Webrwanda Backend

Category: Uncategorized

  • Umuhungu wa Perezida wa Nigeria yakoze ubukwe bwitabiriwe n'indege 50 #rwanda #RwOT

    Indege nizo zari zuzuye ikibuga cy'indege cy'umujyi wa Kano kiri mu majyaruguru ya Nigeria, mu gihe abanyacyubahiro b'igihugu n'abandi bategetsi bo mu bihugu bya Afrika y'Uburengerazuba bitabiragaubukwe bw'umuhungu w'umukuru w'igihugu, aho nijoro yarongoye umukobwa w'umutegetsi akomeye w'idini rya Islam.

    Ubu bukwe bwa Yusuf Buhari na Zahra Nasir Bayero ni bimwe mu birori bikomeye cyane muri Nigeria muri uyu mwaka.

    Abantu ibihumbi n'ibihumbi bitabiriye ibi birobi byabereye ahitwa Bichi, umujyi wo mu ntara ya Kano.

    Umuhanga mu b'amateka yabwiye BBC ko ubukwe hagati y'imiryango y'umukuru w'igihugu n'iy'ibwami butari bwarigeze bubaho muri Nigeria.

    Aba baraye barushinze bahuriye muri kaminuza ya Surrey mu Bwongereza.

    Ibi birobi byaraye bibaye nijoro kuwa gatandatu,ubwo se w'umukobwa Nasir Ado Bayero yari yaramutse yimikwa nka Emir wa Bichi. Mwenewabo nawe ni Emir wa Kano, umwe mu bategetsi b'idini rya Islam bakomeye cyane muri Nigeria.

    Umuryango w'umuhungu watanze inkwano y'ama naira (amafaranga yo muri Nigeria) angana na 500.000 (ni ukuvuga amadorari 1200 y'amadorari y'abanyamerika ) – yakubye inshuro icumi inkwano zisanzwe zitangwa mu majyaruguru ya Nigeria.

    Umunyamakuru wa BBC Ishaq Khalid muri Nigeria avuga ko amashusho y'umukobwa imbere y'ubukwe yateje impaka zikomeye ku mbuga nkoranyambaga, aho bamwe bavuga ko imyenda yari yambaye ari “igayitse” kubera ibitugu bye byari hanze, mu gihe abandi nabo bamusyhigikira.

    Mu gihe hari amakuru avuga ko hari indege 100 zaje muri ubu bukwe, umutegetsi wo ku kibuga cy'indege we avuga ko zitarenga 50.

    Ibirori byari byoroheje kubera coronavirus. Abenshi mu batumiwe bari bambaye udupfukamunwa muri kino gihe Nigeria ihanganye n'umubare munini w'abandura.

    Ubu bukwe bwari burinzwe bikomeye, aho abapolisi n'abasirikare bari bacunze ahantu hose.



    Source : https://umuryango.rw/ubuzima-115/imibereho/article/umuhungu-wa-perezida-wa-nigeria-yakoze-ubukwe-bwitabiriwe-n-indege-50

  • Uturere tukiri inyuma mu gutanga ubwisungane mu kwivuza twasabwe kwigira ku turi imbere – #rwanda #RwOT

    Umwaka w’ubwisungane mu kwivuza wa 2021/22 watangijwe ku wa 27 Gicurasi 2021. Hari uturere turi imbere twishyuye ubu bwishingizi ku kigerero gishimishije.

    Utu turere tuyobowe na Gisagara iri ku mwanya wa mbere aho imaze kwishyura 100%. Raporo yatanzwe n’Urwego rw’Ubwiteganyirize mu Rwanda (RSSB) muri Werurwe yagaragazaga uturere turi imbere mu gutanga umusanzu mu kwivuza wa 2021/2022 aho Gakenke yari kuri 92.7%, Nyaruguru iri kuri 91.8%, Nyamagabe ifite 91%.

    Iyi raporo yagaragaje ko Umujyi wa Kigali ariwo uri inyuma mu kwitabira kwishyura ubwisungane mu kwivuza aho wari ku kigero cya 78.1%.

    Mu kiganiro Dusangire Ijambo cyanyuze kuri Televiziyo Rwanda kuri iki Cyumweru, Umunyamabanga wa Leta muri Minisiteri y’Ubutegetsi bw’Igihugu, Nyirarukundo Ignatienne, yasabye uturere turi inyuma kubaza utundi uko twabigenje ngo twishyure umusanzu w’ubwisungane mu kwivuza.

    Yagize ati “Ibipimo byo kwishyura ubwisungane mu kwivuza ubu bihagaze neza, bigera kuri 80% ariko twifuzaga ko byaharenga kugira ngo abaturage babashe kwishyura vuba bajye no mu bindi babashe no gushaka amafaraga y’ishuri n’ibindi.”

    “Turashishikariza utundi turere ko bakigana n’abandi bari imbere bagatangira kwishyura hakiri kare, bakarebera ku tundi turere uko twabikoze.”

    Ku ruhande rw’uturere twaje imbere two tuvuga ko bashyize imbaraga mu gushishikariza abaturage kwishyura ubwisungane mu kwivuza mbere, umwaka ukajya gutangira barishyuye.

    Umuyobozi wungirije ushinzwe imibereho myiza mu Karere ka Gisagara, Gasengayire Clemence, yavuze ko ibanga bakoresheje ngo babe aba mbere ari ubukangurambaga butuma abaturage batangira kwishyura kare.

    Yagize ati “Ubukangurambaga twakoresheje ni uko ubwisungane mu kwivuza bwagiye mu mihigo, bisaba ko twumvikana tukabiganira n’abaturage bacu, ubwisungane bugatangira gutangwa kare, abaturage bagakusanyiriza mu matsinda, bafungura tugahita twishyura.”

    Ibi abihuriyeho n’ Umuyobozi wungirije ushinzwe imibereho myiza mu Karere ka Gakenke, Uwimana Catherine, wavuze ko ubukangurambaga babutangira umwaka w’ubwisungane mu kwivuza ukigera.

    Yagize ati “Imbaraga zishyirwa mu kumvisha abaturage, tubabwira ko kuba nta bwishingizi mu kwivuza bafite ari nta buzima afite kandi ko we agomba gutanga udufaranga duke ku yo Leta yamuhaye ngo yivuze.”

    Bakomeje bavuga ko aya matsinda akorerwa mu masibo iyo bamaze gutanga amafaranga y’umwaka umwe, bahita batangira kuzigamira uri imbere.

    Gasengayire ati “Iyo tumaze kwishyura ayo dusabwa dutangira kuzigamira ay’undi mwaka. Igituma byoroha ni uko aya mafaranga batayishyurira rimwe, kuko baba bari mu matsinda bagenda batanga make make ku buryo atavunika ayatangira rimwe.”

    Gahunda yo gutangira umwaka w’ubwishingizi mu kwivuza amafaranga yaratanzwe Umuyobozi mukuru wungirije wa RSSB, Hitimana Regis avuga ko ari gahunda nziza kuko ituma ikigega gitangira umwaka gifite ubushobozi.

    Yagize ati “Iyo umuturage yatanze ubwisungane hakiri kare bituma ikigega gitangira gifite ubushobozi ku buryo byorohereza ikigega kwishyura amavuriro, wa muturage agahabwa serivisi yuzuye kwa muganga.”

    Mu mwaka wa 2020/2021 abari batanze umusanzu w’ubwisungane mu kwivuza mu gihugu hose bari 85.3%.

    Abataratanga ubwisungane mu kwivuza basabwe kongeramo imbaraga bakishyura kugira ngo kwivuza biborohere

    source : https://ift.tt/2UCsS7N

  • Menya inkomoko y’imvugo ‘Ni nde ukinishije Pasitoro w’i Kirinda’ #Rwanda #RwOT via @kigalitoday #rwanda #RwOT

    Prof Pacifique Malonga
    Prof Pacifique Malonga

    Ni mu kiganiro Prof Malonga yagiranye n’umunyamakuru wa KT Radio, Bisangwa Nganji Benjamin, mu kiganiro Impamba y’umunsi mu gace kacyo kitwa “Nyiri inganzo”, kahariwe amateka y’abahanzi bo hambere, ubwo havugwaga amateka y’umuhanzi Bizimana Loti.

    Prof Malonga Pacifique ni murumuna w’umuhanzi Bizimana Loti wamenyekanye mu ndirimbo ziganjemo ugusetsa, uvuga ko bavukiye mu cyahoze ari Kibuye, muri Karongi y’ubu ahazwi ku izina rya Kirinda, hahana imbibi na za Buhanda ho muri Ruhango.

    Nk’uko Prof Malonga yabivuze mu kiganiro, ngo aho bari batuye i Kirinda hitwaga mu Rwimpuzu ahari amashyamba ya Kimeza, hegeranye n’utugezi tubiri aho kamwe kitwa Mashyiga akandi kakitwa Kabakobwa tugatandukanywa n’ahitwa mu Nganzo, ahari inganzo y’ubuhanzi.

    Ngo ni no mu gace kafatwaga nk’igicumbi cy’idini ry’Abadivantisiti, mu gace ka Nkoto gahana imbibi na Buhanda, ahazwi ku izina rya Gitwe mu Karere ka Ruhango.

    Avuga ko abapasitoro benshi biyitiriraga imvugo igira iti “Ni nde ukinishije Pasitoro w’ikirinda”, dore ko mu badivantisiti bavugaga Pasitoro, aba Presipiteriyene bakavuga Pasiteri.

    Mu gihe abo ba Pasiteri benshi bagiye biyitirira iyo mvugo, ngo Prof Malonga yabakuriye inzira ku murima avuga ko iyo mvugo yadukanywe bwa mbere n’umubyeyi we wari Pasiteri w’Umupresipiteriyene, ariko kubera ko yari aturiye agace k’Abadivantisiti bakamwita Pasitoro.

    Umubyeyi we witwaga Pasitoro Samson Karera, ngo ubwo yari mu muhanda, yarambise isakoshe ye hasi ajya kwiherera (Kwihagarika), akimara kurambika iyo sakoshe ku muhanda, abasore bari hafi aho ngo barabibonye baza biruka bakeka ko irimo amafaranga, barayitwara.

    Bakigera hirya ngo basanze ibyo bari biteze bitarimo, aho bayifunguye basanzemo ibitabo by’itorero, na ho we uko yakavuye kwihagarika abuze isakoshe abaza abari hafi aho ati “Ni nde ukinishije Pasitoro w’i Kirinda?” Ngo isakoshe ye barayigarura n’isoni nyinshi nyuma yo kuburamo amafaranga.

    Ati “Ubwo yari ahitwa ku Buhanda, igisakoshe yari afite yagisize ku muhanda asa n’ujya hepfo, ibyo yari agiye gukora simbizi ariko nawe ugende ushishoze, cyane cyane ko ntari mpari. Agenda ubwo, yari agiye nko kugira icyo areba hepfo aho (kwihagarika), abana bari babibonye bati, uriya ubwo avuye hakurya y’uruzi afite ibifaranga tu”.

    Arongera ati “Baraje baracyirukankana ariko bageze hirya barebamo basanga nta kirimo, harimo igitabo cy’amasomo, igitabo cy’indirimbo na Bibiliya, uko Pasitoro yakagarutse arebye igisakoshi cye arakibura, ahasanga uduhungu twijijisha, burya ni ko utubandi dukora, tumwe turacyirukankana utundi dusigara ahongaho tuyobya uburari. Nibwo atubajije ati niko sha mwa bwana mwe bite amakuru, bati turaho, ati Ese shahu ni nde ukinishije Pasitoro w’i Kirinda? We yumvaga batamwibye ahubwo bashatse kumukinisha, ubwo ya sakoshe barayigarura akomeza urugendo”.

    Uwo mubyeyi wa Prof Malonga Pacifique na Bizimana Loti, ngo yishwe mu 1963 ubwo hari ku isabato avuye kwigisha, yicwa na bamwe mu bo yigishaga mu itorero nk’uko Prof Malonga asoza abivuga.


    source : https://ift.tt/3kdYn0S

  • Umunya Namibia yegukanye ikamba rya Miss Supranational, Miss Umuratwa wari uhagarariye u rwanda yatashye imbokoboko #rwanda #RwOT

    Umuratwa Anitha Kate wari uhagarariye u Rwanda mu irushanwa rya Miss Supranational 2021 yatashye imbokoboko ryegukanywe n'uwari uhagarariye Namibia.

    Ibirori byo gutanga ikamba rya Miss Supranational ku nshuro ya 12 byabaye mu ijoro ryo kuri uyu wa 21 Kanama 2021.

    Umuratwa Anitha Kate atashye amaramasa kuko atigeze abasha kwegukana ikamba na rimwe mu yahatanirwaga nubwo yahagwa amahirwe yo kuza byibuze muri 20 ba mbere.

    Uwahize abandi bose ni  Chanique Rabe wari uhagarariye Namibia, wakurikiwe n'uwo muri Puerto Rico, Africa y'Epfo na Dominic Republic.

    Iri rushanwa ryaherukaga kuba mu 2019 icyo gihe Umunyana Shanitah ni we wari wahagarariye  u Rwanda. Na we ntabwo yabashije kwitwara neza muri iri rushanwa.

    Miss Umuratwa ntiyabashije kugera mu cyiciro cya nyuma muri iri rushanwa

    Source : https://impanuro.rw/2021/08/22/umunya-namibia-yegukanye-ikamba-rya-miss-supranational-miss-umuratwa-wari-uhagarariye-u-rwanda-yatashye-imbokoboko/

  • Manishimwe Djabel abaye umukinnyi wa gatatu uvuye mu mwiherero w'Amavubi, ni nyuma yo kwandura COVID- 19 #rwanda #RwOT

    Mu gihe ikipe y'igihugu y'u Rwanda y'umupira w'amaguru, yitegura gukina umukino wo gushaka itike yo gukina imikino ya nyuma y'igikombe cy'isi kizaba umwaka utaha mu gihugu cya Qatar, rutahizamu Manishimwe Djabel ntabwo azajyana n'amavubi muri Maroc gukina na Mali mu mukino uzaba mu ntangiriro za Nzeli.

    Nk'uko ubuyobozi bw'ishyirahamwe ry'umupira w'amaguru ryabitangaje, Manishimwe Djabel ntabwo azajyana n'Amavubi kubera ikibazo cy'uburwayi yagize ubwo yari mu mwiherero w'ikipe y'igihugu.

    Amakuru RUSHYASHYA yamenye ngo ni uko uyu mukinnyi usanzwe ukinira ikipe y'ingabo z'igihugu ya APR FC ngo ni uko yanduye icyorezo cya Koronavirusi byanatumye kuva ageze mu mwiherero atigeze anagaragara mu myitozo yo kwitegura uyu mukino, kubw'ibyo uyu rutahizamu kuri iki cyumweru akaba yahise asezererwa mu mwiherero ajya iwe.

    Manishimwe Djabel abaye umukinnyi wa gatatu uvuye mu mwiherero witegura imikino y'igikombe cy'isi nyuma ya Usengimana Faustin nawe wahamagawe nyuma y'uko yari arwaye asaba ko atakomezanya na bagenzi be umwihererom undi ni umunyezamu Kwizera Olivier uherutse gusezererwa bitewe n'impamvu zitatangajwe.

    Amavubi azahaguruka i Kigali kuya 28 Kanama 2021, azakine na Mali tariki ya 1 Nzeri 2021 bakinire mu gihugu cya Maroc, kugeza ubu abakinnyi bakina hanze y'u Rwanda bamaze kugera mu Amavubi barimo Rukundo Denis, Buhake Clement, Nsengiyumva Isaac ndetse na Kalisa Jamir.

    Mu bandi bakina hanze Rwatubyaye Abdoul , Manzi Thierry, Mukunzi Yanick, Emmanuel Imanishimwe, Ngwabije Bryan Clovis, Djihad Bizimana na Rafael bazasanga abandi Agadir muri Maroc, kuri Kagere Medie na Emery Mvuyekure bazagera mu Rwanda tariki ya 25 Kanama 2021 naho Salomon Nirisarike azaze ho nyuma umunsi umwe.

    The post Manishimwe Djabel abaye umukinnyi wa gatatu uvuye mu mwiherero w'Amavubi, ni nyuma yo kwandura COVID- 19 appeared first on RUSHYASHYA.

    Source : https://rushyashya.net/manishimwe-djabel-abaye-umukinnyi-wa-gatatu-uvuye-mu-mwiherero-wamavubi-ni-nyuma-yo-kwandura-covid-19/?utm_source=rss&utm_medium=rss&utm_campaign=manishimwe-djabel-abaye-umukinnyi-wa-gatatu-uvuye-mu-mwiherero-wamavubi-ni-nyuma-yo-kwandura-covid-19

  • Ibitecyerezo bitandukanye bisa nkibigaragaza… – #rwanda #RwOT

    Kwizera Olivier, ni umwe mu bakinnyi bahamagawe mu ikipe y'igihugu cy'u Rwanda, yitegura umukino izahuramo na Mali uzabera i Agadir muri Maroc ku wa 1 Nzeri 2021, ndetse n'uwa Kenya uzabera i Kigali ku wa 5 Nzeri, mu mikino ibiri ibanza yo mu itsinda E ryo gushaka itike y'Igikombe cy'Isi kizabera muri Qatar.

    Gusa,  we ntibyamuhiriye kuko yaje kwirukanwa 'azira kurara avugana n'umukobwa kuri instagram kandi ari mu mwiherero'. Byaje gusa n'ibitungura benshi nyuma yo kwirukanwa mu mwiherero igitaraganya, nyamara awuhamagarwamo, Mashami yari yatangaje ko ari uburyo bwo kumufasha kubera ibibazo yahuye nabyo, birimo gufungwa no gukatirwa kubera gukoresha ibiyobyabwenge.

    Umutoza w'ikipe y'igihugu Mashami yagize Ati: 'Olivier ni Umunyarwanda, ni umukinnyi w'umupira w'amaguru, afite byinshi, impano arayifite kandi ntawe uyishidikanyaho. Nta mpamvu yo kumwangisha abandi cyangwa kumucira imanza, si ko kumwubaka cyangwa gutuma aba umugabo kandi ntitwamugira igicibwa. Ni igihe cyiza cyo kumwegera ngo tumuhanure.'

    Nyamara ibi byaje kurangira ibyari ukumufasha 'bisa nk'aho byabaye ibindi' ubwo yirukanwaga haciye amasaha macye agiranye ikiganiro cyaciye kuri instagram ku karubanda n'umukobwa witwa Shalon umaze kwamamara mu myidagaduro kubera impamvu zinyuranye zirimo n'ibyagiye biba kubyamamare nawe akagarukamo nka bamwe mu bahanzi bafunzwe, bamwe bakavuga ko uyu mukobwa yaba yarabigizemo uruhare.

    Ibi byose rero kuva byaba, bigaragara ko hari abacyibyibazaho, bibaza niba kuvuganira kuri instagram n'umukobwa ari impamvu yatuma yirukanwa, aho byazamuye amatsiko ya bamwe bibaza niba mu mategeko bahabwa binjiye ikipe cyangwa bagiye mu mwiherero haba harimo iribabuza gukora nk'ibyo yakoze.

    Uyu munyamakuru wa televiziyo Rwanda by'umwihariko mu gisata cy'imyidagaduro, abinyujije ku rukuta rwe yagaragaje uko ahagaze, mu butumwa bwateye bamwe kwibaza byinshi. Igitecyerezo cye bisa n'aho agihuriyeho na bamwe mu byamamare n'abandi banyamakuru barimo YAGO n'umwe mu byamamare ku mbuga nkoranyambaga wiyise The Cat n'ubwo hari n'abandi babibona ukundi.

    Luckmanzeyimana yagize ati: 'KWIZERA OLIVIER:Ndumva ntakosa yakoze, Niba buri wese yaragumanye telephone ye mu mwiherero, agomba kuyikoresha mu buryo yifuza kuko ni telephone ye si iyo kuri Reception!
    Ahubwo kuki ababishinzwe batabatse telephone zabo niba batekereza ko zahungabanya umwiherero w’abakinnyi???'

    Akimara gushyiraho ubu butumwa, umunyamakuru waciye mu bitangazamakuru binyuranye kuri ubu wikorera ku giti cye uzwi nka YAGO, kuri shene ya Youtube, yagize ati: 'Umurongo urimo nanjye niwo ndimo @luckmannzeyimana Gusa biracyagoranye Kubyumva inaha iwacu Peee [Ni AGATERERANZAMBA KA NYINA WA NZAMBA].'

    YAGO nawe bigaragara ko atumva neza ibyabaye yongeramo n'ijambo rigira riti 'Ino aha iwacu'. Mu bigaragara, aba banyamakuru bagaragaje ko bari bakeneye kumenya byimbitse kuri uku kwirukanwa kwa Olivier Kwizera. 'Wasanga hari n'abandi bakibyibazaho'.

    Uwiyise The Cat Babalao, umenyerewe cyane mu myidagaduro yo gushyushya abantu, kuri iyi ngingo nawe yagaragaje ko atumva niba koko impamvu yabiteye ari telefone kuko ibaye ariyo byaba bitumvikana kuko ari iy'umuntu ku giti cye kandi yitwaza ahantu hose, igakoreshwa icyo nyirayo yifuza kitabangamiye rubanda ati: 'Nanjye ni uko mbyumva niyo mpamvu yitwa Mobile.'

    Ibitecyerezo byinshi byatanzwe birimo no kuba 'imyitwarire ya Olivier idafatika', bigaragaza ko abantu bacyeneye kumenya ibijya mbere mu mwiherero by'umwihariko n'impamvu uyu musore yaba yarahamagawe hakemezwa ko 'ari uburyo bwo kumufasha' mu gahe gato agatabwa hanze y'umwiherero.

    Igitecyerezo 'bwite' cya Luckmannzeyimana kigaragaza ko 'atumva impamvu nyakuri' Kwizera Olivier yirukanweYago nawe yagaragaje ko ari mu mujyo umwe na Luckmannzeyimana yongeraho ko bikigoranye 'ino aha' . Undi nawe yagaragaje ko 'cyeretse igihe yaba yararenze ku mabwiriza ya Coaching, ariko nabyo byagakwiye gutangarizwa ba nyirabyo abaturage, kuko ikipe ni iy'igihugu si iy’umuntu umwe'.The Cat nawe yagaragaje ko yumva telefone itagakwiye kwirukanisha umuntu, undi aramwunganira agaragaza ko 'umuntu afite uburenganzira bwo kuvugana n'uwo ashaka cyeretse niba ari iyo kugira urwitwazo ashaka kugaragaza ko haba wenda hari indi mpamvu itazwi'Undi we yashyizeho igitecyerezo kigaragaza ko ibintu bishobora gukorwa ari akantu gato, bikaba byagira ingaruka kuri benshi batabigizemo uruhare. Agaragaza 'ko hari abayobozi bitazorohera kujyanirana n’abato nabo bari kujyanirana n’isi yabo'.

      

    Source : https://inyarwanda.com/inkuru/108820/ibitecyerezo-bitandukanye-bisa-nkibigaragaza-ko-hari-abagikomeje-kwibaza-ku-kwirukanwa-kwa-108820.html

  • Umutoza w’ikipe y’igihugu ya Basketball yerek… – #rwanda #RwOT

    Kuva tariki 24 uku kwezi kwa Kanama kugera tariki 5 Nzeri 2021, mu Rwanda hateganyijwe imikino ya Afrobasket izakinirwa muri Kigali Arena.

    Mu ijoro ryo kuri uyu wa Gatandatu, nibwo Umutoza w’ikipe y’igihugu ya Basketball yakoze urutonde rwa nyuma rw’abakinnyi agomba kuzifashisha, mu gushakisha iki gikombe u Rwanda ruzaba rwitabiriye ku nshuro ya gatandatu.

    Mu bakinnyi 12 bahamagawe harimo; Habimana Ntore, Nshobozwabyosenumukiza Wilson, Sangwe Armel, Gasana Wilson Kenneth, Robeyns William Gerald, Hagumintwari Steven, Kaje Elie, Ibeh Prince, Mpoyo Olenga Axel, Shyaka Olivier, Ndizeye Ndayisaba Dieudonne na Kazeneza Galois Emile.

    Umutoza Dr Cheikh Sarr amaze amezi 4 Ari umutoza mukuru w’u Rwanda, aho bari mu itsinda rwa mbere Angola, Cape Verde na DR Congo bazakina umukino ufungura.

    Source : https://inyarwanda.com/inkuru/108819/umutoza-wikipe-yigihugu-ya-basketball-yerekanye-abakinnyi-12-bazahagararira-u-rwanda-mu-mi-108819.html

  • As Kigali itsinzwe umukino wa mbere wa gicuti… – #rwanda #RwOT

    Mu gitondo cyo kuri iki cyumweru nibwo ikipe ya As Kigali yakinaga umukino wa Gicuti na As Maniema yo muri Congo, umukino wabereye kuri sitade ya Rubavu. Ni umukino utarabereye igihe kuko wari uteganyijwe kuri uyu wa gatandatu ariko kubera ibisubizo bya Covid-19 byatinze kuboneka bituma urara udakinwe wimurirwa muri iki gitondo.

    Abakinnyi As Kigali yabanjemo

     

    Maniema niyo yashoje umukino iyoboye nyuma yo gutsinda igitego ku munota wa 20. Aya makipe azakina Umukino wo kwishyura kuri uyu wa 4 tariki 26, umukino ubere muri Congo.






    Source : https://inyarwanda.com/inkuru/108825/as-kigali-itsinzwe-umukino-wa-mbere-wa-gicuti-na-as-maniema-yo-muri-congo-amafoto-108825.html

  • Rubavu: Yafashwe yinjiza mu Rwanda magendu y’imyenda ya caguwa #Rwanda #RwOT via @kigalitoday #rwanda #RwOT

    Ndayizeye yafatanwe imifuka 7 irimo imyenda ya caguwa ya magendu ayikuye mu gihugu cya Repubulika iharanira Demokarasi ya Congo (RDC). Yafashwe yayihishe mu ikamyo inyuma ahapakirwa imizigo, iyo kamyo yari ivuye gupakurura umucanga muri Congo, nk’uko bitangazwa ku rubuga rwa Internet rwa Polisi y’u Rwanda.

    Umuvugizi wa Polisi y’u Rwanda mu Ntara y’Iburengerazuba, CIP Bonaventure Twizere Karekezi, yavuze ko abapolisi bo mu ishami rishinzwe kurwanya abanyereza imisoro babonye amakuru avuga ko Ndayizeye afite ibintu agiye kwinjiza mu Rwanda mu buryo bwa magendu abikuye muri RDC.

    Yagize ati “Abapolisi bamenye ko iyo kamyo ivuye gupakurura umucanga muri Congo Ndayizeye yayipakiyemo imyenda ya caguwa idasoze. Iyo kamyo yaraje igera ku mupaka barayisaka, basabye Ndayizeye gufungura inyuma basanga harimo imifuka 7 y’imyenda ya caguwa.”

    Ndayizeye amaze gufatwa yavuze ko yari yahawe akazi n’uwitwa Patrick kugira ngo amushyire iyo myenda. CIP Karekezi yashimiye abaturage batanze amakuru yafashije inzego z’umutekano gutahura uwari ugiye kwinjiza magendu mu Rwanda.

    Yaburiye abantu ko ubucuruzi bwa magendu n’ibindi byaha byambukiranya umupaka ari icyaha, yabasabye kubyirinda bakajya bihutira gutanga amakuru hakiri kare kugira ngo hakumirwe ibyo byaha.

    Ndayizeye yashyikirijwe Urwego rushinzwe ubugenzacyaha (RIB) rukorera muri sitasiyo ya Polisi ya Gisenyi kugira ngo hakorwe iperereza, ni mu gihe imyenda yari afite yashyikirijwe ubuyobozi bw’Ikigo cy’Igihugu cy’imisoro n’amahoro.

    Itegeko ry’umuryango w’ibihugu byo mu Karere k’Iburasirazuba rinakoreshwa mu Rwanda ingingo yaryo ya 199 rivuga ko ibicuruzwa bya magendu byafashwe bitezwa cyamunara. Imodoka yakoreshejwe muri ubwo bucuruzi bwa magendu nayo itezwa cyamunara ndetse umushoferi wayo agacibwa amande angana n’ibihumbi bitanu by’amadorali y’Amerika (US$5000).

    Umucuruzi ufatanwe magendu ategekwa gutanga amande angana na 100% by’umusoro yari anyereje kandi akaba yafungwa hagati y’amezi 6 n’imyaka ibiri.

    source : https://ift.tt/3y9tq2T

  • Ibyo Shaddyboo ashaka ko umukunzi we azajya amukorera – YEGOB #rwanda #RwOT

    Shaddyboo abinyujije kuri Twitter yatangaje ibyo ashaka ko boyfriend we agomba kuzajya amukorera.

    Yagize ati “ Ndashaka Bf, unkunda kuburyo umuntu wese wazajya amuhamagara yazajya abanza akavuga ngo : Hello ndi Bf wa ShaddyBoo, twagufasha iki ? “.

    Shaddyboo

    Source : https://yegob.rw/ibyo-shaddyboo-ashaka-ko-umukunzi-we-azajya-amukorera/