Perezida wa Repubulika y'u Rwanda, Paul Kagame, kuri uyu wa Kabiri tariki 21 Nzeri 2021, yayoboye Inama y'Abaminisitiri yateraniye mu biro bye Village Urugwiro ikaba yafatiwemo ibyemezo bikurikira:
Source : https://impanuro.rw/2021/09/21/amakuru-mashya-soma-ibyemezo-byinama-yabaminisitiri/
Uyu mugore wakorewe ubuvugizi n'itangazamakuru nyuma yo gusiragizwa n'ibitaro bitandukanye bikagera ubwo akena,ubu ari mu byishimo byinshi nyuma yo kubagwa na CHUK.
Mukakibibi yabwiye UMUSEKE dukesha iyi nkuru ko ku Cyumweru tariki ya 19 Nzeri ari bwo yavuye nu Bitaro amaze kuvurwa ubu burwayi bw'amara yari amaranye igihe, maze ku bufatanye na Minisiteri y'Ubuzima ahita aherekezwa iwabo mu Karere ka Ngoma.
Yavuze ko yageze mu rugo kandi ko yizera ko yavuwe neza keretse ibikomere byaho yabazwe ndetse ko yasabwe na muganga kujya ajya kwivuza buri Cyumweru .
Mukakibibi yavuze gusa ko akigera mu rugo yahise afatwa n'uburwayi ndetse atangira gukeka ko ari Malaria nibwo kuri uyu wa Kabiri tariki ya 21 Nzeri, 2021 yagiye kwivuza bamubwirwa ko yanduye COVID-19.
Yagize ati 'Nazaga kwipfukisha nkataha, ubwo guhera ku wa Mbere nibwo natangiye guhinda umuriro ngira ngo ni ibimenyetso bya Malaria, nibwo uyu munsi navuze ngo nsubire kwa muganga, bansangamo COVID-19.'
Uyu mubyeyi yavuze ko afite impungenge zo kuba yari atarakira neza uburwayi yari amaranye igihe, none hakaba hajemo ubundi bwa COVID-19.
Mukakibibi afite abana batatu asanzwe abarizwa mu cyiciro cya mbere cy'Ubudehe, yavuze ko imibereho ye isanzwe itameze neza bityo ko yifuza gufashwa.
Umuyobozi w'Akarere Wungirije ushinzwe imibereho myiza mu Karere ka Ngoma, Kirenga Providence, aheruka kubwira UMUSEKE ko ikibazo cy'uyu muturage bakimenye ndetse bagiye bamufasha kugera kwa muganga mu gihe yabaga yahawe rendez-vous na muganga.
Kirenga yavuze ko ibisigaye bijyanye n'ubuvuzi Abaganga bazamwitaho gusa ko azitabwaho nk'umuturage w'Akarere.
Ati 'Turakomeza kumukurikirana nk'umuturage wacu, ikindi ari mu cyiciro cya mbere cy'Ubudehe asanzwe afashwa.'
Ubwo yagezaga ikibazo cye ku binyamakuru bitandukanye birimo BTN TV na TV1,Mukakibibi icyo gihe yavuze ko ubuzima bwe buri mu kaga mu gihe yaba atavuwe kuko ibitaro bya kaminuza bya Kigali CHUK byagiye byigiza inyuma gahunda yahawe yo kubagwa kugeza ubwo yari yaramaze kwangirika inda.
Yagize ati “Narwaye ibibyimba mu nda nza hano CHUK barambaga,amara ntibongera kuyasubizamo.Nakomeje kuza hano,nza bampa ama randevu,none maze imyaka 8 mfite aya mara hanze.Nyagendana nyakikije igitenge ariko nubwo ngenda hari ubwo yifata akava amaraso.
Nasabye ko bayasubiza mu nda ariko ntibayasubizamo,ubu mfite impungenge ko nzarwara kanseri.Nari naje kwivuza,taransiferi nayivanye I Kibungo [Ngoma],nyigejeje CHUK banyandikira kujya I Kanombe,mpageze banyandikira gusubira iwacu I Kibungo.
Ntabwo nabyakiriye neza kuko sinasubira I Kibungo atariho nabagiwe.Ngomba gukurikiranwa naho nabagiwe.Kibungo n'ubundi bansiganira bavuga ngo aho yabagiwe niho agomba kuvurirwa.'
Ni nyuma y'igihe kinini ivugwa mu bibazo gusa kurubu mu mwitozo abakinnyi baragaragaza ibyishimo.
Abakinnyi bose bari basanzwe mu Rayon Sport bose bagaragaye kuruyu wa mbere aho umutozo masudi djuma yatangarije ,Rayon Sport Tv ko bazafata abakinnyi 28 bashoboye.
Matatu yagaragaye nawe mu mwitozo wo kuruyu wa mbere.
Nibenshi bakomeje kwigaragaza ngo bazagaragare muri 28 Rayon Sport izakoresha uyu mwaka w'imikino.
Blaise nishimwe ugaragaza akanyamuneza ku maso nyuma y'igihe kinini avugwa mu bibazo gusa byose byarakemutse kurubu.
Source : https://yegob.rw/rayon-sport-ibereye-ijisho-mu-mwitozoamafoto/
Icyegeranyo cya Global Peace Index 2021cyerekana ko Iceland ikomeje kuba igihugu cy'amahoro kurusha ibindi ku isi kuko n'ubu cyaje imbere ku nshuro ya 13 kikurikiranya, ntikirava kuri uyu mwanya kuva mu 2008 iyi raporo yatangira gukorwa.
Tariki 21/09 buri mwaka ni umunsi mpuzahanga wahariwe amahoro ku isi, washyizweho n'Umuryango w'Abibumbye mu 1981 usaba ko n'abari mu ntambara nibura kuri uyu munsi bahagarika imirwano bagahana agahenge.
Nubwo bwose benshi bavuga ku munwa ko bashaka cyangwa baharanira amahoro, mu bice byinshi ku isi amahoro aracyari kure kugerwaho.
Mu gihe ibihugu bimwe na bimwe byabaye intangarugero mu kubaka amahoro arambye, hari ibindi aho intambara, ubugizi bwa nabi, urugomo n'umutekano mucye byabaye ndanze.
Kuri raporo ya Global Peace Index (GPI) isohorwa buri mwaka na Institute for Economics and Peace (IEP), Iceland ikurikirwa na New Zealand, Denmark, Portugal, na Slovenia.
Mu gihe inyuma y'ibindi hari Iraq, South Sudan, Syria, Yemen, na Afghanistan igaheruka.
Muri raporo ya 2021 yasohotse mu kwa gatandatu, mu bihugu 163 igihugu cya mbere muri Africa ni ibirwa bya Maurices (28/ ku isi) Ghana (38), Botswana (41), Gambia (53) na Senegal(54).
Ibyo mu karere ka Africa y'Iburasirazuba bihagaze gutya:
Tanzania – 58
Rwanda – 83
Uganda – 114
Kenya – 116
Burundi – 129
DR Congo – 157
Bimwe mu bindi bihugu:
Qatar – 29
Ubushinwa – 100
USA – 122
Africa y'Epfo – 123
Saudi Arabia – 125
Palestina – 138
Israel – 143
Uburusiya – 154
Ibihugu bitondekwa bite?
IEP ivuga ko ifatira ku bipimo bitatu byagutse; urugero rw'umutekano muri rubanda, igipimo cy'amakimbirane mu gihugu no hanze yacyo, n'urugero rwo gukoresha igisirikare.
Iki kigo gihereye kuri ibyo gitondeka ibihugu ihereye ku birimo amahoro macye kubera ibigaragaza ubugizi bwa nabi, amakimbirane, no kubara ingaruka z'ubugizi bwa nabi ku bukungu.
IEP ivuga ko ikura amakuru “mu bantu bo kwizerwa cyane” n'inzego mu bihugu nibura 162, birimo abaturage bangana na 99.6% by'abatuye isi.
Ibindi bipimo birebwaho ni igipimo cy'ubugizi bwa nabi, ubwicanyi mu gihugu, urugero rw'ubusumbane mu bantu, kunenga bizamo ubugizi bwa nabi mu gihugu no hanze yacyo, n'urundi ruhurirane rw'ibipimo.
Kuki Iceland?
Raporo ya IEP ivuga ko amahoro ku isi yagiye agabanuka kubera mbere na mbere ubuhezanguni, ubukene, ubushomeri mu rubyiruko, n'ubusumbane bukabije byaganishije ku makimbirane, urugomo cyangwa intambara.
Ubushyamirane buhora bututumbamo intambara hagati ya Amerika n'Ubushinwa bwateje ingaruka ya zikomeye ku bukungu n'amakimbirane hato na hato yageze no mu bindi bihugu.
Iceland nicyo gihugu gifite ibipimo biri hasi cyane mu bibuza abantu amahoro kurusha ibindi bihugu ku isi.
Iceland ntabwo ifite amahoro gusa, iranacyeye kandi iratekanye. Mu bijyanye no gukoresha igisirikare, Iceland ifite inota rimwe kuri atanu (1/5) nk'uko iyi raporo ibyerekana.
Iki gihugu nta gisirikare gihoraho kigira, ndetse n'igipolisi cyaho nta ntwaro kigendana. Gifite inota rimwe kuri atanu (1/5) mu bushyamirane buri kuba.
Iyi raporo ivuga ko abaturage b'iki gihugu bubahana nubwo batandukanye mu mahitamo, ibitsina, amahitamo mu rukundo, imyemerere na politiki.
Ni igihugu cya mbere kandi mu bijyanye n'uburinganire bw'ibitsina byombi, kubaha uburenganzira bw'aba LGBT kandi amakimbirane ashingiye ku iyobokamana n'ukwemera ari ku rugero ruto cyane.
Kuki Africa iri iri inyuma?
Mu bihugu 60 bya nyuma 24 ni ibyo muri Africa yo munsi ya Sahara, aho raporo y'uyu mwaka ivuga ko amahoro yagabanutse ugereranyije n'iheruka.
Iyi raporo ivuga ko mu bihugu 44 byo muri ako gace ka Africa 21 byazamutse mu mahoro naho 22 amahoro agasubira inyuma, kimwe ntikinyeganyege.
Africa yo munsi ya Sahara iri inyuma ku kigereranyo cy'amahoro n'umutekano, n'amakimbirane ariho ubu, ugereranyije n'utundi turere rw'isi.
Iyi raporo ivuga ko imiyoborere, ubuhezanguni, imitwe y'inyeshyamba, ruswa, ubugizi bwa nabi, imyigaragambyo irimo urugomo n'imidugararo biri mu bituma amahoro akomeza kuba macye.
Ubugizi bwa nabi muri Burkina Faso n'akarere ka Sahel, intambara muri Sudani y'Epfo, intambara muri Ethiopia, n'ibindi bikorwa bihungabanya amahoro mu bihugu bitandukanye bya Africa biri mu bituma amahoro akomeza kuba macye.
Iyi raporo ivuga ko umuhate w'abakunzi b'amahoro ukeneye kwiyongera kurusha ubushake bw'abifuza inabi kugira ngo haboneke amahoro.
Yanzura ko ababyiruka bakeneye gutozwa umuco w'ubworoherane mu gihe abantu batavuga rumwe, kandi ubutegetsi buriho bugaharanira kurwanya ubukene mu rubyiruko n'ubusumbane bukabije mu batuye ibihugu.
BBC
Stephen Curry, ni umukinnyi wa Basketball muri National Basketball Association (NBA) aho akinira ikipe ya Golden State Warriors. Wardell Stephen Curry cyangwa se Stephen Curry, yavutse tariki 14 Werurwe 1988 abyarwa na Dell Curry ndetse na Sonya, akaba yaravukiye mu gace ka Akron mu bitaro bya Summa Akron Hospital, ibi bitaro akaba ari nabyo LeBron James yavukiyemo.
Kuri ubu umutungo wa Steph Curry ufite agaciro ka miliyoni 160 z'amadolari. Kuri ubu Stephen Curry nk'umukinnyi utsinda amanota menshi mu mateka ya NBA (Regarded as the best shooter in NBA history). Usibye izina rye nk'umunnyi utsinda amanota menshi mu mateka ya NBA, Stephen Curry afatwa nkumwe mubakinnyi beza mubihe byose.
Ubwo Se wa Stephen Curry yakinaga muri Charlotte Hornets, Stephen Curry na we yabaga muri Charlotte North Carolina ndetse aba ari naho atangirira gukina umukino wa Basketball. Mu myaka ya nyuma ya Dell Se wa Stephen Curry, yerekeje muri Toronto ndetse icyo gihe Stephen Curry we yakinaga muri Queensway Christian College anayifasha gusoza umwaka w'imikino idatsinzwe.
Nyuma y'uyu mwaka, Stephen Curry yagiye kwiga mu kigo cya Charlotte ndetse akinira n'iyi kipe ayifasha gutwara ibikombe bitatu by'intara. Muri iyi myaka Stephen Curry yagaragazaga impano ndetse azi gukora amanota menshi byatumaga n'abatoza bamutozaga bamushima cyane.
Mu 2007-08 Stephen Curry yagiye mu ikipe ya Sophomore maze uyu musore atangira kugaragaza impano ku buryo bwagutse, Stephen Curry yari ageze kuri metero imwe na santimeteri 91, ndetse icyo gihe yagize agahigo k'impuzandengo y'amanota 25.5 nibura kuri buri mukino, akabarirwa imipira 2.8 ivamo ibitego, na Rebounds 4.7.
Nyuma y'uyu mwaka, Stephen Curry yatangaje ko agiye gusubira mu ikipe y'abato kugira ngo yongere kwiga neza kuko yashakaga kuba umuhanga mu gutsinda amanota atatu. Tariki 18 Ugushyingo, Curry yatsinze amanota 44 mu mukino Davidson yatsinzwemo na Oklahoma 82 kuri 78. Mu 2009 Stephen Curry yerekeje mu ikipe ya Golden State Warriors ndetse mu mikino 80 iyi kipe yakinnye yabanjemo imikino 77, afite impuzandengo y'amanota 17.5 kuri buri mukino.
Curry yambara nimero 30
Stephen Curry mu rugendo rwe muri Golden State Warriors yabaye umukinnyi w'ikirangirire, aho yatangiye kugaragaza ubuhanga mu gushota no gutsinda amanota atatu byageze n'aho abakurikiranira hafi uyu mukino bavuga ko mu mateka ya NBA, Stephen Curry ari we mukinnyi w'umuhanga uzi gushota no gutsinda amanota atatu.
Stephen Curry ashimirwa nk'umwe mu bakinnyi bakoze impinduka mu mukino wa Basketball aho yashishikarizaga abakinnyi kugerageza amanota atatu. Stephen Curry amaze kwegukana NBA All star zirindwi, ndetse agirwa umukinnyi wa NBA inshuro 2 atwara NBA Championship inshuro eshatu arikumwe na Warriors.
Muri Gicurasi uyu mwaka wa 2021, uyu mukinnyi w'umunyabigwi muri Basketball yagiranye ikiganiro n'abakinnyi ba Patriots BBC yo mu Rwanda mbere y'uko bakina umukino wa nyuma mu itsinda na US Monastir yo muri Tunisia mu irushanwa rya BAL 2021 ryabereye mu Rwanda. Aba bakinnyi baganiriye n'iki cyamamare babifashijwemo n'umuraperi akanaba umukinnyi mpuzamahanga wa Basketball, J. Cole wakiniye Patriots BBC muri BAL 2021.
Stephen Curry wabateye akanyabugabo mu kiganiro cyakozwe hifashishijwe ikoranabuhanga ry'amashusho, kubera ko Stephen yari ari muri Amerika, mu gihe abakinnyi ba Patriots bo bari i Kigali. Ni ikiganiro cyabereye ku rubuga rwa Instagram gikurikitwa n'abantu benshi cyane barenga ibihumbi 100 (bari bari Live). Abakinnyi ba Patriots bagaragarije uyu mukinnyi ko bamwishimiye cyane ndetse banejejwe no kumuvugisha, nawe abasubiza ko yumva abakunze cyane ndetse abishimiye.
Stephen Curry n'aba byeyi n'umuryango we
Stephen Curry n'umugore we bafitanye abana 3
Refe:celebritynetworth.com
Ifoto yakoreshejwe haruguru yakuwe ku rubuga rwa internet
Minisiteri y'Urubyiruko n'Umuco (MINIYOUTH) yanenze umuryango wanze inkwano wari wumvikanyeho n'uw'umusore, bigatuma ubukwe bupfa ku munota wa nyuma mu Karere ka Nyagatare.
Imyaka itandatu yari ishize, umusore Niyomungeri Jeremie w'imyaka 26 utuye mu mujyi wa Nyagatare akundana n'Umukobwa utuye mu murenge wa Matimba naho muri Nyagatare.
Uyu musore avuga ko yari yemeranijwe n'umukobwa kubana akamarama ndetse yaranakoye ibihumbi 500 by'amafaranga y' u Rwanda.
Kuwa Gatandatu tariki ya 18 Nzeri 2021, nibwo umuryango w'umusore wari wabukereye ugiye gusaba umukobwa ariko baramubura.
Niyomungeri ari nawe wari ufite ubukwe arasobanura uko byagenze agira ati 'Ku wa Gatandatu nibwo nari mfite ubukwe n'umukobwa, ariko ntibwaje kugenda neza kubera ikibazo cyaje kuvukamo. Twiteguraga kujya kuzana umugeni ariko duhamagaye telefone y'umukobwa dusanga ntiriho, byagumye kwisunika nka Saa Cyenda z'umugoroba tuza gukora itsinda ry'abantu 5 tujya iwabo.'
Niyomungeri yakomehe avuga ko 'Ba Nyirarume baravuga bati ntimwigendere n'ubundi iyi nkwano mwakoye n'ubundi zishobora guhagurutsa umugeni muri uru rugo. Baratubwira bati twe dukwa Inka kandi amafaranga mwakoye ntabwo aguze b'Inka 2 zacu. '
Umuryango w'umukobwa uravuga ko wanze inkwano kuko ari nke.
Rugaju Benoni se wabo w'umukobwa yabwiye itangazamakuru rya Flash ko bashaka Inka Eshanu (5), bitaba ibyo bakabasubiza amafaranga yabo.
Yagize ati 'Inkwano ni nkeya, waba warigeze aho ubona amafaranga ibihumbi 500 babikwa umukobwa? Azaze tuyamusubize. Ntabwo umwana wacu bamukwa amafaranga, dushaka inka kuko nizo tworoye amafaranga turayishakira. Turashaka Inka 5.'
Umuryango w'Umusore uravuga ko wakozwe n'isoni nyuma yuko wari umaze gukora urugendo ruva mu Karere ka Bugesera rugana i Nyagatare, ugatungurwa no kubwirwa ko utakibonye umugeni kubera inkwano batanze ari nke.
Kugeza ubu Se w'uyu musore Munyentwari Felesiyane ntabyumva ngo yarumiwe, akifuza ko yasubizwa amafaranga ye.
Ati 'Umva hari ibintu umuntu abona ugasanga ni agahomamunwa! N'ubuyobozi hari icyo bumara bukakurenganura niba ibintu byanze ayo mafaranga akaba yasubizwa. Mu bugesera nari nazanye n'abantu bagera nko kuri 5 bamperekeje. Umva si ukumwara gusa ahubwo njyewe iyo mpuye n'abantu niyo bampamagaye kuri telefoni nsigaye ntinya no kubitaba.'
Abaturage batuye mu Karere ka Nyagatare baravuga ko ibyaye birimo kuganisha umuco nyarwanda ahabi, bakabona ko inkWano yahindutse ikiguzi.
Umwe ati 'Ibintu byabaye muri aka Karere ntibibereye Abanyarwanda, urabona ko ari nk'ubucuruzi. Niba abantu arakiriye Inkwano ntibakagombye kureka gutanga umukobwa. Bikwiye gucika mu gihugu cyacu.'
Undi ati 'Mu by'ukuri hari ababyeyi bifuza bagashaka Inkwano nyinshi ku mukobwa wabo, ushobora kwaka inkwano nyinshi, umuhungu akigomwa akayishaka akayitanga, ibyakabaye intangiriro y'ubuzima bikba bitagikunze ubasenyeye.'
Minisiteri y'Urubyiruko n'Umuco iranenga uyu muryango wari wumvikanye n'undi inkwano, ariko uza kwisubira ku munsi w'ubukwe nyirizina.
Umuvugizi w'iyi minisiteri Bwana Ruzindana Rugasaguhunga Jean Baptiste yagaragaje ko imiryango yakagombye kuganira ku nkwano hatabayemo amananiza, igashyira imbere kubaka umuryango mushya uba uvutse.
Ati 'Niba abantu baba bumvikanye nyuma bakabihindura, ntabwo baba bakomeye ku ijambo bavuze. Icyo dusaba nuko n'ubundi inkwano ni ubwumvikane hagati y'imiryango. Iyo miryango nayo ibyumvise ifashe urwo Rubyiruko kumva ko bagiye gushinga urugo. '
Kugeza ubu umusore avuga ko agikunda uyu mukobwa bari bagiye kubana akaramata, kuko ibyabaye nta ruhare yabigizemo ndetse ko mu gihe ibintu byasubira mu buryo babana nta kabuza.
Ni mu gihe ku ruhande rw'umuryango w'umukobwa ukomeje kugaragaza ko umuryango ugiye guterana hakarebwa icyakorwa.
Ntambara Garleon
The post Inkwano ntikwiye guhagarika umukwe- Miniyouth appeared first on Flash Radio TV.
Ibihugu by'u Rwanda n'Ubufaransa byatangaje ko bigiye gushyira imbaraga mu bufatanye mu by'ubukungu, aho byitezwe ko ishoramari ry'Abafaransa riziyongera mu Rwanda.
Ibi byagarutsweho mu Kiganiro Perezida wa Sena y'u Rwanda yagiranye na Ambasaderi w'ubufaransa mu Rwanda kuri uyu wa Kabiri tariki 21 Nzeri 2021.
Kuva mu myaka itambutse, ubufatanye bw'u Rwanda n'Ubufaransa bwagiye bwigaragza cyane muri Politiki,.
Icyakora kuri nshuro ibihugu byombi bigaragaza ko bikwiye gushyira imbaraga mu bufatanye mu by'ubukugu nk'uko byagarutsweho mu biganiro Perezida wa Sena y'u Rwanda  Dr. Iyamuremye Augustin yagiranye na Ambasaderi w'u Bufaransa mu Rwanda, Antoine Anfré.
Ati 'Ntabwo ubufatanye ari politiki gusa, bigomba no kujya mu bukungu. Abafaransa rero barashaka gushora imari mu gihugu cyacu kuko bishimira amategeko meza , bishimira umutekano, ariko yanongeyeho ati iyo umuntu ari I Kigali ashobora no kubona uburyo bwo kugaragara muri Afurika kuko ubu Kigali yabaye ikitegererezo.'
Ambasaderi w'Ubufaransa mu Rwanda Antoine Anfré,yagaragaje ko urugendo Perezida Emmanuel Macron aheruka kugirira mu Rwanda, rwabaye imbarutso yo kongera kunoza umubano w'u Rwanda n'Ubufaransa binyuze mubufatanye mu ngeri zinyuranye.
Yagize ati 'Murabizi ko hari urugendo rw'amateka Perezida w'Ubufaransa Emmanuel Macron yagiriye hano mu Rwanda, nyuma yo gushyirwa hanze kwa  Raporo ya Duclert kuri Jenoside yakorewe Abatutsi, ibi byaduhaye uburyo bwo  kongera kunoza umubano hagati y'ibihugu byombi binyuze mu bufatanye mu ngenri zinyuranye Politiki, Ubukungu.'
Yongeyeho ko 'Hari nk'ibigo binini mu Bufaransa bizashora imari hano by'umwihariko muri Kigali. Ikindi ni ubufatanye bw'inteko nshingamategeko zibihugu byombi, aho twaganiye uko Sena yurwanda yafatanya na Sena y'Ubufaransa.'
Kuri ubu u Rwanda rushima umuhate w'Ubufaransa mu gushaka umubano mushya, kandi ngo byongeye kugaragarira mu butumwa Ambasaderi w'ubufaransa mu Rwanda aheruka gutanga ubwo yasuraga urwibutso rwa Jenoside rwa Kigali.
Dr. Iyamuremye Augustin Perezida wa Sena y'u Rwanda arakomeza agira ati'Twasomye ukuntu yanditse mu gitabo hariya ku Rwibutso rwa Gisozi yamaze kuhasura, akavuga abikuye ku mutima ukuntu yababajwe n'ibyabaye mu Rwanda kandi akarangiza avuga ko yishimira kuba ari mu Rwanda kandi akazafatanya n'Abanyarwanda kugira ngo ibyo bakoze bubaka igihugu cyabo bikomeze. Icyo twakimushimiye urabona abifite muri gahunda ye mubyo twaganiriye kongera guhuza u Rwanda n'Ubufaransa kandi batibagirwa ibyabaye.'Â
Kuva Perezida w'Ubufaransa Emmanuel Macron yasura  u Rwanda muri Gicurasi uyu mwaka, ibihugu byombi byatangiye kugaragaza ibikorwa bitandukanye, mu rugendo rwo  kurushaho kongera gushimangira umubano mwiza nyuma y'imyaka  irenga 25 ishize ibihugu bitabanye neza.
Daniel Hakizimana
The post Rwanda-France: Ubufatanye mu by'ubukungu bizongera ishoramari ry'Abafaransa mu Rwanda appeared first on Flash Radio TV.
Uyu mubyeyi w'imyaka 40 witwa Jane ,kuva mu myaka itanu ishize yarwaye indwara itarigeze isobanuka ,aho umunsi kuwundi inda ye ikomeza kugenda ikura kuburyo wakeka ko atwite inda nkuru.
Uyu mugore waganiriye na Afrimax Tv kuri channel yabo ya Youtube, avuga ko ubuzima bwe bwari bwiza ndetse n'umugabo we amukunda bihebuje kugeza umunsi umwe yabyutse akumva ikintu kimuremereye mu nda ariko ntamenye icyo ari cyo.Jane akimara kumva icyo kintu kidasanzwe mu nda ye ,nubwo atamenye icyoricyo ariko yatangiye kwibwira ko yasamye ndetse akaba atwite ari nayo mpamvu yumva ibidasanzwe mu nda ye.Uyu mugore yaranezerewe cyane ndetse atangira kubwira umugabo we ko atwite.Inda ye yaje kumubera ibindi bindi kuko iminsi yabaye amezi ,nayo aba imyaka kugeza magingo aya imyaka ibaye itanu yose ataramenya ikiri mu nda ye.
Uyu munyarwandakazi yarategereje ko yabyara araheba ,ajya kwa muganga baramutsembera, bamubwira ko adatwite ,ndetse bamubwira ko afite uburwayi bukomeye mu nda ye.Kuva icyo gihe abaganga benshi bamugezeho ariko ntanumwe wamenye uburwayi afite.Gusa avuga ko abaganga bamubwiye ko inda ye itazarekeraho gukura kandi ngo igisigaye ni ukwipfira.
Uyu mubyeyi avuga ko kuri we ubu burwayi bushobora kuva bafitanye isano n'imyuka mibi ndetse namarozi kurusha uko bwaba ari uburwayi busanzwe, ibi abiterwa nuko ajya kurwara atigeze yumva ibimenyetso bidasanzwe ndetse ntamenye n'impamvu yubu burwayi bwe.
Imitoma ni kimwe mu buryo bwifashishwa kugirango ushimishe uwo ukunda kuko burya umutima ukunda rimwe na rimwe uba ukeneye amagambo aryoshye yo kuwuruhura. Aha rero hari amwe mu magambo wabwira umukunzi wawe akanezerwa ariko ukoresheje umunwa wawe udakoresheje telefone cyangwa se ibaruwa kuko burya iyo wivugiye ijambo n'akanwa kawe bituma uwo uribwiye arizirikana kurushaho.
Hano hari amagambo amwe n'amwe yagufasha kuryohereza uwo ukunda, ukamugaragariza koko ko akuri ku mutima.
Mugihe muganira, mubwire uti:
●Ibyo nkora byose ni ukugira ngo nzabane nawe ubuzima bwanjye bwose,
●Zahabu zose na diyama ziri ku isi ntabwo bihagije ngo umuntu abe yagura urukundo umutima wanjye ugufitiye
●Imana yarakundemeye kugira ngo nguteteshe
● Urukundo rwawe rwarantwaye
● Nabaye nk'umusazi kubera wowe
●Sinshobora guhagarika kugutekerezaho
●Sinshobora na rimwe gutera agahinda umutima wawe
●Sinshaka kubyuka kubera inzozi nziza nari ndimo hamwe nawe
● Iyo turi kumwe numva ntekanye
●Namaze kuvumbura urukundo rw'ukuri muri wowe
●Nkunda kuganira nawe
●Nkunda uburyo unkunda
● Nshimira Imana umunsi wa mbere yakunzaniye mu buzima bwanjye
●Ndifuza kumarana nawe ubuzima bwanjye bwose
●Nzaguha umutima wanjye wose, umubiri wanjye n'ibitekerezo byanjye byose
●Nzajyana nawe ku mpera z'isi mu gihe uzaba ukinkunda
●Sinshobora kukurutisha amafaranga n'izahabu
●Nzemera guca mu bikomeye n'ibihome byose kugira ngo nzabane nawe
●Ndasaba Imana kugira ngo ikunzanire vuba bishoboka
Niba kugukunda ari icyaha nzemera mbe umunyabyaha
●Niba urukundo ari impumyi sinifuza kongera kubona umucyo w'umunsi ukundi
● Ubuzima butagufite ni nko kujya kuryama warangiza ukarota nabi cyangwa se ntugire inzozi nziza
●Kugukunda ni nko kwibera muri paradizo cyangwa mu ijuru.
ââ¬Â¢ Kugukunda bindyohereza ubuzima
Source : https://yegob.rw/amwe-mu-magambo-meza-wakoresha-uganira-numukunzi-wawe-akaryoherwa/