Webrwanda Backend

Category: Uncategorized

  • Nta munyeshuri uzemererwa kwiga muri Kaminuza adakingiwe Covid-19 #rwanda #RwOT

    Ku wa Gatanu tariki 24 Nzeri 2021, mu butumwa bwakwirakwijwe kuri 'WhatsApp', Kaminuza yigenga ya Kigali (ULK), yamenyesheje abanyeshuri bayigamo n'abakozi bayo ko 'Ntawe uzemererwa kwinjira atarikingije Covid-19.'

    Mu mpera z'iki cyumweru, Kaminuza y'u Rwanda (UR) na Mount Kenya University ishami rya Kigali (MKUR), basohoye itangazo risaba abanyeshuri n'abakozi kwingiza Covid-19, kugira ngo bemererwe kwinjira.

    Itangazo rya Kaminuza y'u Rwanda rivuga ko 'guhera kuri uyu wa mbere, abanyeshuri n'abakozi bazemererwa kwinjira ari abikingije Covid-19.”

    Umunyeshuri, asabwa kugaragaza nibura ko yamaze gufata doze ya mbere y'urukingo rwa Covid-19. Itangazo rya Kaminuza ya Mount ya Kenya ryo, rinavuga ko nta serivisi n'imwe umunyeshuri n'umukozi utarikingije Covid1-19 yemerewe muri iyi Kaminuza, guhera kuri uyu wa mbere tariki 27 Nzeri 2021.


    Source : https://umuryango.rw/amakuru/mu-rwanda/ubuzima/article/nta-munyeshuri-uzemererwa-kwiga-muri-kaminuza-adakingiwe-covid-19

  • Umugore yabereye ibamba umugabo we washakaga kumwirukana ||Dore uko byagenze. – YEGOB #rwanda #RwOT

    Uyu mubyeyi wo mu gihugu cya Ghana uzwi nka Jennifer yabereye umugabo ibimba ndetse abantu benshi bamugarukaho kubera amagambo yabwiye umugabo we washakaga kumwirukana bamaranye imyaka 10.

    Uyu mugore wirukanwe n'umugabo we yavuze ko atagenda kuko umugabo we amaze imyaka 10 amurongora, ko nta burenganzira afite bwo kumwirukana.

    Muri videwo yakwirakwijwe hirya no hino ku mbuga nkoranyambaga, uyu mugore bigragara ko akiri muto, avuga ko ntaho afite ho kujya uretse gukomeza kubana n'umugabo we.

    Jennifer yagaragaje kandi ko umugabo we yamubeshye ubwo yamuongoraga kubera ko yari afite undi mugore, kandi ko kuba uyu umugabo we yagerageje guhagarika umubano wabo kubera ko batashyingiranywe byatumye yifuza gushyira byose hanze.

    Ati: 'Amaze imyaka icumi aryamana nanjye; aryamana nanjye mu gitondo, nyuma ya saa sita na nimugoroba. None ubu ari kumbwira ngo nsubire kwa mama, sinshobora kugenda. nahise nsubiza ibintu byanjye mu cyumba cyacu'.

    Uyu mugore yabwiye umuturanyi we ko adafite aho ajya kuko yumva akoreshwa n'umugabo we.

    Source : https://yegob.rw/umugore-yabereye-ibamba-umugabo-we-washakaga-kumwirukana-dore-uko-byagenze/

  • Mu ibanga rikomeye Shazz wafungishije Davis D yasuwe na wa muhanzi wamwihebeye. – YEGOB #rwanda #RwOT

    Mu cyumweru gishize ni bwo inkuru yasakaye hirya no hino ko Kayesu Shalon (Shazz) wamamaye ubwo yafungishaga abarimo Davis D asigaye ari mu rukundo n'umuhanzi Ykee Benda kuri ubu biravugwa ko yamusuye muri iyi weekend ishize.

    Amakuru dukesha abakurikiranira hafi iby'imyidagaduro, aravuga ko ku wa Gatanu tariki 24 Nzeri 2021, Ykee Benda yamanutse akigira i Kigali kureba uyu mukunzi we mushya.

    Ngo aba bombi kandi basohokeye muri Hoteli iri mu zikomeye mu Mujyi wa Kigali ubundi bagirana ibihe byiza.

    Ni ku nshuro ya mbere bari babonanye amaso ku maso kuva batangira gukundana dore ko ngo urukundo rwabo nta gihe kinini ruramara.ndetse bat

    Sharon uri mu rukundo na Ykee Benda yatangiye kwamamara ubwo yavugwaga mu rubanza rwarezwemo Davis D, Kevin Kade n'umufotozi witwa Thierry.

    Bashinjwaga kumusambanya kandi ataruzuza imyaka y'ubukure. Baje kugirwa abere bararekurwa.

    Source : https://yegob.rw/mu-ibanga-rikomeye-shazz-wafungishije-davis-d-yasuwe-na-wa-muhanzi-wamwihebeye/

  • Twaganiriye: Ykee Benda yahakanye amakuru avu… – #rwanda #RwOT

    Urukundo rwa Ykee Benda na Shazz, rwatangiye kuvugwa mu minsi micye ishize aho aba bombi bakomeje kugenda bagaragarizanya urugwiro basangiza aba bakurikira ku mbuga nkoranyambaga amafoto anyuranye, ibintu benshi babonyemo ko bakundana.

    Nyuma y’uko ibi bibaye umugabo uherutse gutandukana n'umugore bari bamaranye imyaka icyenda bakundana yewe biteguraga no kurushinga banafitanye umwana w'umuhungu witwa Julie, yemeje ko ari mu rukundo na Akayesu Sharon wamamaye nka Shazz.

    Kuri ubu byari bikomeje gukwirakwira hirya no hino kandi bikanemezwa ko amakuru yavuye mu bantu ba hafi ba bombi ko Ykee Benda yaje mu Rwanda mu mpera z'icyumweru gishize aje kureba umukunzi we mushya.

    Bivugwa kandi ko kuwa Gatanu Ykee Benda na Shazz basohokeye muri hoteli yitwa Kaizen iri i Nyabugogo mu Mujyi wa Kigali bahagirira ibihe byiza. Ni ku nshuro ya mbere aba bombi bari babonanye amaso ku maso kuva batangira gukundana.

    Nyamara Ykee Benda yahakanye aya makuru avuga ko atigeze agera mu Rwanda. Mu kiganiro gito yagiranye na INYARWANDA, yagize ati:”Ntabwo bishoboka ko nagera mu Rwanda ntavuze, ibyo ni ibinyoma nibereye muri Kampala.”

    Sharon uvugwa mu rukundo n’uyu muhanzi, ubwamamare bwe bwazamuwe n'ibihe yagiye anyuranamo n'ibyamamare nyarwanda birimo Davis D, Kevin Kade n'umufotozi witwa Thiery batawe muri yombi bashinjwa icyaha cy'ubufanyacyaha mu kuryamana nawe kandi ngo atarageza imyaka, ibintu byaje guteshwa agaciro bakarekurwa.

    Bidateye kabiri yaje kuba imbarutso yo kwirukanwa k'umuzamu w'ikipe y'igihugu, Kwizera Olivier wirukanwe mu mwiherero w'ikipe y'igihugu igitaraganya nyuma y'ikiganiro yagiranye n’uyu mukobwa ku karubanda binyuze ku rubuga rwa Instagram. Aherutse kandi no kwifashishwa mu mashusho y'indirimbo yitwa ‘Iyizire’ ya Jules Sentore aherutse gushyira hanze.

    Ykee Benda yahakanye ko atigeze agera mu Rwanda bityo ko ibivugwa ari ibinyoma

    Shazz umunyarwandakazi uri mu rukundo na Ykee Benda

    Source : https://inyarwanda.com/inkuru/109908/twaganiriye-ykee-benda-yahakanye-amakuru-avuga-ko-yasuye-shazz-mu-rwanda-109908.html

  • Amb.Nduhungirehe na Dr Diane Gashumba banenze… – #rwanda #RwOT

    Ku wa Gatandatu w'icyumweru gishize ni bwo hasohotse ibaruwa yasinyweho na Perezida w'iyi kipe, Ngendahayo Vedaste ihagarika Mushimiyimana Eric wari umutoza mukuru wayo, nyuma y'impungenge ubuyobozi bw'ikipe bwagejejweho n'abakinnyi.

    Ubuyobozi bw'iyi kipe bwanatangaje ko uyu mutoza agiye gukorwaho iperereza ku butinganyi bumuvugwaho. Gusa uyu mutoza avuga ko yagambaniwe n'umukinnyi utarakinaga ndetse ko ubu yanigendeye ageze muri Zambia.

    Nyuma y'icyemezo cyafashwe n'ubuyobozi bw'iyi kipe yo mu karere ka Ruhango, abantu batandukanye bagiye batanga ibitekerezo bitandukanye, aho Ambasaderi Olivier Nduhungirehe yavuze ko uwahagaritse uyu mutoza ari we wari ukwiriye guhanwa.

    Yagize ati 'Ubwo icyaha ashinjwa ni ikihe? Giteganywa n'iyihe ngingo y'amategeko ahana? Uwahagaritse uyu mutoza ahubwo niwe wari ukwiye guhanwa, kuko atubahirije ingingo ya 16 y'Itegeko Nshinga rya Repubulika y'u Rwanda'.

    Amb. Dr Diane Gashumba na we yunze mu rya Amb. Nduhungirehe, avuga ko bidasobanutse kuko n'iyi baruwa banditse imuhagarika izo mpungenge z'abakinnyi zitigeze zigaragazwa.

    Yagize ati'Uwamuhagaritse yavanguye! Abakinnyi impungenge bagize ntiyanasobanuye izo ari zo!'

    Nyuma hasohotse indi baruwa yasinyweho n'abakinnyi 10 b'iyi kipe, bayobowe na kapiteni wayo, Siborugira Janvier, banditse bagaragaza ko uyu mutoza arengana nta byo yigeze akorera abakinnyi.

    Mu mikino ibiri yari amaze gutoza harimo uwo yanganyije na Esperance FC ibitego 2-2 ndetse n'uwo yatsinzwemo na UR FC ibitego 2-1. Iyi kipe iri mu Itsinda C rya Shampiyona y'Icyiciro cya Kabiri hamwe na Vision FC, Espérance FC, UR FC na Vision Jeunesse Nouvelle FC.

    Mushimiyimana Eric yahagaritswe na United Stars yatozaga imushinja ubutinganyi

    Source : https://inyarwanda.com/inkuru/109915/ambnduhungirehe-na-dr-diane-gashumba-banenze-imyitwarire-ya-united-stars-mu-kibazo-cyumuto-109915.html

  • Mashami Vincent yahamagaje abakinnyi azifashisha bacakirana na Uganda. – YEGOB #rwanda #RwOT

    Kuri uyu wa Mbere tariki ya 27 Nzeri 2021, Umutoza Mukuru w'Ikipe y'Igihugu Amavubi Stars, Mashami Vincent yahamagaye abakinnyi mirongo itatu na batandatu (36) bitegura imikino ibiri u Rwanda rugomba guhuramo na Uganda mu rwego rwo gushaka itike y'Igikombe cy'isi kizabera muri Qatar 2022.

    Umukino ubanza uzabera i Kigali aho Amavubi azakira Ikipe y'Igihugu ya Uganda ku wa kane tariki ya 7 Ukwakira 2021 kuri Stade ya Kigali guhera saa moya z'ijoro mu gihe umukino wo kwishyura uzaba nyuma y'iminsi itatu ku itariki ya 10 Ukwakira 2021 i Kampala muri Uganda.

    Abakinnyi bahamagawe nk'uko bigaragara mu itangazo ryashyizwe ahagaragara:

    ABANYEZAMU

    Mvuyekure Emery (Tusker Fc)

    Buhake Twizere Clément (Strømmen If)

    Ndayishimiye Eric (Unattached)

    Gahungu Habarurema (Police Fc)

    Ntwali Fiacre (As Kigali)

    AB'INYUMA

    Omborenga Fitina (Apr Fc)

    Rukundo Denis (As Kigali)

    Imanishimwe Emmanuel (Far Rabat)

    Rutanga Eric (Police Fc)

    Rwatubyaye Abdul (Fk Shkupi, Macedonia)

    Nirisarike Salomon (Urartu Fc, Armenia)

    Ngwabije Bryan Clovis (Sc Lyon, France)

    Manzi Thierry (Fc Dila Gori, Georgia)

    Bayisenge Emery (Unattached)

    Niyigena Clément (Rayon Sports Fc)

    Nemeyimana Kato Samuel (Bugesera Fc)

    Mutsinzi Ange (Cd Trofense, Portugal)

    ABO HAGATI

    Bizimana Djihad (Kmsk Deinze)

    Muhire Kevin (Unattached)

    Rafael York (Afc Eskilstuna, Sweden)

    Nsengiyumva Isaac (Rayon Sports Fc)

    Mukunzi Yannick (Sandvikens If, Sweden)

    Niyonzima Olivier (As Kigali)

    Twizeyimana Martin Fabrice (Police Fc)

    Niyonzima Haruna (As Kigali)

    Manishimwe Djabel (Apr Fc)

    Nishimwe Blaise (Rayon Sports Fc)

    Niyibizi Ramadhan (As Kigali)

    AB'IMBERE

    Kagere Medie (Simba Sc)

    Tuyisenge Jacques (Apr Fc)

    Iradukunda Jean Bertrand (Gasogi United)

    Hakizimana Muhadjir (Police Fc)

    Twizerimana Onesme (Police Fc)

    Nshuti Dominique Savio (Police Fc)

    Kalisa Jamir (Vipers Sc, Uganda)

    Mugunga Yves (Apr Fc)

    Source : https://yegob.rw/mashami-vincent-yahamagaje-abakinnyi-azifashisha-bacakirana-na-uganda/

  • Inkuru nziza ku bana ba Jay Polly. – YEGOB #rwanda #RwOT

    Abana babiri Jay Polly yasize babonye abaterankunga biyemeje kubishyurira kugeza barangije amashuri abanza, nkuko BTN yabitangaje.

    Uwera Jean Maurice, mukuru wa Jay Polly yagize ati 'Inkuru nziza nabamenyesha ni uko hari abagiraneza biyemeje kwishyurira amashuri abana ba Jay Polly kugeza bose barangije amashuri abanza, amafaranga yose araba yamaze kwishyurwa mu minsi mike.'

    Icyakora nubwo yatangaje ko hari abagiraneza bemeye kwishyurira abana ba Jay Polly amashuri abanza, ntawo yigeze abavuga mu mazina.

    Ati 'Ni abantu badakunda kugaragara mu itangazamakuru ntabwo ari byiza ko nabavuga.'

    Abana babiri uyu muraperi yasize bishyuriwe igihe cyari gisigaye ngo barangize amashuri abanza mu gihe mu muhango wo gukura ikiriyo nabwo Uwera Jean Maurice yari yatangaje ko inkunga yakusanyijwe mu bakunzi ba Jay Polly bishyuye umwaka umwe w'amashuri.

    Source : https://yegob.rw/inkuru-nziza-ku-bana-ba-jay-polly/

  • MU MASHUSHO: Tumwe mu dushya twaranze ubukwe bwa Mico The Best ||Yaririmbiye umugeni we. – YEGOB #rwanda #RwOT

    Kuri iki Cyumweru tariki 26 Nzeri 2021 nibwo umuhanzi Mico the Best yarushinze na Ngwinondebe Clarisse, mu birori byari bibereye ijisho ndetse byaranzwe nudushya dutandukanye.

    Ni ubukwe bwari bubereye ijisho bitewe n'aho bwabereye, ku musozi witegeye neza Kigali ndetse mu busitani bufatwa nk'ubwa mbere muri Kigali.

    Ariko nanone ni ubukwe bwaranzwe no gusabana kwinshi bitajya bisiga no gutarama.

    Bitewe n'uko gusezerana imbere y'amategeko byari byarakozwe mbere, kuri uyu munsi hari hatahiwe umuhango wo gusaba no gukwa kimwe no gusezerana imbere y'Imana.

    Tumwe mu dushya twagaragaye ,harimo uburyo Mico yaririmbiye umufasha we indirimbo ze zitandukanye harimo n'iyitwa igare, ikindi umuhanzi Riderman akaba na we yamugabiye inka.

    Source : https://yegob.rw/mu-mashusho-tumwe-mu-dushya-twaranze-ubukwe-bwa-mico-the-best-yaririmbiye-umugeni-we/

  • Amakuru mashya ku munyamakuru Jado Castar. – YEGOB #rwanda #RwOT

    Urwego rw'igihugu rw'Ubugenzacyaha (RIB) rumaze gushyikiriza ubushinjacyaha bw'U Rwanda dosiye iregwamo umunyamakuru Bagirishya Jean De Dieu wamenyekanye nka Jado Castar.Ni nyuma y'icyumweru akorwaho iperereza.

    Jado Castar yatawe muri yombi tariki 20 Nzeri akekwaho gukoresha inyandiko mpimbano. Jado Castar usanzwe ari umuyobozi mukuru wa Radio B&B FM-Umwezi ,asanzwe ari na Visi Perezida wa kabiri ushinzwe Amarushanwa mu ishyirahamwe nyarwanda ry'Umukino wa VOLLEYBALL (FRVB).Castar akaba akurikiranyweho gukoresha inyandiko mpimbano, icyaha gifitanye isano no kuba ikipe y'igihugu y'abagore yarirukanwe muri Shampiyona Nyafurika ya VOLLEYBALL yaberaga i Kigali mu minsi ishize.

    Byari nyuma y'uko Impuzamashyirahamwe yumukino wa Volleyball ku isi (FIVB) isanze u Rwanda rwarakinishije muri iyo mikino abakinnyi bo muri Brésil, nyamara bafite ubwenegihugu kandi bitemewe.Nyuma yo gusezererwa rero, Ministeri ya Siporo yatangiye gukora iperereza ngo hamenyekane icyihishe inyuma yibi birego u Rwanda rwisanzemo.

    Source : https://yegob.rw/amakuru-mashya-ku-munyamakuru-jado-castar/

  • REB yagize icyo isaba abarimu basabye akazi mu Burezi – YEGOB #rwanda #RwOT

    Ikigo cy'Igihugu gishinzwe guteza imbere uburezi mu Rwanda REB ,cyihanangirije abari basabye akazi mu burezi bakaba batarabonetse ku rutonde rw'abatoranijwe kuzakora ikizamini  ko badakwiye gukomeza kubandikira kuri Twitter cyangwa guhamagara kuri telefoni zabo ahubwo ko basabwa gutanga ubujurire bwabo bifashishije konti zabo ziri ku rubuga rwa MIFOTRA rukurikira: https://e-recruitment.mifotra.gov.rw/#/welcome.

    Mu butumwa iki kigo cyanyujije kuri Twitter kuri uyu wa mbere bugira buti' REB iramenyesha abakandida basabye kandi batatoranijwe mubagomba gukora ikizamini ndetse bakaba barimo kujurira bakoresheje twitter cyangwa telefone ko ibyo bakora bitemewe, ahubwo abajurira bagomba kubikorera muri system ya @RwandaLabour ya e-recruitment. @mbanelson'

    REB kandi irashishakariza abarimo gusaba kurenganurwa ko babanza bakareba niba bujuje ibyari byasabwe kuri uwo mwanya. Mugire amahoro. @mbanelson'

    REB kandi yibukije abibagiwe gushyira ibyangombwa byabo kuri konti zabo ziri muri Mifotra ko igihe cyarenze, ndetse uzabishyiramo bizaba impfabusa.

    Bagize bati:'REB iramenyesha abakandida bibagiwe gutanga ibyangombwa bikenewe ku myanya y'akazi bari basabye ko igihe ntarengwa bagombaga kubitanga cyarangiye. Bivuze ko ibyo bongera muri 'system' nyuma y'igihe cyagenwe nta gaciro bifite. Murakoze @mbanelson'

    REB iramenyesha abakandida bibagiwe gutanga ibyangombwa bikenewe ku myanya y’akazi bari basabye ko igihe ntarengwa bagombaga kubitanga cyarangiye. Bivuze ko ibyo bongera muri ‘system’ nyuma y’igihe cyagenwe nta gaciro bifite. Murakoze @mbanelson

    — Rwanda Basic Education Board (@REBRwanda) September 27, 2021

    Source : https://yegob.rw/reb-yagize-icyo-isaba-abarimu-basabye-akazi-mu-burezi/