Webrwanda Backend

Category: Uncategorized

  • Dore bimwe mu bimenyetso byakwereka ko ubudahangarwa bw'umubiri bwagabanyutse – YEGOB #rwanda #RwOT

    Ubudahangarwa bw'umubiri ni bwo bwirinzi bwawo. Ubudahangarwa nibwo umubiri w'umuntu ukoresha mu kurwanya indwara ziterwa naza mikorobi nka bagiteri, imiyege ndetse na virusi. ikindi kandi ubudahangarwa bw'umubiri ni bwo bugira uruhare runini mu gusukura umubiri w'umuntu ndetse bugasohora mu mubiri ibyatuma umuntu arwara kanseri.

    Gusa nanone hari izind mpamvu zishobora gutuma ubudahangarwa bw'umubiri wawe bucika intege cyane bitewe n'impamvu z'imirire mibi, uburwayi ndetse n'ibindi byinshi. Reka turebere hamwe bimwe mu bishobora kukwereka ko ubudahangarwa bw'umubiri wawe bwagabanutse cyane

    Ibi bintu 5 ni Bimwe mu byakwereka ko ubudahangarwa bw'umubiri wawe burimo kugabanuka:

    Umunaniro

    Kugira umunaniro mwinshi cyane kandi bitari bisanzwe bikubaho ni kimwe mu bintu bizakwereka ko umubiri wawe watangiye gutakaza ubudahangarwa bwawo, hahandi uzasanga usigaye ukora akazi kawe kadasa n'ingufu nyinshi ariko ukumva ufite umunaniro ukabije ndetse ukumva Ubwonko bwananiwe cyane, ikindi ukajya wumva uhora unaniwe kandi mu byukuri nta bintu bidasanzwe wakoze.

    Ubwivumbure bw'umubiri

    Abantu bakunze kugira ubwivumbure bw'umubiri gusa ntabwo bashobora guhuza ikibibatera, hari bamwe mu bantu bagira ibibazo iyo bagiye nko mu muyaga, abandi bakananirwa kwihanganira ivumbi, ibintu bihumura cyane bikabatera ibibazo ndetse
    kujya mu mbeho bikaba ari ikizira kuri bo.

    Abo bantu iyo bagizweho ingaruka nibyo tumaze kuvuga hejuru usanga batangiye kuzana uduheri ku mubiri, kwitsamura, gutukura amaso no kurwara ibicurane, mu gihe ubonye biriya byose bitangiye kukubaho menyako umubiri wawe watangiye gutakaza ubudahangarwa bwawo wakabaye ufite.

    Guhorana indwara zoroje za hato na hato

    Guhora urwaye indwara zoroheje za hato na hato ziterwa na virusi zirimo inkorora, ibicurane ndetse n'indwara zo mu muhogo, ni bimwe mu bizakwereka ko ubudahangarwa bw'umubiri wawe bwamaze kugabanuka cyane kuko uzabona ibintu biri kukubaho bitari bisanzwe bikubaho.

    Ubudahangarwa bwacu akamaro kabwo ni ukuturinda kwandura indwara ziterwa na virusi dore ko inyinshi nta n'imiti zigira, burya itangwa ni iyo kongerera ingufu ubudahangarwa.
    Gukomereka ugatinda gukira

    Ubusanzwe iyo ukomeretse umubiri uhita uhera ubwo utangira kwisana ku buryo nyuma y'igihe runaka ahantu haje igisebe ku mubiri wawe hahita hakira ndetse hagasigara inkovu. Mu gihe uzasanga usigaye ugira ibikomere ku mubiri wawe maze bigatinda gukira vuba uzamenyeko ubudahangarwa bw'umubiri wawe bwatangiye kugabanuka cyane.

    Guhorana indwara ziterwa na mikorobi

    Niba usigaye uhorana indwara ziterwa na mikorobi uzamenyeko ubudahangarwa bwawe bwatangiye gucika integer cyane kuko burya indwara ziterwa na mikorobi tuzirwanya dukoresheje ubudahangarwa bw'umubiri wacu.

    Ubundi ubusanzwe mu mubiri wa muntu ahazengurutswe akanwa hahora mikorobi nyinshi cyane gusa bitewe n'ubudahangarwa umuntu aba afite izo mikorobi ntabwo zishobora kumugiraho ingaruka, gusa mu gihe uzabona watangiye kujya uhitwa, kurwara indwra z'uruhu, kurwara ibisebe, ibisekera ndetse no kubyimba inshinya uzamenyeko ubudahangarwa bw'umubiri wawe bwatangiye gucika integer cyane.

    Mu gihe ubonye bimwe mu bimenyetso twavuze haruguru bigaragaza ko ubudahangarwa bwawe bwatangiye gucika intege, uragirwa inama yo kugerageza kurya indyo yuzuye ndetse n'amafunguro akungahaye kuri za Vitamini zitandukanye kuko bizagufasha kongera ubudahangarwa b'umubiri wawe.

    Source : https://yegob.rw/dore-bimwe-mu-bimenyetso-byakwereka-ko-ubudahangarwa-bwumubiri-bwagabanyutse/

  • Ikibazo cya Vestine na Dorcas cyatumye RIB ibyinjiramo #Rwanda #RwOT via @kigalitoday #rwanda #RwOT

    Ibibazo byo gutandukana hagati y’abahanzi Vestine na Dorcas bakunzwe mu Rwanda mu ndirimo zo guhimbaza Imana na Irene Mulindahabi cyongeye kuvugwa mu itangazamakuru nyuma y’amakuru avuga ko Urwego rw’Ubugenzacyaha rwacyinjiyemo.

    Hari amakuru avuga ko Urwego rw’Ubugenzacyaha rwakiriye ikirego cya Mike Karangwa urega Irene Mulindahabi ibijyanye no kumuharabika.

    Byatangiye Irene Mulindahabi ashyira hanze itangazo rimenyesha ko sosiyete yashinze MIE itandukanye n’abahanzi “Vestine na Dorcas” bakunzwe mu ndirimbo zo guhimbaza Imana.

    Benshi ntibishimiye iyi nkuru bitewe n’aho babonaga Irene yari amaze kugeza aba bana mu mwaka umwe ndetse indirimbo zabo zikunzwe n’abatari bake.

    Umubyeyi wa Vestine na Dorcas yumvikanye ashinja Irene Mulindahabi gukoresha abana be mu nyungu ze, ndetse akabatwara Channel ya YouTube bitangirije.

    Abantu bakomeje kuyoberwa ufite ukuri, abandi bajya ku ruhande rwa Mulindahabi bamushyigikira akazi yakoze, mu gihe abandi bagiye ku ruhande rw’umubyeyi bashinja Mulindahabi ubwambuzi.

    Murindahabi yumvikanye kuri channel ye ya YouTube avuga akagambane yakorewe ndetse agaragaza n’abakari inyuma ari ho izina Mike Karangwa ryumvikanye muri iki kibazo.

    Mulindahabi yavugaga abagabo babiri ari bo “Mike Karangwa na Nzizera Aimable.” Kuba inyuma yo gutandukana kwe n’abahanzi yari agejeje ku rwego rwiza kandi bafite ahazaza muri muzika nyarwanda mu ndirimbo zo guhimbaza Imana.

    N’ubwo uko amasaha yakurikiranaga ariko habonekaga amakuru mashya ndetse n’abantu batanga ibitekerezo bitandukanye, abashyizwe mu majwi byabagizeho ingaruka zirimo kwibasirwa n’abantu batandukanye babita abagambanyi n’abahemu ndetse n’amazina yabo asanzwe akomeye mu myidagaduro nyarwanda arushaho kwangirika.

    Irene Mulrindahabi mu gihe gito yumvikanye yasubiranye na Vestine na Dorcas, ndetse bakora ikiganiro bari kumwe na mama wabo wirinze kugira icyo atangaza.

    Cyakora n’ubwo imitima ya benshi yiruhukije kubera gukunda aba bana bafite impano kandi barimo kuzamuka neza, Mike Karangwa na we yakoze ikiganiro kigaragaza ko yabeshyewe ndetse aribasirwa mu kibazo avuga ko adafite aho ahuriye na cyo, maze asaba Irene Mulindahabi kumusaba imbabazi bitaba ibyo akamujyana mu butabera.

    Ibirimo kuba bigaragaza ko Irene Mulindahabi atasabye imbabazi cyangwa ngo bumvikane na Mike Karangwa wamaze gutanga ikirego mu bugenzacyaha, abantu bakaba bakomeje gutega amaso igikurikiraho.

  • Huye: Babiri barwaye Coronavirus bafashijwe gukora ibizamini bya Leta #Rwanda #RwOT via @kigalitoday #rwanda #RwOT

    Byemejwe n’umuyobozi w’Akarere ka Huye wungirije ushinzwe imibereho myiza y’Abaturage, Annonciata Kankesha, ubwo yatangaga amakuru agaragaza uko abanyeshuri bari gukora ibizamini bya Leta bahagaze ku bijyanye n’icyorezo cya Coronavirus, ku wa 20 Nyakanga 2021.

    Uyu muyobozi yagize ati “Aba bana bombi barangije mu mwaka wa gatandatu. Umwe yiga ku ishuri ryisumbuye Regina Pacis riri mu Murenge wa Tumba, undi kuri G.S. Rukira ho mu Murenge wa Huye.”

    Yunzemo ati “Uwo kuri Pacis n’ubundi yari amaze iminsi arwariye mu rugo. Mbere y’uko yemererwa gukora ikizamini cya Leta babanje kumupima kugira ngo barebe niba yarakize, basanga aracyarwaye. Uwiga kuri GS Rukira we bari bayimubonyemo ejo ku buryo yari yanatashye, ariko uyu munsi yemerewe kuza gukora”.

    Aba bana bombi ubu ngo bari gukorera mu byumba byihariye ku bigo n’ubundi bagombaga gukoreraho, bafite n’abakurikirana uko bakora ibizamini, kandi n’ibigo nderabuzima bibegereye biri kubakurikirana.

    Visi Meya Kankesha ati “Bose bafite imbaraga, kandi bari gukora. Bitaweho mu buryo bushoboka.”

    Aba bana kandi ngo ntibahishiriwe ku ndwara bafite, hagamijwe ko bagenzi babo bamenya ko badakwiriye kubegera cyane.

    Icyakora n’ubundi abana muri rusange mbere y’uko binjira gukora ibizamini bibutswa amabwiriza yo kwirinda iyi ndwara iri kugenda irushaho gusakara, n’umubare w’abo yica aho kugabanuka ukaba ugenda wiyongera.

  • Munyakazi Sadate arasaba ko kapiteni w'Amavubi yamburwa ubwenegihugu kuberako ari umutinganyi – YEGOB #rwanda #RwOT

    Munyakazi Sadate abinyujije ku rukuta rwe rwa Twitter yasabye ko kapiteni w'ikipe y'U Rwanda ya Basketball y'abakobwa yakwamburwa ubwenegihugu bw'U Rwanda kubera ibikorwa yakoze byo guterera ivi ndetse akambika impeta mugenzi we w'umukobwa.

    Ni nyuma yuko hari hamaze kujya hanze amafoto atandukanye agaragaza uyu mukobwa ari kwambika impeta umukobwa mugenzi we abantu benshi bakabyamaganira kure.

    Ntago ishyano ryacitse umurizo ahubwo Igihugu kibyaye igihunyira ubwo kibarutse ubutinganyi, uwo Capitaine Niyamburwe inshingano et nous demandons la déchéance immédiate et sans condition de la nationalité Rwandaise. Dufite Umuco kdi Igihugu kitagira umuco kiracika.

    — Munyakazi Sadate (@SadateMunyakazi) July 20, 2021

    Ese koko mwebwe murabona iki gikorwa uyu mukobwa yakoze cyo kwambika impeta umukobwa mugenzi we gikwiye mu muco Nyarwanda? Mwaduha ibitekerezo byanyu muciye muri comment section.

    Source : https://yegob.rw/munyakazi-sadate-arasaba-ko-kapiteni-wamavubi-yamburwa-ubwenegihugu-kuberako-ari-umutinganyi/

  • Waruzi ko guseka bigirira umuntu akamaro mu mibereho ye? Dore ibyiza byo guseka mu buzima bw'umuntu – YEGOB #rwanda #RwOT

    Guseka ni imwe mu myitwarire y'ikiremwamuntu igengwa n'ubwonko. Guseka bikoreshwa nk'ikimenyetso cyo kuba mu itsinda, byerekana kwemerwa no

    gukorana neza n'abandi. Guseka, kimwe no kurira, ni uburyo bwiza bwo kuvana uburozi mu mubiri. Kubera ko ubwenge n'umubiri bifitanye isano, ukoresha imitsi bidasanzwe iyo usetse. Guseka ni umuti mwiza.

    Mu by'ukuri, guseka ni ikintu cy'ingenzi. Kandi byagaragaye ko bitera inyungu nyinshi ku mubiri w'umuntu mu buryo butandukanye nk'uko tugiye kubirebera hamwe muri iki cyegeranyo dukesha Wonderslist.com.

    Dore ibyiza byo guseka ku buzima bw'umuntu:

    Bituma urushaho guhumeka nneza

    Seka cyane, kuko ibitwenge bisukura ibihaha byawe n'umwuka mwinshi kurusha uwo byinjiza, bigatuma ibihaha bikora neza kimwe no gukurura umwuka mwinshi ukarekura undi mwinshi. Ibi ni ingirakamaro cyane cyane ku bantu bafite ibibazo by'ubuhumekero, nka asima.

    Byongera ubudahangarwa bw'umubiri wawe

    Abashakashatsi basanze guseka byongera ubudahangarwa bw'umubiri, bikongera umubare w'uturemangingo T duha ubudahangarwa umubiri. Ibi bituma tudakunda kugira inkorora n'ibicurane. Igabanya kandi byibura imisemburo ine ituma umunaniro (stress) wiyongera. Nyuma rero yo gusekaneza, wumva umeze neza utagihangayitse.

    Byongera imibanire yawe mu rukundo

    Niba ushaka kubona umukunzi cyangwa inshuti nshya, guseka bizagufasha. Abagabo bakunda abagore baseka imbere yabo kandi mu by'ukuri abagore baseka 125% kurusha abagabo.

    Niba kandi usanzwe uri kumwe n'umuntu musangira, guseka ni ikintu cy'ingenzi mu gutuma umubano wawe n'abandi ukomeza gukora neza.

    Bigabanya kwiheba

    Urwenya rumaze igihe kinini rufasha abantu ba_te agahinda cyangwa kwiheba. Guseka bigabanya impagarara no guhangayika, kandi bigabanya no kurakara, ibyo byose bikaba ari ibintu by'ingenzi mu buzima. Mu bushakashatsi bwasohotse muri Geriatrics na Gerontology International, ibitwenge byagaragaye ko bigabanya kwiheba ku barwayi bageze mu zabukuru, bitera ubuzima bwiza no kunoza imikoranire yabo.

    Bigabanya ububabare

    Guseka birekura endorphine ikora neza muri sisiteme yawe ifite imbaraga zirenze urugero rwa morphine. Ubushakashatsi bwakozwe mu Bwongereza bwerekana uburyo iminota 15 gusa yo guseka ishobora kongera kwihanganira ububabare hafi 10% kubera irekurwa rya endorphine mu bwonko. Izi endorphine zitera ikintu gisa na 'High' kidasanzwe, kiganisha ku byiyumvo bishimishije byo gutuza, ndetse no kugabanya ububabare bw'igihe gito.

    Bituma ubaho igihe kirekire

    Dukurikije ubushakashatsi buherutse gusohoka muri Archives of General Psychiatry, abakuze bafite ibyiringiro, abahora biringiye ko ibintu byiza bizaba (aho kuba bibi), ntibakunze gupfa nk'abihebye. Mu by'ukuri, mu bitabiriye ubushakashatsi bafite hagati y'imyaka 65 na 85, abari bafite ibyiringiro kurusha abandi ni 55%. Ntibapfa guhitanwa n'impamvu zose kurusha abantu bihebye.

    Inyungu zo guseka mu mibanire n'abandi

    Guseka birandura. Iyo uzanye ibitwenge byinshi mu buzima bwawe, birashoboka cyane ko wafasha abandi hafi yawe guseka cyane. Mu guteza imbere imyifatire y'abari hafi yawe, ushobora kugabanya urwego rw'imyitwarire yabo kandi birashoboka ko uzamura ireme ry'imibanire myiza uhura nabo.Byongeye, ugabanya urwego rwa stress zawe kurushaho!

    Uko useka n'abandi, birashoboka cyane ko uzibukirwa ku mbaraga nziza n'ibyiyumvo uzana. Ndetse umubano wimbitse (intimate relationships) uzamurwa no guseka, biganisha ku byishimo byinshi n'ubusabane bushimishije.

    Ni siporo y'imbere

    Guseka bishobora kugabanya inda ndetse bigakoresha imyitozo n'intugu, bigatuma imitsi iruhuka. Guseka kandi ni imyitozo myiza ku mutima. Guseka inshuro 100 bihwanye n'iminota 10 ukora imyitozo yo kwiruka kuri za mashini zabugenewe cyangwa kumara iminota 15 unyonga igare.

    Guseka bigufasha kugabanya ibiro

    Guseka nabyo ni imyitozo ngororamubiri nziza cyane. Bitwika karori mu gihe useka. Bishobora kutagaragara nk'ingirakamaro, ariko guseka byongera gutera neza k'umutima kandi byihutisha metabolism. Niba urimo uragerageza kugabanya ibiro, tekereza kongera ibitwenge muri gahunda y'imyitozo ngororamubiri ukora.

    10.Birinda umutima

    Abantu baseka cyane, buri gihe ba_te umuvuduko w'amaraso mukeya ugereranyije n'abantu basanzwe. Iyo umuntu asetse cyane, umuvuduko w'amaraso ubanza kwiyongera, ariko nyuma bikagabanuka ku rwego ruri munsi y'urusanzwe.Umutima wawe ni imitsi, kimwe n'imitsi iyo ari yo yose mu mubiri wawe, irakomera kandi ikora neza mu gihe ukora siporo.

    Guseka bisanzwe ni nko kubona abanyamuryango ba siporo ku mutima wawe. Guseka byagaragaye ko ari ingirakamaro ku buryo amaraso atembera mu mubiri, bityo bikagabanya amahirwe yo kurwara umutima.

    Ubushakashatsi bwerekanye ko iminota 15 yo guseka ku munsi ari ingenzi ku mutima wawe nk'iminota 30 yo gukora siporo inshuro 3 mu cyumweru.

    Source : https://yegob.rw/waruzi-ko-guseka-bigirira-umutu-akamaro-mu-mibereho-ye-dore-ibyiza-byo-guseka-mu-buzima-bwumuntu/

  • Ibintu ukwiye kugendera kure niba ari ubwambere winjiye mu rukundo. – YEGOB #rwanda #RwOT

    Urubuga Elcrema rutangaza ko hari ibyo umuntu ukiri mushya mu rukundo akwiye kwiga kugendera kure, kuko bishobora kumuteranya n'umukunzi we bataramarana kabiri.

    1.Kudasura umukunzi wawe utabimumenyesheje

    Bamwe bibeshya ko kwinjira mu rukundo n'umuntu ari igisobanuro cy'uko wamumenye bihagije ndetse wanamusura uko wishakiye ndetse wanamutungura wabishatse.ibi sibyo kuko ugomba kubanza ukabimumenyesha kuko n'abashakanye iyo umwe aje undi ari mu cyumba abanza kumukomangira.

    2.Kwirinda kwaka umukunzi wawe amafaranga ku munsi wa mbere.

    Burya nuramuka watse umukunzi wawe amafaranga umukunzi wawe mu minsi ya mbere y'umubano wanyu azakwitiranya n'umukuzi wa menyo,wowe ukwiye kwirinda bikomeye utitaye ku buremere bw'ikibazo ufite.

    3. Kutanywa inzoga nyinshi (ku bakunda agatama)

    Nuramuka cyane ku munsi wa mbere usinze ukandavura imbere y'umukunzi ni gihamya y'uko utiyubaha kandi nta n'agaciro wiha,uramutse ubikoze ndakubwiza ukuri ko umubano ufite gusenyuka mu minsi ya mbere mukiwutangira.

    4.Kutihutira kugaragaza urukundo rwanyu ku mbuga nkoranyambaga

    Abenshi bakunze kwibeshya guhita bereka abantu bose ko bari mu rukundo n'umukunzi uyu n'uyu aribyo bizatuma umubano wabo ukomera, ibi sibyo kuko nutangira gushyira amafoto y'umukunzi wawe kuri Facebook no kuri instagram nta mishinga y'igihe kirekire muragirana urakeka nimusenya mutarabigeraho bigenda bite? tekereza kure.

    5.Kutaganiriza umukunzi wawe ibiganiro wagiranye n'uwo mwahoze mukundana

    Gerageza gusiba mu mutwe wawe ibiganiro mwagiranaga n'umukunzi wa mbere y'uwo muri kumwe kuko nutabikora uzisanga urimo umuzana mu biganiro urimo kugirana n'umukunzi wawe mushya mushya ukurizemo kumutera agahinda.

    Source : https://yegob.rw/ibintu-ukwiye-kugendera-kure-niba-ari-ubwambere-winjiye-mu-rukundo/

  • “ Uri impano y'Imana, ndagukunda birenze igipimo ” – Miss Grace Bahati yabwiye umwana we amagambo akomeye ku isabukuru ye y'amavuko – YEGOB #rwanda #RwOT

    Miss Grace Bahati wegukanye ikamba rya Miss Rwanda mu mwaka wa 2009 yifurije isabukuru nziza umwana we w'imfura, Ethan, wujuje imyaka 9 amaze avutse.

    Miss Grace Bahati abinyujije ku rukuta rwe rwa instagram yarangaje amagambo akurikira:

    Source : https://yegob.rw/uri-impano-yimana-ndagukunda-birenze-igipimo-miss-grace-bahati-yabwiye-umwana-we-amagambo-akomeye-ku-isabuku-ye-yamavuko/

  • Mike Karangwa yareze M Irene muri RIB #rwanda #RwOT

    Umunyamakuru Mike Karengwa ukorera BTN TV yareze mugenzi we Murandahabi Irene uzwi nka M Irene wa Isibo TV kubera kumutangazaho ibinyoma bigatuma bamutuka.

    Iki kirego gishingiye ku kuba M Irene yaratangaje ko Mike Karangwa ari umwe mu bantu bihishe inyuma yo kuba abahanzikazi Vestine & Dorcas baratandukanye na M Irene Entertainment(MIE) abereye umuyobozi.

    Tariki ya 6 Nyakanga nibwo M Irene yatangaje ko yatandukanye n’abahanzikazi baririmba indirmbo zo kuramya no guhimbaza Imana, Vestine & Dorcas.

    Nyuma y’iyi baruwa nibwo haje guhita kandi hasohoka ibaruwa y’umubyeyi w’aba bana aho yashinje M Irene uburiganya aho yatwaye abana be Cano ya YouTube(YouTube Channel), gushuka abana be, kubarya amafaranga n’ibindi.

    M Irene na we akaba yaraje guhita afata iya mbere asobanura uko ikibazo giteye aho yavuze ko Nziza Aimable utegura 'Rwanda Gospel Stars’ ari we wihishe inyuma y’uyu mugambi wo kugira ngo atandukane n’aba bana maze abafate abe ari we ureberera inyungu zabo

    Uretse ibi kandi, mu butumwa yanyujije kuri Instagram yagaragaje ko hari igikundi kirimo umunyamakuru Mike Karengwa, Nziza Aimable na Benoit bihishe inyuma yo gutandukana kwe n’aba bana ariko ababwira ko mu Rwanda nta muntu urengana ko ibyo byose bamusaba abitanga(channel n’ayo mafaranga bavuga) ariko bakareka kwangiza ibintu yiyubakiye.

    Mike Karangwa akaba atarishimiye kuba yarazanywe muri ibi bibazo we avuga ko ntaho ahuriye nabyo ndetse atanaziranye n’uyu muryango, kuko byatumye n’abantu benshi bamwifatira ku gahanga.

    Akaba yahisemo gutanga ikirego mu Rwego rw’Igihugu rw’Ubugenzacyaha(RIB) aho yavuze ko yasebejwe n’uyu munyamakuru bikamugiraho ingaruka kuko byatumye abantu bamwibasira bakamutuka.

    RIB yemeje ko yamaze kwakira iki kirego ndetse hatangiye n’iperereza kugira ngo hakusanywe ibimenyetso byose.

    Ubutumwa bwa M Irene avuga kuri Mike Karangwa

    Ikibazo cya M Irene na Vestine & Dorcas cyafashe indi ntera

    Mike Karangwa yatanze ikirego muri RIB

    Source : http://isimbi.rw/imyidagaduro/article/mike-karangwa-yareze-m-irene-muri-rib

  • Hashobora kuba impinduka zikomeye mu mikino y'igikombe cy'Isi mu gihe cya Vuba. – YEGOB #rwanda #RwOT

    Perezida w'Ishyirahamwe ry'umupira w'amaguru muri Africa Dr. Parice Motsepe, yemeje ahamye ko ashyigikiye igitekerezo cyatanzwe n'igihugu cya Arabia Saudite, cyuko igikombe cy'isi cyahindurirwa igihe cyajyaga kibera aho kuba buri myaka ine, ahubwo kikaba buri myaka ibiri, ni igitekerezo cyatanzwe mu nteko rusange ya FIFA iheruka.

    Motsepe uyobora CAF ku mwanya yagiyeho muri uyu mwaka, yavuze ko uyu ari umwanzuro wizweho mu nama iheruka y'abayobozi ba CAF yabaye mumpera z'icyumweru gishize. Yavuze ko igikombe cy'isi kigiye gikinwa buri myaka ibiri afurika yabyungukiramo cyane. Yavuze ko kandi kuzana iki gikombe buri myaka ibiri, byakuba kabiri inyungu FIFA ikura muriki gikombe, bityo bigatuma n'abanyamuryango bayo babona kurizo nyungu.

    Motsepe avuga ko akanyungu kose k'inyongera Africa yakura muriri rushanwa rya buri myaka ibiri, kafasha mu kuzahura imiberehpo y'umupira w'amaguru muri Africa, ihagaze habi cyane mu bihugu byinshi. Icyakora Motsepe ntabwo yasobanuye ukuntu Africa ishobora kwakira igikombe cy'isi, kandi nubundi hasanzweho irushanwa riba buri myaka ibiri ry'igikombe cya Africa ndetse na CHAN nayo iba buri myaka ibiri, ntasobanura ukuntu ibihugu bya Africa byakwikura muri uru rugamba rutoroshye rwo guhora mu mikino yo gushaka ticket buri mwaka.

    Muri 2013 CAF uwayoboye umupira w'amaguru muri Africa yahinduye igihe igikombe cya Africa cyajyaga kibera, ntabwo hahinduwe igihe cy'imyaka ibiri ahubwo hahinduwe imyaka kugira ngo kitazakomeza gukubitana nicy'isi. Nubwo byavugwaga ko amakipe ya Africa atabasha kugera kure bitewe nuko agera mu gikombe cy'isi avuye no mucya Africa, ibi ntacyo byahinduye ku myitwarire y'amakipe ya Africa dore ko kugeza nubu ntayirabasha kugera nomuri ½.

    Perezida wa CAF Motsepe, yakomeje avuga ko nyuma yuko FIFA ifashe umwanzuro kuriki cyifuzo cya Arabia Saudite, amarushanwa yo muri Africa nayo azahita ahindurirwa ingengabihe bityo bikabasha kugendana n'amategeko mashya y'igikombe cy'isi mu gihe byazaba byahinduwe.

    Source : https://yegob.rw/hashobora-kuba-impinduka-zikomeye-mu-mikino-yigikombe-cyisi-mu-gihe-cya-vuba/

  • Rwanda: umunyeshuri wari uherutse gukora ikizamini cya Leta yasanzwe mu giti yitabye Imana. – YEGOB #rwanda #RwOT

    Umwana w'umukobwa wari uherutse gukora ikizamini cya Leta gisoza amashuri abanza, witwa Iratuzi Solange w'imyaka 12 wo mu Mudugudu wa Nyiramuyenzi, Akagari ka Buramira mu Murenge wa Kimonyi, mu Karere ka Musanze yasanzwe amanitse mu giti cy'avoka ahambirijwe mu ijosi umupira yambaraga.

    Amakuru y'uko Iratuzi Solange wari urangije amashuri abanza yapfuye, yamenyekanye kuri uyu wa Mbere tariki 19 Nyakanga 2021.

    Umunyamabanga Nshingwabikorwa w'Umurenge wa Kimonyi, Nteziryayo Epimaque yavuze ko bagiye gukoresha ibizamini bya muganga ngo hamenyekane neza icyaba cyishe uyu mwana.

    Yagize ati ' Nibyo natwe twamenye amakuru ko uyu mwana amanitse mu giti mu ijosi harimo umupira bambara. Twarahageze duhamagara na RIB ngo idufashe. Kuri ubu umurambo wajyanwe ku Bitaro Bikuru bya Ruhengeri ariko muri iki gitondo amakuru bampaye ni uko bagiye kumujyana ku Bitaro bya Kacyiru ngo hakorwe ibizamini bya muganga habe hamenyekana icyaba cyamwishe.'

    Yakomeje avuga ko nta kibazo kizwi uyu mwana yari afite haba mu rugo no muri bagenzi be.

    Ati 'Nagerageje kubaza amakuru mu muryango niba haba nta makimbirane yari arimo ariko nasanze nta kibazo gihari haba mu babyeyi ndetse n'abana, ikindi ni uko no ku ishuri yigagaho nabo bambwiye ko nta kibazo bari bazi kuri uyu mwana.'

    'Igiti cy'avoka bamusanzemo ngo ejo mu gitondo yari yakizindukiyemo ahanura avoka, batunguwe no kubona rero mu masaha yakurikiyeho amanitsemo yapfuy. Bikekwa ko yaba yiyahuye kuko yari afite umupira yambaraga mu ijosi.'

     

     

     

     

     

     

     

     

    Src: igihe

    Source : https://yegob.rw/rwanda-umunyeshuri-wari-uherutse-gukora-ikizamini-cya-leta-yasanzwe-mu-giti-yitabye-imana/