Webrwanda Backend

Category: Uncategorized

  • Ntibisanzwe!!!Umugore yaciye ibintu ajya ku kibuga cy'indege yambaye Bikini #rwanda #RwOT

    Umugore yaciye ibintu hose kubera ukuntu yatinyutse kujya ku kibuga cy'indege cya Miami muri USA yambaye imyenda y'imbere [Bikini] gusa anahetse igikapu kandi aha hantu hajya abantu bambaye neza.

    Video y'uyu mugore yambaye utwenda tw'imbere gusa ari ku kibuga cy'indege, yashyizwe hanze n'abiyise ” Humans of Spirit Airlines ” kuri Instagram bandikaho bati 'igihe iyo wateguye ikirori saa sita ufite urugendo rw'indege saa kumi z'amanywa.

    Umwe yahise yandikaho ati 'nibura yibutse kwambara agapfukamunwa.'

    Muri iyi video,uyu mugore wari wambaye bikini y'icyatsi yinjiye ku kibuga cy'indege afashe isakoshi ya Louis Vuitton anahetse igikapu cy'umukara inyuma yerekeza aho bashyira imizigo.

    Aya mashusho y'uyu mukobwa ufite imisatsi y'umuhondo yakwirakwijwe hose byatumye benshi bacika ururondogoro bamwibazaho.

    Kompanyi itwara abagenzi ya Spirit Airlines yabwiye New York Post ko aya mashusho atizewe ariko ko bitanatangaje.

    Uyivugira yagize ati 'Ayo mafoto ntawamenya aho yafatiwe neza kandi ntagaragaza neza kompanyi y'indege uyu mukobwa yari agiye gukoresha.Twasuzumye dusanga mu madosiye yacu tutagize umukiriya wambaye kuriya.'

    Uyu muntu ntiyigeze ahishura niba iyi kompanyi yakwemera gutwara umugenzi wambaye Bikini.


    Source : https://umuryango.rw/ubuzima-115/udushya/article/ntibisanzwe-umugore-yaciye-ibintu-ajya-ku-kibuga-cy-indege-yambaye-bikini

  • Mukuru wa Jay Polly yahishuye uko bashwanye bapfa indirimbo #rwanda #RwOT

    Umuvandimwe wa Jay Polly,Uwera Jean Maurice uzwi nka “UncleMorris”yatangaje ko uyu muraperi babanje kutumvikana ubwo yari atangiye umuziki bitewe n'imyandikire ye.

    Uyu mugabo usanzwe akora kuri RBA,yavuze ko uyu muvandimwe we uherutse gutabaruka bigeze gushwana bapfa indirimbo yakoze avuga ko ari imfubyi itagira se na nyina n'abavandimwe kandi bahari.

    Abinyujije ku mbuga nkoranyambaga, Uwera Jean Maurice yavuze ko hari umunsi umwe atumvikanye neza na Jay Polly kubera indirimbo atavuze ariko bikekwa ko ari 'Akanyarirajisho'.

    Yagize ati 'Akenshi ntabwo twakundaga kumvikana ku ndirimbo ze cyane ko iyo yakoze yose yayinyumvishaga mbere mwebwe mutarayumva, urugero hari nk'iyo yakoze numva yiyise imfubyi itagira se na nyina, n'abavandimwe. Namuhamagaye ndakaye ndamutuka cyane arankupa ndakara kurusha noneho !!!.

    Musanga aho ari nsanga ari kumwe nabajama bari kuyibyina ahita ambwira ngo nayitanze hose Ku ma radios ngwino nguhe kamwe ndongera ndarakara!!!!! Iyo Ndirimbo yarakunzwe biteye ubwoba!!! Urakeka iyo Ndirimbo ari iyihe???mu minsi ye yanyuma yari asigaye akora indirimbo akaba ari njyewe uyikina bwa mbere kuri Radio'

    Kuri iki cyumweru tariki 05 Nzeri 2021,nibwo hateganyijwe gahunda yo gusezera bwa nyuma kuri nyakwigendera Jay Polly ndetse no kumusengera bikaba bizabera iwe aho yari atuye.

    Gahunda yashyizwe hanze nuko saa yine kugera saa sita z'amanywa ari ugusezera no gusenga mu rugo aho Jay Polly yari atuye, saa sita ni ugufata umurambo ku bitaro bya Kacyiru, naho kuva saa munani kugeza saa kumi ni ugushyingura mu irimbi rya Rusororo, saa kumi kugera saa kumi n'imwe ni ugukaraba.

    Jay Polly wari umaze iminsi afungiye muri gereza ya Nyarugenge mu Murenge wa Mageragere aho yari akurikiranyweho ibyaba bitandukanye,yatabarutse mu ijoro ryo kuwa Kane w'iki cyumweru.

    Source : https://umuryango.rw/ubuzima-115/imibereho/article/mukuru-wa-jay-polly-yahishuye-uko-bashwanye-bapfa-indirimbo

  • Uko gahunda yo guherekeza Jay Polly iteye – YEGOB #rwanda #RwOT

    Mu masaha make ashize, gahunda yo guherekeza mu cyubahiro Umuhanzi Tuyishime Joshua (Jay Polly) imaze kujya hanze. Umuhango wo kumusezera uzaba ku munsi w'ejo tariki ya 05/09/2021.

    • 10h-12h: Gufata umurambo mu bitaro bya Kacyiru

    •12h-14h: Gusezera no Gusenga murugo aho yari atuye

    •14h-16h: Gushyingura mu irimbi rya Rusororo

    •16h-17h: Gukaraba Rusororo

    Source : https://yegob.rw/uko-gahunda-yo-guherekeza-jay-polly-iteye/

  • Miss Bahati Grace yasabwe aranakobwa #rwanda #RwOT

    Nyampinga w’u Rwanda 2009, Miss Bahati Grace yasabwe aranakobwa mu birori byabereye muri Amerika.

    Ni ibirori byaraye bibaye ku munsi w’ejo hashize ku wa Gatanu aho Murekezi Pacifique yabwiye umuryango we kumuherekeza kujya gusaba Bahati Grace.

    Ni ibirori byabanjirije indi mihango y’ubukwe nko gusezerana imbere y’Imana biri bube kuri uyu wa Gatandatu tariki 4 Nzeri 2021.

    Murekezi Olivier wakanyujijeho muri Volleyball akaba na mukuru wa Murekezi Pacifique yari yagiye gushyigikira umuvandimwe we.

    Uyu muhango ukaba witabiriwe na ba Nyampinga b’u Rwanda batandukanye nka; Miss Nimwiza Meghan, Miss Iradukunda Elsa na Miss Aurore Kayibanda.

    Ibindi byamamare byari byitabiriye uyu muhango wo gusaba no gukwa, harimo umunyamakuru Ally Soudy na MC Nzi.

    Biteganyijwe ko ubukwe bwa Grace na Pacifique buza kubera muri Leta Zunze Ubumwe za Amerika aho baba mu mujyi wa Cedar Rapids muri Leta ya Lowa mu busitani bwa Double Tree by Hilton.

    Bahati Grace yasabwe aranakwa

    Source : http://isimbi.rw/imyidagaduro/miss-bahati-grace-yasabwe-aranakobwa

  • Mukuru wa Jay Polly yasobanuye uburyo bashwanye bikomeye bapfa indirimbo, akamurakaza umubwira kumugurira akantu #rwanda #RwOT

    Uwera Jean Maurice akaba mukuru wa Jay Polly uherutse kwitaba Imana yavuze ko hari igihe yigeze gushwana n’uyu muraperi bapfa indirimbo ‘Akanyarirajisho’ yigizemo impfubyi idafite umuvandimwe.

    Uyu mugabo usanzwe ari umunyamakuru kuri RBA, wababajwe n’urupfu rwa murumuna we, abinyujije ku mbuga nkoranyambaga ze zirimo Facebook, yagaraje ko yigeze gushwana na Jay Polly.

    Icyo gihe ngo yari amaze kumwumvisha indirimbo ‘Akanyarirajisho’ yaririmbye avuga uburyo ari impfubyi yasigaye irera mushiki we.

    Ibi byarakaje Maurice cyane baratongana undi ahita amukupa biramurakaza, agiye kumureba asanga ari kumwe n’inshuti ze bayibyina, gusa ngo yatunguwe no kuba iyi ndirimbo yarakunzwe cyane.

    Ati “akenshi ntabwo twakundaga kumvikana ku ndirimbo ze cyane ko iyo yakoze yose yayinyumvishaga mbere mwebwe mutarayunva, urugero hari nk’indirimbo yakoze nyumvishe numva yiyise imfubyi itagira se na Nyina, nabavandimwe(Akanyarirajisho), namuhamagaye ndakaye ndamutuka cyane arankupa ndakara kurusha noneho.”

    “Musanga aho ari nsanga ari kumwe n’abajama bari kuyibyina ahita ambwira ngo nayitanze hose ku maradiyo ngwino nguhe kamwe ndongera ndarakara, iyo ndirimbo yarakunzwe biteye ubwoba. Urakeka iyo Ndirimbo ari iyihe? Mu minsi ye ya nyuma yari asigaye akora indirimbo akaba ari njyewe uyikina bwa mbere.”

    Jay Polly yitabye Imana mu ijoro ryo ku wa 2 Nzeri 2021, akaba yaraguye mu bitaro bya Muhima. Azashyingurwa ku munsi w’ejo.

    Source : http://isimbi.rw/imyidagaduro/article/mukuru-wa-jay-polly-yasobanuye-uburyo-bashwanye-bikomeye-bapfa-indirimbo-akamurakaza-umubwira-kumugurira-akantu

  • Kigali: Umurenge wa mbere mu marushanwa yo guhangana na Covid-19 uzahembwa imodoka #Rwanda #RwOT via @kigalitoday #rwanda #RwOT

    Umuyobozi Nshingwabikorwa w
    Umuyobozi Nshingwabikorwa w’Akarere ka Kicukiro, Umutesi Solangeasobanura iby’ayo marushanwa

    Iyo gahunda ku rwego rw’Akarere ka Kicukiro yatangirijwe mu Murenge wa Kanombe, mu isoko rya Kabeza, ku wa Gatanu tariki 3 Nzeri 2021. Abayobozi kuva ku rwego rw’amasibo kugeza k’urw’umurenge basinyiye imbere y’Umuyobozi Nshingwabikorwa w’Akarere ka Kicukiro, Umutesi Solange, kuzegukana ibyo bihembo.

    Abatuye Akarere ka Kicukiro kuva mu masibo bashyiriweho amarushanwa agamije kurwanya icyorezo cya Coronavirus, aho abazayatsinda bazahabwa ibihembo bitandukanye.

    Kuri uyu wa Gatanu mu bice bitandukanye by’akarere ka Kicukiro, hatangiye ubukangurambaga bugamije kongera imbaraga mu gukumira icyorezo cya Coronavirus, aho hashyizweho ibihembo kuva mu masibo azitwara neza.

    Mu murenge wa Kanombe ibi bikorwa byatangirijwe mu kagali ka Kabeza, aho abayobozi b’amasibo basinye imihigo imbere y’abayobozi b’umudugudu, mu gikorwa cyari gihagarariwe n’Umuyobozi w’uwo murenge.

    Bimwe mu byagarutsweho muri iyo mihigo, harimo kwiyemeza gukangurira abaturage kwitabira igikorwa cyo kwikingiza, kurwanya ubusinzi by’umwihariko ubukomoka ku nzoga z’inkorano biteza umutekano muke, ndetse no kudohoka ku ngamba zo kwirinda icyorezo.

    Abayobozi basinye imihigo
    Abayobozi basinye imihigo

    Umunyamabanga Nshingwabikorwa w’Umurenge wa Kanombe, Nkurunziza Idrissa, yavuze ko gusinya iyo mihigo bizafasha abaturage gukaza ingamba zo kwirinda, ndetse bakaba baniteguye kuba bakwegukana ibyo bihembo kuko n’ubusanzwe bajya babyegukana

    Ni gahunda irimo gukorerwa mu tugari twose, gusinya iyo mihigo bizafasha mu gukumira icyorezo cya Covid-19, hari icyizere kuko abahagarariye abandi baza kubagezaho imihigo, hari inzego zitandukanye zirimo umurenge wa Kanombe ziharanira ko umurenge wabo uzaza mu ya mbere ukazegukana imodoka, nk’uko Nkurunziza abivuga.

    Ati “Hari ibikorwa bigaragarara abaturage bamaze kugeraho, iyi gahunda irashimangira ibyo twari dusanzwe dukora ntabwo ari uyu munsi dutangiye, ariko icyo izafasha gikomeye ni uguhindura imyumvire y’abaturage, uburyo birinda Covid-19 n’uburyo bafashanya na bagenzi babo mu kuyirwanya”

    Irushanwa ry’imirenge 35 yo mu mujyi wa Kigali, kuri Kanombe si bishya kuko yagiye itwara ibihembo bitandukanye nk’ibijyanye n’isuku kuko n’imodoka ngo bigeze kuyegukana.

    Umutesi yavuze ko icyo barimo guharanira muri ayo marushanwa ari ukugira ngo abaturage bakomeze kwirinda.

    Ati “Icyo turimo guharanira ni ukugira ngo abaturage ntibirare, cyane ko bije amabwiriza dufite uyu munsi asa nk’aho hari ibintu byasubukuwe harimo nko gutaha saa yine, ibyo rero turimo kubikora ngo abaturage batirara, batumva ko ibintu byinshi byasubukuwe bityo ko icyorezo cya Coronavirus cyarangiye”.

    Umunyamabanga Nshingwabikorwa w
    Umunyamabanga Nshingwabikorwa w’Umurenge wa Kanombe, Nkurunziza Idrissa

    Yashimiye Umurenge wa Kanombe wari ufite ibyiciro by’abaturage birimo abayobozi kuva ku masibo ndetse by’umwihariko hakabamo n’icyiciro cy’abacuruzi gihagarariye abandi bafatanyabikorwa mu kurwanya icyo cyorezo.

    Yashimiye kandi abacururiza mu isoko rya Kabeza ku kuba ryarabaye intangarugero mu kubahiriza amabwiriza yo kwirinda Coronavirus, abasaba kwigisha n’abandi uko byagenze ngo bagume mu mihigo yo kubahariza amabwiriza, hato imibare y’abandura itongera kuzamuka.


    source : https://ift.tt/3BEHAes

  • Ibyo umukunzi wa Miss Grace Bahati yavuze ku mwana we. – YEGOB #rwanda #RwOT

    Ubukwe bwa Nyampinga w'u Rwanda 2009, Grace Bahati bwamaze gutangira aho imihango yo gusaba no gukwa yamaze kurangira. Ni ibirori byitabiriwe n'abarimo Miss Kayibanda Aurore (2012), Iradukunda Elsa (2017), Nimwiza Meghan(2019), Cedru, Murenzi Kamatari n'abandi.

    Murekezi Pacifique yakomoje ku mfura y'umukunzi we bagiye kurushinga nyuma y'urukundo rumaze iminsi itari micye, avuga ko amukunda cyane. Uyu mwana yitwa Ethan, afite imyaka 9, yavutse mu mwaka wa 2012 mu rukundo rwa Grace na K8 Kavuyo nyuma baza gutandukana.

    Murekezi yagize ati: 'Umuntu uzi Ethan arabizi ko mukunda murinda kandi nicyo kintu cy'ingenzi naha Henry.' Henry n'abandi yagarutseho ni abo ku ruhande rw'umuryango wa Miss Grace Bahati.

    Source : https://yegob.rw/ibyo-umukunzi-wa-miss-grace-bahati-yavuze-ku-mwana-we/

  • Abagabo bahohoterwa n’abagore barakangurirwa kugana ubutabera #rwanda #RwOT

    Hamaze iminsi humvikana inkuru z’abagabo bahohoterwa n’abagore babo mu Rwanda ndetse bamwe bahabwa urw’amenyo iyo bimenyekanye gusa Urwego rw’igihugu rw’Ubugenzacyaha n’imiryango itegamiye kuri Leta yita ku burenganzira bwa muntu isaba ko hakorwa ubukangurambaga bwo gushishikariza abagabo gushaka ubutabera igihe bahohotewe.

    Umuvugizi wa RIB, Dr Murangira Thierry,yabwiye itangazamakuru ko nta busumbane mu kwakira abatanga ibirego by’ihohoterwa bakorerwa, ahubwo asaba abagabo gutinyuka kurega igihe bahohotewe kuko ari ubutwari.

    'Mu mikorere ya RIB yaba umugore cyangwa umugabo uje gutanga ikirego cy’uko yahohotewe bakirwa kimwe, mu by’ukuri guhohoterwa uri umugabo ntabwo bivuga ko uri ikigwari ahubwo kujyayo ugatanga ikiego ni ubutwari, kuko uba ufashije mu gukumira ibindi byaha byashoboraga kuvukiramo nko kwihorera n’ibindi.'

    Abagabo bahohoterwa n’abagore babo barasabwa kugana ubutabera

    Minisiteri y’Uburinganire n’Iterambere ry’ Umuryango yemera ko koko ihohoterwa muri rusange rikiri ikibazo ariko, by’ umwihariko irikorerwa umugabo ririmo kugaragara cyane muri iyi minsi, rifite umuzi ku kumva nabi ihame ry’uburinganire n’ubwuzuzanye.

    RIB ivuga ko mu myaka ibiri ishize kuva mu kwezi kwa 7/2019 kugera mu kwa 8/ 2021, hagaragaye abagabo 1,008 bangana na 8% batanze ibirego by’uko bakorewe ihohoterwa n’abagore babo, mu gihe abagore batanze ibi birego ari 12,137 bangana na 92% by’abatanze ibirego.

    Mu byaha byagaragaye cyane, abagabo 921 bangana na 18% nibo batanze ibirego ko bakubiswe bagakomeretswa nabo bashakanye, mu gihe abagore bareze ko bakorewe ibi byaha ari 2,190 bangana na 92% by’abatanze ikirego nk’iki bose.

    Nkindi Alpha

    Source : https://imirasire.com/?Abagabo-bahohoterwa-n-abagore-barakangurirwa-kugana-ubutabera

  • Ibihugu 17 mu bagabo bigiye kwitabira irushanwa Nyafurika mu mukino wa Volleyball rizabera muri Kigali Arena #rwanda #RwOT

    Igihugu cy'u Rwanda kigiye kwakira ibihugu 16 mu mukino w'intoki wa Volleyball mu irushanwa Nyafurika rigomba gutangira kuri iki cyumweru tariki ya 5 Nzeri kugeza kuya 16 Nzeri 2021, ni irushanwa rigomba kubera mu nyubako ya Kigali Arena izakira n'abafana bazareba iyi mikino.

    Nkuko bigaragara ndetse byemejwe n'ishyirahamwe ry'umukino w'intoki mu Rwanda FRVB ifatanyije na CAVB bemeje ko usibye u Rwanda ruzakira iri rushanwa ry'abagabo rigomba gutangira kuri iki cyumweru aho amakipe biteganyijwe ko aribwo azahagera, bucyeye bwaho ku wa mbere akaba aribwo hazaba inama itegura iri rushanwa ndetse ari nabwo amakipe azamenya uko azahura.

    Biteganyijwe ko irushanwa nyirizina ruzatangira kuri uyu wa Kabiri tariki ya 7 Nzeri 2021.

    Kugeza ubu ibihugu bizitabira iri rushanwa ni Tunisia, Tanzania, Niger, Burikin Faso, Burundi, Cameron, Repubulika Iharanira Demokarasi ya Congo, Misiri, Ethiopia, Guine, Kenya, Mali, Morocco, Nigeria, Rwanda, South Sudan ndetse na Uganda.

    Mu rwego rwo kwitegura iyi mikino ku ruhande rw'u Rwanda ruzakira iri rushanwa rwakininnye imikino ibiri ya gicuti ntirwabasha gutsinda umukino n'umwe, yakinnye na Morocco ndetse na Cameroon.

    Kugeza ubu mu bihugu 15 bizaturuka hanze, mu Rwanda hamaze kugera ibihugu bitatu aribyo Morroc, Cameroun na Uganda.

    Nk'uko byatangajwe n'abashinzwe gutegura iri rushanwa biteganyijwe ko abafana bashaka kwitabira iyi mikino bemerewe kwinjira mu gihe cyose berekanye ko bikingije COVID-19 ndetse kandi banipimishije iki cyorezo bakagaragaza ibisubizo byabo ko nta bwandu bwa Koronavirusi bafite.

    Baboneyeho kandi gutangaza ko ibiciro byo kwinjira muri Kigali Arena ari ibihumbi birindwi , ibihumbi Icumi ndetse na Cumi na bitanu, gusa muri iyo tike hakazaba harimo no kwipimisha Koronavirusi.

    The post Ibihugu 17 mu bagabo bigiye kwitabira irushanwa Nyafurika mu mukino wa Volleyball rizabera muri Kigali Arena appeared first on RUSHYASHYA.

    Source : https://rushyashya.net/ibihugu-17-mu-bagabo-bigiye-kwitabira-irushanwa-nyafurika-mu-mukino-wa-volleyball-rizabera-muri-kigali-arena/?utm_source=rss&utm_medium=rss&utm_campaign=ibihugu-17-mu-bagabo-bigiye-kwitabira-irushanwa-nyafurika-mu-mukino-wa-volleyball-rizabera-muri-kigali-arena

  • Aline wavuganye bwanyuma na Jay Polly wanagaragaye mu mu ndirimbo ye 'AKANYARIRAJISHO' yavuze ijambo ryanyuma yamubwiye #rwanda #RwOT

    Ibi Aline wanabaye umujyanama wa P Fla yabitangaje mu kiganiro yagiranye na Isimbi Tv ,avuga ko kuwa mbere kuwa Mbere w'iki cyumweru yavuganye na Jay Polly bamaze imyaka 10 baziranye ariko atari azi ko ari bwo bwa nyuma bavuganye kuko yatunguwe no kubyuka ku wa Kane yakirizwa inkuru y'uko yaraye apfuye ku wa Gatatu. Jay Polly ngo bavuganaga yifitiye icyizere amubwira ko bigiye gutungana agataha, gusa ngo ntabwo yari azi ko ari bwo buryo agiye gutahamo.

    Yagize ati 'Narabyutse nsanga bambuze ariko sinamenya uwo ari we, bongera kumpamagara numva ni Joshua, arambwira ngo ngiye kuza ibyange ndabona bigeye kugera ku musozo ariko sinari nziko agiye kuza muri buno buryo, yumvaga ko agomba gutaha kuko iminsi 30 yari yararangiye, hanyuma koko yatashye.'

    Akomeza ati 'Urumva yavugaga ko ngo ubutabera buzakora akazi kabwo, we yumvaga ko arengana wenda kuko yanavuze ko urumogi atari urwe ari urwo bazanye iwe, ko urwo bamusanzemo ari urwa kera, ariko na none ubutabera nicyo bumaze bugomba kubanza gutohoza neza niba ari byo cyangwa atari byo, tuganira bisanzwe ambwira ngo ava muri siporo akanywa icyayi, ubuzima bugakomeza.'

    Avuga ko kimwe mu bintu byamubabaje ari uko kuva Jay Polly yafungwa muri Mata 2021 atigeze agira amahirwe yo kumusura bitewe n'icyorezo cya Coronavirus, inshuro zose yagerageje byaranze.

    Kimwe mu bintu atazibagirwa kuri uyu muraperi ni uko akibyara imfura ye y'umukobwa, yigeze kumwoherereza amafaranga ibihumbi 35 ngo agure amata.

    Ati 'ndibuka nkibyara umukobwa wanjye w'imfura ndi kwa Nyirinkwaya, mvuye mu cyumba nabyariyemo, yanyoherereje ibihumbi 35 ngo ugure amata.'

    Ikindi ni uko yakundaga kumubwira ko bagomba gukora kugira ngo abana babo bazabeho neza.

    Ibyo kuba barakundanye yavuze ko ntabayeho uretse kuba bari inshuti magara ariko batigeze bakundanaho na rimwe.

    Yakomeje avuga ko Jay Polly abantu bamuzi nk'umunyakosa atari byo ahubwo we yakundaga kugira umwaku.

    Ati 'Hari ukuntu Jay Polly yari ameze bitandukanye n'uko abantu bamufata, yego ushobora kugira umwana uhora agwa mu makosa atari uko yakunaniye ariko kubera amahirwe make agahora mu makosa bitamuturutseho ahubwo ari nk'umwaku, ku bantu bamuzi bazi ko atandukanye n'ukuntu yavugwaga.'

    Ngo yari yaramaze gukura ubu gahunda yari afite hari ejo hazaza he, yateguraga uburyo yazareramo abana be babiri yabyaye.

    Yahishuye ko mu ndirimbo Akanyarirajisho y'uyu muhanzi yagiyemo yamwishuye ibihumbi 300, yumvaga ari amafaranga cyane kuri we wari ufite imyaka 19 icyo gihe.

    Uretse iyi ndirimbo 'Akanyarirajisho' Aline yagaragayemo, yanagaragaye mu ndirimbo 2 Dream Boys yakoranye na Jay Polly, 'Mpamariza Ukuri' na 'Mumutashye'.

    Source : https://umuryango.rw/imyidagaduro/article/aline-wavuganye-bwanyuma-na-jay-polly-wanagaragaye-mu-mu-ndirimbo-ye