Category: Uncategorized

Umunyamabanga wa Leta muri Minisiteri y’Urubyiruko n’Umuco, Bamporiki Edouard ntabwo yemeranywa n’abasobanuzi ba filime bakunzwe mu Rwanda, Rocky Kirabiranya na Junior Giti bitewe n’imvugo bazanye zakwiriye mu bantu za ‘Nta Gikwe’ na ‘Nta Myaka 100’.

Rocky Kirabiranya azwi cyane mu mvugo ya ‘Nta Gikwe’, aho yakwiriye cyane mu rubyiruko bamwe baba bavuga ko ntabwo bazakora, uyu mugabo yigeze no kwibasirwa ubwo hajyaga hanze amafoto ye atera ivi n’andi amugaragaza yakoze ubukwe, abantu bakeka ko ari byo, baramututse ko ahemukiye amaniga, gusa yari amashusho y’indirimbo.

Junior Giti ni umwe mu bantu bakunze kuvuga ko nta myaka ijana umuntu azamara, nayo ni imvugo muri iyi minsi ikunzwe gukoreshwa cyane mu rubyiruko.

Mu kiganiro Minisitiri Bamporiki Edouard yagiranye n’ikinyamakuru ISIMBI, yavuze ko atemeranywa n’aba basobanuzi ba filime kuko nk’abantu bakurikirwa n’abantu benshi, ibyo bavuze hari bamwe babifata nk’ukuri.

Ahereye ku mvugo ya ‘Nta Myaka Ijana’, yavuze ko umuntu ashobora kutamara iyo myaka ariko na none iyo uvuze ngo ‘Nta Myaka Ijana’ ntayo umara.

Ati “Ibyo birakenyura, birakenya kuvuga ngo nta myaka ijana. Ushobora kubivuga uzi ko wivugira, watangira kubyizereramo wowe ukarangira nawe, ukaba uhemukiye abari kuzagukomokaho, ukaba uhemukiye abantu, ukaba uhemukiye u Rwanda wari kuzaba umwe mu barutera gukomeza kwanda, ariko kuri wowe ntihazagire ugukomokaho n’intekerezo zawe, nuba wari ufite n’ibyo ushoboye ntibizarenge kuri we.”

Akomeza avuga ko bishobora guteza ingorane iyo utangiye kubaho nk’aho udashaka kuyimara kandi atari itegeko ko uyimara uriho nkawe, ahubwo iyo abagukomotseho babayeho neza na we uba uriho.

Agaruka ku mvugo ya ‘Nta Gikwe’ yavuze ko ubundi kwaguka(kwanda) kw’imiryango mu muco nyarwanda bishingira ku bukwe aho abantu bashyingiranwa umwe akava mu Bega akajya mu Basinga, ibyo rero iyo ubihakanye ngo uba uhakanye kwanda, ibintu abona atari byo.

Ati “Iyo rero uvuze ngo ibyo bintu ubikuyeho, ubundi ukwiye kwamaganwa. Umeze nk’umuntu uri kuvuga ko uwo mushinga wo kwanda kw’imiryango ushaka kuwuburizamo. Ni ukwikunda kurimo kwikenya no kwirya ukimara. Kwirya ukimara biri bibi, kwiyica bimeze nko kwiyahura, kuvuga ngo kuri njyewe nta bandi bantu bazankurikira, cyangwa sincaka gukurikiza umurage nahawe n’ababyeyi'.

Avuga ko n’iyo baba babivuga bikinira bidakwiye kuko abantu bazwi akenshi iyo bavuze ikintu hari abagifata nk’ukuri, abasaba gutanga ubutumwa bwubaka sosiyete nyarwanda.

Bamporiki Edouard ntiyemeranya n’imvugo za Juniro Giti na Rocky Kirabiranya

Junior Giti wamamaye mu mvugo ‘Nta Myaka Ijana’

Rocky ni we wazanye ijambo ‘Nta Gikwe’

Rutahizamu wa AS Kigali, Biramahire Abeddy yemeje urwo akunda Kagame Vanessa ugiye kumubyarira imfura, ashimangira ko ari umukobwa bahuye bagahuza kandi umukunda.

Mu minsi ishize nibwo uyu mukobwa yakorewe ibirori byo kwitegura umwana bizwi nka 'Baby Shower’, Abeddy na we yashimangiye ko agiye kwibaruka ubwo yatsindaga igitego Olympique yo mu Birwa bya Comoros muri CAF Confederations Cup akacyishimira ashyira umupira(ballon) ku nda agaragaza ko yitegura kwakira umwana.

Mu kiganiro yagiranye n’ikinyamakuru ISIMBI, Biramahire Abeddy yavuze ko uyu mwana yitegura kwakira ari umuhungu, wasanga na we azatera ikirenge mu cye agaconga ruhago.

Agaruka kuri nyina w’umwana we, avuga ko ari umukobwa atavugaho byinshi ariko na none ari umukobwa akunda kandi umunezeza.

Ati 'urebye nta kubeshye nta bintu byinshi namuvugaho ariko uko biri ni umukobwa nkunda kandi aranyuze.'

Avuga ko ari umukobwa bamaranye igihe kinini bakundana, bwa mbere bahura ngo bahuye ari kumwe n’inshuti ye batangira kuvugana ubwo.

Ati 'hashize igihe kinini cyane, umbabarire sindi bukubwire ngo ni imyaka iyi n’iyi ariko hashize igihe kinini. Bwa mbere duhura twahuriye Kacyiru, yari kumwe n’umushuti we dutangira kuvugana ubwo. Twarahuye turashimana, birikora ubundi biriya ni ibintu umuntu adahatiriza, rero sinakubwira ngo namukundiye iki, byarikoze.'

Uyu mukinnyi avuga ko uyu mukobwa ari umukobwa ukunda kumutungura kandi buri kimwe amukorera kimushimisha, avuga ko anatekereza kuba yakora ubukwe akamushyira mu rugo bakabana, igihe basigaje ku Isi bakakimarana.

Ubwo yabazwaga ku nkumi y’umunyamakuru ikora kuri Radio TV10 yigeze kuvuga ko bakundana, Umutoni Josiane wanitabiriye Miss Rwanda, yagize ati 'kubyerekeye ibyo ngibyo nta kintu mba nshaka kubivugaho ubu ngubu, nta kintu nagusubiza kuri icyo kibazo.'

Aherutse gukorerwa ibirori byo kwitegura umwana

Abeddy yagaragaje ko yitegura kwibaruka, ni nyuma yo gutsinda igitego Olympique Missiri-Misa muri CAF Confederations Cup

Kagame Vanessa umukunzi wa Biramahire Abeddy

Abeddy avuga ko bamaze igihe kinini bakundana

Ni muri urwo rwego tugiye kurebera hamwe umumaro wo kurya nibura umuneke umwe ku munsi:

Kuri uyu wa Kane tariki ya 23 Nzeri 2021, Perezida wa FERWAFA aherekejwe n'umuyobozi muri Minisiteri ya Siporo, Guy Rurangayire, basuye ikipe y'igihugu y'abakobwa batarengeje imyaka 20 yitegura umukino na Ethiopia kuri uyu wa Gatanu tariki ya 24 Nzeri 2021, mu gushaka itike y'igikombe cy'Isi kizabera muri Costa Rica.

Mu butumwa Nizeyimana Olivier yageneye ikipe y'igihugu, yabasabye kwitanga bagakoresha imbaraga zabo zose, bagashaka itsinzi imbere ya Ethiopia. Uyu muyobozi kandi yabijeje ko abanyarwanda bazaba babari inyuma muri uyu mukino, ndetse babatezeho umusaruro mwiza.

Guy Rurangayire, umuyobozi muri Minisiteri ya Siporo, yasabye abakinnyi gukotana bagahesha ishema igihugu imbere ya Ethiopia.

Ikipe y'Igihugu y'abangavu batarengeje imyaka 20, yakomeje mu cyiciro gikurikira nyuma yo gusezerera Ikipe ya Sudani y'Epfo kuri mpaga, kuko iyo kipe yamenyesheje CAF ko itazitabira ayo majonjora.

Umutoza mukuru w'iyi kipe, Marie Grâce NYINAWUMUNTU, avuga ko ikipe yiteguye guhangana na Ethiopia ndetse bakanashaka uburyo bayikuraho intsinzi.

Umukino ubanza ugomba guhuza u Rwanda na Ethiopia uzabera I Kigali ku wa gatanu tariki 24 Nzeri 2021 kuri Stade ya Kigali, mu gihe umukino wo kwishyura uteganyijwe tariki ya 9 Ukwakira 2021 muri Ethiopia.

FERWAFA na MINISPORTS basuye ikipe y’igihugu y’Abangavu batarengeje imyaka 20 mbere yo guhura na Ethiopia

Perezida wa FERWAFA Nizeyimana Olivier yasabye Abangavu b’u Rwanda batarengeje imyaka 20 kwitanga batizigamye ku mukino wa Ethiopia

Guy Rurangayire wo muri MINISPORTS yasabye abakinnyi gukotana