Webrwanda Backend

Category: Uncategorized

  • Nyuma yo gucibwa intege kenshi, Gad Aim yash… – #rwanda #RwOT

    Aririmba indirimbo zo kuramya no guhimbaza Imana, kuri ubu akaba yashyize hanze indirimbo yitwa 'Rabbi' bisobanura mu rurimi rw'ikinyarwanda 'Mwigisha' nk'uko Gad Aime abitangaza.

    Iyi ndirimbo ikaba yarakorewe mu nzu itunganya umuziki ya 'High Way Music' amashusho atunganywa na 'Rene Neol'. Gad mu kiganiro yagiranye n'INYARWANDA akaba yatangaje byinshi ku buzima bwe.

    Yagize ati: 'Bimwe mubyo ninjiranye mu muziki wo kuramya no guhimbaza Imana n'ubwo aribwo ngitangira ariko, nzagerageza gutuma intama za Kristo zirushaho kumukunda kurushaho.'

    Akomeza agira ati: 'Ndacyari umunyeshuri, umuziki nkora ninjye wimenya kuko nkukunda, kandi nifuza gukora ivugabutumwa rifite imbaraga binyuze mu ndirimbo kandi 'Rabbi' nizera ko izarushaho gutuma abantu bumva ubwiza bw'Imana.'

    Gad Aime washyize indirimbo nshya hanze yitwa ‘Rabbi’

    Yiswe Habarurema Aime Gad, yavukiye mu mujyi wa Kigali akurira mu muryango ukunda Imana, usengera mu rusengero rwa Advantitse. Gad yatangiye kuririmba afite imyaka micye muri korali zinyuranye.

    Ubwo yinjiraga mu mashuri yisumbuye yatangiye kumva yakora umuziki usanzwe, atangira kujya aririmba abandi banyeshuri bagakunda ibihangano yakoraga mu njyana ya Rnb na Afrobeat.

    Yajyaga yitabira amarushanwa anyuranye yo kwerekana impano. Asoje icyiciro rusange agiye mu mwaka wa kane nibwo bwa mbere yinjiye muri Studio, akorera mu yitwa Capital Record.

    Nyamara indirimbo yakoze ntiyigeze ijya hanze, bitewe n'umuryango utarifuzaga ko yaba umuhanzi w'indirimbo yaba izisanzwe n'izo kuramya no guhimbaza Imana.

    Yahise atangira guhabwa akato, ibikoresho birimo imashini, telefone na radiyo arabyakwa, muri ubwo bw'igunge niho yumvise azamutswemo n'indirimbo yindi nshya, indirimbo ishingiye ku kababaro yanyuzemo igira iti: 'Aho inshuti zansize warahabaye, aho imiryango yansize wabaye, nanjye uranyiyereka'. Haciyeho igihe, iyi ndirimbo yarayikoze muri studio, ayita 'Nyuzuza'.

    Maze yumva ibyo gukora indirimbo zisanzwe bimuvuyemo atangira gukora ibihimbano by'umwuka byaririmbiwe Imana. Gad yinjira mu ivugabutumwa kandi rikomeje gufasha abatari bacye, binyuze mu bumva bakanareba ibihangano bye kimwe n'abo aririmbira mu nsengero zinyuranye agenda asura atanga ubutumwa bwiza mu ndirimbo.

     Afite intego yo kugeza ivugabutumwa rye mu ndirimbo kure n'ubwo akiri umunyeshuri yumva azabigeraho

    Source : https://inyarwanda.com/inkuru/108724/nyuma-yo-gucibwa-intege-kenshi-gad-aime-yashyize-hanze-indirimbo-nshya-yitwa-rabbi-video-108724.html

  • Umunyarwenya Arthur Nkusi yashyize hanze amafoto y'ubukwe bwe na Fiona Muthoni #rwanda #RwOT

    Kuri uyu wa Gatatu,Umunyarwenya uri mu ba mbere mu Rwanda akaba n'umunyamakuru kuri Kiss FM Nkusi Arthur yashyize hanze amafoto y'ubukwe bwe na Miss Muthoni Fiona bwabaye kuri uyu wa 14 Kanama 2021.

    Ubukwe bwabo bwabereye ku mucanga wa Rushel Kivu Lodge Hotel. Ni ubukwe bwatashywe n'abantu bake b'inshuti z'aba bombi ndetse nta muntu n'umwe mu bari baburimo wemerewe gusakaza amafoto.

    Bwabaye nyuma yaho ku wa Gatatu tariki 11 Kanama 2021, Rutura na Miss Muthoni Fiona basezeranye imbere y'amategeko muri umwe mu mirenge igize Umujyi wa Kigali.

    Uyu muhango wo gusezerana imbere y'amategeko na wo wagizwe ibanga rikomeye, ndetse amafoto n'amashusho yafashwe n'ababyishyuriwe bari bafite amabwiriza yo kutagira n'imwe ibacika.

    Uretse aba, abari batumiwe muri uyu muhango nabo bari basabwe kudafata amafoto cyangwa amashusho ngo bayasakaze ku mbuga nkoranyambaga.







    Source : https://umuryango.rw/ubuzima-115/imibereho/article/umunyarwenya-arthur-nkusi-yashyize-hanze-amafoto-y-ubukwe-bwe-na-fiona-muthoni

  • Ibyaganiriweho n'abagize Guverinoma mbere y'uko bajya mu kiruhuko #rwanda #RwOT

    Perezida wa Repubulika Paul Kagame yayoboye Inama y'Abaminisitiri idasanzwe yize ku ngingo zitandukanye zirimo kugenzura gahunda yo gukingira icyorezo cya Covid-19 n'izindi ngingo zirimo ijyanye n'ingabo z'u Rwanda zoherejwe mu mahanga.

    Mu itangazo ryashyizwe hanze uyu munsi,Inama y'Abaminisitiri idasanzwe yateranye yaganiriye ku ngingo zinyuranye zirimo:

    Gahunda yo gukingira Covid-19 mu gihugu; Abanyarwanda 951,795 bamaze gukingirwa

    Impapuro mpeshamwenda za Eurobond Guverinoma iherutse gushyira ku isoko ry'u Burayi zaguzwe miliyoni 620 $.

    U Rwanda rwohereje Ingabo na Polisi mu bihugu birimo Centrafrique na Mozambique mu rwego rwo kugarura amahoro n'umutekano no guhashya ibikorwa by'iterabwoba ariyo mpamvu rwiyemeje gukomeza gufatanya n'ibi bihugu kurinda umutekano wabyo.

    Ku rundi ruhande, nyuma y'ingamba zafashwe mu rwego rwo kwirinda ko Covid-19 ikomeza gukwirakwira, Guverinoma y'u Rwanda ikomeje gushyira imbaraga mu kugerageza kwihutisha gahunda yo gukingira, aho ubu hamaze gukingirwa abaturage 8,5%, muri bo 5,4% bahawe doze imwe na ho 3,1% bakaba bamaze guhabwa ebyiri.

    Minisiteri y'Ubuzima iherutse gutangaza ko hafi 50% by'abatuye mu Mujyi wa Kigali bamaze guhabwa urukingo. Barimo abamotari, abashinzwe umutekano, abanyamakuru n'abandi bafite ibyago byinshi byo kwandura cyangwa bakazahazwa n'icyorezo ndetse n'abarengeje imyaka 40.

    Abagize Guverinoma bagiye mu kiruhuko kizarangira kuwa 31 Kanama 2021.

    Itangazo rirambuye:


    Source : https://umuryango.rw/amakuru/mu-rwanda/politiki/article/abagize-guverinoma-bakoze-inama-mbere-y-uko-bajya-mu-kiruhuko

  • Burya koko abavuga bati' Abanyarwandakazi ni beza ntabwo babeshye koko' Dore ubwiza budasanzwe bw' umukobwa bivugwa ko yakoze ubukwe na Rocky Kirabiranya. Amafoto yabo akomeje guteza urunturuntu #rwanda #RwOT

    Mu gitondo cyo kuru uyu wa Kabiri tariki ya 17 Kanama 2021, nibwo hasakaye inkuru ivuga ko Rocky yakoze ubukwe ndetse n'amafoto yasakajwe ku mbuga nkoranya mbaga zitandukanye.

    Amazina y'uyu mukobwa bivugwa ko yakoze ubukwe na Rocky yitwa Ishimwe Carmene

    Twabacukumburiye amafoto y'uyu mukobwa watumye Rocky yivugurura ku cyemezo cyo kudakora ubukwe yari amaranye Iminsi myinshi agahitamo gukora ubukwe bitunguranye.

    Tubibutse ko muri ikigihe urubyiruko muri rusange ruri kurangwa no gukoresha imvugo z'ibumvikanisha nkaho bo ubwabo nta kizere bifitiye.

    Zimwe muri izi zikunze gukoreshwa n'urubyiruko rw'abanyarwanda harimo nka nta myaka ijana cyangwa ntiduteze gukora ubukwe (Nta Gikwe).

    Ucyumva izi mvugo zisigaye zinumvikana mu bihangano byinshi by'abanyarwanda uhita utekereza aho urubyiruko rugana muri macye biberaho nk'abazapfa ejo bityo bagakora icyaricyo cyose ntacyo bitayeho.

    Imvugo ntamyaka ijana ukiyumva bwambere uhita wumvamo igisa nko kwiheba kuko iyo umuntu ageze aho yumva ko nta kuramba afite nyuma yabyo usanga hashibukiraho ibikorwa bikunze gukemangwa.

    Urubyiruko rusigaye rukora burikintu rwitwaje imvugo ntamyaka ijana iyo urebye ku basoma agasembuye bo usanga bagasoma bakarengera abenshi kakabagira imbata zako aho basigara batagishobora kwicunga.

    Indi mvugo ni Ntagikwe cyangwa ngo ntiduteze gukora ubukwe aha iyo urebye cyane ku mbuga nkoranyambaga usanga abenshi mu rubyiruko bashyize imbere imvugo igaragaza ko ntabukwe abenshi bazakora.

    Kurubu mu Rwanda hamaze kugaragara imwe mu mipira yanditseho 'nta gikwe' bigasunikira abenshi mu rubyiruko kwishora mu ngeso mbi zirangajwe imbere n'ubusambanyi bukomeje gufata indi ntera mu rubyiruko rw'iyi minsi.

    Iyo uganiriye n'abakuze kuri iyi ngingo usanga abenshi bavugako mu myaka 18 kugeza kuri 25 abenshi muribo babaga bamaze kurushinga bavugako uwagezaga imyaka 25 atarashaka byabaga ari ikibazo cyane ku muryango we.

    Gusa nanone iyo uganiriye n'urubyiruko usanga bagaruka ku mbogamizi bahura nazo bigatuma badashinga ingo mu myaka yo hasi zimwe murizo bagarukaho harimo ikibazo cy'ubukene.

    Bavugako ibyo abo babyeyi baba bavuga ntaho bihuriye n'ibyiyiminsi doreko bavugako mu gihe cyabo bahabwaga imitungo ndetse bakanafashwa burikintu n'ababyeyi mu gihe babaga bagiye kurushinga.

    bitandukanye nubu aho bavugako umusore cyangwa umukobwa ugiye kurushinga yimenya kuri buri kimwe ugasanga uruhare rw'ababyeyi rusa nurutakiriho.

    Source : https://impanuro.rw/2021/08/18/burya-koko-abavuga-bati-abanyarwandakazi-ni-beza-ntabwo-babeshye-koko-dore-ubwiza-budasanzwe-bw-umukobwa-bivugwa-ko-yakoze-ubukwe-na-rocky-kirabiranya-amafoto-yabo-akomeje-guteza-urunturuntu/

  • Nuko byari bigoye cyane , kuyabona dore amwe mu mafoto yaranze ubukwe bwa Arthur Nkusi na Fiona Muthoni #rwanda #RwOT

      Umunyamakuru wa Kiss FM akaba n'umunyarwenya Arthur Nkusi kuri uyu wa Gatatu tariki ya 18 Kanama 2021, yerekanye amwe mu mafoto yaranze ubukwe bwe n' umukunzi we Fiona Muthoni.
      Ubu bukwe bwaba bombi bwabaye kuri uyu wa Gatandatu tariki 14 Kanama 2021, bubera mu Karere ka Rutsiro ku nkengero z'ikiyaga cya Kivu.
      Ni ubukwe bwitabiriwe n'abantu batari benshi biganjemo abo mu miryango yabo n'inshuti zabo za hafi.
      Nta foto n'imwe yigeze ijya hanze igaragaza isura y'abageni kugera ku mugoroba wo kuri uyu wa Gatatu nyir'ubwite ayishyiriye ku mbuga nkoranyambaga.
      Mu magambo make yanditse yagize ati 'ku wa 18  Kanama 2021 urugendo rushya rwaratangiye, warakoze ku mpitamo rukundo rwanjye.'
      Arthur Nkusi na Fiona Muthoni bari bamaze igihe kinini bakundana ariko urukundo rwabo barugira ibanga.
      Bemeye kubivuga ku mugaragaro ku isabukuru ye y'amavuko mu kiganiro Breakfast With The Stars kuri Kiss FM.
      Fiona Muthoni yabaye igisonga cya gatatu cya Miss Rwanda 2015, aba igisonga cya mbere cya Miss Africa Calabar 2017, ubu ni umunyamakurukazi wa televiziyo ya CNBC Africa.

    Source : https://impanuro.rw/2021/08/18/nuko-byari-bigoye-cyane-kuyabona-dore-amwe-mu-mafoto-yaranze-ubukwe-bwa-arthur-nkusi-na-fiona-muthoni/

  • Abagore barasabwa kuba abambere mu kwita ku bidukikije n'urusobe rw'ibinyabuzima #rwanda #RwOT

    Byavugiwe mu Nteko rusange y'Umuryango Nile Basin Discourse Forum (NBDF), kuri uyu wa Kabiri aho iyo nteko yari igamije kubungabunga amazi nk'umutungo kamereno kubungabunga urusobe rw'ibinyabuzima mu bihugu bikora ku cyogogo cy'uruzi rwa Nil

    Bamwe mu Bagore bari bitabiriye iyi nteko rusange, basabwe kugira uruhare rukomeye mu kubungabunga ibidukikije, kuko ingaruka zo kutabyitaho aribo zibangamira cyane ugereranyije n'abandi.Abari muri iyo Nteko kandi, bagaragaje ko icyorezo cya Covid-19 cyatumye bimwe mu bikorwa byo kubungabunga ibidukikije n'urusobe rw'ibinyabuzima bigendabiguruntege, nyamara kandi ari ingenzi cyane mu buzima bwa muntu.

    Imiryango igize impuzamiryango NBDF yiyemeje kongera imbaraga mu bikorwa byayo kugirango igire uruhare mu iterambere rirambye. NBDF igizwe n'imiryango itandukanye itegamiye kuri Leta isanzwe ikora mu bijyanye n'ibidukikije ndetse no kubungabunga urusobe rw'ibinyabuzima.

    Safari Emmanuel, asanzwe aba mu nama y'ubuyobozi muri(NBDF) avuga ko abantu badakwiriye kwitwaza Covid-19 ngo bakomeze kwangiza ibidukikije. Ati 'kugira ngo ibidukikije turusheho ku bibungabunga neza dukeneye abantu babyumva, babyitangira kandi bakabisigasira, hari bamwe mu bantu bashobora kwitwaza covid-19 bityo ugasanga bakoze ibikorwa byo kwangiza ibidukikije nko kwangiza amazi. Kwnagiza amashymaba bashaka ibicanwa ndetse no gutwika amakara, ibyo byose ni ukubyirinda.'

    Crescence Mukantabana, umuyobozi mu muryango Reseau de Developpement des Femmes Pauvres, umwe mu muryango ugize NBDF, avuza ko, ari ngombwa abagore nabo bakwiriye kwita ku masoko y'amazi, ibidukikije nk'amashyamba n'ibindi byorohereza abatuye isi kubaho neza kuko kubibura, abagore aribo babibabariramo bwa mbere. Ati 'Muby'ukuri umugore akwiriye kuba nyambere ku kubungabunga ibidukikije ndetse n'urugobe rw'ibinyabuzima : hari ihohoterwa ribera ku migezi iyo abantu bajya kuvomacyangwa mu mashyamba iyo abantu bagiye gutashya. Bityo rero, Umugore. agomba kuba ari we uri imbere muri ibyo byose kuko amazi ni ubuzima, ubuzima bufitwe n'umugore mu muryango'.

    Verediane Nyiramana Umuyobozi wa NBDF, avuga ko nubwo ingaruka za Covid-19 zatumye hari ibikorwa byinshi bidindira, kubungabunga ibidukikije bidakwiriye gusigara kuko ari rwo rufatiro rw'ejo hazaza. Ati 'Nubwo Covid-19 yaje ikaduca inkokora, ntabwo dukwiriye kureka kwita ku bidukikije n'ibinyabuzima kuko niryo terambere turiho duteganyiriza ejo hazaza. Tugomba gusiga isi isa neza kuruta uko twayisanze.'

    Ati 'Umugore afite uruhare rukomeye mu buzima bwa buri munsi mu muryango, iyo yabaye uwa mbere mu kwita ku bidukikije umuryango wose ubaho mu buzima bwiza kuko tumenyereye ko igikorwa umugore yagiyemo, agikora neza n'umutima we wose. Umugore agomba kuba ku ruhembe rw'imbere'.

    The post Abagore barasabwa kuba abambere mu kwita ku bidukikije n'urusobe rw'ibinyabuzima appeared first on RUSHYASHYA.

    Source : https://rushyashya.net/abagore-barasabwa-kuba-abambere-mu-kwita-ku-bidukikije-nurusobe-rwibinyabuzima/?utm_source=rss&utm_medium=rss&utm_campaign=abagore-barasabwa-kuba-abambere-mu-kwita-ku-bidukikije-nurusobe-rwibinyabuzima

  • Ijambo rya mbere Arthur Nkusi yabwiye umugore we akimwambika impeta – YEGOB #rwanda #RwOT

    Mu mpera z'icyumweru gishize nibwo Umunyarwenya Arthur Nkusi yarushinze n'umukunzi we, Fiona Muthoni. Ni ibirori byabereye ku mahumbezi y'ikiyaga cya Kivu.

    Kuri uyu wa Gatatu, Arthur Nkusi abinyujije ku rukuta rwe rwa instagram yashyize hanze amwe mu mafoto y'ubukwe bwe maze ayaherekesha amagambo yuzuye amarangamutima afitiye umugore we. Arthur Nkusi yagize ati ” Hey @fiona_muthoni I really can't wait to have the remaining days of my life with you. I am a very happy man “.

    Source : https://yegob.rw/ijambo-rya-mbere-arthur-nkusi-yabwiye-umugore-we-akimwambika-impeta/

  • Umuzindaro wa bene Mbonyumutwa Uwimana Nkusi Agnes Ugeze Aho Uvuga ko Abatutsi muri 1959 Bahunze u Rwanda kubera Ubwibone, Yavugirijwe induru n'Abakoresha imbuga nkoranyambaga #rwanda #RwOT

    Mu mwaka wa 1959 mu Rwanda Umwami Rudahigwa amaze gutanga agatabarizwa I Mwima ya Nyanza, Uwari Sushefu wa Ndiza Dominiko Mbonyumutwa yazanywe kuyobora U Rwanda by'agateganyo aruyobora amezi icyenda kuko yahereye muri Mutarama ageza mu Ugushyingo 1961 nyuma asimbuzwa Kayibanda Gerigora bakundaga kwita Masudi akimara kuvanwa k'ubutegetsi yasubiye iwabo I Nyabikenke ajya gupima Byeri ashinga Depo afatanyije na Madame we Sofiya kugeza ubwo Habyarimana amwibutse amaze guhabwa inkwenene aramuzana amugira ushinzwe gutanga impenda n'imidende

    Burya ngo Ntayima iyayo akabara Muhungu we Shingiro Mbonyumutwa ninako yirukanywe muri Guverinoma ajya gushinga iduka ry'Imyenda aryita SHINPEX ryahoze imbere yo Venant mu mujyi wa Kigali kugeza muri Jenoside yakorewe abatutsi ntawe utazi Uruhare rwe yewen abo yibarutse bamwe muri bo magingo aya barakiyita ko bavugira Abahutu boshye Leta y'Ubumwe hari umunyarwanda iheza, kari agaciyemo gusa tubibutse ko Mbonyumutwa yapfuye mu mwaka wa 1959 agwa I Buruseri mu Bubiligi bamwimitse, Habyarimana asaba ko bamushyingura muri Stade ya Demokarasi i Gitarama kuri Route Kibuye (Muhanga).

    Nuko rero Ejo bundi aha Inkozi y'Ibibi idatinya guhungabanya gahunda za Leta y'ubumwe, mu Kinyamakuru cye Umurabyo na TV yacyo asohore ikiganiro yakoranye na Hakuzimana Abdul Rashid nawe ufite amagambo yuzuye uburozi banabanye muri Gereza wigamba ibinyoma by'uko ngo yashatse kunga uwari Perezida Bizimungu na Perezida wa Repubulika Paul Kagame

    Uyu Rashid rero ntabwo ari we tugarukaho turavuga uko iki kiganiro cyakiriwe mu Banyarwanda by'Umwihariko abanyamakuru bashingiye ku magambo yavuzwe na Agnes Uwimana ko Abatutsi muri 1959 icyabateye guhunga ari ubwibone kuko bari banze kuyoborwa n'abahutu.

    Kuri Twitter Umunyamakuru Egidie Bibio Ingabire yandikanye agahinda mu magambo agira ati 'Nyamara, abo duhuje uyu umwuga, mucyo dushyire imbaraga mu guhora twihugura, dore kwiga ni uguhozaho, Amateka agaragaza ko Abatutsi mu 1959 birukanwe ntatwereka ko bagize ubwibone, Hato tuzanavaho tuvuga ko mu 1994 Abatutsi bishwe kuko wenda bigometse' Yasubijwe n'abakoresha Twitter batandukanye barimo Niwemwiza Anne Marie ati 'Hari ibyo wumva ubwonko bwawe bukananirwa kubyakira. Harya nk'ubu ibi ni ibiki???? Bizakomeza bitya kugeza ryari? Uwimana Agnès rwose aze duhugurane mu kivandimwe, naho ubundi ntaho tugana''

    Hari benshi bagiye bamuha ingero z'uko ababyeyi babo bishwe icyo gihe nyamara barengwanywa,batari gukomeza kwicwa bahitamo guhunga abatarahunze bamwe bagiye bicwa uruhongohongo mu myaka yakurikiyeho nka 1962,1973 ndetse kugeza ku ndunduro ari yo Jenoside yakorewe abatutsi muri Mata 1994 yateguwe ndetse inashyirwa mu Bikorwa na Leta yari Iyobowe na Habyarimana Juvenal naho bamwirasiye ikomeza gushyirwamo ingufu na Leta yiyise iy'abatabazi

    Ni akamenyero aho imbuga za Youtube z'abiyita ko batavuga rumwe na Gahunda za Leta baterwa inkunga n'intagondwa z'abacyumva ko bahora bahungabanya umutekano n'ubusugire bw'abanyarwanda abo twavuga nka Niyonsenga Dieudonne wiyita Cyuma Hassan n'Ishema Tv ye, Umubavu Online Tv, karundura Umurabyo wa Agnes Uwimana Uyu wigize indakoreka agahitamo inzira yo kuyobya abanyarwanda udahwema guhabwa inkunga y'amafaranga akanabyigamba ko ari ingemu agomba guhaho n'abari muri Gereza bakurikiranyweho ibyaha nk'ibyo yigeze gufungirwa ubwo Ubutabera bwamusabiraga guhanishwa igifungo cy'imyaka 17 agafungwa itanu

    Uyu muyoboro w'abapawa rero ntuhwema kugira Idamange na Karasira intwari ndetse no guha ijambo utuka FPR Inkotanyi wese ukibaza niba ubu ari bwo buryo bwo kubaka igihugu bikakuyobera ahubwo ukabona wagirango bafite Misiyo yo kworeka umuryango nyarwanda, Uwimana rero yagakwiye kumva ko abanyarwanda bose basenyera umugozi umwe akirinda icy'abatanya akareka kuba imizindaro ya bene Mbonyumutwa bahora bamwereka uwo gutumira ndetse n'ugezweho mu kugira imvugo nyandagazi.

    The post Umuzindaro wa bene Mbonyumutwa Uwimana Nkusi Agnes Ugeze Aho Uvuga ko Abatutsi muri 1959 Bahunze u Rwanda kubera Ubwibone, Yavugirijwe induru n'Abakoresha imbuga nkoranyambaga appeared first on RUSHYASHYA.

    Source : https://rushyashya.net/umuzindaro-wa-bene-mbonyumutwa-uwimana-nkusi-agnes-ugeze-aho-uvuga-ko-abatutsi-muri-1959-bahunze-u-rwanda-kubera-ubwibone-yavugirijwe-induru-nabakoresha-imbuga-nkoranyambaga/?utm_source=rss&utm_medium=rss&utm_campaign=umuzindaro-wa-bene-mbonyumutwa-uwimana-nkusi-agnes-ugeze-aho-uvuga-ko-abatutsi-muri-1959-bahunze-u-rwanda-kubera-ubwibone-yavugirijwe-induru-nabakoresha-imbuga-nkoranyambaga

  • Amafoto yaranze ubukwe bwa Miss Muthoni Fiona na Arthur Nkusi #rwanda #RwOT

    Igisonga cya mbere cya Africa Calabar 2017 akaba n’igisonga cya 3 cya Nyampinga w’u Rwanda 2015, Miss Naringwa Muthoni Fiona yasezeranyije umunyamakuru Arthur Nkusi baherutse kurushinga nyuma y’imyaka 6 bakundana ko azamukunda by’iteka ryose.

    Ku wa Gatandatu w’icyumweru gishize tariki ya 14 Kanama 2021, nibwo Arthur Nkusi umunyarwenya akaba n’umunyamakuru wa Kiss FM, yakoze ubukwe na Naringwa Muthoni Fiona wabaye igisonga cya 3 cya Nyampinga w’u Rwanda 2015.

    Ubu bukwe wabereye mu Karere ka Rutsiro mu Ntara y’Iburengerazuba mu nkengero z’ikiyaga cya Kivu, ku mucanga wa Rushel Kivu Lodge Hotel.

    Ni ubukwe bwabaye mu ibanga rikomeye, aho bwitabiriwe n’abantu bake ndetse nabo babuzwa kuba bafata amafoto cyangwa amashusho y’ubu bukwe kuko hari abari bahari babyishyuriwe.

    Abinyujije ku rukuta rwe rwa Instagram, Muthoni Fiona yavuze ko atiyumvisha ko yari amaze imyaka 6 atabana n’umuntu w’ingenzi mu buzima bwe, yamusezeranyije mu gihe batangiye ubuzima bari kumwe, kuzamukunda iteka ryose.

    Ati “Sinshobora kwiyumvisha imyaka 6 ishize y’ubuzima bwanjye ntari kumwe na we. Urihariye kuri njye. Utuma buri kintu cyumvikana. Mu gihe dutangiye ubuzima bwacu turi kumwe, ndagusezeranya kuzagutesha umutwe, kugukunda, kukubaha no kukurinda nkakwitaho… ariko igice kinini, ni ukugutesha umutwe ariko uzamera neza.”

    Bakoze ubukwe nyuma y’uko tariki ya 11 Kanama 2021 bari basezeranye imbere y’amategeko.

    Aba bombi bakaba batarakunze gushyira iby’urukundo rwabo hanze nk’ibindi byamamare cyane ko muri Mutarama uyu mwaka ari bwo Arthur yahishuye ko ari mu rukundo na Fiona, ni mu gihe bashakanye bamaze imyaka 6 bakundana.

    Byari ibyishimo bikomeye kuri aba bombi

    Bwari bwitabiriwe n’abantu bake bubera ku mucanga wa Rushel Kivu Lodge Hotel

    Impeta Fiona yambitswe na Arthur ku munsi w’ubukwe bwabo

    Bwabereye ku nkengero z’ikiyaga cya Kivu

    Source : http://isimbi.rw/imyidagaduro/article/amafoto-yaranze-ubukwe-bwa-miss-muthoni-fiona-na-arthur-nkusi

  • Kimenyi Yves na Miss Muyago bakoze ibirori byo kwitegura imfura yabo[AMAFOTO] #rwanda #RwOT

    Ni ibirori bigoye kumenya igihe cyangwa aho byabereye, icyakora amashusho yabyo yagiye hanze mu ijoro ryo kuri uyu wa 17 Kanama 2021.

    Ni ibirori byitabiriwe n'abantu benshi biganjemo abakobwa b'inshuti za Muyango zari ziri kwishimira ko uyu mukobwa agiye kwibaruka imfura ye.

    Bamwe mu bazwi bagaragaraye muri ibi birori harimo Ingabire Habibah wamenyekanye cyane mu marushanwa y'ubwiza mu Rwanda.

    Kimenyi yamamaye mu makipe atandukanye arimo APR FC, Rayon Sports, Kiyovu Sports no mu Ikipe y'Igihugu Amavubi.

    Ni mu gihe Miss Muyango Uwase we yamenyekanye ubwo yitabiraga irushanwa ry'ubwiza rya Miss Rwanda mu 2019. Icyo gihe yegukanye ikamba rya Nyampinga uberwa n'amafoto.

    Urukundo rw'aba bombi rwagiye ku mugaragaro muri Kanama 2019.

    Source : https://umuryango.rw/imyidagaduro/article/kimenyi-yves-na-miss-muyago-bakoze-ibirori-byo-kwitegura-imfura-yabo-amafoto