Webrwanda Backend

Category: Uncategorized

  • UEFA CL: Manchester United itangiranye imibar… – #rwanda #RwOT

    Urugendo rwa Champions League Manchester United yarutangiriye mu Busuwisi aho yari yasuye Young Boys ariko itaha uko yaje nyuma yo gutsindwa ibitego 2-1. Manchester United niyo yafunguye amazamu ku munota wa 13 igitego cyatsinzwe na Cristiano Ronaldo ahawe umupira na Bruno Fernandes.

    Abakinnyi babanje mu kibuga: Manchester United; De Gea, Wan-Bissaka, Maguire, Lindelof, Shaw, Fred, Van de Beek, Fernandes, Pogba, Sancho, Ronaldo. Young Boys; von Ballmoos; Hefti, Camara, Lauper, Garcia; Sierro, Martins; Fassnacht, Aebischer, Ngamaleu; Elia.

    Ku munota wa 35 Aaron Wan-Bissakayaje guhabwa ikarita itukura ku ikosa yari akoreye umukinnyi wa Young Boys. Ku munota wa 37, Manchester United yakoze impinduka, Jason Sancho ava mukibuga hinjira Diogo Dalot, ndetse igice cya mbere kirangira ari igitego kimwe ku busa bwa Young Boys.

    Ronaldp yongeye kwandikisha 

    Igice cya Kabiri kigitangira, Manchester United yongeye ikora impinduka, Donny van de Beek yavuye mu kibuga asimbuye na Raphael Varane, na Young Boys Vincent Sierro ava mu kibuga asimburwa na Theoson Jordan Siebatcheu. Ku munota wa 66 Nicolas yaje kubonera igitego Young Boys ku mupira yari ahawe na Silvan Hefti.

    Ku munota wa 72 Cristiano Ronaldo yavuye mu kibuga asimbuwe na Jesse Lingard ndetse na Bruno Fernandes asimburwa na Nemanja Matic. Amakipe yombi yagumye kunganya kugeza ku munota wa 90 ndetse Umusifuzi yongeraho iminota 5 y’inyongera ku munota wa 5 Theoson Jordan aza kubona igitego cya kabiri kubera umupira Jesse Lingard yatanze nabi yisanga umuzamu asigaranye na Theoson Jordan.

    Young Boys itsinze Manchester united 

    Igitego Cristiano Ronaldo yatsinze cyahise kiba igitego cya 135 muri Champions League ndetse kiba igitego cya 16 cya Champions League muri Manchester United.

    Source : https://inyarwanda.com/inkuru/109525/uefa-cl-manchester-united-itangiranye-imibare-mibi-nyuma-yo-gutsindwa-na-young-boys-109525.html

  • Wenceslas Twagirayezu yangiwe “gukomeza gushaka abamushinjura” #rwanda #RwOT

    Urukiko rwavuze ko abatangabuhamya atashoboye kugeraho bazabazwa hifashishijwe ikoranabunga.

    Wenceslas Twagirayezu n'umwunganira Me Bikotwa bombi bari mu rukiko.

    Urubanza rwatangiye uruhande rw'uregwa rugaragaza ingorane bise ko zikomeye zituma Twagirayezu ngo adategura urubanza rwe neza nk'uko abyifuza.

    Babwiye urukiko ko nta mudasobwa yo kwifashisha mu gutegura urubanza afite, ko niyo yizaniye ubwo yazanwaga mu Rwanda n'igihugu cya Denmark bahise bayimwaka, kugeza n'ubu iyo yahawe na gereza ikaba idakora.

    Yanavuze ko adafite uburyo buhagije bwo kuvugana n'umuryango we ndetse n'umwunganira ngo kuko ahabwa amafaranga 1000 gusa ku munsi y'itumanaho.

    Aho ngo ni mu gihe mu masezerano igihugu cya Denmark cyagiranye n'u Rwanda agomba guhabwa ama Euro 3 ni ukuvuga asaga ibihumbi 3000 y'amanyarwanda.

    Urukiko rwategetse umushinjacyaha gukurikirana ibyo bibazo bigakemurwa vuba byihutirwa.

    Imbogamizi mu iperereza

    Me Bikotwa kandi yahawe ijambo ngo asobanure aho iperereza ryibanze rigamije gushaka abatangabuhamya bashinjura Twagirayezu rigeze.

    Yavuze ko iperereza yagombaga kurikorera mu Rwanda, Republika ya Demokarasi ya Congo no ku mugabane w'Uburayi, ko muri rusange yari yatanze urutonde rw'abantu 117.

    Ngo ariko yemerewe gusa gukora iperereza mu Rwanda na Congo ariko ngo akaba yarahawe iminsi 8 yo kuba yarangije ako kazi.

    We rero yavuze ko iyo minsi ndetse n'ubushobozi yahawe byamubanye bike kandi ko kari akazi kagoye cyane cyane ko ngo yasabwaga kugakorera mu bihugu 2 kandi mu bice bitandukanye.

    Twagirayezu aregwa ibyaha bya jenoside ubushinjacyaha buvuga ko yakoreye mu bice bitandukanye by'icyahoze ari perefegitura ya Gisenyi.

    Muri ibyo bice ngo ni naho umwunganizi we yari kujya gushaka abatangabuhamya bashinjura ariko avuga ko yashoboye kugera mu bice 2 kuri 5 bivugwa muri dosiye.

    Yasabye kongererwa iminsi y'iperereza rye rigamije gushaka abatangabuhamya biyongera kuri 41 avuga ko yabonye muri ibyo bice ndetse no muri Congo ariko urukiko rumutera utwatsi.

    Umucamanza yavuze ko abatangabuhamya atashoboye kugeraho muri iryo perereza rye hazifashishwa uburyo bwikoranabuhanga ubuhamya bwabo bukazifashishwa mu rubanza, ategeka ko urubanza mu mizi ruzatangira tariki 26 z'ukwezi kwa 10.

    BBC

    Source : https://umuryango.rw/amakuru/mu-rwanda/ubutabera/article/wenceslas-twagirayezu-yangiwe-gukomeza-gushaka-abamushinjura

  • Perezida Kagame yakiriye Umuyobozi w’impuzamashyirahamwe ya Volleyball muri Afurika – #rwanda #RwOT

    Ntabwo ubutumwa bwashyizwe kuri Twitter y’Ibiro by’Umukuru w’Igihugu bwagaragaje icyo abo bayobozi bombi baganiriye.

    Hajij Bouchra ari mu Rwanda aho yitabiriye Igikombe cya Afurika cya Volleyball mu bagabo n’abagore, kiri kuba hagati ya tariki ya 5 n’iya 20 Nzeri 2021.

    Bouchra amaze iminsi yitabira imikino itandukanye iri kubera muri Kigali Arena i Remera mu mujyi wa Kigali.

    Bouchra Hajij aherutse kuvuga ko kugira ngo u Rwanda rwemererwe kwakira aya marushanwa akomeye ku mugabane wa Afurika, byaturutse ku kuba ubusabe rwatanze bwari busobanutse kurusha ubundi bakiriye ndetse rukaba rugira uruhare rukomeye mu iterambere ry’uyu mukino muri Afurika.

    Mu bindi kandi byagendeweho harimo ibikorwa remezo bihagije byorohereza amarushanwa nk’ayo akomeye n’ubunararibonye mu kwakira imikino yo ku rwego mpuzamahanga.

    Aya marushanwa yombi yaba ay’abagabo n’abagore ari kubera mu Rwanda azatanga itike y’Igikombe cy’Isi cya Volleyball kizaba mu mwaka utaha wa 2022.

    Hajij Bouchra amaze iminsi mu Rwanda

    source : https://ift.tt/3z6UVKJ

  • Umugabo wamaze imyaka 40 aba mu ishyamba yishwe n'umutima [AMAFOTO] #rwanda #RwOT

    Umugabo wari uzwi ku izina rya “Tarzan wa nyawe” nyuma yo gutura mu mashyamba ya Vietnam imyaka 40 n'umuryango we, yapfuye azize kanseri y'umwijima ku myaka 52.

    Ho Van Lang yapfuye azize kanseri y'umwijima nyuma yimyaka 8 asubijwe mu buzima busanzwe akuwe mu ishyamba, gusa inshuti ye yavuze ko ubuzima bwo ku isi y'abantu bwamuguye nabi.

    Bwana Ho Van Lang n'umuryango we bahungiye mu mashyamba ya Vietnam nyuma y'uko igisasu cyatewe n'abanyamerika cyishe umugore wa se Ho Van Thanh mu ntambara ya Vietnam yo muri 1972.

    Lang, murumuna we Tri na se Ho ubuzima bwabo bwose babaye mu mashyamba ya Vietnam kuko se yari afite “ubwoba bukomeye bwo gutaha kuko atizeraga ko intambara ya Vietnam yarangiye.”

    Uyu muryango waryaga inkende, inzoka, ibisimba, n'ibindi biremwa byose bashoboraga gukozaho amaboko yabo mu ishyamba.Bambaraga imyenda, ikozwe mu bishishwa by'ibiti.

    Lang yabanye na se imyaka ibarirwa muri za mirongo mu ishyamba ryahoze ryitwa Tra Bong District mbere yuko babonwa n'abenegihugu bakusanya inkwi. Bumvaga ko intambara ya Vietnam ikomeje kugeza igihe basubirijwe ku isi isanzwe muri 2013 ubwo se yarwaraga.

    Lang amaze kuva mu buzima bwo bwo mu mashyamba, yabanye na se mu mudugudu muto wa Vietnam.

    Mu myaka 41, Lang ntabwo yari azi ko abagore babaho. Abajijwe niba azi umugore icyo ari cyo, yasubije ko se atigeze abimusobanurira.

    Lang yahitanwe kanseri y'umwijima kuwa 6 Nzeri 2021.

    Inshuti ye Alvaro Cerezo usanzwe ari umushakashatsi,yamugaruye mu mashyamba bamarana icyumweru, yemeza ko “ubuzima bwa none” bushobora kuba bwaramugizeho ingaruka mbi.




    Source : https://umuryango.rw/ubuzima-115/udushya/article/umugabo-wamaze-imyaka-40-aba-mu-ishyamba-yishwe-n-umutima-amafoto

  • Yafashwe akekwaho gushuka abagore n’abakobwa, akabiba nyuma yo kubasambanya – #rwanda #RwOT

    Uyu mugabo usanzwe atuye mu Murenge wa Jali, Akarere ka Gasabo yatawe muri yombi tariki 9 Nzeri 2021 nyuma y’amakuru yatanzwe na bamwe mubo yakoreye ubu bugizi bwa nabi.

    Ubwo yerekwaga itangazamakuru kuri uyu wa Kabiri, yavuze ko ibi bikorwa yabitangiye muri Gicurasi uyu mwaka nyuma y’uko akazi ko kubaka yakoraga gahagaze.

    Yajyaga kuri Facebook akandikira umukobwa, bagatangira baganira bisanzwe ariko nyuma y’igihe uyu mugabo akazabeshya wa mugore cyangwa umukobwa ko afite Ikigo ashaka kuzamuhamo akazi kajyanye n’ubwubatsi

    Ni ibintu byakorwaga mu mayeri akomeye cyane ko n’iki kigo yababeshyaga ko kizabaha akazi nta cyabagaho gusa aba bakobwa n’abagore ngo yabizezaga ko bo bazajya bakora mu bijyanye no gucunga ibikoresho [Stock].

    Ati “Njya kuri Facebook, mpahurira n’inshuti, haza kuvamo imwe y’umukobwa nyisaba ko yaza i Kigali [yari aturutse i Rulindo mu Murenge wa Kisaro] tukabonana nk’abantu twari duhuriye kuri Facebook twamaze kuba inshuti. Araza turabonana ariko muri uko kubonana ibyari bigambiriwe nk’ubucuti siko byagenze kuko nahise mwiba igikapu cye na telefone ndabitwara.”

    Uyu mugabo yakomeje ibi bikorwa bye ku bandi bakobwa n’abagore ndetse ngo hari n’abo yibaga telefone zabo akazikuramo nimero z’abandi bagenzi babo agatangira kubashuka kugeza nabo ahuye nabo.

    Uretse abo yamburaga ariko, mu bantu b’igitsinagore batanu yari amaze gukorera ibi bikorwa harimo babiri yagiye yambura nyuma yo kubasambanya ndetse bivugwa ko hari uwo yanduje indwara zidakira.

    Ku rundi ruhande ariko n’ubwo uyu mugabo avuga ko abo yasambanyije bose babaga babyumvikanyeho cyane ko yabaga yabijeje ko azabaha akazi, ngo bararyamanaga akaza kubaha ibiyobyabwenge bibasinziriza ku buryo bamaraga gusinzira agahita abiba ibyo bari bafite byose akigendera.

    Ati “Ahubwo icyaje kuba ikibazo ni uko nyuma ibyo nabizezaga bitashobokaga bikaza kuba ngombwa ko bantangira ikirego cy’uko nabasambanyije. Nabizezaga nk’abantu baje mu kazi, bahagera bagasanga akazi nta gahari ahubwo nkabiba.”

    Yakomeje agira ati “Abo twaryamanye ni babiri, twabikoreraga mu Gatsata ahantu mu byumba [Lodges]. Ndasaba imbabazi, ndicuza cyane kuko nasebeje umuryango Nyarwanda, ndi ikigwari, ndigaya.”

    Uyu mugabo kuri ubu akurikiranyweho ibyaha bitanu birimo bitatu byo gukoresha undi imibonano mpuzabitsina ku gahato, kwanduza undi indwara no kwihesha ikintu cy’undi hakoresheje uburiganya.

    Umuvugizi wa RIB, Dr Murangira B. Thierry yavuze ko abaturage bakwiriye kugira amakenga ndetse anibutsa ko nta na rimwe abantu nk’aba bazihanganirwa.

    Ati “Abantu bose bagomba kugira amakenga. Ntabwo umuntu wese uguhamagaye akubwira ko agiye kuguha akazi agomba kukaguhera muri ’Lodge’, aguhaye akazi akakubwira ngo uzaze ku biro aha n’aha ariko kujya gushakira akazi no kugaherebwa muri ’Lodge’ urumva ko hari ibindi biba bibyihishe inyuma.”

    Yakomeje agira ati “Bishobora kubyara ibyaha nk’ibyo byo gusambanywa, kwibwa n’ibindi bishobora kuvukamo indwara zidakira.Tukaba tubwira abantu ko bakwiye kugira amakenga no kutizera abantu nk’abo.”

    Dr Murangira yashimye abaturage batanga amakuru kugira ngo abantu nk’aba bafite umugambi mubisha batabwe muri yombi, bagezwe imbere y’ubutabera.

    Ibyaha byakozwe n’uyu mugabo biri mu byaha biremereye aho icyo gusambanya umuntu ku gahato no kumwanduza indwara gihanishwa igifungo cya burundu , mu gihe icyo kwihesha ikintu cy’undi hakoreshejwe uburiganya gihanishwa igifungo cy’imyaka ibiri.

    Uyu mugabo bivugwa ko yashukaga abagore n’abakobwa bagahurira muri lodge, akabasambanya hanyuma akabiba

    Bimwe mu byangombwa bitandukanye uyu mugabo yafatanywe

    Nyuma yo gusambanya abagore n’abakobwa yashutse, uyu mugabo yakurikizagaho kubiba

    source : https://ift.tt/3CcpbWF

  • Nyamirambo: Hashyizweho irondo ryihariye rizatuma Covid-19 iba amateka – #rwanda #RwOT

    Iri rondo rigizwe n’abantu barindwi muri buri kagari kagize uwo murenge. Bafite akazi ko kureba uburyo ingamba zo kubahiriza amabwiriza yo kwirinda ikwirakwira rya Covid-19 zishyirwa mu bikorwa.

    Izi ngamba zashyizweho muri gahunda y’Akarere ka Nyarugenge izwi nka ’Operation Covid-19 Free’ igamije gutuma ubwandu bugabanuka cyane muri ako Karere kagize Umujyi wa Kigali.

    Umunyamabanga Nshingwabikorwa w’Umurenge wa Nyamirambo, Claudine Uwera, yavuze ko iri tsinda rije ryiyongera ku yandi asanzweho ndetse n’ubundi buryo bwo gukurikirana uko amabwiriza yo kwirinda Covid-19 yubahirizwa, byose bigamije kwirinda ikwirakwira ry’icyorezo cya Covid-19.

    Yagize ati “Iri tsinda ry’abanyerondo twashyizeho rishinzwe kudufasha mu bugenzuzi bw’ahantu hahurira abantu benshi, kugira ngo berebe ko amabwiriza yo kwirinda covid-19 yubahirizwa. Bazajya bafatanya n’abakorerabushake, ndetse twanashyizeho radiyo kugira ngo akazi k’ubukangurambaga karusheho kugenda neza, abantu bagire ishyaka ryo kubahiriza amabwiriza yo kwirinda iki cyorezo.”

    Ubwandu bwa Covid-19 bwaragabanutse cyane mu Mujyi wa Kigali kuko tariki ya 13 Nzeri, handuye abantu 33, bitewe ahanini n’ibikorwa by’ikingira bimaze gukwira henshi muri uyu Murwa w’u Rwanda.

    Muri rusange, abantu barenga miliyoni bamaze gukingirwa icyorezo cya Covid-19.

    Ubuyobozi bw’umurenge wa Nyamirambo bwashyizeho abanyerondo bazagira uruhare mu ishyirwa mu bikorwa ry’amabwiriza yo kwirinda ikwirakwira ry’icyorezo cya Covid-19

    source : https://ift.tt/3CfaDpo

  • Impunzi zo mu nkambi ya Gihembe zifite impungenge zo kwimurirwa i Mahama – #rwanda #RwOT

    Inkambi ya Gihembe ituwemo n’impunzi z’abanye-Congo. Bamwe mu bayivukiyemo bavuga ko batishimiye icyemezo cya Minisiteri y’Ibikorwa by’Ubutabazi cyo kubimura bagatuzwa mu nkambi yahoze ituwemo n’impunzi z’Abarundi i Mahama mu Karere ka Kirehe.

    Abaganiriye na IGIHE biganjemo urubyiruko rwavukiye muri iyi nkambi, rwagaragaje ko rutishimiye ubuzima bwo gusiragizwa mu nkambi zinyuranye cyane ko aho bari bamaze kumenyera ikirere n’imikorere yahoo.

    Alice Mushimiyimana, umwe muri bo yagize ati “Ntabwo tubyumva neza kuko ni ikintu kitari cyiza kandi tutishimiye. Kumva ko ubarizwa ahantu runaka none bagiye kukwimura, uri impunzi none usa n’ugiye kongera guhunga. Ikintu cyo guhora tugenda bidindiza imitekerereze. Iyo bagukuye hamwe bakakujyana ahandi utekereza ko naho handi bazahagukura. Abenshi twari twararenze imitekerereze y’ubuhunzi none bagaruye kwimuka bituma ingaruka z’ubuhunzi zongera kutugeraho.”

    Yavuze ko kwimurwa byongera kubibutsa koko ko bari mu gihugu kitari icyabo bityo bagasaba ko hatekerezwa uburyo buhamye bwo kubatuza ahantu bazava basubira iwabo.

    Mpatswe Théo yongeyeho ko hari n’abari bamaze kubona imirimo inyuranye mu Karere ka Gicumbi bagiye kuyisiga kandi bari batunze imiryango.

    Ati “Iyo wamenyereye ahantu bakakujyana ahandi ni ibintu bikuvuna kugira ngo umenyere ikirere cyaho. Ababyeyi na bo birabababaza cyane kuko usanga ahangaha baba baramenyereye bajya gucuruza babona n’icyo gihumbi bakaza tukarya none tugiye kwimuka.”

    Umukozi muri Minisiteri y’ubutabazi uyobora iyi nkambi, Murebwayire Goretti, yavuze ko abafite impungenge badakwiye kuzigira kuko icyo cyemezo cyafashwe mu rwego rwo kubatuza aheza kandi hagutse kurushaho.

    Ati “Kuba bagiye kujyanwa i Mahama nta muntu byagateye impungenge kuko aho bagiye n’ubundi bagiye mu nkambi kandi isanzwe ikora. Nubwo bafite impungenge nta kibazo gihari. Uburyo bakoraga kugira ngo babeho bazakomeza n’i Mahama babikore kandi nicyo bafashwaga bazakomeza bagifashwe. Mahama ni nziza pe kuko iraruta inkambi y’aha ngaha.”

    Umuyobozi wa UNFPA mu Rwanda, Mark Bryan Schreiner, yavuze ko kuba impunzi zitujwe muri iyo nkambi zigiye kwimukira i Mahama bitazababuza gukomeza gukorana nazo no kuzishyigikira mu buryo bunyuranye.

    Yagaragaje ko no muri iyo nkambi ibikorwa bizakomeza cyane ko imwe mu mishinga ihari iteganyijwe kuzarangirana na 2023.

    Umuyobozi wa KOICA mu Rwanda, Chon Gyong Shik, yagaragaje ko bamaze gutanga inkunga y’amafaranga asaga miliyoni 5 z’amadorali, ni hafi miliyari eshanu z’amafaranga y’u Rwanda, mu mishinga inyuranye yo gufasha impunzi mu mibereho yazo kandi ko batazahwema gukora ibikorwa nk’ibyo.

    Biteganyijwe Ibikorwa byo kwimura impunzi bizasubukurwa ku wa 20 Nzeri 2021 kandi ku ikubitiro hazagenda impunzi 500 zisanga izindi 2393 zajyanwe muri Gicurasi uyu mwaka zibarurwa mu miryango 520.

    Muri rusange impunzi 9922, zigize imiryango 2227 nizo zicumbikiwe muri iyo nkambi. Hifuzwa ko mu Ukuboza 2021 zose zaba zamaze kugezwa mu nkambi ya Mahama ndetse kubigeraho ngo bizasaba ko buri icyumweru hazajya hoherezwa abanyu nibura 1000.

    Impunzi z’Abanye-Congo zari zimaze igihe mu nkambi ya Gihembe zatangiye kwimurirwa i Mahama

    source : https://ift.tt/2YWKeOG

  • Uwimana Agnes yahagaritse gukora umwuga w’itangazamakuru mu Rwanda – #rwanda #RwOT

    Itangazo RMC yashyize hanze kuri uyu wa Kabiri tariki 14 Nzeri 2021, rivuga ko nyuma yo gusubiza ikarita yari yarahawe, Uwimana Agnes atakiri umunyamakuru w’umwuga wemerewe gukorera itangazamakuru mu Rwanda.

    Rigira riti “Madamu Uwimana Nkusi Agnes, yarwandikiye ibaruwa kuwa 13/09/2021 arusubiza ku bushake ikarita N° 14/168-63 yo gukora umwuga w’itangazamakuru yari yarahawe n’uru rwego tariki 02/08/2021.”

    Itangazo rikomeza rigira riti “RMC iramenyesha ko Madamu Uwimana Nkusi Agnes atakiri umunyamakuru w’umwuga wemerewe gukora itangazamakuru mu Rwanda nk’uko yari yarabiherewe uburenganzira na Rwanda Media Commission.”

    Uwimana aretse itangazamakuru nyuma y’iminsi hari amajwi menshi asaba ko yakurikiranwa n’ubutabera, aho bamushinja kwihisha inyuma y’itangazamakuru agakwirakwiza imvugo zipfobya Jenoside yakorewe Abatutsi, ndetse n’izibiba urwango ahanini yifashishije imiyoboro ya YouTube.

    Muri Gicurasi uyu mwaka, Umuryango w’Abanyarwanda biyemeje kurwanya abahakana n’abapfobya Jenoside, [Umurinzi Initiative] wahamagariye Abanyarwanda gusinya ku nyandiko isaba inzego z’ubutabera gukurikirana Uzaramba Aimable Karasira n’umunyamakuru Agnès Uwimana Nkusi ku byaha byo gupfobya Jenoside.

    Uyu muryango uyoborwa na Ingabire Marie Immaculée nka Perezida wawo bahagamagariye abantu gusinya intabaza [petition] nyuma yo kubona ko abarimo Uwimana Agnes n’abandi bakomeje gukora ibikorwa babona ko bigize ibyaha by’ingengabitekerezo ya Jenoside, gupfobya no guhakana Jenoside yakorewe Abatutsi.

    Mu mwaka wa 2010 Uwimana Nkusi Agnes yafashwe ashinjwa ibyaha byo gusebya Umukuru w’Igihugu no guhungabanya umudendezo w’igihugu, aza no guhamwa nabyo ndetse abifungirwa imyaka ine.

    Inkuru bijyanye:Icyihishe inyuma y’ubuhezanguni bwa Rashid, Idamange, Karasira, Cyuma n’abandi

    Leta yijunditswe ku kureberera abahakana n’abapfobya Jenoside bitwikiriye YouTube

    Itangazo RMC yashyize hanze

    Uwimana yasubije RMC ikarita yamwemereraga gukorera itangazamakuru ku butaka bw’u Rwanda

    source : https://ift.tt/3tKhsw6

  • Francis Gatare yakoze ihererekanyabubasha na Karitanyi ku buyobozi bwa RMB – #rwanda #RwOT

    Mu butumwa RMB yanyujije kuri Twitter kuri uyu wa 14 Nzeri 2021, yasobanuye ko habayeho guhererekanya ububasha hagati ya Gatare wahawe izindi nshingano na Karitanyi umusimbuye.

    Ubutumwa bwakomeje bugira buti “Umuyobozi Mukuru mushya yasezeranye gukorana umurava afatanyije n’itsinda ry’abandi bayobozi hagamijwe gukomeza urugendo rwo guhindura ubucukuzi bw’amabuye y’agaciro,peteroli na gaz umutungo ugira uruhare rukomeye mu iterambere ry’u Rwanda.”

    Impinduka zakozwe muri Guverinoma ku wa 31 Kanama 2021 zasize Francis Gatare wari usanzwe ayobora RMB agizwe Umujyanama Mukuru wa Perezida wa Repubulika mu by’Ubukungu.

    Yamina Karitanyi wari umaze imyaka itandatu ari Ambasaderi w’u Rwanda mu Bwongereza, ni we washyizwe ku buyobozi bw’icyo kigo.

    Francis Gatare (iburyo) yakoze ihererekanyabubasha na Yamina Karitanyi(ibumoso) ku buyobozi bwa RMB

    Karitanyi yiyemeje gukomeza gukora ibituma ikigo ayoboye gisohoza inshingano cyahawe

    Bamwe mu bakozi ba RMB bari bitabiriye uyu muhango

    source : https://ift.tt/3Ekl6Sc

  • Uganda yihimuye ku Rwanda irutwara umwanya wa 5 mu gikombe cya Afurika cya Volleyball #rwanda #RwOT

    Uganda yegukanye umwanya wa gatanu muri iki gikombe cya Afurika cya Volleyball mu Bagabo, nyuma yo gutsinda u Rwanda amaseti 3:1. U Rwanda rusoreje iri rushanwa ryaberaga muri Kigali Arena ku mwanya wa gatandatu.

    U Rwanda rwari rwatangiye neza rutsinda Uganda amanota 25:21 mu iseti ya mbere y'uyu mukino wo guhatanira umwanya wa gatanu mu Gikombe cya Afurika cya Volleyball mu Bagabo ariko imbaraga zarubanye nkeya mu maseti 3 yakurikiyeho.

    iseti ya kabiri YAtwawe na Uganda yatsinze U Rwanda ku manota 25-23 mu gihe iseti ya gatatu Uganda, yayiitsinze U Rwanda ku manota 25-20.

    Iseti ya nyuma ari nayo mbi cyane u Rwanda rukinnye muri iri rushanwa,Uganda yayitsinze ku manota 25 kuri 13.

    Ni ku nshuro ya kane u Rwanda rwegukanye umwanya wa gatandatu mu Gikombe cya Afurika cya Volleyball mu bagabo mu nshuro zirindwi rumaze gukina iri rushanwa.

    Ahandi ni mu 2005, 2015 na 2017. Mu 2007, rwabaye urwa munani kimwe no mu 2003 mu gihe mu 1987 rwabaye urwa karindwi.

    Mu guhatanira umwanya wa karindwi n'uwa munani, Nigeria yatsinze Repubulika Iharanira Demokarasi ya Congo amaseti 3-0 (25-10, 25-20, 25-22).

    Umwanya wa gatatu niwo wahise ukurikiraho kuri uyu wa Kabiri guhera saa Cyenda hagati ya Maroc na Misiri mu gihe umukino wa nyuma uhuza Tunisia na Cameroun guhera saa Kumi n'ebyiri mbere y'uko haba ibirori byo gusoza irushanwa.



    Source : https://umuryango.rw/imyidagaduro/imikino/article/uganda-yihimuye-ku-rwanda-irutwara-umwanya-wa-5-mu-gikombe-cya-afurika-cya