Category: Uncategorized

Ishyaka riri ku butegetsi muri Afurika y'epfo rya African National Congress (ANC) ryabonye amajwi ari munsi ya 50% bwa mbere mu mateka ya demokarasi y'Afurika y'epfo. Ibintu biteye impungenge ku kuba ryaba riri mu marembera yo kuba ishyaka riyoboye ubutegetsi ku bwiganze cyane muri iki gihugu. Ibyavuye mu matora yabaye ku wa mbere byasize iri shyaka rya Nelson Mandela rishegeshwe muri politiki.

Julius Malema, umukuru w'ishyaka rya gatatu rinini mu gihugu ritavuga rumwe n'ubutegetsi rya Economic Freedom Fighters (EFF), ubwo ishusho y'ibyavuye mu matora yari imaze gusobanuka neza igaragaza ko ANC irimo gutakaza abayishyigikiye mu gihugu hose, yagize ati:' Turimo kurya iyi nzovu gacye gacye'.

Ariko nubwo bimeze gutyo, nkuko BBC dukesha iyi nkuru ibitangaza, nta bwiganze buriho bw'urugaga rutavuga rumwe na ANC, kuko amashyaka atavuga rumwe n'ubutegetsi muri Afurika y'epfo afite ingengabitekerezo zitandukanye cyane.

Ibyatangajwe ku mugaragaro byavuye mu matora bigaragaza ko:

• ANC yabonye amajwi angana na 46%
• Ishyaka rya mbere rikomeye mu yatavuga rumwe n'ubutegetsi rya Democratic Alliance (DA) ryabonye amajwi angana na 22%
• Ishyaka rya Economic Freedom Fighters ribona amajwi angana na 10%
• Ishyaka rya Inkatha Freedom Party (IFP) ryabonye amajwi angana na 6%
• Ishyaka rya Freedom Front Plus ribona amajwi angana na 2%
• N'ishyaka rya ActionSA na ryo ryagize amajwi angana na 2%

Yemera ko ubu hagiye kubaho ubutegetsi bugizwe n'urugaga rw'amashyaka atandukanye, Perezida Cyril Ramaphosa, watowe na ANC mu 2018 ngo ahagarike iri gabanuka ry'abayishyigikiye, yagize ati:' Niba ibi turi abo kubihindura igihe gishya kandi cyiza kurushaho, twebwe nk'abayobozi tugomba gushyira ku ruhande ibidutandukanya'.

Ni iki kigiye gukurikiraho?

ANC — yibasiwe n'ibirego bya ruswa mu gihe cyo kwitegura aya matora y'inzego z'ibanze — ubu irasabwa kurya agace gato igafata iyambere mu kwegera andi mashyaka ku bijyanye no gushyiraho ingaga (urugaga).

Iyo akanama k'amatora kamaze gutangaza ibyavuye mu matora, haba hari igihe cy'iminsi 14 mbere yuko utunama tw'ubutegetsi dukora inama zatwo za mbere. Umukuru w'akanama, ugomba gutorwa mbere, nyuma ayobora ishyirwaho ry'umukuru w'akarere.

Hashingiwe ku kajagari n'urugomo byabayeho mu 2016, iki gikorwa cyitezweho kubamo ibibazo no kutavugwaho rumwe mu buryo bukomeye. Ishyirwaho ry'ingaga rishobora no kugorana kubera ingengabitekerezo za politiki zitandukanye z'amashyaka agomba kugirana ibiganiro byo kuzishyiraho. Mu 2016, ishyaka riri ku butegetsi rya ANC ryari ryamaze gutangira gutakaza abarishyigikiye.

Kuva icyo gihe kugeza ubu ryabonye imyaka itanu yo kugaragaza akamaro karyo, ariko ahubwo benshi mu Banya-Afurika y'epfo bakomeje guhura n'ibibazo by'itangwa nabi rya serivisi z'ibanze nk'amazi yo mu rugo, ibura ry'amashanyarazi (umuyagankuba mu Kirundi) rya hato na hato ndetse no gusubiranamo mu banyapolitiki b'iri shyaka.

Ishyaka rya DA — rikura benshi mu barishyigikiye mu batora b'abazungu n'abo mu moko y'imvange — mbere ryari ryavuze ko ridakozwa ibyo kuzigera na rimwe ritegekana n'ishyaka EFF. Ni mu gihe ishyaka ActionSA ryo ryavuze ko gukorana na ANC byaba bingana no guteza imbere ruswa.

Byumvikana ko harimo kubaho ibiganiro byo ku ruhande ku gukora urugaga hagati ya ANC na DA, mu gihe EFF yo yavuze ko izategereza ko hari ishyaka rijya kuyisaba ko bakorana urugaga kuko gushyigikirwa kwayo kwiyongereye muri aya matora.

Mu matora y'inzego z'ibanze yo mu 2016, ANC yagize amajwi hafi 54% mu gihugu hose, DA ibona 27%, naho EFF yari yabonye amajwi 8%. Muri aya matora y'uyu mwaka, EFF yateye intambwe mu kugira abayishyigikiye, mu gihe DA hari abo yatakaje mu hantu hari hasanzwe hazwiho ko ari ku gicumbi cy'abayishyigikiye.

Nta gushidikanya ko ahiherereye abayobozi ba ANC babona ibi byavuye mu matora nk'ikibazo gikomeye kuri iri shyaka. Ariko imbere ya za 'cameras' z'itangazamakuru, abakuru b'iri shyaka bavuga inkuru itandukanye.

Jessie Duarte, umunyamabanga mukuru wungirije wa ANC, ati:' Ntabwo twatsinzwe, turi ishyaka ryatsinze'.

Akomeza ati' Yego imibare yacu yagabanutse ariko ibyo ntabwo bitugira abatsinzwe… ntabwo dusuzugura abatora, badushyize muri uyu mwanya kandi ntabwo tubangamiwe no kuba muri uyu mwanya'.

Ibiganiro ku gukora ingaga no kwifatanya gushya byitezweho guhindura isura ya politiki y'Afurika y'epfo. Aya matora ashobora kuba nk'isuzuma ry'ibishobora kwitegwa kuba mu matora rusange yo mu 2024, ashobora kuba aya mbere y'ingenzi cyane abayeho kuva harangira ubutegetsi bwa ba nyamucye b'abazungu mu 1994.

intyoza

Source : https://www.intyoza.com/afurika-yepfo-ishyaka-anc-riragana-ahatari-heza-muri-politiki-yigihugu/

Bruce Melodie muri Gicurasi umwaka wa 2020 nibwo yatangije gahunda yo gufasha abahanzi ahita anasinyisha abarimo Juno Kizigenza na Kenny Sol byemejwe ko yari ay'umwaka umwe, rwagati muri 2021 yageze ku musozo aba bahanzi basezererwa shishi itabona;

Hatangira kuvugwa byinshi birimo ko atari ukurangira gusa ahubwo hari n'ibindi bibazo bagiye bagirana, birimo kuba Bruce Melodie yaba atarashakaga ko bazamuka ngo bagere kure, biza guhuhurwa n'uko uwitwa Kenny Sol yahise ashyira indirimbo hanze yitwa 'Hustle'.

Muri iyi ndirimbo, uyu muhanzi yumvikana avugamo ibintu bitandukanye by'ubuzima bugoye benshi bemeje ko ari gusangiza isi ibihe bikomeye yagiriye mu gukorana n'Igitangaza, nk'aho yumvikana agira ati:'Ndimo ndashakira ubwamamare mu bantu bantega ibikwasi ngo mbyicarire.'

Benshi bagiye bemeza ko rwose hano yavugaga igitangaza, nyamara yaba Bruce Melodie na Kenny Sol ntibigeze bemeza ko haba hari ikibazo bagiranye. Mu Kiganiro Kenny Sol yagiranye n'INYARWANDA mu minsi micye ishize ubwo yiteguraga gushyira hanze indirimbo yitwa 'Say My Name', abajijwe kuri iyi ngingo yo gutandukana n'Igitangaza by'umwihariko na Bruce Melodie, yagize ati:'Nta kintu na kimwe bizahungabanya ku muziki wanjye ndetse si nabo batumye menyana n'abakora indirimbo z'amajwi, yaba n'iz'amashusho nzakomeza gukora nk'uko bisanzwe.'

Yongeraho ati:'Yego byari byiza kugira umuntu ushobora rimwe na rimwe gushora mu bikorwa byawe ariwe Bruce ariko nta kibazo kuba twaratandukanye.' Ku kijyanye no kuba yaba yaravuze Bruce mu ndirimbo 'Hustle' yabihungiye kure avuga ko indirimbo ntaho ihuriye no kuba yaratandukanye na Bruce.

Kugeza ubu mu Rwanda hategerejwe igitaramo cy'amateka gikomeje kwamamazwa imbere mu gihugu no hanze yacyo mu byamamare binyuranye birimo Harmonize, Eddy Kenzo, Ben Pol, Ykee Benda, Miss Ishimwe Naomie, Kate Bashabe n'abandi banyuranye bavuga ko ari intambwe ikomeye kandi ikwiye gushyigikirwa n'abafana bakitabira.

Abahanzi batari bacye bazashyigikira umuhanzi muri iki gitaramo kizabera muri Kigali Arena, barimo Riderman umuraperi ufatwa nk'umwami w'injyana ya Hip Hop ndetse Bruce Melodie ubwo yari mu kiganiro kuri Kiss FM kuri  uyu mugoroba yemeje ko atewe ishema no kuba Riderzo azamushyigikira muri iki gitaramo, kandi yarakuze amufana n'ubu kandi ahora abimubwira.

Harimo kandi Bull dogg, Niyo Bosco, Papa Cyangwe, Mike Kayihura, Christopher, Alyn Sano kimwe n'aba Dj barimo Marnaud n'itorero ryitwa Inganzo Ngari n'urutonde rukomeza kwaguka umunota ku wundi ku buryo kugera ku munota wa nyuma wo kuwa 06 Ugushyingo 2021, ubwo igitaramo kizaba kirimbanije hakiyongeraho abandi.

Gusa mu gihe Juno Kizigenza watangaje ko yamaze kugura itike yo kuzitabira kino gitaramo, anashishikariza abandi kukitabira mu mashusho mato  agira ati:'Mumeze mute ni Juno Kizigenza rutwitsi muzi nagira ngo mbamenyeshe ko Sogokuru wanjye Bruce Melodie Igitangaza afite igitaramo kuri uyu wa gatandatu muri Kigali Arena, muze tujye mbere tumufashe tuhuze.'

Yongera kuri aya mashusho ubutumwa bugira buti:'Imyaka 10 y'ubudashyikirwa, Imyaka 10 y'izitwika zikurikirwa n'izitwika #10yearsOfBruceMelodie nkurase amashimwe Bruce Melodie namaze kugura 'ticket' yanjye, namwe nizere ko ari uko.' Ubu butumwa bwose bugaragaza ko Juno adafite umwanya wo kuririmba muri iki gitaramo cyeretse bibaye bitunguranye.

Mu minsi ishize, ubwo Bruce Melodie yahabwaga igikombe cya Kiss Summer Awards cy'umuhanzi witwaye neza mu mpeshyi ya 2021, yavuze ko igikombe ahawe cyari gikwiye Juno ndetse yumva yakimuha. Ni ibintu abantu bakiriye nk'ibisanzwe byo kumvikanisha ko Juno yakoze, nyamara hari indi nguni ihari yo kuba yaba yaramujinyoraga byo kuvuga ko nta rutugu rukura ngo rusumbe ijosi, icyo Juno yakora cyose atamucaho.

Ibi byose ariko yaba ibyaririmbwe na Kenny Sol witezwe mu gitaramo gikomeye kizakubera kuri Canal Olympia avuga ko aricyo cya mbere gikomeye agiye kugaragaramo, aho azagusangira urubyiniro n'umunyabigwi mu muziki ukomoka muri Nigeria Adekunle Gold na Gabiro Guitar kimwe na Juno Kizigenza wita Bruce Melodie Sogokuru, iby'imibanire yabo myiza cyangwa mibi biraza kujya ku karubanda kuri uyu wa 06 Ugushyingo 2021.

Mu gihe Kenny Sol wanakoranye indirimbo na Bruce Melodie yishimiwe na benshi yitwa 'Ikinyafu' na Juno ukomeje kubica bigacika mu ndirimbo zinyuranye baba batagaragaye ku rubyiniro rw'igitaramo gihanzwe amaso n'Akerere k'ibiyaga bigari kose, amahirwe menshi araba ari uko aba bahanzi uko ari batatu baba bafitanye ibibazo bikomeye n'ubwo bose baryumyeho bakarenzaho.  

Bruce Melodie kugeza ubu ntaratumira abana yafashijeho mu muziki, ibintu bica amarenga y’agatotsi mu mubano wabo.

Juno aherutse gusa n'uvugirwaho Bruce Melodie n'ubwo bamwe basa n'ababifashe gusa no kumutakagiza nyamara ijambo rimwe riba rihishe

Kenny Sol akimara gutandukana na Bruce Melodie yahise ashyira hanze indirimbo benshi bavuze ko ikubiyemo ibikomere yakuye mu gitangaza

 

  

 

Source : https://inyarwanda.com/inkuru/111126/yabasezereye-shishi-itabona-ukuri-ku-bikwasi-bruce-melodie-yajombye-juno-kizigenza-na-kenn-111126.html

Amakuru agera kuri IGIHE dukesha iyi nkuru avuga ko Mutoni na Ambasaderi Jamal Mohamed Barrow basezeraniye imbere y'amategeko muri Ambasade y'u Rwanda muri Nigeria, umuhango wabaye mu mpera z'Ukwakira 2021.

Samirah Umutoni wari wararushinze n'umugabo w'Umunyarwanda ariko utuye muri Afurika y'Epfo, yaje kwimukira muri iki gihugu mu 2018, nyuma yo kutabasha kumvikana, baje gutandukana mu mpeshyi ya 2019.

Nyuma yo guhura na Ambasaderi Jamal Mohamed Barrow uhagarariye Somalia muri Nigeria, muri Werurwe 2021 basezeranye kubana akaramata imbere y'Imana mu muhango wabereye i Kigali.

Ambasaderi Jamal Mohamed Barrow wabengutse Umunyarwandakazi Mutoni, ubusanzwe afite imyaka 63, akaba umugabo wize itangazamakuru muri Somalia National University mu 1984.

Mu 2006 uyu mudipolomate yarangije muri Kaminuza ya Moi University yo muri Kenya, aho yize ibijyanye n'ubukungu n'imiyoborere.

Jamal Mohamed Barrow yahawe inshingano zo guhagararira igihugu cye muri Nigeria mu 2019.

Yabaye Umunya-Somalia wa mbere wemerewe guhagararira igihugu cye muri Nigeria kuva mu 1991.

Mbere y'uko yoherezwa muri Nigeria guhagararira Somalia, uyu mugabo yari yarigeze kuba Minisitiri w'Ububanyi n'Amahanga kuva mu Ukuboza 2012 kugeza mu Ugushyingo 2013.

Icyakora kuva mu 1995 kugeza mu 2020, Ambasaderi Jamal Barrow yagiye ahabwa inshingano zitandukanye.

Uyu mugabo wavukiye mu gace ka Golweyn bizwi ko yari asanganywe umugore n'abana batavuzwe umubare.

Source: IGIHE

Source : https://umuryango.rw/ubuzima-115/udushya/article/umunyarwandakazi-yashyingiranwe-na-ambasaderi-wa-somalia-muri-nigeria

Uwitwa UMUTESI NTEZIRYAYO yasabye guhindura amazina mu buryo bwemewe n'amategeko akitwa MBERA Viviane U mu bitabo by'irangamimerere.

Impamvu atanga zituma asaba guhindura amazina akaba ari uko ashaka guhuza amazina ari muri Passport ye.

Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

Source : https://umuryango.rw/amatangazo/article/itangazo-uwitwa-umutesi-nteziryayo-yasabye-guhindura-amazina-akitwa-mbera

Ikipe ya AL SADD yemeje ko Barcelona yishyuye icyamamare Xavi amafaranga angana na miliyoni 4.2 amwemerera kuyisohokamo

Uyu mugabo w'imyaka 41 aragaruka muri FC Barcelona kugira ngo asimbure uwari umutoza mukuru wayo Ronald Koeman, wirukanwe mu mpera z'Ukwakira.

Iyi kipe yo muri Qatar yanditse kuri Twitter igira iti: “Ubuyobozi bwemeye ko Xavi yimukira muri Barcelona nyuma yo kwishyura amafaranga yo kurekura yari mu masezerano.

“Twumvikanye amasezerano y'ubufatanye na Barcelona mu bihe biri imbere. Xavi n'umuntu w'ingenzi mu mateka ya Al-Sadd kandi tumwifurije gutsinda.”

Iyi kipe yo muri Qatar yahisemo kudahagarara mu nzira ya Xavi kubera 'ibihe bikomeye ikipe yakuriyemo irimo'.

Bongeyeho bati: “Mu minsi yashize Xavi yatumenyesheje icyifuzo cye cyo kujya muri Barcelona muri iki gihe cyihariye, kubera ibihe bikomeye ikipe yakuriyemo irimo, kandi ibi turabyumva duhitamo kudahagarara mu nzira ye.”

Uyu munya Espagne yakoze amateka mu gihe yamaze akina umupira w'amaguru aho yatwaye ibikombe 25 muri Barca, harimo bine bya Champions League ndetse na shampiyona umunani.

Yakoze kandi agahigo muri Barca ko kuyikinira imikino 767 kukuweho na Lionel Messi muri uyu mwaka mbere y'uko ajya muri PSG.

Xavi yatwaye kandi Shampiyona y'Uburayi hamwe na Espagne inshuro 2 yikurikiranya muri 2008 na 2012, anegukana igikombe cy'isi cyonyine Espagne ifite kugeza ubu muri 2010.

Mu kwezi gushize, Xavi yashyizeho amateka mashya y'umupira w'amaguru muri Qatari,ubwo yafashaga ikipe ye ya Al Sadd kumara imikino 34 idatsindwa muri shampiyona.

Yitezweho ko azabigeza kuri Barca yakundaga cyane,mu marushanwa yo mu gihugu ndetse no mu Burayi.

Barca ni iya 9 muri LaLiga, amanota icyenda inyuma y'ikipe ya mbere Real Sociedad.

Ifite intambara itoroshye yo kugera mu cmakipe 4 ya mbere muri Shampiyona ndetse no kuva mu matsinda ya UEFA Champions League cyane ko bari kurwana na Benfica mu itsinda E.

Xavi agiye kugaruka muri FC Barcelona nk'umutoza

Source : https://umuryango.rw/imyidagaduro/imikino/article/xavi-hernandez-agiye-gutoza-ikipe-ya-fc-barcelona-yakoreyemo-amateka-ayikinira

Indirimbo 'Amashu' iyoboye urutonde rwa InyaRwanda Music imaze ibyumweru bibiri isohotse, imaze kurebwa n'abarenga ibihumbi 300 kuri youtube ndetse yakunzwe n'abarenga ibihumbi 9 bakoresheje akamenyetso. Iyi ndirimbo iriho ibitekerezo birenga 900 byiganjemo cyane abakunze iyi ndirimbo mu buryo budasanzwe.

Iyi ndirimbo ikunzwe cyane imaze kugaragaza ubuhanga bw'uyu munyempano utangaje Chris Eazy umaze kwigarurira abakunzi b'umuziki nyarwanda, nyuma yo guhindura injyana akisanga muyo ajyanye nayo.

Urutonde rw'indirimbo 15 ni indirimbo zashyizwe ku mbuga nkoranyambaga zose za InyaRwanda.com, aho buri mukunzi w'umuziki nyarwanda yasabwaga guha ijwi rimwe indirimbo ari gukunda cyane ari nako byagenze mu majwi yose uhereye igihe twatangiraga kuyabara kuri Facebook na Instagram.

Aya majwi yari menshi cyane ariko bitewe n'uko hari abantu benshi bagiye batora indirimbo inshuro zirenze imwe, andi majwi yabaye imfabusa. Urugero ni nk’aho wasangaga umuntu umwe yatoye indirimbo enye wenyine, undi agatora indirimbo eshatu cyangwa akagenda asubiramo indirimbo yagiye atora.

Ibi byatumye dufata ijwi rya mbere mu yatowe kuri buri muntu, ayandi majwi yose akaba imfabusa, ari nako abantu bose batora indirimbo bashishikarizwa gutanga ijwi rimwe kuri buri ndirimbo zatoranyijwe, hagendewe ku bakunzi n'ubundi b'umuziki nyarwanda.

Izi ndirimbo 10 ziri mu ndirimbo 15 zari zatoranyijwe n'abakunzi b'umuziki nyarwanda, itsinda ry'abanyamakuru ba InyaRwanda.com n'abandi banyamakuru batandukanye bakurikiranira hafi umuziki nyarwanda, maze zishyirwa ku mbuga nkoranyambaga za InyaRwanda kuri Facebook na Instagram maze harebwa amajwi buri ndirimbo yagize.

  KANDA HANO UREBE INDIRIMBO AMASHU YA CHRIS EAZY

Source : https://inyarwanda.com/inkuru/111132/inyarwanda-music-indirimbo-amashu-ya-chris-eazy-iyoboye-urutonde-ikurikiwe-nizabarimo-medd-111132.html

Kuri uyu wa Kane tariki ya 04 Ugushyingo 2021, nibwo habaye umuhango wo gusezera bwa nyuma umubyeyi wa Mugiraneza Jean Baptiste Migi, Bandirimbako Pascasie, witabye Imana azize uburwayi burimo n'umutima yari amaranye igihe kirekire.

Ku wa Mbere tariki ya 01 Ugushyingo 2021, nibwo hasakaye inkuru mbi ko nyina wa Migi yitabye Imana aguye mu bitaro bya CHUK azize uburwayi yari amaranye igihe kirekire.

Bandirimbako Pascasie yajyanwe mu bitaro bya CHUK ku cyumweru avuye gusenga, ubwo yumvaga atameze neza mu mubiri, abaganga bagerageje kumwitaho ariko ntiyamaze amasaha menshi aza gushiramo umwuka.

Mu muhango wo guherekeza uyu mubyeyi watabarutse ku myaka 63 y'amavuko, hagaragayemo ibyamamare bitandukanye n'abandi basportif bari baje gufata mu mugongo Migi wakiniye ikipe y'igihugu Amavubi igihe kirekire ndetse n'amakipe atandukanye mu Rwanda, no kwihanganisha umuryango we uri mu bwigunge.

Uyu muhango wagaragayemo abakinnyi ba APR FC, bayobowe na kapiteni Manishimwe Djabel, Ombolenga Fitina, Nsabimana Aimable na Blaise Itangishaka, Nizigiyimana Kharim Mackenzie wa Rayon Sports, na Benedata Janvier wa AS Kigali.

Mu batoza bari bitabiriye uyu muhango, harimo Ruremesha Emmanuel wa Mukura na Rwaka Claude wa Kiyovu Sports.

Hari kandi abafana b'amakipe yakiniye, arimo APR FC, Kiyovu Sports, Aba-Rayon Sports nabo bari baje  ndetse n'aba Police FC bari bitabiriye.

Mu banyamakuru bari bagiye gusezera ku mubyeyi wa Migi, Harimo Bugingo Fidele ukorera Imvaho Nshya, Safari Garçon Jr wa Inyarwanda Ltd, Sadi Habimana wa IGIHE na Ariane Uwamahoro.

Mu butumwa yatanze nyuma yo guherekeza umubyeyi we uruhukiye mu irimbi ry'i Nyamirambo, Migi yavuze ko ashimiye buri wese witanze akaza kumufata mu mugongo mu byago yagize n'umuryango we by'umwihariko aba-Sportif.

Yagize ati'Mu by'ukuri ndashimira abantu bose baje kudufata mu mugongo, aba-Sportif bari benshi cyane, ariko by'umwihariko ngashimira mwe banyamakuru twabanye guhera mu gitondo gahunda itangiye kugeza aya masaha tuvuye gushyingura, mwatubaye hafi cyane, ndashimira kandi abasportif baje kudufata mu mugongo, ibi ni ibyago bya buri wese, uyu munsi ni Migi ejo n'undi, gufashanya ni wo muco w'abanyarwanda ndabashimira cyane.

'By'umwihariko ndashimira ubuyobozi bwa Kiyovu Sport bwaje kutuba hafi, ndashimira abafana ba APR FC bakomeje kunyereka urukundo, na n'uyu munsi aho ndi mba niyumva nk'umunyamuryango wa APR FC, ndashimira n'umutoza wa Mukura n'abandi batabashije kuhaboneka kubw'impamvu runaka, ariko ndabizi batuzirikanaga, ndashimira abatwoherereje ubutumwa mu buryo butandukanye, twishimye cyane, yego twabuze umubyeyi ariko namwe turabafite, abasportif barahari ndizera ko nta kibazo tuzagira'.

Migi kuri ubu akinira KMC yo muri Tanzania nyuma yo kuva muri APR FC yakiniye igihe kirekire, mu gihe murumuna we, Mbonyingabo Regis akinira Kiyovu Sport.

Kapiteni wa APR FC Manishimwe Djabel yari yagiye gufata mu mugongo Migi wabuze umubyeyi  

Nizigiyimana Karim Mackenzie ukinira Rayon Sports mu batabaye Migi

Ombolenga Fitina yari yitabiriye uyu muhango

Nsabimana Aimable wakinanye na Migi yari yagiye kumutabara

Benedata Janvier ukinira AS Kigali yari mu muhango wo gusezera umubyeyi wa Migi

Ruremesha Emmanuel utoza Mukura yari mu muhango wo guherekeza umubyeyi wa Migi

Abanyamakuru Sadi Habimana na Safari Garçon Jr bari bagiye gufata mu mugongo Migi

Perezida w’abafana ba Police FC, Vandame, yari yatabaye Migi

Minani Hemed wo muri Kiyovu Sport yari yagiye gufata mu mugongo Migi n’umuryango we

Abafana ba Kiyovu Sport bari bitabiriye uyu muhango

Rwarutabura ufana Rayon Sports yari mu batabaye Migi

Migi yashimiye byimazeyo buri wese witanze akaba hafi y’umuryango we muri ibi bihe bigoye barimo

Source : https://inyarwanda.com/inkuru/111134/djabel-fitina-na-mackenzie-mu-byamamare-byitabiriye-umuhango-wo-gusezera-bwa-nyuma-ku-muby-111134.html

Kanye West ntiyariye iminwa mu kiganiro yagiranye na Drink Champs. Muri iki kiganiro, Kanye West yavuze ku mubano afitanye na Big Sean. Umunyamakuru witwa Noerega yabajije Kanye mu ihurizo ryo guhitamo  hagati ya 'Pusha cyangwa Big Sean.' Ibi byatumye Kanye atihangana ahitamo gutangaz aukuri ku bijyanye na Big Sean.

Mu magambo ye, Kanye yagize ati 'Oh icyo kibazo ni cyia,  ka mbabwire. Namaze guhitamo ko ninitaba Imana, ku gituro cyange hazagumaho interuro ' Nkwiriye kuba ndi aha kubera ko nasinyishije Big Sean.'

Yakomeje agira ati, ' Hoya, ndimo kuvuga ko ikintu cyibi nakoze kugeza ubu mu buzima bwanjye ni ugusinyisha Big Sean.' Yongeyeho ko Big Sean ndetse na John Legend kuri we 'bashaje.'

Kanye West muri icyo kiganiro yahishuye impamvu nyakuri yatumye ashwana ni aba bombi aho yagize ati'Uyu Big Sean namuhinduriye ubuzima bwe ndetse n'ubwu muryango we muri rusange. Mu gihe niyamamazaga ku mwanya wo kuyobora iki gihugu, we na John Legend bakoreshejwe cyane n'aba Democrats biyibagije ibyo nabakoreye batera umugongo umugabo wabahinduriye ubuzima. Ibi ni ibintu kurinjye bitumvikana ndetse ninayo mpamvu nta numwe muri bo  nkivugana nawe.'

>>

Big Sean wahemukiye Kanye West yahise ajya kuri Twitter ashyiraho ubutumwa benshi bafashe nko gusubiza Kanye West aho yagize ati: 'Nasabwe kuzitabira ubutumire bwa Drink Champs; yagiranye ikiganiro na Kanye none ndatekereza aribyo biri gutuma Kanye avuga nk'uwasaze.'

Mu bundi butumwa Big Sean yavuze ko yatangajwe nayo magambo kuko yari ari kumwe na Kanye mu gihe cyashize.

Source : https://yegob.rw/90489-2/

Kuryama mu byumba bitandukanye ku bashakanye bishobora guterwa n'impamvu nyinshi zitandukanye, nko kuba batagifitanye umubano mwiza, kuba umwe agona kaba yabuza undi gusinzira cyangwa se yewe umwe akaba yararana n'abana kugirango abaryamishe neza, n'izindi mpamvu umuntu atakwirirwa arondora, ariko kandi abahanga mu bumenyamuntu bavuga ko bishobora no kuba ikimenyetso cy'urugo rugeze mu marembera rusenyuka.

N'ubwo bwose kuryama ahatandukanye ku bashakanye bishobora kugira icyo byakemura ku bibazo byaba hagati y'abashakanye, ariko impuguke mu by'imibanire n'ubuzima bwo mu mutwe bemeza ko ingaruka ziterwa n'icyo gikorwa cyo kutararana kw'abashakanye ari zo nyinshi kurusha umumaro wabyo.

Reka turebere hamwe zimwe mu ngaruka zo kuryama ukubiri ku bashakanye

• Byongera ibyago byo ghemukirana

Kimwe mu bintu bizakurikira gutandukanya uburyamo ku bashakanye ni ukwiyongera kw'ibyago byo gucana inyuma no guhemukirana, bitewe n'uko bazaba batagikemurirana ibibazo bishingiye ku mibonano y'abashakanye, bityo bitume buri umwe atangira gushakisha izindi nzira yakemuramo ibibazo bye, zirimo no kugirana iyo mibonano n'abandi bantu.

• Bigira ingaruka ku rubyaro

Umubano uri hagati y'abashakanye ugira uruhare runini ku burere bw'abana muri rusange, gutandukana mu buriri rero ku mpamvu iyo ari yo yose bizagira ingaruka ku bana.

• Bigabanya umubano w'abashakanye

Gutandukana mu buriri kw'abashakanye, bikuraho umubano ushingiye ku mibonano mpuzabitsina bityo n'umubano usanzwe ukagenda ukendera. Muri rusange kurara hamwe kw'abashakanye byongera umubano n'ubwuzu hagati yabo, ibyo bikabaha kugira ubuzima bwiza mu mubiri wabo ndetse no mu mitekerereze..

Niba wowe n'uwo mwashakanye mwaratandukanye mu buriri, ukaba ubona ko hari ibibazo bitangiye guteza, ni ngombwa ko wihutira gushaka inzira mwakemuramo ibyo bibazo.

Kumenya impamvu nyoyo yateye uko gutandukana

Ikibazo cya mbere mugomba kubanza kubonera igisubizo, ni ikibazo kibaza ngo: kuki mwatandukanye mu buriri?

Niba impamvu yatumye mutandukana ari irebana n'ibibazo byo kubona ibitotsi cyangwa se indi mpamvu itajyanye n'ibibazo by'imibanire, nimuyishakire umuti.

Impuguke mu by'imibanire n'ubuzima bwo mu mutwe bashobora kubagira inama ku bijyanye no kurota inzozi mbi zikubuza gusinzira neza, ibitotsi bitagira gahunda cyangwa se ikindi kibazo cyose kiri mu murongo w'ibyo.

Ariko niba impamvu yo gutandukana mu buriri ari ibibazo birebana n'imibanire ni byiza ko mugirana ibiganiro bigamije kwiyunga no gukemura icyo kibazo, mwabona ubwanyu nta musaruro mwageraho mukaba mwakwitabaza umujyanamo w'umuryango.

• Ganira n'uwo mwashakanye

Niba waratandukanye mu buriri n'uwo mwashakanye atari ku ushake bwawe cyangwa se wisubiyeho ku cyemezo cyawe, ni byiza ko uganiriza uwo mwashakanye ukamubwira ibyiyumviro byawe. Wibuke ko uburakari n'umujinya bidashobora kukugeza ku cyo wifuza, ugomba kugirana n'uwo mwashakanye ibiganiro mutuje.

• Uramenye gutandukana mu buriri ntibizahagarike akabariro

Mu gihe byabaye ngombwa ko abashakanye bataryama hamwe kubw'impamvu zikomeye, bagomba kugerageza uko bashoboye umubano wabo usanzwe n'umubano ushingiye ku kabariro ntibigire ikibazo, bakwiye kwita kuri iyi ngingo kurenza uko bayitagaho mbere kandi bakayishyiriraho gahunda ihoraho.

Musinga C.

 

 

 

 

The post Kuryama ukubiri kw'abashakanye bishobora kuba ikimenyetso cy'urugo rugeze mu marembera appeared first on IRIBA NEWS.

Source : https://iribanews.rw/2021/11/05/kuryama-ukubiri-kwabashakanye-bishobora-kuba-ikimenyetso-cyurugo-rugeze-mu-marembera/

Barcelona nyuma yo kumara igihe yitwara nabi kuri ubu yabonye umutoza mushya Xavi Hernández wabaye captain ukomeye muri Barcelona.

Nyuma yuko abayobozi ba Fc Barcelona bagiye muri Quatar gusaba ikipe ya Al Saad ko Xavi Hernández yagaruka mu rugo rwamureze akanahagirira ibihe byiza i Catalonia.

Ibiganiro byarangiye Al Saad yemereye Fc Barcelona ko igomba gutwara Xavi Hernández akaba umutoza wayo.

Xavi Hernández Yasabwe kwitwara neza muri shampiyona ya Espanye ndetse no muri champion league.

Source : https://yegob.rw/fc-barcelona-yabonye-umutoza-mushya-amafoto/