Webrwanda Backend

Category: Uncategorized

  • Kigali: Imirenge yiyambaje Drone, irondo ridasanzwe n’abacuruzi mu kurwanya Covid-19 #Rwanda #RwOT via @kigalitoday #rwanda #RwOT

    Bongereye imbaraga mu guhangana na Covid-19
    Bongereye imbaraga mu guhangana na Covid-19

    Barimo kwifashisha indege zitagira abaderevu (drone), abacuruzi barimo gusinya imihigo, hashyizweho abanyerondo badasanzwe, ndetse ku bikoresho bimwe na bimwe harimo gushyirwaho ubutumwa busobanurira abaturage uko bakwirinda Covid-19.

    Umujyi wa Kigali ufatanyije na Polisi y’u Rwanda bazatanga igihembo cy’imodoka ku murenge uzahiga indi mu kugira abaturage bubahiriza amabwiriza yo kwirinda Covid-19, nyuma ya tariki 19 Ukwakira 2021, ubwo ubukangurambaga buzaba burangiye.

    Umurenge wa Niboye mu Karere ka Kicukiro wakoresheje akadege gato kitwa ‘Drone’ kagenda kazenguruka umurenge wose kariho radio isaba abaturage kwambara agapfukamunwa, guhana intera, gukaraba intoki no kwirinda gushyira utubari mu ngo.

    Abayobozi b
    Abayobozi b’inzego zitandukanye muri Kicukiro bashyize umukono ku mihigo yo kurwanya Covid-19 mu bigo bayohyora

    Umunyamabanga Nshingwabikorwa wa Niboye, Murekatete Patricie, avuga ko drone izajya inyuzamo ikongera kuzenguruka hejuru y’umurenge byibura rimwe mu byumweru bibiri, kuko abaturage iyo bayumvise ihinda hejuru yabo basohoka hanze bakajya kureba.

    Murekatete agira ati “Abaturage bumvise drone barasohoka, yagiye inyura ahantu hari ubucucike bw’abantu, uko gusohoka kwabo twahitaga tubona ko ‘message’ yabagezeho, muri aya marushanwa azamara ukwezi, drone izajya ikora wenda nka rimwe mu cyumweru cyangwa mu byumweru bibiri muri iyi minsi dusigaranye.”

    Murekatete avuga ko ubu bukangurambaga bukorwa ahanini n’abayobozi b’amasibo, bujyana no gusura abarwayi ba Covid-19 bari mu ngo ndetse no gufatanya n’abaturage gukora umuganda w’isuku (igitondo cy’isuku).

    Hari n’ibikoresho bitandukanye byanditsweho ubutumwa bukangurira abantu kurwanya Covid-19, birimo imitaka ihabwa ababyeyi bajya kwa muganga, ibinyabiziga, moto ndetse n’abacuruzi bakaba bashyize ubwo butumwa mu maduka yabo.

    Mu murenge wa Nyamirambo w’Akarere ka Nyarugenge na ho berekanye radio igenda izenguruka mu baturage, abacuruzi basinyanye imihigo n’ubuyobozi mu rwego rwo gufatanya na bo kwamagana abarenga ku mabwiriza yo kwirinda Covid-19 aho bakorera.

    Uwo murenge kandi weretse abaturage itsinda ry’abanyerondo bihariye bazajya bagendagenda muri karitsiye bareba niba koko ibyemejwe n’abacuruzi birimo gushyirwa mu bikorwa.

    Murekatete Patricie uyobora Umurenge wa Niboye
    Murekatete Patricie uyobora Umurenge wa Niboye

    Umunyamabanga Nshingwabikorwa w’Umurenge wa Nyamirambo, Uwera Claudine, avuga ko bizeye kuzabona igihembo cy’imodoka muri Nyarugenge mu gihe abaturage bose (cyane cyane abatuye mu bucucike) baba bahinduye imyifatire.

    Uwera yagize ati “Turizera ko nta bwandu bushya buzongera kuboneka mu Murenge wacu wa Nyamirambo, kandi n’abaturage bacu bazashishakirizwa kwirinda Covid-19 ku kigero cyo hejuru, nta gitangaza ko imodoka tuzayibona”.

    Mu Karere ka Gasabo ho abayobozi b’amasibo basinyanye amasezerano y’imihigo n’ababakuriye kugira ngo bajye mu baturage kwigisha no guhagarika bimwe mu bikorwa byatuma habaho kwanduzanya, birimo utubari turi mu ngo.


    source : https://ift.tt/3tGqsSX

  • Mupenzi Eto’o wo muri APR FC yibasiwe nyuma y’imvugo nyandagazi 'Ntawubuza imisega kumoka' #rwanda #RwOT

    Mupenzi Eto’o ushinzwe isoko ry’abakinnyi muri APR FC, yibasiwe n’abatari bake nyuma yo kumvikana avuka ko ntawubuza imbwa kumoka, ni nyuma y’ibyavuzwe ko umutoza w’iyi kipe, Adil Erradi Mohammed nta byangombwa afite byo gutoza ku ruhando mpuzamahanga.

    Mbere y’uko ikipe ya APR FC itangira imikino Nyafurika ya CAF Champions League, yamenyeshejwe na CAF ko umutoza wayo atemerewe gutoza iyi mikino kuko ibyangombwa bye bitabimwemerera kuko afite UEFA Advanced Diploma mu gihe umutoza udafite License A ya CAF asabwa kuba afite License y’ikirenga(Pro License) y’indi mpuzashyirahamwe.

    Aha niho ibitangazamakuru bitandukanye mu Rwanda byatangiye kwibaza kuri uyu mutoza, aho byinshi byibazaga icyo APR FC imutunzemo niba ibyangomba afite bitamwemerera gutoza mu mikino mpuzamahanga kandi ari ho imukeneye.

    Ku munsi w’ejo hashize kandi ni nabwo ISIMBI yabagejejeho inkuru y’uko ibi byangombwa bishobora no kutazamwemerera gutoza muri shampiyona y’icyiciro cya mbere mu Rwanda.

    Iyi kipe yageze mu Rwanda ivuye muri Djibouti gukina na Mogadishu City Club umukino ubanza w’ijonjora ry’ibanze rya CAF Champions League aho banganyije ubusa ku busa, hagiye hanze amashusho y’uyu mugabo ushinzwe kugurira iyi kipe abakinnyi atukana.

    Amashusho Mupenzi Eto’o bigaragara ko yabwiraga uwitwa Claire Mama, amubwira ko ntawubuza imimbweti kumoka.

    Ati 'Claire Mama, Claire Mama' undi yahise umubaza ati 'bimeze bite?', Eto’o yahise amusubiza ati 'meze fresh, ntawubuza imimbweti(imbwa) kumoka, ntawubuza imisega kumoka, reka reka ntawayibuza.'

    Ibi byafashwe nko kwibasira itangazamakuru ryari ryakemanze umutoza wa APR FC cyane ko ari na we wamuzanye muri iyi kipe.

    Ibi byongeye kuzamura amarangamutima ya benshi bibaza uburyo ikipe ya APR FC igendera ku kinyabupfura ikoresha umuntu nk’uyu ukoresha imvugo nyandagazi mu ruhame cyane ko atari no ku nshuro ya mbere.

    Bimwe mu bitekerekezo byatwanzwe kuri aya mashusho yasangijwe abantu kuri Instagram

    o
    murisaegide199
    Hhhhhhh ubwo c imbwa ntimenya genzi yayo ra?
    Gusa nabumuntu agira nagende adusenyeye ikipe agura imifungo
    Ikiza gikwiriye ya turekera ikipe
    o
    o georginagabby6 'Iyi discipline s ni iyo muri epiyala, ikipe y ingabo!!'
    o
    o bimenyimana_nnocent 'Iki gihungu ni kibwa gusa nta kindi! Uwigana imisega kuvuga we abariki harya?'
    o s.manchesterunited 'Ni uko ni uko ni uko ni uko Mupenzi umurayon w’ukuri sha👏👏👏👏👏👏komereza aho akazi ukarimo neza erega Rayon Sports ntiva mu mutima w’uwayifannye n’amaronko
    o
    o byukusenge.eric 'Dutegereje imyanzuro ikomeye kuko iyi equipe yamaze gutakaza umwimerere wayo kabisa'
    o bimenyimana_nnocent 'Ubundi iyi team koyahoze igira readership ihamye byagenze gute ngo bayitegeze abana bo kumuhanda ko ari ho byose byapfiriye.'

    o mfuranzizajean 'Ubuse imisega Avuga ni bande'
    o
    o mimyuwasejanv 'Ikinyabupfura Hafi Ya Ntacyo kbsa.😂😂'

    o
    reverientwizeyimana 'n’uko yakoze na we isoni zamuteye kuvuga ibishegu tutari dukeneye😢😢'
    o
    o niyonsenga95 'Uyu mutipe mbese nta kinyabupfura agiraa😂😂😂indisiiii muri APR'
    2hReply
    o s.manchesterunited 'Yampayinka dore abagirira abakinnyi APR uburyo bafite ikinyabupfura'

    o rajabudesperado 'Arita abafana batishimiye umusaruro w ikipe yabo imisega kweli😢'
    o
    o badru_ecta 'Imbwa ya mbere ni we ahubwo'
    o
    o sibomana.john.712 Uwo mugabo ari kudusebereza ikipe nizere ko ntawabimutumye'
    o
    o shyaka1620 'Ndumva ari kumoka koko,ntakindi ashoboye nugutubura, abiryozwe gutubura'
    o
    o dodos_official_91 'Imvugo z’abashumba nk’izi ntizikwiriye umukozi w’ikipe y’ingabo'

    Uyu mugabo si ubwa mbere agaragaye mu nkuru nk’izi z’imyitwarire mibi, kuko aheruka gutuka uwari umumvugizi w’iyi kipe, Kazungu Claver, uretse ibi kandi akaba ari no mu manza ashinjwa ubwambuzi.

    Yise abantu imbwa

    Benshi bibaza ukuntu ikipe ya APR FC ikoresha umuntu ufite ikinyabupfura gike

    Source : http://isimbi.rw/siporo/article/mupenzi-eto-o-wo-muri-apr-fc-yibasiwe-nyuma-y-imvugo-nyandagazi-ntawubuza-imisega-kumoka

  • Afghanistan: Aba Taliban bari kwica abasivile ahari indiri y'ababarwanya #rwanda #RwOT

    Itumanaho muri icyo kibaya ryaraciwe, bituma gutangaza amakuru yaho bigorana, ariko BBC yabonye gihamya y'ubwo bwicanyi bwakozwe n'aba Taliban, nubwo basezeranyije kwigengesera.

    Amashusho yo mu muhanda urimo umukungugu muri Panjshir agaragaza umugabo wambaye gisirikare agoswe n'abarwanyi b'aba Taliban. Humvikana urusaku rw'amasasu ubwo uwo mugabo yagwaga ku butaka.

    Ntibiramenyekana niba uwo mugabo wishwe yari umusirikare – imyambaro ya gisirikare ikunze kwambarwa n'abantu batandukanye muri ako karere. Muri iyo videwo, umugabo wari uri hafi aho ashimangira ko ari umuturage w'umusivile.

    BBC yemeje ko ubwicanyi nk'ubwo bwakorewe abantu batari munsi ya 20 muri Panjshir.

    Umwe mu bishwe yari umucuruzi ufite iduka ndetse akaba na se w'abana babiri, witwa Abdul Sami.

    Abahatuye bavuze ko uwo mugabo atahunze ubwo aba Taliban bahageraga, arababwira ati: “Ndi umuntu ufite iduka udashinga [wa nta kigenda] kandi nta ho mpuriye n'intambara”.

    Ariko yatawe muri yombi, ashinjwa kugurisha amakarita sim ya telefone (sim cards) ku barwanya aba Taliban. Hashize iminsi, umurambo we wajugunywe hafi y'urugo rwe. Ababonye umurambo we bavuze ko wagaragazaga ibimenyetso byo gukorerwa iyicarubozo.

    Ubwo aba Taliban bageraga ku butegetsi mu kwezi gushize, akarere kamwe gusa ni ko kasigaye batagafashe.

    Ikibaya cya Panjshir kimaze igihe ari izingiro ry'abanga gukurikiza ibisabwa n'ubutegetsi muri Afghanistan. Karangajwe imbere n'uwari umukuru w'abarwanya ubutegetsi Ahmad Shah Massoud, aka karere kasubije inyuma ingabo z'Ubumwe bw'Abasoviyeti (Uburusiya bwo muri iki gihe) ndetse n'aba Taliban.

    Icyo kibaya gikikijwe n'amasonga y'imisozi, bigatuma bigora buri wese ugerageje kucyigarurira.

    Ahmad, umuhungu wa Massoud, ni we yayoboye ibikorwa byo kurwanya aba Taliban kuri iyi nshuro ya kabiri bigaruriye Afghanistan, ariko mu cyumweru gishize izi ntagondwa zatangaje intsinzi, zitangaza amashusho y'abarwanyi b'uyu mutwe buriza (bazamura) ibendera ryawo.

    Aba barwanya aba Taliban basezeranyije gukomeza kurwana, Ahmad Massoud asaba ko habaho “imyivumbagatanyo mu gihugu” yo kwamagana aba Taliban.

    None ubu amaso ahanzwe ku kigiye gukurikiraho muri Panjshir, cyo kimwe n'ahandi muri Afghanistan, muri iki gihe aba Taliban basubiye ku butegetsi.

    Ubwo aba Taliban bageraga muri icyo kibaya, bashishikarije abahatuye gukomeza ibikorwa byabo uko bisanzwe.

    Malavi Abdullah Rahamani, umuvugizi wabo, yagize ati: “Bakwiye gusohoka, bagakora ibikorwa byabo bya buri munsi”.

    “Niba bafite amaduka bashobora kujya mu maduka yabo. Niba ari abahinzi, bashobora kujya mu mirima yabo. Turi hano ngo tubarinde, ubuzima bwabo n'imiryango yabo”.

    Ariko aho gukora ibyo, amashusho yaho agaragaza amasoko yari asanzwe yitabirwa n'imbaga y'abantu ubu nta muntu uyarangwamo. Abantu bamaze igihe bagerageza guhunga, imirongo miremire y'imodoka ziri munsi y'amasonga y'imisozi ariho amabuye.

    Habayeho kuburira ko hashobora kubaho ubucye bw'ibiribwa n'imiti.

    Aba Taliban bahakanye kwibasira abaturage b'abasivile. Ariko kuba ibi bibaye nyuma y'amakuru y'ubwicanyi bwakorewe ba nyamucye b'aba Hazara, n'iyicwa ry'umupolisi w'umugore, ni ikindi kimenyetso ko ukuri kw'uko ibintu bimeze mu gihugu gutandukanye n'ibyo aba Taliban basezeranyije byuko nta bitero byo kwihorera bazakora.

    Patricia Grossman, wo mu muryango uharanira uburenganzira bwa muntu Human Rights Watch, yagize ati:

    “Amakuru nk'aya asa n'ahuye n'ibyo twamaze gutahura muri Afghanistan hose”.

    “Ubwo aba Taliban berekezaga i Kabul mu kwezi kwa karindwi no mu kwa munani twabonye amakuru nk'ayo kandi twashoboye gutahura ubwicanyi burenze ku bucamanza bwakorewe abahoze bakora mu nzego z'umutekano, abahoze muri guverinoma n'abasivile akenshi bukozwe mu kwihorera. Ibi bisa cyane nk'ibiri muri uwo mujyo”.

    BBC

    Source : https://umuryango.rw/amakuru/mu-mahanga/umutekano/article/afghanistan-aba-taliban-bari-kwica-abasivile-ahari-indiri-y-ababarwanya

  • Inkumi yigaruriye umutima w’umunyamakuru Bayingana David (AMAFOTO) #rwanda #RwOT

    Umunyamakuru w’imikino ukunzwe cyane hano mu Rwanda, David Bayingana ari mu rukundo na Ashante Lydie cyangwa Queen Lydie wakundanyeho n’umuhanzi Davis D.}

    Urukundo rw’aba bombi bakaba bararugize ibanga rikomeye ariko bamwe mu nshuti zabo za hafi bakaba baruzi.

    Amakuru ISIMBI yamenye ni uko Bayingana uzwi mu myidagaduro akaba n’umwe mu bashinze radio ya B&B FM, amaze igihe ari mu rukundo n’iyi nkumo y’ikimero kirangaza benshi.

    Amakuru avuga ko aba bombi birinze ikintu na kintu cyatuma n’abantu bakeka ko bakundana, aho no ku mbuga nkoranyambaga nka Instagram nta n’umwe ukurikira undi, gusa ni mu ijoro ryakeye Queen Lydie yashyize kuri Instagram Stories ye amashusho ari kumwe na Bayingana muri Kigali Arena ubwo ikipe y’igihugu y’u Rwanda ya Volleyball mu bagore yari imaze gutsinda Nigeria babyina intsinzi.

    Aya mashusho na Bayingana David akaba yahise ayakorera repost kuri Instagram Stories ye.

    Uyu munyamakuru ukunzwe na benshi mu Rwanda kubera ubuhanga bwe mu gusesengura iby’imikino, mu minsi ishize aherutse kubwira umunyamakuru Ally Soudy ko ubu afite umukunzi mushya ndetse ko n’ubwo urugo rwa mbere bitamuhiriye ariko na none agomba gushaka uwo babana.

    Ati 'Mfite umwana umwe ufite imyaka 7(Bayingana Joshua), ibyo nzabisizigira ubuzima, ibya mbere ntabwo byameye, hari umuntu urwana n’Isi se? Hari igihe bitemera gusa ikigenzi ni imbuto iba yavuyemo(…) Ku ruahande rwanjye ntabwo tukibana ariko ngomba kugira uwo mbana na we. Umukunzi ndamufite ariko izina sinarivuga.'

    Muri 2013 nibwo Bayingana David yakoze ubukwe na Kezie Teriteka, baje gutandukana nyuma y’uko bari bamaze kubyarana umwana umwe w’umuhungu.

    David Bayingana wize amategeko muri Kaminuza y’u Rwanda, yatangiriye itangazamakuru kuri Radio Salus, yayivuyeho ajya kuri Voice of Africa, ayivaho ajya kuri Radio10 ubu akaba ari kuri B&B FM afitemo imigabane.

    Lydie ni we wabanje gusangiza abamukurikira aya mashusho

    Bayingana na we yahise ayasangiza abamukurikira

    Ashante Lydie uri mu rukundo na Bayingana David

    Yavuzwe mu rukundo na Davis D

    Imiterere ye irangaza benshi

    Qeen Lydie inseko yarangaza benshi

    David Bayingana ari mu rukundo rushya

    Source : http://isimbi.rw/siporo/article/inkumi-yigaruriye-umutima-w-umunyamakuru-bayingana-david-amafoto

  • Kaminuza y'u Rwanda yemeye ko yahombeje Leta Miliyoni 40 #rwanda #RwOT

    Kaminuza y'u Rwanda yemereye Komisiyo ishinzwe gukurikirana iby'imari n'umutungo bya Leta mu Nteko Ishinga Amategeko (PAC), ko yanze kwishyura ba Rwiyemezamirimo kugeza ubwo bayireze igacibwa arenga miliyoni 40 z'amafaranga y'u Rwanda.

    Ubuyobozi bwa Kaminuza bwabwiye PAC ko bwahakuye isomo ndetse ko batazongera gutinda kwishyura abo babereyemo imyenda.

    Inkuru irambuye ni mu kanya……

    The post Kaminuza y'u Rwanda yemeye ko yahombeje Leta Miliyoni 40 appeared first on Flash Radio TV.

    Source : https://flash.rw/2021/09/14/kaminuza-yu-rwanda-yemeye-ko-yahombeje-leta-miliyoni-40/?utm_source=rss&utm_medium=rss&utm_campaign=kaminuza-yu-rwanda-yemeye-ko-yahombeje-leta-miliyoni-40

  • U Rwanda rwiyemeje guca burundu ‘Hépatite C’ mbere y’uko uyu mwaka urangira #Rwanda #RwOT via @kigalitoday #rwanda #RwOT

    Igihugu cyose bari muri gahunda yo gupima Hépatite C
    Igihugu cyose bari muri gahunda yo gupima Hépatite C

    Raporo y’Ikigo cy’Igihugu Gishinzwe Ubuzima (RBC), iragaragaza ko kubera ingamba zashyizweho na Leta y’u Rwanda, abahitanwaga n’iyo ndwara bavuye kuri 4%, ubu bakaba bageze hagati ya 1 na 2% y’abafite iyo ndwara.

    Dr Sabin Nsanzimana, Umuyobozi mukuru wa RBC, avuga ko kubera ingamba zafashwe n’igihugu cyacu mu kuvura iyo ndwara, ibibazo yatezaga birimo na kanseri byagiye bigabanuka ku buryo bufatika.

    Ati “Ibyo iyo ndwara ya Hépatite C yatezaga, birimo na kanseri z’umwijima, ubu zagiye zigabanuka cyane, mu myaka nibura ibiri ishize hamaze kuvurwa abantu basaga ibihumbi 50, bari bafite indwara ya hepatite C bashoboraga guhitanwa nayo, ariko bose barakize hari bake bagishakishwa ngo bavurwe”.

    Arongera ati “Kugira ngo ubone urwaye birumvikana bisaba gupima abantu benshi, tumaze gupima hafi miliyoni eshanu muri miliyoni zirindwi twifuza gupima, mu mezi make asigaye iyi ndwara iraba yacitse kuko ibikoresho birahari n’abayivura barahari”.

    Avuga ko umwaka wa 2021 urangira Hépatite C yaraciwe burundu ati “Abenshi barimo gupimwa, ku buryo uyu mwaka turimo uzajya kurangira twinjira mu mwaka utaha turi mu bihugu byabashije guca burundu indwara ya Hépatite C. Twizeye kuzahiga uwo muhigo ari na ko dutangiye urundi rugamba rwo guhangana na Hepatite B, na yo itoroshye kugeza ubu n’ubwo ifite urukingo ariko nta muti uyikiza burundi irabona”.

    Mu gukomeza kurwanya iyo ndwara, hirya no hino mu gihugu hari gahunda yo kuyipima abantu ku buntu.

    Mu Karere ka Musanze iyo gahunda ikaba yaratangiye tariki 06 Nzeri 2021, aho ibigo nderabuzima binyuranye bikomeje kwakira abaza kwisuzumisha, ku ikubitiro icyo gikorwa gitangirira mu bigo nderabuzima bya Busogo, Kinigi, Muhoza, Rwaza na Nyakinama, aho iyo gahunda yasojwe ku itariki 10 Nzeri.

    Mu cyumweru cya 2 kuva taliki ya 13 kugeza tariki 17 Nzeri 2021, iyo gahunda yakomereje mu bigo nderabuzima bya Karwasa, Bisate, Shingiro, Musanze na Nyange mu Karere ka Musanze.

    Ndererimana Olivier, Umuganga ushinzwe gukurikirana indwara zandura mu bitaro bikuru bya Ruhengeri, arasaba abaturage gushishikarira kuza kwisuzumisha iyo ndwara, ati “Turasaba abaturage gushishikarira kuza kwisuzumisha izi ndwara z’umwijima, zo zitandukanye n’izindi kuko ushobora kuzimarana igihe kirekire utazi ko uzirwaye, umuntu akazaza kwa muganga yaramaze gusenzegera abaganga batakibasha kugira icyo bamumarira, kandi kwisuzumisha ni ubuntu n’uwo dusanze arwaye tumuvurira ku buntu”.

    Abenshi mu bitabiriye kwikingiza ni abagore
    Abenshi mu bitabiriye kwikingiza ni abagore

    Ibikomeje kugaragara hirya no hino ku bigo nderabuzima mu Karere ka Musanze, ni uko umubare w’abajya kwisuzumisha Hépatite C ukiri hasi, aho n’abitabira usanga ari abagore gusa.

    Ubwo Kigali Today yageraga mu kigo nderabuzima cya Karwasa mu Murenge wa Cyuve mu ku wa Mbere tariki 13 Nzeri 2021, yasanze mu bari bamaze kwipimisha bakabakaba 60, abagabo ari batatu mu gihe abandi bose ari abagore, urubyiruko rwo rukaba rudakozwa iyo gahunda yo kwipimisha.

    Byukusenge Selvator, Umuyobozi w’ikigo nderabuzima cya Karwasa, avuga ko biteye impungenge kuba harakozwe ubukangurambaga, ariko ku munsi wa mbere wo gusuzuma umubare w’ubwitabire ukaba ukomeje kuba hasi.

    Ati “Ku munsi wa mbere, ubwitabire buracyari hasi tugeze sa sita tutarapima abagera kuri 60, n’abarimo kwitabira ni abagore na bo biganjemo abakuze, ntabwo urubyiruko rurimo kwitabira, n’abagabo ubwitabire buri hasi kuva mu gitondo twakiriye bake cyane. Icyo dusaba abaturage ni ukubyaza umusaruro aya mahirwe bahawe, kuko ni igikorwa cyateguwe ku rwego rw’igihugu, aho RBC, baje kuduha umusada kugira ngo abantu bose basuzumwe, turabasaba kwitabira”.

    Uwo muganga, yavuze ko uje kwivuza bisanzwe bikaba ngombwa ko umuganga agusabira ikizamini uri buze kwishyura, ibiciro biba biri hejuru cyane kandi no kuyivura bigahenda, ni mu gihe ubu abari kwitabira barimo gusuzumwa ku buntu n’uwo basanze arwaye akitabwaho.

    Byukusenge Selvator Umuyobozi w
    Byukusenge Selvator Umuyobozi w’ikigo nderabuzima cya Karwasa

    Avuga ko kwipimisha biri mu buryo bwo kwirinda, ngo aho Hépatite C yandurira ari na ho SIDA yandurira, ni ukuvuga mu mibonano mpuzabitsina idakingiye, no guhuza amaraso n’umuntu uyirwaye.

    Avuga ko kumenya uko uhagaze bifasha, anenga abataza kwisuzumusha mu gihe inzego z’ibanze n’abajyanama b’ubuzima batahwemye gukora ubukangurambaga bwimbitse bwo ku bibamenyesha.

    Icyo kigo nderabuzima cya Karwasa giteganya gupima abantu bagera ku bihumbi icyenda, mu gihe ku munsi wa mbere byageze saa sita batarapima abagera kuri 60.

    Abenshi mu baturage baje kwipimisha bagaragaje uburyo babyishimiye kandi babiha agaciro, aho ngo impamvu nyamukuru yabazanye ari ukumenya uko ubuzima bwabo buhagaze, nk’uko babitangarije Kigali Today.

    Umukecuru w’imyaka 80 witwa Nyirabatibuka Makurata ati “Nari naje kwa muganga bisanzwe mbonye hano bari gupima umwijima ndaza nanjye ndipimisha, bamaze kumpima bambwiye ko nta kibazo mfite ko meze neza, numva ndishimye. Kwipimisha ni byiza ubu menye uko mpagaze, iyi yo ndayisimbutse hasigaye igifu”.

    Dr Nsanzimana Sabin, Umuyobozi mukuru wa RBC
    Dr Nsanzimana Sabin, Umuyobozi mukuru wa RBC

    Nyirahabimana Veneranda ati “Numvise ko hano bari gupima umwijima nza kwipimisha, bifite akamaro banadupimiye ku buntu, umugabo wanjye namusize mu rugo ni ngerayo ndamubwira ko nipimishije nawe aze. Kwipimisha ni ingenzi kuko umuntu amenya uko ahagaze”.

    Ni igikorwa kirimo kubera mu gihugu hose, aho mu Majyaruguru kibera mu Karere ka Musanze na Gicumbi, mu Ntara y’Amajyepfo kibera mu Karere ka Kamonyi, Iburengerazuba kirabera mu Karere ka Nyamasheke na Rusizi, mu gihe Iburasirazuba ari mu turere twa Bugezera, Kayonza, Gatsibo, Nyagatare na Ngoma.


    source : https://ift.tt/3953ivP

  • Abanyonzi b’i Nyamata barinubira gutegekwa gutaha kare – #rwanda #RwOT

    Inama y’Abaminisitiri yateranye ku ya 1 Nzeri 2021, yafatiwemo imyanzuro itandukanye irimo no kuba ingendo zibujijwe guhera saa Tatu z’ijoro mu turere turimo na Bugesera.

    Ibi bisobanuye ko ingendo zigomba kurangira aya masaha, abanyonzi bo muri Nyamata bo bavuga ko batunguwe no kuba barasabwe gutaha saa Kumi n’Ebyiri ndetse ntibasobanurirwe impamvu zabyo.

    Bamwe mu banyonzi baganiriye na Radio1 bayibwiye ko batumva impamvu babwirwa gutaha kare kandi aya masaha aribwo abakiliya baba bari kuboneka ibyo babona nk’ibizabashyira mu gihombo.

    Umwe yagize ati “Tubangamiwe no kudushyira mu rugo saa Kumi n’Ebyiri kandi kurangiza Imirimo ari saa Tatu, ku mugoroba baradufata bakadukura mu kazi tukajya mu rugo.”

    Undi yagize ati “Imbogamizi dufite abanyonzi dutaha saa Kumi n’Ebyiri, abamotari bagataha saa Tatu kandi twese dutanga umusoro, ubwo niba abantu bavuye i Kigali ku mugoroba bataha n’amaguru kuko baba baducyuye kandi ntituzi impamvu byatwituyeho natwe.”

    Ku ruhande rw’Umuyobozi w’Akarere ka Bugesera, Mutabazi Richard, yavuze ko kubabuza gutaha bwije biri mu nyungu zabo kuko hari ibyo batujuje byateza impanuka, bakwiye kubanza gutunganya.

    Yagize ati “Icya mbere ni uko gutwara ninjoro hari icyo bisabwa kandi byarabaniye kubyubahiriza, gutwara nta kagarura rumuri bafite, nta tara bafite ni ukubashyira mu kaga ubwabo no guteza impanuka n’abandi.”

    “Icyo tubasaba rero ni ugataha kare kuko ibyo batabyubahiriza cyangwa bakabyubahiriza bakatubwira ngo turabyubahirije mu duhe igihe cyo gukora gihagije.”

    Meya Mutabazi yavuze ko nubwo bavuga ko batabimenyeshejwe ariko babibwiwe ndetse bakabikorera n’inama bategereje ko buzuza ibisabwa bagahabwa impushya zo kugenda amasaha asanzwe.

    Abanyonzi bo muri Nyamata babangamiwe no gutaha saa Kumi n’Ebyiri abandi bataha saa Tatu

    source : https://ift.tt/3nvtKHn

  • Rubavu: Umupaka w’u Rwanda na RDC ugiye kubakwaho ibikorwa by’isuku bya miliyoni 300 Frw – #rwanda #RwOT

    Ibi byemejwe n’Ubuyobozi bw’Ubunyamabanga Bukuru bw’Umuryango w’Ibihugu bya Afurika y’Iburasirazuba(EAC), nyuma yo gusura imipaka ihuza Akarere ka Rubavu n’Umujyi wa Goma muri Repubulika Iharanira Demokarasi ya Congo, dore ko iki gihugu gishobora no guhabwa ikaze muri uyu muryango mu gihe kiri imbere.

    Guverineri w’Intara y’Iburengerazuba, Habitegeko François, yavuze ko ibikorwa byo kubaka bizamara amezi abiri, bigatwara asaga miliyoni 300 F.

    Ati “Imipaka ya Rubavu izakorana n’uyu mushinga mu bikorwa by’isuku n’isukura, bizafasha urujya n’uruza rw’abantu kwisukura kugira ngo bakomeze ibikorwa byabo ariko birinze icyorezo cya Covid-19. Hazashyirwa n’ibikoresho bigamije gutanga ubutumwa bwibutsa abantu kwirinda ikwirakwira rya Covid-19.”

    Yakomeje avuga ibikorwaremezo bizubakwa bizashyirwa ahantu hose hakorerwa ubucuruzi bwambukiranya umupaka.

    Umunyamabanga Mukuru Wungirije wa EAC, Bazivamo Christophe, yavuze ko nubwo ingamba zo kwirinda Covid-19 zorohejwe, ibikorwa nk’ibi byo kwimakaza isuku bizatuma intego yo gufungura imipaka burundu igerwaho.

    Ati “Uburyo bw’ingendo bwarorohejwe ku mipaka ariko dusanga hari hakiri ikintu kibura mu bijyanye n’ibikoresho by’ibanze mu kwirinda iki cyorezo, aho usanga nta mazi ahari, nta hantu ho gukarabira hahari, noneho ugasanga nta buryo bwo kwibutsa abagenzi bari ku byambu no ku mipaka gukomeza kwirinda. Byari ngombwa ko dushyiraho ibikorwa nk’ibi kugira ngo dukomeze turinde abaturage bacu kandi tubashoboze gukomeza ibikorwa byabo by’ubucuruzi.”

    Uyu muyobozi kandi yavuze ko ibikorwa byo kwinjiza RDC mu Muryango wa EAC biri kugenda neza, iki gihugu kikaba gifite ubushake ndetse cyujuje ibisabwa, igikenewe akaba ari ibiganiro hagati y’abakuru b’ibihugu bizashyira mu bikorwa iki cyemezo.

    Uretse u Rwanda na RDC, ibikorwa by’isuku bizashyirwa ku yindi mipaka 12 iri hagati y’ibihugu bya EAC, ibikorwa byose bikazatwara arenga miliyari 2 Frw.

    Abayobozi barimo Umunyamabanga Wungirije wa EAC bitabiriye ibikorwa byo gutangiza iyubakwa ry’ibikorwaremezo by’isuku ku mupaka w’u Rwanda na Congo

    source : https://ift.tt/3z6PfAt

  • Ngoma: Abasore baciye ikiganza umunyerondo bari guhigishwa uruhindu – #rwanda #RwOT

    Ibi byabaye mu ijoro ryo ku wa Gatandatu tariki ya 11 Nzeli 2021 mu Mudugudu wo mu Murenge mu Kagari ka Agatare mu Murenge wa Mugesera ahazwi cyane nk’ahakunda kwera inanasi.

    Amakuru avuga ko ubwo abari ku irondo ry’umwuga babonye abantu bari mu murima w’inanasi bari kuzica, mu gihe babagotaga ngo babafate barirutse umwe asakirana n’umunyerondo wari wazamuye amaboko ngo amufate, amutemesha umuhoro ikiganza gihita kivaho.

    Umunyamabanga Nshingwabikorwa w’Umurenge wa Mugesera, Niyigena Alex, yemereye IGIHE ko koko uyu munyerondo yatemwe ikiganza kigahita kivaho kuri ubu akaba arwariye mu bitaro bya Kibungo.

    Ati “Ababikoze barazwi ubu turimo kubashakisha dufatanyije n’izindi nzego z’umutekano, twamenye ko hari imirenge duturanye bahungiyemo ubu turi kubashakisha kandi nitubafata tuzatanga ubutabera neza baryozwe ibyo bakoze.”

    Uyu muyobozi yavuze ko abasore babiri bikekwa ko aribo bibaga inanasi bari basanzwe bafite imyitwarire mibi muri uyu Murenge, yavuze ko kandi nk’ubuyobozi kuri ubu bafashe inshingano zo kwita ku mugore w’uyu munyerondo n’umwana we umwe yari afite.

    Ati “ Ikindi twakoze inama duhumuriza abaturage kuko ibintu nk’ibi ntabwo bisanzwe muri uyu murenge, kuba baramutemye ikiganza ntabwo abantu bacika intege, ababikoze tuzakomeza kubashakisha mpaka bafashwe kandi n’uriya munyerondo tuzakomeza kumufasha mpaka ubuzima bwe bumere neza.”

    Si ubwa mbere aba basore bikekwa ko batemye uyu munyerondo ikiganza bakora urugomo nk’uru kuko abaturage bavuga ko bari barananiranye ndetse ngo nta muntu wajyaga ubavuga cyangwa ngo abarege bitewe no kubatinya.

    source : https://ift.tt/2YPASEd

  • UR yahawe miliyoni 55$ zo gukoresha mu burezi bw’abakobwa, abafite ubumuga n’impunzi – #rwanda #RwOT

    Aya mafaranga yatanzwe na Mastercard Foundation binyuze mu bufatanye bw’imyaka 10 yagiranye na Kaminuza y’u Rwanda.

    Ibi bikorwa biri muri gahunda ya ‘Mastercard Foundation Scholars Program’ yatangijwe mu 2012 yo guteza imbere abayobozi b’ahazaza ha Afurika binyuze mu guhugura abana baturuka mu miryango itishoboye, kubafasha kubona amahirwe yo kwimenyereza umwuga n’ubujyanama.

    Binyuze muri iyi gahunda abasaga ibihumbi 40 bamaze gufashwa. Mastercard Foundation ifite intego yo gufasha urubyiruko rw’Abanyafurika miliyoni 30 cyane cyane abagore n’abakobwa kubona akazi gatuma bahaza ibyifuzo byabo bitarenze mu 2030.

    Ubu bufatanye bushya buzafasha Kaminuza y’u Rwanda kwagura ubushobozi bwayo mu bijyanye no gutanga uburezi budaheza kandi buharurira inzira urubyiruko.

    Umuyobozi Mukuru wa Mastercard Foundation, Reeta Roy, yavuze ko ari ishema kuba Kaminuza y’u Rwanda yabaye umufatanyabikorwa w’iyi gahunda y’uyu muryango.

    Ati “Tunejejwe no kuba Kaminuza y’u Rwanda yabaye umufatanyabikorwa wa Mastercard Foundation Scholars Program, intego na gahunda by’iyi kaminuza bihuye cyane n’intego z’igihugu, niyo mpamvu ubu bufatanye ari ingenzi kuko buzafasha urubyiruko kwitegura kujya mu mirimo itandukanye no gukemura ibibazo bitandukanye byo mu buzima.”

    Umuyobozi wa Kaminuza y’u Rwanda, Professor Alexandre Lyambabaje, yavuze ko bahisemo gukorana na Mastercard Foundation kuko bashyigikiye icyerekazo cyayo.

    Ati “Kaminuza y’u Rwanda yemera icyerekezo cya Mastercard Foundation, iyo niyo mpamvu twafashe umwanzuro wo gukorana n’uyu muryango hagamijwe kwagura ibikorwa byacu byo gutoza abayobozi bazana impinduka ndetse n’abarangiza kaminuza bashobora kwihangira umurimo ndetse tukabatoza no kuzana impinduka ku Mugabane wa Afurika.”

    Prof Lyambabaje yavuze ko intego za ‘Mastercard Foundation Scholars Program’ zihuye n’icyerekezo cy’Igihugu, yemeza ko inyungu izazana zizagera ku bantu benshi.

    Mastercard Foundation ikorana n’imiryango ifite intego yo gufasha urubyiruko muri Afurika ndetse n’Imiryango yasigajwe inyuma yo muri Canada kugera ku murimo ubyara inyungu kandi uhesheje ishema abawukora.

    Ni kimwe mu bigo binini kandi byigenga mu isi bifite intego yo kuzahura ubumenyi no guteza imbere ishoramari. Iki kigo cyashinzwe na Mastercard mu mwaka wa 2006 nk’ikigo cyigenga gifite Inama y’Ubutegetsi yacyo ndetse n’imicungire yihariye.

    Kaminuza y’u Rwanda yahawe miliyoni 55$ zo gukoresha mu burezi bw’abakobwa, abafite ubumuga n’impunzi

    source : https://ift.tt/3huFeay