Category: Uncategorized

Yafatiwe mu Karere ka Nyabihu, Umurenge wa Jomba, Akagari ka Nyamitanga, Umudugudu wa Rugera.

Umuvugizi wa Polisi mu Ntara y’Iburengerazuba, Chief Inspector of Police (CIP) Bonaventure Twizere Karekezi yavuze ko uwo mugore yafatiwe mu bikorwa bisanzwe bya Polisi byo kurwanya ibiyobyabwenge.

Yagize ati” Abapolisi bari mu kazi kabo ka buri munsi basaka imodoka zinyura mu muhanda Mukamira-Muhanga,imodoka yarimo yageze mu Mudugudu wa Rugera barayisaka. Abapolisi basatse umutwaro we basanga harimo udupfunyika tw’urumogi yaruhishe mu myenda yari mu gikapu cye.”

Uwafashwe yavuze ko yari ajyanye urwo rumogi ku mukiriya uba mu Karere ka Nyanza akaba yari arukuye ku mucuruzi w’urumogi wo mu Murenge wa Bugeshi. Gusa yanze kuvuga imyirondoro y’uyu mucuruzi, ariko ngo yari yamusezeranyije kumuhemba amafaranga y’u Rwanda ibihumbi 15 amaze kugeza ruriya rumogi ku mukiriya i Nyanza.

CIP Karekezi yongeye kuburira abantu bishora mu byaha cyane cyane mu bucuruzi bw’ibiyobyabwenge kuko birangira bafashwe bagafungwa imyaka myinshi muri gereza. Yakomeje akangurira abaturage gukomeza ubufatanye mu kurwanya ibyaha cyane cyane abakwirakwiza ibiyobyabwenge.

Uwafashwe n’urumogi yafatanwe byashyikirijwe Urwego rushinzwe ubugenzacyaha(RIB) rukorera muri sitasiyo ya Jomba kugira ngo hakomeze iperereza.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha. Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye.

Iki kibazo cyahawe umurongo kuri uyu wa Gatanu tariki ya 26 Ugushyingo 2021, nyuma y’aho rwiyemezamirimo, aba baturage ndetse n’ubuyobozi bw’Akarere bahuye bagacoca ikibazo.

Ni ikibazo kimaze amezi arenga atandatu aho abaturage bavuga ko bateranyije intebe zirenga ibihumbi 13 zagombaga gushyirwa mu bigo by’amashuri, bikarangira hari amafaranga yabo batishyuwe.

Bamwe mu baturage baganiriye na IGIHE, bavuze ko bagitangira gukora bishyurwaga neza ariko ngo bigeze mu minsi ya nyuma batangira kwishyurwa nabi.

Kunduwumutima Emerance yagize ati “ Njye bamfitiye ibihumbi 85 Frw nakoreye. Mu mezi ya nyuma twarishyuzaga bakatubwira ko rwiyemezamirimo ataraboneka, ubu rero ari kuganira n’ubuyobozi turindiriye ikivamo kuko hashize igihe.”

Bayavuge Marie Chantal we wishyuza ibihumbi 25 Frw kuko yatanze imisumari n’imiseno, yavuze ko bari bamaze igihe kinini bishyuza ariko barabuze igisubizo.

Ati “ Ubu rero batubwiye ko Akarere ariko kagiye kutwishyura kandi ni nabyo twasabaga mbere kuko Akarere niko katureberera, twasabaga ko twishyurwa hanyuma bakazayakata rwiyemezamirimo none birangiye babyumvikanye.”

Rwiyemezamirimo Ngamije Ambroise uyobora True energy Ltd, yavuze ko ikibazo cyari cyabayeho cyanatumye abaturage batinda kwishyurwa cyatewe n’umukozi wakoreshaga abo baturage watanze raporo y’amafaranga menshi arenze ayagombaga kwishyurwa biba ngombwa ko bitinda.

Ati “ Mbere bishyuzaga miliyoni 20 Frw ariko twaje gusubiramo dusanga ni miliyoni zirengaho gato 13 Frw, aho bikemukiye rero nasabye Akarere gufata amafaranga bamfitiye bagakuramo amafaranga yose y’abo baturage bagahita babishyura.”

Umunyamabanga Nshingwabikorwa w’Akarere ka Gatsibo, Nankunda Jolly, yavuze ko bagiranye ibiganiro na rwiyemezamirimo abaha uburenganzira bwo kwishyura abaturage ku mafaranga bari bamufitiye, yizeza abaturage ko nyuma y’icyumweru kimwe bari bube babishyuye.

Ati “ Rwiyemezamirimo tumufitiye amafaranga menshi arenga miliyoni 30 Frw, abaturage bo ni miliyoni 13 Frw kandi yaduhaye uburenganzira bwo kubishyura. Uwumvaga ko yarenganye rero ari burenganurwe kandi turumva ikibazo gihawe umurongo.”

Nankunda yijeje aba baturage ko bitarenze tariki ya 3 Ukuboza bazaba babonye amafaranga yabo yose.

Kunduwumutima Emerance yavuze ko yishimiye kwishyurwa nyuma y’amezi atandatu

Bayavuge Marie Chantal yavuze ko kuva na mbere basabaga akarere kubishyura bakazayakata rwiyemezamirimo

Bamwe mu baturage bishyuza rwiyemezamirimo bishimiye ko bagiye kwishyurwa

Umuntu umwe yishwe n’icyo cyorezo, abamaze kwitaba Imana bose hamwe mu Rwanda baba 1,342.

Ibirori byizihirijwe mu nyubako ya Kigali Convention Centre kuri uyu wa Gatandatu tariki 27 Ugushyingo 2021, bikaba byanitabiriwe n’umugore w’umukuru w’igihugu cya Namibia Madamu Monica Geingos.

Mu ijambo rye Madamu Jeannette Kagame yagarutse ku rugendo rw’umuryango Imbuto Foundation kuva mu mwaka wa 2001, ubwo uwo muryango watangiye witwa PACFA, aho wibandaga ku bikorwa byo kwita ku banduye virusi itera SIDA hamwe no kuyirwanya, byakozwe kugera mu mwaka wa 2007, aho uwo muryango waje guhindurirwa izina ukitwa Imbuto Foundation nyuma yo kwagura ibikorwa byawo.

Ni umuryango watangiranye icyerekezo gisobanutse aho intego nyamukuru yari ukugira ngo Abanyarwanda babeho mu buzima bwiza, ari na yo mpamvu usanga muri gahunda zabo zitandukanye harimo uburezi, ndetse no kubaka ubushobozi bw’umuryango nyarwanda muri rusange bahereye mu rubyiruko.

Madamu Jeannette Kagame avuga ko impamvu bahitamo gushyira imbaraga nyinshi mu rubyiruko ari ukubera ko gufasha urubyiruko ari ukubiba imbuto kuko iyo ubibye imbuto uba wizeye ko izakura ukabona umusaruro.

Ngo mu ntangiriro z’uyu muryango, Leta y’u Rwanda yawuhaye ubwisanzure bwatumye ubasha gukora amahitamo akwiriye atuma basubiza ibibazo umuryango nyarwanda wari ufite nk’uko Madamu Jeannette Kagame yabisobanuye.

Ati “Gahunda yafashije umuryango Imbuto uhereye ku ntangiriro yari izwi nka PACFA mu myaka 20 ishize, ntabwo yari ukwicyeza ahubwo yari inshingano, hafi igice cy’ikinyacumi cy’imyaka nyuma ya Jenoside yakorewe Abatutsi, ubutaka bw’igihugu cyanyu bwongeye kubona gakondo yabwo yo kurumbuka, Imbuto yagombaga kubibwa yari ikeneye gutunganywa neza, kugira ngo yere imbuto yagombaga gusarurwa, ariko kandi nta murongo wari uhari,..”.

Madamu wa Perezida wa Namibiya, yashimye uruhare rwa Imbuto Foundation mu guhindura imibereho y’abantu no gushyigikira urubyiruko mu bikorwa by’iterambere

Madamu Monica Geingos, Madamu wa Perezida w’Igihugu cya Namibia, yavuze ko ibikorwa Umuryango Imbuto Foundation umaze kugeraho mu myaka 20 ishize ari ibikorwa byivugira kandi ko bitari kugerwaho mu gihugu kirimo amacakubiri ahubwo ko ubumwe Abanyarwanda bafite ari bwo bwatumye Imbuto Foundation ibasha gukora kandi ibikorwa byawo bikagera ku musaruro ugaragara uyu munsi.

Ati “Tugomba gushaka ibituranga bishingiye ku ndangagaciro zo kubabarira, zitarangwa no kwicamo ibice, irondabwoko, ahubwo zishingiye ku rukundo, dushobora kugira ibyo tutumvikanaho, dushobora no kutumvikana hagati yacu, ariko amaherezo dufite kimwe tugomba gukora, icyo na cyo ni ukubaka si ugusenya, byoroshye gusenya kurusha gusana”.

Umuyobozi wa Imbuto Foundation Sandrine Umutoni, yashimiye Madamu Jeannette Kagame, ku cyizere yabagiriye no kubabaza inshingano z’ibyo bakora kuko bahawe urubuga n’amahirwe yo kuzana impinduka muri sosiyete barimo.

Umuyobozi wa Imbuto Foundation, Sandrine Umutoni

Uretse amavuriro abiri agendanwa ari mu modoka nini yashyikirijwe Minisiteri y’Ubuzima mbere y’uko ibirori nyirizina bitangira, kuri uyu munsi hizihizwa isabukuru y’imyaka 20 umuryango Imbuto Foundation umaze ushinzwe, hanahembwe indashyikirwa (Youth Connect Champions) umunani mu rubyiruko zahize abandi muri gahunda ya Youth Connect.

Ababaye indashyikirwa mu bikorwa by’urubyiruko by’iterambere bahawe ishimwe

Ange Kagame n’umugabo we Bertrand Ndengeyingoma na bo bitabiriye ibi birori

Bamwe mu banyamuryango ba MAFUBO mu Rwanda bahuye baganira ku byerekeranye no kurwanya ihohoterwa rikorerwa abagore n’abakobwa

Uyu muryango ukorera mu bihugu 48 byo hirya no hino ku isi ugizwe n’abagore bagize igitekerezo cyo kumva ko kwishyira hamwe byatuma bazamuka, bagafashanya, bakaganira cyane cyane bagamije kugendera hamwe no gufasha bagenzi babo bugarijwe n’ubukene.

Mu gihe kuri ubu ku isi hariho gahunda yUmuryango w’Abibumbye y’iminsi 16 yo kurwanya ihohoterwa rikorerwa abagore n’abakobwa, uyu muryango na wo ntiwasigaye inyuma muri ubwo bukangurambaga, cyane ko bihura n’inshingano zawo za buri munsi, nk’uko abayobozi bawo babigarutseho mu kiganiro baherutse kugirana n’itangazamakuru tariki tariki 25 Ugushyingo 2021, ubwo hatangizwaga ubwo bukangurambaga.

Dr. Hon. Monique Mujawamariya washinze uwo muryango akaba anawuyobora ku rwego mpuzamahanga, yagize ati “Nimuze duhaguruke nka ba Mafubo, dukore ibishoboka byose kugira ngo wa mugore utishoboye tumuzamurire ubushobozi, tuzaba tumuhaye ingabo yo kwibohora ihohoterwa riterwa n’uko akennye.”

Umuyobozi wa MAFUBO mu Rwanda, Ruth Tuyisenge, na we yagarutse kuri bumwe mu buryo bwatuma ihohoterwa rikorerwa abagore n’abakobwa ricika. Tuyisenge ashishikariza abagabo gukunda abagore babo kuko iyo umugabo akunze umugore we n’uwo mugabo na we bimugirira akamaro.

Ati “Nkunda kubwira abagabo ko iyo bakunze abagore babo na bo baba bikunze. Iyo umugore aguwe neza mu rugo, ibintu byose bigenda neza.”

Umuyobozi mukuru wa MAFUBO Dr. Hon. Monique Mujawamariya (iburyo) na Ruthn Tuyisenge uyobora MAFUBO mu Rwanda (ibumoso) basobanuye ko iterambere ry’umugore ari iterambere ry’umuryango wose

Tuyisenge uyobora MAFUBO mu Rwanda avuga ko kuzamurira abagore n’abakobwa ubushobozi atari ugushaka kubarutisha abagabo, ahubwo ko ari ukugira ngo bibafashe kugira ubuzima bwiza no kwirinda ihohoterwa n’ibishuko bahura na byo.

Avuga kandi ko icyo bibandaho atari ukubaha ubushobozi bw’amafaranga gusa kuko byonyine bitatuma bahinduka, ahubwo ko babafasha no guhindura imyumvire kuko ari bwo buryo bwiza bwo kuva mu buzima bubi bahozemo bakagira ahazaza habo heza.

Ati “Ni ngombwa kubatega amatwi ukabumva ibibazo bafite, ukamwereka ko ari mwiza kandi ko umwitayeho kuko abenshi baba baratereranywe, icyo gihe umenya neza uko ukemura ibibazo byabo ukabafasha no kubisohokamo.”

“Icya mbere twifuza ni ukugarura agaciro k’umwana w’umukobwa. Kuba umukobwa yarabyaye afite imyaka 12 cyangwa 15 ntibivuze ko ubuzima buhagaze. Abo bana b’abakobwa bashobora gusubira mu mashuri bakiga bakazavamo abantu bashobora gukora imirimo itandukanye. Iyo bahawe amahirwe, inzozi bari bafite nta kabuza bazigeraho.”

Izina MAFUBO rituruka ku ijambo ryitwa ‘Gufuba’ risobanura kwambika no gutegura umuntu witabye Imana kugira ngo ashyingurwe mu cyubahiro.

Dr. Monique Mujawamariya ni we washinze umuryango MAFUBO

Mu bihe byo hambere ngo hari umugore wabikoreye mugenzi we wari witabye Imana, ashyingurwa ku manywa kandi mu buryo bwiyubashye, mu gihe abandi bagore babashyinguraga nijoro kandi ngo nk’imbwa.

Uwakoreye uwitabye Imana ibyo bikorwa byo kumwitaho ngo ni we bitaga Mafubo, bikaba kuri ubu bikoreshwa mu rwego rwo gusobanura umugore ukunda undi ku buryo akora ibishoboka byose kugira ngo arinde mugenzi we gukorwa n’isoni.

Muri iki gihe aba ba Mafubo babivanye muri ubwo buryo bwo kwita ku witabye Imana, ahubwo babizana mu buzima busanzwe bwo kwita ku mugore cyangwa umukobwa ufite ikibazo runaka, bagenzi be bakamufasha kugisohokamo.

Umuyobozi wa MAFUBO ku rwego mpuzamahanga ati “Ubu MAFUBO afasha umuntu utishoboye akamurinda gukorwa n’isoni mu gihe yabyaye nk’umwana akabura ubushobozi bwo kumuvuza kubera ko adafite amafaranga. Ashobora kugutera inkunga y’amafaranga, cyangwa se akaguherekeza, akakugira n’inama mu buryo bw’ibitekerezo. MAFUBO ni wa wundi ubona ko uhora wambaye umwenda umwe kubera ko utishoboye akaguha umwambaro nawe ugaseruka mu bandi udafite ipfunwe,…”

Kuva Covid-19 yiswe Omicron yagaragara muri iki Cyumweru, Isi yahiye ubwoba, ibihugu bitangira gufunga ingendo, ibindi bikaza ingamba ku bantu babyinjiramo kugeza no ku Rwanda rwasubijeho akato k’amasaha 24 ku bantu bose binjira mu gihugu.

Mu mabwiriza mashya yaraye atangajwe na Minisiteri y’Ubuzima, harimo n’ingingo iburira abantu ko bakwiriye “kwirinda kujya ahantu hari abantu benshi no mu birori cyangwa imyidagaduro bitari ngombwa”.

Iyi ngingo ica amarenga ko mu gihe Omicron yagera mu Rwanda, ibitaramo byari byarakomorewe bishobora gufungwa, ahubwo icyakozwe ubu ari ugutegura abantu mu mutwe mbere.

Minisitiri w’Ubuzima, Dr Ngamije Daniel, yabwiye IGIHE ko amabwiriza yari asanzwe agenga abitabiriye ibitaramo, akwiriye kubahirizwa.

Ayo arimo kuba nibura umuntu yarikingije nibura agahabwa urukingo rumwe, yipimishije, kandi yagera no mu gitaramo agakomeza kwitwararika ahana intera na mugenzi we kandi yambaye n’agapfukamunwa.

Yakomeje avuga ko uko abantu bari bwitware muri ibi bihe, ari byo biza kugena umwanzuro ukwiriye ushobora gufatwa.

Ati “Biraterwa n’uko abantu babyitwaramo. Nibatubahiriza amabwiriza nibwo byaba ari ikibazo. Baje batikingije, batipimishije, batubahiriza n’andi mabwiriza asanzwe, byanaviramo guhagarika igitaramo nubwo cyaba kirimo.”

Dr Ngamije asobanura ko hakiri kare ku buryo abantu babuzwa guhura mu gihe bujuje ibisabwa bya ngombwa, gusa abategura ibitaramo avuga ko bishobora guhagarikwa barenze ku mabwiriza.

Ati “Cyane abantu bari guhura ntibubahirize amabwiriza n’igitaramo cyahagarikwa. Abateguye ibitaramo bagomba kugira na bo uruhare, bagafatanya n’inzego zitandukanye mu kubahiriza amabwiriza.”

Birashoboka ko ingamba zo kwirinda Covid-19 zakubahirizwa mu bitaramo?

Muri Nzeri nibwo ibitaramo byakomorewe nyuma y’igihe kinini bisubitswe kubera Covid-19. Icya mbere cyabimburiye ibindi gikomeye cyabaye mu mpera za Ukwakira kuri Canal Olympia ku i Rebero.

Nyuma habaye ibindi birimo icya Massamba Intore, icyitabiriwe na Adekunle Gold wo muri Nigeria, icya Bruce Melodie, icya Omah Lay na Rema bombi bo muri Nigeria n’ibindi.

Muri ibyo bitaramo byose, nta na kimwe muri byo wavuga ko amabwiriza yo kwirinda Covid-19 yubahirijwe uko bikwiriye na cyane ko abategura ibitaramo basobanura ko bigoye kugira ngo bigerweho.

Mushyoma Joseph uyobora East African Promoters wateguye igitaramo cyiswe Kigali Fiesta kikitabirwa na Omah Lay, yabwiye IGIHE ko mu gutegura ibitaramo, hari amabwiriza yibandwaho cyane n’andi agoye.

Ati “Bisa nk’ibigoye ariko ariya mabwiriza tuba tugomba kugerageza kuyubahiriza. Ugerageza kubwira abantu ko nibatitwara gutya na gutya igitaramo gishobora guhagarikwa. Ariko biragoye kubwira umuntu waje kubyina, kwizihirwa, biragoye.”

Mushyoma yasobanuye ko imbaraga nyinshi zishyirwa mu gusaba abantu kuba barikingije, kuba baripimishije ariko kubwira umuntu ngo niyambare agapfukamunwa, byo ni ihurizo.

Ati “Biragoye cyane ko umuntu yamaze kwipimisha, yarikingije ari mu gitaramo wamubwira ngo yambare agapfukamunwa. [Abayobozi] Batubwiraga ko ingufu zigomba gushyirwa mu kuba yarakingiwe, yapimwe. Naho izindi ngamba ntabwo zubahirizwa.”

Dr Ngamije yavuze mu bitaramo byabaye mu minsi ishize, hari bike byubahirije amabwiriza. Ati “Hari aho yubahirijwe, nka Massamba yanyuzagamo akabibutsa kubahiriza amabwiriza ariko hari n’ahandi batayubahirije.”

Kuva Omicron yagaragara, ibihugu byinshi by’i Burayi byafashe ingamba zikomeye, bihagarika ingendo bizihuza n’ibihugu yagaragayemo.

Ku wa Gatanu, Omicron yari imaze kugaragara muri Afurika y’Epfo, Botswana, Hong Kong n’u Bubiligi. Mbere ya Saa Sita zo kuri uyu wa Gatandatu, yagaragaye mu Bwongereza kuko yasanzwe mu barwayi babiri.

Mu bihugu nk’u Buholandi, u Budage, Tchèque naho hari abarwayi bikekwa ko bayanduye. Muri Leta Zunze Ubumwe za Amerika naho bikekwa ko yagezeyo nubwo nta murwayi iragaragaraho.

Bivugwa ko yandura cyane kurusha ubundi bwoko bwabayeho bwa Covid-19, gusa ntibiramenyekana niba inica cyane.

Nta nubwo bizwi niba inkingo za Covid-19 zihari hamwe n’indi miti bishobora kuyirinda gusa icyizere ni uko uwakingiwe ashobora kugira amahirwe menshi yo guhangana nayo.

Mu bitaramo, byamaze kugaragara ko guhana intera no kwambara udupfukamunwa bidashoboka

Umukuru w’Igihugu yifurije Imbuto Foundation isabukuru binyuze mu butumwa yatambukije kuri Twitter ye. Ibirori byo kuyizihiza byabereye muri Kigali Convention Centre.

Congratulations :#ImbutoTurns20

— Paul Kagame (@PaulKagame) November 27, 2021

Imbuto Foundation ni Umuryango washinzwe na Madamu Jeannette Kagame mu 2001. Kuva icyo gihe, umaze guhindura ubuzima bw’abaturarwanda mu ngeri nyinshi.

Nko mu rwego rw’uburezi, abana 60.106 batarengeje imyaka itandatu, bafashijwe guhabwa uburezi buboneye binyuze mu Ngo Mbonezamikurire z’abana bato ziri hirya no hino mu gihugu.

Ni mu gihe ababyeyi 25.357 bungukiye mu kuba izo ngo zarashyizweho bahabwa imirimo yo kwita kuri abo bana.

Imbuto Foundation yagize kandi uruhare mu kubaka amashuri mu bice bitandukanye by’igihugu, nk’aho hari atatu yubatswe mu turere twa Gasabo, Gicumbi na Nyarugenge.

Ku rundi ruhande, abana b’abakobwa 5.113 bahawe ibihembo ku bwo gutsinda neza mu mashuri guhera mu 2005. Abafashijwe kubona amafaranga y’ishuri mu mashuri yisumbuye guhera mu 2002 ni 10.241.

Mu rwego rw’ubuzima, abana b’abakobwa 3.422 babyaye inda zitateganyijwe, bahawe ubufasha mu bijyanye n’imitekerereze kugira ngo barindwe ihungabana, naho abantu 604.992 bagerwaho n’amahugurwa ajyanye no kuboneza urubyaro.

Urubyiruko 299.834 rwafashijwe kugera kuri serivisi zo kuboneza urubyaro, kwipimisha Virusi itera Sida n’ibindi.

Ni mu gihe Abajyanama b’Ubuzima 35.667 bafashijwe kubona ibikoresho by’ibanze byatuma bakora akazi kabo neza n’ibindi.

Mu bijyanye no kongerera ubushobozi urubyiruko, Imbuto Foundation yafashije ururenga ibihumbi 28 binyuze mu biganiro n’amahuriro y’urubyiruko 39 yigaga ku miyoborere, gukunda igihugu, amahitamo aboneye y’icyo umuntu yakora, uburere mboneragihugu, ubukorerabushake n’ibindi.

Ni mu gihe kandi miliyoni 290 Frw yahawe urubyiruko mu guteza imbere imishinga yabo binyuze mu kigega cyo kuzahura inganda ndangamuco.

Koperative 37 zafashijwe kugeza umusaruro wazo ku masoko naho urubyiruko rw’abagore n’abagabo 48 bakoze ibikorwa by’indashyikirwa bahembwe binyuze muri gahunda ya CYRWA.

Mu 2001, Madamu Jeannette Kagame yashinze Umuryango PACFA (Protection and Care of Families against HIV/AIDS), wari ugamije by’umwihariko kurwanya icyorezo cya SIDA no kugarurira icyizere ababana n’ubwandu bwa Virusi itera SIDA.

Uko imyaka yagiye ishira PACFA yashyizeho gahunda nshya irushaho kwaguka. Mu 2007, yahinduye izina yitwa Imbuto Foundation kugira ngo herekanwe uko yagiye itera imbere mu bikorwa n’inzego zitandukanye z’ubuzima, uburezi, kongerera ubumenyi urubyiruko no kwihaza mu bukungu ku miryango itishoboye.

Madamu Jeannette Kagame ku wa 5 Ukuboza 2018, yari agaragiwe n’abana bo mu bice bitandukanye by’igihugu bafashwa n’Umuryango Imbuto Foundation, ubwo hasozwaga umwiherero wabereye mu Karere ka Nyanza