosiyete Nyarwanda kwiteza imbere, harimo umushinga wa “BK Urumuri Initiative” wabaye ku nshuro ya kane, ukaba ugamije guteza imbere ba rwiyemezamirimo bityo bagahabwa amahugurwa yimbitse k’uburyo bateza imishinga yabo imbere ndetse bagahabwa inguzanyo zitagira inyungu na Banki ya Kigali. Kugeza ubu, ba rwiyemezamirimo barenga 100 banyuze muri iyi gahunda kandi bahabwa arenga Miliyoni 100 z’amafaranga y’u Rwanda atishyurirwa inyungu.

    Umuyobozi Mukuru wa Banki ya Kigali, Dr. Diane Karusisi, yishimiye icyo gihembo bahawe. Yagize ati “Muri Banki ya Kigali, dukora ubudacogora kugira ngo tugere ku byo abakiriya badutegerejeho ndetse tunarenzeho. Dushimishijwe no kubona igihembo cya ‘Euromoney’ nka Banki nziza ya mbere mu Rwanda. Iki ni igihamya intego twiyemeje yo guha abakiriya batugana serivisi yo ku rwego rwo hejuru.”

    Muri uyu mwaka, Euromoney yakiriye ubusabe bwinshi bw’abahataniraga ibihembo, haba mu bihembo bihabwa amabanki ku rwego rw’Akarere ndetse n’ibihabwa amabanki ku rwego rw’Igihugu. Hakaba haratanzwe ibihembo 100 bihabwa amabanki yitwaye neza mu bihugu aherereyemo.

  • CHUB yaremeye abarokotse Jenoside barimo n’abahombye kubera Covid-19 #Rwanda #RwOT via @kigalitoday #rwanda #RwOT

    Bishimiye inka bahawe kuko ngo zitumye bongera kugira igicaniro
    Bishimiye inka bahawe kuko ngo zitumye bongera kugira igicaniro

    Abaremewe ni abo mu tugari dutandukanye tugize Umurenge wa Tumba. Bashimye cyane abakozi ba CHUB babatekerejeho, kuko ngo bagaragaje umutima wo kutikubira, ahubwo wo gutekereza ku bakeneye ubufasha.

    Vianney Kabera w’imyaka 65 ubundi uzwi ku izina rya Mwalimu kuko yigisha ijambo ry’Imana, ni umwe mu bahawe inkunga y’amafaranga. Ubusanzwe yakoraga amasambusa y’ibirayi, hanyuma Guma mu Rugo ituma arya igishoro.

    Yagize ati “Ijambo ry’Imana, muri Timoteyo wa kabiri igice cya gatatu haravuga ngo muri iyo minsi hazaba ari mu bihe birushya. Aba bantu batugobotse mu bihe biruhije. Kandi iryo jambo riravuga ngo muri icyo gihe abantu bazaba bikunda. Mu by’ukuri aba na bo ntabwo bikunze, ahubwo badukunze.”

    Muri kiriya gice cya bibiliya kandi ngo haravuga ngo mu bihe bya nyuma abantu bazaba bakunda amafaranga. Kabera ati “Ariko bo ntibakunze amafaranga ahubwo batanze amafaranga. Imana izabagirire neza, izabahe umugisha.”

    Uwamurera Laetitia w’imyaka 42, n’ikiniga, yagize ati “Inka nayiherukaga mu rugo iwacu. Zari zihari mu muryango navukiyemo, ariko zajyanye na bo. Ubu mfite ibyishimo byinshi, kuko mu muryango wacu hagarutsemo inka.”

    Uwamurera kandi nk’umuntu ukunda gusenga, ngo yari yarasabye Imana ko yabimufashamo kuko mu bushobozi bwe yari yarayibuze. Kuri we inka yahawe ngo ni igisubizo cy’Imana, ibicishije ku bakozi ba CHUB. Ngo yabiboneye ku kuba imibare y’iherena ry’inka yatomboye iherwa na 1979, ari na wo mwaka yavutsemo.

    Charles Rwigema wigeze gutunga inka hanyuma muri 2008 eshanu yari amaze kugira zigahitanwa n’ubushita zose, yishimiye ko yongeye gucanirwa, kandi ngo noneho ntabwo zizongera kumupfana.

    Yagize ati “Buriya narize. Nirwara nzajya mpita nyitaho, ntatinze, kugira ngo ntazongera kugira igihombo.”

    Umuyobozi w’Akarere ka Huye, Ange Sebutege, na we yashimye abakozi ba CHUB, ku bw’urukundo bagaragariza abarokotse Jenoside, kuko bagira abo baremera buri mwaka.

    Umuyobozi w
    Umuyobozi w’Akarere ka Huye, Ange Sebutege yashimiye CHUB kuko uretse kuvura, bagaragaje ko bifuriza abaturage bose ubuzima bwiza

    Yagize ati “Turabashimira ko abangaba mwongeye kubagarurira ubuzima, mwongeye kubavura, kandi mwongeye no kwerekana ko uretse no kuvura, mwifuza ko abaturage bose bagira ubuzima bwiza.”

    Igikorwa cyo kuremera abarokotse Jenoside batishoboye, CHUB yagitangiye mu mwaka wa 2011. Kugeza ubu bamaze gutanga inka 147 mu mirenge 10 igize Akarere ka Huye.

    Mbere batangaga inka gusa ku bo baremeraga bahawe n’imirenge. Muri uyu mwaka wa 2021 ni bwo bwa mbere baremeye n’abacuruzaga, nk’uko bivugwa na Dr. Augustin Sendegeya, umuyobozi mukuru wa CHUB.

    Ati “Twaje gusanga hari n’abakoraga udukorwa dutandukanye Covid-19 yagizeho ingaruka, noneho turavuga tuti reka tubafashe bongere bigiremo icyizere.”

    Vianney Kabera w
    Vianney Kabera w’imyaka 65 yashimiye ababagobotse muri ibi bihe biruhije

    Uretse kandi abarokotse Jenoside bagenda bahabwa n’imirenge itahiwe kuremerwa, inkunga zegeranywa na CHUB zinifashishwa mu kuremera abarokotse Jenoside bafitanye isano n’abahakoraga cyangwa n’abahiciwe bazizwa ko ari Abatutsi.

    Ni muri urwo rwego ubu hanatanzwe miliyoni ku bantu babiri bari bafite imishinga yo kwiteza imbere. Buri wese yahawe ibihumbi 500. Iki gikorwa cyatangiye muri 2014, ubu kimaze gutera inkunga abantu 34, bose hamwe bahawe miliyoni 14.


  • Ikamyo yari itwaye ibitoro yaturitse ihitana abantu 13 muri Kenya #rwanda #RwOT

    Mu burengerazuba bwa Kenya abantu batari munsi ya 13 bahitanywe n' imodoka y' ikamyo yari itwaye ibitoro irabirinduka irashya. Ibi byabaye kuri uyu wa Gatandatu tariki ya 17 Nyakanga 2021 mu masaha y' ijoro.

    Amakuru impanuro ikura kuri BBC avuga ko iyo mpanuka yabaye ubwo umushoferi wari utwaye iyi kamyo yageragezaga gukatira indi kamyo mu muhanda uba urimo uruvunge bw' abantu hagati ya Kisumu na Busia.

    Amakuru akomeza avuga ko ubwo iyo impanuka yabaga abantu bahise bafata amajerikani bajya kuri iyo kamyo yari yabirindutse baravoma ubwo yari imaze guturika.

    Abantu bagera kuri 11 , barimo n' abana , barembeye mu bitaro nyuma yo kugira ubushye bukomeye cyane.

    Bivugwa ko byafashe hafi amasaha abiri kugira ngo abazimya umuriro bagere aho iyo mpanuka yabereye , hafi y' umujyi wa Malanga wo mu Karere ka Siaya_ ku ntera ya Kilometero hafi 315 mu Majyaruguru ashyira uburengerazuba bw' umurwa mukuru wa Kenya i Nairobi.

    Moreso Chacha, Umukuru wa Polisi w'aho iyo mpanuka yabereye , yagize ati:' Ntabwo twashoboye kubona imodoka izimya umuriro ivuye mu Karere ka Siaya kuko iri i Nairobi'.

    Yakomeje avuga ko abazimya umuriro bavuye mu Karere baturanye bakaza kubafasha.

    Mu gihugu cya Kenya abantu hafi 3, 000 bahitanwa n' impanuka zo mu mihanda.

    Source : https://impanuro.rw/2021/07/19/ikamyo-yari-itwaye-ibitoro-yaturitse-ihitana-abantu-13-muri-kenya/

  • Musanze : Abantu 21 bafashwe banze kuguma mu rugo barimo abafatiwe mu kabari #rwanda #RwOT

    Aba bantu bafashwe mu mpera z’icyumweru twaraye dusoje ku wa Gatandatu tariki 17 Nyakanga, bafatiwe mu Mudugudu wa Karambi, Akagari ka Bisoke mu Murenge wa Kinigi.

    Akarere ka Musanze kari mu turere Umunani n’Umujyi wa Kigali mu haherutse gushyirwa n’inama y’Abaminisitiri muri Gahunda ya Guma mu Rugo.

    Umuyobozi wa Polisi mu Karere ka Musanze, Senior Superintendent of Police (SSP) Jean Pierre Kanobayire yavuze ko bariya bantu bafatiwe mu kabari bafashwe biturutse ku makuru yatanzwe n’abaturage. Abandi bafashwe ubwo abapolisi bari mu bikorwa byo kugenzura ko abantu barimo kubahiriza amabwiriza ya Guma mu Rugo.

    Yagize ati 'Abaturage nibo bahamagaye Polisi bayibwira ko uwitwa Nzabandora afite akabari arimo gucuruza inzoga muri ibi bihe byo kurwanya COVID-19. Abapolisi bagiyeyo basanga koko harimo abantu 7 barimo kunywa inzoga nta bwiriza na rimwe ryo kwirinda COVID-19 bubahirije.'

    Yakomeje avuga ko muri uwo Murenge wa Kinigi mu Kagari ka Bisoke hafatiwe abandi bantu 14 banze kuguma mu ngo, bafatwa barimo kugendagenda mu mihanda nta mpamvu bafite ndetse nta ruhushya bafite rubemerera gusohoka mu rugo.

    Ati 'Polisi yashyizeho uburyo bwo gufasha abantu gusohoka igihe bafite impamvu zumvikana ariko bariya 14 nta ruhushya bari basabye. Bariya bantu nta n’ubwo bari bagiye guhaha, bo bavugaga ko barimo gushaka aho bakura ibiraka byo gukora.'

    Umuyobozi wa Polisi mu Karere ka Musanze yongeye gukangurira abaturage kubahiriza amabwiriza yo kwirinda COVID-19 kugira barusheho guhashya ikwirakwira ry’iki cyorezo. Yavuze ko kuba Akarere ka Musanze karashyizwe muri gahunda ya Guma mu Rugo bitapfuye kuba gusa ko ahubwo hashingiwe ku busesenguzi bw’inzego z’ubuzima bitewe n’imiterere y’icyorezo muri ako karere.

    Ati 'Kubahiriza neza amabwiriza turimo kugenderaho muri iyi minsi 10 nibyo bishobora gutuma abantu bakomorerwa bagasubira mu bikorwa byabo. Ariko mu gihe harimo kugaragara abarenga ku mabwiriza bakanga kuguma mu rugo bishobora gutuma icyorezo gikomeza gukwirakwira bityo n’iminsi ya Guma mu Rugo igakomeza kwiyongera.'

    Abafashwe uko ari 21 baganirijwe ku kubahiriza amabwiriza yo kurwanya COVID-19 inzego zibishinzwe zibaca amande hakurikijwe amabwiriza.

    Source : http://www.ukwezi.rw/mu-rwanda/Amakuru-anyuranye/article/Musanze-Abantu-21-bafashwe-banze-kuguma-mu-rugo-barimo-abafatiwe-mu-kabari

  • Hagiye kumurikwa igitabo ‘Walk with Her’ cyan… – #rwanda #RwOT

    Oliver Tusiime umwe mu banditsi b’iki gitabo ‘Walk with Her’ bisobanuye ‘Gendana nawe’, ni umukobwa w’imyaka 26 y’amavuko utuye mu Rwanda mu mujyi wa Kigali, akaba asengera mu Itorero New Life Bible Church – Kicukiro. Mugenzi we bafatanyije kwandika iki gitabo yitwa Annet Mbabazi – umukobwa w’imyaka 28 y’amavuko utuye i Kampala muri Uganda – usengera muri Worship House Nansana.

    Oliver Tusiime yatangiye kwandika ibitabo mu 2018, asohora igitabo cya mbere mu 2020. Ariko n’ubusazwe akazi akora mu buzima bwa buri munsi ni akajyanye n’itumanaho ibisobanuye ko ahora yandika. Mbabazi Annet we yatangiye kwandika mu 2019, ariko nta nyandiko yigeze asohora. Iki gitabo bagiye kumurika ni cyo cya mbere yanditse. Uretse kwandika ibitabo, Annet anatanga n’impanuro, ibiganiro n’amahugurwa ku rubyiruko.

    Igitabo ‘Walk with Her’ kiramurikwa kuri iki Cyumweru

    Inyandiko nyinshi za Oliver na Annet zibanda ku bana b’abakobwa aho zibashishikariza kumenya abo aribo, kugira intego no gufasha abahuye n’ibikomere. Igitabo bagiye kumurika, kirimo ubutumwa bushishikariza ababyeyi kumenya umutima w’umwana w’umukobwa, kumufasha mu buryo bwose, kandi kigahumuriza abana b’abakobwa baba barakuze nta babyeyi bafite cyangwa bahuye n’ibikomere bitadunkanye mu buzima. Gifite amapaji 110.

    Nk’uko Oliver na Annet babitangarije InyaRwanda.com, iki gitabo kiramurikwa kuri iki Cyumweru taliki 18 Nyakanga 2021 mu muhango uzaba hifashishijwe ikoranabuhanga rya Zoom. Imurikwa ry’iki gitabo ryagombaga kubera kuri Kigali Public Library ariko kubera amabwiriza yo kwirinda COVID-19 n’ibihe abaturarwanda barimo, byabaye ngombwa ko baryimurira kuri interineti. Oliver Tusiime yagize ati “Umuntu ushaka kuzayikurikira (Launch) tuzamuha link. Yatwandikira ku mbuga zacu za Facebook: Liv Oliver na Annet Mbabazi cyangwa ku mbuga za ministeri yacu: Olive Girls.

    Annet Mbabazi umwe mu banditsi b’igitabo Walk with Her

    Oliver Tusiime umwe mu banditsi b’igitabo ‘Walk with Her’

    Source : https://inyarwanda.com/inkuru/107669/hagiye-kumurikwa-igitabo-walk-with-her-cyanditswe-nabakobwa-babiri-ari-bo-oliver-tusiime-n-107669.html

  • Rutahizamu w’umunya-Brazil, umutubuzi ruharwa wakiniye amakipe 10 mu myaka 13 ntiyagira umukino n’umwe akina #rwanda #RwOT

    Carlos Kaizer, rutahizamu w’umunya-Brazil umunyabigwi ukomeye utarigeze ukandagiramu kibuga mu myaka 13, umutubuzi w’umusitari uzwi muri ruhago wasinyiye amakipe menshi ariko ntiyagira umukino n’umwe cyangwa se umunota n’umwe akina kandi k’ubushake bwe kuko yari umuswa, yifuzaga kuba umukinnyi wa ruhago udakina.

    Carlos Henrique Raposo ni rutahizamu w’umunya – Brazil wavukiye mu gace kitwa Rio Pardo mumwaka w’1963, ubu afite imyaka 58 y’amavuko, uyu yiyise Carlos Kaiser ahanini ngo kuko yasaga cyane n’umukinnyi w’umudage wabicaga bigacika Franz Beckenbauer , ikindi ngo ni uko bamwitiriye icupa ry’inzoga yari igezweho icyo gihe yitwaga Kaiser.

    Kaiser Yatangiriye umupira mu ikipe y’abato ya Botafogo ariko aza nyuma kwerekeza muri Flamengo , mu mwaka wi 1979 nibwo yasinyiye ikipe ya Puebla yo muri Mexico nyuma y’uko abashinzwe kuyishakira abakinnyi bari babonye yitwara neza mu myitozo, iyi kipe ariko ntabwo yayitinzemo kuko yaje kumwirukana nyuma y’ukwezi kumwe gusa ayisinyiye maze agaruka muri Brazil , Carlos Kaiser yifuzaga kuba umukinnyi ariko we ngo ntabwo yashakaga kugira umukino n’umwe akina .

    Kuri Wikipedia ye bigaragara ko mu myaka 13 yakinnye imikino 82 ariko muri Filime Mbarankuru ivuga ku buzima bwe yashyizwe kuri Amazon muri 2017 'Kaizer! The Greatest Footballer Never to Play’ aho babajijemo abakinnyi b’abanyabigwi nka Carlos Alberto, Zico, Júnior, Bebeto na Renato Gaúcho bo muri Brazil, ivuga ko nta mukino n’umwe yigeze akina.

    Kimwe mu byamufashaga kubona amakipe ni ukuba yari afite inshuti nyinshi z’abakinnyi nka Ricardo Rosha, Carlos Arberto Torres n’abandi byamufashaga kubona ikipe byoroshye, ikindi yakoreshaga itangazamakuru naryo ryari ritaratera imbere bakamwandikaho inkuru z’ibinyoma zimutaka ko ari umukinnyi w’igitangaza , urugero nyuma y’uko Puebla yo muri Mexico imwirukanye bimwe mu bitangazamakuru byo muri Brazil byanditse ko kubera ukuntu yitwaye neza igihugu cya Mexico cyifuje kumuha ubwenegihugu ngo agikinire maze akabyanga , ibi byose byari ibinyoma kuko muri Puebla nta mukino n’umwe yakinnye ku buryo abanya-Mexico bari kumubona.

    Uyu mugabo bivugwa ko iyo warebaga igihagararo wabonaga ari umukinyi ukomeye ariko akaba nta buhanga mu kibuga yagiraga, ikindi kandi ngo yari afite imbaraga nke cyane ku buryo iyo ikipe yamuguraga yabanzaga kumuha umutoza w’ingufu wihariye akamukoresha imyitozo mbere yo gukorana n’abandi mu ikipe. Imwe mu ntwaro yakoreshaga kugira ngo atavumburwa byari uguhimba imvune za baringa cyane cyane ko ubuvuzi mu mupira bwari butaratera imbere n’aho bwari byari bihenze cyane, ibi byamufashaga kuba mu ikipe akora imyitozo ahembwa ariko adakina imikino y’amarushanwa cyangwa se n’iya gicuti.

    Ikindi cyamufashaga ni ugukoresha telefone z’ibikinisho akigira nk’urimo kuvuga indimi z’amahanga ashaka kwerekana ko hari amakipe yo mu mahanga amwifuza bigatuma yongererwa amasezerano .

    Amakipe yakiniye

    Mu mwaka w’1979 ubwo yavaga muri Puebla bamwirukanye yagarutse muri Brazil maze asinyira ikipe ya Botafogo, aha niho yaragiye gutangirira urugendo rw’ubutekamutwe, akimara gusinya yahise ahimba imvune y’abaringa, ibi yabifatanyaga no gukoresha telefone z’ibikinisho akivugisha icyongereza abeshya ko hari andi makipe amwifuza, gusa yaje kuvumburwa n’umuganga wa Botafogo wumvaga icyongereza maze ahita yirukanwa .

    akimara kwirukanwa yatangiye kubeshya ko yarari mu ikipe ya Terres des Cordoba na independente zo muri Argentina ndetse ko yatwaranye nazo Copa Libertadores na Intercontinental cup mu 1984 nyamara ahubwo n’undi mukinnyi witwaga Carlos Enrique waruri muri ayo makipe yombi ubwo yatwaraga ibyo bikombe. Mu mwaka w’1986 yagiye mu Bufaransa mu ikipe ya Gazzelec Ajaccio , nabwo bigizwemo uruhare n’inshuti ze zakinagayo, aha ho yamazeyo umwaka umwe ariko naho avayo nta mukino n’umwe akinnye, igitangaje yagarutse muri Brazil ibitangazamakuru byaho bivugako ari we watsinze ibitego byinshi mu cyiciro cya 2 mu Bufaransa .

    akigaruka muri Brazil yahise asinyira ikipe ya Bangu, ariko naho nk’ibisanzwe ahita avuga ko afite imvune, Castor De Radrade wari umuyobozi w’iyi kipe ngo yarambiwe kubona uyu mugabo adakina, umunsi umwe ngo ubwo ikipe ya Bangu yari imaze gutsindwa ibitego 2-0 uyu muyobozi yategetse umutoza gushyiramo Kaiser, umutoza yamwohereje kwishyushya maze Kaiser mukubikora ahita arwana n’umufana ngo wari umututse ko ari umujura ahabwa ikarita itukura adakinnye, uyu mugabo yongerewe amasezerano y’amezi 6 ariko nayo arangira adakandagiye mu kibuga

    Yakiniye kandi ikipe ya Flominese y’iwabo muri Brazil, akimara gusinyira iyi kipe ngo yahansanzee umusore bakinanye mu makipe y’abato, Kaiser yabajije uyu musore umusharaha ahembwa maze arawumubwira niko kumubwira ko amufitiye ikiraka, iki cyari ukumuvuna mu gihe baza kuba batangiye imyitozo maze na we akamukubira 2 umushahara ahembwa, uyu musore yarabyemeye maze imyitozo itangiye amutera umuserebeko aramuvuna, icyo yashakaga byari urwitwazo kugira ngo batazamushyira mu kibuga.

    Carlos Henrique Raposo wamenyekanye nka Carlos Kaiser mu gihe cy’imyaka 13 yamaze akina umupira yakiniye amakipe 10, Puebla, Botafogo, Flamengo, Independente, Bangu(aha Wikipedia ye ivuga ko yayikiniye umukino umwe), Gazelec Ajaccio, Flominese, Vasgo Dagama, America FC(aha Wikipedia ye ivuga ko yayikiniye imikino 81), El Paso Sixshooters na Guarane Fuetebol Clube.

    Yakinnye imyaka 13 atarakina umukino n’umwe

    Filime mbarankuru ye irabivuga byose

    Source : http://isimbi.rw/siporo/article/biratangaje-ni-umutubuzi-ukomeye-carlos-yakiniye-amakipe-10-mu-myaka-13-ariko-ntiyakina-umukino-n-umwe

  • Ibintu 5 by’ingenzi wamenya ku ruzinduko rw’iminsi 6 rwa perezida wa Rayon Sports mu ikipe ya Raja Casablanca muri Maroc #rwanda #RwOT

    Perezida wa Rayon Sports, Uwayezu Jean Fidele ubu arabarizwa mu gihugu cya Maroc mu ruzinduko rw’iminsi 6 aho yasuye ikipe ya Raja Casablanca ariko hakaba hari amasezerano y’ubufatanye agomba gusinywa hagati y’impande zombie.

    Uwayezu Jean Fidele akaba yaravuye mu Rwanda ku wa Gatandatu w’icyumweru gishize, akaba yarageze muri Maroc ku munsi w’ejo hashize ku Cyumweru tariki ya 18 Nyakanga 2021, byitezwe ko amasezerano agomba gusinywa uyu munsi ku isaha ya saa 13h z’i Kigali.

    Ku munsi w’ejo iyi kipe ibinyujije ku rukuta rwayo rwa Twitter yagize iti' Umuyobozi wa Rayon Sports Uwayezu Jean Fidele ari mu ruzinduko rw’iminsi itandatu (6) mu gihugu cya Maroc mu mujyi wa Casablanca, aho biteganyijwe ko ashyira umukono ku masezerano y’ubufatanye hagati ya Rayon Sports n’ikipe ya Raja Athletic Casablanca.'

    Bakomejeb avuga ko hari irerero ry’umupira w’amaguru azasura ndetse akazanasura na federasiyo y’umupira w’amaguru muri Maroc.

    Iti' Kuri gahunda kandi, umuyobozi wa Rayon Sports azanasura ishuri ryigisha umupira w’amaguru rya Mohammed VI Football Academy riherere mu gace ka Sale ndetse n’ishyirahamwe ry’umupira w’amaguru mu gihugu cya Maroc i Rabat.'

    Amakuru ISIMBI yabashije kumenya kuri bimwe bizaba bikubiye muri aya masezerano ni uko harimo guhererekanya ubumenyi mu bijya n’umupira w’amaguru, bikajyana n’amahugurwa ku bayobozi n’abatoza. Bimwe biri muri aya masezerano ni uko yaba abayobozi cyangwa abatoza(Rayon Sports) bashobora kuzajya bajya guhugurwa ku bufatanye n’iyi kipe.

    Hari kandi guteza imbere impano. Ibi bigendanye n’irerero uyu muperezida azasura rya Mohammed VI, amakuru avuga ko impande zombi zizafasha mukuzamura cyangwa guteza imbere impano z’abana bakiri bato(aha Rayon Sports ishobora nko kugira abakinnyi bo mu bato bayo yakohereza muri iri rerero).

    Hari kandi guhererekanya abakinnyi, nko kuba hari umukinnyi waba urimo kwitwara neza muri Rayon Sports ashobora kugira amahirwe yo kujya kugerageza muri iyi kipe, ni mu gihe kandi iyi kipe nayo ishobora kuba yatiza umukinnyi Rayon Sports.

    Ikindi ni ikijyanye na Pre-season, amakuru avuga ko ku bufatanye bw’impande zombi imwe mu gihe yaba ibishaka ishobora kujya kwitegurira shampiyona mu gihugu cy’indi, nka Raja Casablanca ikaba yaza mu Rwanda cyangwa Rayon Sports ikaba yajya muri Maroc, hari kandi n’umushinga wo kuba banategura irushanwa ribanzirirza shampiyona.

    Si ibi gusa kuko mu masezerano ari businywe uyu munsi haza kuza kuba hakubiyemo n’ibindi byinshi birimo n’imishinga ibyara amafaranga.

    Perezida wa Rayon Sports ari muri Maroc

    Source : http://isimbi.rw/siporo/article/ibintu-5-by-ingenzi-wamenya-ku-ruzinduko-rw-iminsi-6-rwa-perezida-wa-rayon-sports-mu-ikipe-ya-raja-casablanca-muri-maroc

  • Amakipe mwihebeye mu Rwanda amaze kwiyubaka ate? Menya abo amaze kwinjiza n’abayasohotsemo, abarenga 30 baraguzwe(AMAFOTO) #rwanda #RwOT

    Isoko ry’abakinnyi mu Rwanda bahinduranya amakipe rirashyushye mu cyiciro cya mbere mu mupira w’amaguru mu Rwanda, ndetse abakurikiranira hafi ibya ruhago bavuga ko abeza bamaze kugurwa, si amakipe yose yagiye ku isoko ariko amwe namwe yamaze kugerayo, tugiye kurebera hamwe ayo makipe yagiye ku Isoko abo yaguze n’abo yarekuye.

    Buri mufana wese aba yifuza ko ikipe ye yagura neza kugira ngo izitware neza mu mikino iri imbere, ariko hari aho bimera nka bimwe haba hari icyo umutima ushaka ariko umubiri ukananirwa, cyangwa ngo ubuze Bwana atwara Butuyu byose ni amakarita.

    Muri iyi nkuru ISIMBI yagerageje kunyura mu makipe yose yavuzwe ku isoko ngo irebe abakinnyi baguzwe n’abo yarekuye, gusa hari amakipe amwe namwe nubwo yavuzwe ko yasinyishije abakinnyi yo atabyemera ko hari uwasinye, byakomeje kugirwa ubwiru.

    Hari ukuba ikipe hari abakinnyi yinjije ariko hari n’abo yarekuye, kubo yarekuye turareba abamaze gusinyira andi makipe(turabageraho tuvuga ikipe basinyiye) cyangwa abo ikipe yabwiye kujya kwishakira ahandi.

    APR FC

    APR FC ni ikipe yageze ku isoko mu ba mbere, iyi kipe ifashwa n’ingabo z’igihugu yamaze kugura abakinnyi batandatu yo yaranabatangaje kumugaragaro.

    Hari myugariro Aimable Nsabimaba wakiniraga Police FC, Kwitonda Alain Bacca usatira anyuze ku mpande wakiniraga Bugesera FC, rutahizamu wakiniraga Rayon Sports, Mugisha Gilbert, Nsengiyumva Ir’shad wavuye muri Marines FC, Mugisha Bonheur wari intizanyo ya Heroes muri Mukura VS na myugariro Karera Hassan wakiniraga AS Kigali, base basinye imyaka 2.

    Iyi kipe yatandukanye na Byiringiro Lague na Manzi Thierry bagiye gukina hanze y’u Rwanda, umunyezamu Rwabugiri Umar, Mushimiyimana Mohammed na Danny Usengimana bari basoje amasezerano ariko babwirwa kwishakira ahandi.

    Yongereye kandi amasezerano abakinnyi nka Manishimwe Djabel, Niyonzima Olivier Seif, Rwabuhihi Aime Placide, Niyomugabo Claude na Nizeyimana Djuma.

    AS Kigali

    Nk’ikipe izahagararira u Rwanda mu marushanwa nyafurika ya CAF Confederations Cup, AS Kigali nayo yageze ku isoko hakiri kare, imaze gusinyisha abakinnyi barimo rutahizamu Saba Robert wavuye muri Kiyovu Sports, umunyezamu Ntwari Fiacre wari intizanyo ya APR FC muri Marines, myugariro Rugwiro Herve, Uwimana Guilain ukina mu kibuga hagati na Niyibizi Ramadhan bavuye muri Etincelles, amakuru kandi kandi avuga ko banamaze kumvikana na Mugheni Kakule Fabrice azayikinira umwaka utaha w’imikino, bose basinye imyaka 2.

    AS Kigali ikaba yarongereye amasezerano Kalisa Rashid.

    Police FC

    Ntabwo umwaka ushize wagenze neza nk’uko babyifuza, bityo ikaba yaragiye ku isoko igura Hakizimana Muhadjiri ukina inyuma ya rutahizamu, Nsabimana Eric Zidane ukina mu kibuga hagati bakiniraga AS Kigali, yaguze kandi ba rutahizamu Danny Usengimana wakiniraga APR FC na Twizerinama Onesme wa Musanze FC, bose basinye imyaka 2 uretse Muhadjiri wasinye umwe.

    Yongereye amasezerano abakinnyi barimo Nduwayo Valeur, Ntirushwa Aime, Moussa Omar na Nshuti Dominique Savio.

    Rayon Sports

    Ni imwe mu makipe yageze ku isoko nyuma, ibintu bitakiriwe neza n’abakunzi b’iyi kipe, iyi kipe imaze imyaka 2 abarimo rutahizamu Mico Justin na myugariro Muvandimwe Jean Marie Vianney bakiniraga Police FC, Byumvuhore Tresor wakiniraga Gasogi United na Mugisha Francois Master wakiniraga Bugesera FC. Iyi kipe kandi yemeje Masudi Djuma nk’umutoza mukuru.

    Kiyovu Sports

    Nyuma y’igenda ry’umutoza Ndayiragije Etienne, yahise yemeza Haringingo Francis nk’umusimbura we, iyi ntabwo yemera ko hari umukinnyi yasinyishije ndetse abakinnyi batatu bivugwa ko bamaze gusinyira iyi kipe ari bo Nkinzingabo Fiston na Benedata Janvier bavuye muri AS Kigali na Mugenzi Bienvenue wavuye muri Marines FC, iyi kipe ivuga ko bakiri mu biganiro batarasinya.

    Gasogi United

    Iyi kipe ni imwe mu makipe yatangiye kwiyubaka na shampiyona itararangira aho yasinyishije Armel Ghislain wavuye muri Kiyovu Sports, Yawanendj Christian Theodore ukomoka muri Centrafrique, Hassan Djibrine Ibrahim, umunya — Chad wakiniraga Etincelles, abanyezamu babiri, Serge Ntagisanayo wakiniraga Marines FC na Ndajigimana Leandre wasinye imyaka 5, yasinyishije kandi myugariro Abdulkarim Hakizimana wakiniraga Etincelles, na we yasinye imyaka 2.

    Iyi kipe kandi yemeje Ntarengwa Aimable nk’ushinzwe ibikorwa bya buri munsi by’ikipe(Team Manager), yanongereye amasezerano myugariro Yamini Salum.

    Bugesera FC

    Iyi kipe yamaze gusinyisha imyaka ibiri abakinnyi babiri barimo Baransananikiye wakiniraga Bumamulu FC yo mu Burundi, na Kagaba Obed wakiniraga AS Muhanga.

    Marines FC

    Iyi kipe nayo yasinyishije abanyezamu babiri, Matabaro Assuman wakiniraga Vision Jeunesse Nouvelle na Shema Innocent wakiniraga Musanze FC.

    Kugeza ubu amakipe nka Musanze FC, Mukura VS, Gorilla FC, Etincelles, Rutsiro FC na Espoir FC niyo makipe bivugwa ko atarongeramo amaraso mashya.

    Nsabimana Aimable asinyira APR FC

    Kwitonda Alain Bacca wakiniraga Bugesera FC yasinyiye APR FC

    Bonheur yari intizanyo ya Heroes muri Mukura VS

    Nsengiyumva Ir’shad yasinyiye APR FC

    Karera Hassan asinyira APR FC

    Mugisha Gilbert yasinye imyaka 2 muri APR FC

    Rutahizamu Saba Robert ni umukinnyi wa AS Kigali ubu

    Rugwiro Herve yerekeje muri AS Kigali

    Ntwari Fiacre yasinyiye AS Kigali

    Muhadjiri(ufite umupira) na Zidane(ushaka kuwumwaka) berekeje muri Police FC

    Danny Usengimana yasubiye muri Police FC

    Onesme bivugwa ko yamaze gusinyira Police FC

    Mico Justin ni umukinnyi wa Rayon Sports

    Muvandimwe JMV yasinyiye Rayon Sports

    Umurundi wasinyiye Bugesera FC

    Djibrine yasinyiye Gasogi United

    Matabaro Assuman yasinyiye Marines FC

    Shema Innocent yakiniraga Musanze FC, yagiye muri Marines FC

    Source : http://isimbi.rw/siporo/article/amakipe-mwihebeye-mu-rwanda-amaze-kwiyubaka-ate-menya-abo-amaze-kwinjiza-n-abayasohotsemo-abarenga-30-baraguzwe-amafoto

  • Yaretse akazi kamuhembaga neza yinjira muri f… – #rwanda #RwOT

    Yiswe n'ababyeyi Ini Dima-Okojie, yavutse kuwa 24 Kamena1990 akaba umukinnyi wa filimi ukomoka mu ntara ya Edo mu gihugu cya Nigeria. Yavuye mu kazi yakoraga muri banki iri mu zikomeye mu gihugu cye yinjira mu mashuri y'ibijyanye no gukina filimi muri Leta ya New York.

    Se umubyara ni umudogiteri mu buvuzi naho Nyina ni umushabitsi akaba n'umunyamategeko. Dima, umukozi wa banki wavuye kurugerero, yize amashuri abanza mu kigo kizwi cyane cyo mu murwa mukuru wa Nigeria Lagos cya Air Force dore ko na se yabaye umusirikare.

    Yize amashuri yisumbuye muri Ibadan, kaminuza ayiga mu yitwa Covenant mu bijyanye n'ububanyi n'amahanga. Hagati y'umwaka wa 2014-2017 yivanye mu kazi kamuhembaga neza yinjira mu mwuga wo gukina filimi n'ibindi bijyanye n'imyidagaduro mu kibuga gikomeye cya Nollywood.

    Akazi mu bya filime yagatangiye nk'umukozi w'umwungiriza mu bijyanye no gutunganya filimi yamamaye yitwa 'Before 30' maze azagutangira gukina mu yitwa 'Taste of Love' y'uruhererekane yanyuraga kuri televiziyo.

    Mu mwaka wa 2016 yakinnye mu yitwa 'North East', muri iyi filimi akaba yaragaragayemo akina nk'umugore w'umusilamukazi uri mu rukundo n'umuntu banyuranije idini.

    Binyuze muri iyi filimi, yahawe igihembo cy'umukinnyikazi w'umwaka wa 2017 mu bihembo bikomeye bizwi nka Nigeria Entertainment. Dima Okojie yaje no kuba umwe mu bahataniye ibihembo bya City People Movie kimwe n'ibya Future Afrika.

    Yambitswe impeta n'umukunzi we w'umuherwe

    Hagati y'umwaka wa 2018-2021 yagaragaye bwa mbere muri filimi yakunzwe byo ku rwego rwo hejuru yitwa 'Sylvia' yari ishingiye ku nkuru y'urukundo rwanditse mu gitabo aho yakinnyemo yitwa 'Ms Catherine'.

    Mu mwaka wa 2019 yagaragaye muri filimi y'uruhererekane yitwa 'Laitan Gesinde' yanyuraga kuri Web Tv yayobowe n'icyamamare muri filimi za Nollywood 'Oga Pator', iyi filimi ikaba yari iya Daniel Oriahi.

    Mu mwaka wa 2020 yagaragaye muri filimi y'uruhererekane aho yakinaga yitwa Tami naho muri uyu mwaka wa 2021 yagaragaye muri filimi imwe inyura kuri Netflix yitwa Namaste Wahala akinamo yitwa Didi.

    Iwabo bavuka ari bane akaba ariwe bucura. Afite bakuru be babiri na musaza we umwe, ababyeyi babo baratandukanye. Ise yabaye umusirikare urwanira mu kirere akaba yari n'umuhanga mu bijyanye n'ubuvuzi naho Nyina akaba ari umushoramari n'umunyamategeko.

    Dima-Okojie mu mimerere ye ababanye nawe bemeza ko ari n'umunyamideli kuko mu byamamare byose bya Nigeria ari mubambara neza.Yatangaje ko aterwa ishema n'abakinnyi ba filimi muri Nigeria barimo Majid Michel na Richard Mofe Damijo.

    Yagiye agirirwa icyizere cyo kuyobora ibirori bikomeye akaba amaze kugaragara muri filimi zirenga 25.





    Source : https://inyarwanda.com/inkuru/107700/yaretse-akazi-kamuhembaga-neza-yinjira-muri-filimi-ibyingenzi-wamenya-ku-cyamamare-muri-fi-107700.html

  • CAF yahinduye igihe imikino y’igikombe cya Af… – #rwanda #RwOT

    Mu nama yabereye muri Maroc iyobowe na Patrice Motsepe umuyobozi wa CAF, hafatiwemo imyanzuro myinshi harimo n’impinduka ku mikino y’igikombe cy’Afurika cy’abakinnyi bakina imbere mu gihugu (CHAN).

    Ubusanzwe iyi mikino yabaga buri nyuma y’imyaka 2, aho imikino yaherukaga kuba yabaye muri Mutarama 2021 ibera muri Cameroun mwibuka ko u Rwanda rwagarukiye muri 1/4 rutsinzwe na Guinea.

    CAF yatangaje ko iyi mikino izatangira kuba buri nyuma y’imyaka 3 guhera ku gikombe kizabera muri Algeria mu 2023.

    Maroc niyo kipe iheruka kwegukana iki gikombe cyari kibaye n’igikombe cyayo cya 2 nyuma y’igikombe begukanye mu 2018 ari nabo bari bacyakiriye.

    Source : https://inyarwanda.com/inkuru/107699/caf-yahinduye-igihe-imikino-yigikombe-cya-afurika-kizajya-kibera-107699.html