Category: Uncategorized

Ni amashusho yashyizwe ku mbuga nkoranyambaga agaragaza abanyerondo bakubita umuturage bamukurura hasi nta mpuhwe na mba bashyiramo.

Uwitwa Niyonsenga Dieudonne uzwi nka Cyuma Hassan ukunze kuvuga ko ari Umunyamakuru uvugira rubanda rurengana, na we yashyize aya mashusho kuri Twitter, asaba abarimo Minisitiri kugira icyo bakora kuri kiriya kibazo.

Ubutumwa bwa Cyuma Hassan buherekeje ariya mashusho, bugira buti 'Nyakubahwa Gatabazi Jean Mari Vianney ibi bintu bikomeje gufata indi ntera mukwiye kubihagurukira, aya mashusho aragaragaza abanyerondo bahondagura umuturage.'

Ubu butumwa kandi yabusangije Ubuyobozi bw’Umujyi wa Kigali n’Urwego rw’Igihugu rw’Ubugenzacyaha RIB, agira ati 'mukwiye kugira icyo mukora mukakibwira abantu kuko birakabije cyane.'

Minisitiri w’Ubutegetsi bw’Igihugu, Gatabazi Jean Marie Vianney mu gusubiza ubu butumwa bwo kuri Twitter, na we yifashishije Twitter, yavuze ko iki kibazo kiri gukurikiranwa.

Hon Gatabazi Jean Marie Vianney Yaboneyeho kwibutsa abakoresha nabi inshingano bafite bagahutaza rubanda, kubihagarika kuko abazabifatirwamo bazajya babihanirwa.

Yagize ati 'Turakomeza kwibutsa abayobozi ko tutazigera twihanganira uwo ari we wese uhohotera umuturage. N’ubwo yaba afite ikibazo icyo aricyo cyose hakoreshwa uburyo budahutaza.'

Mu ntangiro z’uku kwezi, Urwego rw’Igihugu rw’Ubugenzacyaha (RIB) rwataye muri yombi Hakuzimana Valens, Umunyamabanga Nshingwabikorwa w’Umurenge wa Muhondo mu Karere ka Gekenke n’abandi bari kumwe bagaragaye ku mashusho ku mbuga nkoranyambaga bakubita umumotari.

UKWEZI.RW

Nyuma yo kwegukana igikombe cya Copa Amerika, Argentine itsinze Brazil ku mukino wa nyuma, Lionel Messi yagiye mu kiruhuko we n’umuryango we aho bagiriye ibihe byiza muri Miami.

Uyu rutahizamu witezwe kongera amasezerano muri FC Barcelona yo muri Espagne, yari kumwe n’umugore we, Antonela n’abahungu babo batatu, Thiago, Mateo na Ciro.

Ifoto imwe igagaragaza umugore we, Antonela ari kumwe naThiago w’imyaka 8 na Mateo w’imyaka 5.

Indi foto igaragaza Messi ari kumwe na Mateo ndetse na Ciro w’imyaka 3 bari mu mazi.

Muri ibi biruhuko yafashe n’umwanya aganira n’abana bakiri bato bari bari hafi yaho bagiriye ikiruhuko, bari ku kibuga cy’umupira bamwe bambanye jersey ye abandi bambaye imyenda isanzwe anabasinyira 'autographs’ kuri iyo mipira.

Messi n’abahungu be bato

Umugore wa Messi n’abaunu bakuru

Umugore wa Messi

Lionel Messi muri Miami

Umuryango wose

Yabasinyiye ku mipira

Yagize umwanya wo kuganira n’abana bakiri bato

Rutahizamu w’umunya – Portugal ukinira ikipe ya Juventus yasize benshi mu rujijo ubwo yashyiraga hanze ifoto igaherekezwa n’amagambo avuga ko ari umunsi wo gufata icyemezo, benshi bakibaza icyo ari cyo, gusa bikekwa ko ari ahazaza he.

Uyu rutahizamu ari mu mwaka we wa nyuma mu ikipe ya Juventus mu Butaliyani, benshi baribaza aho azerekeza cyangwa niba azasohoka muri iyi kipe nyuma y’umwaka w’imikino wa 2021-2022 arangije amasezerano ye.

Cristiano Ronaldo ntacyo yafashije abakunzi be kuko yakomeje kubashyira mu rujijo, gusa bisa n’aho we yamaze gufata umwanzuro w’ibizaba mu mwaka utaha w’imikino.

Ku ifoto aheruka gushyira ku rukuta rwe rwa Instagram, yaherekejwe n’amagambo agira ati “umunsi wo gufata icyemezo!”, ntabwo yigeze asobanura icyemezo icyo ari cyo ariko bivugwa ko kirebana n’ahazaza he mu mupira, ko yaba yamaze kwemeza niba azasohoka muri iyi kipe cyangwa azayigumamo.

Manchester United ni umwe mu makipe yavuzwe ko yasubiramo, ni mu gihe binavugwa ko na Paris Saint Germain nayo yamwegereye.

Cristiano Ronaldo haribazwa icyemezo yafashe

Uyu musirikare ukomeye wafashe intebe y’ubutegetsi nyuma yo guhirika ku butegetsi, Ibrahim Boubacar Keita wategekaga kiriya gihugu.

Col. Assimi Goïta, ubwo yari mu masengesho y’idini ya Islam ajyanye n’umunsi wa Aïd al-Adha ku Musigiti Mukuru w’i Bamako, ni bwo yagabweho igitero n’abantu bitwaje intwaro barimo n’ufite icyuma.

Nyuma y’isengesho, ubwo Umuyobozi w’Umusigiti yari asohotse hanze gukinja intama, ari bwo abandi na bo bashatse 'gutangaho igitambo Perezida Goïta'.

Abashinzwe umutekano bahise basohora Perezida Goïta ku buryo ngo ntacyo ashobora kuba yabaye.

Umwe mu bantu ba hafi kwa Perezida Goïta, yabwiye AFP ati 'Turi gukora iperereza. Umuntu yagerageje gushaka kumuhitana akoresheje icyuma ubwo yari mu Musigiti w’i Bamako uyu munsi.'

Uyu muntu yongeyeho ko 'Perezida yabashije kuhava ubuzima bwe bumeze neza.'

Minisitiri ushimzwe imyemerere, Mamadou Koné, asobanura ibyabaye yagize ati 'Umuntu yagerageje kwica Perezida w’inzibacyuho ari mu Musigiti w’i Bamako akoresheje icyuma. Gusa yakumiriwe mbere y’uko agere ku mugambi we.'

Hanyuma Yuda aravuga ati 'Abikorezi bacitse intege kandi hariho ibishingwe byinshi. Nuko ntitukibashije kubaka inkike.'Abanzi bacu baravuga bati 'Ntibazamenya, ntibazitegereza kugeza aho tuzabatungurira tukabica, tukabuza umurimo gukorwa.' Nehemiya:4:4-5

Yesu ashimwe!

Turacyakomeje ya nyigisho yacu twiga igitabo cya Nehemiya,

Turakomeje tureba abanzi b’umurimo.

Aha nkuko tubisomye Nehemiya yahuye N’impuha n’iterabwoba rya Satani bituma bamwe mu bayuda bari kumwe na we ku murimo (abikorezi) bacika intege kandi ibishingwe ari byinshi ibi bisobanuye ngo bacitse intege kandi umurimo ugihari.

Ese wowe uhagaze ute? Iyo uhuye n’impuha cyangwa amagambo, intambara n’ibigeragezo urakomeza cyangwa uraparika ugacika intege?

Aha niho Satani ajya afatira bamwe akabasubiza mu mitekererereze yabo ya kera abereka intege nke zabo abereka ibishingwe byari byuzuye muri bo bigatuma babura ibyiringiro muri uru rugendo rujya mu ijuru.

Rimwe na rimwe Satani adutungira agatoki atwereka ibyapfuye n’ibitagenda neza tukibagirwa ko nubwo bimeze bityo ariko hari n’ibyo Imana yakoze muri twe tugomba kuzirikana bigatuma twizera ko iyabanye natwe izongera ikadutabara.

Aha Nehemiya we icyo yakoze yahamagaye abantu b’imfura.

Mbibutse ko abera bo mwisi arizo mfura Uwiteka yishimira, ahamagara n’abatware n’abandi bantu bose arababwira ati ntimubatinye mwibuke Uwiteka Umwami ukomeye uteye ubwoba murwanire benewanyu abahungu n’abakobwa n’abagore banyu n’ingo zanyu. Nuko abantu barakomera biyungamo imbaraga baguma ku nkike bakomeza umurimo.

Bene Data mwirinde byacitse cyane cyane muri iki gihe mwibuke Imana yaduhamagaye ko ari iyo kwizerwa kandi ko hejuru y’imbaraga zose hari Imbaraga z’Imana mwe guta umurimo ahubwo muhagarare neza ku nkike Uwiteka ni we udushoboza. Amen.

Ev Innocent

Iri koranabuhanga rishinjwa u Rwanda kuba ryarifashishijwe mu gutata uriya mukobwa wa Rusesabagina kubera uburyo yakunze guhirimbana avuga ko se ari umwere asaba ko yarekurwa.

Ikigo mpuzamahanga gitahura ibyerekeye ibyaha na ruswa kitwa OCCRP (Organized Crime and Corruption Reporting Project) kivuga ko telephone ya Carine Kanimba yari irimo Pegasus mu gihe cy’amei atandatu kugeza mu ntangiro z’uku kwezi.

Na none kandi Umuryango Mpuzamahanga uharanira uburenganzira bwa Muntu, Amnesty International watangaje ko Carine Kanimba yumvirijwe kuri telephone ye hagamijwe gutahura ibijyanye n’ubushake yakunze kugaragaza mu byerekeye umubyeyi we Paul Rusesabagina.

Ikinyamakuru The Guardian dukesha iyi nkuru, gitangaza ko u Rwanda rwahakanye ibyo gukoresha ririya koranabuhanga rwumviriza Carine Kanimba.

Minisitiri w’Ububanyi n’Amahanga n’Ubutwererane akaba n’Umuvugizi wa Guverinoma y’u Rwanda, Dr Vincent Biruta yavuze ko u Rwanda rudakoresha ririya koranabuhanga ndetse ko rutanarigeraho.

Iyi software ya Pegasus yakozwe n’ikigo NSO cy’Abanya-Israel, yifashishwa mu kumviriza abavuga ko baharanira uburenganzira bwa muntu ndetse n’abanyamakuru bakora inkuru zicukumbuye.

Iri koranabuhanga iyi rigeze muri telephone, rituma umuntu wayishyizemo ashobora kumenya amakuru yose ya nyiri iyo telephone no kuba yajya ku mbuga nkoranyambaga ze.

Ishyirahamwe Forbidden Stories ryatangaje ko NSO ifite ibihugu by’ibikiliya 11 birimo n’u Rwanda.

U Rwanda rwakunze guhakana ibyo gukoresha iri koranabuhanga ndetse mu kwezi k’Ugushyingo 2019 Perezida Paul Kagame yavuze ko iri koranabuhanga ryo kumviriza Telefone rihenze cyane ndetse ko n’u Rwanda rutarikoresha.

Mu Rwanda hose kuri uyu wa Kabiri tariki 20 Nyakanga 2021 hatangiye ikorwa ry’ibizamini bisoza amashuri yisumbuye aho bamwe mu bafite ibibazo byihariye bafashijwe kubyara.

Hari bamwe bakoze ibizamini barwaye icyorezo cya COVID-19 aho bashyiriweho ahantu hagenwe ho gukorera mu gihe mu Karere ka Ruhango hari umwihariko w’umunyeshuri w’umukobwa w’imyaka 20 wakoreye ikizamini cya leta kwa muganga nyuma yo kubyara.

Umuyobozi w’Akarere ka Ruhango, Habarurema Valens avuga ko uriya mubyeyi azafashwa gukora ibizamini aho acumbikiwe hariya ku bitaro bya Ruhango kugeza ibizamini bisoje.

Avuga ko uriya mubyeyi ameze neza ndetse n’uwo yibarutse kandi ko 'yashyiriweho uburyo bwo kumuha amahirwe yo gukora ikizamini.

Mu cyumweru gishize ubwo hakorwaga ibizamini bisoza amashuri abanza na bwo hagaragaye ibyihariye aho ubwo umwe mu banyeshuri w’umukobwa wo muri G.S Gasoro mu Karere ka Nyanza, yafashwe n’inda ari mu kizamini cya nyuma cya biriya bizamini.

Uriya munyeshuri w’imyaka 16 wafashwe n’ibise ubwo yariho asoza ikizamini cya Leta gisoza amashuri abanza, yahise ajyanwa kwa muganga bucya abyara.

UKWEZI.RW

'Ndaza vuba, komeza ibyo ufite hatagira ugutwara ikamba ryawe”. Ibyahishuwe 3:11

Ubutunzi dufite ni ubugingo nk’abakristo, ubugingo dushobora kububura kandi dukwiye kubukomeza kuko bushobora gutakara ndetse no kwibwa, umujura wabutwiba ni Satani, umwanzi Satani ariba yarangiza kwiba akica ndetse akarimbura, ni yo mpamvu dukwiye gukomeza ubutunzi bwacu ndetse tukaba maso.

Dusome Yuda 1:3″ Bakundwa, ubwo nagiraga umwete wo kubandikira iby’agakiza dusangiye niyumvisemo ko mpaswe no kubahugura, kugira ngo mushishikarire kurwanira ibyo kwizera abera bahawe rimwe, bakazageza iteka ryose”.

Dusome Umubwiriza 10:1″ Isazi zipfuye zituma amadahano anuka nabi, ni ko ubupfapfa buke bwonona ubwenge n’icyubahiro”. Kuva gato mu mugambi w’Imana cyangwa icyaha wita ko ari gito kirimbura ubugingo.

Dusome Ezekiyeli 33:12 “Nuko rero mwana w’umuntu, ubwire ubwoko bwawe uti ” Gukiranuka k’umukiranutsi ntabwo kuzamurokora ku munsi w’igicumuro cye, na byo ibyaha by’umunyabyaha ntibizamwica umunsi azahindukira akava mu byaha bye, nyamara ukiranuka ntabwo azabasha kubeshwaho na ko ku munsi azacumura”.

Yesu naza azareba aho agusanze, duhore turi maso. Yesu azaza kandi ntabwo azatinda. Uwiteka abahe umugisha kandi mbasabiye kurindwa

Umwigisha: NDINDIRIYIMANA Abel

Src: cepurhuye.org

[email protected]

“Maze ntegekera kwiyiriza ubusa aho ngaho kuri uwo mugezi Ahava, kugira ngo twicishe bugufi imbere y’Imana yacu, ngo tuyiyoboze inzira idutunganiye twebwe n’abana bacu bato n’ibintu byacu byose, kuko nagize isoni zo gusaba umwami umutwe w’ingabo z’abasirikare n’iz’abagendera ku mafarashi, ngo badutabare ku babisha bacu bari mu nzira, kuko twari twavuganye n’umwami tuti 'Amaboko y’Imana yacu ari ku bayishaka bose ngo abagirire neza, ariko imbaraga zayo n’uburakari bwayo birwanye abayireka bose.' Nuko twiyiriza ubusa, dusaba Imana yacu tuyinginga yemera kutwumvira.” Ezira 8:21-23

Mu masengesho y’iminsi 10 yateguwe na Agakiza corporation, tugiye kurebera hamwe icyo Imana ituganirije kuri uyu mumsi wa mbere.

Turi mu bihe bikomeye dukwiye kuyoboza Imana inzira. Koronavirusi itangira twari tuzi ko bizamara kwezi kumwe cyangwa abiri bikarangira none uwmaka ubaye uwa kabiri, byatangiye ari koronavirusi none tugeze aho yihinduranya tugeze kuri Delita kandi irimo irica abantu benshi. Koronavirusi yazanye ibihombo bigiye bitandukanye, ubu aho isi igeze ubukungu bwarajegeye abantu barakena, mu bukungu bimeze nabi! Mu byukuri dukwiye kuyoboza Imana inzira.

Kubera iki Abisiraheli bagiye mu bunyage?

Murabizi ko Abisiraheli bamaze imyaka 430 muri Egiputa, hanyuma barataha bamara imyaka 40 mu butayu, cyari igihe gikomeye! Ariko mu butayu, bari bagiye kwigira yo akantu kamwe gusa ko 'Umuntu adatungwa n’umutsima, ahubwo atungwa n’ijambo ry’Imana’. Imana irabihanangiriza, irababwira iti’Nimumara kubaka amazu mukayabamo, mukarya mugahaga ntimuzibagirwe Imana yabatungiye mu butayu iyi myaka uko ari 40. Igitangaje bahise bibagirwa bamara imyaka 400 bica amasabato, nibyo byavuyemo ubunyage bw’imyaka 70. Kujya mu bunyage rero bari barakoze icyaha kitwa 'Kwimura Imana’.

Abantu muri iki gihe, bari bamaze kwimura Imana mu buzima bwabo. Cyangwa se akamenyero(umuntu amenyera icyo yamenye): Hari igihe umuntu akizwa kubera imyaka myinshi hagera igihe akamenyera Imana. Abakristo benshi bamaze gutinyuka, abantu bamaze kumenyera Imana ku kigero kiri hejuru! Hanyuma ikindi, abantu bamaze kwibagirwa aho Imana yabakuye, birashoboka ko n’ibi bihe turimo kunyuramo harimo ishuri ry’Imana kugira ngo twige icyo Imana ishaka kuvugana natwe. Dukwiye kuyoboza Imana inzira, kugira ngo itwigishe aho dukwiye kunyura.

Birashoboka ko ibyo turimo kunyuramo birimo imvugo y’Imana, irashaka kutugarura ngo dusubire ku isoko, tukongera gutekereza ko ari yo ifite ijambo rya nyuma ku buzima bwacu. Igihe Abisiraheli rero bageraga Ibabuloni habayeho kwiyanduza:

Bamwe basenga ibigirwamana, abandi bakira ubuhanuzi bw’ibinyoma buvuga ngo ejo muzataha ntihagire ubatera ubwoba, ba Yeremiya n’abandi babahanuriye barababeshye… Nyamara imyaka yari 70. Ntabwo hano tuzi igihe koronavirusi izarangirira, twabonye iza tujya mu rugo, ntituzi igihe izaragirira.

Ese ntidukwiye kuyoboza Imana inzira? Ese Imana si yo ifite ijambo rya nyuma ku buzima bwacu? Mutekereze hano, nta mafaranga, nta ntwaro, ibintu byose ntacyo byashoboraga kumara. No muri iki gihe nahoze ntekereza ukuntu ibihugu bikomeye bibitse intwaro za kirimbuzi, ariko koronavirusi nta wayirashe, hari za bombatomike, n’amafaranga ntacyo yakora. Aha dukwiye kuyoboza Imana inzira ku buzima bwacu, ni ikintu cya ngombwa.

Ba Ezira bava mu bunyage, bageze mu nzira bahuye n’igitero gishaka kubambura

Muzi ibintu tumaze kwamburwa na koronavirusi? Abantu ntibagisuhuzanya, uhura n’umuntu umukumbuye ukumva ushatse kumuhobera ukabura aho unyura kubera koronavirusi. Ntabwo ari ibyo gusa, n’umunezero w’ubukwe umaze kuyoyoka! Yewe no gushyingura abacu batashye nabyo bisigaye umuntu adashobora gusohora amarangamutima ye yose kuko haba hagiyeyo abantu 30. Si ibyo gusa, n’uburyo bwo gusenga, uburyo bw’imikorere bumaze guhiduka. Koronavirusi imaze guhindura ibintu byose, dukwiye kuyoboza Imana inzira!

Icyajyanye Abisiraheli mu bunyajye, ni uko bari barakiraniwe bakora ibyaha bibagirwa Imana. Sinahamya ko muri iki gihe natwe tutakiraniwe, ahubwo Imana itubabarire! Abantu baribagiwe binjira mu butinganyi, abantu baribagiwe binjira mu busambanyi, abantu baribagiwe bararya, barya n’iby’imfubyi. Abantu baribagiwe bumva ko gusenga bitakiri ngombwa, aho umuntu yumva akomeye ku giti ke ntamenye ko Imana ari yo ikomeza abantu. Aho abashumba bareba abatu bayoboye bakababaramo amaturo, aho kubara imitima iza kuri Kristo Yesu.

Dukwiye gufata igihe tukihana, kuko nitutihana umujinya w’Imana uzakomeza. Kimwe mu bintu bishobora gutuma Imana yigarura, ni igihe abantu bihannye. “Nuko mwihane muhindukire, ibyaha byanyu bihanagurwe ngo iminsi yo guhemburwa ibone uko iza ituruka ku Mmwami Imana.” Ibyakozwe n’intumwa 3: 19 niko havuga. Imana ifite umugambi mwiza wo kutugirira neza, ariko dukwiye kwihana.

Ndakurarikira kutazacikwa n’icyo Imana ishaka kuvugana natwe muri iyi minsi 10 yo gusenga

Kurikira hano umunsi wa mbere w’amasengesho y’iminsi 10

[email protected]