Webrwanda Backend

Category: Uncategorized

  • Perezida Kagame yazamuye abasirikare batanu abaha ipeti rya Colonel #Rwanda #RwOT via @kigalitoday #rwanda #RwOT

    Muri bo harimo Lieutenant Colonel Francis Regis Gatarayiha wazamuwe mu ntera ahabwa ipeti rya Colonel, ndetse agirwa umuyobozi w’ishami rishinzwe itumanaho n’umutekano w’ibijyanye n’ikoranabuhanga mu ngabo z’u Rwanda (RDF).

    Colonel Francis Regis Gatarayiha
    Colonel Francis Regis Gatarayiha

    Colonel Francis Regis Gatarayiha wahoze ari umuyobozi mukuru w’urwego rw’abinjira n’abasohoka mu gihugu, yari yasimbuwe kuri uwo mwanya tariki 06 Nzeri 2021 na ACP Lynder Nkuranga.

    Lieutenant Colonel Patrick Nyirishema na we yazamuwe mu ntera ahabwa ipeti rya Colonel. Yahoze ayobora Urwego Ngenzuramikorere (RURA) kuva muri Nyakanga 2014 kugeza Kuboza 2020, akaba yarasimbuwe kuri uwo mwanya na Dr. Ernest Nsabimana.

    Colonel Patrick Nyirishema
    Colonel Patrick Nyirishema

    Abandi bahawe ipeti rya Colonel ni Lieutenant Colonel Karangwa Caple Mwezi, Lieutenant Colonel Lambert Sendegeya na Lieutenant Colonel Aimable Rudahunga.


    source : https://ift.tt/2X4q8Bc

  • Barye bari menge! Ubutumwa bwa RRA yahagurukiye abacuruza magendu – #rwanda #RwOT

    Ibi byatangajwe nyuma y’uko hashize icyumweru, RRA ikoreye urugendo mu Ntara y’Iburengerazuba n’Amajyepfo. Mu minsi itandatu gusa hafashwe ibicuruzwa bya magendu bigizwe n’ibizingo 214 by’insinga z’amashanyarazi zitujuje ubuziranenge, ibiro 210 bya caguwa, amabaro 12 y’imyenda ya caguwa, n’iminzani 52 itujuje ubuziranenge.

    Mu kiganiro na IGIHE Umuvugizi w’Ikigo cy’Igihugu gishinzwe Imisoro n’Amahoro, Uwitonze Jean Paulin, yavuze ko ibikorwa byo gufata izo magendu mu Ntara y’Amajyepfo n’iy’Iburengerazuba byakozwe ku bufatanye n’inzego z’ibanze kandi ko hakomeje gahunda yo gukumira ibikorwa nk’ibyo no mu bindi bice by’Igihugu.

    Yagize ati “Ni ibikorwa twakoze nyuma y’uko twahawe amakuru n’abantu batandukanye. Hari ibihano biteganyijwe n’amategeko ibyo ni byo bikurikizwa ariko ibyafashwe bijyanwa mu bubiko bwa Gasutamo.”

    Yakomeje agira ati “Ibikorwa birakomeje cyane. Nyuma yo gusura izi ntara zose, haba Amajyaruguru n’Amajyepfo, Iburasirazuba n’Iburengerazuba dufite amakuru afatika y’aho magendu inyura n’uburyo ikorwamo. Ubwo rero nabo tutarafata uyu munsi, ejo dushobora kubafata kuko amakuru turayafite neza, bafatwa.’’

    Yasabye buri wese ushaka cyangwa ukora magendu kubireka kuko bahuriramo n’igihombo gishobora no gutuma ibikorwa byabo bifunga.

    Ati “Hari abo twafatanye ibintu nk’ibyo babicuruza ku isoko, bakagira n’ababibagemurira bose, turabasaba kubihagarika. Ibyo bintu ntibyemewe kandi ingaruka bibagiraho ziraremereye cyane ugereranyije n’inyungu babikuramo. Uko ibihano biteganyijwe hari ibigaragara ko rwose bisubiza ubucuruzi inyuma. N’uwo tutafashe arye ari menge. Turababurira rwose kandi tubasaba guhagarika gukora ibintu nk’ibyo ngibyo bagakora mu nzira zemewe.”

    Rimwe na rimwe hari igihe usanga abayobozi b’inzego z’ibanze bakingira ikibaba abacuruza magendu mu buryo bunyuranye ariko RRA ivuka ko itazihanganira uwo ari we wese ushobora gukingira ikibaba abakora ibikorwa nk’ibyo.

    Abaturarwanda na bo basabwe gukomeza gutanga amakuru arebana n’abashaka kudindiza ubukungu bw’igihugu binyuze mu bucuruzi bwa magendu ndetse no guharanira kuzirwanya kuko na bo zishobora kubagiraho ingaruka.

    Ati “Nk’izi nsinga zitujuje ubuziranenge, zijya ziteza ibyago byinshi ku bantu bazikoresha. Bashobora kuzigura bumva ko babonye insinga za make cyangwa se bagiye kwiyubakira inzu yabo ariko ejo n’ejo bundi ugasanga bahuye n’ibyago by’inkongi y’umuriro. Hari amacupa y’ama-liquer tuba twafashe atishyuriye imisoro adafite n’ubuziranenge, ugasanga umuntu aranyoye bikagira ingaruka ku buzima bwe.”

    RRA yavuze ko ikomeje ibikorwa byo gufata abakora ubucuruzi bwa magendu birimo gucuruza caguwa, kudakoresha imashini ya EBM, n’ibindi bishobora kudindiza ubukungu bw’igihugu.

    Amabaro y’imyenda ari mu byafashwe byinjizwa mu buryo bwa magendu

    Ibyafashwe byajyanywe mu bubiko bwa gasutamo

    Iminzani itujuje ubuziranenge na yo yarafashwe

    Imizingo y’insinga zitujuje ubuziranenge na zo zarafashwe

    source : https://ift.tt/3zZ2RyY

  • Ntihabayeho gushishoza- Umuyobozi wa RMF avuga kuri miliyari 2,5 Frw bishyuye mu mushinga utabareba – #rwanda #RwOT

    Ni amakosa yagaragajwe n’Umugenzuzi Mukuru w’Imari ya Leta muri raporo y’umwaka wa 2019/2020. RMF yitabye PAC ku wa Gatatu, tariki ya 8 Nzeri 2021 ngo iyatangeho ibisobanuro.

    Byasobanuwe ko aya mafaranga yishyuwe mu bikorwa by’umushinga wo gukwirakwiza ibikorwaremezo mu Kiyovu cy’Abakene, mu Murenge wa Rugenge, Akarere ka Nyarugenge mu Mujyi wa Kigali, mu 2018.

    Bivugwa ko wari umushinga Leta ifatanyije n’Urwego rw’Ubwiteganyirize mu Rwanda, RSSB ariko uruhare rwayo [leta] rukaba rwaragombaga gutangwa na Minisiteri y’Ibikorwaremezo.

    Mininfra yahaye inshingano Ikigega gishinzwe gusana Imihanda (RMF) zo kuba ari cyo gitanga urwo ruhare rwagombaga kurenga miliyari esheshatu z’amafaranga y’u Rwanda.

    Mu masezerano ntiharimo ko RMF ari yo izishyura ayo mafaranga ndetse ntiyatanzwe mu buryo bwo kuguriza Mininfra.

    Mu Ugushyingo 2019, RMF yari imaze kwishyura asaga miliyari 2,556 kuri RSSB. Nyuma y’igihe gito aya mafaranga amaze kwishyurwa, ku wa 25 Ugushyingo 2019, RMF yumvikanye na Mininfra guhagarika iyo gahunda yo gutanga amafaranga muri uyu mushinga.

    Depite Bahufite Christine yavuze ko kugeza ubwo hakorwaga igenzura muri Werurwe 2021 aya mafaranga yari ataragaruzwa, akavuga ko yishyuwe mu buryo buhabaye n’inshingano iki kigo gisanganwe kandi ko yagombaga gukora ibindi bikorwa.

    Umuyobozi wa RMF, Sibomana Mathias, yavuze Mininfra ari yo yabasabye kwishyura aya mafaranga mu ibaruwa yabandikiye.

    Ati “Batwandikiye badusaba kugaragaza uko ayo mafaranga yazagaruzwa ariko ntabwo habayeho gushishoza neza, turayishyura nyuma Umugenzuzi w’Imari amaze kubigaragaza dusanga bitari mu nshingano zacu.”

    Umunyamabanga Uhoraho muri Minisiteri y’Ibikorwaremezo (Mininfra), Uwase Patricie, yavuze ko uko byagenze abizi kandi ko iyi minisiteri iri mu biganiro na Minecofin ngo aya mafaranga asubizwe muri RMF.

    Ati “Ni byo ndabizi, ni ibibazo navuga twaganiriye na RMF, ni natwe twabasabye ngo gukomeza kuyishyura bibe bihagaze kuko twari twumvikanye na Minecofin ko izo nshingano izifata akishyurwa biturutse mu isanduku ya Leta aho kuba RMF. Ni umushinga wari wakozwe na RSSB ariko ni umushinga wa leta.Turimo turaganira na Minecofin ngo yishyurwe ave mu bitabo bya RMF.”

    Iki kigega cyanenzwe gutinda kwishyura amafaranga y’ingurane z’imitungo y’abagizweho ingaruka n’ibikorwa byacyo, ubuyobozi bwacyo bukavuga ko byatewe biterwa no kuba imyirondoro yabo ituzuye.

    Umuyobozi w’Ikigega Gishinzwe isanwa ry’Imihanda (RMF), Sibomana Mathias, asobanura iby’amafaranga bishyuye mu mushinga utari mu nshingano z’iki kigega

    source : https://ift.tt/2VAcPrO

  • Perezida Kagame yazamuye mu ntera abasirikare bakuru barimo Lt Col Patrick Nyirishema na Regis Gatarayiha – #rwanda #RwOT

    Izi mpinduka zatangajwe kuri uyu wa Kane, tariki ya 9 Nzeri 2021, binyuze mu itangazo ryashyizwe hanze n’Ingabo z’u Rwanda, RDF.

    Iri tangazo rivuga ko abasirikare batanu bari bafite ipeti rya Lieutenant Colonel bahawe irya Colonel. Abo ni Lieutenant Colonel Regis Francis Gatarayiha, Lieutenant Colonel Karangwa Caple Mwezi, Lieutenant Colonel Patrick Nyirishema, Lieutenant Colonel Lambert Sendegeya na Lieutenant Colonel Aimable Rudahunga.

    Lieutenant Colonel Francis Regis Gatarayiha nyuma yo kuzamurwa mu ntera, we yahise anahabwa inshingano nshya nk’Umuyobozi w’Ishami ry’Itumanaho, Ikoranabuhanga n’Umutekano mu by’Ikoranabuhanga muri RDF.

    Yahawe uyu mwanya nyuma y’iminsi itatu akuwe ku Buyobozi Bukuru bw’Urwego rw’Abinjira n’Abasohoka yari yashyizweho mu 2018. Yasimbuwe na ACP Lynder Nkuranga mu mpinduka zatangajwe ku wa 6 Nzeri 2021.

    Mu bandi basirikare bazamuwe mu ntera harimo Lt Col Patrick Nyirishema; uyu yayoboye Urwego Ngenzuramikorere (RURA) kuva muri Nyakanga 2014. Yavuye kuri uyu mwanya ku wa 14 Ukuboza 2020, asimburwa na Dr Nsabimana Ernest wari Umuyobozi wungirije w’Umujyi wa Kigali ushinzwe Imiturire n’Ibikorwa Remezo.

    Itangazo rya RDF rikomeza rivuga ko izamurwa mu ntera ndetse n’abahawe imirimo bigomba guhita bitangira kubahirizwa rigisohoka.

    Impinduka mu kuzamura abasirikare mu ntera zatangajwe mu gihe kuri uyu munsi, Inama Nkuru y’Ubuyobozi bw’Ingabo z’u Rwanda, yateraniye muri Kigali Conference and Exhibition Village [Camp Kigali].

    Iyi nama iba buri mwaka, ifatirwamo imyanzuro itandukanye. Yitabirwa n’abayobozi barimo Minisitiri w’Ingabo, Umugaba Mukuru w’Ingabo z’u Rwanda, Abagaba b’Ingabo, Umunyamabanga Uhoraho muri Minisiteri y’Ingabo, abayobozi ba za Diviziyo, abayobozi b’ibigo by’amashuri ya gisirikare n’ibitaro n’abandi bayobozi bakuru mu Ngabo z’u Rwanda.

    Lt Col Patrick Nyirishema yazamuwe mu ntera agirwa Colonel

    Lieutenant Colonel Francis Regis Gatarayiha yahawe ipeti rya Colonel, ahita anagirwa Umuyobozi w’Ishami ry’Itumanaho, Ikoranabuhanga n’Umutekano mu by’Ikoranabuhanga muri RDF

    source : https://ift.tt/3BY0Cg6

  • Li John wari Producer wa Jay Polly yahishuye byinshi biri Album ye yasize akoze #rwanda #RwOT

    Mu kiganiro Producer Li yagiranye na Yago Tv Show ,yavuze byinshi kuri nyakwigendera Jay Polly n'indirimbo 10 yasize muri Studio

    Yatangiye avuga ko kuri iyi Album,reka duhere kuri iyi ndirimbo yagombaga kuyibanziriza Album ya nyakwigedera Jay Polly 'Menyabawe' yakozwe na Li John.

    Ati 'hari ukuntu umuntu akora indirimbo ukagira ngo ari mu bihe bya nyuma. Nkiyo 'Menyabawe', ni ukuvuga ngo irimo ukuntu avuga ukuntu ngo muri iyi minsi turimo ntabwo wamenya ukuntu ejo bizagenda'.

    Yakomeje avuga ko harimo nk'aho yaririmbye abaza Imana ko ari buze kuramuka, ibi ngo bituma Producer Li John iteka iyo ayumva yibaza impamvu Jay Polly yari atangiye kwandika ibintu nk'ibi. Yatanze urugero rw'iyindi yitwa “Ishuti nyazo” nayo iri kuri iyi Album aho Jay Polly aba aririmba agira ati: “Tuzi neza ko isi turiho yamyeho, ko akenshi abadakenga batayirambyeho, ko abanambye ku kubana bayitinzeho kuko kuyibaho ni intambara zihoraho mu bigeragezo abenshi dushyize imbere”.

    Producer Li John kandi yasobanuye kuri iyi Album “Inkuta enye” ya Jay Polly yari ari kumukorera agira ati: “Muri iyi minsi bamubonaga nta ndirimbo ari gusohora ariko twari dufite intego y'uko tugomba kubanza kurangiza Album”. Yakomeje avuga ko bari bafite gahunda yo kubanza gushyira hanze indirimbo imwe Jay Polly yise “Menyabawe” tumaze kugarukaho nyuma yaho bakabona gushyira hanze Album.

    Li John yavuze ko yifuzaga ko Album ye ko yagombaga kuzaba iriho indirimbo nibura 16. Muri zo yavuze ko hari izo yari yarangije ati: “Ni indirimbo 10 zirikodinze”. Yashimangiye ko hari izo atazi amazina kuko Jay Polly mu kurikodinga abanza kuririmba nyuma akabona gushaka izina ry'indirimbo nyuma. Yavuze ko yahuriye bwa mbere na Jay Polly kuri Sun City muri studio yari irimo na MadeBeat, icyo gihe yumvise ibyo uyu mu producer yari ari gukora yumva ari byiza amubaza izina ndetse anamubwira ko Beat ari gukora ari nziza amusaba kuyimuha bakayikoramo indirimbo yitwa “Uramfite”.

    Nyuma yaho ni bwo Jay Polly yamusabye ko bakorana kuko yamubonyemo ubushobozi birangira bakoranye gutyo kugeza kuri iyi Album yari ari kumukorera ariko Jay Polly akaba yitabye Imana batarayishyira hanze. Yamukoreye indirimbo zitandukanye zirimo: “Inshuti nyazo”, “Uramfite”, irimo abahanzi bose bari muri The Mane, “ipapare”, n'iyitwa “Nyirizina”. Yavuze ko aherukana kubona imbonankubone Jay Polly ubwo bari baraye muri studio bakora indirimbo yitwa “Menyabawe”.

    Dore amwe mu magambo Producer Li yanditse nyuma y'urupu rwa Nyakwigendera Jay Polly

    Source : https://umuryango.rw/imyidagaduro/article/li-john-wari-producer-wa-jay-polly-yahishuye-byinshi-biri-album-ye-yasize-akoze

  • Rutahizamu wa AS Kigali n'umukunzi we baritegura imfura yabo. – YEGOB #rwanda #RwOT

    Rutahizamu wa AS Kigali n'ikipe y'Igihugu Amavubi, Biramahire Abeddy, n'umukunzi we Kagame Vanessa bari kwitegura kwibaruka imfura nyuma y'iminsi mike bimenyekanye ko bakundana.

    Amakuru y'uko bakundana yamenyekanye mu minsi ishize, ubwo batangiraga gusangiza ababakurikira ku mbuga nkoranyambaga amafoto yabo bari mu buryohe bw'urukundo.

    Mu minsi ishize uyu mukobwa yasangije abamukurikira kuri Instagram amafoto y'ibirori yakorewe byo kwitegura kwakira imfura ye.

    Mu minsi ishize nibwo Biramahire Abeddy, yahishuye ko asigaye afite umukobwa mushya bari mu munyenga w'urukundo yasimbuje Umutoni Josiane ukora kuri Radio na TV10.

    Uyu mukobwa yakorewe ibirori bya Baby Shower.

    Abinyujije ku rukuta rwe rwa Instagram, ubwo yagaragazaga Kagame Vanessa nk'inkumi yihebeye, Biramahire yashyizeho ifoto yongeraho akamenyetso k'umutima gakunze kuranga urukundo.

    Source : https://yegob.rw/rutahizamu-wa-as-kigali-numukunzi-we-baritegura-imfura-yabo/

  • Inkuru nziza kuri Vestine na Dorcas n'abafana babo – YEGOB #rwanda #RwOT

    Inkuru nziza kuri Vestine na Dorcas ndetse n'abafana babo ni uko kugeza ubu indirimbo Ibuye yamaze kurenza umubare w'abantu miliyoni bamaze kuyireba kuri YouTube. Iyi ndirimbo yashyizwe kuri YouTube ku ya 25 Kanama 2021. Kuri uyu wa 09 Nzeri 2021, iyi ndirimbo yamaze kurenza umubare w'abantu miliyoni bamaze kuyireba kuri YouTube.

    Source : https://yegob.rw/inkuru-nziza-kuri-vestine-na-dorcas-nabafana-babo/

  • Umusore uraje abanyarwanda neza – YEGOB #rwanda #RwOT

    Umukinnyi Mutabazi Yves ukinira ikipe ya Gisagara Volley-ball Club akaba ari n'umukinnyi w'ikipe y'U Rwanda, Amavubi, ya Volley-ball yaciye agahigo ko kuririmbwa n'imbaga y'abantu bari bitabiriye umukino wahuje ikipe y'U Rwanda n'ikipe ya Burkina Faso, umukino warangiye ku ntsinzi y'U Rwanda y'amaseti 3 ku 0.

    Mutabazi Yves niwe mukinnyi wagize uruhare ku ntsinzi y'U Rwanda akaba ari nawe wabaye umukinnyi w'umukino (Player of the match).

    Mutabazi Yves

    Source : https://yegob.rw/umusore-uraje-abanyarwanda-neza/

  • Reba inzu y'akataraboneka umuhanzi Tom Close yujuje mu Bugesera [AMAFOTO] #rwanda #RwOT

    Umuhanzi w'umunyarwanda akaba n'Umuyobozi w'Ikigo cy'Igihugu Gishinzwe gutanga amaraso, Tom Close yujuje inzu y'agatangaza iherereye mu Karere ka Bugesera.

    Uyu muhanzi uri mu ba mbere bazamuye imbamutima z'Abanyarwanda mu njyana ya R&B,yahesheje agaciro amafaranga yakuye mu bushabitsi yubaka inzu y'akataraboneka mu mujyi wa Nyamata.

    Nkuko iyi nkuru dukesha ikinyamakuru HOSE ibitangaza,Dr Muyombo Thomas, uzwi nka Tom Close yujuje iyi nzu z'akataraboneka mu Karere ka Bugesera ahazwi nko mu karumuna.

    Ni inyubako nini ariko itageretse, yihariye mu myubakire yayo, isize amarangi y'urwererane, ikazengurukwa n'igipangu cyubakishije amabuye y'amakoro aboneka mu gace k'ibirunga.

    Ni inzu bigaragara ko yatanzweho amafaranga atari make, gusa ntabwo ari igitangaza ku muntu nka Tom Close wakoreye amafaranga avuye mu mpande nyinshi.

    Ni umwe mu bahanzi bakunzwe kuva mu 2007. Mu 2011 yegukanye bwa mbere igihembo cya Primus Guma Guma Super Star.

    Yabaye umuganga mu bitaro bitandukanye, aba umuyobozi w'ikigo gishinzwe gutanga amaraso muri Kigali, nyuma agirwa umuyobozi wacyo ku rwego rw'igihugu.

    Iyi nzu ya Tom Close yubatswe na Johnson Murindabigwi umwe mu bahanga mu guhanga inyubako zigezweho. Uyu ni we wakoze igishushanyo cya hoteli ikoze nk'ubwato izubakwa mu kirwa cya Gihaya kiri mu Kiyaga cya Kivu.

    Tom Close ni umuturanyi wa Butera Knowless na Clement nabo bafite inzu igeretse muri aka gace, ndetse n'ibindi byamamare byiganjemo abakinnyi b'umupira w'amaguru.



    Source: HOSE.RW

    Source : https://umuryango.rw/imyidagaduro/umuziki/article/reba-inzu-y-akataraboneka-umuhanzi-tom-close-yujuje-mu-bugesera-amafoto

  • REG yisobanuye ku bibazo by’imicungire y’umutungo mu bigo biyishamikiyeho – #rwanda #RwOT

    Ibi bibazo ni ibyagaragajwe muri Raporo y’Umugenzuzi Mukuru w’Imari ya Leta y’imyaka itatu, 2017/2018; 2018/2019 na 2019/2020 biri muri REG n’ibigo biyishamikiyeho birimo igishinzwe gutunganya ibikorwaremezo by’amashanyarazi (EDCL) n’igishinzwe ubucuruzi bw’amashanyarazi (EUCL).

    Muri rusange byagaragaye ko REG ifite ibirarane by’imisoro bigera kuri miliyoni 500 z’amafaranga y’u Rwanda ikaba inatinda kwishyura abayiha ibikoresho.

    REG iberewemo amadeni agera kuri miliyari ebyiri bitizewe ko azagaruzwa n’indi myenda igera kuri miliyari 12 Frw yakomotse ku Kigo cyahoze cyitwa EWSA.

    Umugenzuzi Mukuru w’Imari ya Leta, Obadiah Biraro, yavuze ko gucunga amasezerano muri EDCL bitarafata umurongo neza ndetse EUCL ikorera mu gihombo mu gihe ari ikigo gikora ubucuruzi.

    Yatanze urugero rw’uruganda rutunganya amashanyarazi akomoka kuri nyiramugengeri rwa Gishoma, rutaratanga umusaruro kuva mu 2017 nyamara rwarashowemo agera kuri miliyari 40.

    Biraro yasabye ko Minisiteri y’Imari n’Igenamigambi ndetse na Minisiteri y’Ibikorwaremezo ko byakurikiranira hafi REG n’ibigo biyishamikiyeho.

    Iyi raporo igaragaza ko mu bibanza bya REG bigera kuri 429 biri hirya no hino mu gihugu, 386 bitanditse bivuze ko nta byangombwa by’ubutaka bwabyo iki kigo kigira. REG kandi ibarwaho inzu zangiritse zirimo iziherereye mu turere twa Karongi, Kirehe, Nyamasheke, Rusizi, Nyanza, Rubavu na Burera zikaba zidasanwa nyamara zifite agaciro kanini.

    Umuyobozi wa REG, Ron Weiss, yavuze ko mu bibazo byagaragajwe n’Umugenzuzi Mukuru w’Imari ya Leta hari ibyo babashije gukemura nubwo inzira ikiri ndende.

    Ati “Turi gukorana bya hafi n’Abagize Inama y’Ubutegetsi mu gukemura ibibazo byagaragajwe. Turimo gukora cyane ngo dukemure ibibazo byose byagaragajwe. Turi guhindura imikorere haba mu bijyanye n’icungamutungo ndetse no guhesha agaciro amafaranga aba yashowe.”

    Yakomeje agira ati “Turabizi ko ari ngombwa kugira ibyangombwa by’umutungo, turi gushyira imbaraga mu gushaka ibyangombwa by’ubutaka.”

    Umunyamabanga Uhoraho muri Minisiteri y’Ibikorwaremezo, Uwase Patricie, yijeje ko ibibazo by’inzu zangiritse zibarwa mu mutungo wa REG, bigiye gukurikiranwa zigasurwa hakarebwa uko zabyazwa umusaruro.

    REG yagiriwe inama yo gukomeza guhuza inganda zitanga amashanyarazi hirya no hino mu gihugu, ku ikoranabuhanga rya SCADA kugira ngo hamenyekane umuriro ucuruzwa n’abo ucuruzwaho kugira ngo hirindwe ibihombo bigenda bigaragara.

    Abayobozi ba REG n’ibigo biyishamikiyeho batanze ibisobanuro hakoreshejwe ikoranabuhanga rya Webex

    Depite Murara Jean Damascène uri mu bagize PAC; Perezida wa PAC, Muhakwa Valens; Visi Perezida wa PAC, Depite Uwineza Beline na Depite Ntezimana Jean Claude bakurikiye ibisobanuro by’abayobozi ba REG

    Visi Perezida wa PAC, Depite Uwineza Beline

    Perezida wa PAC, Muhakwa Valens

    Depite Bakundufite Christine, umwe mu bagize PAC

    source : https://ift.tt/3jY5cVl