Category: Uncategorized

Ni mu muhango wo kwizihiza Umunsi Mpuzamahanga w’Umwanditsi Nyafurika urimo kwizihirizwa i Dakar muri Senegal guhera tariki ya 7 kugera tariki ya 11 Ugushyingo 2021.

U Rwanda rwatumiwe nk’Igihugu cy’Icyubahiro muri uyu Munsi Mpuzamahanga w’Umwanditsi Nyafurika urimo kubera muri Sénégal kubera uruhare rugaragaza mu gushyigikira ibikorwa by’inganda ndangamuco cyane cyane mu ruganda rw’ubwanditsi.

Umunyamabanga wa Leta muri Minisiteri y’Urubyiruko n’Umuco, Hon. Bamporiki Edouard witabiriye iyo gahunda yo kwizihiza Umunsi Mpuzamahanga w’Umwanditsi Nyafurika Hon. Bamporiki Edouard ahagarariye u Rwanda, yagize ati: “Leta y’u Rwanda irangajwe imbere na Nyakubahwa Perezida wa Repubulika Paul Kagame mu cyerekezo cy’impinduka, yafashe iya mbere mu guteza imbere inganda ndangamuco by’umwihariko uruganda rw’ubwanditsi kuko ari icyiciro cya ngombwa cyane. Ndashimira Guverinoma ya Sénégal yatumiye u Rwanda nk’Igihugu cy’Icyubahiro mu kwizihiza uyu munsi mukuru. Ubu butumire buragaragaza ubufatanye bw’ibihugu byombi bushingiye ku bucuti butajegajega n’ubufatanye bw’abaturage bacu.”

Umunsi Mpuzamahanga w’Umwanditsi Nyafurika watangiye kwizihizwa tariki ya 7 Ugushyingo 1992, biturutse ku bufatanye bw’Ishyirahamwe Nyafurika ry’Abanditsi (Panafrican Writers Association – PAWA), kuva icyo gihe abanditsi b’Abanyafurika bakomeje gukorera hamwe ngo ubwanditsi bwabo bugire ijambo mu ruhando mpuzamahanga.

Amakuru y’imirwano ikomeye yatangiriye mu misozi ya Runyoni na cyanzu hafi y’ibirunga bya Muhabura na Sabyinyo yamenyekanye mu gitondo tariki 8 Ugushyingo 2021, ndetse abaturage babarirwa mu bihumbi bambuka umupaka wa Bunagana bahungira muri Uganda.

Abaturage bashyize mu majwi ko ari abarwanyi ba M23 kuko ahatewe bigeze kuhagira ibirindiro bikomeye, abaturage bavuga ko abateye bavuye mu ishyamba ry’ibirunga bavuga ko nta bandi uretse aba barwanyi batsinzwe 2013, bagahungira muri Uganda n’ubundi banyuze muri pariki y’ibirunga abandi bakambuka umupaka wa Bunagana.

N’ubwo benshi bemeje ko ari M23, ubuyobozi bw’uwo mutwe bwabiteye utwatsi mu itangazo bwasohoye, bugira buti “Twakurikiye ibitangazamakuru bitandukanye bitangaza ko habayeho imirwano hagati y’ingabo za Leta ya Congo n’abarwanyi bavugwa kuba ari aba M23, tukaba tugira ngo tubamenyeshe ibi bikurikira”.

M23 ivuga ko imaze umwaka iri mu biganiro na Guverinoma ya Kinshasa intumwa zacu zibayo zigirana ibiganiro n’ubuyobozi bwa Félix Antoine Tshidekedi Tshilombo, ibiganiro byageze ku myanzuro dutegereje twihanganye n’ubwo Umuyobozi w’igihugu adashyira imbaraga mu guhuza abasore n’abakobwa ku nzira yerekeza ku mahoro mu burasirazuba bwa Congo.

Ntibyumvikana gutekereza ko umutwe wacu wajya mu mirwano n’ingabo za Congo FARDC mu gihe turi mu biganiro na Guverinoma.

M23 ntabwo yarwanye n’ingabo muri Rutshuru, birashoboka ko abarwanyi bacu bari muri teritwari ya Rutshuru kuva 2017 bategereje igisubizo cya Guverinoma ku mpamvu zimbitse zatumye habaho gushotorana bitewe n’abarwanyi ba FARDC muri 2020.

M23 ivuga ko itemera uwo ari we wese waza guteza umutekano mucye mu gace karimo abarwanyi bayo mu gushaka kuyishyiraho icyasha.

Ubuyobozi bwa M23 butera utwatsi ibyo gutera ingabo za Congo FARDC mu gihe imirwano yiriweho ndetse abaturage bakava mu byabo, hakaba hakomeje kwibazwa abateye ku birindiro bya FARDC.

Iyo Kanyanga igitahurwa abaturage n’inzego zishinzwe umutekano bahise bafatanya kuyimena

Iyi Kanyanga ngo yari itwawe n’abarembetsi 13, bari bazihishe mu bikapu n’imifuka bari baremekanyije imera nk’ibikapu, babihetse mu mugongo bagira ngo bajijishe ubwo bari bageze muri ako gace, bikanga inzego zari zamaze kumenya ayo makuru babikubita hasi bariruka nk’uko Umuyobozi wa Polisi y’u Rwanda mu Karere ka Musanze, SSP Jean Pierre Kanobayire, yabisobanuriye abaturage.

Yaboneyeho kubibutsa kongera ingamba zo gukumira abatunda ibiyobyabwenge, kuko ababinyuza muri ako Kagari ka Kabeza, babikwirakwiza hirya no hino, bakomeje kwiyongera.

Yagize ati “Baturage mwese, turongera kubibutsa ko mukwiye gukumira abakwirakwiza ibiyobyabwenge banyuze mu mayira ari muri aka Kagari kanyu. Ibiyobyabwenge bikomeje guteza ingaruka mu muryango nyarwanda, aho uwabinyoye bimwangiriza yaba mu mitekerereze, bikamushora mu myitwarire idahwitse, agatakaza ubumuntu. Kwicungira umutekano mukora amarondo y’amanywa na nijoro, mugenzura amayira yose, mugatungira agatoki inzego bireba, abagaragaye bagafatwa; nibwo buryo bwonyine bwo kubihashya burundu”.

Yongeye arababwira ati “Nta cyiza cy’ibiyobyabwenge uretse gushora mu bihombo ababinywa cyangwa ababifatanwa. Batakaza amafaranga n’imibanire hagati yabo n’abandi ikadindira. Ni yo mpamvu twongera gusaba abakibirimo, kwitandukanya na byo mu buryo ubwo ari bwo bwose, ahubwo bakayoboka indi mirimo ibyara inyungu, kuko ihari ku bwinshi”.

Litiro 300 za Kanyangwa zari zitwawe n’Abarembetsi bikanga inzego z’umutekano bazijugunya hasi bakizwa n’amaguru

Abaturage banenga bagenzi babo baburirwa kenshi, basobanurirwa ingaruka z’ibiyobyabwenge, nyamara bakabirengaho bakabyishoramo bazi neza ko bari mu makosa.

Uwitwa Munyamahoro ati “Ibiyobyabwenge byaransabitse, bimpungabanya mu mutwe ngera n’ubwo ntashoboraga guhahira urugo kuko nahoraga nasinze gusa. Amakimbirane ni yo yari n’ibiryo byacu bya buri munsi. Ariko aho mariye kubicikaho, ubu turatekanye mu rugo, tujya inama tugafatanya muri byose. Ni na yo mpamvu mumbona ahangaha, ndi kwifatanya n’abandi baturage kubimena, kugira ngo ngaragaze ko mbyamaganye nivuye inyuma”.

Umunyamabanga Nshingwabikorwa w’Akagari ka Kabeza, Munyaneza Eugène, ahamya ko hari amahirwe menshi igihugu cyashyizeho, abantu bakabaye babyaza umusaruro bakiteza imbere kuruta uko bakwishora mu biyabwenge.

Ngo bagiye kongera imbaraga mu bukangurambaga bwigisha abaturage gukora ibiri mu mucyo, mu rwego rw kwirinda ibihombo bagirira mu binyuranyije n’amategeko y’igihugu.

Yagize ati “Nk’aba bari batwaye iyi kanyanga nta kindi bacyuye uretse kuba bahombye amafaranga yose bashoye bajya kuyikura muri Uganda, n’igihe cyabo batakarije mu mayira babyikoreye. Iyo bafatwa bari gutabwa muri yombi bagakatirwa igifungo, ari bo ari n’imiryango yabo bagahomba. Tugiye kongera imbaraga mu gukangurira abaturage kujya bagira amakenga mu gihe babonye uwo batazi cyangwa uwikoreye ibintu badashira amakenga, bakajya bagenzura ibyo afite, kuko batabaye maso, izo nzira zishobora no kwifashishwa n’umwanzi waza guhungabanya umutekano wabo”.

Itegeko Nº 68/2018 ryo ku wa 30/08/2018, riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo, mu buryo bunyuranije n’amategeko, aba akoze icyaha.

SSP Kanobayire yakanguriye abaturage kujya batanga amakuru y’ababyishoramo kugira ngo bakumirwe

Iyo abihamijwe n’urukiko, ahanishwa igifungo kitari munsi y’imyaka irindwi, ariko kitarenze imyaka icumi n’ihazabu y’amafaranga y’u Rwanda atari munsi ya miliyoni eshanu ariko atageze kuri miliyoni icumi ku byerekeye ibiyobyabwenge byoroheje.