Category: Uncategorized

Mu kiganiro cyihariye yahaye inyaRwanda.com, Sadate yavuze ko mu mwaka utaha wa 2022 azashinga ikipe y'abakiri bato izajya igaburira amakipe atandukanye mu Rwanda mu rwego rwo gukemura ikibazo cy'abakinnyi bize umupira w'amaguru guhera mu bwana bwabo kigaragara mu Rwanda.

Sadate avuga ko iyi kipe azashinga yizeye ko izatanga umusaruro n'umusanzu muri ruhago nyarwanda ariko by'umwihariko kuri Rayon Sports yihebeye.

Sadate wayoboye Rayon Sports umwaka umwe kuva mu 2019-2020, avuga ko uyu mushinga amaze igihe awutekereza, yiyemeza gushyira itafari mu kubaka ruhago nyarwanda ishingiye mu kuzamura impano z'abakiri bato no kubaremera ubushobozi mu kibuga.

Uyu mugabo ukunda gutnga ibitekerezo ku mupira w'amaguru mu Rwanda, yatunze agatoki Minisiteri ya Siporo 'MINISPORTS' n'Ishyirahamwe ry'umupira w'amaguru mu Rwanda 'FERWAFA' kugira uruhare mu kuba umupira w'amaguru mu Rwanda uri aho uri aka kanya.

KANDA HANO UKURIKIRE IKIGANIRO NA SADATE MUNYAKAZI

Bigoranye ikipe ya Police FC icyuye amanota 3 itsinze ikipe ya Musanze FC ibitego 2-1, ni nyuma y’uko umusifuzi wo ku ruhande Simba Honore yari yanze igitego cy’iyi kipe cyo ku munota wa nyuma.

Hari mu mukino w’umunsi wa 8 wa shampiyona y’icyiciro cya mbere mu Rwanda umwaka w’imikino 2021-22, Musanze FC yari yakiriye Police FC kuri Stade Ubworoherane.

Ni umukino amakipe yombi yari yakaniye adashaka gutakaza, Police FC nyuma yo kunganya na Gicumbi i Kigali yumvaga ititeguye kongera kubura amanota 3, Musanze FC yari yakuye inota i Kigali kuri AS Kigali nayo yashakaga amanota 3 imbere y’abafana bayo.

Igice cya mbere cy’umukino nta kipe yabashije kureba mu izamu ry’indi, igitego cya mbere cyagiyemo ku munota 51, Police FC niyo yafunguye amazamu na rutahizamu Danny Usengimana n’umutwe ku mupira wari uvuye muri koruneri itewe na Sibomana Patrick Papy.

Musanze FC yakomeje gushaka uko yishyura iki gitego ndetse iza kubigeraho ku munota wa 83, Usengimana Faustin yakoreye ikosa rutahizamu wa Musanze FC, Jean Luc maze umusifuzi atanga kufura, yatewe na Dusabe Jean Claude [Nyakagezi] umupira wagaruwe n’urukuta rwa Police FC maze uyu musore asubizamu ishoti rikomeye maze Zidane ategaho ikirenge umupira uyoboka mu rushundura biba 1-1.

Police FC yahise ishaka uko itsinda igitego cy’intsinzi ndetse umutoza azanamo rutahizamu Dominique Antoine havamo Danny Usengimana, bashyize igitutu kuri Musanze FC, ku munota wa 90 Nduwayo Valeur yaje gucomekera umupira mwiza Muahdjiri Hakizimana na we wahise ashyira mu izamu ariko umusifuzi wo ku ruhunde, Simba Honore avuga ko uyu musore yari yaraye mu izamu (offside) igitego aracyanga.

Gusa nubwo iki gitego cyanzwe, iyo usibuye mu mashusho usanga Muhadjiri bamuhaye umupira imbere ye hari abakinnyi ba Musanze FC ku buryo yaba yabeshyewe.

Police FC yaje kubona igitego cy’intsinzi mu minota y’inyongera aho Muhadjiri yakorewe ikosa maze kufura iterwa na Papy, Nyakagezi ahita yitsinda igitego. Umukino warangiye warangiye ari 2-1.

Yaba Police FC ndetse na Musanze FC basohotse bitotombera uyu musifuzi Simba Honore kubera igitego cya Police Fc yanze kandi kigaragara, abantu bari hafi ya perezida wa Musanze, Tuyishimire Plaicide [Trump] bavuga ko yanagiriye inama Police FC kurega uyu musifuzi muri FEWRAFA agahanwa kuko adahanwe ntibyaba bikwiye ikindi ngo n’abantu bashobora gukeka ko hari ukuntu Musanze FC yamuvugishije.

Imisifurire ya Simba Honore yijujutiwe nyuma y’uko n’undi musifuzi mugenzi we wo ku ruhande witwa Mazembe wasifuye umukino w’ikirarane wa Mukura VS na Marines yanze igitego cya Mukura kandi n’aho bigaragara ko nta kosa ryari ryabaye.

Imisifurire muri shampiyona y’u Rwanda umwaka w’imikino 2021-22 bimaze kugaragara ko ari ikibazo gikomeye, aba bakomeje gukora aya makosa nyuma y’uko hari abasifuzi 5 n’abakomisieri b’imikino 2 baherutse guhagarikwa na FERWAFA kubera amakosa bakoze mu mikino.

Police FC yegukanye amanota 3 bigoranye

Umupira wavuye ku kirenge cya Valeur, Muhadjiri ahagazi hariya, imbere ye hari abakinnyi babiri

Ntwabo abakinnyi ba Police FC bumvaga uburyo Honore yanze iki gitego

Harabura amasaha make kugira ngo Simba ya Meddie Kagere icakirane na Young Africans mu mukino w’abakeba uzwi nka 'Kariakoo Derby’, umutoza wa Madui FC, Mohamed Rishard 'Adolf’ yavuze ko ari mwanya mwiza wa Kagere wo kwisubiza icyubahiro.

Uyu rutahizamu uri ku mwaka we wa 4 muri Simba, imyaka 2 yabanje yabaye rutahizamu watsinze ibitego byinshi muri iyi shampiyona, umwaka wa 3 ntiwamuhiriye kuko yagiye ubura umwanya wo gukina kimwe n’intangiro z’umwaka wa 4.

Nyuma y’uko iyi kipe izanye umutoza Pablo Franco Martin ukomoka muri Espagne yongeye kugirira icyizere uyu rutahizamu w’umunyarwanda, mu mikino 7 ya shampiyona amaze gutsinda ibitego 4

Ikinyamakuru Mwanaspoti kiganira n’abasesenguzi b’umupira w’amaguru muri Tanzania, nk’umutoza wa Madui FC, Mohamed Rishard 'Adolf’ yavuze ko ku ruhande rwa Simba SC abona abakinnyi 2, Hassan Dilunga na Meddie Kagere ejo bazagora Yanga.

Kuri Kagere yagize ati 'sinshaka kuvuga ngo yasubiye inyuma, twibuke ko uwo tuvuga yabaye rutahizamu watsinze ibitego byinshi muri shampiyona inshuro 2 yikurikiranya, shampiyona iracyakomeje afite ibitego 4, birashoboka ko ashobora gukora ibishoboka byose akisubiza ikuzo.'

Uwahoze ari umutoza wungirije wa Kagera Sugar na KMC, Jackson Mayanga na we yemeje ko Dilunga na Kagere bashobora kuzagora Yanga. Dilunga ngo ni umukinnyi utuje kandi wubahiriza amabwiriza y’umutoza, ni mu gihe Kagere ari indwayi kugeza ku munota aviriye mu kibuga.

Idd Moshi wahoze akinira Yanga, yabwiye iki kinyamakuru ko n’ubwo Simba SC ifite abo bakinnyi 2 ariko no muri Yanga rutahizamu Fiston Mayele na Jesus Moloko ari abakinnyi bo kwitega kuri uyu mukino.

Aya makipe agiye guhura mu mukino w’umunsi wa 8 wa shampiyona y’icyiciro cya mbere muri Tanzania umwaka w’imikino wa 2021-22, Yanga niyo ya mbere n’amanota 19 ni mu gihe Simba ari iya 2 n’amanota 17.

Hasan Dilunga na Kagere ku munsi w’ejo nibo bakinnyi ba Simba SC bitezwe ku mukino wa Yanga

Bafite ubufatanye, bafite umwihariko wabo wo kwambara, baratandukanye ndetse n’ibyo baririmba biratandukanye cyane kuko igihe cyose baziye ntibatinya kotsa igitutu bakuru babo basanze mu muziki ku buryo nabo n’ubwo bitizewe neza ushobora gusanga bahinda umushyitsi.

Aba bahanzi bazanye umwihariko kuko kera ni gake wasangaga abahanzi nyarwanda bari kumwe basangira ndetse bagahuriza hamwe bitarimo intonganya za hato na hato izo bita ‘Beef’.

Ni kenshi ubufatanye mu bahanzi buba bukwiye kugerwaho no kwiharira imyidagaduro kuruta ibindi byose cyane cyane urebeye no mu mboni y’indi miziki yo hanze n’ubwo ntahataba ururunturuntu.

Aba bahanzi b’ikiragano gishya mushobora guhura ariko bitewe n’uko bambaye ugahita ubibwira kuko baratandukanye cyane.

Bazanye uburyo bwabo bwo kwambara no gutuma imbuga nkoranyambaga zibahozaho ijisho kuko bafite inyota yo kuvugwa, guhora mu itangazamakuru ndetse ntibatinya kuririra kuri bakuru babo kugira ngo umuziki bakoze bawucuruze.

Ish Kevin ni umwe mu bahanzi bakomeye

Mu minsi ishize umuhanzi Juno Kizigenza yerekejweho amaso cyane bitewe n’uburyo ababibonye bavuze ko yahangaye Meddy ariko we akaza kuvuga ko ari umuhanzi mukuru yemera kandi afatiraho urugero.

Icyo gihe yavuze ko nta mwami uba Ishyanga, bihuzwa na Meddy kuko yari asohoye indirimbo ‘My Vow’ ikunzwe cyane ndetse yakiriwe neza ku isoko maze abantu batandukanye bagatangira kumwita Umwami mu muziki w’u Rwanda.

Juno Kizigenza yongeye kwiharira imbuga nkoranyambaga ubwo yatangiraga gukururana na Ariel Wayz ntatinye no kumusomera mu ruhame, akabyuka yihariye impapuro za mbere z’ibinyamakuru bitandukanye hano mu Rwanda.

Juno Kizigenza kandi yakoresheje umukobwa wasaga n’uwambaye ubusa, maze abantu batandukanye bacika ururondogoro kuko ibyo byari bishya mu maso y’abanyarwanda ariko nanone ari byiza mu myidagaduro.

Ariel Wayz undi muhanzikazi mwiza uri gukoresha impano afite akayihuza no kwamamaza ibikorwa bye no kubigeza kure ndetse ibi bigakorwa mu bushobozi butari bwinshi kuko nta muhanzi uravuga ko afite abajyanama bahoraho.

Uyu muhanzikazi aherutse gushyira hanze amafoto yambaye ubusa, gusa ku myanya y’ibanga ye yagiye ahashyira utuntu dutoya tuhapfuka. Ayo mafoto yatumye avugwa cyane mu itangazamakuru. 

Iyi nteguza igezweho cyane muri iyi minsi

Muri icyo gih yari kuvugwa cyane, nawe yagerageje kuzamura EP ibura amasaha macye yenda gusohora. Iyo EP yise Love and Lust ni imwe mu ziri kuvugisha abantu benshi. Siwe Gusa kuko hari undi muhanzi witwa Seyn uherutse gushyira hanze integuza y’indirimbo ye ‘Ijana’, akaba agaragara yambaye ubusa buri buri ku bugabo bwe yahatwikirijeho akanyoni.

Ntawakwibagirwa umurindi wa Bushali, Ish Kevin , Alyn Sano, Niyo Bosco n’abandi benshi b’ikiragano gishya bafite inyota yo gukora umuziki mwiza ugendanye n’udushya.

Kera nta muhanzi wakoreshaga imbuga nkoranyamabaga zicururizwaho umuziki keraka Youtube ndetse hari n’abatarazigiraga batazi kuzikoresha kugeza magingo aya cyangwa bakabashyiriraho ibihangano. Ariko ubu abahanzi bose bahagurukiye gukiresha izi mbuga.

Iyi ndirimbo ya Juno Kizigenza yavugishije abantu

Umuhanzi ubwe asigaye ajya gusohora indirimbo yabanje kuzisohorera ku mbuga zicuruza umuziki bitewe n’uburyo isoko barijemo baryiteguye ndetse biteguye guhangana. Reka dufatire urugero rworoshye ku bitaramo biri kuba bikuzuza abantu, higanjemo cyane ab’ikiragano gishya kuko barihariye cyane mu gukundwa no gutuma abantu baza kubareba kuko hari ibyo bahinduye.

Umuhanzi Seyn ni uku aherutse guteguza indirimbo ye nshya ‘Ijana’

Kubera iterambere ry’ikoranabuhanga abantu benshi bamaze kuriyoboka aho usanga baryifashisha mu bintu binyuranye bakenera bya buri munsi birimo no guhaha. Mu gihe abantu batakibona umwanya uhagije wo kujya mu masoko guhaha ibyo bakeneye aho basigaye bakoresha murandasi bagahaha ibyo bashaka, niyo mpamvu Kanis Retail Rwanda Ltd ikora ubucuruzi kuri murandasi yorohereje abanyarwanda mu kugezwaho ibicuruzwa mu gihe gito.

Kanis Retail Rwanda Ltd, kompanyi nshya ikorera ubucuruzi kuri murandasi icuruza ibintu byinshi binyuranye birimo ibikoresho bya Electronic, imyenda y’abana, imyenda y’abantu bakuze yaba abagabo n’abagore, ibikoresho byo mu nzu, ibikoresho byo mu biro, ibikoresho bya siporo n’ibindi byinshi binyuranye. Kanis Retail Rwanda Ltd ikaba ifite intego yo kugeza ibicuruzwa byabo mu gihe gito ku bantu babiguze binyuze kuri murandasi.

Mu gihe usanga akenshi kubona ibyo waguze kuri murandasi bifata igihe cyangwa bitinda kukugeraho, ibi ni byo Kanis Retail Rwanda Ltd yakemuye kuko igeza ibintu ku babiguze ikabibagezaho mu mwanya muto kandi bikabagereraho igihe nk’uko Patel Kalpesh wayishinze yabitangaje ko intego yabo ari ukwihutisha guha ibicuruzwa ababagana kuri murandasi.

Patel Kalpesh yagize ati: ”Nakoze Kanis Retail Rwanda Ltd ngira ngo tubere igisubizo ku bantu batabasha kugezwaho ibintu mu ngo zabo nk’uko bikwiye, nayikoze ngira ngo bazabashe kubona ibicuruzwa byiza biramba kandi bibagereho mu gihe gito”.

Kugeza ubu Kanis Retail Rwanda Ltd ifite ibicuruzwa bigera kuri 5400 ku rubuga rwabo ari rwo www.kanis.rw aho umuntu wese arusura akabasha guhaha ndetse ku bijyanye no kwishyura Kanis yorohereje abantu kuko bashobora kwishyura bakoresheje MTN Mobile Money. Ku bifuza ibicuruzwa by’ibiribwa nabo bashobora kubigura kuri www.kanisfood.com.

Uretse kuba inacuruza kandi Kanis Retail Rwanda Ltd yorohereje n’abacuruzi bifuza kuba bacuruzaho ibintu byabo aho bashobora gusaba ubufatanye babinyujije kuri www.kanis,rw maze bakabasha kuba nabo bacuruza bakanageza ibintu ku bakiriya babo mu gihe gito. Kugeza ubu Kanis Reatail Rwanda Ltd ibasha kuba yageza ibicuruzwa ahantu hose mu mujyi wa Kigali.

Bimwe mu byo wagurira kuri Kanis.rw

Mika Standing Cooker iragura 632,500 Frw yonyine

Blueflame cooker iragura 190,000 Frw

Ku mafaranga ibihumbi 242 Frw wabasha kugura iyi Mika Water Dispenser ikonjesha ikanashyuhisha amazi

Ibikoresho by’ikoranabuhanga bigezweho wabisanga kuri Kanis.rw

Ipaki y’udupfukamunwa tugera kuri 50 iragura 6,500 Frw

Imishani ifura iragura ibihumbi 440 Frw yonyine

Refrigerator nziza iragura 374,000 Frw

Ku mafaranga yawe ibihumbi 130 Frw wagura iyi ndangururamajwi (Speaker)

Ibihumbi 19 Frw yonyine babasha guhaha ibi bisorori

Parufe nziza y’abagabo yitwa ‘Hemani Reine Du Jardin’ iragura 58,000 Frw

Parufe nziza y’abagore yitwa ‘Carlo Bossi 555’ iragura 40,000 Frw

Apple Imac nshya barayiguhera 2,821,500 Frw

Ku mafaranga yawe 145,000 Frw yonyine wabona Printer muri kanis.rw

Amata y’Ikivuguto cya Nyanza ni 3,700 Frw kuri Litiro eshanu

Icupa rimwe rya Hennessy Vs Cognac ni 99,000 Frw

Uyu muhanzi Kayitare Wayitare Dembe wamenyekanye   mu ndirimbo ‘Abana ba Afurika’, amaze umwaka asa n’uwasubitse muzika. Aganira na InyaRwanda, yagarutse mu gusubukura muzika n’impamvu nyamukuru yatumye adashaka umugore. Kayitare witegura gushyira hanze indirimbo nshya yise’ Mugore mwiza’ yemera ko igihe cy’umuntu kiba kitaragera ngo umuntu afate umwanzuro.

Mu magambo ya Kayitare Wayitare, yagize ati: 'Umuziki umba mu maraso , nitegura gushyira hanze indirimbo ‘Mugore mwiza’, benshi bambaza impamvu ntarashaka umugore kandi mfite ubushobozi, kandi mu byukuri ubushobozi bambonamo sindabushyikira. Buriya njyewe  ndatangaje cyane, mfite urusoro rumwe niyo mpamvu nabyaye umwana umwe, kuba kandi ntarazana umugore igihe ntikiragera ndacyabyigaho'.

Abajijwe uwo yabyaranye nawe umwana w’umukobwa, yagize ati: ‘Uwo twabyaranye arahari kandi mfite urugo mbamo n’umwana wanjye ariko nyina  duhuzwa n’umwana gusa’. Ku byo ahugiyemo muri iyi minsi, Kayitare yavuze ko kubera aririmba amahoro no kuyakunda yashinze ikigo ‘Amahoro Human Respect’, ikigo cy’uburenganzira bwa muntu n’ubuzima kisangamo abantu bingeri zose bagaragara mu miryango runaka bahezwa, aho kimaze imyaka umunani giharanira uburenganzira bwa muntu.

Kayitare Wayitare Dembe aheruka gushyira hanze indirimbo yise ‘Slay Queen’

“>

Uwizeyimana Marc wamamaye mu gusobanura Filime nka Rocky Kirabiranya, avuga ko ikintu kimwe yicuza ari uko atari afite ubushobozi burenze bwo kuba yashyira Papa Cyangwe ku rwego rwo hejuru bakaba batandukanye uyu muhanzi ari ho ari nubwo n’aho avuga ko ari heza.

Iminsi 2 irashize Rocky na Papa Cyangwe beruye ko batandukanye. Byatangiye Papa Cyangwe avuga ko bahinduye imikoranire ariko bakiri kumwe, icyo gihe Rocky nibwo yahise asohora itangazo avuga ko uyu muhanzi yamusezeyeho ahitamo kumurekura, Papa Cyangwe na we yahise ajya kuri Twitter ye avuga ko atigeze asezera ndetse avuga ko abantu bakunda kwigira beza.

Ibi ariko byari byabanjirijwe na post ya Papa Cyangwe ya tariki ya 24 Ugushyingo yashyize kuri Instagram ye iteguza abakunzi be ko agiye gushyira hanze EP (Extended Playlist) igizwe n’indirimbo 6, akaba yarayise 'Sitaki’ akaba ari n’imwe mu ndirimbo z’iyigize, harimo kandi 'Nyaza’, 'Niki Niki’, 'Kanjeje’ yakoranye na Chris Eazy, 'Aho’ yakoranye ba Bushali ndetse 'Puna’ yakoranye na Logan Joe.

Ku ifoto yasohoye yanditseho izi ndirimbo, hajeho amagambo akomeye yasaga n’agaragaza ko yatandukanye na Rocky Entertainment (kuko nta hantu na hamwe igaragara) ahubwo hariho 'Cuma Gang’.

Muri iyo foto kandi handitsemo amagambo akomeye aho bisa nk’aho hari uwo yacyuriraga, benshi baketse ko ari Rocky yabwiraga.

Amwe mu magambo yanditsemo aragira ati 'simbishaka gumana ibyawe gaceze simbishaka. Gutwika bitinjiza nta mumaro. Don’t trust anyone (ntukagire uwo wizera). Nta gishegu na kimwe kirimo ndaq. Work Hard & Pray Hard (kora cyane, usenge cyane). Papa Cyangwe ni we wanditse hano.'

Mu kiganiro Rocky yagiranye n’ikinyamakuru ISIMBI, yavuze ko atakwemera ko ari we yabwiraga aya magambo, gusa ngo aramutse abaye ari we yabwiraga yabyemera kuko n’ubundi nta mafaranga menshi yari aifte yo kumushoraho.

Ati 'Abaye ari njye yabwiraga nahita mbyemera kuko ibintu ntabwo n’ubundi biri ku rwego rwo hejuru cyane, ibintu koko byanjye yambwiraga ngo nimbigumane ntabwo birenze ariko byagira umuntu, umuntu urenze (umuntu wa danger), urumva niba hari aho byamukuye bikagira aho bimugeza, ntabwo yari akibikeneye nk’uko yavuze.'

'Nimba yaravuze ngo gumana ibyawe, akeneye ibirenze kuri ibyo byanjye kandi nanjye ari byo mwifuriza, ntabwo yahora ku bintu bimwe kuko njyewe icya mbere nta mafaranga ngira, ntabwo mfite amafaranga menshi yo kumena mu muziki, hari abantu bafite amafaranga, njye ibyo namukoreye ni ibyo nari nshoboye.'

Yakomeje avuga ko ku giti cye nta kintu yabwira abantu yapfuye na Papa Cyangwe kuko nta kintu yapfa na murumuna we kuko ariko amufata.

Ati 'Ntabwo mbizi. Nta kintu napfa n’uriya mwana kuko Papa Cyangwe ndamuruta, umuntu wese tuziranye uba muri uru ruganda rw’imyidagaduro, cyangwa urukoramo cyangwa utuba hafi azi ko umuntu wa mbere mba mvuga neza, mba mvuga ngo murumuna wanjye azi ko ari uriya mwana, nta kintu napfa na we.'

Rocky Kirabiranya avuga ko ikintu kimwe yicuza mu mubano we na Papa Cyangwe ari uko nta mafaranga menshi yari afite ngo amushyire ku rwego rurenze urwo ari ho.

Ati 'Nicuza ko ntari mfite ubushobozi bwinshi bw’amafarango ngo mushyire ku rundi rwego rurenze, iyo nza kuba mfite amafaranga menshi ntabwo yari kuba yaramamaye bigarukiye hano, yari kuba ari hejuru cyane.'

Nyuma yo gutandukana na Papa Cyangwe, Rocky binyuze muri Rocky Entertainment bahise basohora indirimbo nshya 'Ubahwa’ ya Emeline Penzi, umuhanzikazi mushya muri iyi nzu ireberera inyungu abahanzi.

Rocky avuga ko nta kintu na we azi yapfuye n’uyu muraperi Papa Cyangwe