Webrwanda Backend

Category: Uncategorized

  • Mu rubanza rubera i Paris mu Bufaransa, ubushinjacyaha bwasabiye Umunyarwanda Claude Muhayimana igifungo cy'imyaka 15 kubera uruhare muri Jenoside yakorewe Abatutsi akurikiranyweho #rwanda #RwOT

    Kuri uyu wa gatatu tariki 15 Ukuboza 2021 nibwo urukiko rw' i Paris mu Bufaransa rwumvise imyanzuro y' ubushinjacyaha n'iy'ubwunganizi bwa Claude Muhayimana, Umunyarwanda ufite n'ubwenegihugu bw'Ubufaransa, akaba aregwa uruhare muri Jenoside yakorewe Abatutsi.

     

     

    Uyu mugabo w'imyaka 60 ashinjwa kuba yarakoresheje imodoka ya Hotel Guest House yatwaraga, akajyana Interahamwe mu bitero binyuranye byaguyemo Abatutsi benshi mu mujyi wa Kibuye no mu nkegero zayo.

    Ubushinjacyaha bwabwiye abacamanza ko bushingiye ku byavuzwe n' abatangabuhamya bashinje Claude Muhayimana, ndetse n'ibimenyetso bimuhamya icyaha, bumusabira gufungwa imyaka 15. Ni mu gihe Me Philippe Meilhac umwunganira mu mategeko asaba ko'umukiliya' we agirwa umwere, ngo kuko nta bubasha yari afite bwo kwanga amabwiriza yo gutwara abicanyi.

    Mu ntangiriro z'urubanza, Impuzamiryango CPCR iharanira Ubutabera n'Inyungu z'Abakotse Jenoside yakorewe Abatutsi, ari nayo yakomeje guhirimbana kugeza Claude Muhayimana agejejwe mu butabera, yabwiye itangazamakuru ko kubera uburemere bw'ibyaha bimuhama, Claude Muhayimana yagombye guhanishwa gufungwa burundu.

    Uru rubanza rwatangiye tariki 22 Ugushyingo uyu mwaka, humvwa abatangabuhamya babarirwa muri 50, barimo n'umugore wa Claude Muhayimana, Mediatrice Musengeyezu, wavuze ko yamwiboneye yica Abatutsi. Harimo kandi abakoranye ibyaha nawe, babyemeye bakanabisabira imbabazi.

    Imyanzuro y'urukiko itegerejwe kuri uyu wa kane, tariki 16 Ukuboza 2021.
    Uru ni urubanza rwa 3 rubunashirije mu Bufaransa abaregwa uruhare muri Jenoside yakorewe Abatutsi.

    Mu zindi 2 zabanje, abagabo babiri bahoze ari ba burugumesitiri, Tito Barahira na Octavien Ngenzi, bahanishijwe gufungwa burundu, naho Pascal Simbikangwa wari kapiteni mu ngabo zatsinzwe ahanishwa igifungo cy'imyaka 25.

    The post Mu rubanza rubera i Paris mu Bufaransa, ubushinjacyaha bwasabiye Umunyarwanda Claude Muhayimana igifungo cy'imyaka 15 kubera uruhare muri Jenoside yakorewe Abatutsi akurikiranyweho appeared first on RUSHYASHYA.

    Source : https://rushyashya.net/mu-rubanza-rubera-i-paris-mu-bufaransa-ubushinjacyaha-bwasabiye-umunyarwanda-claude-muhayimana-igifungo-cyimyaka-15-kubera-uruhare-muri-jenoside-yakorewe-abatutsi-akurikiranyweho/?utm_source=rss&utm_medium=rss&utm_campaign=mu-rubanza-rubera-i-paris-mu-bufaransa-ubushinjacyaha-bwasabiye-umunyarwanda-claude-muhayimana-igifungo-cyimyaka-15-kubera-uruhare-muri-jenoside-yakorewe-abatutsi-akurikiranyweho

  • Nyagatare: Abahinzi b'umuceri bakatwa amafaranga ya EJO HEZA ariko ntibayabone #rwanda #RwOT

    Hari abahinzi b'umuceri bo muri Koperative Muvumba P8 mu Karere ka Nyagatare, bafite impungenge zaho amafaranga bakatwa ya EJO HEZA ajya, kuko batayabona kuri konte zabo.

    Aba baturage bahinga umuceri bibumbiye muri koperative Muvumba PS ihinga mu gishanga cya Tabagwe-Rwempasha, bavuga ko  bamaze igihe batabona ubwizigame bwa EJO HEZA kuri Telefone kandi bakatwa ayo mafaranga.

    Barasaba Leta gukurikirana iki kibazo, kugira ngo bashire impungenge zaho amafaranga ya Ejo Heza bakatwa ku musaruro ajya.

    Umwe muri bo aragira ati 'Ubu ni Season (I        gihembwe) ya gatatu, ariko amafaranga ya EJO HEZA maze kubona ayo mu gihembwe cya mbere cyo mu mwaka wa 2020, ibindi bihembwe bisigaye ntayo ndabona kandi bayankata.'

    Mugenzi we nawe aragira ati 'Ejo heza barayidukata tujyanye umusaruro muri koperative, ariko kuri telefoni yawe ukayibura kandi mu midugudu dutuyemo tuba dusimbukana n'abayobozi, badusaba gutanga ejo heza, kandi warayitanze. Ugasanga ni ikibazo.'

    Umuyobozi ushinzwe umutungo muri Koperative Muvumba P8 Bwana Musengimana Vital, avuga ko mu iki kibazo giterwa na sisiteme za Ejo Heza ziba zabatengushye.

    Aragira ati 'EJO HEZA tuyishyurira abanyamuryango kandi si ubwa mbere, si ubwa kabiri, ariko hari igihe havukamo ibibazo ku muhinzi umwe cyangwa undi babishyira muri sisiteme bikanga iyo.'

    Umuyobozi w'ishami rishinzwe iterambere ry'ubucuruzi n'imari mu Karere ka Nyagatare Nkubiri Baguma Dominique, avuga ko bagiye gukurikirana iki kibazo kugira ngo bagikemure.

    Aragira ati 'Hari igihe usanga ari ikibazo cy'abantu bamwe bagiye bafite ibibazo bitandukanye ku myirondoro yabo, ugasanga biranze. Ariko birasaba ko tumenya umuntu ni inde kugira ngo turebe uko ikibazo kimeze.'

    Si ku nshuro ya mbere ikibazo cyo kutabona ubwizigame bwa Ejo heza kigaragaye muri aka karere ka Nyagatare, kuko no mu Murenge wa Matimba abakora isuku mu muhanda baherutse kukigaragariza itangazamakuru.

    Kugeza ubu imibare igaragaza ko ubwizigame bwa Ejo Heza muri aka karere, bugeze kuri Miliyoni zisaga 463, ku ba banyamuryango bizigamira agera ku 26,549.

    Ntambara Garleon

    The post Nyagatare: Abahinzi b'umuceri bakatwa amafaranga ya EJO HEZA ariko ntibayabone appeared first on FLASH RADIO&TV.

    Source : https://flash.rw/2021/12/15/nyagatare-abahinzi-bumuceri-bakatwa-amafaranga-ya-ejo-heza-ariko-ntibayabone/?utm_source=rss&utm_medium=rss&utm_campaign=nyagatare-abahinzi-bumuceri-bakatwa-amafaranga-ya-ejo-heza-ariko-ntibayabone

  • Abakobwa bagiye gutangira kwiyandikisha muri… – #rwanda #RwOT

    Amakuru agera kuri INYARWANDA, aravuga ko tariki 23 Ukuboza 2021 ari bwo abakobwa bashaka guhatanira ikamba rya Miss Rwanda 2022 bazatangira kwiyandikisha muri iri rushanwa binyuze ku rubuga rwa Miss Rwanda.

    Kuri iyo tariki, ni bwo abategura iri rushanwa bazatangaza ku mugaragaro uko iri rushanwa rizakorwa harimo aho rizabera ndetse n'amatariki y'uko iki gikorwa kizagenda.

    Ibyo umukobwa asabwa kugira ngo yiyandikishe muri iri rushanwa ntibyahindutse cyane, kuko hazakurikizwa ibyagendeweho bivuguruye byo mu mwaka w' 2020.

    Indi mpinduka yitezwe muri iri rushanwa, ni uko abakobwa bazatsinda ku rwego rw'Intara nabo bazahabwa ibihembo. Ni mu gihe mu 2020, abakobwa bose bageze mu mwiherero wahawe Buruse yo kwiga muri Kaminuza ya Kigali.

    Umukobwa uzambikwa ikamba azasimbura Ingabire Grace uhagarariye u Rwanda muri Miss World 2021 iri kubera muri Teritwari ya Puerto Rico.

    Iri rushanwa rizasozwa ku wa 26 Ukuboza 2021, ari bwo hazamenyekana umukobwa uzambikwa ikamba rya Miss World asimbura umunya-Jamaica, Tonn-Ann Singh.

    Miss Rwanda ya 2021 yiswe 'Miss Rwanda y'impinduka', kubera amavugurura n’imitegurire yakozwe, kuko yakinguriye amarembo ku bakobwa benshi mu gihe ibihembo na byo byavuguruwe.

    Mu mpinduka nshya, imyaka yemewe isabwa uwitabira yongerewe kuva kuri 18 kugeza kuri 24 igera kuri 18 kugeza kuri 28, mu gihe uburebure bwasabwaga bwavanyweho. Abitabira amarushanwa bagomba kuba bari mu rwego rwiza rw'umubiri (BMI).    

    Uhereye ibumoso: Miss Rwanda 2019 Nimwiza Meghan, Miss Rwanda 2020 Nishimwe Naomie, Miss Rwanda 2021 Ingabire Grace, Miss Rwanda 2018 Iradukunda Liliane na Miss Rwanda 2017, Iradukunda Elsa Ingabire Grace wabaye Miss Rwanda 2021 aritegura gutanga ikamba

    Source : https://inyarwanda.com/inkuru/112573/abakobwa-bagiye-gutangira-kwiyandikisha-muri-miss-rwanda-2022-112573.html

  • Umuziki wa Rumba watsitswe mu murage wa UNESCO #rwanda #RwOT

    Rumba yo muri Kongo, bumwe mu bwoko bw'umuziki uzwi cyane muri Afurika, n'injyana yawo, ubu birinzwe nk'umurage w'isi n'ishami ry'umuryango w'abibumbye ryita ku bumenyi, uburezi n'umuco (UNESCO).

    Bigezweho nyuma y'ubukangurambaga bwakozwe n'ibihugu bibiri — Repubulika ya Demokarasi ya Congo n'igihugu bituranye cya Congo-Brazzaville.

    Ibi bihugu bihuriye mu cyahoze ari ubwami bwa Kongo — aho iyi njyana ikomoka, nkuko bikubiye mu busabe bwatanzwe n'ibihugu byombi.

    Ijambo 'rumba' ubwaryo riva ku ijambo 'Nkumba' ry'Ikikongo rivuze umukondo.

    Umuziki wa rumba wo muri Congo wiyongereye ku yindi mirage irinzwe na UNESCO irimo nk'umuziki wa reggae wo muri Jamaica, iri ku rutonde rw’'imirage ntakorwaho y'umuco wa muntu'. UNESCO ivuga ko gushyirwa muri uru rwego bifasha 'kugumana uruhurirane rw'imico muri iki gihe isi ikomeje guhinduka umudugudu'.

    Umuziki wa rumba n'imibyinire yawo yo kwihotagura byabaye ikirango cy'urugamba rwo guharanira ubwigenge mu kinyejana cya 20, nkuko bivugwa n'umuyobozi mukuru wa UNESCO Audrey Azoulay. Yongeyeho ko iyi 'miterere ya politiki y'uyu muziki itanga urugero ku bahanzi benshi cyane ku isi muri iki gihe'.

    Nubwo ifite inkomoko muri Afurika, rumba mu mitwe ya benshi bo hanze y'uyu mugabane ihuzwa cyane n'imbyino zo muri Amerika y'epfo. Rumba yo muri Cuba yagizwe umurage w'isi wa UNESCO mu mwaka wa 2016.

    Ubwoko bwa rumba yagaragaye muri Cuba mu kinyejana cya 19 bufite inkomoko mu kuvuza ingoma kw'abacakara bakurwaga muri Afurika yo hagati, kwahujwe n'injyana z'abakoloni bo muri Espagne bakolonizaga Cuba.

    Mu gihe ibihugu byo muri Afurika byaharaniraga ubwigenge ku bakoloni, indirimbo Indépendance Cha Cha y'umuhanzi Le Grand Kallé wo muri Congo yatumye benshi bagira umutima wo kwishyira hamwe, ndetse ifatwa nk'indirimbo ya mbere yakunzwe cyane ihuza Abanyafurika.

    Mu myaka yakurikiyeho hadutse itsinda Zaïko Langa Langa n'umuhanzi wamamaye cyane wo muri iryo tsinda, Papa Wemba. Mu bo yatoje harimo Koffi Olomidé n'ubu ukiri umuhanzi uzwi cyane no mu rubyiruko rw'abahanzi bakiri bato nka Fally Ipupa.

    Hari impaka zigibwa muri iki gihe hibazwa niba abahanzi bashya bo mu njyana ya rumba bagikurikiza umwimerere wayo.

    Nta gushidikanya ko umuziki wa rumba wamamaye ku isi, kandi abawushyigikiye bavuga ko UNESCO yakoze igikwiye iwushyira mu murage wayo, ukazanafasha abanyamuziki bazabaho mu bihe biri imbere.

    Profeseri André Yoka Lye Mudaba, wo mu kigo cy'igihugu cya Repubulika ya Demokarasi ya Congo cyo guteza imbere rumba, yabwiye BBC ati: 'Ntitugomba kurekera aha gusa kuri ibi twagezeho.

    'Ibi ni ibiduteye akanyabugabo ko gushyiraho ingamba zinoze kandi zirimo guhanga udushya kurushaho zo gutuma urwego rw'ubuhanzi ruba urw'umwuga'.

    SRC:BBC

    The post Umuziki wa Rumba watsitswe mu murage wa UNESCO appeared first on IRIBA NEWS.

    Source : https://iribanews.rw/2021/12/15/umuziki-wa-rumba-watsitswe-mu-murage-wa-unesco/

  • Jacob Zuma umaze amezi atatu arekuwe agiye gusubizwa muri Gereza #rwanda #RwOT

    Urukiko rwo muri Afurika y’epfo rwafashe iki cyemezo, ruvuga ko irekurwa rye ryashingiye ku mpamvu zidakurikije amategeko.

    Igihe amaze hanze ya gereza ntigikwiye kubarirwa mu gifungo cy’amezi 15 yakatiwe, nkuko byategetse n’urukiko rwo mu murwa mukuru Pretoria.

    Zuma yarekuwe ku itariki ya 5 y’ukwezi kwa cyenda ku mpamvu y’uburwayi butatangajwe, ariko itangazo ry’abakuru ba gereza ryavuze ko yafunguwe hagendewe kuri raporo ya muganga.

    Mbere yuko afungurwa yari afungiye muri gereza ya Estcourt Correctional Centre, mu ntara ya KwaZulu-Natal.

    Uyu mugabo w’imyaka 79 yishyikirije polisi mu kwezi kwa karindwi uyu mwaka, nyuma yuko abamushyigikiye bari bavuze ko bahangana n’abashinzwe umutekano bakababuza kumufata.

    Ariko gufungwa kwe, kutari kwarigeze kubaho mbere ku wahoze ari Perezida w’Afurika y’epfo, kwateje imyigaragambyo n’ibikorwa by’ubusahuzi byiciwemo abantu barenga 300.

    Nubwo mu 2018 yakuwe ku butegetsi n’ishyaka rye rya African National Congress (ANC), yakomeje kugira abamushyigikiye, by’umwihariko aho avuka mu ntara ya KwaZulu-Natal.

    Zuma yakatiwe igifungo ku itariki ya 29 y’ukwezi kwa gatandatu kubera kwanga gutanga ibimenyetso mu iperereza kuri ruswa yo mu gihe cy’imyaka icyenda yamaze ku butegetsi.

    Source : http://www.ukwezi.rw/Mu-mahanga/6/article/Jacob-Zuma-umaze-amezi-atatu-arekuwe-agiye-gusubizwa-muri-Gereza

  • Hagiye gutangwa igihembo cy'umukobwa uhagarariye Intara muri Miss Rwanda 2022 #rwanda #RwOT

    Amakuru dukesha Igihe ni uko kuri iyi nshuro nta mpinduka nyinshi zizagaragara ku byo umukobwa witabira iri rushanwa asabwa kuba yujuje.

    Zimwe mu mpinduka byitezwe ko zizagaragara muri Miss Rwanda 2022, ni uko hazahembwa buri mukobwa uzatsindira guhagararira Intara.

    Abakobwa bose bahagarariye Intara bagiye guhabwa ibihembo muri Miss Rwanda nyuma y'uko mu riheruka ababashije kujya mu mwiherero bemerewe kwishyurirwa kaminuza ku bufatanye na Kaminuza ya Kigali nk'igihembo gishya cyari cyinjiye muri iri rushanwa.

    Icyakora nubwo hari amakuru ko buri mukobwa uzatsindira itike yo guhagararira Intara ye azatahana ishimwe, ntabwo haramenyekana ibihembo bazahabwa.

    Byitezwe ko tariki 23 Ukuboza 2021 ari bwo hazaba ikiganiro n'abanyamakuru cyo gutangiza iri rushanwa, hakazatangarizwamo amakuru arambuye. Uyu munsi ni nabwo abakobwa bazatangira kwiyandikisha muri Miss Rwanda 2022.

    Umukobwa uzegukana ikamba rya Miss Rwanda 2022 azaba asimbuye Ingabire Grace watowe nka Miss Rwanda 2021.

    Source : https://umuryango.rw/imyidagaduro/article/hagiye-gutangwa-igihembo-cy-umukobwa-uhagarariye-intara-muri-miss-rwanda-2021

  • Ingabire Marie Immaculée na we yinjiye mu banenze ikanzu yambawe na Miss Ingabire Grace #rwanda #RwOT

    Yabivuze kuri uyu wa Kabiri tariki 14 Ukuboza ubwo Umuryango ayoboye wamurikaga ubushakashatsi buzwi nka Rwanda Bribery Index bugaragaza iko ruswa ihagaze mu Rwanda, avuga ko uwambitse bazina we Miss Ingabire Grace na we wagira ngo yariye ruswa.

    Ingabire mari Immaculee yagize ati 'Umuntu wambitse uriya mwana wagiye muri Miss World ahagarariye u Rwanda, urebye uko yamwambitse wavuga ko yahawe ruswa yo kumwambika nabi, yambaye nabi cyane, cyane ariko uretse kuyijyana muri Miss World iriya kanzu ntiwanayijyana mu isoko. Njye rwose mvuga ko uriya muntu yahawe ruswa.'

    Iyi kanzu yanenzwe n’Umuyobozi wa Transparency International Rwanda, Ingabire Marie Immaculée, niyo nyampinga w’u Rwanda 2021 uri mu marushanwa y’umukobwa uhiga abandi ku isi yaserukanye ubwo yiyerekanaga.

    Gusa ifoto ya Miss Ingabire yambaye ino kanzu ikimara kujya hanze benshi mu bakurikiranira hafi ibikorwa by’uyu mukobwa aho ari muri aya marushanwa banenze iyi myambarire bavuga ko itanononsowe neza nubwo hari bamwe bayishyigikiye.

    Nyuma y’uko Miss Ingabire Grace ashyize hanze ifoto yambaye iyi kanzu benshi ntibariye iminwa kuko bahise bavuga ko uwayikoze n’uwayimwambitse batahisemo umwambaro umubereye.

    Aba ni bamwe mu bagize icyo babivugaho babinyujije kuri Instagram wa Miss Ingabire, uyu witwa Dean deals yagize ati 'Uwaguhitiyemo icyo kizibaho nako marniere bajyana kubyara niwe mubi.’ Maze ashyiraho akantu karimo guta amarira. Bimenyimana Jean de Dieu na Koco Tony nabo banenze uyu mwambaro bati 'Hoya vraiment wamabara ibintu bitagukwira.’

    Uwitwa Dufitimana Gilbert we ati 'iyi rumbiya wamabaye koko, ahaaa. Uradusebeje cyakora.’ Naho uwiyise 2020Jovis we yagize ati 'Ikanzu nk’iyu mugore utwite ninde wayimuzaniye ngo ayijyane muri miss world. Umuntu wakwambitse iyi kanzu yaragukoze ntabuze byose kuko siyo kujyana aho hantu, iyi kanzu ni uruva gusenya baragupfunyikiye.'

    Nyampinga w’u Rwanda wa 2021, Ingabire Grace, akaba ari i Jose Miguel Agrelot Coliseum muri Puerto Rico, aho yitabiriye amarushanwa yo gutoranya umukobwa uhiga abandi mu Isi 'Miss World 2021', amarushanwa ari kuba ku nshuro ya 70.

    Source : http://www.ukwezi.rw/Imyidagaduro/article/Ingabire-Marie-Immaculee-na-we-yinjiye-mu-banenze-ikanzu-yambawe-na-Miss-Ingabire-Grace

  • Uburwayi bukomye bwa MrP bwatumye igitaramo cya P Square cyo kwiyunga gisubikwa #rwanda #RwOT

    Mu butumwa Peter Okoye uzwi muri PSquare nka Mr P yanyujije ku rukuta rwe rwa Instagram yatangaje ko yagerageje ibishoboka ngo agarure akabaraga none bibasabye ko igitaramo kigizwa inyuma.

    Ati' Bimaze iminsi bingoye cyane kugerageza gutora akabaraga mu buribwe ,umuriro ndetse no gucika intege umubiri wose, Twari twishimiye kubaha igitaramo cyiza tariki 18 Ukuboza 2021 , gusa umubiri wanjye wanze urananira nkarenzaho imyitozo ikarishye ya buri kanya , situdiyo nayo byanze byasabye ko numvira amabwiriza y'abaganga yo kuruhuka , kongera kubaka umubiri wanjye nzasubira ubuzima ku murongo muzima.

    Ikintu cya mbere nihutiye gukora ni ukwipimisha icyorezo cya Covid-19 gusa ku bw'amahire basanze ndimuzima ndashimira umuvandimwe Rudeboy(P Square) , umuryango wanjye n'ikipe yanjye bambaye hafi bakanyihanganira mu gihe narindi kunyura muri Ibi byose .

    Amakuru meza ahari nuko ibi tugiye kubikosora , ubundi tubahe igitaramo cy'imbaturamugabo ku munsi wa noheri tariki 25 Ukuboza 2021'

    Igitaramo cya PS quare cyari ku itariki 18 Ukuboza kimuriwe tariki 25 Ukuboza 2021.

    Source : https://umuryango.rw/imyidagaduro/article/uburwayi-bukomye-bwa-mr-p-bwatumye-igitaramo-cya-p-square-cyo-kwiyunga

  • Alain Mukurarinda yahawe kungiriza umuvugizi wa Guverinoma #rwanda #RwOT

    Inama y'Abaminisitiri yateranye kuri uyu wa Kabiri Tariki 14 Ukuboza 2021, yanzuye ko Alain Mukurarinda (Uzwi nka Alain Muku) wigeze kuba Umushinjacyaha n'Umuvugizi w'Ubushinjacyaha, agirwa Umuvugizi wa Guverinoma wungirije,

    Mukurarinda yabwiye itangazamakuru ko akimara guhabwa izi nshingano yahise yumva uburemere bw'inshingano yahawe n'icyizere yagiriwe na Perezida Paul Kagame.

    Mukurarinda ahawe iyi mirimo nyuma yaho muri 2015 yari yasabye guhagarika akazi mu gihe kitazwi.

    Icyo gihe yabwiye itangazamakuru ko atasezeye ku kazi ahubwo ngo ibyo yakoze ari ugusaba guhagarika akazi mu gihe kitazwi, kuva muri Mutarama 2016, kugira ngo asange umuryango we mu Buholandi. 

    Uyu mugabo anazwi nk'umwe mu bashinjacyaha bari mu Nteko y'ubushinjacyaha mu manza zikomeye, Urwo yibukirwaho cyane  urwa  Ingabire Victoire kuko ariwe wamushinjaga.

      Mukurarinda anazwi nk'umuhanzi  ndetse n'umwanditsi w'ibitabo.

    Azwi mu ndirimo zirimo 'Murekatete' n'izindi.  Yanashinze inzu ifasha abahanzi yise  'The Boss Papa'.

    Mu mwaka wa 2018, Alain Mukurarinda yashyize hanze igitabo yise 'Qui Manipule qui' kivuga uko urubanza rwa Ingabire Victoire Umuhoza rwagenze, nyuma y'uko hari benshi bahoraga babimubaza ndetse bamwe bakabivugana uburakari bavuga ko rwabayemo uburiganya no gutekinika.

    Mukurarinda wabaye Umushinjacyaha guhera mu 2002, agiye kungiriza Yolande Makolo wagizwe Umuvugizi wa Guverinoma muri Nyakanga uyu mwaka wa 2021.

    Nyuma yaho Mukurarinda ahawe  izi nshingano, Yolande Makolo yahise amuha ikaze ndetse n'abandi bahawe imyanya inyuranye mu Biro by'Umuvugizi wa Guverinoma.

    • Alain Mukurarinda yananditse igitabo yise 'Qui Manipule qui'

    The post Alain Mukurarinda yahawe kungiriza umuvugizi wa Guverinoma appeared first on FLASH RADIO&TV.

    Source : https://flash.rw/2021/12/15/alain-mukurarinda-yahawe-kungiriza-umuvugizi-wa-guverinoma/?utm_source=rss&utm_medium=rss&utm_campaign=alain-mukurarinda-yahawe-kungiriza-umuvugizi-wa-guverinoma

  • Haiti: Abantu basaga 62 bapfiriye mu mpanuka y'ikamyo itwara lisansi yahiye #rwanda #RwOT

    Abantu bagera kuri 62 bapfuye ubwo ikamyo yikoreye ibikomoka kuri peteroli yaturikaga igahita ishya muri Haiti mumujyi wa Cap-Haitien kuri uyu wa kabiri.

    Abashinzwe gutabara ahabaye impanuka bavuga ko iyi mibare ishobora kwiyongera cyane kuko ari benshi bahiriye muri aka kaga.

    Umuyobozi wungirije w'uwo mujyi, Patrick Almonor, yavuze ko abatari bake bakomeretse kandi abarenga 50 bishwe n'umuriro. Avuga kandi ko iyo kamyo yakoze impanuka ubwo umushoferi wayo yarimo ahunga kugira ngo atagonga ipikipiki yari mu nzira.

    Abantu bapfuye ni abarimo baragenda n'amaguru ku muhanda, bihutiye kuvoma lisansi, isanzwe ari imari ishyushye mu murwa mukuru Port-au-Prince.

    Almonor yavuze ko amazu hafi 40 muri ako gace yahiye ashya, ariko nta mibare yatanzwe y'ababa bayahiriyemo.

    Mu mezi ashize, imodoka zitari nke zitwaye ibitoro zatewe n'amabandi yitwaje intwaro basaba amafaranga kugira ngo barekure abashoferi bazo.

    (AFP)

    Source : https://umuryango.rw/amakuru/mu-mahanga/umutekano/article/haiti-abantu-basaga-62-bapfiriye-mu-mpanuka-y-ikamyo-itwara-lisansi-yahiye