Webrwanda Backend

Category: Uncategorized

  • Safari yabaye Safari! Dasso na Gitifu bahagar… – #rwanda #RwOT

    Ubu byaroroshe kubera imbuga nkoranyambaga aho usigaye ufata amashusho na telefone yawe ngendanwa agasakara igihugu cyose nta minota myinshi bifashe. Ibi nibyo byabaye ubwo uwitwa Safari wo mu karere ka Nyagatare yanigaga Dasso wari uje kumukubita. Muri ayo mashusho ari gucicikana ku mbuga nkoranyambaga harimo ushinzwe umutekano (Dasso) ari guciraho imyenda umusore ndetse ku ruhande hari abandi bari kwiruka barimo n’uwo bivugwa ko ari Gitifu bitewe n'ukuntu yari ari gutanga amategeko avuga ngo abandi babareke bagende bafate Safari.

    Gitifu na Dasso bari bari mu gikorwa cyo kugenzura abaturage baragira inka ku muhanda kuko bitemewe. Ni muri urwo rwego baje kugera no kuri Safari. Mu kujya gufata Safari, Dasso niwe wirukanse ajya gufata uyu musaza. Akimugeraho, Safari yamurushije imbaraga aramuniga, Dasso atangira gutabaza avuga ko Safari amwishe. Mu gutabaza, Gitufu yaje yiruka n'inkoni ye maze afata Safari wari uri hejuru Dasso amusaba kumwubaha ati ‘Safari Nyubaha’ (ni nko kuvuga ngo nyubaha ureke kurwana na Dasso). Mu majwi humvikanamo abandi bavuga ngo ‘Nibahamagare ku murenge’.

    Kugeza ubu Gitifu na Dasso bamaze guhagarikwa

    Benshi mu bakoresha imbuga nkoranyambaga Safari yabaye Safari ndetse hari n’abakoze imipira yanditseho ijambo ‘Safari nyubaha’ mu kugaragaza ko bari inyuma ya Safari wirwanyeho, gusa hari n’abandi bamunenze kuko yarwanyije abayobozi. Abamushyigikiye bo bavuga ko atari gutega imisaya ngo bamukubite bityo bakamushima kuko n’abayobozi bakoze amakosa batari bakwiye kurwana n’umuturage ahubwo bari gukoresha itegeko kuko ubwaryo riremereye cyane. 

    Mu kiganiro Rirarashe cyo kuri Tv1 gikorwa na KNC ndetse na Mutabaruka basesenguye iki kibazo cya Safari, Dasso na Gitifu, buri umwe avuga uruhande ahagazeho. KNC yavuze ko yanyuzwe n’ukuntu Safari yubashye umuyobozi w'Akagari agahagarika kurwana na Dasso, yongeraho ko ibyo Safari yakoze kwari ukwirwanaho. Yavuze ibi ashingiye ku nkoni Gitifu na Dasso bari afite n'ukuntu babanje gukubita umushumba ndetse no kuba hari amajwi yumvikana bavuga ngo ‘tugende dugakubite kariya gasaza’ ariko ntibibahire bagasanga Safari yihagazeho.

    Mutabaruka yagaragaje ko Safari yakoze urugomo kuko yarwanye n’abayobozi ariko mugenzi we KNC amubwira ko adashyigikiye ibyo Safari yakoze, gusa nanone ngo ntiyari gutega imisaya ngo bamukubite ibiboko bari bitwaje. Mutabaruka yagize ati: ''Niba twaravuze ngo Rukara wishe umuzungu ni umunyarugomo kuki tutavuga ko na Safari ari umunyarugomo?”.

    KNC yahise amusubiza ati: ''Sasa rero njyewe sinshigikiye ko Safari (…) ariko nanone Safari ntabwo yari gutega imisaya ngo bamukubite biriya biboko (…) ariko ikintu nakundiye Safari ni uko yumvise bamubwira bati ubaha akavuga ati ndagiye. Ahangaha rero Safari ntabwo yigeze akora biriya bintu mu buryo bw'urugomo”.

    Yunzemo ati “Ashobora kuba yarakoze andi makosa yatumye baza kumufata wenda mu buryo burengeje imbaraga z'umurengera ariko ntabwo Safari yigeze akora urugomo kugira ngo arwanye inzego, kuko yabwiye n'umushumba we ati iruka wirwana n'inzego z'umutekano. Safari yibwiriye umushumba we ati “Genda uramenye utarwana n'inzego”, Safari nawe uramubona yiruka”.

    Nyabitanga Nicole yambaye umupira wanditseho Safari Nyubaha

    KNC yavuze ko we ku giti cye adashyigikiye ko hari urwego rwakoresha imbaraga kuko itegeko ubwaryo rikomeye ndetse rikomeye kurusha imbaraga z'umuntu. Amakuru yemejwe n’Umuyobozi w’akarere ka Nyagatare, Mushabe David Claudien ni uko Gitifu na Dasso bamaze guhagarikwa mu kazi bakoraga aho bashinjwa gukoresha imbaraga z’umurengera. Mayor wa Nyagatare ubwo yari abajijwe na IGIHE niba Safari George (Safari Nyubaha) yaratawe muri yombi, yavuze ko ari gukurikiranwa n’inzego z’umutekano.

    Shaddyboo yifashishije amashusho abaza abamukurikira ati “Muvugishe ukuri ni inde wahohoteye undi ?”

    Hatangiye gucicikana n’andi mashusho y’inka bavuga ngo ni ‘Inka ya Safari’

    Safari yabaye Safari!

    Mu gutebya, umunyamakuru Anita Pendo we yavuze ko avuye mu kibazo cya Safari na Dasso

    Umunyarwenya Clapton Kibonge we yavuze ko ubu asigaye yitwa Safari

    REBA HANO KNC NA MUTABARUKA BAVUGA KURI SAFARI NA DASSO

    Source : https://inyarwanda.com/inkuru/108974/safari-yabaye-safari-dasso-na-gitifu-bahagaritswe-mu-kazi-knc-agaragaza-icyo-yakundiye-saf-108974.html

  • Ni nde wafashije Cristiano waburaga amasaha m… – #rwanda #RwOT

    Ku wa Gatanu tariki ya 27 Kanama 2021, ni bwo Manchester United yemeje ko yageze ku masezerano yo kongera kugura Cristiano avuye muri Juventus. 

    United yemeye gutanga Miliyoni 12.8 z’amapawundi (agera kuri miliyari 17 mu mafaranga y’u Rwanda) kuri uyu rutahizamu w’Umunya-Portugal w’imyaka 36.

    Ayo masezerano akaba acyeneye kubamo ingingo zihariye, ibijyanye na ‘visa’ no gukorerwa ikizamini cy’ubuzima. 

    Mu gihe cye cya mbere muri iyi kipe, Cristiano yatsinze ibitego 118 mu mikino 292, mbere yuko yerekeza muri Real Madrid mu 2009.

    Mu itangazo Manchester United yagize iti: “Buri muntu wese mu ikipe afite amashyushyu yo kongera guha ikaze Cristiano muri Manchester”.

    Avuga ku kugaruka kwa Cristiano, Ferdinand yagize ati: “Sir Alex yabigizemo uruhare rukomeye. Nta kuntu Cristiano yari kuza muri Manchester United atabivuganyeho na Sir Alex. Ni uko bimeze nta kundi”.

    Ferdinand yongeyeho ati: “Gukurikiranirwa hafi kw’ikipe, gukurikiranirwa hafi kw’abandi bakinnyi – ntabwo wabona amagambo wavugamo icyo bigiye gukora ku bakinnyi n’abafana”.

    “Muri uyu mwaka azagutsindira ibitego biri hagati ya 25 na 30. Ibyo ni byo akora – mu mwaka ushize yarushije ibitego Romelu Lukaku muri Serie A, ariko icyo ashobora gukora kuri Mason Greenwood, Marcus Rashford na Jadon Sancho cyonyine kirahagije ngo abe uwo kuzana”.

    “Azabereka icyo bivuze kuba umunyamwuga wo mu rwego rwa mbere, igihangange cya nyacyo no guhorana ishyaka [ryo gutsinda] umunsi ku munsi”.

    Mu myaka itanu yakiniye Manchester United, Cristiano yayifashije kwegukana ibikombe 9, birimo bitatu bya shampiyona y'u Bwongereza ndetse n'igikombe kiruita ibindio I Burayi cya Champions League.

    Akinira Manchester United mu 2008, nibwo bwa mbere Cristiano yegukanye Ballon d'Or mu mateka, yanabimburiye izindi Enye zayikurikiye nyuma.

    Mu mikino 292 Cristiano yakiniye Man.United, yayitsindiye ibitego 118.

    Cristiano yasubiye muri Manchester United nyuma y’imyaka 12

    Source : https://inyarwanda.com/inkuru/108978/ni-nde-wafashije-cristiano-waburaga-amasaha-macye-agasinyira-mucyeba-gusubira-muri-manches-108978.html

  • Amafoto y'abanyarwandakazi yaciye ibintu muri iki cyumweru – YEGOB #rwanda #RwOT

    Muri iki cyumweru turimo gusoza abanyarwandakazi batandukanye babinyujije ku mbuga nkoranyambaga bakoresha basangije ababakurikirana amafoto atandukanye. Hano twabakusanyirije amwe mu mafoto y'abanyarwandakazi yabiciye bigacika kuri instagram.

    1. Miss Pamella Uwicyeza

    2. Vestine na Dorcas

    3. Miss Nishimwe Naomie

    4. Kate Bashabe

    5. Miss Mutesi Aisha

    6. Lea Nyampinga

    7. Miss Denise Umutesi

    8. Carmene Ishimwe

    Source : https://yegob.rw/amafoto-yabanyarwandakazi-yaciye-ibintu-muri-iki-cyumweru/

  • Umukobwa wavutse adafite amaboko ,yabengutswe n'umugabo w'ibigango. – YEGOB #rwanda #RwOT

    Uyu mukobwa witwa Sinikiwe Kademaunga wo muri Zimbabwe, yari yarihebye ko atazabona umuntu bazabana akaramata , ariko ubu yabengutswe n'umugabo mwiza bazabana akaramata.

    Abakoresha imbuga nkoranyambaga no mu bitangazamakuru , bagiye babona umukobwa , Sinikiwe Kademaunga wavukanye ubumuga butandukanye, aho yavutse yaracitse amaboko, n'amaguru nayo avukana ikibazo gikomeye cyo kuba magufi .

    Uyu mukobwa yatangaje ko agiye kurushinga mu minsi ya vuba. Kademaunga w'imyaka 26, yatangaje inkuru nziza yo kubona umukunzi nk'uko ikinyamakuru Lailasnews kibitangaza, amakuru akomeza avuga ko hashize ibyumweru yerekanye umukunzi we.

    Source : https://yegob.rw/umukobwa-wavutse-adafite-amaboko-yabengutswe-numugabo-wibigango/

  • Imvura y’Umuhindo ishobora kuzaba nke hamwe na hamwe mu Gihugu #Rwanda #RwOT via @kigalitoday #rwanda #RwOT

    Meteo Rwanda ivuga ko iyo mvura izagwa kuva mu kwezi kwa Nzeri kugera mu kwezi k’Ukuboza 2021, izaba ingana nk’iyaguye mu muhindo w’imyaka ya 2016, 2010 na 1996.

    Mu mwaka wa 2016 habonetse imvura y’Umuhindo idahagije, cyane cyane mu Ntara y’Iburasirazuba mu Karere ka Kayonza, bituma Leta itangira kugemurira amazi abaturage n’amatungo mu mirenge ya Gahini, Mwili, Kabare, Kabarondo, Murama, Murundi, Ndego na Rwinkwavu.

    Meteo Rwanda ivuga ko Inyanja ngari y’u Buhinde (Indian Ocean) idashyushye cyane ngo ishobore kohereza ibicu bifite ubuhehere bwinshi mu kirere cy’agace u Rwanda rurimo, bikaba ari byo byateza kutaboneka kw’imvura ihagije hamwe na hamwe mu gihugu.

    Iki kigo gikomeza giteganya ko imvura y’Umuhindo izatangira kugwa ahenshi mu gihugu mu cyumweru cya mbere cy’Ukwezi k’Ukwakira, usibye muri Pariki za Nyungwe n’Ibirunga imvura ishobora gutangira mu mpera z’ukwezi gutaha kwa Nzeri.

    Uturere twa Ngoma na Kirehe two ngo dushobora kuzatangira kubona imvura y’Umuhindo mu cyumweru cya kabiri n’icya gatatu by’ukwezi k’Ukwakira 2021(kuva ku matariki ya 9-19).

    Muri rusange biteganyijwe ko imvura y’Umuhindo wa 2021 izacika mu cyumweru cya nyuma cy’ukwezi k’Ukuboza (kuva ku matariki 21-31), usibye mu duce twegereye ikiyaga cya Kivu n’ishyamba rya Nyungwe (ho ishobora kuzagera ku itariki 10 Mutarama 2022 ikigwa).

    Meteo Rwanda igira inama inzego zishinzwe ubuhinzi, kwihutisha imirimo yo gutegura imirima hamwe no kugeza inyongeramusaruro ku bahinzi hakiri kare, kugira ngo imvura itazacika imyaka itarera.

    Meteo Rwanda ishingiye ku kuba hari uturere dushobora kubona imvura mu gihe kitazarenga ukwezi kumwe, yakomeje kigira iti “Inzego z’ubuhinzi ziragirwa inama yo gutegura ibikoresho byifashishwa mu mirimo yo kuhira, cyane cyane mu bice bikunze kugira imvura idahagije, ndetse no kwita ku mihingire ibika amazi mu butaka”.

    Muri rusange inzego za Leta, iz’abikorera n’imiryango itari iya Leta bagirwa inama yo kwitegura kurinda abaturage, amatungo, ubutaka n’ibikorwa bitandukanye bishobora kwangizwa n’isuri, umuyaga, imyuzure, inkangu, inkuba n’ibindi.

    source : https://ift.tt/3ByTx5x

  • Abana b’ingagi 24 ni bo bagiye kwitwa amazina #Rwanda #RwOT via @kigalitoday #rwanda #RwOT

    Umunsi wo kwita izina abana b’ingagi 24 mu Rwanda, tariki 24 Nzeri 2021, uzahurirana n’Umunsi Mpuzamahanga Isi yose yahariye ingagi.

    Ku wa gatanu tariki 27 Kanama 2021, Urwego rw’Igihugu rw’Iterambere (RDB) rwatangaje ibikorwa bitandukanye bizaranga uwo muhango wo Kwita Izina, harimo kuvuga ku mishinga itandukanye igamije iterambere ry’abaturiye Pariki ndetse n’inama k’ukubungabunga za pariki na yo izaba ku buryo bw’ikoranabuhanga.

    Kageruka Ariella, Umuyobozi w’agateganyo muri RDB ushinzwe ubukerarugendo yagize ati” Tunejejwe no gutangaza ko ibirori byo Kwita Izina uyu mwaka bizaba tariki 24 Nzeri 2021, bikazizihizwa ku buryo bw’ikoranabuhanga ku nshuro ya kabiri. Uwo muhango uzahurirana n’Umunsi Isi yose yahariye ingagi”

    “Uyu mwaka u Rwanda rurahamagarira abantu kwitabira umuhango wo Kwita Izina abana b’ingagi 24. Kuva umuhango wo Kwita Izina watangira mu 2005, abana b’ingagi 328 ni bo bamaze kwitwa amazina”.

    Umuhango wo Kwita Izina muri uyu mwaka wa 2021, ubaye mu gihe ubukerarugendo bwahungabanye kubera icyorezo cya Covid-19 ariko ubu bukaba bugenda buzamuka ndetse ngo bukazakomeza kuzamuka mu mezi ari imbere uko u Rwanda rurushaho gukomeza gukingira abantu.

    Nk’uko byasobanuwe na Kageruka, mu muhango wo Kwita Izina uyu mwaka, hazagaragazwa imbaraga u Rwanda rukoresha mu kubungabunga za Pariki, ubuzima bw’ingagi, icyifuzo cyo kwagura icyanya cy’ingagi ndetse n’ubufatanye RDB igirana n’abaturage mu kubungabunga za pariki z’igihugu.

    Mu rwego rwo kuzamura imibereho myiza y’abaturiye pariki, RDB ishora 10% by’amafaranga aturuka mu bukerarugendo mu mishinga igamije iterambere ry’abaturiye Pariki, kugira ngo bagire uruhare mu kuzitaho, kandi ibyo ngo bikorwa kuri za pariki z’igihugu zose.

    Kageruka Ariella
    Kageruka Ariella

    Kageruka ati “Guhera mu 2005 iyo gahunda itangira, Miliyari 6.5 y’amafaranga y’u Rwanda ni yo amaze gushorwa mu mishinga 780 igamije kuzamura imibereho myiza y’ abaturiye za pariki z’igihugu. Muri iyo mishinga harimo ijyanye n’ibuhinzi, ibikorwaremezo, uburezi, n’ibindi”.

    “Muri uyu mwaka nubwo hari ibibazo by’ubukungu biterwa n’icyorezo, ariko hafi Miliyoni 700 z’amafaranga y’u Rwanda ni yo arimo gushorwa mu mishinga 30 igamije imibereho myiza y’abaturiye pariki, ikaba ari imishinga cyane cyane yerekeye ubuhinzi n’ibikorwaremezo”.

    Guverineri w’Intara y’Amajyaruguru Nyirarugero, avuga ko abaturage bo muri iyo Ntara bashimira Guverinoma y’u Rwanda kubera imishinga igamije kuzamura imibereho myiza yabo, yashyizwe mu bikorwa na RDB kuko imaze guhindura ubuzima bwabo.

    Yagize ati “Abantu bahoze ari ikibazo kuri za pariki, harimo abajyaga kuzihigamo, ubu ni bo bayoboye mu kuzibungabunga, kuko bazibona nk’izabo bitewe n’inyungu zabazaniye”.

    Guverineri yongeraho ko ibikorwa by’ubukerarugendo byazamuye cyane iterambere ry’Umujyi wa Musanze, ubu ngo ukaba ufite za hoteli zo ku rwego Mpuzamahanga n’ibindi bikorwa by’iterambere bitandukanye.

    Nubwo umwaka wa 2020, wagenze nabi ku bukerarugendo kubera Covid-19, ariko hari icyizere kuko burimo bwongera kuzamuka nk’uko Kageruka abivuga.

    Mu 2020, ubukerarugendo ngo bwinjije agera kuri Miliyoni 121 z’Amadolari mu gihe, bwari bwinjije Miliyoni 498 z’Amadolari mu 2019.

    Guverineri w
    Guverineri w’Intara y’Amajyaruguru Nyirarugero Dancilla avuga ko abaturage baturiye Pariki babona ku nyungu pariki zinjiza

    Ariko nyuma yo kongera gufungura ibikorwa by’ubukerarugendo, ngo biragenda biza. Kageruka ati” Uyu mwaka wa 2021, guhera muri Mutarama kugeza muri Nyakanga, u Rwanda rwakiriye abashyitsi bagera ku 246.000, kandi ukurikije imibare y’abantu bagera ku Kibuga cy’indege Mpuzamahanga cya Kigali, ubona ibimenyetso bitanga icyizere ko ubukerarugendo burimo kuzamuka”.

    U Rwanda kandi ngo rufite gahunda yo kuzamura ubukerarugendo bushingiye kuri Siporo nyuma yo gutegura neza irushanwa rya ‘Basketball Africa League (BAL)’ ikagenda neza. RDB ikaba ivuga ko (BAL) yinjije agera kuri Miliyoni 5.3 z’Amadolari ku bukungu bw’igihugu ndetse n’imikino ya ‘Afrobasket’ irimo kubera mu Rwanda.

    Nk’uko bisobanurwa n’Umunyamahanga wa Leta muri Minisiteri ya Siporo Didier Maboko Shema, ibyo byose bituma u Rwanda rwibona nk’urushobora kuzaha ahantu hategurirwa imikino n’amarushanwa atandukanye ku Mugabane wa Afurika, kubera n’ibikorwa remezo byo muri urwo rwego nka Kigali Arena.

    Maboko yagaragaje ko ubufatanye u Rwanda rufitanye n’ikipe ya ‘Arsenal FC’ yo mu Bwongereza ‘Visit Rwanda’ ndetse na Paris Saint Germain ‘PSG’ bitanga icyizere kuri ubwo bukerarugendo bushingiye kuri Siporo, kuko izo kipe zombi ngo ziteganya gushinga amashuri yigisha ibya ruhago mu Rwanda, ndetse zigafasha no mu iterambere rya Siporo mu Rwanda.


    source : https://ift.tt/3jqv63C

  • Kiziguro: Imibiri irenga 5,000 yashyinguwe mu cyubahiro #Rwanda #RwOT via @kigalitoday #rwanda #RwOT

    Urwibutso rwa Kiziguro rwari rusanzwe ruruhukiyemo imibiri y
    Urwibutso rwa Kiziguro rwari rusanzwe ruruhukiyemo imibiri y’Abatutsi 14,854 ruracyubakwa ku buryo ruzagaragaza amateka ya Jenoside yakorewe Abatutsi mu cyahoze ari komini Murambi

    Hari kandi indi mibiri 253 yari mu rwibutso rwa Bugarura mu murenge wa Remera na yo yimuwe.

    Imibiri yashyinguwe mu cyubahiro yose hamwe ni 5269.

    Umuyobozi w’Akarere ka Gatsibo, Gasana Richard, avuga ko babanje gutinya gushakisha imibiri yari mu mwobo wa Kiziguro kubera ko babwirwaga ko ari muremure cyane.

    Avuga ko bagitangira icyo gikorwa, basanze amakuru bahabwaga yari agamije kubaca intege.

    Ati “Abantu bavugaga ko urwobo ari rurerure rufite metero hagati ya 40 na 70, bikaduca intege, nyuma y’aho dutinyukiye, twasanze ababivugaga kwari ukuduca intege.”

    Kuri Kiliziya ya Kiziguro ni ho Abatutsi benshi bari bahungiye, barahicirwa abandi bajya kujugunywa mu cyobo bamwe ari bazima
    Kuri Kiliziya ya Kiziguro ni ho Abatutsi benshi bari bahungiye, barahicirwa abandi bajya kujugunywa mu cyobo bamwe ari bazima

    Nyamara bamaze gushakishamo imibiri basanze rufite Metero 24.6 n’ubugari bwa Metero eshatu cyakora mu ndiba hakaba hagari kubera intambi zaturikirijwemo.

    Abajugunywe muri urwo rwobo ni abari muri Kiliziya ya Kiziguro, ku bitaro no mu nkengero zaho.

    Urwibutso rwa Kiziguro rwari rusanzwe ruruhukiyemo imibiri 14,854 ubariyemo imibiri yashyinguwemo mu cyubahiro kuri iyi nshuro, rukaba ruruhukiyemo imibiri 20,123.


    source : https://ift.tt/2Wpbk01

  • Abikorera bo Ntara y’Uburengerazuba biyemeje kuzamura imisoro batanga binyuze mu ikoreshwa rya EBM – #rwanda #RwOT

    Ibi byagaragajwe kuri uyu wa 27 Kanama 2021, mu nama yahuje izi mpande zose, nyuma y’uruzinduko rw’akazi Komiseri Mukuru wa RRA ari kugirira mu Karere ka Rubavu ku mipaka ihuza u Rwanda na Repubulika Iharanira Demokarasi ya Congo.

    Ni uruzinduko rwari rugamije kureba uko ubucuruzi bukorwa n’uko ibicuruzwa byambukiranye ibi bihugu byombi bisora.

    Muri iyi nama Ikigo cy’Igihugu cy’Imisoro n’Amahoro n’abikorera bemeranyijwe kongera ubukangurambaga mu ikoreshwa rya EBM mu rwego rwo kongera imisoro igihugu cyinjiza.

    Umuyobozi w’Urugaga rw’Abikorera mu Ntara y’Uburengerazuba, Hitayezu Dirigeant yavuze ko bakomwe mu nkokora n’icyorezo cya Covid-19 ariko yizeza ko biturutse ku mishinga bafite mu turere bazazamura umubare w’abasora amafaranga akiyongera.

    Ati’’Mbere y’icyorezo cya Covid-19 ibintu byari bimeze neza ariko nubwo cyadukomye mu nkokora ubu hari imishinga ikomeye mu turere tugize Intara y’Iburengerazuba yitezweho kuzazamura imibare y’abasora harimo gare n’amasoko atandukanye bigiye kubakwa mu turere twose’’.

    Umuyobozi w’Akarere ka Rubavu wungirije ushinzwe imari n’iterembere ry’ubukungu, Nzabonimpa Déogratias, yavuze ko nyuma y’ibiganiro bagiranye na RRA bagiye gushyira imbaraga mu mikoranire n’inzego zose mu kuzamura umubare w’abakoresha inyemezabwishyu z’ikoranabuhanga.

    Ati’’Byerekanwe ko hari aho gukoresha EBM bikiri hasi mu bucuruzi bwambukiranya imipaka no mu bucukuzi ariko nk’uko twabivuze tugiye kuzamura ubukangurambaga, hagiye gushyirwaho n’amatsinda azaba ayobowe n’abikorera bakarebera hamwe ku bufatanye n’Ikigo cy’Igihugu gishinzwe Imisoro n’Amahoro uko abacuruzi bose bahabwa EBM kandi banahugurwe kuyikoresha nk’uko byagenwe’’.

    Uwitonze Jean Paulin, Komiseri Wungirije akaba n’Umuvugizi muri RRA yavuze ko bagiye gukemura ibibazo byagaragajwe n’abacuruzi birimo n’uko bamwe batarabona EBM.

    Ati’’Twasabye abacuruzi kubona za nyemezabwishyu za EBM bose n’abatari muri TVA kandi twazanye gahunda nyinshi ariko batubwiye imbogamizi nyinshi nk’abavuze ko bavana ibicuruzwa muri Congo bagakora imenyekanisha ariko hari n’abavuze ko batigeze bazibona kuva mu kwezi kwa mbere ariko twabasabye ko bakomeza kubika inyemezabwishyu z’impapuro kimwe n’abakora mu bucukuzi bwa kariyeri ko baba bazishyize muri ’system’ mu kwezi kwa 12’’.

    Biteganyijwe ko kuri uyu wa Gatandatu abayobozi ba RRA bagirana ibiganiro byihariye n’abasoreshwa bacirirtse bo mu turere twa Rubavu, Nyabihu, Rutsiro, Ngororero na Karongi, aho bazaganira na none ku ikoreshwa rya EBM no kurwanya ubucuruzi bwa magendu.

    Komiseri Mukuru w’Ikigo cy’Igihugu cy’Imisoro n’Amahoro, Bizimana Ruganintwali Pascal n’itsinda bari kumwe bagize umwanya wo gusura imipaka ihuza u Rwanda na RDC

    Komiseri Mukuru wa RRA asobanurirwa ishusho y’ubucuruzi bukorerwa kuri iyi mipaka

    Komiseri w’Ikigo cy’Igihugu gishinzwe Imisoro n’Amahoro yasuye ibice bitandukanye ku mupaka munini ‘Grande Barrière’

    Komiseri wa RRA yakiriwe n’abashinzwe abinjira n’abasohoka mu gihugu ku mupaka wa la Corniche

    Umupaka munini ucaho imodoka zisaga 200 mu gihe mbere ya Covid-19 zarengaga 2000

    Yasuye ububiko bw’ibicuruzwa byoherezwa RDC

    Akarere ka Rubavu kashimiwe kugira umubare munini w’abakoresha EBM gasabwa kongera n’abambukiranya umupaka

    Iyi nama yitabiriwe n’abacuruzi batandukanye bo mu Ntara y’Uburengerazuba
    JPEG - 153.1 kb
    Bizimana Ruganintwali Pascal Komiseri Mukuru w’Ikigo cy’Imisoro n’Amahoro yasabye ko abacuruzi bose bakoresha EBM kubera amafaranga gihomba

    source : https://ift.tt/3kuljcs

  • Musanze: Batanu bakurikiranweho kwica umusore bakoresheje inyundo imena amabuye – #rwanda #RwOT

    Ku itariki 13 Kanama 2021 umusore witwa Habimana Gad wari umaze igihe gito arangije amashuri yisumbuwe yahamagawe n’umuntu kuri telefoni amubwira ko yamuboneye Laptop yo kugura mu Murenge wa Kagogo, mu Karere ka Burera hafi ya santere ya Kidaho.

    Uyu Habimana Gad yahise ahaguruka mu Karere ka Musanze yerekeza aho uwamuhagaye aherereye ariko kuva icyo gihe ntiyongera kuboneka.

    Nyuma y’uko ababyeyi bamubuze batanze ikirego kuri RIB hatangira iperereza. Ku italiki 16 Kanama 2021 ni bwo haje kuboneka umwe mu bakekwa kwica uyu musore afite telefone ya nyakwigendera agiye gukurishamo ijambobanga ku muntu ukora telefoni mu isantere ya Kidaho.

    Akimara gufatwa yasobanuye uburyo yishe Habimana Gad ndetse avuga n’abo bafatanyije.

    Umurambo wa nyakwigendera waje gusangwa mu musarani aho bawuhishe umazemo iminsi itatu, ndetse avuga ko mu kumwica bakoresheje inyundo imena amabuye.

    Iki cyaha abo bantu batanu bakurikiranweho kikaba gihanwa n’ingingo za 107; 243 na 248, z’itegeko No 68/2018 ryo ku wa 30/08/2018 riteganya ibyaha n’ibihano muri rusange.

    source : https://ift.tt/3ynnZNW

  • Umuyobozi wa Polisi ya Lesotho yasuye icyicaro cya Polisi y’u Rwanda n’imipaka iruhuza na RDC – #rwanda #RwOT

    Ku biro bya Polisi muri iyi Ntara mu Karere ka Rubavu, Umurenge wa Gisenyi aba bashyitsi bakiriwe n’umuyobozi wa Polisi mu Ntara y’Iburengerazuba, Chief Superintendent of Police (CSP) Edmond Kalisa.

    CSP Kalisa yabanje kwereka abashyitsi imiterere y’iyi Ntara, abereka ishusho rusange n’ibyaha biza ku isonga n’uko abapolisi bategura ibikorwa, uko bakora amarondo ya nijoro n’uko bacunga umutekano ku mipaka mu rwego rwo guhangana n’ibyo byaha.

    CSP Kalisa yagize ati” Iyi Ntara ifite uturere twinshi dukora ku gihugu cy’abaturanyi cya Repubulika Iharanira Demokarasi ya Congo. Aho hose usanga hari abantu bashaka kuhanyuza ibiyobyabwenge n’ibicuruzwa bya magendu bashaka kubyinjiza mu Rwanda ndetse hari nubwo abashaka guhungabanya umutekano w’u Rwanda bahifashisha bashaka kwinjira mu Rwanda. Kubera izo mpamvu abapolisi bacu bafatanije n’izindi nzego z’umutekano ndetse n’abaturage bahora bari maso amanywa n’ijoro.”

    Yakomeje agaragariza abashyitsi uko Polisi y’u Rwanda ishyira imbaraga mu kuzamura imibereho myiza y’abapolisi kugira ngo bashobore gusohoza neza inshingano zabo.

    Nyuma y’ibi, abashyitsi basuye ku mipaka ihuza u Rwanda na Repubulika Iharanira Deomokarasi ya Congo bajya kwirebera n’amaso yabo ibyo umuyobozi wa Polisi mu Ntara y’Iburengerazuba yari amaze kubabwira. Basuye umupaka munini unyurwaho n’ibinyabiziga, umupaka uzwi ku izina rya La Corniche One Stop Boarder Post.

    Banasuye n’umupaka mutoya unyurwaho n’abanyamaguru, uzwi ku izina rya La Petite Barriere.

    Umuyobozi wa Polisi ya Lesotho n’intumwa ayoboye banyuzwe n’uburyo abapolisi baba biteguye neza mu kazi kandi bari maso mu kugenzura urujya n’uruza rw’abantu n’ibinyabiziga biba birimo kwambuka imipaka yombi.

    Yagize ati “Mwatubwiye ko kubera icyorezo cya COVID-19 urujya n’uruza rusa nk’urwaganutse kuri iyi mipaka yombi ariko n’ubundi turabona hari urujya n’uruza rw’abantu benshi. Dushimishijwe n’ukuntu ku ruhande rw’u Rwanda abapolisi bahacunga umutekano n’ubushishozi bwinshi, basaka buri muntu wese winjiye, mwanateye imbere mu ikoranabuhanga kuko twabonye ukuntu nta muntu ushobora kwijira mu Rwanda mutarebye ibyangombwa bye binyuze mu ikoranabuhanga.”

    Commissioner of Police Holomo Molibeli n’intumwa ayoboye banyuzwe kandi n’uko Polisi y’u Rwanda yita ku mibereho myiza y’abapolisi avuga ko bitandukanye cyane n’iwabo.

    Ati “Ukuntu abapolisi ba hano mu Rwanda mwabubakiye amacumbi babamo kandi meza ndetse bakanagenerwa amafunguro ku manywa na nijoro. Bitandukanye n’iwacu kuko twebwe ntibihaba, buri mupolisi yimenyera aho ataha n’uko ari burye, ni ibintu byiza natwe dukwiye kubyigana tukabikorera abapolisi bacu.”

    Nyuma yo gusura Polisi mu Ntara y’Iburengerazuba, Umuyobozi wa Polisi ya Lesotho yavuze ko akurikije ibyo yiboneye nta gushidikanya ko muri aka Karere Polisi y’u Rwanda yaba iri ku isonga mu gucunga umutekano kandi byose ibikora kinyamwuga n’ikinyabupfura.

    Ku gicamunsi aba bashyitsi banasuye ishami rya Polisi rishinzwe umutekano wo mu mazi birebera urwego Polisi y’u Rwanda igezeho mu gucunga umutekano wo mu mazi. Bakiriwe n’umuyobozi w’iri shami, Assistant Commissioner of Police (ACP) Elias Mwesigye.

    Umuyobozi mukuru wa Polisi ya Lesotho, Commissioner of Police, Holomo Molibeli n’intumwa ayoboye basuye abapolisi b’u Rwanda bakorera mu Ntara y’Iburengerazuba

    source : https://ift.tt/3kxuiJJ