Webrwanda Backend

Category: Uncategorized

  • Umugabo gutanga ikirego ko yahohotewe n’umugore si ubugwari ahubwo ni ubutwari- Dr Thierry/RIB #rwanda #RwOT

    Hamaze iminsi humvikana ihohoterwa rikorerwa abagabo barikorewe n’abagore babo aho mu minsi itari iya cyera hagaragaye amashusho ku mbuga nkoranyambaga y’umugore ari gukubita inshyi umugabo we amuhagurutsa ngo batahe.

    Benshi mu bakunze gukoresha imbuga Nkoranyambaga, buririye kuri ayo mashusho bavuga ko igihe kigeze ngo abagabo bahohoterwa n’abagore babo na bo babiryozwe aho kumva ko ihohoterwa ryo mu ngo rikorerwa abagore gusa.

    Gusa inzego z’ubutabera zahise zitangira gukurikirana iki kibazo ndetse ubu dosiye y’ikirego cy’uriya mugore yamaze gushyikirizwa Urukiko.

    Ubushinjacyaha bw’u Rwanda buherutse gutangaza ko Ubushinjacyaha ku rwego Rwisumbuye rwa Huye bwashyikirije Urukiko Rwisumbuye rwa Huye iriya dosiye.

    Umuvugizi w’Urwego rw’Igihugu rw’Ubugenzacyaha RIB, Dr Murangira Thierry avuga ko yaba umugore cyangwa umugabo ugiye gutanga ikirego ko yahohotewe n’uwo bashakanye, bombi bakirwa kimwe.

    Gusa abagabo bakunze kuvugwaho kudatobora ngo bavuge ko bahohotewe n’abagore babo aho baba bumva ko babaseka.

    Dr Murangira ati 'Guhohoterwa uri umugabo ntabwo bivuga ko uri ikigwari ahubwo kujyayo ugatanga ikirego ni ubutwari, kuko uba ufashije mu gukumira ibindi byaha byashoboraga kuvukiramo nko kwihorera n’ibindi.'

    Mu myaka ibiri ishize kuva mu kwezi kwa Nyakanga 2019 kugeza muri Kanama 2021, hagaragaye abagabo 1 008 bangana na 8% batanze ibirego by’uko bakorewe ihohoterwa n’abagore babo, mu gihe abagore batanze ibi birego ari 12 137 bangana na 92% by’abatanze ibirego.

    Source : http://www.ukwezi.rw/mu-rwanda/Amakuru-anyuranye/article/Umugabo-gutanga-ikirego-ko-yahohotewe-n-umugore-si-ubugwari-ahubwo-ni-ubutwari-Dr-Thierry-RIB

  • Dr.Habumuremyi Pierre Damien yasabiwe guhanirwa ikindi cyaha yagizweho umwere #rwanda #RwOT

    Ubushinjacyaha bwasabye Urukiko Rwisumbuye rwa Nyarugenge guhamya icyaha cy'ubuhemu Dr. Habumuremyi Pierre Damien wabaye Minisitiri w'Intebe, wakigizweho umwere n'Urukiko rw'Ibanze rwa Nyarugenge.

    Saa 10h25 nibwo urubanza rwa Dr Pierre Damien Habumuremyi rwasubukuwe mu Rukiko Rwisumbuye rwa Nyarugenge.

    Ni urubanza rw'ubujurire, Dr Pierre Damien Habumuremyi yajuririye icyemezo cy'Urukiko rw'Ibanze rwa Nyarugenge rwamuhamije icyaha cyo gutanga sheki zitazigamiye, rukamuhanaguraho icyaha cy'ubuhemu rukamukatira igihano cy'igifungo cy'imyaka itatu, no gutanga ihazabu ya miliyoni 892.200.000 Frw.

    Ubu bujurire bwatangiye kuburanishwa ku wa 30 Mata 2021.

    Abacamanza, batatu n'umwanditsi w'Urukiko nibo bayoboye iburanisha ry'urubanza rwa Dr Habumuremyi.

    Yaburanye ari kuri Gereza ya Nyarugenge, abamwunganira mu mategeko bari mu rukiko naho Ubushinjacyaha bwari ku cyicaro cy'Ubushinjacyaha gikuru.

    Urubanza ruburanishwa hifashijijwe Skype mu rwego rwo kwirinda icyorezo cya Coronavirus.

    Dr Pierre Damien Habumuremyi yunganirwa mu mategeko na Me Bayisabe Erneste ndetse na Me Kayitare Jean Pierre.

    Ubushinjacyaha nibwo bwabanje guhabwa ijambo ngo buvuge ku bisobanuro bya Dr Pierre Damien Habumuremyi ku bijyanye n'ubujurire bwe, no kuri sheki zifite agaciro ka miliyoni 178Frw buvuga ko zitazigamiye yatanze mu bihe bitandukanye.

    Ubushinjacyaha bwasobanuye uko Dr Habumuremyi yagiye atanga izo sheki aziha abantu mu bihe bitandukanye, kandi azi neza ko nta mafaranga yari afite kuri konti ye.

    Bwabwiye Urukiko ko butemeranya na Dr Habumuremyi ko yatanze izo sheki abo azihaye bazi neza ko guarantee, (garanti).

    Ibyo bukabihera ku kuba iyo izo sheki ziba ari garanti, abo yazihaye batari gusubira inyuma ngo bamurege.

    Ubushinjacyaha bwavuze ko butigeze burega Dr Habumuremyi ko ahubwo yarezwe n'abo yahaye Sheki, bityo mu rubanza bukaba ari bo buhagarariye.

    Uhagarariye Ubushinjacyaha ati 'Turifuza ko igihano Dr Pierre Damien Habumuremyi yakatiwe n'Urukiko rw'Ibanze rwa Nyarugenge kigumaho, akakirangiriza muri Gereza kuko uregwa atigeze anagaragaza kwicuza.'

    Nyuma yo kuvuga mu magambo arambuye uko icyaha bukurikiranyeho Dr Habumuremyi cyakozwe, Ubushinjacyaha bwavuze ko impamvu z'ubujurire bwe nta shingiro zifite.

    Ndetse buvuga ko bunasaba ko icyaha cy'Ubuhemu yagizweho umwere mu Rukiko rw'Ibanze, Urukiko Rwisumbuye rwakimuhamya na cyo akagihanirwa.

    Iburanisha ryakomeje abaregera indishyi, Ngabonziza na Nkurunziza ari bo bahabwa ijambo.

    Dr Habumuremyi amaze amezi 14 muri Gereza kuko yatawe muri yombi mu ntangiriro za Nyakanga 2020.

    Icyo gihe yari akurikiranyweho ibyaha bibiri, icyo Gutanga sheki zitazigamiwe n'icy'Ubuhemu.

    Urubanza ruzasomwa ku wa 29/09/2021.

    Dr. Habumuremyi yabaye Minisitiri w'Intebe hagati ya tariki 7 Nyakanga 2011 kugeza tariki 24 Nyakanga 2014, mbere yo gusimburwa na Anastase Murekezi kuri uwo mwanya.

    Mbere y'uko aba Minisitiri w'Intebe, Dr. Habumuremyi yabaye umudepite mu Nteko Ishinga Amategeko ya Afurika y'Iburasirazuba (EALA) avamo aba Minisitiri w'Uburezi.

    Nyuma yo kuba Minisitiri w'Intebe, uyu mugabo yaje no kuba Ambasaderi w'u Rwanda mu Burundi.

    Source: Umuseke.rw

    Source : https://umuryango.rw/imyidagaduro/imikino/article/dr-habumuremyi-pierre-damien-yasabiwe-guhanirwa-ikindi-cyaha-yagizweho-umwere

  • Ibitangaje wamenya ku munyafurika wavumbuye internet bikitirwa Abazungu. – YEGOB #rwanda #RwOT

    Iyo ugiye mu ishakiro ku mbuga zitandukanye ugashaka umuntu wavumbuye murandasi (internet) bakubwira ko yavumbuwe n'abagabo babiri b'abahanga mu bya mudasobwa aribo : Vinton Cerf, yavukiye muri Leta zunze ubumwe za Amerika mu 1943 na Bob Kahn, nawe yavukiye muri Leta zunze ubumwe za Amerika mu 1938.

    Aba nibo bitiriwe ubuvumbuzi bwose n'imirimo yakozwe kugirango murandasi (internet) dukoresha uyu munsi tuyibone. Gusa nubwo aribo bitiriwe ubuvumbuzi bwa murandasi, hari umunyafurika nawe wakoze ubushakashatsi bukomeye aho yatangaje ko aribwo bifashishije bakora ikoranabuhanga rya murandasi (internet) ariko ubushakashatsi bwe bifashishije ntibumwitirirwe.

    Philip Emeagwali ni umuhanga mu bya mudasobwa wavukiye mu gihugu cya Nijeriya (Nigeria) tariki 23 Kanama mu 1954 ndetse uyu mugabo ubwe yatangaje ko ariwe wavumbuye murandasi ariko ntibabimwitirira.

    Uyu mugabo yatsindiye ibihembo bitandukanye, aha twavuga nk'igihembo cya Gordon Bell Prize mu mwaka w'1989, iki gihembo gitangwa buri mwaka kigahabwa uwahize abandi mu guhanga udushya no gukora gahunda za mudasobwa (applications) z'ingirakamaro.

    Uyu mugabo yagiye kwiga muri Leta zunze ubumwe za Amerika yoherejwe n'igihugu ndetse mu 1977 yahakuye impamyabumenyi y'icyiciro cya kabiri cya kaminuza mu mibare ayikuye muri Kaminuza ya Oregon State.

    Nyuma yaho yimukiye i Washington D.C, mu mwaka w'1986 ahakura impamyabumenyi y'ikirenga mu bijyanye n'inyanja n'ubwubatsi bwo mu mazi arongera abona impamyabumenyi ya kabiri y'ikirenga mu mibare yakuye muri Kaminuza ya Maryland.

    Emeagwali ni ibintu byinshi yatangaje ko yagiye akora ariko ntahabwe uburenganzira bwo kubyitirirwa.

    Yatangaje ko ari we se wa murandasi. Mu rugendo yagiriye mu Busuwisi muri Mata 2009, Emeagwali yatangaje ko ari we muntu wa mbere wabashije gukora ubuvumbuzi bwa hypercube bwifashishwa kugira ngo habeho itumanaho rya murandasi aho babikora bahuje igice cya mudasobwa cyitwa processor n'ububiko bwayo.

    Aho yavuze ko ubu bushakashatsi yatangije babwifashishije bagakora itumanaho rya murandasi (internet) ariko ntabyitirirwe. Si ibi gusa kuko uyu mugabo yatangaje ko akoresheje imbaraga ze yabashije kwesa utundi duhigo twinshi harimo no kuvugurura itegeko rya kabiri rya Newton.

    Source : https://yegob.rw/ibitangaje-wamenya-ku-munyafurika-wavumbuye-internet-bikitirwa-abazungu/

  • Umunyamakuru wa Televiziyo y'u Rwanda yagaragaye ari mu munyenga w'urukundo n'umukunzi we i Dubai (AMAFOTO) – YEGOB #rwanda #RwOT

    Umunyamakuru Tumusiime Juliet ukora kuri Televiziyo Rwanda mu kiganiro cy'iyobokamana cyitwa 'RTV Sunday Live' we n'umugabo we John Muhereza bari mu kwezi kwa buki mu mujyi wa Dubai.

    Uyu munyamakuru ubifatanya n'ubuhanzi yamwambitse impeta tariki 06/12/2020 na, John Muhereza nawe w'umunyamakuru ku mateleviziyo akomeye mu gihugu cya Kenya ariko akorera aba mu Rwanda.

    Taliki ya 26 Gicurasi 2021 nibwo aba bombi basezeranye imbere y'amategeko, bibera mu murenge wa Kimihurura mu karere ka Gasabo.

    Ubukwe bwabo bwabaye taliki ya 21 Kanama 2021 bubera i Kanombe ahazwi nko kuri Password Garden hafi n'ibitaro bya Gisirikare.

    Nyuma y'ubukwe bahise berekeza muri Leta Zunze Ubumwe z'Abarabu mu kwezi kwa buki mu mujyi wa Dubai.

    John Muhereza ni umunyamakuru ubifatanya n'umwuga wo gufotora, gutunganya amashusho (Video), gutunganya ibiganiro byo kuri Televiziyo.

    Juliet Tumusiime ni umunyamakuru ubirambyemo dore ko mbere yo gukora kuri Televiziyo Rwanda, yabanje gukora kuri Royal Tv.

    Source : https://yegob.rw/umunyamakuru-wa-televiziyo-yu-rwanda-yagaragaye-ari-mu-munyenga-wurukundo-numukunzi-we-i-dubai-amafoto/

  • Uwapfuye yarihuse:umugore yateye gapapu umukobwa we ,arongorwa n'umukwe we. – YEGOB #rwanda #RwOT

    Umuririmbyi ukiri muto wo mu Burundi uzwi ku izina rya Akes Don ,yakoze ubukwe numugore wari kuzamubera nyirabukwe atuye muri AMERIKA.

    Inkuru yatangiye igihe Akes Don yashakaga kurongora Nelly, umukobwa w'uyu mugore. nyuma uyu mudamu yatangiye kugirana umubano udasanzwe n'uyu muririmbyi birangira amwegukanye.

    Nyina w'umukobwa yatangiye kumenyana n' uyu musore wakundanaga numukobwa we batangira kujya bandikirana ku mbuga nkoranyambaga.

    Amakuru avuga ko Akes Don yahuye na nyina w'umukunzi we nyuma yo kwandikirana ubutumwa butandukanye inbox havuka umubano w'urukundo. Icyatangiye nkamakimbirane, umuriro wurukundo waratangiye 😂😂

    Akes wibwiraga ko ari umugabo wa Nelly ubu ni papa we. Nyina YAMAZE gukora ubukwe nuyu musore aho batuye i Bujumbura naho Nelly asigara muri Amerika.

    Bivugwa ko igihe Akes yabwiraga Nelly amakuru yuko asigaye abana na nyina. Nelly yaratunguwe ndetse aramuseka cyane, avuga ko agomba kuzamuharika nyina kuko agikunda uyu musore.

    Ese wumva bizagenda bite? Akes azarongora Nelly na nyina cyangwa azagumana umukunzi we mushya bita Mama wa Nelly?

    Source : https://yegob.rw/uwapfuye-yarihuseumugore-yateye-gapapu-umukobwa-we-arongorwa-numukwe-we/

  • Côte d'Ivoire, Senegal, Cape Verde ndetse na Tunisia zageze muri 1/2 cy'irushanwa Nyafurika rya Afrobasket rizasozwa mu mpera z'iki cyumweru #rwanda #RwOT

    Ku mugoroba wo kuri uyu wa Kane, tariki ya 3 Nzeri 2021 nibwo hasojwe imikino ya Kimwe cya kane cy'irushanwa Nyafurika ry'umukino w'intoki wa Basketball mu Bagabo, ni imikino yarangiye Côte d'Ivoire, Senegal, Cape Verde ndetse na Tunisia zigeze muri 1/2.

    Mu mukino wabimburiye indi yose ya kimwe cya kane , ikipe y'igihugu ya Côte d'Ivoire yatsinze ikipe y'igihugu ya Guine amanota 98 kuri 50, bihesha iyi kipe kugera muri kimwe cya Kabiri cy'iri rushanwa rizasozwa ku cyumweru tariki ya 5 Nzeri 2021.

    Mu wundi mukino watanze ikipe yindi igera muri 1/2 ni Senegal yasezereye ikipe ya Angola nyuma yo gutsinda amanota 79 kuri 74 .

    Kuri uyu wa kane, nibwo ikipe ya Tunisia yo yasezereye South Sudan ku manota 80 kuri 65, ni mugihe kandi ikipe y'igihugu ya Cape Verde yo yasezereye ikipe ya Uganda iyitsinze amanota 79 kuri 71.

    Biteganyijwe ko kuri uyu wa gatandatu aribwo imikino ya kimwe cya Kabiri cy'irushanwa rya Afrobasket itangira aho ku isaha ya saa munani muri Kigali Arena aribwo ikipe ya Cape Verde ikina na Tunisia nyuma yawe ukazakurikirwa n'uzahuza ikipe ya Côte d'Ivoire na Senegal.

    Umukino wa Nyuma biteganyijwe ko uzakinwa kuri iki cyumweru ari nabwo irushanwa rizasozwa hakinwa umukino uzagaragaza ikipe izatwara igikombe ndetse n'izaba yegukanye umwanya wa gatatu.

    The post Côte d'Ivoire, Senegal, Cape Verde ndetse na Tunisia zageze muri 1/2 cy'irushanwa Nyafurika rya Afrobasket rizasozwa mu mpera z'iki cyumweru appeared first on RUSHYASHYA.

    Source : https://rushyashya.net/cote-divoire-senegal-cape-verde-ndetse-na-tunisia-zageze-muri-1-2-cyirushanwa-nyafurika-rya-afrobasket-rizasozwa-mu-mpera-ziki-cyumweru/?utm_source=rss&utm_medium=rss&utm_campaign=cote-divoire-senegal-cape-verde-ndetse-na-tunisia-zageze-muri-1-2-cyirushanwa-nyafurika-rya-afrobasket-rizasozwa-mu-mpera-ziki-cyumweru

  • Umuhanzi Theo Bose Babireba yahishuye uko yateye abakobwa bose 4 inda ,n'ubryo yirukanwe muri ADPER #rwanda #RwOT

    Mu mwaka 2018, uyu muhanzi wakunzwe cyane mu ndirimbo zirimo ubutumwa bwiza ,yagiyeavugwaho ubusambanyi ,ubusinzi byaje gutuma anahagarikwa mw'itorero rya ADPR mu gihe kingana n'umwaka.

    Mu kiganiro yagiranye na Isimbi Tv yahishuye byose agira ati'Itorero nabarizwangamo rya ADEPR ryarampagaritse bitewe n'ubryo nitwaraga , banshinjaga ubusambanyi n'ubusinzi ndetse no gukorana indirimbo n'abapagani , barampagaritse igihe kingana n'umwaka '

    Akomeza agira ati ' Njyewe abana nemeye mu itorero ni abana bane nateye inda abana 4, hanyuma abo ba nyina baje hano ni 2 hari bataje babiri kuko ni bane.

    Hari n'abandi bajya bavuga ngo hari abandi nabyaye bari mu bindi bihugu,ariko siko byari bimeze , ntawe ,banvuga ibihugu nsanzwe njyamo ,watera inda mu mahanga usubiyemo banagufunga'.

    Ubwo yahagarikwaga yarasabwe gusaba imbabazi abantu bose yahemukiye ndetse n'indi rya ADPER kandi avuga ko yabikoze ahereye no ku mugore we bafitanye abana barindwi.

    Source : https://umuryango.rw/imyidagaduro/article/umuhanzi-theo-bose-babireba-yahishuye-uko-yateye-abakobwa-bose-4-inda-n-ubryo

  • “Guhohoterwa n'umugore uri umugabo ntabwo bivuga ko uri ikigwari ahubwo kujya gutanga ikirego ni ubutwari”-RIB #rwanda #RwOT

    Hamaze iminsi humvikana inkuru z'abagabo bahohoterwa n'abagore babo mu Rwanda ndetse bamwe bahabwa urw'amenyo iyo bimenyekanye gusa Urwego rw'igihugu rw'Ubugenzacyaha n'imiryango itegamiye kuri Leta yita ku burenganzira bwa muntu isaba ko hakorwa ubukangurambaga bwo gushishikariza abagabo gushaka ubutabera igihe bahohotewe.

    Umuvugizi wa RIB, Dr Murangira Thierry,yabwiye RBA ko nta busumbane mu kwakira abatanga ibirego by'ihohoterwa bakorerwa, ahubwo asaba abagabo gutinyuka kurega igihe bahohotewe kuko ari ubutwari.

    'Mu mikorere ya RIB yaba umugore cyangwa umugabo uje gutanga ikirego cy'uko yahohotewe bakirwa kimwe, mu by'ukuri guhohoterwa uri umugabo ntabwo bivuga ko uri ikigwari ahubwo kujyayo ugatanga ikiego ni ubutwari, kuko uba ufashije mu gukumira ibindi byaha byashoboraga kuvukiramo nko kwihorera n'ibindi.'

    Minisiteri y'Uburinganire n'Iterambere ry' Umuryango yemera ko koko ihohoterwa muri rusange rikiri ikibazo ariko, by' umwihariko irikorerwa umugabo ririmo kugaragara cyane muri iyi minsi, rifite umuzi ku kumva nabi ihame ry'uburinganire n'ubwuzuzanye.

    RIB ivuga ko mu myaka ibiri ishize kuva mu kwezi kwa 7/2019 kugera mu kwa 8/ 2021, hagaragaye abagabo 1,008 bangana na 8% batanze ibirego by'uko bakorewe ihohoterwa n'abagore babo, mu gihe abagore batanze ibi birego ari 12,137 bangana na 92% by'abatanze ibirego.

    Mu byaha byagaragaye cyane, abagabo 921 bangana na 18% nibo batanze ibirego ko bakubiswe bagakomeretswa nabo bashakanye, mu gihe abagore bareze ko bakorewe ibi byaha ari 2,190 bangana na 92% by'abatanze ikirego nk'iki bose.

    Source : https://umuryango.rw/amakuru/mu-rwanda/umutekano/article/guhohoterwa-uri-umugabo-ntabwo-bivuga-ko-uri-ikigwari-ahubwo-kujya-gutanga

  • Rubavu: Havumbuwe ibisasu 46 bikomeye mu kigo cya TTC Gacuba #rwanda #RwOT

    Ubwo hacukurwaga ubwiherero mu ishuri TTC Gacuba ryo mu Murenge wa Gisenyi mu Karere ka Rubavu, habonetse ibisasu 46 bishaje none hahise hakekwa ko haba hari ibindi bikaba biri gushakishwa.

    Muri kariya gace ka Gisenyi ni kamwe mu twazahajwe n'intambara y'abacengezi bagiye basiga bateze ibisasu ngo bizahitane abaturage aho ndetse bimwe byagiye binabaturikana koko.

    Nkuko amakuru dukesha UKWEZI abitangaza,kuri uyu wa Kane tariki ya 2 Nzeri 2021 ubwo abakozi bacukuraga ubwiherero muri ririya shuri cya TTC Gacuba, baje kugwa ku bisasu 46 bigaragara ko bimaze igihe kinini mu butaka.

    Tuyishime Jean Bosco uyobora Umurenge wa Gisenyi, avuga ko biriya bisasu byabonywe n'abakozi bariho bacukura.

    Yagize ati 'Twatumije inzego zibishinzwe kugira ngo bakomeze gukurikirana uko bimeze.'

    Yatangaje kandi ko hahise hakorwa ibikorwa byo gushakisha niba ntabindi bisasu byaba biri muri kiriya kigo kugira ngo bitazahungabanya umutekano w'abanyeshuri mu gihe bazaba bagarutse ku mashuri.

    Source : https://umuryango.rw/amakuru/mu-rwanda/umutekano/article/rubavu-havumbuwe-ibisasu-46-bikomeye-mu-kigo-cya-ttc-gacuba

  • Inzira zoroshye wakoresha uhitamo umukunzi muzarambana. – YEGOB #rwanda #RwOT

    Inzira wakoresha uhitamo umukunzi muzarambana:

    -Mu ntambwe ya mbere, ni byiza ko udatwarwa n'uburanga cyangwa ubutunzi, ukagira amatsiko yo kumenya neza umuntu muhuye ubwa mbere kandi ubona ashaka ko mukomezanya mu rukundo. Icy'ingenzi cyane ni ukubanza kumenya iwabo, kuko bigufasha kumenya umuco we. Aha iyo tuvuze iwabo ntibisobanuye mu rugo aho ataha, ahubwo tuba tuvuze aho yavukiye cyangwa yarerewe. Ugomba kandi kumenya niba ari umunyakuri.

    -Intambwe ya kabiri ya fiancaille ni intambwe ikomeye cyane, ndetse bibaye byiza mwayimaramo igihe kirekire, byibura hejuru y'umwaka. Ibi bigufasha kumenya umuntu bihagije, ukamenya niba uzabasha kubana nawe.

    Muri iyi ntambwe ya kabiri uba ugomba kwirinda kugwa mu mutego w'amafaranga cyangwa akazi keza umukunzi wawe afite, dore ko hari n'abamukundira umuntu umuryango avukamo cyangwa inshuti bagendana. Ibi byose ni utuntu duto tugusha abasore n'inkumi mu mutego wo gushaka abo batazi.

    -Ni byiza kandi kumenya icyatumye agukunda, ugashakisha ayo makuru buhoro buhoro kandi mu bwenge ku buryo utabimubaza. N'ubwo utabimubaza, ushobora kubimenya bivuye ku nshuti cyangwa umuvandimwe we. Ikindi ugomba kumenya niba afite ababyeyi, kuko muri iyi ntambwe niho ugomba kubamenya nabo bakakumenya.

    Icyitonderwa: ku bafite ababyeyi ugomba kumenya uko abubaha, kuko agaciro abaha kakwereka byibura 70% y'ako yaguha nawe uramutse ugeze mu rugo. Niba afite ubushobozi kubarusha, ni byiza kumenya ko hari icyo abafasha kuko nawe bizagufasha kumenya umutima w'impuhwe kuri we aho ugarukira. Ikindi, ugomba kumenya niba ari umunyakuri muri bagenzi be, ukamenya uko akoresha amafranga: niba asesagura cyangwa ayakoresha neza.

    Source : https://yegob.rw/inzira-zoroshye-wakoresha-uhitamo-umukunzi-muzarambana/