Category: Uncategorized

Uyu muryango wafashwe ku wa Kane tariki 25 Ugushyingo 2021 mu Mudugudu wa Gisenyi, Akagari ka Nyamugari mu Murenge wa Mugesera mu Karere ka Ngoma.

Abafashwe ni Uwimana Vedaste w’imyaka 25 n’umugore we Tuyishimire Jeannette w’imyaka 18, bafashwe bamaze kuyaguramo ibicuruzwa andi bayabikije kuri telefoni.

Umuvugizi wa Polisi mu Ntara y’Iburasirazuba, Chief Inspector of Police (CIP) Hamduni Twizeyimana yavuze ko bariya bantu bafashwe biturutse ku makuru yatanzwe n’uwo bari bamaze guha ariya mafaranga.

Yagize ati 'Kuwa Kane tariki ya 25 Ugushyingo Polisi yabonye amakuru avuga ko Uwimana hari umuntu yishyuye amafaranga y’u Rwanda ibihumbi 5 mu iduka amaze kugura isukari n’amavuta yo kwisiga. Ni mu gihe umugore wa Uwimana ariwe Tuyishimire yari mu kandi kagari kitwa Nyamugari muri Mugesera, na we yafashwe arimo kubeshya abakozi babiri b’ikigo cy’itumanaho ngo bamubikire amafaranga kuri telefoni. Umwe yamubikije ibihumbi 25 undi amubitsa ibihumbi 35 y’amanyarwanda, zari inoti z’ibihumbi 5, yagiye kubishyura abaha amiganano.'

Amakuru akimara gutangwa hahise hashakishwa bariyabantu bafatirwa mu rugo rwabo mu Mudugudu wa Gisenyi, Akagari ka Nyamugari. Bahise bemera icyaha bemera no kwishyura amafaranga bari bajyanye ariko banga kuvuga aho bakuye ayo mafaranga y’amiganano.

CIP Twizeyimana yashimiye abaturage bihutiye gutanga amakuru asaba n’abandi kuba maso bakajya bihutira gutanga amakuru igihe babonye abakwirakwiza amafaranga y’amiganano cyangwa bakora ibindi byaha.

Abafashwe bahise bashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Zaza kugira ngo bakurikiranwe mu mategeko.

Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo ya 269 ivuga ko Umuntu wese, ku bw’uburiganya wigana, uhindura amafaranga y’ibiceri cyangwa inoti akoreshwa mu Rwanda cyangwa mu mahanga, ibyakwitiranywa nayo, impapuro zifite agaciro k’amafaranga y’igihugu zashyizweho umukono n’inzego zibifitiye ububasha, ziriho tembure yayo cyangwa ikirango cyayo, cyangwa izindi mpapuro zikoreshwa mu Rwanda cyangwa mu mahanga, uzana cyangwa ukwiza mu Rwanda izo mpapuro n’izo noti azi ko ziganywe cyangwa ko zahinduwe, aba akoze icyaha. Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7).

Bikubiye mu itangazo ryasohowe na Minisiteri y’Ubuzima ku mugoroba wo kuri uyu wa Gatanu tariki 26 Ugushyingo 2021 rivuga ko 'Nyuma y’uko mu bihugu bya Afurika y’Amajyepfo hagaragaye ubwoko bushya bwa COVID-19 bufite ubukana, Minisiteri y’Ubuzima yasubijeho gahunda yo gushyira abantu bose binjiye mu Rwanda mu kato k’amasaha 24 muri hoteli zabugenewe guhera ku tariki ya 28.11.2021 saa sita z’amanywa.'

Iri tangazo kandi ryongeye kwibutsa abaturarwanda bose kubahiriza amabwiriza yose yashyizweho yo kwirinda ikwirakwira rya COVID-19.

Muri aya mabwiriza, Minisiteri y’Ubuzima yibukije abantu bose ko bagomba kwambara neza udupfukamunwa igihe cyoze, kwirinda kujya ahantu hateraniye abantu benshi, mu birori cyangwa mu imyidagaduro bitari ngombwa.

Minisiteri y’Ubuzima yanibukije abantu ko bagomba guhana intera nibura ya metero imwe hagati yabo no gukaraba intoki kenshi gashoboka.

Ni amabwiriza atari mashya kuko yashyizweho kuva icyorezo cya COVID-19 cyagera mu Rwanda gusa kongera kuyibutsa abantu, bifite icyo bisobanuye ko ubu agomba kongera gushyirwamo imbaraga ku buryo n’ibikorwa byo kugenzura iyubahirizwa ryayo zigiye kongera kongerwa nubwo zitigeze zicogora.

Kuri uyu wa Gatanu tariki 26 Ugushyingo 2021, ni bwo abakobwa binjiye mu cyiciro cy'amatora abera kuri Application yitwa Mobstar. Ndetse, ubuyobozi bwa Miss Rwanda buvuga ko igihe ari iki ngo Abanyarwanda bafashe uyu mukobwa kwegukana ikamba.

Bati 'Akeneye ijwi ryawe kugira ngo ryongere amahirwe ye yo kuzana ikamba rya Miss World mu rugo.'

Gutora Miss Ingabire bisaba kubanza kumanura [Download] Application yitwa Mobstar [Ni ubuntu] hanyuma ugatora u Rwanda [Miss Ingabire Grace]. 

Ikindi ni byiza ko ukunda cyangwa ukanda [Like] kuri buri kintu cyose uyu mukobwa yashyize ku mbuga nkoranyambaga ze.

Irushanwa rya Miss World 2021 rirarimbanyije, aho riri kubera muri Teritwari ya Puerto Rico. Abahagarariye ibihugu byabo bose barahageze. Inzozi za buri umwe ni ukwegukana ikamba risumba ayandi ku Isi nzima.

Mu minsi ibiri ishize, habaye umuhango wo gutombora amatsinda abakobwa bazahataniramo mu cyiciro cyizwi nka 'Head to Head Challenge'.

Aka ni kamwe mu duce dukomeye kaba kitezwe na benshi mu bakurikira irushanwa ndetse n’abaryitabiriye.

Aka gace gatanga amahirwe kuri buri mukobwa uhatana, akavuga igihugu cye, akanavuga ku mushinga we. Hiyongeraho ibibazo bishobora kuba bibiri bitangwa n’uyoboye umuhango bigasubizwa na buri mukobwa. Gutsinda kano gace bitanga amahirwe yo gukomeza mu byiciro bikurikira.

U Rwanda ruhagarariwe na Miss Ingabire Grace rwisanze mu itsinda rya 13 aho ruri kumwe na Ireland, Finland, u Bubiligi, Columbia n’ibirwa bya Curacao.

Mu gutegura umukobwa uzaserukira u Rwanda muri Miss World, abategura Miss Rwanda bamaze imyaka ibiri baratangije ibiganiro n’ibazwa rikorerwa mu matsinda ku baba bageze mu mwiherero.

Icyakora iyo bahitamo 10 bagera mu cyiciro cya nyuma muri iri rushanwa, ntabwo iri bazwa rigenderwaho.

U Rwanda ruri kwitabira Miss World ku nshuro ya 5, Miss Ingabire Grace aramutse atsinze muri kano gace yaba abaye Nyampinga wa mbere wahagarariye u Rwanda akazamuka ari uwa mbere mu itsinda rye, abamubanjirije ntibyigeze bishoboka. 

Kanda hano umanure [Download] ‘Application’ ya Mobstar

 

Miss Ingabire Grace yasabye gutorwa mu matora ashobora kumwongerera amahirwe yo kwegukana ikamba rya Miss World 2021

 

Gutora Miss Ingabire Grace bisaba kumanura [Download] Application ya Mobstar

 

Miss Ingabire ari mu itsinda rya 13 mu gace kazonga benshi mu bakobwa kazwi nka 'Head to head Challenge'

Uyu mukinnyi ukina mu kibuga hagati mu ikipe ya AS Kigali yahagaritswe igihe kitazwi tariki ya 16 Ugushyingo 2021, kubera imyitwarire mibi yagaragaje ubwo u Rwanda rwajyaga gukina muri Kenya.

Icyo gihe binyuze mu itangazo ryanyujijwe kuri Twitter, FERWAFA yagize iti “FERWAFA iramenyesha abanyarwanda bose ko Niyonzima Olivier ahagaritswe igihe kitazwi mu ikipe y'Igihugu kubera imyitwarire idahwitse. Tuboneyeho kumenyesha abo bireba bose ko FERWAFA itazihanganira uwo ari we wese uzagaragaza imyitwarire mibi mu Amavubi.”

Uyu musore na we akaba yamaze kwandikira perezida w'ishyirahamwe ry'umupira w'amaguru mu Rwanda, asaba imbabazi nk'uko ibaruwa yanditse ibigaragaza. Yagize ati 'Bwana muyobozi w'ishyirahamwe ry'umupira w'amaguru mu Rwanda, mbandikiye iyi baruwa ngira ngo nsabe imbabazi abanyarwanda bose muri rusange, abatoza, abakinnyi ndetse n'abayobozi bose twari kumwe ubwo twajyaga gukina umukino n'ikipe ya Kenya.'

'Mu by'ukuri bwana muyobozi, ubwo twari muri Kenya nagaragaje imyitwarire itari myiza ihabanye n'indangagaciro tugenderaho mu ikipe y'igihugu ndenga ku mabwiriza twari twahawe n'abari batuyoboye ndetse binamviramo guhabwa ibihano. Nsabye imbabazi abanyarwanda bose ndetse mbizeza ko imyitwarire yangaragayeho itazongera ukundi. Nkaba niteguye gukorera igihugu cyanjye nk'uko byari bisanzwe.'

Uyu mukinnyi yahanwe ubwo U Rwanda rwari rwagiye muri Kenya gukina n'iki gihugu umukino usoza itsinda E mu gushaka itike y'igikombe cy'Isi cya 2022 aho Kenya yatsinze Amavubi 2-1, igitego cy'u Rwanda cyatsinzwe n'uyu mukinnyi ari nayo ntandaro yo kujya kucyishimira muri club ntatahane n'abandi ubwo bagarukaga mu Rwanda.

Sefu mu mwambaro wa ekipe yahoze akinira ya APR

Nk’uko tubicyesha Ishami ry’Umuryango w’Abibumbye ryita ku buzima, WHO/OMS mu nyandiko ryashyize hanze kuri uyu wa Gatanu, ubwoko bushya bwa Koronavirus yihinduranyije bwahawe izina rya B.1.1.529 bwagaragaye bwa mbere muri Afrika y’Epfo tariki 24 Ugushyingo 2021. Umuntu wasanzwemo ubu bwoko bushya, bari bamufatiye ibizamini tariki 9/11/2021. 

WHO ivuga ko ubu bwoko bushya bukwirakwira cyane kurusha ubundi bwose bwa Covid-19. Yatangaje kandi ko mu byumweru bicye bishize muri iki gihugu haragaraye ukwiyongera k’ubwandu bwa Covid-19. Ubu bwandu bumaze kugera mu bihugu binyuranye birimo; Afrika y’Epfo, Botswana, Ububiligi, Israel n’u Bushinwa (Hong Kong).

Minisiteri y’Ubuzima mu Rwanda (MINISANTE) yatanze itangazo rivuga ko yasubijeho gahunda yo gushyira mu kato abinjira mu gihugu. Yagize iti “Nyuma y'uko mu bihugu bya Afurika y'Amajyepfo hagaragaye ubwoko bushya bwa COVID19 bufite ubukana, Minisiteri y'Ubuzima yasubijeho gahunda yo gushyira abantu bose binjiye mu Rwanda mu kato k'amasaha 24 muri hoteli zabugenewe guhera ku tariki ya 28/11/2021 saa sita z'amanywa”. Ni itangazo iyi Minisiteri yashyize hanze ku mugoroba w’uyu wa Gatanu tariki 26/11/2021.

Iri tangazo rije rikurikira ubutumwa bwa Dr Sabin Nsanzimana Umuyobozi Mukuru w’Ikigo cy’Igihugu gishinzwe Ubuzima (RBC) bugira buti “Ubwoko bushya bwa Koronavirus yihinduranyije cyane bwatangiye kugaragara mu Majyepfo ya Afrika buzwi nka B.1.1.529 , bushobora kuba bwandura cyane kurusha Delta”. Yibukije abanyarwanda uburyo bwo kwirinda Koronavirus avugamo kwikingiza, kwambara neza agapfukamunwa, kwipimisha,…

Si u Rwanda gusa rwahagurukiye kwirinda ikwirakwira ry’ubwandu bushya bwa Koronavirus bwakomotse muri Afrika y’Epfo, kuko n’ibihugu bigize Umuryango w’Ubumwe bw’Uburayi byashyizeho ingamba zikarishye bikumira ingendo zituruka muri Afrika y’Epfo n’ahandi muri Afrika havugwa ubu bwoko bushya. 

U Bwongereza bwakumiriye ibihugu 6 byo muri Afrika bubibuza kwinjira muri iki gihugu. Nk’uko bitangazwa na CNN, ibyo bihugu ni: Afrika y’Epfo, Namibia, Lesotho, Botswana, Eswatini na Zimbabwe. Abongereza batuye/babarizwa muri ibyo bihugu bashaka gutaha iwabo mu Bwongereza, guhera kuri uyu wa Gatanu bazajya bashyirwa mu kato k’iminsi 10.

Leta Zunze Ubumwe za Amerika nayo yakumiriye ingendo ziva muri Afrika y’Epfo no mu bindi bihugu 7 bya Afrika aribyo:  Botswana, Zimbabwe, Namibia, Lesotho, Eswatini, Mozambique na Malawi. Kuva kuwa Mbere tariki 28 Ugushyingo, abanyamerika batuye muri Afrika y’Epfo no muri ibyo bihugu bindi, bazemererwa gusubira iwabo muri Amerika mu kubarinda kwandura ubu bwoko bushya bwa Koronavirus buteye ubwoba.

Itangazo rya Minisiteri y’Ubuzima ryo kuri uyu wa Gatanu