Webrwanda Backend

Category: Uncategorized

  • Dore impamvu ituma usonza vuba_ soma inkuru irambuye #rwanda #RwOT

    Inzara ni ikimenyetso umubiri wacu uduha kerekana ko dukeneye ibiryo, iyo umuntu ashonje atangira kumva atameze neza akumva arwaye umutwe ndetse no mu nda hakamurya.

    Abantu benshi bamara amasaha menshi nyuma yo kurya batarongera gusonza, gusa ibi si buri wese umeze gutya kuko hari abasonza vuba cyane niyo haba hashize akanya gato bariye.

    Reka turebere hamwe ibituma umuntu asonza vuba.

    1.Kudasinzira bihagije: Gusinzira neza kandi ukaryama bihagije ni ingenzi ku buzima bwa muntu, kuko bituma ubwonko bukora neza, kandi bikakongerera ubudahangarwa bw'umubiri , si ibyo gusa kandi bikurinda indwara zidakira nka kanseri n'umutima. Kudasinzira neza bishobora gutera ihindagurika ry'imisemburo nka Leptin na Gherlin ituma umuntu yumva ashonje, ibyo bigatuma uhora wumva ushaka guhora urya.

    2.Indyo urya ishobora kuba ikennye ku binure: Ibinure bigira uruhare runini ku kumva umuntu ahaze. Ibi biterwa nuko ibiryo bikungahaye ku binure bitinda mu mara bigatuma igogora ritihuta, ibyo bigatuma ibiryo biguma mu gifu igihe kinini. Ibiryo bikungahaye ku binure twavuga ni nka Avoka, Amagi ndetse na Yaourte(Yoghurt).

    3. Kurya utabyitayeho: Hari abantu benshi bahora bafite ibintu byinshi bakora badashobora kubona umwanya wo kurya bitonze, barya vuba vuba kugirango basubire mu kazi. Nubwo kurya vuba bituma ucunguza uburyo umwete ariko burya bigira ingaruka ku buzima bwawe mu buryo udacyeka, icya mbere, kurya utabyitayeho cyangwa ufite n'ibindi bintu uri gukora bikongerera appetit ndetse n'ibiro byawe bikiyongera ku kigero cyo hejuru kuko urya ibiryo biruta ibyo wagakwiye kurya. Kurya utabyitayeho bishobora gutuma umubiri wawe utamenya ko wahaze, ibyo bigatuma usonza vuba kuko uba wamenyereje umubiri wawe guhora urya.

    4. Gukora imyitozo ngororamubiri myinshi: Umuntu ukora imyitozo ngororamubiri myinshi asonza vuba kuko aba yatwitse Calorie nyinshi bigatuma agira inzara vuba. Niyo mpamvu ari ngombwa ko igihe ukora imyitozo myinshi ugomba kongera ikigero cya proteyine ufata mu biribwa, ukongera ibiryo bikungahaye ku binure ndetse na fibre kugirango ugabanye gusonza vuba.

    5. Kutannywa amazi ahagije: Ubundi dusanzwe tuzi ko kunnywa amazi bituma umubiri wacu ukora neza. Amazi kandi arinda umubiri gusaza vuba kandi agatuma amara akora neza, amazi iyo anyowe mbere yo kurya bigabanya ubushake bwo kumva umuntu ashaka kurya bigatuma ibiryo uriye uhita wumva uhaze(Appetit), bikakurinda gusonza vuba. Kugira inyota bishobora kwitiranwa no gusonza, niyo mpamvu igihe ushonje ugomba guhita unnywa nibura ikirahure cy'amazi kugirango nyuma yaho wumve ko wari ushonje koko cyangwa se warufite inyota.

    6. Imiti ufata ikuvura indwara runaka: Imiti ishobora kugira ingaruka igira ku muntu uyinnywa, nko kuba yakongerera ubushake bwo guhora ushaka kurya, ibyo bigatuma usonza vuba. Imiti nka Insulin abarwayi ba Diyabete bitera mu nshinge akenshi usanga itera abayinnywa inzara ndetse na appetit idasanzwe. Igihe bigenze gutyo ugahura n'ikibazo cyo gusonza cyane kubera imiti ufata, wihutira kugana muganga akakugira inama y'icyo wakora.

    Source : https://impanuro.rw/2021/09/05/dore-impamvu-ituma-usonza-vuba_-soma-inkuru-irambuye/

  • Amavubi na Harambee Stars baguye miswi mu mukino wo gushaka itike y’igikombe cy’isi #Rwanda #RwOT via @kigalitoday #rwanda #RwOT

    Amavubi na Kenya banganyije igitego 1-1
    Amavubi na Kenya banganyije igitego 1-1

    Ikipe ya Kenya ni yo yafunguye amazamu ku munota wa 11 w’umukino, cyatsinzwe na kapiteni w’iyi kipe Michael Olunga, nyuma y’umupira wahinduwe mu rubuga rw’amahina, umunyezamu Emery Mvuyekure awukuramo ariko ntiyawugumana, ba myugariro Rwatubyaye na Salomon Nirisarike basiganira ku mupira Olunga ahita abatsinda igitego.

    Ku munota wa 21 w’umukino Amavubi yaje kwishyura igitego ku mupira wari uvuye kuri Haruna Niyonzima, ugeze mu rubuga rw’amahina ba myugariro ba Kenya ntibabasha gukiza izamu , Rwatubyaye Abdul ahita awohereza mu izamu.

    Mbere y’uko igice cya mbere kirangira rutahizamu Byiringiro Lague gukomereka ahita ajyanwa kwa muganga, aza gusimburwa na Meddie Kagere.

    Mu gice cya kabiri cy’umukino umutoza Mashami Vincent yakoze impinduka ebyiri, aho Twizeyimana Martin Fabrice yasimbuye Muhire Kevin, naho Twizerimana Onesme asimbura Haruna Niyonzima.

    Abakinnyi umutoza Mashami Vincent yabanje mu kibuga

    Mvuyekure Emery , Omborenga Fitina, Imanishimwe Emmanuel, Rwatubyaye Abdul, Nirisarike Salomon, Mukunzi Yannick, Bizimana Djihad, Niyonzima Haruna,Muhire Kevin, Kagere Meddie na Tuyisenge Jacques

    Andi mafoto yaranze uyu mukino

    Byiringiro Lague ntiyabashije kurangiza umukino yo gukomereka

    Byiringiro Lague ntiyabashije kurangiza umukino yo gukomereka

    source : https://ift.tt/3DOxvxg

  • Perezida Kagame yavuze ku gufasha Ethiopia no ku rugomo abanya Uganda bakomeje gukorera Abanyarwanda #rwanda #RwOT

    Perezida Kagame kandi yagarutse ku banya Uganda bakomeje guhohotera u Rwanda aho yavuze ko ntacyo yakora igihe umuntu yambutse umupaka akajya muri Uganda akahakubitirwa.

    Perezida Kagame avuga ku biganiro yagiranye na Minisitiri Abiy Ahmed,yagize ati 'Twagiranye ibiganiro byagutse ariko mu buryo busanzwe birimo ibiri kubera muri Tigray ndetse n'ibindi byugarije akarere.

    Isi yose yinjiye muri iki kibazo ishaka ko haboneka amahoro gusa bizatangira ku gihugu ubwacyo gukemura ikibazo cyacyo.Igisubizo twe dufite gishobora kuba ari igitekerezo,twakibasangaza by'umwihariko igihugu cy'inshuti nka kiriya.Tigray ni igice cya Ethiopia ntabwo ari ibihugu 2 biri kurwana,ni ibibazo biri imbere bigomba gukemurwa nabo ubwabo.Kwivanga mu kibazo cyabo bishobora kugikomeza biruseho.

    Twaraganiriye ku kibazo kiri hariya.u Rwanda nta kintu gihambaye rufite cyo guha Ethiopia kuri kiriya kibazo.Icyo twabifuriza n'uko babona igisubizo bo ubwabo.'

    Abajijwe ku mubano w'u Rwanda na Uganda ndetse no ku rugomo abanyarwanda babayo bakomeje gukorerwa,Perezida Kagame yagize ati 'Ni ikibazo kitoroshye nkuko uwabibajije yavuze.Iyo urebye uko umunya Uganda afatwa ari mu Rwanda nuko Abanyarwanda bafatwa muri Uganda biratandukanye.Nta munya Uganda ufatwa nabi mu Rwanda ariko iyo urebye,Abanyarwanda bajyayo bagenda bikandagira,hari benshi bamaze kubizira hari n'abandi tuzi hano benshi bamugaye bazira gufungwa,kwicwa urubozo.

    Niba munabona n'imvugo iriho,ntabwo nibwira ko ari ibintu bipfa gukorwa gutyo gusa.Ubu biri ku mugaragaro ntabwo bikihishira.Ikibazo cy'umutekano muri Uganda cyihariye bavuga ko kigomba kuba cyavuye mu Rwanda niyo bidafite aho bihuriye nta n'umunyarwanda ubirimo.Igisobanuro cy'umutekano muke wa Uganda niyo cyaba ari icya Covid-19,buri muyobozi avuga ko gitewe n'u Rwanda.

    Kugira ngo tubone uko tubikemura biracyagoye….Icyo twe twakoze nuko tutagirira nabi abanyamahanga kubera ko aho baturuka batugiriye nabi.Icya kabiri n'ukubaka ubushobozi bwo kwirinda kugira ngo ibikomoka aho ngaho bitazatugirira nabi.Icya 3 n'ugukomeza kubaza ababikora tuti 'murabikorera iki? Kugira ngo dushakishe uko amaherezo bizarangira.

    Ntabwo byarangira kuko atari twe tubigena.Ntabwo aritwe tugena uko birangira ahubwo bizaturuka ku babikora hanze y'igihugu cyacu.Aho nta bushobozi tuhafite ba nyirabyo nibo bazahitamo uko babikora.'

    Perezida Kagame yagiriye inama abanyarwanda bajyayo ko icyo yakora kuri iki kibazo ari ukubagira inama yo guhagarika kujya muri Uganda.Ati 'Nta bushobozi dufite bwo kubwira abanya Uganda ibyo bakora ariko hari uburyo bumwe bwo kubyirinda,n'ukutajyayo.Nujyayo bakagukubita cyangwa bakakugirira nabi cyangwa bakakwambura,iyo ugarutse urambwira ngo 'ngire nte?'.'

    Source : https://umuryango.rw/amakuru/mu-rwanda/politiki/article/perezida-kagame-yavuze-ku-gufashaethiopia-no-ku-rugomo-abanya-uganda-bakomeje

  • Amavubi yaguye miswi na Kenya (AMAFOTO) #rwanda #RwOT

    Amavubi y’u Rwanda yanganyije na Kenya 1-1 mu mukino w’umunsi wa kabiri mu itsinda E mu gushaka itike y’igikombe cy’Isi cya 2022.

    Umutoza Mashami Vincent yari yakoze impinduka muri 11 babanjemo ku mukino wa Mali, Kagere, Ngwabije na Muhadjiri bari babanje hanze maze Haruna, Kevin na Lague babanzamo.

    Umukino watangiye ubona amakipe yombi ashaka igitego.

    Ku munota wa 5 w’umukino kapiteni wa Kenya, Ogada Michael Olunga yateye mu izamu maze Emery Mvuyekure arawufata.

    Ku munota wa 8 Amavubi yazamutse neza ashaka igitego Haruna atera mu izamu ukurwamo na ba myugariro ba Kenya usanga Djihad wateye mu izamu ukanyura hanze gato yaryo.

    Kenya yaje kubona igitego ku munota wa 9 gitsinzwe na Ogada Michael Olunga, ni nyuma y’umupira Emery Mvuyekure yashatse gufata ngo awukomeze ukamucika na ba myugariro bikabananira kuwukuraho.

    Ku munota wa 15 Kenya iba yabonye igitego ariko Nirisarike Salomon awukoraho ujya muri Koruneri.

    Amavubi yaje kwishyura iki gitego ku munota wa 20, ni nyuma ya koroneri Lague yahereje Haruna Niyonzima ahindura imbere y’izamu Jacques ashyiraho umutwe maze Rwatubyaye awuboneza mu izamu.

    Ku munota wa 27 Mashami yakoze impinduka zitateguwe, Lague yavuye mu kibuga nyuma yo gukubitwa inkokora mu maso na myugariro wa Kenya, yasimbuwe na Meddie Kagere.

    Amakipe yombi yagerageje gushaka uburyo abona igitego cy’intsinzi mbere y’uko igice cya mbere kirangira ariko amakipe yombi ajya kuruhuka ari 1-1.

    Kenya yatangiye igice cya kabiri irusha u Rwanda byaje kubaha amahirwe abiri akomeye ariko ntibayabyaza umusaruro.

    Ni amahirwe yabonywe na Olunga ku munota wa 56 ubwo yacengaga ubwugarizi bw’Amavubi ariko umupira awutera hanze y’izamu, no ku munota wa 61 yahushije andi.

    Ku munota wa 60, Martin Farbrice yasimbuye Muhire Kevin.

    Ku munota wa 65, Meddie Kagere yatunguye umunyezamu ariko unyura hanze gato yaryo.

    Kuva kuri uyu munota nta mahirwe menshi yigeze aboneka ku mpande zombi. Ku munota wa 85 Haruna Niyonzima yahaye umwanya Twizerimana Onesme.

    Umukino warangiye ari 1-1. Undi mukino wo muri iri tsinda uzaba ejo, Mali isura Uganda.

    Iri tsinda riyobowe na Mali ifite 3, Kenya 2, Uganda n’u Rwanda zifite 1.

    Ba kapiteni mbere y’umukino

    Lague(14) yavuyemo nyuma yo gukubitwa inkokora mu maso

    Jacques Tuyisenge ahanganiye umupira na Asike Eugene Ambuchi

    Djihad Bizimana ntako atagize

    Ubwugarizi bwa Kenya kazi bahuye nako

    Source : http://isimbi.rw/siporo/article/amavubi-yaguye-miswi-na-kenya-amafoto

  • Gasabo: umusore yaryamanye n'umukobwa amubeshya ko yambaye agakingirizo birangira amuteye inda. – YEGOB #rwanda #RwOT

    Umusore yabeshye umukobwa w'imyaka 18 y'amavuko ko barakoresha agikingirizo birangira atwite nk'uko uyu mukobwa yabitangarije igihe.

    Uyu mukobwa wiswe Kobwa utuye mu Murenge wa Bumbogo mu Karere ka Gasabo yemeza ko yatewe inda mu buryo budasobanutse nyuma yo gukorana imibonano mpuzabitsina n'umukunzi we aziko yambaye agakingirizo ariko akaza kumutera inda.

    Uyu kobwa yavuze ko abayeho nabi nyuma y'aho aterewe inda mu buryo bumutunguye.

    Yavuze ko yakundanye n'uyu muhungu amezi ane, nyuma aza kumusaba ko bakorana imibonano mpuzabitsina arabimwemerera ariko amusaba ko bazakoresha agakingirizo.

    Yagize ati 'Urabizi abantu iyo bakundana hari ubwo ugorwa no guhakanira umukunzi wawe ibintu nk'ibyo cyane nk'iyo umukunda. Njye yansabye ko tubikora mubwira ko agomba kwambara agakingirizo kugira ngo atantera inda arabyemera.'

    Yakomeje avuga ko umuhungu yabikoze nk'uko yari yabimusabye ariko amubwira ko ubutaha nta gakingirizo azakoresha ngo kuko atagakunda.

    Ati 'Urumva nyine naje kongera kumusura angurira waragi turayisangira tuza kongera turabikora ariko yari yabanje kumbwira ngo nta gakingirizo yambara ndabyanga arakambara turabikora.'

    Kobwa avuga ko nyuma yaje gutangira kumva atameze neza mu mubiri we ku buryo n'ababyeyi be bahise babikeka ko atwite bamujyana kwa muganga basanga yarasamye.

    Yavuze ko yahise ahamagara wa muhungu kuri telefoni amubwira ko atwite ariko yanga kubyumva. Ati 'Nabaye nk'umubwira gusa ko ntwite ahita abihakana arambwira ngo ntabwo ariwe ngo kuko yari yambaye agakingirizo.'

    Nyuma yo gutereranwa n'uyu musore n'ababyeyi ba Kobwa ngo bahise bamubwira ko badashobora kurera ikinyendaro.

    Yagize ati 'Nyine urabyumva bampaye akato ariko nyine iby'ababyeyi urabizi baje kumbabarira baranyumva banatangira kumfasha.'

    Kobwa yavuze ko yaje kubwira ababyeyi be ibyamubayeho kugira ngo aterwe inda n'uburyo uwo muhungu yamunywesheje inzoga, bajya iwabo abona kwemera ko ariwe wayimuteye ndetse amubwira ko ubwo baryamanaga yakuyemo agakingirizo.

    Source : https://yegob.rw/gasabo-umusore-yaryamanye-numukobwa-amubeshya-ko-yambaye-agakingirizo-birangira-amuteye-inda/

  • Uganda ubwayo ni yo izakemura ikibazo kiri hagati yayo n’u Rwanda – Perezida Kagame #Rwanda #RwOT via @kigalitoday #rwanda #RwOT

    Prezida Kagame avuga ko Uganda ubwayo ari yo izakemura ikibazo kiri hagati yayo n
    Prezida Kagame avuga ko Uganda ubwayo ari yo izakemura ikibazo kiri hagati yayo n’u Rwanda

    Yabitangaje kuri iki Cyumweru tariki ya 05 Nzeli 2021, ubwo yari mu kiganiro yagiranye na RBA.

    Abajijwe ku gikorwa kugira ngo Abanyarwanda bongere bahahirane n’Abagande, Perezida Kagame yavuze ko ikibazo cy’umubano w’ibihugu byombi kitoroshye ugereranyije n’uko abaturage b’ibihugu byombi bafatwa.

    Ati “Iyo urebye uko Abanyarwanda bafatwa muri Uganda n’uko Abanya-Uganda bafatwa mu Rwanda, nta munya-Uganda ugira ikibazo mu Rwanda. Ariko hafi Abanyarwanda bose uretse ko basigaye batinya no kujyayo, abariyo, abajyayo bagenda bikandagira kandi hari benshi bamaze no kubizira ahubwo”.

    Umukuru w’Igihugu yatanze ingero z’Abanyarwanda benshi bafungirwa muri Uganda, abakubitirwayo bikabaviramo ubumuga, abakorerwa iyicarubozo ndetse n’abamburwa imitungo yabo.

    Yavuze ko ibikorwa na Uganda bigomba kuba ari umurongo wa Politiki y’igihugu kuko ubu ngo n’ikibazo cyose kibaye cyitirirwa u Rwanda.

    Yagize ati “Nk’ubu ndetse no mu mvugo, ikibazo cyose kibaye cyane cyane icy’umutekano cy’igihugu ubwacyo cyihariye bavuga ko kigomba kuba cyavuye mu Rwanda, ni yo bidafite aho bihuriye na busa cyangwa Umunyarwanda wabisanzwemo.”

    Yakomeje agira ati “Ni igisobanuro cya buri kibazo cyose, buriya n’iyo haba habaye ikibazo cya Covid-19, nk’uko twese tugifite, isi yose ifite icyo kibazo, uzagira utya wumve umuyobozi ndetse muri Uganda avuze ko ikibazo cya Covid-19 giturutse mu Rwanda cyangwa gitewe n’u Rwanda, buri kibazo cyose n’ikidafitanye isano n’u Rwanda”.

    Yavuze ko impamvu yumva bigoranye kubikemura ari uko atazi impamvu ibikorwa byose byegekwa ku Rwanda.

    Ikindi ni uko ngo bizwi neza ko hari abantu baba muri Uganda, bahanyura cyangwa bafashwa na Uganda kugirira nabi u Rwanda.

    Yavuze ko hari benshi bari mu nkiko, hakaba abakatiwe kubera ibikorwa bafatiwemo bigamije kugirira nabi u Rwanda babifashijwemo na Uganda.

    Ariko na none ngo hari n’abandi bantu bari mu bihugu nka Afurika y’epfo n’ibindi bitandukanye bafite ibikorwa bakorera muri Uganda bigamije kuzagirira nabi u Rwanda.

    Yongeyeho ko hari n’ibindi byinshi byandikwa mu bitangazamakuru kandi bifite ingero zifatika bigaragaza ko Uganda ifasha abashaka kugirira nabi u Rwanda.

    Ikindi ngo ikibazo gihangayikishije ni uko hari n’Abagande bavuga Ikinyarwanda ariko ari abaturage b’icyo gihugu mu buryo bwemewe, ariko bitewe n’uburyo bafatwa muri Politiki bagirirwa nabi babashinja ko batumwe n’u Rwanda.

    Perezida wa Repubulika Paul Kagame yavuze ko icyo bahisemo nk’Igihugu ari ukubirekera Abagande kugira ngo babikemure.

    Ati “Icyo twahisemo rero twebwe, ni ukubireka uko bimeze, ni ukubirekera ba nyirabyo na none ngo babikemure.”

    Yavuze ko abantu birukanywe mu mashuri, abafunzwe, abakorewe iyicarubozo, abambuwe imitungo yabo muri Uganda bamaze kuba benshi cyane.

    Yavuze ko bagiye babiganira n’abayobozi ba Uganda rimwe na rimwe bakavuga ko atari ukuri, batabizi cyangwa ko ababikoze bazakurikiranwa ariko ntihagire igikorwa.

    Perezida Kagame yavuze kandi ko nk’u Rwanda badashobora kugirira nabi Abanya-Uganda cyangwa undi munyamahanga uje mu Rwanda kubera ko igihugu cyabo cyagiriye nabi u Rwanda cyangwa Abanyarwanda.

    Ati “Twe icyo twakoze ni ukutagirira nabi Abanya-Uganda cyangwa abandi banyamahanga bose ngo kubera ko igihugu cyabo cyatugiriye nabi cyangwa cyagiriye nabi Abanyarwanda, icya kabiri ni ukubaka ubushobozi bwo kwirinda kugira ngo ibikomoka aho ngaho bitazagira ubwo bitugirira nabi. Icya gatatu ni ugukomeza kubaza ababikora impamvu babikora hashakishwa uko amaherezo bizarangira”.

    Yakomeje agira ati “Ariko ntabwo byarangira kubera ko ntabwo ari twe tubigena, uko birangira ntabwo ari twe byaturukaho, uko birangira bizaturuka ku babikora cyangwa ababigena hanze y’igihugu cyacu. Aho nta bushobozi tuhafite, ba nyirabyo ni bo bazahitamo icyo bakora.”

    Yasabye Abanyarwanda kutajya muri Uganda kuko ibizababaho bariyo ntacyo u Rwanda rwabikoraho.

    Ariko na none yasabye Abanya-Uganda koroshya kubera ko nta mpamvu yo kugirira nabi Abanyarwanda.

    source : https://ift.tt/3h4LKnQ

  • Perezida Kagame yongeye guhakana ibivugwa ko u Rwanda rukoresha ‘Pegasus’ #Rwanda #RwOT via @kigalitoday #rwanda #RwOT

    Perezida Kagame yongeye guhakana ibivugwa ko u Rwanda rukoresha ‘Pegasus
    Perezida Kagame yongeye guhakana ibivugwa ko u Rwanda rukoresha ‘Pegasus’

    Perezida Kagame avuga ko abanyamakuru mpuzamhanga bafite imyumvire y’igihe kirekire yo guharabika u Rwanda, rimwe na rimwe bakanabigereka ku muntu umwe ari we Perezida wa Repuburika.

    Umukuru w’Igihugu avuga ko abantu banditse amakuru y’uko u Rwanda rwaba rwumviriza rukananeka ibindi bihugu rukoresheje Pegasus ntacyo bashingiyeho babyandika, haba ku kuba u Rwanda rwemera ko rwakoresheje iryo koranabuhanga yemwe ngo nta n’ubwo abakoze iryo koranabuhanga bigeze babazwa niba u Rwanda rwaba rurikoresha.

    Agira ati “Abo banditse ibyo, twababwiye ko tudakoresha ririya koranabuhanga, abambaza ngo u Rwanda rwaba rwumviriza cyangwa runeka igisubizo baragifite, abantu cyangwa ibigo bafite ubushobozi bwo kumviriza iby’abandi bakumva ibyo bakeneye kumva hifashishijwe inzira nyinshi, icyo ni kimwe”.

    Yongeraho ati “Ku bibaza rero niba dukoresha Pegasus tuneka abandi, igisubizo mbaha ni ‘OYA’ mu nyuguti nkuru, kandi si ubwa mbere tubibabwira. Twanababwiye ko hari abakoresha ririya koranabuhanga banabyiyemerera, ariko twe twababwiye ko nta Pegasus dufite nta n’ubwo tuyikoresha”.

    Umukuru w’Igihugu avuga ko abashinja u Rwanda gukoresha ikoranabuhanga rya Pegasus mu kuneka no kumviriza abandi, bakwiye kujya kubaza ba nyiri porogaramu niba u Rwanda rwaba ruri mu mubare w’abayihawe.

    Agira ati “Kuki batajya ku bakoze iriya porogaramu ngo bababaze abantu baba barikoresha n’abatarikoresha, yenda bashobora kubibabwira nkeka ko bakwibonera ko u Rwanda rudafite ririya koranabuhanga, ni gute se twakoresha ibintu tudafite! Mpamya ko bazi impamvu badutsindira gukoresha ririya koranabuhanga, ni ukugira ngo basige icyasha u Rwanda”.

    Perezida Kagame avuga ko nta gitangaje kiri mu bahimba amakuru nk’ariya, kuko u Rwanda rumaze imyaka myinshi rwumva ibirego byinshi bidafite ishingiro kandi nta mwanya wo kwisobanura uhari, ngo nta koranabuhanga rya Pegasus riri mu Rwanda kandi nta n’irihakoreshwa, ngo igisubuzo rero kikaba ari ‘Oya’.


    source : https://ift.tt/38MDSTq

  • Wari uziko kurya amagi buri munsi ari bibi ku buzima?menya impamvu. – YEGOB #rwanda #RwOT

    Ese wakwirinda amagi? Ese ku munsi warya amagi angahe? Muri iyo ngano y'amagi urya harimo Calories na Cholesterol zingahe? Ibi bibazo biratuma umenya neza ko kurya amagi buri munsi na byo bigira ingaruka, umenye n'ayo usabwa kutarenza mu cyumweru.

    Niba amafunguro yawe ya buri munsi agaragaraho amagi, ni cyo gihe ngo utangire uve muri iyo nzira. Ushobora gutekereza ko amagi akungahaye cyane ndetse ari ngenzi kuyafata cyane, ni byo rwose. Amagi ni ingenzi kuko ni isoko ya Protein kuko igi rimwe riba rigizwe na 12% bya protein kandi umubiri w'umuntu uba uyikeneye. Igi rimwe na none rinini riba rigizwe na Cholesterol 16%. Izi ngero zombi nizo zi zamura urugero uriho wowe ubwawe, rwo kuba wakwiyemeza kurya amagi buri munsi cyangwa niba wayareka.

    Ubushakashatsi bwakozwe , bwashyize ku rutonde ikintu cyo kurya amagi cyane, nka kimwe mu bitera ibibazo by'umutima (Heart Problems). Cholesterol iba mu magi niyo igira ingaruka ku mutima. Kurya amagi buri munsi bituma abantu bapfa bazize indwara z'umutima nk'uko byagaragajwe mu bushakashatsi bwakozwe muri uyu mwaka wa 2021.

    Source : https://yegob.rw/wari-uziko-kurya-amagi-buri-munsi-ari-bibi-ku-buzimamenya-impamvu/

  • Perezida Kagame yasubije abashinje u Rwanda gukoresha Pegasus mu butasi n'impamvu u Rwanda rwemerewe gukora inkingo #rwanda #RwOT

    Kuri iki cyumweru,Perezida Kagame yagiranye ikiganiro n'Abanyarwanda gitambuka ku kigo cy'Igihugu cy'Itangazamakuru RBA kuri iki Cyumweru tariki 05 Nzeri 2021 guhera Saa 11:00.

    Perezida Kagame ari gusubiza ibibazo by'abanyamakuru ku ngingo zitandukanye aho yavuze kuri Covid-19,ikoranabuhanga rya Pegasus,Rusesabagina n'ibindi.

    Perezida Kagame yabajijwe ku ikoranabuhanga rya Pegasus,ibinyamakuru byo mu burengerazuba bw'isi bwashinja u Rwanda ko rukoresha mu gukora ubutasi ku bantu barimo abaperezida n'ibindi byamamare ndetse n'abatavuga rumwe n'ubutegetsi.

    Perezida Kagame yavuze ko u Rwanda rutigeze rukoresha iyi application ishyirwa mu matelefoni y'abantu mu rwego rwo gukora ubutasi.

    Yagize ati 'Ibinyamakuru by'umwihariko ibyo mu burengerazuba bw'isibivuga ibintu byinshi ku Rwanda bitari byo…Twavuga ko byanga u Rwanda kandi tumaze kubimenyera.

    Kuri icyo gikoresho cy'ubutasi,naratunguwe numvise izina ry'u Rwanda rishyizwe muri ibyo bintu.Ubutasi bumaze imyaka ingana niyo abantu bamaze ku isi.Icyo gikoresho n'ibindi bikoreshwa hanze.Bikoreshwa na buri wese ku isi.Kuba u Rwanda rwaravuzwe hari impamvu…Umubano w'u Rwanda na Afurika y'Epfo wari utangiye kumera neza ntibyashimisha abantu bazanamo icyo kintu.

    Twarabisobanuye ko tudakoresha ibyo bikoresho.U Rwanda kimwe n'ibindi bihugu rukora ubutasi ariko hari uburyo bwinshi byakorwamo,buri wese arabizi nabo badushinja barabizi.

    Ntabwo icyo gikoresho[Pegasus]tugifite.Uramutse umbajije ngo 'u Rwanda rukora ubutasi?,bazi igisubizo ntabwo bakwiriye kumbaza.Barabukora ndetse n'abantu ku giti cyabo barabukora.Umbajije niba dukoresha icyo gikoresho [Pegasus]igisubizo ni Oya ibyibushye.OYA mu magambo manini.'

    Ku byerekeye uruganda ruzakorera inkingo zirimo iza Covid-19 mu Rwanda, Perezida Kagame yavuze ko byatekerejweho muri gahunda y'igihugu yo kwihaza mu bintu bitandukanye.

    Agaruka ku biganiro byagejeje ku kwemererwa gushinga uru ruganda rukora inkingo za Covid-19 mu Rwanda, Perezida Kagame yavuze ko bitari byoroshye, gusa byakunze kubera ubushake n'ubushobozi bw'igihugu, n'uko kiri mu bihugu bike ku Isi byashoboye guhangana n'iki cyorezo kandi rudafite inkingo.

    Source : https://umuryango.rw/amakuru/mu-rwanda/politiki/article/perezida-kagame-yasubije-abashinje-u-rwanda-gukoresha-pegasus-mu-butasi-n

  • Uwahoze ari kardinali muri US amerewe nabi n'inkiko ashinjwa gusambanya umwana w'umuhungu #rwanda #RwOT

    Theodore McCarrick w'imyaka 91, yagejejwe imbere y'urukiko i Massachusetts kugira yiregure kuri ibi byaha byo gufata ku ngufu no gukomeretsa ashinjwa ko yakoze mu 1974.

    Uyu mu kardinali wahoze ari musenyeri mukuru wa Washington DC azwi ko ari we mutegetsi wo ku rwego rwo hejuru wa kiliziya Katorika muri Amerika washinjwe ibyaha by'ihohotera rishingiye ku gitsina.

    Mbere y'aho yavugaga ko atibuka ko haba hari ibyo guhohotera yaba yarakoze.

    Mu rubanza rwaburanishijwe muri Nyakanga, McCarrick yashinjwe ibyo gufata ku ngufu uyu mwana w'umuhungu [utavuzwe izina] myaka itari mike.

    Uyu mwana ubu wabaye umugabo uvuga ko yakorewe aya mahano,yemeje ko igihe kimwe byabaye mu gihe yari mu bukwe bwa mwenewabo kuri kaminuza ya Wellesley muri Massachusetts mu 1974.

    Nyiri ugukorerwa aya mahano avuga ko McCarrick yamukururiye mu cyumba kimwe cyo muri iyo kaminuza ahita atangira kumukorakora.Nyuma y'aho, uyu mupadiri ashinjwa ko yahise asaba uyu mugabo kuvuga isengesho kugira ngo ababarirwe “ibicumuro”.

    Mu rukiko ku wa gatanu, McCarrick yategetswe kutavugana n'uyu umurega cyangwa n'umwana n'umwe. Yasabwe gutanga ingwate y'ibihumbi 5000 by'amadorari y'abanyamerika, mu gihe biteganyijwe ko yongera kugezwa mu rukiko ku wa 28 Ukwakira.

    Buri cyaha gishobora guhanishwa igifungo cy'imyaka itanu, kandi agategekwa kwandikwa ku ngufu nk'umusambanyi (délinquant sexuel/sex offender).

    McCarrick ni umwe mu bategetsi ba kiliziya Gatolika bashinjwa gusambanya abana mu myaka mirongo ishize

    Muri 2019, yakuwe mu mirimo ye nyuma y'iperereza ryakozwe na Vaticani ku byaha ashinjwa byo gufata ku ngufu mu myaka itari mike.

    Yashinjwe kandi ko yafashe ku ngufu umwana i New York hagati mu myaka ya 1970, yongera ahatira abagabo kuryamana nawe mu rugo i New Jersey mu gihe barimo bigira ubupadiri.

    Icyegeranyo cy'impapuro 450 cya Vaticani cyasanze Papa Yohani Paulo wa kabiri yarabwiwe ibyerekeye ibi bishinjwa McCarrick, ariko agahitamo kwizera abepiskopi ba Amerika bamukingiye ikibaba.

    Cyasanze kandi Papa Benoit/Benedict XVI — weguye muri 2013 – ashobora kuba yaranze igitekerezo cyo gukora iperereza kubera ko nta “byemezo byari bihari” ku byo ashinjwa.

    BBC

    Source : https://umuryango.rw/amakuru/mu-mahanga/ubuzima/article/uwahoze-ari-kardinali-muri-us-amerewe-nabi-n-inkiko-ashinjwa-gusambanya-umwana