Webrwanda Backend

Category: Uncategorized

  • Abakinnyi b’abanyarwanda bizagora kwibagirwa umwaka wa 2021(AMAFOTO) #rwanda #RwOT

    Buri mwaka ugenda n’ibyawo, ushimisha bamwe ukababaza abandi, ni mu gihe usiga amateka amwe hari uduhigo dukurwaho, tugiye kureba muri siporo bamwe mu bakinnyi bishobora kuzagora kwbagirwa uyu mwaka bitewe n’ibintu byababayeho.

    Harabura amezi 5 ngo umwaka wa 2021 usozwe, ariko iyo urebye mu mikino ho usanga umwaka usa n’uwarangiye, uretse kuba mu mupira w’amaguru shampiyona yararangiye ariko no mu yindi yarahagaze kubera icyorezo cya Coronavirus, n’icyizere ni gike ko yazagaruka muri uyu mwaka.

    Muri iyi nkuru ISIMBI.RW yarebye bamwe mu bakinnyi b’abanyarwanda yaba abakina hanze cyangwa mu Rwanda bagiye bahura n’ibintu muri uyu mwaka wa 2021 bigoye ko bazibagirwa.

    Umunyezamu Mbarushimana Emile [Rupali] — Yarafunzwe

    Mbarushimana Emile uzwi nka Rupali, ni umunyezamu wakiniraga ikipe ya AS Muhanga, ariko bizagorana ko azibagirwa umwaka wa 2021 cyane ukwezi kwa Nyakanga tariki ya 3 kuko ari bwo yatawe muri yombi akurikiranyweho icyaha cyo kurya ruswa mu mikino imwe n’imwe AS Muhanga yagiye ikina.

    Uyu munyezamu ugifunzwe, ku wa Kane tariki ya 15 Nyakanga nibwo yaburanye akaba yahakanye ibyaha bya ruswa akurikiranyweho ndetse ashimangira ko nta muntu wo muri Gasogi United(ni umwe mu mikino ashinjwa kwaka ruswa) yahamagaye ahubwo ari bo bamuhamagaye.

    Mugabo Gabriel — yatawe muri yombi umukino ukirangira

    Mugabo Gabriel, ni myugariro wa Sunrise, ni undi mukinnyi udashobora kwibagirwa umwaka wa 2021 kuko yahuye n’ibibazo, hari ku mukino wa shampiyona iyi kipe yanganyijemo na Gasogi United 1-1 tariki ya 10 Kamena 2021.

    Nyuma y’uyu mukino Mugabo Gabriel yakinnye, yahise atabwa muri yombi na polisi ndetse n’urwego rw’igihugu rw’ubugenzacyaha(RIB).

    Icyo gihe umuvugizi wa RIB, Dr Murangira B. Thierry yabwiye ISIMBI ko uyu mukinnyi icyaha akurikiranyweho ari ugukoresha ku gahato umugore w’imyaka 27. Yaje kurekurwa tariki ya 18 Kamena 2021 nyuma y’uko icyaha kitamuhamaga.

    Kwizera Olivier — Yarafunzwe azira urumogi, asezera no ku mupira w’amaguru

    Hari tariki ya 4 Kamena 2021 ubwo umunyezamu wa Rayon Sports n’ikipe y’igihugu Amavubi, Kwizera Olivier yatwabwaga muri yombi akurikiranyweho icyaha cyo kunywa urumogi, ni nyuma y’uko barusanze iwe ari kumwe n’abandi bantu barimo n’undi mukinnyi Runanira Amza.

    Bahise bajya gufungwa maze tariki ya 28 Kamena baraburana Kwizera yemera ko yarunyweye(atari uwo munsi) ariko yaruretse ko ubu arimo kwivuza ndetse no mu ikipe y’igihugu barumusanzemo, yaje kurekurwa tariki ya 6 Nyakanga aho yakatiwe umwaka umwe usubitswe.

    Uyu mukinnyi ntazibagirwa uyu mwaka cyane ukwezi kwa Nyakanga cyane ko ari bwo yafashe umwanzuro wo gusezera umupira w’amaguru.

    Byiringiro Lague — Yabeshye abanyarwanda

    Uyu ni rutahizamu byari byitezwe ko agomba gukinira ikipe ya Neuchâtel Xamax FCS mu cyiciro cya kabiri mu Busuwisi, ni nyuma y’uko muri Gicurasi yagiye gukora igeragezwa muri iyi kipe akagaruka avuga ko yamaze gusinya.

    Ubwo umunyamakuru wa B&B FM yamubazaga imyaka yasinye, uyu musore yagize ati 'nasinye imyaka 2'.

    Yahagurutse mu Rwanda tariki ya 8 Nyakanga 2021 benshi bazi ko agiye agiye gukina ariko batungurwa no kumva uwe ubwe yitangariza ko yatsinzwe igeragezwa(yari asubiye gukora igeragezwa).

    Ba myugariro 3 b’abanyarwanda bakinnye irushanwa ry’indoto zabo

    Myugariro wa Urartu FC muri Armenia, Nirisarike Salomon ntazibagirwa ko umwaka wa 2021, nyuma y’imyaka 10 akina k’umugabane w’u Burayi ari bwo yakinnye rimwe mu marushanwa 3 akomeye i Burayi, ni nyuma y’uko we n’ikipe ye ya Arartu bakinnye irushanwa rya UEFA Europa Conference League.

    Ibi kandi bizahora byibukwa na Rwatubyaye Abdul wa FC Shkupi muri Macedonia na Manzi Thierry wa FC Dila Gori muri Georgia aho n’umukino we wa mbere wari uw’iri rushanwa.

    Nirisarike Salomon

    Rwatubyaye Abdul

    Manzi Thierry

    Haruna Niyonzima — Yasezeweho mu cyubahiro na Yanga.

    2021 ni umwaka utazibagirana kuri kapiteni w’ikipe y’igihugu y’u Rwanda, Haruna Niyonzima kuko nyuma y’imyaka 8 akinira ikipe ya Young Africans muri Tanzania, yamusezeyeho nk’umukinnyi babanye neza kandi wabahaye ibyo yari afite bakaba batazakomezanya mu myaka iri imbere.

    Ni umuhango wari ubereye ijisho wabaye tariki ya 15 Nyakanga, aho wari wahawe akazina ka 'Niyonzima Hauruna Day'.

    Mugabe Aristide — Yagarutse mu ikipe y’igihugu

    Wari umwaka mwiza kandi wabaye nk’inzozi kuri Mugabe Aristide wongeye guhamagarwa mu ikipe y’igihugu, ni nyuma y’imyaka 3 atayikandagiramo kuko yayiherukagamo muri Nyakanga 2018.

    Aristide Mugabe usanzwe ari kapiteni wa Patriots BBC, yongeye guhamagarwa muri uku kwezi kwa Nyakanga aho yisanze ku rutonde rw’abakinnyi b’ikipe y’igihugu bagomba kwitegura imikino y’igikombe cy’Afurika 'Afrobasketball’ kizabera mu Rwanda mu kwezi gutaha.

    Abakinnyi ba Patriots BBC bakinanye n’icyamamare muri muzika, J Cole

    Ni umwaka utazibagirana ku bakinnyi ba Patriots BBC kuko muri Gicurasi 2021 bisanze mu ikipe imwe n’umuraperi ukomeye muri Amerika, J Cole wari mu Rwanda aho yari yaje gufasha iyi kipe mu mikino Basketball Africa League yakianaga.

    Ni ngombwa kandi bazahora bibuka uyu mwaka na J Cole kuko mbere yo kugenda yanabasigiye impano.

    Source : http://isimbi.rw/siporo/article/abakinnyi-b-abanyarwanda-bizagora-kwibagirwa-umwaka-wa-2021-amafoto

  • Nyinawumuntu Grace yongeye kugirwa umutoza w’ikipe y’igihugu #rwanda #RwOT

    Nyinawumuntu Grace uheruka kugirwa umuyobozi ushinzwe tekinike mu irerero rya PSG rizaba riri mu Rwanda, yagizwe umutoza w’ikipe y’igihugu y’abangavu batarenge imyaka 20 yitegura ijonjora rya 2 ryo gushaka itike y’igikombe cy’Isi cya 2022 kizabera muri Costa Rica.

    Mu ijonjora rya mbere u Rwanda rwagombaga guhura na Sudani y’Epfo ariko yahise yikura mu irushanwa.

    Mu ijonjora rya kabiri u Rwanda ruzahura na Ethiopia aho umukino ubanza uzaba hagati ya tariki ya 23 na 25 Nzeri 2021 n’aho uwo kwishyura ukazaba hagati ya tariki ya 7 n’9 Ukwakira 2021.

    Mu rwego rwo kwitegura aya marushanwa, FERWAFA ikaba yashyizeho abatoza bazaba bakuriwe na Nyinawumuntu Grace watoje ikipe y’igihugu y’abagore kuva 2014 kugeza 2018 ubu akaba ari umuyobozi ushinzwe tekinike mu irerero rya PSG. Mu Rwanda

    Staff tekinike yose

    Nyinawumuntu Marie Grace(Umutoza mukuru)
    Mukashema Consolée (Umutoza wungirije wa mbere)
    Mukamusonera Théogenie (Umutoza wungiije wa kabiri)
    Maniraguha Claude (Umutoza w’abanyezamu)
    Barihe Gustave (Umutoza ushizwe kongera ingufu)
    Ujeneza Jennifer (1st Physiotherapist)
    Akayezu Cécile (2nd Physiotherapist)
    Kabanyana Scovia (Team Manager)
    Dr Umucyo Ntidendereza Honorine (Umuganga)
    Uwase Ange (ushinzwe ibikoresho)

    Nyinawumuntu Grace yongeye kugirwa umutoza w’ikipe y’igihugu

    Source : http://isimbi.rw/siporo/article/nyinawumuntu-grace-yongeye-kugirwa-umutoza-w-ikipe-y-igihugu

  • Uyu mukobwa uhenze cyane ,inkwano yakowe ntizapfa kubonwa n'ubonetse wese. – YEGOB #rwanda #RwOT

    Uyu mukobwa udasanzwe yitwa Nyalong Nging Deng, uyu mukobwa ukomoka mu bwoko bw'aba Dinka muri Sudan y'epfo, ubu niwe munya Africa uhenze kurusha abandi nyuma yuko akowe inkwano ihenze cyane, ndetse abakire bagera kuri batandatu bakaba bari bari kumurwanira umwe muribo akamutsindira.

    Nyuma yuko uyu ngo yakuruye abaherwe bagera kuri batandatu bose bakamurwanira, uyu mukobwa w'imyaka 27 wari ukiri isugi, byarangiye abonye umwegukana. Byose byabaye kuri uyu wa gatanu, ubwo uyu mukobwa yasezeranaga n'umuherwe witwa Kok Alat mu murwa mukuru wa Juba m'ubukwe bw'agatangaza, bwarangiye umukobwa abonye umugabo umukwiriye.

    Uyu mugabo Kok Alat wamwegukanye yahigitse abandi batanu kandi b'abaherwe, mubo yatsinze akabajyana umugeni harimo na guverineri w'imwe mu ntara zigize icyo gihugu. Kok Alat kugira ngo wemere ko ari umuherwe koko yatanze inkwano ifatika abandi bahita bayamanika.

    Iyo nkwano irimo inka zigera kuri 530, harimo kandi imodoka eshatu zo mu bwoko bwa Landcruiser zizwi nka 'V8' arangije hejuru yibyo arenzaho n'amafaranga cash angana n'ibihumbi icumi by'amadorali ($10,000). Nyuma y'iyi nkwano rero abantu bemeje ko uyu mukobwa kugeza ubu ariwe uhenze ku mugabane wose wa Africa.

    Uyu mugabo yatsinze bagenzi be kubera ko ntanumwe wari washoboye kugeza kuriyo nkwano, nka guverineri wari mu batsinzwe, yari yatanze inka 353, ndetse n'ubutaka bunini cyane kandi bwiza ariko byarangiye bidafite agaciro bashaka.

    Gushyingira umukobwa muri Sudani y'epfo ubu ni business ishyushye kubera ko kugira ngo umukobwa waho umukure murugo ugomba kuba wifashije koko. Ubusanzwe mu muco n'amategeko y'aba Dinka inkwano yaho kugira ngo wegukane umukobwa, ihera ku nka byibuze 70 kugeza kuri 250, ibi ngo babikora kugira ngo nibitagenda neza bagatandukana bazabone icyo basubiza umusore kuko byanze bikunze za nka ziba zaragwiriye.

    Muri uyu muryango kandi ntiwabona umugeni wabo uterekanye ko koko uzamuhaza nimubana ari yo mpamvu bagusaba inkwano itubutse cyane.

    Source : https://yegob.rw/uyu-mukobwa-uhenze-cyane-inkwano-yakowe-ntizapfa-kubonwa-nubonetse-wese/

  • Ba maso, niba wibonaho kimwe muri ibi bimenyetso! #rwanda #RwOT

    Mu Bagalatiya 5 Bibiliya idusaba kugira imbuto z’Umwuka Wera, muri zo harimo ‘Kwirinda”(Kuba maso). Na none kandi ngo ” Umunyamakenga iyo abonye ibibi bije arabyikinga, Ariko umuswa arakomeza akabijyamo akababazwa na byo.” Imigani 27:12

    Nuko rero ba maso kuko ibi bikurikira bigaragaza ko ushobora kuba warateshutse urugendo rw’agakiza ukagwa cyangwa, uri mu nzira zo kugwa!

    Ba maso niba usigaye wumva gusenga Imana bikugora. Ba maso kandi niba kwiyiriza ubusa bisigaye bikugora, cyangwa bisigaye ari amateka kuri wowe. Niba wumva utakinezezwa no kumva ndetse no gusoma ijambo ry’Imana, ba maso!

    Niba imirimo yo mu nzu y’Imana ndetse no kugira neza muri rusange bisigaye bikubera umutwaro, ba maso. Niba ubuzima bwo gukiranuka usigaye wumva ari nk’uburoko, ba maso. Niba kandi kwibanira n’abatazi Imana ari ikintu cy’igiciro kuri wowe, ba maso!

    Urabe maso niba wumva ufite inzara n’inyota byo kwibera mu bidahimbaza Imana, muri wowe ukumva ukumbuye ubuzima bwo muri Egiputa. Niba ubona kandi gusenga mu bicuku bya nijoro bisigaye ari umugani kandi warahoze ubikora, ba maso! Niba usigaye wumva udakeneye kwihererana n’Umwami Yesu, ahubwo ukumva urakururwa n’isi, ube maso!

    Uzabe maso, igihe uzumva ukeneye kurya kenshi kuruta incuro usenga. Nanone urabe maso igihe uzaba wumva utagishamadukiye kubwira abantu ibyiza byo gukorera Imana ndetse n’Ijambo ryayo. Urabe maso niba gukorera Imana bigutera kwihimbaza no kumva uri igitangaza!

    Urabe maso, niba usigaye umara umwanya munini kuri facebook, whatsap, tweeter n’izindi mbuga nkoranyambaga. Izi mbuga zabaye ibigirwamana umwanzi Satani akoresha arangaza abana b’Imana kandi kuri benshi zatwaye ikibanza cy’Imana mu mitima yabo!

    Niba hari ibintu watinyaga ubu ukaba warabitinyutse, niba hari ibyo waziririzaga ubu ukaba warabiziruye, ba maso. Urabe maso niba ubutumwa nk’ubu bukurambira gusoma, ariko inkuru zisetsa, iz’ibiterasoni bikakuryohera gusoma.

    Wakurikira kandi n’iyi nyigisho

    https://youtu.be/USYKko-1q5E

    [email protected]

    Source : https://agakiza.org/Ba-maso-niba-wibonaho-kimwe-muri-ibi-bimenyetso.html

  • Uburyo bwiza byagufasha kugabanya ibiro byoroshye. – YEGOB #rwanda #RwOT

    Waba wibaza impamvu ugerageza kugabanya ibiro ariko rimwe bikiyongera cyangwa bikagutwara umwanya?Abantu benshi bifuza kugabanya ibiro cyane cyane ko tugeze mu bihe benshi bibaza ko ubwiza bujyana n'ibiro umuntu afite. Aha tukaba twagerageje guhitamo uburyo bwagufasha kugabanya ibiro kandi utiyicishije inzara.

    Menya igihe cyo kugabanya ibiro

    Imibiri yacu yakira ibyo turya mu buryo butandukanye,ahari igihe ushobora kuba ubona umuntu afata amafunguro ye ariko agakomeza kuba ku murongo. Igihe rero wumva ko ushaka kugabanya ibiro ugomba kubyishyiramo kandi ubwonko bwawe bukamenya neza ko ibiro bigomba kugabanuka cyane cyane iyo ukoresha ubu buryo bwo kutiyicisha inzara. Ibi bizagufasha kugabanya ibiro byawe kuburyo bwihuse.

    Ntiwibagirwe ifunguro rya mu gitondo

    Abantu benshi bibwira ko ifunguro rya mu gitondo ryaba ribyibushya cyane,ariko kubyuka ukajya mu kazi ka buri munsi nta funguro rya mu gitondo ufashe ni ikosa,kubera ko iri funguro ariryo rifasha umubiri kwiyubaka no kurinda ingingo z'umubiri wawe kugumana imbaraga mu gihe utegereje irindi funguro. Gusa ntiwibagirwe kurenzaho imbuto kuri iryo funguro rya mu gitondo.

    Hindura uburyo ubayeho

    Aha ntabwo bisobanuye ko ugomba gutangira kujya muri siporo, iyo ukoresha ubu buryo bwo kugabanya ibiro kandi ukomeza kurya ni ngombwa ko ureka bumwe mu buryo ubayeho bwa buri munsi. Tangira kuzamuka mu nyubako ndende ukoresheje ingazi (stairs, escalier) bizagufasha gutwika ibinure nubwo atari byinshi ariko birafasha, Ushobora kandi gutumira inshuti zawe mukabyina cyangwa se mugatwara amagare nabyo birafasha.

    Shaka igituma uguma uhuze

    Burya abantu benshi bumva ko bashonje iyo ntakintu bafite bakora,niba ibi bikubaho kandi ukaba ushaka kugabanya ibiro gerageza ushake ikintu cyo gukora ndetse wirinde kujya ahantu abantu bari kuvuga ibiryo cg batetse ahubwo ugerageze kunywa amazi.

    Rya witonze

    Akenshi iyo turi kumeza turarya kugeza igihe twumva duhagiye koko,ariko kugira ngo ugabanye ibiro ni byiza ko mu gihe uri ku meza ugerageza kurya buhoro buhoro unyuzamo ugashyira hasi icyo uri kurisha,ibi ni ingenzi cyane kuko uko ushyize hasi icyo uri kurisha, ubwonko bwumva ko usoje ibi nubigerageza uzatungurwa no kumva ko uhaze kandi wariye ibiryo bike kubyo usanzwe ufata.

    Source : https://yegob.rw/uburyo-bwiza-byagufasha-kugabanya-ibiro-byoroshye/

  • Juno Kizigenza yabunuje umukobwa kuri YouTube – YEGOB #rwanda #RwOT

    Mu minota mike ishize nibwo Juno Kizigenza ashyize hanze indirimbo ye nshya yise Please me. Ni indirimbo igaragaramo inkumi yifotozanyije na Juno Kizigenza yambaye ikariso. Mu gace ka nyuma k'aya mashusho y'iyi ndirimbo hagaragaramo agace ka nyuma ari nako abantu benshi bashigukiye aho iyi nkumi ikuramo isutiye igasigara yambaye ubusa hejuru maze ikajya mu maguru ya Juno Kizigenza.

    Kanda hano hasi urebe ibyo Juno Kizigenza yakoreye uyu mukobwa mu ndirimbo Please me

    Juno Kizigenza — Please me (Official Video)

    Source : https://yegob.rw/juno-kizigenza-yabunuje-umukobwa-kuri-youtube/

  • Juno Kizigenza – Please me (Official Video) – YEGOB #rwanda #RwOT

    This post was created with our nice and easy submission form. Create your post!

    Source : https://yegob.rw/juno-kizigenza-please-me-official-video/

  • Ibibazo bya politiki n’ubushake buke mu byadindije iyubakwa ry’imihanda ya Gari ya Moshi mu Karere – #rwanda #RwOT

    Uwo mushinga mushya wa Gari ya Moshi u Rwanda ruhuriyeho na Tanzania na RDC wakomwe mu nkokora n’icyorezo cya Covid-19 ugiye kongera gusubukurwa kandi imirimo ikihutishwa.

    Umushinga wa Gari ya moshi u Rwanda rwari rufitanye n’ibihugu bya Kenya, Uganda na Sudani y’Epfo bihuriye mu Muhora wa Ruguru, watangijwe mu Ukwakira 2013, hagamijwe kwihutisha iterambere ry’imishinga ibi bihugu byiyemeje irimo kubaka umuhanda wa gari ya moshi, ibigega bitunganya peteroli n’impombo zayo zizayikwirakwiza, koroshya itumanaho n’ibindi.

    Minisitiri Gatete yabwiye Inteko rusange Umutwe w’Abadepite ko uyu mushinga utakomeje ngo ugere ku ntego yawo bitewe n’ibibazo birimo ibya politiki n’ubushake buke bw’ibihugu birimo na Uganda.

    Yagize ati “Mu Muhora wa Ruguru habaye ikibazo kijyanye na politiki aho bitashobotse kuko twari twakoze ibishoka byose kugira ngo dutangire akazi twese. Muri Kenya gari ya moshi yaratangiye iva Mombasa igera Nayivasha ariko ntiyakomeza ngo igere ku mupaka wa Uganda, na yo ntiyagira icyo ikora.”

    Nyuma yo kubona ko uyu mushinga wo mu Muhora wa Ruguru utari gushyirwamo imbaraga, u Rwanda rwahanze amaso uwo mu Muhora wo Hagati uhuza Dar Es Salam na Kigali ndetse ugakomeza muri Congo unyuze mu Karere ka Rubavu.

    Uyu mushinga na wo wari uri kwihutishwa waje gukomwa mu nkokora n’icyorezo cya Covid-19 cyatumye muri Werurwe 2020, ibihugu by’u Rwanda, RDC, Tanzania na Banki Nyafurika Itsura Amajyambere bidahura ngo bigirane ibiganiro bigamije kunoza ishyirwa mu bikorwa ryawo.

    Uretse ibi bibazo bya Covid-19 ariko uwari Perezida wa Tanzania, Dr John Pombe Magufuli, na we yitabye Imana kandi yari umwe mu bashyize imbere iyihutishwa ry’umushinga gusa Samia Suluhu Hassan wamusimbuye yatanze icyizere ko imishinga Tanzania n’u Rwanda bihuriyeho izakomeza.

    Ku wa 26 Nyakanga 2021, Minisitiri Gatete Claver na we yabwiye Abadepite ko ibihugu byombi byasubukuye ibiganiro kugira ngo imirimo yihutishwe.

    Ati “Twatangiye kuganira na Tanzania kuko nyuma y’icyo gihe nabwo hajemo amatora muri Tanzania hazamo n’ibyago bagize byo gupfusha umukuru w’igihugu akazi kagenda buhoro. Ubu twongeye kubisubukura no mu byumweru bibiri bishize twaganiraga na Tanzania kuri iki kibazo noneho dutangire dukore kuko ibyangombwa bindi byose byararangiye.”

    Minisitiri w’Ibikorwa remezo, Amb. Gatete Claver, yasobanuriye Inteko Rusange Umutwe w’Abadepite ishingiro ry’umushinga w’itegeko rigenga gutwara abantu n’ibintu ku butaka no mu mazi

    -  Imiterere y’umushinga n’inyungu ku Rwanda

    Mu 2000 ni bwo umuhanda wa Gari ya Moshi uhuza Umujyi wa Isaka muri Tanzania n’uwa Kigali mu Rwanda unyuze ku Rusumo watangiye kuganirwaho ariko ishyirwa mu bikorwa ryawo ritangira gutekerezwaho byihuse mu Ukwakira 2015 ubwo Perezida John Pombe Magufuli yajyaga ku butegetsi.

    Gusa nubwo wakomeje gutekerezwaho amasezerano yo kubaka uyu muhanda w’ibilometero 532 yashyizweho umukono ku wa 9 Werurwe 2018, aho biteganyijwe ko uzatwara asaga miliyoni 3.6$.

    Kuri ubu ariko uyu muhanda uziyongera kuko biteganyijwe ko ugomba guhuza Tanzania, u Rwanda na RDC unyuze i Rubavu mu rwego rwo koroshya ubuhahirane hagati y’ibihugu biwuhuriyeho.

    Abacuruzi bavana ibicuruzwa hanze bagaragaza ko nibura u Rwanda birusaba 4.990$ kuri kontineri itwara imizigo y’ibilo 25.400 mu gihe impuzandengo mu bihugu byo Munsi y’Ubutayu bwa Sahara icyo giciro kiri kuri 2.504$.

    U Rwanda rugaragaza ko uwo muhanda wazagabanya byibuze 40% ku giciro cy’ubwikorezi rwatangaga, bikanoroshya urugendo rw’ibyo rwohereza mu mahanga n’ibyo ruvanayo.

    Ku bacuruzi b’Abanyarwanda uzabagirira akamaro kuko icyambu cya Dar es Salaam kinyuzwaho 70% by’imizigo iza cyangwa iva mu Rwanda.

    U Rwanda rukeneye miliyari 1.3$ azarufasha kubaka inzira ya gari ya moshi ireshya n’ibilometero 138 mu gihe Tanzania ari nayo ifite igice kinini [394 Km] izakoresha miliyari 2.3$

    -  Hakenewe kunozwa amategeko y’ubwikorezi

    Minisitiri Gatete ageza ku Nteko Rusange Umutwe w’Abadepite ishingiro ry’umushinga w’itegeko rigenga gutwara abantu n’ibintu ku butaka no mu mazi yasobanuye ko mu Rwanda nta tegeko rigenga inzira ya gari ya moshi ririho kandi ibikorwa byo kuyubaka bishyizwemo imbaraga na guverinoma.

    Ati “Uretse kugenga inzira ya gari ya moshi, uyu mushinga w’itegeko ugamije kuziba icyuho mu mategeko asanzwe ariho no kugenga ibikorwa bitari bifite amategeko abigenga, nko gutwara abantu n’ibicuruzwa ku butaka no mu mazi ubusanzwe bigengwa n’amabwiriza y’Urwego Ngenzuramikorere, RURA.”

    Iyi ngingo yatumye abadepite bibaza niba iryo tegeko rizashyirwa mu bikorwa mu buryo butagira uwo buhutaza ndetse no ku nshingano RURA isanzwe igenzura imikorere y’ubwikorezi ku butaka no mu mazi ishobora kuzasigarana.

    Depite Murebwayire Christine yabajije ku kibazo cy’abari basanzwe batwara abantu mu biyaga biri mu gihugu hagati bakoresheje ubwato bukozwe mu biti uko bazafashwa muri uyu mushinga.

    Mugenzi we, Depite Aimée Sandrine Uwambaje we yabajije inshingano inshingano RURA izasigarana mu bijyanye n’ubwikorezi mu Rwanda mu gihe iryo tegeko ryasohoka mu igazeti ya Leta.

    Mu gusubiza ibi bibazo, Minisitiri Gatete yavuze ko itegeko rigamije gufasha abari mu mwuga kurushaho gukora mu buryo bunoze ariko n’amabwiriza y’Urwego Ngenzuramikorere akajya ashingira ku mategeko.

    Ati “Ku bijyanye na bariya bantu basanzwe batwara amato bariya na bo nubwo basanzwe banabikora akavuga ati ‘njyewe mbikoze imyaka myinshi hagomba kubaho isuzuma kugira ngo noneho ibyo abuze abibone ariko akomeze kubikora mu buryo bwa kinyamwuga.”

    Yakomeje ati “Aha ikibazo cyari gihari ntabwo mu by’ukuri iri tegeko risimbura amabwiriza ahubwo ayo mabwiriza ntiyari afite itegeko ashingiraho. Itegeko ryo rizajyaho hanyuma amabwiriza atangwa na RURA azakomeza, ashingiye ku itegeko niba hari n’ibibuzemo byongerwemo ariko byombi bizaba bihari.”

    Inteko Rusange umutwe w’Abadepite yemeje ishingiro ry’umushinga w’iri tegeko, ugiye koherezwa muri Komisiyo ikawunononsora mbere yo gutorwa ingingo ku yindi.

    Abadepite bemeje ishingiro ry’umushinga w’itegeko rigenga gutwara abantu n’ibintu ku butaka no mu mazi

    Ibikorwa by’iyubakwa ry’umuhanda wa Gari ya Moshi uhuza u Rwanda, Tanzania na RDC bigiye kwihutishwa

    I Masaka ni hamwe mu hantu hateganyijwe kubika imizigo ivuye mu mahanga irimo n’iyatwawe na Gari ya Moshi

  • Abanyeshuri basoje ibizamini bya Leta bashyiriweho uburyo bwo gusubira iwabo – #rwanda #RwOT

    Mu gihe ibice bimwe na bimwe by’igihugu biri muri gahunda Guma mu rugo, abanyeshuri bari gusoza ibizamini bya Leta bisoza Icyiciro rusange n’iby’Amashuri yisumbuye bitegura gusubira mu miryango ya bo bashyiriweho uburyo bagomba gufashwamo mu ngendo za bo.

    Mu itangazo ry’Ikigo cy’Igihugu gishinzwe Ibizamini n’Ubugenzuzi mu mashuri (NESA) cyashyize ahagaragara, ryagaragaje ko abanyeshuri bari gusoza ibizamini bya Leta bari bacumbikiwe mu bigo bigiye gutaha ariko mu buryo bwagenwe.

    NESA yavuze ko abanyeshuri bakorera mu bigo bacumbitsemo ariko ishuri bigamo riherereye mu turere batahamo bazatangira gutaha ku wa 28 Nyakanga 2021 babifashijwemo n’ubuyobozi bw’uturere aho bishoboka.

    Ku Cyumweru, tariki ya 1 Kanama 2021, ni bwo abanyeshuri bakoreye mu bigo bidaherereye mu turere batahamo bazataha bahereye ku biga mu Ntara y’Amajyepfo n’Umujyi wa Kigali, ku munsi ukurikiye hatahe abiga mu Majyaruguru, hasoze ab’Iburengerazuba n’Iburasirazuba.

    Ubuyobozi bwa NESA bwasabye abanyeshuri bakiri mu bizamini bya siyansi gukomeza kwitwararika.

    Buti “Ku banyeshuri bazasigara ku mashuri bakora ibizamini ngiro bya siyansi ariko bataha mu turere ibigo byabo biherereyemo na bo bazajya bataha uko babirangije.”

    Abayobozi b’amashuri n’abashinzwe uburezi basabwe gufasha abanyeshuri bakiri mu bigo ndetse no kubafasha kwishyura amatike ku gihe.

    NESA yakomeje iti “Abayobozi b’amashuri ari gukorerwaho ibizamini bya Leta, abashinzwe uburezi mu turere no mu mirenge basabwa gukomeza gukurikirana imibereho y’abanyeshuri, imyitwarire ya bo mu gihe bategereje gusubira iwabo no kubafasha kubahiriza ingengabihe y’ingendo no kugura amatike hakiri kare.”

    Uretse abanyeshuri ariko hari n’abarimu cyangwa abayobozi b’ibigo by’amashuri bari gufasha abanyeshuri kugira ngo ikorwa ry’ibizamini rigende neza, na bo basabwe gukomeza kwitwaza amakarita bahawe na NESA kugira ngo bafashwe mu ngendo.

    Abanyeshuri bagiye gusanga abandi mu biruhuko basabwe gukomeza kwitwararika no kubahiriza amabwiriza yo kwirinda ikwirakwira ry’icyorezo cya Covid-19 gikomeje kwibasira Isi kidasize n’urubyiruko.

    Ibizamini bisoza icyiciro rusange n’amashuri yisumbuye byatangiye gukorwa ku wa 20 Nyakanga 2021 byazojwe kuri uyu wa 27 Nyakanga 2021 ariko abazakora ibizamini ngiro (Pratique) bazabikomeza ku wa 28 Nyakanga 2021.

    Abanyeshuri bari gusoza ibizamini bashyiriweho uburyo bwo gusubira iwabo

    Abanyeshuri basoje ibizamini bya Leta by’Icyiciro rusange n’Amashuri yisumbuye bagiye gutangira gufashwa gutaha

  • Inteko yemeje ishingiro ry’umushinga w’itegeko rigenga gutwara abantu n’ibintu ku butaka no mu mazi – #rwanda #RwOT

    Minisitiri w’Ibikorwaremezo, Amb. Gatete Claver, washyikirije inteko uyu mushinga, yerekanye ko hari icyuho cyari mu itegeko risanzweho, kuko ritashyiragaho amategeko agenga ingendo zo mu muhanda yaba izo gutwara abagenzi cyangwa ibicuruzwa.

    Yavuze ko uyu mushinga uzashyiraho amategeko atari ariho harimo n’ayo gutwara abagenzi n’ibicuruzwa mu nzira za gari ya moshi cyane ko Guverinoma y’u Rwanda iri gushyira ingufu mu bikorwa byo kubaka inzira zayo mu gihugu kugira ngo igihe hatangiye izi ngendo hazabe hari amategeko azigenga cyane ay’imikoranire y’inzego.

    Abadepite ubwo bemezaga ishingiro ry’uyu mushinga w’itegeko bavuze ko rizanashyiraho amategeko arengera umutekano w’abagenzi n’ibicuruzwa by’abakora ingendo zo mu mazi.

    Depite Imaniriho Clarisse yasabye ko hashyirwaho amategeko agena ko utwara ubwato agomba kuba abifitiye uruhushya nk’uko umushoferi utwara mu muhanda agomba kuba afite uruhushya rwo gutwara imodoka.

    Ati “Nshaka kumenya niba hari uburyo bwashyizweho ku ruhushya rwo gutwara ubwato. Ubundi hari ahantu umuntu yabyigira [gutwara ubwato] igihe abikeneye?”

    Depite Bakundufite Christine yavuze ko itegeko rigenga inzira zo mu mazi rigiye kwigwaho byimbitse gusa agaragaza ko hari ikibazo cy’uko nta mashuri ahari mu Rwanda umuntu yakwigiramo gutwara ubwato.

    Yongeyeho ati “Hari ibihugu twumva ubwato bwaguye abagenzi bagapfira mu mazi. Turi gukora iki kugira ngo twizere umutekano w’abagenzi? Birakenewe ko habaho igenzura rihoraho ku buziranenge bw’ubwato buri gukoreshwa.”

    Minisitiri Gatete yavuze ko hari Abanyarwanda bari gutorezwa muri Tanzania uko batwara ubwato n’uko babukora igihe bwahuye n’ikibazo, kuko mu Rwanda nta nzira z’amazi ziteye imbere zihaba.

    Yongeyeho ko hari umushinga mu Rwanda wo kubaka ibyambu bine harimo ikizubakwa Nyamyumba muri Rubavu, Rusizi ahitwa Budiki, ikizubakwa mu Karere ka Karongi n’ikindi kizashyirwa mu Rutsiro ahitwa Nkora.

    Yakomeje agira ati “Tuzi neza ko ingendo zo mu mazi zizaba ari ikintu gikomeye, rero tugomba kubitegura bihagije. Turashaka ko hashyirwaho amategeko kugira ngo zizakorwe neza.”

    Abajijwe aho ishyirwa mu bikorwa ry’umushinga wa gari ya moshi rigeze, yavuze ko inyigo yarangiye hasigaye gutegura uburyo uzashyirwa mu bikorwa cyane mu bijyanye n’amafaranga azakoreshwa ndetse ko hari gukorwa ibiganiro bigamije kurebera hamwe ingengo y’imari bizatwara.

    Gusa yerekanye ko umuhanda wa gari ya moshi uzava Isaka muri Tanzania werekeza i Kigali biteganyijwe ko uzatwara miliyari 1,3$. Iki gice nikimara kuzura hazakurikiraho inyigo yo kubaka umuhanda wa gari ya moshi Kigali-Rubavu, witezweho koroshya ingendo zihuza u Rwanda na Repubulika Iharanira Demokarasi ya Congo.

    Minisitiri w’Ibikorwaremezo, Amb. Gatete Claver, yavuze ko hari amategeko y’ingenzi yaburaga mu itegeko rigenga imihanda mu Rwanda, ndetse ko hatari hari n’agenga ingendo zo mu mazi na gari ya moshi

    Abadepite bemeje umushinga w’itegeko rigenga gutwara abantu n’ibintu ku butaka no mu mazi mu Rwanda. Iki gikorwa cyabaye hifashishijwe ikoranabuhanga