Category: Uncategorized

Rayon Sports isaha n’isaha ishobora gufata icyemezo cyo kutazongera gukorera umwiherero mu Nzove bitewe n’imibereho y’abakinnyi batishimiye igihe bitegura umukino.

Abakinnyi ba Rayon Sports bakora imyitozo bataha, ariko iyo habura iminsi 2 ngo bakine baba bagomba kujya mu mwiherero aho bawukorera mu Nzove, baba mu macumbi umuterankunga wabo Skol yabubakiye.

Ni amacumbi abamo n’abakinnyi babishaka umunsi ku munsi nka Manace Mutatu, Sanogo Sulaiman na Steve Elo Manga.

Imibereho y’abakinnyi igihe bagiye mu mwiherero, imirire yabo ni kimwe mu bintu batishimiye ndetse n’abatoza bakaba bamaze igihe babwira ubuyobozi ko atari ahantu ho gutegurira umukino ku ikipe yifuza intsinzi.

Amakuru ISIMBI yamenye ni uko isaha n’isaha iyi kipe yafata umwanzuro ikajya ikorera umwiherero muri hoteli nk’uko byari bisanzwe ubundi mu Nzove bakajya bakorerayo imyitozo gusa.

Ibi bishobora gutangirana n’unwiherero wo kwitegura umukino w’umunsi wa 9 wa shampiyona uzaba ku wa Gatandatu ikipe ya Rayon Sports izakinamo na AS Kigali.

Rayon Sports ishobora kutazongera gukorera umwiherero mu Nzove

Uyu mugabo yatawe muri yombi na RIB tariki 08 Ukuboza 2021, mu Kagari ka Kugugu, mu Murenge wa Kinyinya mu Karere ka Gasabo.

RIB ivuga ko aba bakobwa yabashukishaga amafaranga akanabagurira ibintu bitandukanye kuko ari umucuruzi. Aba bana ngo bajyagayo mu bihe bitandukanye aho uyu uregwa yacururizaga akabakoreraho ibikorwa by’ishimishamubiri.

Uwafashwe afungiye kuri RIB Station ya Kinyinya mu gihe dosiye ye yashyikirijwe Ubushinjacyaha.

Umuvugizi wa RIB, Dr Murangira B. Thierry, yatangaje uyu mugabo yakoraga biriya byaha ashukishije abana ibintu binyuranye kugira ngo abareshye abashobora muri ubwo busambanyi.

Dr Murangira avuga ko ubu buryo ari bwo abakora ibi byaha bakunze gukoresha 'bifuza kwigarurira icyizere mu bana bagamije kubasambanya. RIB irasaba ababyeyi kwita ku bana babo ndetse igihe cyose babonye hari ikintu cyangwa impano bazanye batazi aho yavuye, ko bajya babyitaho, bagakurukirana ndetse bakiyama abo bantu.'

ITEGEKO RITEGANYA IKI ?

Itegeko riteganya ibyaha n’ibihano muri rusange

Ingingo ya 133 : Gusambanya umwana

Umuntu wese ukorera ku mwana kimwe mu bikorwa bishingiye ku gitsina bikurikira, aba akoze icyaha :

1º gushyira igitsina mu gitsina, mu kibuno cyangwa mu kanwa k’umwana ;

2º gushyira urugingo urwo arirwo rwose rw’umubiri w’umuntu mu gitsina, cyangwa mu kibuno cy’umwana ;

3º gukora ikindi gikorwa cyose ku mubiri w’umwana hagamijwe ishimishamubiri. Iyo abihamijwe n’urukiko, ahanishwa igifungo kitari munsi y’imyaka makumyabiri (20) ariko kitarenze imyaka makumyabiri n’itanu (25).

Iyo gusambanya umwana byakorewe ku mwana uri munsi y’imyaka cumi n’ine (14), igihano kiba igifungo cya burundu kidashobora kugabanywa kubera impamvu nyoroshyacyaha.

Iyo gusambanya umwana ufite cyangwa urengeje imyaka cumi n’ine (14) byamuteye indwara idakira cyangwa ubumuga, igihano kiba igifungo cya burundu.

Iyo gusambanya umwana byakurikiwe no kubana nk’umugabo n’umugore, igihano kiba igifungo cya burundu kidashobora kugabanywa kubera impamvu nyoroshyacyaha.

Iyo icyaha cyo gusambanya umwana cyakozwe hagati y’abana bafite niburaimyaka cumi n’ine (14) nta kiboko cyangwa ibikangisho byakoreshejwe, nta gihano gitangwa. Icyakora, iyo umwana ufite imyaka cumi n’ine (14) ariko utarageza ku myaka cumi n’umunani (18) asambanyije umwana uri munsi y’imyaka cumi n’ine (14), ahanwa hakurikijwe ibiteganywa mu ngingo ya 54 y’iri tegeko.

UKWEZI.RW

Ubushinjacyaha bwasobanuye ibirego bushinja Claude Muhayimana kuri uyu wa 15 Ukuboza 2021 busoza bumusabira igifungo cy’imyaka 15.

Biteganyijwe ko abamwunganira ari bo bagiye kumvwa nyuma y’aho mu bihe bitandukanye inteko iburanisha yumvise abatangabuhamya, inzobere mu mateka y’u Rwanda n’ibijyanye na Jenoside yakorewe Abatutsi, bamwe mu barokotse Jenoside na bamwe mu bayikoze barimo n’abakatiwe baba mu Rwanda ndetse n’uregwa ariwe Jean Claude Muhayimana.

Kuri uyu wa Kabiri humviswe abavoka bunganira abaregera indishyi muri uru rubanza ngo bagaragarize urukiko ishingiro ry’ibyaha Muhayimana aregwa.

Muhayimana usanzwe afite ubwenegihugu bwa kabiri bw’u Bufaransa, akekwaho kugira uruhare mu bikorwa byo kwica Abatutsi mu cyahoze ari Kibuye, aho avugwaho kuba yaratwaraga Interahamwe zabaga zigiye mu bitero.

Muri uru rubanza rwatangiye kuburanishwa mu kwezi gushize, humviswe ubuhamya burumo inzobere zagaragaje amateka ya Jenoside Yakorewe Abatutsi ndetse n’Abanyarwanda bazi ibya Jenoside Yakorewe Abatutsi.

Claude Muhayimana we yahakanye ibyaha akekwaho, aho yavuze ko yemera ko Jenoside yakorewe Abatutsi yabayeho ariko ko atazi umugambi wo kuyitegura.

Mu kiganiro cyabereye kuri Hill View Hotel kuri uyu wa Gatatu tariki 15 Ukuboza 2021, abategura iki gikorwa basobanuye birambuye uko kizagenda kuva ku munsi wa mbere kugeza kirangiye.

Bavuze ko bihaye igihe cy'amezi atatu uhereye uyu munsi bateguza iki gikorwa kugira ngo rubanda bumve neza gahunda ihamye bafite.

Ni ibihembo bavuga ko byubakiye ku kuzamurira ubushobozi abakinnyi ba filime, abazitunganya n'abandi. Binagamije kuzamura urwego rwa cinema mu Rwanda, kwishimira ibyagezweho no gutuma cinema yo mu Rwanda imenyekana ku rwego Mpuzamahanga.

Ni ku nshuro ya munani ibi bihembo bigiye gutangwa, ariko ni ku nshuro ya kabiri bigiye gutangwa ari mpuzamahanga. Mu 2020, byasubitswe kubera icyorezo cya Covid-19 cyugarije Isi muri iki gihe.

Kuri iyi nshuro, ibi bihembo byubakiye ku nsanganyamatsiko yo guhuza 'umuco wanjye' n'amajwi n'amashusho.

Mucyo Jackson Umuyobozi wa Ishusho Arts, yavuze ko kuri iyi nshuro bazatanga ibihembo byinshi, aho umukinnyi w'umugore/umugabo ukunzwe n'Abanyarwanda [People's Choice] azahembwa imdoka. Avuga ko uwa kabiri azahembwa sheki y'amafaranga atatangaje ingano yayo.

Uyu muyobozi yavuze ko kuri iyi nshuro abantu bakwiye kwizera ko iyi modoka izatangwa, bitandukanye n'ikindi gihe byigeze kuvugwa ko bazatanga imodoka ariko ntibikorwe.

Ati 'Imodoka hari ikindi gihe yigeze kuvugwa ariko ntabwo twigeze tuyivugaho nk'ahantu nk'aha kubera ko ikosa ryabayeho yavugiwe mu gikari bihita binasohoka, haba impamvu zituma isubira mu gikari…'

'Uyu munsi kuko tubivuze uwo mufatanyabikorwa ntabwo ateye atyo, nta n'ubwo ubu yakisubira ngo byemere bitewe n'amasezerano dufitanye.'

Jackson avuga ko umuterankunga bamaze kuvugana 'kandi ntiyakwisubira'. Avuga ko abantu bakwiye kwitabira ibi bihembo, kandi ko hazaba harimo icyiciro cy'amatora yo kuri internet ari nayo azagena uzatsinda muri 'People's Choice'.

Anavuga ariko ko hari Akanama Nkemurampaka kazemeza filime zizahatana, ndetse n'abazegukana ibihembo mu byiciro 32 by'abahatana bivuye kuri 23.

Kuri iyi nshuro ya 8, Rwanda International Movie Awards izafatanya na Minisiteri y'Urubyiruko n'Umuco n'Inteko n'Umuco.

Guhera ku wa 20 Ukuboza 2021, abantu bazaba bemerewe gutangira kwandikisha filime zabo bashaka ko zizahatana muri iki gikorwa. Iyi gahunda izamara ukwezi kumwe.

Ku wa 4 Mutarama 2022, hazaba ijoro ryo kugaragaza no guhitamo abahatana muri ibi bihembo.  Tariki 4 Gashyantare 2022 hazaba igikorwa cy'aho abakinnyi ba filime bazagenda bazajya ahantu hatandukanye biyereka abaturage. Tariki 3 Werurwe 2022, nibwo ibi bihembo bizatangwa.

Mucyo Jackson yavuze ko imodoka izahabwa uzaba uwa mbere mu cyiciro cya People's Choice naho uza uwa kabiri azahabwa sheki y'amafaranga

Ushinzwe imigendekere y'igikorwa Amir Mbera, yavuze ko ibi bihembo bigamije gutera iteka abagira uruhare mu guteza imbere cinema Nyarwanda barimo aba Producer, abakinnyi ba filime, abaziyobora n'abandi

Uhereye ibumoso:  Ushinzwe imigendekere y'igikorwa Amir Mbera, Mucyo Jackson Umuyobozi wa Ishusho Arts itegura ibi bihembo, n'Umukinnyi wa filime Sugira Fofo Ushinzwe Itangazamakuru muri ibi bihembo

AMAFOTO: Iradukunda Jean De Dieu-INYARWANDA.COM

Ibitaramo byaherukaga gufungurwa mu Ukwakira 2021. Mu byemezo by'Inama y'Abaminisitiri, harimo ingingo ivuga ko 'Konseri zateguwe zizajya zibanza kwemezwa n’Urwego rw’igihugu rushinzwe iterambere mu Rwanda (RDB).'

Ku gicamusni cyo kuri uyu wa Gatatu tariki 15 Ukuboza 2021, bamwe mu bagize guverinoma bagiranye ikiganiro cyibanze ku ngamba nshya zo gukomeza guhangana n’icyorezo cya Covid-19.

Umuyobozi mukuru w’agateganyo ushinzwe ubukerarugendo muri RDB, Ariella Kageruka, yasabye abafite Hoteli gukomeza kwibutsa ababagana kubahiriza amabwiriza yo kwirinda Covid-19 harimo kumenya neza igihe bagomba kumara mu gihe cy’akato.

Avuga ko ba mukerarugendo basura u Rwanda bagomba kubanza kwipimisha mbere y’uko bafata urugendo. Uyu muyobozi yavuze ko abategura ibitaramo/konseri bagomba kumenyesha RDB mbere y'iminsi 10. Yanavuze ko amabwiriza arambuye baza kuyatangaza.

Ati 'Icya nyuma nagarukaho ni abategura konseri, aho tubasaba nk’uko bisanzwe kudusangiza amakuru mbere iminsi 10 ‘adress’ barayizi ariko turaza no gutanga inyandiko isobanura bino byose aho ayo makuru agomba gutangwa.”

Akomeza ati 'Tukaba rero tubasaba y’uko ibikurikizwa ari ukureba ibipimo bya Covid-19 ndetse no kureba ko abantu bagana muri ibyo bikorwa bakingiwe ‘doze’ zose ziteganwa.'

Yunganiwe n'Umuvugizi wa Polisi, CP John Bosco Kabera wavuze ko ibitaramo/konseri byari byarateguwe ibizaba ari ibifite uruhushya.

Ati 'Ibitaramo by’umuziki no kubyina cyangwa se Nights Clubs birafunze ibyo byumvikane ko ibintu byahindutse ariko noneho ku bijyanye na konseri zari zarateguwe byumvikane ko izizakorwa ari izifite uruhushya.'

Muri iki kiganiro, Minisitiri w'Ubuzima, Dr Daniel Ngamije, yavuze ko abagaragaweho Covid-19 muri iyi minsi ari abitabiriye ibirori bitandukanye, n'abandi bagiye bahurira ahantu hafunganye byatumye guverinoma ikaze ingamba zo kwirinda Covid-19.

Minisitiri Ngamije avuga ko abantu 6 ari bo basanze baranduye ubwoko bushya bwa Covid-19 buzwi nka Omicron mu bagenzi 23 basuzumwe. Avuga ko Leta yakajije ingamba kugira ngo ‘igihugu kidasubira mu bihe by’ibyintangiriro yo mu 2020’.

Ngamije avuga ko abantu bakwiye gukomeza kwirinda no kubahiriza neza aya mabwiriza. Akavuga ko byari bisigaye bigaragaza ko abantu bari baradohotse, ntibambare agapfukamunwa, abandi bari ahantu hacucitse.

Akavuga ko n’ubwo Leta yakoze ibishoboka mu guhangana n’iki cyorezo harimo gukingira umubare munini ariko abantu bakwiye gushyira imbere gukomeza kwirinda cyane.

Minisitiri w’Ubutegetsi bw’Igihugu, Gatabazi Jean Marie Vianney ashima Abanyarwanda uburyo bitwaye muri iki gihe cyo guhangana na Covid-19, byatumye u Rwanda rushyigikirwa ku rutonde rw’ibihugu byitwaye neza mu guhangana n’iki cyorezo.

Akibutsa abaturage batarikingiza Covid-19 kwitabira iki gikorwa kiri kubera mu matsinda. Ati “Turasaba abanyarwanda ko muri ibi byumweru bibiri biri imbere bakingiza kuko inkingo zarabontse mu buryo bushoboka.”

Ashima uburyo abatuye Umujyi wa Kigali uri kwitwara mu kwikingiza Covid-19, ariko kandi ko abo mu Ntara y’Uburengerazuba ntibarumva neza iki gikorwa. Ni ibintu avuga ko inzego, abaturage n’abandi bakwiye kugira ibyabo mu rwego rwo kwirinda iki cyorezo.

Uyu muyobozi avuga ko buri wese wateguye ibirori, ibitaramo n’ibindi akwiye kugenzura neza niba abantu yatumiye barikingije Covid-19 kandi bipimishije mbere y’uko umunsi nyirizina ugera.

Minisitiri Gatabazi avuga ko Omicron yandura vuba, agasaba buri wese kumva ko akwiye gukomeza gukaza ingamba mu kwirinda iki cyorezo, harimo nko kwambara agapfukamunwa neza, gukaraba kenshi n’ibindi byose bisabwa mu kwirinda iki cyorezo.

Minisitiri w’Ubucuruzi n’Inganda, Béata U. Habyarimana yavuze ko n’ubwo Abanyarwanda bari kwinjira mu minsi mikuru bakwiye no kwibuka icyorezo gihari, bityo ko atari umwanya wo ‘kuregeza’ mu kwirinda iki cyorezo.

Yasabye abacuruzi guhana intera, kandi bakibutsa buri wese ubagana gukaraba intoki mbere y’uko yinjira mu iduka.

Agasaba ko urubyiruko ruri muri ‘Youth Volunteers’ gukorera cyane ahari ubucuruzi bucucitse kugira ngo bibutse buri wese ugana iduka kubahiriza ingamba zo kwirinda iki cyorezo.

Minisitiri w’Ubuzima, Dr Ngamije Daniel yavuze ko imibare y'abandura Covid-19, ikomeje kuzamuka asaba buri wese gukaza ingamba

Minisitiri w’Ubutegetsi bw’igihugu, Gatabazi Jean Marie Vianney, yashimye uburyo Abanyarwanda bari kwitwara mu rugamba rwo guhangana na Covid-19 asaba abatarikingiza kubyitabira

Minisitiri w’Ubucuruzi n’Inganda, Béata U. Habyarimana yasabye abacuruzi kongera kwibutsa ababagana kubahiriza amabwiriza yo kwirinda Covid-19

Umuvugizi wa Polisi y'u Rwanda, CP John Bosco Kabera yavuze ko konseri zizemererwa kuba ari izifite uruhushya