Category: Uncategorized

Ibi biyobyabwenge byose byafatiwe mu bikorwa bya Polisi y’u Rwanda kuva muri Mutarama 2021 kugeza muri Nyakanga, byafatiwe mu Murenge wa Byumba mu tugari dutandukanye tugize uyu murenge.

Umuyobozi wa Polisi mu Karere ka Gicumbi, Superintendent of Police (SP) Gisanga Ndahimana yashimiye abaturage ku ruhare bakomeje kugaragaza mu kurwanya ibiyobyabwenge bafatanije na Polisi y’u Rwanda n’izindi nzego z’umutekano.

Ati ”Turashimira abaturage bagira uruhare mu gufasha Polisi y’u Rwanda n’izindi nzego kugira ngo duhagarike abantu binjiza mu Rwanda ibi biyobyabwenge. Byose biva hanze y’u Rwanda kuko ababyinjiza bafatwa baturutse mu gihugu cya Uganda, turasaba abaturage gukomeza ubu bufatanye.”

SP Gisanga yakomeje agaragaza ko abenshi mu bafatirwa mu bikorwa byo kwinjiza ibiyobyabwenge mu gihugu baba biganjemo urubyiruko ruzwi ku izina ry’Abarembetsi. Yabasabye kubivamo bakitabira imishinga itandukanye Leta igenda ibashyiriraho ibateza imbere aho kwishora mu bikorwa byabafungisha cyangwa bakaba babura ubuzima.

Ati “Muri kano gace ko mu Ntara y’Amajyaruguru cyane cyane mu turere twa Musanze, Burera na Gicumbi haba urubyiruko ruzwi ku izina ry’abarembetsi. Nibo bafatirwa mu bikorwa byo kwinjiza mu Rwanda ibiyobyabwenge n’ibindi bicuruzwa bitemewe. Leta yashyizeho imishinga, twavuga iyo gukora imihanda, gutera amashyamba n’ibyatsi mu Karere ka Gicumbi (Green Gicumbi) hari n’abandi bafatanyabikorwa bagenda bazana ibikorwa biteza imbere urubyiruko. Iyi mishinga yose abahabwamo akazi ba mbere ni ruriya rubyiruko kugira ngo ruve muri biriya bikorwa bihungabanya umutekano w’abaturage (Abarembetsi).”

Umuoyobozi wa Polisi mu Karere ka Gicumbi yasabye abaturage gukomeza kugaragaza abakomeza kwinjiza mu Rwanda ibiyobyabwenge n’ibindi bicuruzwa bitemewe. Yabibukije ko aribyo biteza umutekano mucye nko gukora ibyaha bitandukanye, gufungwa ndetse bamwe bakaba babiburiramo ubuzima kuko babyinjiza mu gihugu bitwikiriye ijoro.

Muri biriya biyobyabwenge byose byafashwe byafatiwemo abantu 28 bakorerwa amadosiye ashyikirizwa ubushinjacyaha. Amadosiye 20 yarimo abantu bafatanwe kanyanga, abantu 7 bafatanwe urumogi undi umwe yafatanwe ikiyobyabwenge cya Mayirungi. Aba bose bakatiwe n’inkiko bahabwa ibihano bitandukanye ubu barimo kurangiza ibihano byabo muri gereza ya Miyove yo mu Karere ka Gicumbi.

Iteka rya minisitiri nº 001/moh/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira ikiyobyabwenge cy’urumogi mu biyobyabwenge bihambaye.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko Umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Urubyiruko rwasabwe kwirinda ibikorwa bibi birimo gutunda cyangwa gucuruza ibiyobyabwenge

Ibi yabitangaje kuri uyu wa Kanae tariki ya 5 Kanama 2021 mu nama yagiranye n’abayobozi hamwe n’abajyanama mu mirenge irindwi yo mu Karere ka Gatsibo ihana imbibi n’Akarere ka Nyagatare.

Ni inama yakomereje no muri aka Karere aho igamije kurebera hamwe uburyo ibiyobyabwenge bikunze kuboneka muri utu turere na magendu bituruka muri Uganda byacika.

Guverineri Gasana yavuze ko bahisemo gukoresha ubukangurambaga mu kurwanya abambutsa ibiyobyabwenge, kugira Umudugudu utarangwamo icyaha n’uburyo bwo gufunga inzira 70 zakoreshwaga n’abarembetsi nk’uburyo bwitezweho kubafasha.

Ati “Mu gihe rero twakajije ingamba zo kugira ngo dukumire tunarwanye rwose izo nzira zitazwi bizagenda neza, ubu twateguye abantu bo kudufasha gufunga izo nzira, iyo ugiye kureba usanga twarabonye ahantu 70 baca hatari hazwi.”

Yakomeje avuga ko ibi byambu biherereye mu mirenge yo mu Karere ka Nyagatare, avuga ko izo magendu n’ibiyobyabwenge iyo bivuye muri Nyagatare bihita bijya mu Karere ka Gatsibo akaba ariyo mpamvu bari kuganiriza inzego zitandukanye zaho ngo zibafashe mu kubirwanya.

Guverineri Gasana yavuze ko inzira 70 zitari zizwi zanyuragamo abarembetsi zigiye gufungwa

Guverineri Gasana yavuze ko kuva hatangizwa ubukangurambaga bwo kurwanya abakoresha izo nzira zitazwi kuri ubu hari abamaze gufatwa bashyikirijwe ubutabera.
Ati “Ikimaze kugerwaho gikomeye ni uko hari abafashwe ndetse nanavuga yuko no kumenya aho hantu tukahashyira abantu batandukanye baharinda amasaha 24 byaradufashije.”

Abayobozi mu nzego z’ibanze biyemeje guhashya abarembetsi

Bamwe mu bayobozi bo mu nzego z’ibanze mu Karere ka Gatsibo na Nyagatare bijeje ubuyobozi ko bagiye kongera imbaraga mu kurwanya abarembetsi n’abandi bantu bambuka umupaka mu buryo butemewe.

Bizimana Leocardie usanzwe ari umujyanama mu nama Njyanama y’Umurenge wa Nyagihanga, yavuze ko ikibazo cy’abarembetsi n’abandi bantu batandukanye binjiza magendu ngo bacyumva mu Murenge wabo, ariko ngo abo bantu akenshi baba bitwaje intwaro ku buryo bigoye kubafata.

Yavuze ko bagiye gushaka abantu bazajya bahanahana amakuru n’izindi nzego zirimo Polisi n’ubuyobozi bw’Umurenge kugira ngo ahafatwe abagerageza gukora ibikorwa bya magendu.

Gafunzi Geofrey utuye mu Murenge wa Kabarore we yavuze ko ikibazo cy’abarembetsi gikwiriye gushakirwa umuti guhera ku Isibo kugeza ku Murenge ngo kuko si ikibazo cyakemurwa n’urwego rumwe.

Ati “ Inzira aba barembetsi bacamo usanga zihana imbibi n’imirenge ifatanye na Nyagatare nka Ngarama, Kabarore n’Umurenge wa Gitoki, aho rero abayobozi baho guhera ku Isibo kugeza ku Murenge nidufatanya kwamagana ibidakwiriye nibwo bazacika nubwo baza mu gicuku.”

Uhagarariye urubyiruko rw’abakorerabushake mu Murenge wa Kabarore, Sebatware Clement, we avuga ko ingamba urubyiruko rufite ari ugufatanya n’izindi nzego zirimo abayobozi b’imidugudu, Polisi n’izindi nzego zitandukanye.

Intara y’Iburasirazuba n’iy’Amajyaruguru ziherutse kwemeranya kujya zihana amakuru mu gukumira abaturage bambuka bajya muri Uganda, icyo gihe basanze abaturiye umupaka w’iki gihugu baregerejwe ibikorwaremezo byose ku buryo batagikeneye kwambuka umupaka mu buryo bwa magendu.

Kuri ubu uturere dutatu nitwo dukora ku gihugu cya Uganda harimo Akarere ka Gicumbi gafite imirenge itatu, aka Burera gafite imirenge itandatu ndetse n’aka Nyagatare na ko gafite imirenge itandatu.

Umuyobozi wa Polisi mu Ntara y’Iburasirazuba CP Hatari Emmanuel yasabye abayobozi mu nzego z’ibanze gutanga amakuru

Abayobozi mu nzego zitandukanye bitabiriye iyi nama ya aye hubarijwe amabwiriza yo kwirinda COVID-19

Mu kiganiro yagiranye na IGIHE yagarutse kuri byinshi byaranze urugendo rwe nk’umwunganizi mu by’amategeko ndetse asubiza ibibazo benshi bibaza kuri uyu mwuga.

IGIHE: Abantu bakumenye cyane mu rubanza rwa Nsabimana Callixte wamenyekanye nka Sankara, ufite uburambe bw’imyaka imyaka ingahe muri uyu mwunga wo kunganira abantu mu nkiko?

Me Nkundabarashi: Maze iminsi da, mfite uburambe bw’imyaka 11 irengaho amezi make kuko nabaye umunyamategeko wemewe mu ntangiriro za 2010 nkora uyu mwuga, hari Cabinet mpuriyemo na bangenzi banjye yitwa Trust Law Chambers, maze imyaka irenga itandatu mu buyobozi bw’ urugaga, nkaba ndi umwe mu bagize inama y’urugaga kuri ubu nkaba ndi umunyamabanga wayo.

IGIHE: Uburana urubanza rwa Nsabimana Callixte Nsankara ari na rwo wamenyekaniyemo cyane, abantu bemeza ko ari rumwe mu manza zari zikomeye wowe nk’umunyamategeko ubivugaho iki ? Wafashe gute umwanzuro wo kumwunganira mu mategeko?

Me Nkundabarashi: Burya nta rubanza rworoha ku buryo wavuga ko hari imanza zikomenye n’izoroheje, zose ziba zifite uburemere bungana cyane cyane kuri ba nyirazo, ahubwo wenda itandukaniro nsigaye mbona ni uko hari izikurikiranwa n’itangazamakuru zikamenyekana izindi ntizimenyekane kuko itangazamakuru ritazikurikiranye.

Icya kabiri ni uko nta muntu n’umwe utakunganirwa cyangwa ngo ahagararirwe kuko ari uburenganzira bw’ibanze kugira umuntu ukunganira mu mategeko mu gihe ukurikiranywe, ufite ikindi kibazo gituma ugana inzego zifata ibyemezo cyagwa inkiko.

Hari abantu benshi bakunda kumbaza iki kibazo ariko nanjye, nkababaza nti abaye ari wowe ufitanye ikibazo n’amategeko ntiwampamagara? Hari n’abo mbaza nti ’ndabyumva ko ari ko ubibona, ko yakoze icyaha ariko se noneho ko yafashwe wumva byagenda bite?’

Igikwiye kumvikana neza ni uko avoka yunganira cyangwa agahagararira buri wese umugana ufite ibibazo by’amategeko agomba gusubiza, ariko ntabwo bisobanuye ko aba ashyigikiye ibyaha.

IGIHE: Ubundi ukunda kuburana izihe manza?

Me Nkundabarashi: Njye nkunda kuburana imanza z’ubucuruzi cyane, imanza nshinjabyaha nubwo ari zo namenyekaniyemo cyane ntabwo nzikunda nziburana nk’umuhamagaro gusa ariko si bintu byanjye kuburana imanza nshinjabyaha.

IGIHE: Umunyamategeko afite izihe nshingano mu gufasha abantu mu nkiko no mu zindi manza zitandukanye?

Me Nkundabarashi: Kuri icyo kibazo Itegeko Nº 83/2013 ryo kuwa 11/09/2013 rishyiraho Urugaga rw’Abavoka mu Rwanda, rikanagena imitunganyirize n’imikorere byarwo mu ngingo ya 2 agace ka mbere risobanura avoka nk’ umunyamwuga w’amategeko ufasha ubutabera, ushinzwe guhagararira, kunganira no kuburanira abantu mu nzego z’ubutegetsi, iz’ubucamanza n’izindi zose zifata ibyemezo.

Ashobora gutegura umwanzuro no gufata ijambo imbere y’izo nzego. Ashobora kandi kugishwa inama, kunga no gukora inyandiko zose abaje bamugana bakeneye mu rwego rw’amategeko. Kuri aba hiyongeraho ababuranira Leta ndetse n’ababuranira abatishoboye bakuze kwita MAJ bakorera mu turere twose.

IGIHE: Umwuga wo kunganira abantu mu nkiko ufite ayahe mateka mu Rwanda? Ubu uhagaze ute ?

Me Nkundabarashi: Umwuga w’Abavoka mu Rwanda, nyuma ya Jenoside yakorewe Abatutsi mu 1994, Itegeko nº 03/97 ryo ku wa 19/03/1997 ryashyiragaho Urugaga rw’Abavoka ni ryo rya mbere ryabayeho mu 1997, bivuze ko ari bwo bwa mbere mu mateka y’u Rwanda rwari rugize urugaga nk’urwego rwigenga ruhuza abanyamwuga nk’uko n’ahandi ku Isi yose bikorwa.

Byumvikana ko mu byihutirwaga ubuyobozi bwabonaga ko bikenewe nyuma y’imyaka itatu gusa Jenoside yakorewe Abatutsi mu 1994 irangiye, gushyiraho urugaga na byo byajemo icyo gihe, Urugaga rutangira mu 1997 hari abavoka 35 gusa mu gihugu hose murumva ko bari bake cyane ugereranyije n’ibibazo Igihugu cyari gifite cyane kubirebana no kuburanisha imanza zitandukanye z’abacyekwagaho gukora Jenoside.

IGIHE: Imyaka 24 irashize urugaga rugiyeho rwatangiranye abanyamategeko 35 ubu rufite bangahe ?

Me Nkundabarashi: Urugaga rwaragutse ndetse n’abantu benshi bagana uyu mwuga ku buryo ubu rugizwe n’abavoka bagera kuri 1 295, ni ikintu mbona ko ari cyiza kuko bifasha abashaka abavoka kubona ababunganira mu mategeko.

IGIHE: Hari abanyamategeko bamwe bavugwaho ruswa mu nkiko bakaba ikiraro gihuza umuburanyi n’umucamanza kugira ngo agirwe umwere mu rubanza? Ibi hari icyo mubiziho ?

Me Nkundabarashi: Eeee Umbajije ikibazo cyiza ariko kinakomeye na none nk’uko nabivuze mbere na mbere abanyamategeko ni abantu nk’abandi na bo bakora ibyaha, ntabwo abavoka ari abamalayika.

Ikibazo cya ruswa mu banyamategeko kirimo ariko ntabwo kiri ku rwego rukabije twifuza ko nubwo yaba umunyamategeko umwe atakagombye kugaragara mu bikorwa bya ruswa.

Mu myaka 24 ishize abanyamategeko bahamijwe icyaha cya ruswa ni batatu murumva ko tugerageza kurwanya ruswa ariko no mu zindi nzego zifite aho zihuriye n’ubutabera ntabwo waburamo umwe cyangwa babiri bafunzwe bazira icyaha cya ruswa. Ni yo mpamvu buri mwaka Urukiko rw’Ikirenga rutegura icyumweru cyo kurwanya ruswa mu nkiko.

IGIHE: Mu myaka 24 ishize urugaga rw’abavoka rugiyeho rwageze kuki rufite ikihe cyerekezo imbere?

Me Nkundabarashi: Urugaga rwagize uruhare mu itangwa ry’ ubutabera, abanyamategeko bashyiriweho uburyo bwo gukora amahugurwa ahoraho kuko uyu mwuga usaba kujyana n’igihe kandi Isi turimo ibintu bihora bihinduka n’amategeko ubwayo arahinduka bisaba rero guhozaho, ikindi urugaga rwakoze ibishoboka byose kugira ngo abarugize bagire imibereho myiza.

Hashyizweho ubwishingizi mu kwivuza kw’abavoka bose n’imiryango yabo, urugaga rw’abavoka mu Rwanda rumaze kwiyubaka mu buryo budasubirwaho kandi rufite icyerekezo cyiza.

Me Nkundabarashi Moise niwe wunganira mu mategeko Nsabimana Callixte uzwi nka ‘Sankara’ mu rubanza aregwamo ibyaha by’iterabwoba

Me Nkundabarashi ni umwe mu banyamategeko bamaze kubaka izina rikomeye mu Rwanda

Ni itorero rihurije hamwe abasaga ibihumbi bitatu, rikaba riri kuba hifashishijwe ikoranabuhanga kubera ingamba zo kwirinda icyorezo cya Covid-19.

Umunyamabanga wa Leta muri Minisiteri y’Ububanyi n’Amahanga n’Ubutwererane ushinzwe Umuryango wa Afurika y’Iburasirazuba, Prof Nshuti Manasseh watangije iri torero, yavuze ko ari umwanya mwiza ku baryitabiriye wo kuganira ku mateka y’igihugu cyabo no kurebera hamwe icyakorwa ngo gikomeze gutera imbere.

Ati “Muzaganira ku ruhare rwanyu mu kwirinda, gukumira no kurwanya ingengabitekerezo ya Jenoside, ihakana n’ipfobya rya Jenoside yakorewe Abatutsi no kwikamakaza ubumwe bw’Abanyarwanda.”

“Itorero ni bumwe mu buryo budufasha gusigasira no gukomeza kunga ubumwe mu Banyarwanda baba mu mahanga, twita cyane cyane ku rubyiruko kugira ngo nubwo bataba mu Rwanda bakomeze barwiyumvemo biyubakemo indangagaciro zibafasha gukomeza gukorera no guteza imbere u Rwanda, baruhagararira neza aho batuye kandi bakomeza kurushakira amaboko n’inshuti.”

Prof Nshuti yavuze ko nko ku basanzwe bafite indi mirimo bakora, Itorero ari umwanya mwiza wo kwiyungura ubumenyi “buzabafasha mu nshingano zanyu za buri munsi kandi bikabagirira akamaro n’u Rwanda”.

Umuyobozi wungirije w’Itorero ry’u Rwanda, Lt Col Désiré Migambi Mungamba yavuze ko Itorero ryahoze ari irerero ry’u Rwanda kuva rwahangwa, rikaba ryaratumaga igihugu gihorana ubumwe.

Yavuze ko ubwo ryacibwaga mu gihe cy’ubukoloni ari bwo igihugu cyatangiye kwinjira mu bibazo by’ivangura, ryagejeje kuri Jenoside yakorewe Abatutsi.

Lt Col Désiré Migambi yavuze ko itorero ari nk’akagozi kaziritse ubumwe bw’Abanyarwanda, gakwiriye gukomeza gusigasirwa ngo rudahungabana.

Iri torero ‘Indahangarwa’ ryitabiriwe n’urubyiruko rw’u Rwanda rwaba urw’imbere mu gihugu no mu mahanga ruri hagati y’imyaka 18 na 35.

Rihuriyemo abiga muri za Kaminuza, abakozi b’indashyikirwa bavuye mu nzego z’imirimo zitandukanye, abarezi mu mashuri atandukanye, Abahanzi n’abandi.

Umuyobozi wungirije w’Itorero ry’u Rwanda, Lt Col Désiré Migambi Mungamba yavuze ko Itorero ari irerero ry’u Rwanda

Prof Nshuti Manasseh ni umwe mu bayobozi bakuru bitabiriye umuhango wo gutangiza Itorero E-Itorero Indahangarwa

Ku mugoroba wo kuri uyu wa Kane tariki ya 5 Kanama 2021, nibwo iyi Kamyo yari itwaye umucanga yaje kubura feri iramanuka igonga umusore ndetse n’umucanga yari itwaye umumenekaho. Yamugonze imusanze mu nzira yagenewe abagenzi ahita ashiramo umwuka.

Bamwe mu baturage babonye iyi mpanuka babwiye IGIHE ko yatewe n’uko ikamyo yacitse feri banashimangira ko uwari uyitwaye yahisemo kuyiyoborera mu ruhande rwari rurimo uwo musore yahitanye kugira ngo idahitana abantu benshi.

Uwitwa Kabera Viateur yagize ati “Urabona igikamyo cyaturukaga iriya ruguru noneho kuko cyari cyacitse feri nabonye umushoferi yanze kukiyobora mu nzu z’abaturage ngo kitica abantu benshi ahubwo akijyana muri ruriya ruhande uriya musore yari arimo kuko rutarimo abantu benshi ni bwo cyamukubise n’umucanga wose umujya hejuru arapfa.”

Uretse nyakwigendera wahitanwe n’iyi mpanuka, hanakomerekeyemo abantu batatu bari barimo n’umushoferi wari uyitwaye ku buryo bo bahise bajyanwa kwa muganga n’imodoka y’umurenge wa Nyamirambo.

Iyi kamyo bivugwa ko yari yacitse feri yagonze umusore ahita apfa

Abirukanywe ni abagabo 19, abagore batatu n’uruhinja. Ntabwo haramenyekana icyatumye abo baturage birukanwa.

Guhera mu 2017 Abanyarwanda batuye muri Uganda bakunze kwibasirwa n’inzego zishinzwe umutekano muri icyo gihugu, basabwa kwifatanya n’imitwe igamije guhungabanya umutekano w’u Rwanda, babyanga bagafungwa bitwa intasi, abagize amahirwe bakajugunywa ku mupaka ari intere.

Mu minsi ishize, Uganda yajugunye ku mupaka Abanyarwanda barimo n’abana bato biga mu mashuri yisumbuye, bashinjwa kuba intasi.

Kuva uyu mwaka wa 2021 watangira, ku mupaka wa Kagitumba hamaze kujugunywa abanyarwanda inshuro eshanu, nyuma igihe bafungiye muri Uganda.

Abakiriwe n’u Rwanda muri izo nshuro ni 42 barimo n’abana bigaga mu mashuri yisumbuye cyo kimwe n’abagore batandukanyijwe n’abagabo babo bakaza kongera guhurira ku mupaka bose bari bafunzwe nta n’umwe uz’iby’undi.

Mu 2019 ibihugu byombi byasinye amasezerano yo guhosha ubwo bugizi bwa nabi ariko uruhande rwa Uganda rusa n’urwinangiye kubahiriza ibyo rusabwa.

Inkuru irambuye mu kanya….

Abanyarwanda 23 birukanywe ubwo bageraga ku mupaka wa Kagitumba

Aba bagabo bombi ntibakiri mu nshingano zabo, baziviriyeho mu bihe bimwe. Kamugisha yari Umuyobozi Mukuru ushinzwe ishami rishinzwe inganda no kwihangira imirimo, ubu “amaze nk’ukwezi” asimbuwe hashyirwaho uw’agateganyo ku mwanya we.

Amakuru agera kuri IGIHE ni uko baba baragize uruhare mu ikoreshwa nabi ry’amafaranga y’imishinga itandukanye.

Bivugwa ko bari gukurikiranwa n’ishami rya RIB rishinzwe ibijyanye no kurwanya ibyaha bya ruswa.

Byigero uri gukorwaho iperereza, muri Nyakanga yirukanywe ku buyobozi bwa WASAC nyuma y’iminsi 198 yari amaze ayobora iki kigo. Ni we muyobozi wakiyoboye igihe gito kuva mu 2014.

Yavuye kuri uyu mwanya anengwa kudasobanukirwa neza imiterere y’imishinga ku buryo “yari yarananiwe” guhuza Politiki z’iki kigo.

Umuvugizi wa RIB, Dr Murangira B.Thierry, yemereye IGIHE ko aba bagabo bombi bahamagajwe n’uru rwego rw’ubugenzacyaha gusa ntiyatangaje ibyo bakurikiranyweho.

Ati “Nibyo ko Byigero Alfred wahoze ari Umuyobozi wa WASAC na Kamugisha Samuel wahoze ari Umuyobozi muri MINICOM, bitabye RIB kugira ngo babazwe kuri dosiye RIB iri gukoraho iperereza, kandi si bo bonyine bitabye.”

Dr. Murangira yavuze ko gutangaza ibyo bakurikiranyweho bishobora kubangamira iperereza.

Gusa ku rundi ruhande, amakuru yizewe agera kuri IGIHE ni uko bifitanye isano n’imikoreshereze mibi y’umutungo wa Leta.

Mu 2019 nibwo Kamugisha yagizwe Umuyobozi Mukuru muri Minisiteri y’Ubucuruzi n’Inganda ushinzwe ishami ry’inganda no guhanga imirimo. Hashize ukwezi asimbuwe kuri uyu mwanya.

Byigero yirukanywe amaze amezi atandatu ari Umuyobozi Mukuru wa Wasac

Kamugisha Samuel ari gukorwaho iperereza na RIB

Ni igikorwa kiraba ku gicamunsi tariki 6 Kanama kibere i Remera mu Murenge wa Ruheru, mu Karere ka Nyaruguru.

Biteganyijwe ko Guverineri w’Intara y’Amajyepfo, Kayitesi Alice ari we uhagararira Guverinoma y’u Rwanda muri uwo muhango, akabanza kugirana ibiganiro n’abayobozi ku ruhande rw’u Burundi.

Guverineri w’Intara y’Amajyepfo, Kayitesi Alice mu kiganiro gito yagiranye na IGIHE, yavuze ko abaturage barashyikirizwa u Rwanda ari abambutse bajya mu Burundi mu buryo bunyuranyije n’amategeko.

Icyakora, yavuze ko ikigambiriwe cyane ari ibiganiro n’ubuyobozi ku ruhande rw’u Burundi mu gushaka uburyo bazahura umubano, by’umwihariko ku bice bihana imbibi n’Intara y’Amajyepfo ahakunze kugaragara ibikorwa bihungabanya umutekano by’imitwe yitwaje intwaro.

Yavuze ko ibiganiro biri bwibande ku bufatanye bugamije gukumira ibyo bikorwa.

Abanyarwanda bagiye gusubizwa mu gihugu cyabo ni abagiye bambuka mu buryo butemewe n’amategeko, ahanini bakisanga bambutse umupaka bibatunguye dore ko ku gice gikora kuri Nyaruguru, nta mupaka ugaragara uhari usibtye amasambu.

Ibyo bituma hari ubwo abaturage bajya mu bikorwa byabo bya buri munsi bakaba bakwisanga barenze imbibi.

Iki gikorwa kije gikurikira icyo u Rwanda rwakoze mu mpera z’ukwezi gushize, ubwo rwashyikirizaga u Burundi abarwanyi 19 ba RED Tabara bafatiwe muri Nyungwe umwaka ushize.

Ni ikimenyetso cy’umubano w’ibihugu byombi ukomeje kuzahurwa nyuma yo kujya ku butegetsi kwa Perezida Evariste Ndayishimiye.

Ishusho y’umubano mwiza yarushijeho kugaragara kandi kuwa 1 Nyakanga uyu mwaka, ubwo Minisitiri w’Intebe w’u Rwanda, Dr Edouard Ngirente yitabiraga umuhango wo kwizihiza umunsi w’ubwigenge bw’u Burundi.

Umubano w’ibihugu byombi wazambye mu 2015 ubwo Pierre Nkurunziza wahoze ari Perezida yatorerwaga manda ya gatatu, igakurikirwa n’imvururu no gushaka kumuhirika ku butegetsi.

Igihugu cye cyakomeje gushinja u Rwanda kwakira abashatse guhirika ubwo butegetsi no kubashyigikira ngo basubire guhungabanya umutekano, ibintu u Rwanda rwamaganye rwivuye inyuma.

U Rwanda kandi na rwo rwashinjaga u Burundi guha rugari abarwanyi b’imitwe yitwaje intwaro irimo FDLR igizwe na bamwe bagize uruhare muri Jenoside yakorewe Abatutsi.

Icyo gihugu kandi cyagiye kiba inzira imitwe irimo FLN yakoreshaga mu kugaba ibitero ku Rwanda, byagiye bihitana inzirakarengane guhera mu 2018.

U Rwanda ruherutse gushyikiriza u Burundi abarwanyi 19 ba RED Tabara bafatiwe muri Nyungwe

Uwiringiyimana avuga ko hari kwiga uko umuganura wahuzwa n’imihigo

Umuyobozi wungirije wa (RCHA), Jean Claude Uwiringiyimana, avuga ko umuganura ubundi atari umuhango wo guhura no gusabana gusa, ahubwo ari inzira yatangiraga muri Kanama, umwami na rubanda rwe bishimira ibyagezweho akabaha imbuto, abajya ku murimo bakawutangira kandi basa nk’abahiganwa kuzabona umusaruro mwiza bazongera kumurikira umwami.

Uwiringiyimana atangaza ko kuri ubu abayobozi n’abaturage basigaye bagira imihigo imurikirwa umukuru w’Igihugu kandi umusaruro babonye mu gihe cyose cy’umwaka bakawishimira, abakoze neza bakabishimirwa, abakoze nabi bakagawa cyangwa bakagirwa inama z’ibyo bashyiramo imbaraga.

Uwiringira avuga ko imbuto umwami yatangaga abaturage bakajya kubiba ikazunguka bakiteza imbere, ifatwa nk’ingengo y’imari ihabwa inzego z’ibanze ngo ikoreshwe ibikorwa biteza imbere abaturage.

Agira ati “Hari gutekerezwa ukuntu umuganura nyarwanda wahuzwa n’imihigo noneho ya mbuto umwami yatangaga ikaba ari ya ngengo y’imari igenerwa inzego zitandukanye, tukazagira igihe cyo kubyishimira tukanareba ibitaragezweho tugafata ingamba zo kubishakira ibisubizo”.

Ati “Urumva rero igikorwa nk’icyo gituma duhura tukaganira ku byo twagezeho tugafata na gahunda yo gutekereza ku bizaza, ubwo busabane burakomeye cyane. Uko gukorera hamwe, uko kumva izo mbuto nk’umushinga mugari w’Igihugu, kiba ari ikintu gikomeye cyane”.

Kuri uyu wa 06 Kanama 2021, Abanyarwanda barongera kwizihiza Umuganura mu buryo budasanzwe kubera icyorezo cya Covid-19, aho biteganyijwe ko wizihirizwa mu miryango, Abanyarwanda bakaba basabwa kuganuzanya birinda gutumirana no gusurana.

Uwiringira avuga ko hari n’ibindi bikorwa byabaye mu cyumweru cy’Umuganura, ahatanzwe ibiganiro bitandukanye mu buryo bw’ikoranabuhanga birimo n’ibyahuje Abanyarwanda ababa mu mahanga.