Category: Uncategorized

Urupfu rwa ruriya ruhinja rwabaye kuri iki Cyumweru tariki 17 Ukwakira 2021 aho rushinjwa umubyeyi warwo ndetse n’umugabo wari waje ngo baryamane.

Abaturanyi b’uriya mugore, bavuga ko uriya mudamu yari yakiriye umugabo waje kumugura bakabanza kunywa ubundi bakaryama baninezeza.

Bavuga ko urwo ruhinja rwitabye Imana rushobora kuba rwazize kuba baruryamiye ubwo bariho batera akabariro cyangwa se bakaba barwanye bakamugwaho.

Tuyisenge Veneranda yavuze ko mama w’umwana wapfuye yagiye saa saba z’ijoro asiga umwana ari kurira cyane, bibangamira abaturanyi, umuturage umwe abyutsa abaturanyi ababwira ko umwana agiye kuba amuhetse kuko ngo byari byabangamiye abaturage baturanye.

Ahagana mu ma saa moya za mu gitondo nibwo uwo mubyeyi wari wataye umwana yagarutse aza abaza umwana we, ashaka ko bamumuha, undi aramuhakanira amubwira ko atamumuha ubuyobozi batarahagera.

Gusa nyuma ngo yaje kumumuha aramwonsa, ahita amusubiza iwe aho yari afite umugabo bararanye.

Veneranda yakomeje avuga ko uwo mugabo yabanje gushwana n’uyu mugore bivugwa ko yicuruza bapfa telephone n’ibihumbi umunani, agakomeza yemeza ko umwana yaba yapfuye muri ubwo buryo bwo gushwana bwabayeho.

Umugore wagiye gufata ururuhinja akarurarana, ntiyashatse kwivuga amazina ariko atangaza ko umugore yasize umwana amufungiranye mu nzu akaza akica urugi ari kumwe n’undi mu mama, afata umwana mutoya n’umukuru arabajyana.

Ati 'Umugore yasize umwana amufungiranye mu nzu, njyewe ndaza nica urugi ndi kumwe n’undi mumama dufata umwana, umutoya n’umukuru umwe ndamuheka undi ndamuryamisha nyuma yaje kugaruka mu ma saa moya, umwana we mumuha ari muzima aramwonsa arasohoka aramujyana hashize amasaha abiri ni bwo baje kunkomangira ngo umwana yapfuye.'

Uyu mudamu yongeraho ko uyu mugore wapfushije umwana yari yatwaye amafaranga na telephone by’uyu mugabo bararanye.

Uyu mugabo bivugwa ko yararanye n’uyu mudamu wapfushije umwana, yanze kugira icyo atangariza itangamakuru, icyo yabazwaga cyose yazunguzaga urutoki ahakana yubitse umutwe mu maguru.

Umudamu wapfushije umwana yavuze ko yasize abana mu nzu babiri, umwe ufite imyaka ine n’uyu witabye imana ufite ukwezi,abasiga mu nzu asanga abaturanyi babafunguriye, ababwira ko bakoze kuba bamufashije abana ajya no kubagurira inzoga abashimira.

Ati “Njyewe nasize abana mu nzu nsanga abaturanyi babafunguriye mpageze ndababwira nti 'natinze kandi mwakoze reka mbashimire’, njya kubagurira inzoga umwana musiga aryamye kuri uyu mukobwa. Ngarutse arambwira ati 'ko Umwana ari kuva amaraso mu mazuru bigenze bite !’ nkimara kubibona, umwana ahita apfira mu ntoki mufashe ngiye kumuha ibere mpita ngwa muri koma.”

Uyu mudamu aremera ko yagiye mu bagabo, ariko ko atigeze arwana n’uwo mugabo akanakomeza avuga ko batigeze banaryamana, gusa ngo uyu mugabo yari yamuhaye ibihumbi bitanu.

Yakomeje avuga ko umwana we yanizwe. Ngo si ubwa mbere uyu mugore ataye abanabe mu nzu akajya gushaka abagabo.

Ambasaderi Vincent Karega yatangaje ibi nyuma y’uko kuri uyu wa mbere Igisirikare cya Repubulika Iharanira Demokarasi ya Congo cyatangaje ko cyakozanyijeho n’abasirikare b’u Rwanda bavogereye bakajya ku butaka bwa kiriya Gihugu.

Karega avuga ko nta ngabo z’u Rwanda zambutse ngo zijye muri DRC ku bushake kuko nta makimbirane ari hagati y’ibihugu byombi cyangwa ngo habe habayeho kudahuriza hamwe ku biganiro.

Yagize ati 'Ntacyo u Rwanda rukurikiranye muri Repubulika Iharanira Demokarasi ya Congo, ibyabaye ni ikosa risanzwe ribaho.'

Nk’uko nubundi byatangazwaga mu nkur zanditswe n’ibinyamakuru byo muri DRC, Vincent Karega na we yavuze ko abasirikare b’u Rwanda bari bakurikiye abacuruzi bashaka kwinjiza ibicuruzwa mu buryo bunyuranyije n’amategeko umwe akaza kwisanga yageze ku butaka bwa kiriya Gihugu ariko ko yari akiri hafi cyane gusa ngo yaje gufatwa n’ingabo za DRC.

Yagize ati 'Abazi aho hantu basobanukiwe neza ko bigoye gutahura umupaka hatabayeho gushishoza. Ndibwira ko habayeho kurasa mu kirere ku ruhande rumwe cyangwa ku rundi ariko nta mirwano yabayeho. Abanyarwanda bari ku butaka bwabo, Abanye-Congo na bo bari muri Congo.'

U Rwanda na DRC byigeze kubaho bidacana uwaka mu buyobozi bwabanjirije Felix Tshisekedi gusa aho amariye gutorerwa, umubano wagiye uba mwiza kugeza n’uyu munsi.

Ibi kandi byagiye bishimangirwa na Perezida Paul Kagame wavuze ko ubuyobozi bushya bwa kiriya Gihugu cy’igituranyi bwagaragaje ubushake bwo kubana neza hagati y’ibihugu byombi ku buryo ubu DRC ari kimwe mu bihugu bibanye neza n’u Rwanda.

UKWEZI.RW

Uyu Sekanabo Jean Paul w’imyaka 30 na Habuhazi Paulin w’imyaka 23 bafashwe ku Cyumweru tariki 17 Ukwakira.

Umuvugizi wa Polisi mu Ntara y’Amajyepfo, Superintendent of Police (SP) Theobald Kanamugire yavuze ko bariya bantu bari batuye mu Kagari ka Gahogo ariko baza gufatirwa mu Kagari ka Gifumba biturutse ku makuru yatanzwe n’abayobozi mu nzego z’ibanze.

Yagize ati 'Abaturage bo mu Kagari ka Gifumba batanze amakuru ko Sekanabo na Habuhazi baturutse mu Mudugudu wa Gihuma mu Kagari ka Gahogo aho bari batuye baza gukorera kanyanga mu nzu ya mushiki wa Sekanabo iherereye mu Mudugudu wa Samuduha, Akagari ka Gifumba.'

SP Kanamugire yakomeje avuga ko abapolisi bahise bategura igikorwa cyo gufata bariya bantu, bafatirwa mu cyuho barimo gukora kanyanga. Babasanze mu gikoni bamaze gukora litiro 18 za kanyanga ndetse bari bafite ibikoresho bitandukanye bifashisha mu gukora kanyanga.'

Umuvugizi wa Polisi mu Ntara y’Amajyepfo yakomeje ashimira abaturage kuba baratanze amakuru, yabasabye gukomeza ubufatanye mu kwicungira umutekano batangira amakuru ku gihe. Abafashwe bahise bashyikirizwa Urwego rushinzwe ubugenzacya (RIB) rukorera muri sitasiyo ya Polisi ya Nyamabuye.

ICYO ITEGEKO RITEGANYA

Ingingo ya 5 y’Iteka rya Minisitiri Nº001/MoH/2019 ryo ku wa 04/03/2019 rigena urutonde rw’ibiyobyabwenge n’ibyiciro byabyo rishyira inzoga zikozwe mu buryo budakurikije ibisabwa n’amabwiriza y’ubuziranenge n’andi mategeko mu biyobyabwenge byoroheje.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu Gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo kitari munsi y’imyaka irindwi (7) ariko kitarenze imyaka icumi (10) n’ihazabu y’amafaranga y’u Rwanda atari munsi ya miliyoni eshanu (5.000.000 FRW) ariko atageze kuri miliyoni icumi (10.000.000 FRW) ku byerekeye ibiyobyabwenge byoroheje.