Webrwanda Backend

Category: Uncategorized

  • Inteko rusange ya FERWAFA ishobora kujya yitabirwa n’intoranywa zitwaye neza mu mwaka w’imikino #rwanda #RwOT

    Biravugwa ko Inama y’Inteko Rusange y’ishyirahamwe ry’umupira w’amaguru mu Rwanda 'FERWAFA’ ishobora kuzajya yitabirwa n’abanyamuryango bazajya baba bitwaye neza mu mwaka w’imikino.

    Tariki ya 18 Ukuboza 2021 hateganyijwe Inama y’Inteko Rusange isanzwe ya FERWAFA, muri iyi Nteko Rusange abanyamuryango bamaze kumenyeshwa bimwe mu biri ku murongo w’ibyigwa nk’uko bisanzwe bigenda.

    Imwe mu ngingo ziri ku murongo w’ibyigwa harimo ko nta munyamuryango mushya uzakirwa nk’uko iteko nshingiro ribiteganya, umunyamabanga w’umusigire wa FERWAFA, Iraguha David akaba yabwiye ISIMBI ko hari ibikinozwa neza kugira ngo batangire kongera kwakira abanyamuryango bashya.

    Ati 'Inteko Rusange n’uyu mwaka izaba nk’ibisanzwe, abanyaryango bashya ntabwo ari ugupfa kwakira kuko hari ibyo baba basabwa kugira ngo babe bakuzuza, hari n’ibiri kunozwa kurushaho kugira ngo hakirwe abanyamuryango bashya kuko ubu hari ibisabwa biri kunononsorwa kugira ngo ubutaha bazajye bakirwa hari ibikenewe byose babyujuje, niyo mpamvu ubu ntabari ku rutonde.'

    Andi makuru ISIMBI yamenye ni uko muri iyi Nteko Rusange hashobora kuzatangwamo icyifuzo cy’uko Inteko yazajya yitabirwa n’abanyamuryango bitwaye neza (Intoranywa) mu mwaka w’imikino, ni mu rwego ngo rwo kongera ihangana mu makipe ku buryo buri umwe yazajya akora aharanira kugira icyicaro mu Nteko Rusange.

    Kuri iyi ngingo Iraguha David yabwiye ISIMBI ko nta kintu yabitangazaho Inteko Rusange itaraba kuko ngo biramutse bibaye biri no mu byo bifuza, kubivuga bitaremezwa ntacyo byaba bimaze, ngo ni ugutegereza nyuma yayo.

    Ati 'ibyo ngibyo reka tuzabivuganeho nyuma y’Inteko Rusange kuko urumva ko ubu ngubu ibyo naba ngiye kukubwira ntabigira blague, hari Inteko Rusange nyuma twazavugana mukamenya ibyavuyemo n’aho ubu ushaka ko nkubwira imyanzuro? Ibiteganywa?'

    Ibi biramutse byemejwe byaba bihamanye n’amategeko shingiro ya FERWAFA, ingingo ya 11 igaruka k’uburenganzira bw’umunyamuryango cyane mu gace ka mbere igika A, aho ivuga ko abanyamuryango bemerewe kujya mu Nteko Rusange ya FERWAFA, kumenyeshwa mbere ibiri ku murongo w’ibyigwa mu Nama y’Inteko Rusange, kuyitumirwamo ku gihe gikwiye no kuyitangamo ijwi iyo habaye amatora.

    Inteko Rusange ya FERWAFA ishobora kuzajya yitabirwa n’intoranywa gusa

    Source : http://isimbi.rw/siporo/article/inteko-rusange-ya-ferwafa-ishobora-kujya-yitabirwa-n-intoranywa-zitwaye-neza-mu-mwaka-w-imikino

  • Ikoranabuhanga ryashyizwe muri serivisi ryagabanyije Ruswa- Min. Uwizeye #rwanda #RwOT

    Minisitiri muri Peresidansi rya Repubulika y'u Rwanda Madamu Judith Uwizeye, avuga ko ikoranabuhanga ryagabanyije Ruswa ku kigero gishimishije.

    Muri raporo yamuritswe n'umuryango mpuzamahanga urwanya ruswa n'akarengane, Transparency International, igaragaza ko u Rwanda rwagumye ku mwanya wa kane muri Afurika, naho muri aka karere ruguma ku mwanya wa mbere.
    Ni imyanya yombi u Rwanda rwari runariho muri raporo iheruka.

    U Rwanda ruri ku mwanya wa kane muri Afurika inyuma y'ibihugu birimo nk'ibirwa bya Seychelles, Botswana n'ibirwa bya Cape Verde.

    Ku munsi mpuzamahanga wo kurwanya Ruswa wizihizwa tariki 9 Ukuboza buri mwaka,  Minisitiri muri Peresidansi y'U Rwanda Judith Uwizeye, avuga zimwe mu ngamba zakajijwe mu kurwanya Ruswa ari ugukaza ikoranabuhanga muri serivisi zitangwa birinda ko abantu bahura.

    Yagize ati 'Hari izo ngamba zo gufatikanyiriza hamwe, ariko hari n'ingamba zo gukaza ikoranabuhanga muri serivisi dutanga kugira ngo turusheho kugabanya cyane guhura kw'abatanga ndetse n'abagenerwa serivisi. Aho dukunda kubona ko haba ibyuho bikomeye cyane bya ruswa. Uko tuzagerageza kugabanya uko guhura ni ko no gutanga ruswa nabyo bigenda bigabanuka.'

    Umuyobozi Nshingwabikorwa w'Akarere ka Kicukiro, Umutesi Solange avuga ko kuba akarere kabo kaza ku mwanya wa mbere n'amanota 75% mu kurwanya ruswa, ari imbaraga bashyize mu kugena iminsi itangirwaho serivisi z'ubutaka nk'urwego rukunze kuvugwaho Ruswa.

    Yagize ati 'Mu kurwanya akajagari  twanashyize imbaraga mu gutunganya site, iyo urebye mu karere ka Kicukiro  usanga ariko karere ka mbere gafite site nyinshi zemejwe mu mirenge igifite ubutaka. Iyo hamaze gutunganwa burya akajagari ntikaba kagikunze. Ariko na kwa gutanga amakuru twashyizeho umunsi wihariye wo kubwira abaturage ibigendanye na serivisi z'ubutaka (Ni umunsi wo ku Gatatu), tuwita ameza yihariye yo kubwira abaturage amakuru, ibyo bituma na wawundi wari gushuka umuturage bidashoboka.'

    Urwego rw'Umuvunyi  ruvuga ko  mu rwego rwo kurandura Ruswa burundu hashyizweho ahri ingamba zitandukanye zashyizweho harimo n'amategeko.

    Nirere Madeleine ni umuvunyi mukuru yagize ati 'Twaganiriye ku bijyanye n'imyubakire n'imitangire y'ibyangombwa, aho hagaragajwe ibyuho n'ingamba. Twasanze kongera kurangwa n'imico myiza ariko n'uburyo bw'imyitwarire iboneye nk'urubyiruko kwirinda ibiyobyabwenge no kwirinda gutwara inda imburagihe n'ibindi. Ibyo twasanze byose bigomba kugendana cyane cyane no kwimakaza indangagaciro z'umuco nyarwanda, ni byo twasanze mu by'ukuri ari yo nkingi yo kuzakura neza igihugu kirinda ruswa kikimakaza imiyoborere myiza.'

    Leta y'u Rwanda yihaye intego ko byibuze mu mwaka wa 2024 u Rwanda ruzaba  rugeze ku gipimo cya 92.5% mu bijyanye no kurwanya ruswa, mugihe kuru ubu ruri ku gipimo cya 86.5%.

    Kuri uyu munsi mpuzamahanga wo kurwanya ruswa hanahembwe abanyamakuru  n'uturere twahize utundi mu kuyirwanya.

    AGAHOZO   Amiella

    The post Ikoranabuhanga ryashyizwe muri serivisi ryagabanyije Ruswa- Min. Uwizeye appeared first on FLASH RADIO&TV.

    Source : https://flash.rw/2021/12/10/ikoranabuhanga-ryashyizwe-muri-serivisi-ryagabanyije-ruswa-min-uwizeye/?utm_source=rss&utm_medium=rss&utm_campaign=ikoranabuhanga-ryashyizwe-muri-serivisi-ryagabanyije-ruswa-min-uwizeye

  • Mu myaka ibiri mu Rwanda hiyahuye abantu 576 biganjemo abagabo bagize 82%- RIB #rwanda #RwOT

    Hamaze iminsi havugwa ibikorwa byo kwiyahura birimo n’ibikorerwa ahantu hasanzwe ari nyabagendwa ku ku nyubako ikoreramo isoko rizwi nk’Inkundamahoro imaze kwiyahuriraho abantu bane barimo umugabo wahiyahuriye muri iki Cyumweru.

    Umuvugizi w’Urwego rw’Igihugu rw’Ubugenzacyaha RIB, Dr Murangira Thierry avuga ko isesengura ryakozwe n’uru rwego, mu myaka ibiri ya 2019-2020 ndetse na 2020-2021, hiyaguye abantu 576.

    Avuga ko muri iri sesengura kandi, basanze impamvu zibitera zitandukanye zikaba ziyobowe n’ibibazo by’amakimbirane cyangwa ihohoterwa ryo mu miryango bigize 28% hagakurikiraho uburwayi bwo mu mutwe bufite 8%, hakaza no kwiheba n’ahaginda gakabije bifite 4%.

    Ku bijyanye n’ibyiciro by’imyaka, abenshi mu biyahura ni abari hejuru y’imyaka 50 bari ku kigero cya 28% hagarukiraho abari hagati y’imyaka 18 na 25.

    Ati 'Noneho iyo ukoze isesengura ushingiye ku gitsina, abagabo ni b benshi ku kigero cya 82%, abagore ni 18%.'

    Dr Murangira avuga ko nubwo amategeko y’u Rwanda adahana umuntu wiyahuye cyangwa wagerageje kubikora ariko itegeko riteganya ibyaha n’ibihano muri rusange mu ngingo yaryo y’ 116 riteganya ibihano ku muntu ushishikariza undi kwiyahura, umufasha kwiyahura cyangwa utuma yiyahura kubera kumutoteza agamije ko yiyahura.

    IKIGANIRO KIRAMBUYE

    UKWEZI.RW

    Source : http://www.ukwezi.rw/1-1/Amakuru-anyuranye/article/Mu-myaka-ibiri-mu-Rwanda-hiyahuye-abantu-576-biganjemo-abagabo-bagize-82-RIB

  • Miss World 2021: Miss Ingabire Grace yatsinzwe agace ka 'Head to Head challenge' #rwanda #RwOT

    'Head to Head Challenge' ni kamwe mu duce dukomeye kaba kitezwe na benshi mu bakurikira irushanwa ndetse n'abaryitabiriye.

    Aka gace gatanga amahirwe kuri buri mukobwa uhatana kwivugaho, akavuga igihugu cye, akanavuga ku mushinga we. Hiyongeraho ibibazo bishobora kuba bibiri bitangwa n'uyoboye ikiganiro bigasubizwa na buri mukobwa.

    Abategura iri rushanwa basaba buri wese gukomeza gushyigikira umukobwa uhatanye muri iri rushanwa, anyuze ku mbuga nkoranyambaga no kuri Application ya Mobstar.

    Ubwo abategura iri rushanwa batangazaga abatsinze 'Head to head challenge' ritanga 16 binjira mu cyiciro cya nyuma badakoze ikindi kizamini, Ingabire Grace ntiyabashije kuza mu bitwaye neza kuko mu itsinda ryabo hatsinze umunya-Colombia.

    Guhera mu itsinda rya mbere kugeza mu rya 16, abakobwa batsinze irushanwa rya 'Head to Head Challenge' ni abaturuka muri; Nepal, Indonesia, Paraguay, Cayman Island, Venezuela, Trinidad&Tobaco, Mongolia, Botswana, Vietnam, Cameroon, Philippines, Mexico, Colombia, Côte d'Ivoire, Nicuragua na Haiti.

    Iri rushanwa ubusanzwe ritanga amahirwe muri Miss World, kuko abakobwa baritsinze bahita binjira muri Top40 nta yandi mananiza.

    Amasura y'abakobwa batsinze mugace ka Head to Head Challenge
    Aba uko ari 16 bamaze kubona itike biyongeraho abandi bagenda bitwara neza mu marushanwa atandukanye, hakaboneka 40 bajya mu cyiciro cya nyuma ari nabo bahatanira ikamba rya Miss World.

    Muri ibi byiciro harimo ibyamaze guhatanirwa nk'umukobwa uhiga abandi kugira impano (Ingabire ntiyabashije kugaragara mu batsinze), uhiga abandi mu kumurika imideli ryegukanywe n'umunya Côte d'Ivoire, mu gukora sport (utaratangazwa) aba baziyongeraho n'abandi bazagenda batsinda mu byiciro bitandukanye.

    Byitezwe ko irushanwa rya Miss World riri kubera muri Puerto Rico rizasozwa ku wa 16 Ukuboza 2021 hakamenyekana uwambitswe ikamba ku nshuro ya 70.

    Source : https://umuryango.rw/imyidagaduro/article/miss-ingabire-grace-uhagarariye-u-rwanda-mu

  • Huye: Umubare w’abangavu batwita imburagihe waragabanutse – #rwanda #RwOT

    Byatangajwe kuri uyu wa Gatatu tariki ya 8 Ukuboza 2021 ubwo mu Rwunge rw’Amashuri rwa Butare Catholique haberaga ibiganiro mpaka byahuje abanyeshuri bigamije kurwanya ihohoterwa rishingiye ku gitsina.

    Ibyo biganiro byateguwe n’urugaga rw’amadini n’amatorero mu kubungabunga ubuzima, RICH, hagamijwe gutoza abakiri bato gukumira ihohoterwa rishingiye ku gitsina no kubaganiriza ku buzima bw’imyororokere kugira ngo birinde ibishuko bishobora kubashora mu busambanyi.

    Umukozi wa RICH, Tumupende Violette, yavuze ko bashaka ko abana bari kubyiruka bakurana umuco wo kwirinda ihohoterwa rishingiye ku gitsina.

    Ati “Dushaka ko ibijyanye no kurwanya ihohoterwa rishingiye ku gitsina babigiraho amakuru ahagije bakamenya uko barirwanya, bakamenya ko igihe babonye uwakorewe ihohoterwa rishingiye ku gitsina bagomba gutanga amakuru ku buyobozi, bityo tugafatanyiriza hamwe twese mu kurwanya ihohoterwa rishingiye ku gitsina.”

    Mu biganirompaka byahuje abanyeshuri biga ku rwunge rw’amashuri rwa Butare Catholique n’abiga ku rwunge rw’amashuri rwa Sovu. Byibanze ku ihohoterwa rishingiye ku gitsina n’isambanywa ry’abangavu, ababikoze bagenerwa ibihembo bitandukanye.

    Umuyobozi w’Akarere ka Huye wungirije ushinzwe imibereho myiza y’abaturage, Kankesha Annonciata, yavuze ko ubukangurambaga bukorwa bumaze gutanga umusaruro mu kugabanya umubare w’abangavu batwita imburagihe.

    Ati “Hari igihe twageze mu bangavu 500 baterwa inda imburagihe ariko ubu ngubu dufite abangavu bari munsi y’imyaka 18 bagera kuri 71 kandi 54 muri bo bagiye gusubira mu ishuri. Ni ikintu gikomeye cyane kigaragaza ko ubukangurambaga n’ibindi bikorwa dukora biri gutanga umusaruro mwiza.”

    Bamwe mu bangavu b’abanyeshuri bakurkiye ibyo biganirompaka babwiye IGIHE ko bakunze guhura n’abasore ndetse n’abagabo babashuka ariko bakabagendera kure bitewe n’inama bagirwa n’ababyeyi babo, abarimu n’abayobozi.

    Igihozo Kevine ati “Ibishuko mpura na byo kuko hari abagabo baza bambwira ko dukundana kandi bafite abagore. Cyane cyane abamotari baza bambwira ngo bashaka kuntwarira ubuntu nkabyanga kuko ababyeyi bangiriye inama yo kwirinda ibishuko. Iyo hagize ushaka kunshuka ndabyanga kandi iyo ngeze mu rugo mbibwira ababyeyi banjye.”

    Nikuze Divine na we yavuze ko ababyeyi be bamuganiriza ku kwirinda ibishuko kandi n’ibiganiro bitangwa hari byinshi yungukiramo.

    Ati “Muri ibi biganiro nungukiyemo ko ntagomba guceceka igihe mbonye hari umuntu uri gukorerwa ihohoterwa rishingiye ku gitsina, ngomba guhita mbimenyesha abayobozi.”

    Ibiganirompaka byahuje abo banyeshuri biri kuba muri gahunda y’iminsi 16 yahariwe kurwanya ihohoterwa rishingiye ku gitsina yatangiye ku wa 25 Ugushyingo ikazasozwa ku ya 10 Ukuboza 2021.

    Ubuyobozi bw’Akarere ka Huye ku bufatanye n’abafatanyabikorwa buvuga ko ibikorwa byo kurwanya ihohoterwa rishingiye ku gitsina bizakomeza kandi bizajya bibera ahantu hose.

    Bamwe mu biga mu Rwunge rw’Amashuri rwa Butare Catholique bakoze ibiganiro mpaka bigamije kurwanya ihohoterwa rishingiye ku gitsina

    Bamwe mu bangavu b’abanyeshuri bakurkiye ibyo biganirompaka babwiye IGIHE ko bakunze guhura n’abasore ndetse n’abagabo babashuka ariko bakabagendera kure bitewe n’inama bagirwa n’ababyeyi babo, abarimu n’abayobozi

    Abanyeshuri bo ku rwunge rw’amashuri rwa Butare Catholique bitabiriye ibiganirompaka ahawe ibihembo

    Umuyobozi w’Akarere ka Huye wungirije ushinzwe imibereho myiza y’abaturage, Kankesha Annonciata, yavuze ko ubukangurambaga bukorwa bumaze gutanga umusaruro mu kugabanya umubare w’abangavu batwita imburagihe

    [email protected]

    source : https://ift.tt/3dG8mci

  • Asabye Abayobozi bo ku Nkombo, RIB na Polisi byaho guterwa ikimwaro n’ibihabera #rwanda #RwOT

    Mutesi Scovia wagarutse ugaruka ku ihohoterwa rishingiye ku gitsina rikorerwa abari n’abategarugori, yavuze ko hari aho ibikorwa bimwe by’ihohoterwa byafashwe nk’umuco mu bice bimwe na bimwe.

    Uyu munyamakuru aherutse kugaragaza amashusho ku mbuga nkoranyambaga agaragaza ibikorwa by’ihohoterwa rikorerwa abangavu bo ku Nkombo mu Karere ka Rusizi.

    Ati 'Usanga umwana w’umukobwa w’imyaka 15 Nyina na Se batangiye kumubaza ngo 'ariko ubundi ugira umugabo uzagushaka ?’ agatangira noneho gushaka amafaranga yo kuzaha umusore uzamushaka kugira ngo bafatanye kubaka inzu bazabanamo.'

    Akomeza agira ati 'Umwana w’umukobwa utarashaka, nyina atangira guhozwa ku nkeke na se amuba ati 'uwo mukobwa w’ikigoryi utarabona umugabo kandi abo kwa runaka na runaka bararongowe ni iki ? Ni uwa nyina’. Ku buryo umwana ufashe icyemezo ko atazajya kwangiza ubuzima bwe, aba ahisemo gusenyera nyina kuko se abirukana mu rugo.'

    Scovia uvuga kandi ko n’iyo umukobwa ashatse akiri muto, n’uwo bashakanye ahita amuta ubundi wa mugore agasigara arera wenyine, avuga ko ibi hari ku Nkombo 'babigize umuco, njye naratunguwe ndavuga nti 'burya koko ikirwa kiba ari ikirwa’.'

    Avuga ko ibi byose biba inzego zibireba ku buryo yaba abakora ariya mahano ndetse n’abayobozi ubwabo bakwiye kuba babiryozwa.

    Ati 'Hakwiye kuba hakatirwa n’Umuyobozi w’Akarere, hagakatirwa n’uw’Umurenge, hagakatirwa na Social [ushinzwe imibereho myiza], hagakatirwa na Polisi ihakorera, hagakatirwa inzego zose ziba hariya zemeye zikarebera icyo kintu kikaba kikubakwa kikaba umuco.'

    IKIGANIRO KIRAMBUYE

    UKWEZI.RW

    Source : http://www.ukwezi.rw/1-1/Amakuru-anyuranye/article/Asabye-Abayobozi-bo-ku-Nkombo-RIB-na-Polisi-byaho-guterwa-ikimwaro-n-ibihabera

  • RDC: Abarwanyi ba ADF bishe abaturage 15 #rwanda #RwOT

    Imibare y'abaturage bishwe n'abarwanyi ba ADF mu gace ka Beni yavuye kuri batanu igera kuri 15, nk'uko ibinyamakuru muri DR Congo bibivuga.

    Imirambo 10 y'abagore n'abagabo bishwe mu buryo bubi yabonywe mu bihuru kuri uyu wa Kane tariki 10 Ukuboza 2021, nyuma y'indi itanu yari yabonetse kuri wa Gatatu tariki 8 Ukuboza 2021,  mu gace ka Mangina kari mu birometero  30 uvuye mu mujyi wa Beni ujya mu burengerazuba.

    Abategetsi bo muri aka gace bemeza ko ubu bwicanyi bwakozwe na ADF nubwo yo itigambye ko ariyo yishe abo baturage.

    Ubu bwicanyi bubaye mu gihe hashize ibyumweru bibiri ingabo za Republika Iharanira Demokarasi ya Congo n'iza Uganda zitangije ibitero kuri aba barwanyi.

    Ibinyamakuru bisubiramo amagambo ya Kambale Mahamba ukuriye ako gace avuga ko abaturage bari bahungiye mu bihuru, aribo babonye iyi mirambo bahungutse.

    Yemeza ko ubu ituze ryagarutse aho i Mangina no hafi yaho kuko 'Ubu nta masasu ari kumvikana.'

    Ibitero bya ADF ku baturage bo muri ako gace byatumye benshi bahagarika gukora imirimo yabo barahunga batinya kwicwa n'izi nyeshyamba.

    Abategetsi bavuga ko nyuma ingabo za leta zatabaye maze izi nyeshyamba zigahunga abaturage bakabona gusubira mu byabo.

    Ibitero by'ingabo za Uganda n'iza DR Congo ku mutwe wa ADF byahereye mu gice cy'uburasirazuba uvuye mu mujyi wa Beni ahegera umupaka wa Uganda.

    Ubu bwicanyi mu kindi gice cy'iburengerazuba bwerekana ko inyeshyamba za ADF zishobora kuba zifite igice kinini zikoreramo mu ntara ya Kivu ya ruguru iruta ubunini u Burundi n'u Rwanda ubishyize hamwe.

    The post RDC: Abarwanyi ba ADF bishe abaturage 15 appeared first on FLASH RADIO&TV.

    Source : https://flash.rw/2021/12/10/rdc-abarwanyi-ba-adf-bishe-abaturage-15/?utm_source=rss&utm_medium=rss&utm_campaign=rdc-abarwanyi-ba-adf-bishe-abaturage-15

  • Abikorera bagaragaje inyungu bazakura mu imurikabikorwa ry’ubukerarugendo i Cannes – #rwanda #RwOT

    Ku wa 6 Ukuboza 2021, nibwo mu Mujyi wa Cannes hatangiye iri murikabikorwa rizwi nka International Luxury Travel Market (ILTM). Ryasojwe tariki ya 9 Ukuboza 2021.

    Ku ruhande rw’u Rwanda ryitabiriwe n’ Urwego rw’Igihugu rw’Ubukerarugendo (RDB) ari na rwo rufite ubukerarugendo mu nshingano zarwo ndetse n’abikorera bari muri uru rwego.

    Iri murikabikorwa rihuza abaguzi, abagurisha n’abafatanyabikorwa mu bijyanye n’ubukerarugendo baturutse hirya no hino ku Isi, ibintu birigira urubuga ruberamo ibiganiro biteza imbere ubukerarugendo hirya no hino ku Isi.

    Mu Kiganiro IGIHE yagiranye na Aimable Rutagarama, uyobora ishami ry’ubukerarugendo mu Rugaga rw’Abikorera (PSF) yavuze ko iri murikabikorwa barifata nk’amahirwe akomeye yaganisha ku iterambere ry’ubukerarugendo bw’u Rwanda.

    Ati “Iki gikorwa turimo hano i Cannes, ni igikorwa gikomeye ku bukerarugendo mpuzamahanga, impamvu gikomeye ni uko abacyitabira bose bakora ubucuruzi mu bukerarugendo kandi ubucuruzi buzana ba mukerarugendo bo ku rwego rwo hejuru ari bo natwe tuba dushaka.”

    Yakomeje avuga ko rizatuma babasha kubona ba mukerarugendo bo mu rwego rwo hejuru, yemeza ko ari amahirwe no ku bandi Banyarwanda bose.

    Ati “Bagenzi bacu tuba tuje guhura ni abantu baba basanzwe bafite abo bakiliya nkumva rero ko ari ikintu gikomeye cyiza kuri twe ari abakora mu bukerarugendo turi kumwe hano ari n’abataje, ari amahoteli, restaurant, utubari bose bibageraho.”

    Yakomeje avuga ko nibura buri muntu witabiriye iri murikabikorwa yahuraga n’abantu 40 kandi bakagirana ibiganiro byaganisha ku iterambere ry’uru rwego.

    Itsinda ry’Abanyarwanda bitabiriye iri murikabikorwa rigizwe Aimable Rutagarama uyobora Palast Tours & travels, Manzi Kayihura uyobora Thousand Hills Africa, Yves Shirimpumu uhagarariye Ishami ry’Ubukerarugendo mu Rugaga rw’Abikorera (PSF), Chantal Uwase Kabagambe uhagarariye Eco Community Tours na David Rutikanga uhagarariye Songa Africa.

    Hari kandi Eugène Nshimiyimana uhagarariye Africa Journeys, Michael Anderson uhagarariye Uberluxe safaris, Morgane Bechet uhagarariye Mapendano Voyages, Kevin James uhagarariye Volcanoes Safaris na Robert Gakimbiri uhagarariye Primate Safaris.

    Ku ruhande rwa Leta y’u Rwanda, Urwego rw’Igihugu rw’Iterambere (RDB) rwari ruhagarariwe na Philbert Ndandali.

    Aimable Rutagarama, uyobora ishami ry’ubukerarugendo mu Rugaga rw’Abikorera (PSF) yavuze ko iri murikabikorwa barifata nk’amahirwe akomeye

    Aimable Rutagarama aganira n’umunyamakuru wa IGIHE, Karirima Aimable

    Abanyarwanda biteguye kubyaza umusaruro amahirwe bakuye muri iri murikabikorwa

    Abitabiriye iri murikabikorwa beretswe ibyiza by’u Rwanda

    Abitabiriye iri murikabikorwa beretswe ibyiza by’u Rwanda

    Abaryitabiriye beretswe ibyo bashobora gusura mu Rwanda

    Ryabaye amahirwe yo kumenyana hagati y’abakora mu rwego rw’ubukerarugendo

    Ryabereye mu Mujyi wa Cannes usanzwe ukomeye mu bukerarugendo

    [email protected]

    source : https://ift.tt/3rQlALR

  • U Rwanda rwakiriye icyiciro cya karindwi cy’impunzi zo muri Libya – #rwanda #RwOT

    Izi mpunzi zatangiye kwakirwa muri Nzeri 2019 nyuma y’uko Perezida wa Repubulika, Paul Kagame yemeye ko u Rwanda ruzatanga ubufasha, zigacumbikirwa mu gihugu mu gihe zigishakisha ibindi bihugu zakwerekezamo.

    Kuva icyo gihe, hamaze kwakirwa ibyiciro birindwi bigizwe n’impunzi 648 utabariyemo abakiriwe kuri uyu wa Gatanu. Muri abo, 462 bamaze kubona ibindi bihugu bibakira by’igihe kirekire bikabaha ubuhungiro. Byinshi muri ibyo bihugu ni ibyo ku mugabane w’u Burayi.

    Amasezerano u Rwanda rwasinye mbere yo kwakira izi mpunzi n’abimukira, agena ko ruzakomeza kwakira ababyifuje no kubacungira umutekano, Umuryango wa Afurika Yunze Ubumwe ugashaka ubushobozi bukenewe n’ubundi bufasha bwa politiki, amahugurwa no guhuza ibikorwa.

    Ni mu gihe HCR yo izatanga serivisi zo kurengera izo mpunzi n’abasaba ubuhungiro n’ubutabazi bw’ibanze nk’ibiribwa, amazi, aho kuba, uburezi n’ubuvuzi.

    Ku wa 14 Ukwakira 2021 ni bwo aya masezerano yavuguruwe, aho u Rwanda ruzakomeza gukoresha Inkambi ya Gashora iri mu Karere ka Bugesera mu kwakira impunzi kugeza ku wa 31 Ukuboza 2023 ndetse ubushobozi bwayo buzongerwa buve ku kwakira abantu 500 icya rimwe, babe 700.

    Muri aya masezerano, u Rwanda ruzakomeza kwakira no kurinda impunzi n’abimukira ndetse n’abandi bari mu kaga bafungiye mu bigo byo muri Libya.

    Muri bo ababishaka ni bo bazoherezwa mu Rwanda, bagakomeza gufashwa na UNHCR no gushakirwa ibisubizo birambye birimo no gufashwa kujya mu bindi bihugu, abandi bagasubizwa aho bavuye.

    Iri tangazo rikomeza rivuga ko “bamwe bashobora guhabwa uburenganzira bwo kuguma mu Rwanda mu gihe byumvikanyweho n’abayobozi.’’

    Mu bacumbikiwe muri iyi nkambi harimo abaturutse muri Eritrea, Sudani, Sudani y’Epfo, Somalia, Ethiopia, Nigeria, Tchad na Cameroun.

    Impunzi zakiriwe ni icyiciro cya karindwi kigizwe n’abantu 176

    Bakiriwe mu Rwanda mu gihe bategereje ko babona ibindi bihugu baturamo mu gihe kirekire

    Ubwo bari bageze ku Kibuga cy’Indege i Kanombe batangiye kwiruhutsa kuko ubuzima bagiye kubamo buhabanye kure n’ubwo bari basanzwe babamo muri Libya

    Buri wese yari afite ibyangombwa bitangwa na HCR bigaragaza ko ari impunzi

    source : https://ift.tt/3DBC0dm

  • Polisi yahuguye abakozi ba CHUB ku kwirinda inkongi #Rwanda #RwOT via @kigalitoday #rwanda #RwOT

    Abahuguwe ni abatoranyijwe muri ibi bitaro barimo abaganga, abaforomo, abayobozi, abashinzwe tekinike mu bitaro ndetse n’abayobozi b’amashami.

    Abahugurwa barimo guhugurwa ku bintu bitandukanye harimo ibinyabutabire bigize umuriro, ibitera umuriro n’uko wakwirindwa ndetse banahugurwa uko bakwitabara igihe mu bitaro hadutse inkongi.

    Umuyobozi w’ishami rya Polisi rishinzwe ubutabazi no kurwanya inkongi, Assistant Commissioner of Police (ACP) Paul Gatambira yavuze ko aya mahugurwa agamije kongera umubare w’abantu bafite ubushobozi bwo kwirwanaho habaye inkongi ndetse no kumenya uko bakwirinda ibitera inkongi.

    Yagize ati “Abatoranyijwe barimo guhugurwa bakazajya guhugura abandi harimo n’abo mu miryango yabo. Guhugura abantu benshi ni uburyo bwiza mu kurwanya no kwirinda inkongi n’ingaruka zayo.”

    Yakomeje agaragaza ko abahuguwe beretswe uko bakoresha ibikoresho bitandukanye mu kuzimya inkongi. Banibukijwe ko kwirinda inkongi bigomba kuba ingenzi kugira ngo hagabanywe impanuka zikunze guturuka ku nkongi.

    Kuwa Kane tariki ya 9 Ukuboza wari umunsi wa kabiri w’aya mahugurwa. Abahugurwa banahawe nomero za telefoni bazajya bifashisha bahamagara Polisi igihe habaye inkongi.

    Izo nimero ni: 111, 112 cyangwa bagahamagara 0788311023 ,ishami rya Polisi rishinzwe kurwanya inkongi mu Ntara y’Amajyepfo.

    Ni inkuru dukesha Polisi y’u Rwanda

    source : https://ift.tt/3dFgs5a