Webrwanda Backend

Category: Uncategorized

  • Burundi: Mushiki w'uwari Perezida w'u Burundi Ndadaye yahawe umwanya ukomeye muri Leta #rwanda #RwOT

    Hon.Denise Ndadaye yatorewe kuba visi Perezida wa mbere wa sena nyuma y'aho Madamu Caritas Njebarikanuyewari muri uyu mwanya yegujwe azira kuzamura igiciro cy'isukari mu buryo butemewe n'amategeko.

    Sena y'Uburundi yatoye Denise Ndadaye ngo asimbure uyu Spès-Caritas Njebarikanuye uherutse gucibwa amande ya miliyoni ebyiri z'amafaranga y'amarundi, ashinjwa kugurisha isukari ku biciro biri hejuru y'ibyemewe n'amategeko.

    Ishyirahamwe SOSUMO naryo rikaba ryahise rikura sosiyete ye, Family Dan and Stacy ku rutonde rw'abarirangurira isukari.

    Hon.Denise Ndadaye ni mushiki wa nyakwigendera Perezida Melchior Ndadaye, yinjiye muri Sena ari mu ishyaka riri ku butegetsi CNDD-FDD,ubwo yari ahagarariye intara ya Mwaro, mu matora aheruka mu 2020.

    Source : https://umuryango.rw/amakuru/mu-mahanga/politiki/article/burundi-mushiki-w-uwari-perezida-w-u-burundi-ndadaye-yahawe-umwanya-ukomeye

  • Gisagara: Ababyeyi batuye ubuyobozi ikibazo cy’abana bananiranye – #rwanda #RwOT

    Abo babyeyi bagaragaje iki kibazo ubwo Urwego rw’Igihugu rw’Ubugenzacyaha, RIB, rwabasuraga muri gahunda yo kubegera no kumva ibibazo byabo.

    Abatuye mu Kagari ka Gakoma bagejeje ibibazo byabo kuri RIB ku wa Mbere tariki ya 13 Nzeli 2021. Kimwe mu bibazo bagaragaje ni icy’abana bari kunanirana.

    Uwimana Thacienne ati “Urabona umwana wujuje imyaka 14 aba atangiye kwikangamo akantu k’ubusore. Ndagira ngo nkamwe bayobozi mutugire inama, hari uwo mfite w’umuhungu ni umwana ukora icyo ahatse.”

    “Aragenda akarara iyo ashatse namubaza akanyuka inabi hafi no kunkubita. Sinzi ibyo aba yaraye akora, rero mudufashe kugarura abo bana ku murongo kuko twe twenyine ntabwo twabashobora.”

    Undi mubyeyi witwa Fayida Cecille yavuze ko kunanirana kw’abana by’umwihariko abangavu, biri mu bituma baterwa inda imburagihe.

    Ati “Nkajye w’umukecuru nkunze kubona abana b’abakobwa bahagaze mu tuyira nijoro bahagararanye n’abasore cyangwa abagabo, namubwira ngo va mu nzira utahe akantuka ngo uravuga iki?”

    “Abakobwa bacu bataye umuco baradusuzugura, ahubwo ubu birakaze! Naravuze nti tuzasabe abayobozi bajye bahaguruka babadufashe. Inda ziterwa abakobwa bacu ziriyongera kubera ibintu by’ikigare birirwamo, wamubwira ngo kora uturimo mu rugo akanga akigendera.”

    Aba babayeyi bakomoje no ku bufasha buhabwa abangavu batewe inda imburagihe n’ababyaye, bavuga ko butiza umurindi barumuna babo nabo bakifuza kubyara.

    Basabye ubuyobozi ko umwangavu watewe inda akwiye kubanza kwigishwa n’abandi bakobwa bakigishwa mbere yo kugira icyo bahabwa kuko hari abafata iyo mfashanyo nk’ishimwe.

    Fayida ati “Umwana araterwa inda byamara kugaragara, abayobozi bagahita baza kumureba bagatangira kumuha imfashanyo akitabwaho, noneho abandi bakobwa baturanye babibona bakagira ngo ni ukumuhemba bigatuma nabo batangira kuraruka, ejo ukabona nabo batwaye inda. Abayobozi badufashe bajye babanza kubigisha ndetse no kubahana.”

    Umukozi wa RIB mu Ishami rishinzwe gukumira Ibyaha, Ntirenganya Jean Claude, yagiriye inama ababyeyi yo gukomeza kwita ku bana babo babaha uburere bwiza, ariko avuga ko uwananirana babimenyesha ubuyobozi akaba yajyanywa mu kigo ngororamuco.

    Ati “Ntabwo dushyigikira abana bananirana mu ngo, ni yo mpamvu hariho gahunda zitandukanye, iyo ubona umwana afite izo ngeso kandi wowe ukora inshingano zawe zose nk’umubyeyi ariko ukabona aranga birananirana, ngira ngo abayobozi barahari badufasha akajyanwa mu kigo ngororamuco akigishwa akazongera kugaruka mu murongo.

    “Ibyo byose byakoreshwa ikiri ngombwa cyane ni ugutera intambwe yo kubibwira abantu, buri wese akaguha umusanzu we byananirana akajyanywa aho ajya kugororerwa, kuko ntabwo tubiyobewe ko hari abana bateye gutyo babaniranye, ariko nawe nk’umubyeyi ukaba nta ruhare ubufitemo ngo ananirane.”

    Usibye kujya mu ngeso mbi zirimo ubusambanyi no gufata ibiyobyabwenge, ababyeyi bagaragaje ko hari n’abana babo badukanye ingeso y’ubujura.

    Mu byaha 134 bimaze kugaragara mu Murenge wa Mamba kuva muri Mutarama kugeza muri Nzeli 2021, iby’ubujura ni 26, ibyo gusambanya abana ni icyenda naho ibyo gukoresha ibiyobyabwenge ni bitandatu.

    Umukozi wa RIB mu Ishami rishinzwe gukumira Ibyaha, Ntirenganya Jean Claude, yagiriye inama ko igihe umwana ananiranye babimenyesha ubuyobozi akaba yajyanywa mu kigo ngororamuco

    Umukozi wa RIB mu Ishami rishinzwe gukumira Ibyaha, Ntirenganya Jean Claude, yagiriye inama ababyeyi yo gukomeza kwita ku bana babo babaha uburere bwiza

    [email protected]

    source : https://ift.tt/3Cdo88K

  • Perezida Kagame arageza ijambo ku bitabiriye inama ku ruhare rw’amabanki mu kuzahura ubukungu – #rwanda #RwOT

    Iyi nama izwi nka Annual Banking and Finance Conference kuri iyi nshuro ya 14, iribanda ku ruhare rw’amabanki mu kuzahura ubukungu budaheza n’iterambere muri iki gihe ubukungu bw’Isi bwasubiye inyuma cyane kubera icyorezo cya Covid-19.

    Ni inama abayitabiriye bungurana ibitekerezo bagasangizanya ubunararibonye ku bibazo byugarije urwego rw’amabanki, uruhare rw’abakora igenamigambi, abatanga serivisi, abakiliya, impuguke mu bukungu n’abandi.

    Mu bandi banyacyubahiro bitabiriye iyi nama y’iminsi ibiri harimo Perezida wa Nigeria, Muhammadu Buhari; Visi Perezida wa Nigeria, Yemi Osinbajo; Umunyamabanga Mukuru wungirije wa Loni, Amina Mohammed n’Umunyamabanga Mukuru w’Isoko rusange rya Afurika, Wamkele Mene.

    Perezida Kagame arageza ijambo ku bitabiriye iyi nama ngarukamwaka itegurwa n’Ihuriro ry’amabanki muri Nigeria

    source : https://ift.tt/3za0Z5s

  • Muhima: Batewe ubwoba n’abajura babasanga mu nzu – #rwanda #RwOT

    Bamwe mu baganiriye na Tv1, bavuze ko bifuza ubufasha kugira ngo inzego zibishinzwe zikemure ikibazo cy’aba bajura kubera ko nta cyumweru kigishira hatagize umuturage utaka ko yibwe.

    Bavuga ko bakeka ko ababiba bashobora kuba ari bamwe mu bana bo mu muhanda baba ahagana ku Kinamba, ahimuwe imiryango n’ibikorwa byari byubatswe mu bishanga mu rwego rwo kurengera ibidukikije.

    Umwe yagize ati “Ikibazo dufite urebye n’icy’umutekano wacu w’abantu baza basanga muryamye, babura icyo kwiba bagakuraho imiryango.”

    Undi ati”Baraje bakuraho imiryango ibiri barayitwara no mu baturanyi barayitwara,byari bimaze igihe badaheruka kuza kuko ubundi muri iki Kiyovu nitwe twari dufite umutekano ariko byarahindutse.”

    Umubamabanga Nshingwabikorwa w’umurenge wa Muhima, Grace Mukandori yabwiye IGIHE ko iki kibazo bakizi ndetse bagiye gukaza umutekano kigakemuka.

    Ati “Twarabimenye gusa amakuru dufite nuko abibwe ari babiri n’undi muturage bakuriyeho inzugi zo mu gikari. Urebye hariya mu gishanga mbere hari hatuye abantu none ubu niho hasa nk’ahari abitwikira ijoro bakajya kwiba ingo.”

    Yavuze ko ku bufatanye n’inzego z’umutekano n’umurenge wa Gisozi bahana imbibi, bagiye gukaza umutekano n’imikwabo kugira ngo bahashye aba bajura.

    Abaturage basabye ko bafashwa abajura bababuza umutekano bagahashywa

    Abaturage bavuze ko abajura iyo babuze icyo batwara mu nzu, bakuraho inzugi bakajya kuzigurisha

    source : https://ift.tt/395fmx9

  • Amayeri Rusesabagina yakoresheje mu gushaka kwitirira Ingabo z’u Rwanda ibitero by’i Nyabimata – #rwanda #RwOT

    Rusesabagina ni umwe mu bagabo bamenyekanye cyane, kuko yitiriwe filime mbarankuru ya Hotel Rwanda, imugaragaza nk’umugabo w’intwari warokoye abantu bagera ku 1.200 bari barimo guhigwa kugira ngo bicwe muri Jenoside yakorewe Abatutsi mu 1994.

    Icyakora nyuma y’ubu bwamamare, Rusesabagina yatangiye kwishora mu bikorwa byo guhungabanya umutekano w’u Rwanda ndetse aza gutangaza intambara yeruye ku Rwanda, kugeza ubwo yaje gufatwa mu 2020, ari nabwo yatangiye kugezwa imbere y’ubutabera.

    Nyuma y’ifatwa rya Rusesabagina, byari bigoye ko uyu mugabo yakwihakana ibimenyetso simusiga byamushinjaga uruhare mu ishingwa rya FLN, birimo ibyo yiyemereye mu rukiko by’uko yayiteye inkunga y’ibihumbi 20 by’ama-Euro ndetse n’ibindi yagiye atanga mu biganiro bitandukanye.

    Ibikorwa by’uyu mutwe byagize ingaruka kuko ku itariki ya 1 Nyakanga 2018, uyu mutwe wagaye igitero mu Rwanda, utera Umurenge wa Nyabimata, maze abagizi ba nabi bagabye iki gitero mu baturage babasahura amatungo, ibiribwa, imyenda n’amafaranga.

    Si ubwa mbere ibitero nk’ibyo byari bibaye, kuko no mu ijoro ryo ku wa 19 Kamena 2018, nabwo abo bagizi ba nabi bitwaje imbunda bishe barashe abantu babiri i Nyabimata, bakomeretsa batandatu barimo n’uwari Umunyamabanga Nshingwabikorwa w’uwo Murenge, Nsengiyumva Vincent, batwika n’imodoka ye na moto y’umuturage.

    Ibi bitero kandi byarakomeje mu 2019, aho mu Ugushyingo k’uwo mwaka byagabwe mu ishyamba ry Nyungwe, izi nyeshyamba zigatwika imodoka zitwara abagenzi mu buryo bwa rusange, mbere y’uko ziteshwa n’ingabo z’u Rwanda zazitsimbuye mu buryo bwihuse.

    Muri rusange, ibitero bya FLN byaguyemo abantu icyenda, byangirikiramo ibikoresho byinshi ndetse binasiga ibikomere ku mitima y’Abanyarwanda, yaba inyuma ku mubiri ndetse no mu bitekerezo.

    Ibi nibyo byatumye Leta y’u Rwanda ikora ibishoboka byose mu gushaka no gufata abagizi ba nabi bahungabanyije umutekano mu Rwanda, bagenda bazanwa umwe kuri umwe kugera ubwo ku wa 31 Kanama umwaka ushize, Urwego rw’Ubugenzacyaha bwerekanaga Paul Rusesabagina wari nk’umutima w’ibi bikorwa.

    Rusesabagina yakiriwe na bagenzi be barimo Callixte Sankara na Herman Nsengimana bahoze ari abavugizi ba FLN, ari nabo uyu mugabo yanyuzagaho ubutumwa bugamije gukwirakwiza amatwara n’ibinyoma by’uyu mutwe.

    Kubura amajyo; intandaro yo kwikura mu rubanza

    Akigera mu Rwanda, Rusesabagina yahise ashyikirizwa inkiko nk’uko bigenwa n’amategeko ndetse atangira kuburanishwa, avuga ko “azereka ubutabera ko ari umwere”, nk’uko yabitangaje mu Kiganiro yagiranye na New York Times aho yari afungiye muri gereza.

    Icyakora nyuma y’iminsi micye atangiye iburanisha, Rusesabagina yaratunguranye muri Werurwe uyu mwaka, avuga ko ’yivanye mu rubanza kuko atizeye ubutabera bw’u Rwanda’, ibyo bamwe bafashe nko gutererana abarwanashyaka be 20 basigaye baburana batari kumwe na kizigenza wahoze abaha amabwiriza.

    Mu 2018, Carine Kanimba, umukobwa wa Rusesabagina, yakunze kumvikana avuga ko ibikorwa byo kwica abaturage byari biri kubera mu Majyepfo ashyira Iburengerazuba bw’u Rwanda, byari byateguwe na Leta y’u Rwanda ubwayo, bigamije gusiga icyasha FLN.

    Uyu murongo wo kugaragaza Leta y’u Rwanda nk’aho ari yo iri kwiyicira abaturage, wari waratanzwe na Paul Rusesabagina ubwe, nk’uko amakuru y’iperereza ry’inzego z’u Bubiligi, yavanywe muri telefoni na mudasobwa by’uyu mugabo mu nzu ye iri i Bruxelles, agasangizwa Ubushinjacyaha bw’u Rwanda, abyerekana.

    Nyuma y’uko FLN yari imaze gutangaza intambara ku Rwanda ndetse hari ibitero bimaze guterwa ku Kitabi mu Karere ka Nyamagabe byanaguyemo abaturage, Rusesabagina na bagenzi be bokejwe igitutu, basabwa kwemeza niba ari bo bateye ibyo bitero cyangwa bakabyihakana.

    Ikibazo cyari uko ibi bikorwa byari byaguyemo abaturage kandi FLN ikaba itarifuzaga kwigaragaza nk’umutwe ugaba ibitero bigira ingaruka ku baturage.

    Mu kuyobya uburari, uyu mugabo wari urembejwe no gusabwa ibisobanuro by’ibiri kuba, yemeranyije na Innocent Twagiramungu, Umujyanama mu mategeko wa MRCD, ko mu gihe ibikorwa bya FLN byaguyemo abaturage, bakwiye kwirinda kubivugaho cyane, ahubwo bakabyerekana nk’uburyo buri gukoreshwa na Leta y’u Rwanda mu kubasiga icyasha.

    Mu kiganiro cyabereye kuri WhatsApp ku itariki ya 17 Ukuboza 2018, amakuru yacyo agasangizwa Ubushinjacyaha bw’u Rwanda nyuma y’uko inzego z’iperereza mu Bubiligi ziyakuye mu muri telefoni na mudasobwa bya Rusesabagina byavanywe mu nzu ye iri Bruxelles, Rusesabagina yatanze umurongo w’uburyo ibi bikorwa bigomba kuzagenda.

    Yaragize ati “Njye ndasanga hari uburyo bubiri bushoboka. Icya mbere ni uguceceka burundu, abahinzi (abarwanyi ba FLN) bakikomereza gahunda zabo uko ziteguye, tukajya tugira icyo tuvuga (revendication) n’icyo dusubiza (comments), ari uko abo tugamije kuvugaho (target), ari igisirikare na polisi, cyangwa ibindi bikorwa bitaguyemo abasivili.”

    Ibiganiro Rusesabagina yagiranye na Twagiramungu Innocent bigamije kurebera hamwe uburyo bwo kwitwara mu kibazo cy’ibitero byari byagabwe na FLN ku Kitabi

    Icya kabiri, mu gihe hari igikorwa cyaguyemo abasivili, dushobora gukora itangazo tukavuga ko ari DMI (Urwego rwahoze rushinzwe iperereza) rwabikoze [kugira] ngo rubitwitirire.”

    Yongeyeho ko izo nama yahaye Twagiramungu, yazigejejweho n’umwe mu mpuguke z’abasirikare yagishije inama, ati “Mbahaye ibyo bitekerezo kuko hari ibyifuzo byinshi ndi kubona kuri iki kibazo. Hari n’impuguke mu bya gisirikare twabiganiriye wampaye izo nama mbagejejeho.”

    Ibiganiro byashakiraga hamwe igisubizo ku buryo bwo gutanga amakuru nyuma y’ibikorwa bya FLN

    Nyuma yo kunoza umugambi, Rusesabagina na Twagiramungu bemeranyije kugisha inama Espérance Mukashema wari ukuriye Radio Ubumwe yaterwaga inkunga na Rusesabagina, kugira atange umurongo w’uburyo icyo gitekerezo cyashyirwa mu bikorwa, nk’umwe mu bantu bari bamenyereye iby’itangazamakuru.

    Uyu mugore uherutse kwitaba Imana, yatanze inama y’uko ibyo bikorwa byakwifashishwamo Radio BBC, Ishami ry’Ikinyarwanda, ndetse na Radio Ijwi rya Amerika, kugira ngo zigire uruhare mu gukwirakwiza ayo makuru.

    Nyuma yo kwemeranya kuri iyi ngingo, ku itariki ya 21 Werurwe 2021, MRCD yashyize hanze itangazo rivuga ko “Perezida Paul Kagame yategetse ingabo zigize umutwe udasanzwe (special forces) gukora ibikorwa bibangamira abakerarugendo n’abaturage bibereye mu buzima bwabo busanzwe”, ndetse banasaba Akanama k’Umutekano k’Umuryango w’Abibumbye “Gushyira igitutu kuri Leta y’u Rwanda kugira ngo ihagarike ibyo bikorwa.”

    Umunyarwanda yabivuze neza ko ‘nta gahora gahanze, cyane cyane iyo ari kabi’. Ibikorwa bya Rusesabagina, bizashyirwaho iherezo ku itariki ya 20 uku kwezi, ubwo Urugereko rwihariye rw’Urukiko rukuru ruburanisha Ibyaha Mpuzamahanga n’ibyambukiranya, ruzasoza urubanza rwa Rusesabagina uregwa ibyaha icyenda, na bagenzi be 20 bareganywe hamwe.

    Paul Rusesabagina byarakomeje hagati ya Rusesabagina na Twagiramungu, bibaza uko ibintu bizagenda

    MRCD yaje gusohora itangazo ivuga ko ingabo z’u Rwanda ari zo zagize uruhare mu rupfu rw’abaturage biciwe Kitabi

    Rusesabagina na bagenzi bazumva umwanzuro w’urukiko ku itariki ya 20 Nzeri uyu mwaka

    Rusesabagina aregwa ibyaha icyenda birimo iterabwoba

    source : https://ift.tt/3k9m8Z6

  • Umugore anshinja ko namutereye inda muri Gereza ngo yaransuraga tukagira aho twihengeka-Emile #rwanda #RwOT

    Avuga ko ubwo yakoraga umwuga w’ubwarimu yahuye n’umukobwa bagakundana akaza kumutera inda bakaza gushyingiranwa ndetse muri 2017 bakaza gusezerana mu mategeko.

    Ngo nyuma yaje kumuteretera akazi k’ubugenzuzi bw’inyama ariko bakaza kumushinja gukoresha inyandiko mpimbano ko anyereza imisoro.

    Emile avuga ko muri 2018 yabigiyemo kugira ngo akurikirana iby’umugore, ariko umugore we aza kwakwa ruswa n’umugenzacyaha na we agatabwa muri yombi aho agereye muri gereza akajya avugana n’uriya mugore.

    Ati 'Ni bwo baje kungerekaho icyaha cy’ubwambuzi bushukana bikozwe na [avuga izina ry’uwo mugenzacyaha] ndafungwa njya muri gereza ya Musanze.'

    Avuga ko uwo mugenzacyaha yamusanze muri Gereza ya Musanze aho yari afungiye akamubwira ko naramuka afunguwe atazamara amezi abiri atarapfa.

    Ngo yafunzwe amaze kwaka inguzanyo muri banki kugira ngo ashingire business umugore we yanamusizemo ariko akaza gukoresha ariya mafaranga mu buryo yishakiye afatanyije n’umuveterineri yari yakiye akazi.

    Avuga ko yafunguwe ku itarki 11 Nzeri 2020 ahamagara umugore we amubwira ko yagiye kuba iwabo undi agahita jya kubana na mubyara we w’I Nyagatare.

    Avuga ko yinjiye muri Gereza ku itariki 22 Nzeri 2018 akaza gufungurwa tariki 11 Nzeri 2020 arangije igihano cy’imyaka ibiri ariko agasanga umugore we yarabyaye mu kwezi k’Ukuboza 2020 ubwo umugabo we yari amaze amezi atatu afunguwe.

    Avuga ko aho aviriye muri gereza yatanze ikirego cy’ubutane kinashingiye ku kuba umugore we yarabyaranye n’undi mugabo nyamara ngo mu Bushinjacyaha uriya mugore yavuze ko ari we babyaranye kuko bajyaga bakora imibonano mpuzabitsina ubwo yamusangaga muri gereza bakagira aho bihengeka.

    Icyakora ngo amakuru afite ni uko uwo mwana yamubyaranye n’uriya muvuzi w’amatungo bari bafitenya umubano wihariye kuko banasa cyane.

    Avuga kandi ko afite impungenge z’uko ashobora kwicwa ngo kuko uwo mugabo wabyaranye n’umugore we afite ubushobozi bwinshi kandi akaba akomeje kumugendaho.

    IKIGANIRO CYOSE

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Umugore-anshinja-ko-namutereye-inda-muri-Gereza-ngo-yaransuraga-tukagira-aho-twihengeka-Emile

  • Rukundo Dismas yerekeje muri Côte d'Ivoire guhatanira ikamba rya Mister Africa 2021[Amafoto] #rwanda #RwOT

    Rukundo na bagenzi be bategerejwe i Abidjan kuri uyu wa Kabiri tariki 14 Nzeri 2021 ari nabwo irushanwa rigomba gutangira.

    Iri rushanwa rigamije kureba umuhungu mwiza muri Afurika rihurije hamwe abagera kuri 19 baturutse mu bihugu bitandukanye.

    Bitewe n'icyorezo cya COVID-19 bimwe mu bice by'iri rushanwa byakozwe hifashishijwe ikoranabuhanga.

    Aba basore b'ibibigango bagiye gukora umwiherero uzamara iminsi ine ubera muri Sofitel Hotel Ivoire.

    Tariki 18 Nzeri 2021 nibwo bazahatana hakamenyekana usimbura umunya-Nigeria Emmanuel Umoh wahize abandi mu 2019.

    Mu 2020 ntabwo iri rushanwa ryabaye bitewe n'icyorezo cya COVID-19 cyari cyibasiye Isi.

    Rukundo yatangiye ibijyanye no kumurika imideli mu 2016. Yitabiriye amarushanwa atandukanye arimo Miss & Mister Elegancy Rwanda ndetse yanitabiriye ishakisha ry'uwagombaga guhagararira u Rwanda muri Mister Supranational aho yari ahanganye n'abandi bo mu bindi bihugu bitandukanye ariko ntiyagira amahirwe yo gutsinda gusa agera muri barindwi ba nyuma. Yabaye igisonga cya mbere cya Mister UTB mu 2016.

    Ni ku nshuro ya gatatu u Rwanda rwitabiriye irushanwa nk'iri nyuma ya Jean de Dieu Ntabanganyimana warigiyemo mu 2017 akaza no kwegukana ikamba ahigitse abandi basore b'intarumikwa bari bahanganye. Ubwa mbere byari mu 2015 ubwo Turahirwa Moses yabaga Igisonga cya mbere muri iri rushanwa.

    Source : https://umuryango.rw/imyidagaduro/article/rukundo-dismas-yerekeje-muri-cote-d-ivoire-guhatanira-ikamba-rya-mister-africa

  • U Rwanda ntirwaciriye bugufi Museveni nk’ahandi bamwita Papa- Gonza #rwanda #RwOT

    Gonzaga Muganwa wasesenguye ikibazo kiri hagati y’ibihugu by’u Rwanda na Uganda bimaze igihe bidacana uwaka, yavuze ko ahanini iki kibazo gishingiye ku guharanira ubuhangange ku ruhande rwa Museveni.

    Avuga ko ubwo Museveni yafataga ubutegetsi muri Uganda, benshi mu bo babufatanye batekerezaga ko iyo mpinduramatwara izahita inakomereza mu bindi bihugu byo mu karere.

    Ati 'Ariko ntabwo byari gushoboka kuko kuyobora Uganda ubwabyo byari bibaye akazi gahoraho umunsi ku wundi kandi ari na kanini cyane.'

    Gusa ngo Museveni n’abo bafatanye Uganda bagiye bagira uruhare mu mpinduramatwara mu karere mu bihugu binyuranye birimo u Rwanda, Sadani y’Epfo, muri Centrafrique no muri Somalia.

    Gonza avuga ko icyo cyubahiro cya Museveni yakomeje kukiyumvamo kugeza n’ubu ariko ko muri iki gihe bigoye ko abantu bakurikiza ingendo ye kuko imitegekere ye 'ntabwo igeze ku rwego rwo kuvuga bati 'uyu muntu abantu bamwitangira bakareka ibyabo kugira ngo bamukurikire.'

    Avuga ko by’umwihariko u Rwanda rutigeze rucira bugufi Museveni 'nk’ukuntu Sudani y’Epfo n’u Burundi bamworohera aho bamwita Papa.'

    Avuga ko ibi bifite impamvu cyane cyane bikaba bishingiye ku miterere y’abayobozi b’u Rwanda bihagararaho ngo indi mpamvu ishingiye ku mateka aho u Rwanda kuva cyera rutigeze rujya munsi y’ikindi gihugu mu karere.

    Gonzaga Muganwa kandi avuga ko mu gihe kinini gishize hari igihe Perezida Museveni yigeze kwita Perezida Kagame n’abandi abahungu be igihe u Rwanda na Uganda barwaniraga Kisangani ubwo yatumiraga abadepite mu 1999.

    Ati 'Icyo gihe yaravuze ngo my boys [abahungu banjye] ashaka kuvuga abayobozi b’u Rwanda, ngo baracyari baton go ntibaramenyera neza. Icyo gihe byahise birakaza u Rwanda.'

    Uyu musesenguzi avuga ko nk’umuyobozi mukuru yagakwiye kumenya uko afata abandi bayobozi bakuru b’ikindi gihugu gifite ubwigenge nk’u Rwanda.

    IKIGANIRO CYOSE

    UKWEZI.RW

    Source : http://www.ukwezi.rw/mu-rwanda/3/article/U-Rwanda-ntirwaciriye-bugufi-Museveni-nk-ahandi-bamwita-Papa-Gonza

  • Twagirayezu ukekwaho Jenoside yasabye kongererwa iminsi yo gushaka abamushinjura #rwanda #RwOT

    Abunganira Twagirayezu Wenceslas woherejwe n'igihugu cya Denmark ukekwaho kugira uruhare muri Jenoside yakorewe Abatutsi mu 1994, basabye urukiko kongerwa iminsi bagashaka abatangabuhamya bashinjura uregwa.

    Bitandukanye ni uko Twagirayezu usanzwe aburanira aburana hakoreshejwe ikoranabuhanga, kuri uyu wa Kabiri tariki 14 Nzeri 2021, yaburanye ari mu rugereko rwihariye rushinzwe kuranisha ibyaha Mpuzamahanga n'iyambukiranya imipaka ruri I Nyanza mu majyepfo y'u Rwanda.

    Twagirayezu ufungiye muri Gereza ya Mpanga.

    Umwuganizi we Me Bikotwa Bruce yagaragarije urukiko ko yahawe igihe gito n'ubushobozi budahagije bwo gukora iperereza ry'ibanze ashaa abatangabuhamya bashinjura umukiriya we.

    Me Bikotwa agaragaza ko abo batangabuhamya bagombaga kuva mu bihugu birimo u Rwanda, Repubulika Iharanira Demokarasi ya Kongo, no ku mugabane w'u Burayi.

    Me Bikorwa yakomeje avuga ko iminsi Ine (4) yahawe yo gukora iperereza ry'ibanze mu buri gihugu yari mike, aho yemeza ko mu Rwanda iryo perereza ryagombaga kubera mu Karere ka Rubavu, Twagirayezu avukamo, akajya ku ri site Eshanu(5)  arizo Busasamana, Komine Rouge, mundende n'ahandi.

    Izo site zose ngo ntiyazigezeho bitewe n'igihe gito yari yarahawe.

    Umwunganizi wa Twagirayezu yagaragaje ko ajya kujya muri Repubulika Iharanira Demokarasi ya Kongo ho byamugoye kwambuka umupaka, kuko hari ibyo abashinzwe abinjira n'abasohoka bamusabye biba ngombwa ko ategereza maze abatangabuhamya asanga bagiye.

    Me Bikotwa yavuze ko yagombaga kubonana n'abatangabuhamya 117 ariko yabonanye n'abagera kuri 41 gusa.

    Aha yahise asaba ko yakongererwa iminsi yo kongera gukora iperereza ry'ibanze kandi akanongererwa ubushobozi kugira ngo we n'umukirya we babashe kugira icyo bageraho.

    Mu magambo ye yagize ati 'Abatangabuhamya bifuje ko urubanza rukwiye kubera mu karere ka Rubavu, mu rwego rwo kugira ngo babashe kurukurikirana biboroheye.'

      Ubushinjacyaha bwahawe ijambo maze buvuga ko bakwiye kumva ko byanashoboka ko umubare Me Bikotwa yabonye ari abatangabuhamya bashobora no kuba bafasha urukiko, bityo ko atari ngombwa ko umubare Bikotwa avuga mu gihe waba utabonetse ntacyo byatwara.

    Urukiko rwafashe umwanya ruriherera rusuzuma ubusabe b'ubwunganizi bwa Twagirayezu, rutegeka ko niba hari abandi batangabuhamya, bashobora kuganira binyuze ku ikoranabuhanga.

    Ikindi ngo aho abatangabuhamya bazumvirwa byo bizigwaho igihe cyabyo nikigera.

    Twagirayezu Wenceslas yatawe muri yombi n'igihugu cya Denmark muri 2017. 

    Uyu mugabo wari unafite ubwenegihugu bwa Denmark yaje koherezwa mu Rwanda mu mwaka wa 2018.

    Twagirayezu mu gihe cya Jenoside yakorewe Abatutsi mu 1994, yari atuye mu cyahoze ari Perefegitura ya Gisenyi ari Mwarimu.

    Uyu mugabo w'imyaka 53 y'amavuko yagiye muri Denmark mu mwaka wa 2001, akekwaho ibyaha bibiri birimo  icya Jenoside n'ibyaha byibasiye inyokomuntu.

    Ashinjwa kugira uruhare mu kwica Abatutsi bari bahungiye kuri Kiliziya ya Busasamana mu Karere ka Rubavu, ndetse  n'abari bahungiye muri Kaminuza ya Mudende.

    Iburanisha ritaha ryimuriwe tariki 26 Ukwakira 2021.

    Theogene NSHIMIYIMANA

    The post Twagirayezu ukekwaho Jenoside yasabye kongererwa iminsi yo gushaka abamushinjura appeared first on Flash Radio TV.

    Source : https://flash.rw/2021/09/14/twagirayezu-ukekwaho-jenoside-yasabye-kongererwa-iminsi-yo-gushaka-abamushinjura/?utm_source=rss&utm_medium=rss&utm_campaign=twagirayezu-ukekwaho-jenoside-yasabye-kongererwa-iminsi-yo-gushaka-abamushinjura

  • REB irahugura abakurikirana abanyeshuri hagamijwe guhashya imyitwarire mibi #Rwanda #RwOT via @kigalitoday #rwanda #RwOT

    Ayo mahugurwa aje, nyuma y’aho hari ibikorwa bigaragaza imyitwarire mibi byakozwe n’abanyeshuri mu mashuri atandukanye mu minsi ishize ya vuba.

    Ni amahugurwa yatangirijwe mu Karere ka Rwamagana mu Ntara y’Iburasirazuba, yitabirwa n’abagera kuri 45, ariko bikazakomeza ku buryo hazahugurwa abagera kuri 500.

    Intego y’ayo mahugurwa ahanini, ngo ni uguhugura abo bashinzwe imyitwarire y’abanyeshuri mu bigo by’amashuri, uko bajya bakemura ibibazo bijyanye n’imyitwarire mibi y’abanyeshuri (indiscipline cases), uko batega amatwi abanyeshuri bakumva ibyo bifuza, uko babafasha mu kubikemura ndetse no gutanga raporo ku buyobozi bw’ishuri.

    Mbarushimana Nelson, Umuyobozi mukuru wa REB yagize ati “Tubafitiye icyizere, mushobora kuba abantu bazana impinduka nziza mu bijyanye n’imyitwarire mu mashuri, turababonamo ubushobozi bwinshi bwo kuba mwabikora. Imyitwarire myiza y’abanyeshuri ni ingenzi cyane kandi igomba kuba ari yo ishyirwa imbere. Mugomba kubitangaho umusanzu wanyu”.

    Ayo mahugurwa yateguwe ku bufatanye n’imishinga itandukanye harimo, “Inspire, Educate and Empower Rwanda (IEE)’, ‘VVOB-education for development’, na ‘World Vision’.

    Ibibazo bya vuba aha bijyanye n’imyitwarire mibi, byagaragaye ku banyeshuri batandatu bo mu Kigo cya ‘ESECOM Rucano TVET School’ mu Karere ka Ngororero, mu Ntara y’ Iburengerazuba, aho bakatiwe gufungwa iminsi 30 nyuma y’uko ubushinjacyaha bubashinje kwangiza umutungo w’ikigo cy’ishuri, mu gihe bari barangije ibizamini bya Leta, ku itariki 29 Nyakanga 2021. Mu kwezi gushize kwa Kanama 2021, byavugwaga ko iperereza kuri icyo kibazo rikomeje.

    Dr. Thierry Murangira, umuvugizi w’Urwego rw’Ubugenzacyaha mu Rwanda ‘RIB’, ku itariki 29 Nyakanga 2021, yabwiye itangazamakuru ko abo banyeshuri nyuma yo kurangiza ibizamini bya Leta, bagiye mu kabari, hanyuma mu gutaha bagaruka bamwe muri bo basinze, basenya uruzitiro rw’aho bararaga mu kigo cy’ishuri.

    Amazina y’abanyeshuri bakurikiranywe kubera icyo kibazo ntiyatangajwe muri raporo, ariko byavuzwe ko bose bafite hagati y’imyaka 18 na 25 y’amavuko.

    Dr Murangira yagize ati “Basenye uruzitiro rw’aho barara, bagezemo imbere batwika ibitanda. Ntituzigera twihanganira uwo ari we wese ukora ibyaha nk’ibyo, abantu bagombye kubyirinda kuko bihanwa n’amategeko”.

    Dr. Murangira avuga ko kwangiza umutungo w’undi ubigambiriye bihanishwa ibihano biteganywa n’ingingo ya 186 yo mu gitabo cy’amategeko mpanabyaha mu Rwanda.

    Iyo umuntu ahamijwe icyo cyaha, ngo ahanishwa igifungo kitari munsi y’amezi abiri, ariko kitarengeje amezi atanu, hakiyongeraho n’amande atari munsi y’ibihumbi magana atatu by’Amafaranga y’u Rwanda (300.000Frw), ariko atarengeje ibihumbi magana atanu by’Amafaranga y’u Rwanda (500.000 Frw) cyangwa se kimwe muri ibyo bihano.

    Uwahamwe n’icyaha cyo gusenya, we ngo ahanishwa igifungo kitari munsi y’imyaka itatu ariko kitarengeje imyaka itanu, hakiyongeraho amande ya Miliyoni eshatu z’Amafaranga y’u Rwanda, ariko atarengeje miliyoni eshanu.

    Ahandi hagaragaye ikibazo cy’imyitwarire mibi y’abanyeshuri, ni ku ishuri ryitwa ‘Gakoni Adventists college’ aho abanyeshuri bigaragambije muri Gashyantare 2021, muri uko kwigaragambya, ngo abanyeshuri basenye amadirishya y’amashuri bigiramo.

    Mushyikirano Joseph, umwe muri abo barimo guhabwa amahugurwa na REB, yavuze ko imyitwarire myiza y’abanyeshuri yagombye kureberwa mu bice bitatu harimo, Sosiyete, Umuryango n’Ishuri.

    Mushyikirano yagize ati “Imyitwarire y’umunyeshuri igaragarira ku ishuri, ariko uko bitwara biba ari umusaruro wa sosiyete n’umuryango. Abana bo muri iyi minsi bashaka kwigana ibyo ari byo byose babona kuri Televiziyo .”

    source : https://ift.tt/3lncDF3