Webrwanda Backend

Category: Uncategorized

  • Mu marira menshi Sergio Aguero yasezeye burun… – #rwanda #RwOT

    Mu muhango wari witabiriwe n’abakinnyi b’ikipe ya mbere ya FC Barcelona, umuyobozi wa FC Barcelona, uwa Atletico Madrid n’umutoza Pep Guardiola wamutoje muri Manchester City, Kun Aguero yahisemo gusezera umupira w’amaguru kubera indwara y’umutima. Mu kiniga cyinshi Aguero yagize ati: “Ndi hano kugira ngo mbamenyeshe ko nafashe umwanzuro wo gusezera ku mupira w’amaguru burundu. Ni icyemezo maze iminsi 10 mfashe n’ubwo kubyakira bingoye”.

    Abajijwe icyo atazibagirwa mu gihe yari amaze muri Barcelona, Kun Aguero yatangaje ko yashimishijwe n’abafana iyi kipe ifite ati: “Natunguwe n’abafana b’iyi kipe uko banyakiriye byari agatangaza, ibihe byiza nabanyemo n’abakinnyi, abakinnyi bakiri bato nabyo sinabyibagirwa, gusa byose birarangiye”.

    Abajijwe uko yiyumvise ubwo bamubwiraga ko atazongera gukina, yavuze ko byari ibintu bikomeye. Ati: “Ntakubeshye mu byumweru bibiri byari bikomeye ndibuka ubwo nakoraga ikizamini cya mbere, bambwiye ko bigoye kuba nakomeza gukina ndetse ko nkwiye kuba nahagarika umupira w’amaguru, ariko njye sinabyumvaga gusa ubu ndimo ndagenda mbyakira”.


    Muri Manchester City niho yagiriye ibihe byiza 

    Aguero w'imyaka 33 ubu ahanganye n'ibibazo by'imvune ndetse n'indwara y'umutima byose byamwibasiye kuva yagera muri Espagne, aho yari amaze gukinira Barcelona imikino itanu gusa. Umukino we wa nyuma muri FC Barcelona, Aguero yawukinnye tariki ya 30 Ukwakira 2021, ndetse aza kuva mu kibuga ajyanwa kwa muganga nyuma yo kugira ikibazo cy'umutima mu mukino hagati. Uyu rutahizamu ufite amateka akomeye muri shampiyona y'u Bwongereza 'Premier League' by'umwihariko muri Manchester City, asezeye umupira w'amaguru amaze gutsinda ibitego 427 mu mikino 786 yakinnye.


    Aha niho ubuzima bwatangiye kwanga


    Aguero yasezeye burundu kuri ruhago no muri FC Barcelona yari amazemo amezi atagera kuri atandatu

    Source : https://inyarwanda.com/inkuru/112604/mu-marira-menshi-sergio-aguero-yasezeye-burundu-kumupira-wamaguru-112604.html

  • Nyirantwari Primitive’s Letter requesting cha… – #rwanda #RwOT

    We inform you that the named Nyirantwari Primitive, daughter of Kanyamihigo and Nsekantakabuze, domiciled at Burera village, Ruhengeri cell, Muhoza Sector, Musanze district, in the Northern Province applied for the Authorization of the change of name from her current name Nyirantwari Primitive to be called Mukantwari Umurungi in the National population Registry. The reason for the change of name is that it is name i used at school since the beginning of my studies.


    Source : https://inyarwanda.com/inkuru/112609/name-change-request-112609.html

  • Umuvugizi wa Polisi yasabye abantu kureka kwirara no gucika ku mvugo zitiza umurindi Covid-19 #rwanda #RwOT

    Ibi byagarutsweho kuri uyu wa gatatu, tariki 15 Ukuboza 2021, mu kiganiro bamwe mu bagize guverinoma n’uhagarariye Polisi bagiranye n’itangazamakuru, bagaruka ku ngamba zivuguruye guverinoma yafashe mu rwego rwo kwirinda ubwiyongere bwa Covid-19.

    Inama y’Abaminisitirri yateranye kuri uyu wa Kabiri, iyobowe na Perezida wa Repubulika, yafashe ingamba zirimo no guhagarika ibitaramo, abakozi ba leta basabwa gukorera mu rugo bakajya mu biro aho biri ngombwa ndetse n’ibikorwa by’inzego z’abikorera bisabwa gukoresha abantu 50%.

    Iyi myanzuro yaje mu gihe Minisiteri y’Ubuzima itangaje ko ubwoko bushya bwihinduranya bwa Covid-19 bwiswe Omicron nyuma yo kugaragara muri Afurika y’Amajyepfo bwagaragaye mu Rwanda ku bantu batandatu barimo abagenzi binjiye mu gihugu n’abo bahuye nabo.

    Kubera imibare y’abandura Covid-19 ikomeje kwiyongera ugererenyije n’iminsi ishize, Umuvugizi wa Polisi y’Igihugu, CP John Bosco Kabera, yavuze ko ibi biri guterwa nuko abantu badohotse ku ngamba zo kwirinda Covid-19 harimo kutambara agapfukamunwa.

    Ati 'Ikigaragara abantu baradohotse ku mabwiriza yo kwirinda Covid-19, nk’uko bigararira mu mibare y’abantu bafashwe na Polisi barenze ku mabwiriza. Kuva tariki 5 kugeza 14 Ukuboza hafashwe abantu ibihumbi 59,295 batambaye agapfukamunwa, abantu barenga ibihumbi 7 bafatwa barengeje amasaha yo kugera mu ngo, abantu 1,081 banyweranga mu tubari tutemewe gukora.'

    Aha niho CP Kabera yahereye asaba abantu gucika kuri zimwe mu mvugo zituma abantu badohoka nka mpobera twarikingije, kuramo agapfukamunwa nkurebe n’izindi.

    Yagize ati 'Hari imvugo abantu benshi bari gukoresha bakwiye kureka kuko zica abantu intege bakadohoka. Hari abavuga ngo Mbere ya Covid-19 nkaho yarangiye, Mpobera twarikingije, Kuramo agapfukamunwa nkurebe neza, Wari wambaye neza nuko wambaye agapfukamunwa, n’ubu turacyumva ngo nta myaka ijana. Abantu batazitondeye bakazinjirana mu minsi mikuru ya noheri n’ubunani byavamo ibintu bikomeye. Abaturarwanda basubize amaso inyuma bibuke imyanzuro yafashwe tariki 18 Mutarama 2021.'

    Umuvugizi wa Polisi y’u Rwanda yongeye guhwitura abakora mu mahoteli, amaresitora n’ahakira abantu kubera ko nabo badohotse ku ngamba zirimo gukaraba intoki, gupima umuriro, kwambara agapfukamunwa ndetse no kudapimisha abakozi Covid-19 buri minsi 14 nk’uko amabwiriza abiteganya.

    CP Kabera avuga ko bamwe bakora bitwaje ko abakiriya batabacikaho, gusa ngo mu gihe batagenzura niba birinda Covid-19 abo bakiriya bazababura kubera ko bishoboka ko aho bakorera hanafungwa.

    Yongeye kandi guhwitura abanyamadini bikuriyeho amwe mu mabwiriza harimo kutambara agapfukamunwa ku baririmbyi, kutandika abantu bitabiriye amateraniro na za misa, kudahana intera no kudakoresha ikoranabuhanga mu gutanga amaturo. Maze abasaba kwikubita agashyi bakareka kudohoka.

    CP John Bosco Kabera, yibukije abafite amahoteli kwita by’umwihariko ku bagenzi binjira mu gihugu bacumbika mu mahoteri yabo mu gihe bakiri mu minsi y’akato, maze bakamenya neza niba badasohoka muri hoteli bitazwi.

    Ibi bijyana n’abafite utubari n’amaresitora bahissha intebe maze inzego zigenzura zamara kugenda bakazizana bakacyira abantu, uyu muco yasabye ko bawucikaho kuko badakwiye gukorera ku jisho rya Polisi cyangwa izindi nzego, ashimangira ko abazafatirwa muri aya makosa batazihanganirwa.

    Ikindi Umuvugizi wa Polisi y’u Rwanda, CP John Bosco Kabera, yibukije abanyarwanda ni ugucika ku muco wo gutwara ibinyabiziga banyoye ibisindisha cyane cyane muri iyi minsi mikuru ya noheri n’ubunani igiye kuza.

    Ati 'Abantu bizihize noheli n’ubunani amahoro, bityo twirinde amakosa yose yabera mu muhanda akaba yahitana ubuzima bw’abantu. Gutwara ibinyabiziga abantu banyoye ibisindisha bimaze gufata indi ntera, muri Mutarama hafashwe abantu 170, ariko muri uku kwezi kwa Ugushyingo dusoje hafashwe abantu 384, kuva uyu mwaka watangira hamaze gufatwa abantu 2,923. Abantu birinde aya makosa ndetse n’ibihano biyaturukaho.'

    Source : https://imirasire.com/?Umuvugizi-wa-Polisi-yasabye-abantu-kureka-kwirara-no-gucika-ku-mvugo-zitiza

  • Mu Rwanda abatarafata urukingo rwa COVID-19 bashobora kuazongera kwemererwa kwinjira mu nsengero #rwanda #RwOT

    Ibi byatangajwe kuri uyu wa Gatatu tariki ya 15 Ukuboza 2021 mu kiganiro n’itangamakuru cyagarukaga ku ngamba nshya zo kwirinda icyorezo cya Coronavirus zatangajwe mu myanzuro y’Inama y’Abaminisitiri yateranye ku mugoroba wo kuwa Kabiri tariki ya 14 Ukuboza 2021.

    Muri iki kiganiro cyitabiriwe n’Abaminisitiri batatu barimo Uw’Ubuzima,Dr Ngamije Daniel, Ubutegetsi bw’Iguhugu, Gatabazi Jean Marie Vianney,Uw’Inganda ,Habyarimana Beatha, Umuvugizi wa Polisi y’Igihugu ndetse n’Uhagarariye Ikigo cy’Igihugu Gishinzwe iterambere ry’Igihugu, cyagarutse aho u Rwanda rugeze rushyira mu bikorwa ingamba zashyizweho mu kwirinda icyorezo ari nako izi nzego zisaba Abanyarwanda bose gukomeza kwirinda.

    Ubusanzwe abitabiraga inama n’andi makoraniro ahuza abantu benshi hari ubwo basabwaga kubanza kwipimisha COVID-19 kandi bakerekana ko bahawe urukingo rwayo gusa ku madini n’amatorero iyi gahunda yari itaratangira gukorwa.

    Minisitiri w’Ubutegetsi bw’Igihugu,Gatabazi Jean Marie Vianney, muri iki kiganiro yavuze ko mu abantu bakunze kujya ahantu hahurira abantu besnshi bakwiye kwikingiza COVID-19 hakiri kare hirindwa gukwirakwiza ubwandu.

    Ati'Niba tuvuga ngo mu minsi iri imbere kuza mu rusengero agomba kuba akingiye,kubera Leta yagaragaje ko ifite ubushobozi mu Mujyi wa Kigali kandi bikaba byarakozwe,nta mpamvu utasaba ko urwo rukingo ruba ruje .Kubera ko wa muntu udakingiye uje gusenga, uje mu bukwe, mu kazi , mu biro ashobora kwanduza wa wundi ukingiye, kandi ntabwo yabuze urukingo.'

    Yakomeje ati ' Ntabwo inkingo zaba zihari ngo abantu bange kuzikingiza ngo dushyire abantu mu byago wa wundi wikingije ,ashyirwe mu byago na wa wundi wanze kwikingiza kandi inkingo zihari.Ariko uzagaragaza ko yabuze urukingo akaba atarikingiza, ubwo nitwe tuzaba dufite ikosa.'

    Minisitiri w’Ubutegetsi bw’Ihugu yavuze kandi ko kuva icyorezo cyaza mu gihugu inzego zitandukanye zagaragaje ubwitange mu guhaangana na COVID-19 ndetse ko hafashwe ibyemezo bitandukanye bigamije gukumira ikwirakwira rya cyo bityo ko bidakwiye ko abantu bakwirara .

    Ati 'Nagira ngo nshimire abayobozi b’inzego z’ibanze ndetse n’inzego z’umutekano bakorana kuva mu kwezi kwa Werurwe COVID-19 yagera mu Rwanda kugeza kuri uyu munsi urugamba tukaba twari turugejeje ahakomeye ariko ngira ngo nsabe ko tutagomba kugamburuzwa n’iyi Coronavirus yihinduranyije yongeye kuboneka ubu.'

    Minisitiri Gatabazi yibukije abantu ko mu bihe byo gusoza umwaka batakwirara ahubwo bakomeza kubahiriza amabwiriza yashyizweho .

    Mu nama y’Abaminisitiri yateranye kuwa 14Ukuboza 2021, yafashe imyanzuro ko imihango yose ibera mu nsengero zahawe uburenganzira bwo gukora kuko zuzujuje ibisabwa mu kwirinda COVID-19,igomba kwitabirwa n’abantu batarenze 50% by’ubushobozi bw’izo nsengero bwo kwakira abantu.

    Abanyarwanda baributswa gukomeza kubahiriza ingamba zose zashyizweho hirindwa COVID-19 zirimo kwambara neza agapfukamunwa,guhana intera mu gihe uri ahantu hari abantu besnshi , gukaraba n’amazi n’isabune kenshi gashoboka cyangwa gukoresha umuti wabugenewe(handsanitizer).

    Source : https://imirasire.com/?Mu-Rwanda-abatarafata-urukingo-rwa-COVID-19-bashobora-kuazongera-kwemererwa

  • Ku myaka 33,Sergio Aguero yasezeye ku mupira w'amaguru mu marira menshi #rwanda #RwOT

    Umunyabigwi w'ikipe ya Manchester City,Sergio Kun Agüero, yatangaje ko asezeye gukina umupira w'amaguru nyuma yo kugira ikibazo cy'umutima akagirwa inama yo kureka gukina.

    Ku myaka 33,uyu rutahizamu wakiniraga FC Barcelone ukomoka muri Argentine yatangarije itangazamakuru ko amagara aseseka ntayorwe,yahisemo guhagarika umupira w'amaguru ku myaka ye mike cyane.

    Uyu munsi,tariki ya 15 Ukuboza 2021,nibwo Aguero yatanze ikiganiro cyaranzwe n'amarira menshi,asezera ku mupira w'amaguru wamugize icyamamare ku isi yose.

    Imbere y'abakinnyi babarirwa mu magana ba kera na b'ubu,abayobozi ndetse n'abanyabigwi batandukanye,Aguero yavuze ko yagiriwe inama yo gusezera umupira kubera ikibazo cy'umutima yaherukaga kugira.

    Ati “Iyi nama niyo kubamenyesha ko nahisemo guhagarika gukina umupira w'amaguru. N'umwanya utoroshye.

    “Nishimiye iki cyemezo nafashe, kuko ubuzima bwanjye buza ku mwanya wa mbere. Muzi impamvu nafashe iki cyemezo. Nari mu maboko meza y'abaganga, bakoze ibishoboka byose bansaba ko icyiza nakora ari uguhagarika gukina.

    “Nafashe icyemezo mu minsi icumi ishize. Nakoze ibishoboka byose kugira ngo ndebe niba hari ibyiringiro ariko nta byiringiro byinshi.

    “Nishimiye ibyo nagezeho mu mwuga wanjye. Nahoraga nifuza gukina umupira w'amaguru kuva mfite imyaka itanu. Inzozi zanjye zari ugukina mu cyiciro cya mbere, sinigeze ntekereza kujya mu Burayi.

    “Ndashaka gushimira Independiente, aho nakuriye, Atletico Madrid, yangiriye icyizere mfite imyaka 18. Kuri City,bazi uko mbiyumvamo. Nahasize ibyiza. Ndabashimira cyane.

    “No ku bantu bo muri Barça, babaye intangarugero mu buryo nafashwe. Naje muri imwe mu makipe akomeye ku isi ariko ibintu bibaho kubera impamvu. Ndashimira abantu bose. Ndashimira kandi ikipe y'igihugu ya Arijantine, ari nacyo nkunda cyane. “

    Aguero yerekeje Camp Nou mu mpeshyi ishize, nyuma y'imyaka icumi myiza cyane yamaze muri Manchester City, aho yaje gukora amateka yo kuba uwatsinze ibitego byinshi kurusha abandi bose muri iyi kipe.

    Ku wa 17 Ukwakira 2021,nibwo Aguero yakinnye umukino we wa mbere muri FC Barcelona ariko amahirwe yo kuyikinira ntiyaramba kuko yagize ikibazo ubwo FC Barcelone yari yakiriye Alavés ku wa 30 Ukwakira 2021.

    Icyo gihe, yaguye hasi ari wenyine mu kibuga ntawe umuteze, ajyanwe kwa muganga byemezwa ko ari ikibazo cy'umutima.

    Nyuma y'uyu mukino warangiye ari igitego 1-1, byemejwe ko ashobora kumara amezi atatu adakina ariko aza kugirwa inama yo gusezera umupira w'amaguru.

    Yatsinze ibitego 260 muri City, atsinda ibitego 84 muri Premier League ku bw Pep Guardiola nawe wamamaye muri Barca.

    Yagize uruhare runini mu gufasha City gutwara ibikombe bitanu bya shampiyona mu myaka icumi ishize.

    Yakinnye inshuro eshanu gusa muri Barca ayitsindira igitego kimwe rukumbi mu mukino batsindiwe mu rugo ibitego 2-1 na mukeba ukomeye Real Madrid kuwa 24 Ukwakira 2021.

    Aguero yahamagawe inshuro 101 muri Argentina kuva muri 2006. Yatsinze ibitego 41 akinna na Lionel Messi,umunyabigwi wa Barca.

    Aguero asezeye nyuma yo gutsinda ibitego 426 mu mikino 786 yakinnye,ibikombe bya Premier League bitanu, ibikombe birindwi bya League cup, igikombe kimwe cya Copa America hamwe na Europa League.Yatanze imipira 118 yavuyemo ibitego.Yatwaye ibikombe 19 mu myaka 18 amaze akina.



    Yatsindiye City igitego kitazibagirana mu mateka

    Source : https://umuryango.rw/imyidagaduro/imikino/article/ku-myaka-33-sergio-aguero-yasezeye-ku-mupira-w-amaguru-mu-marira-menshi

  • Dr Munyakazi yakatiwe igifungo cy'imyaka gisubitse #rwanda #RwOT

    Kuri uyu wa Gatatu Urukiko Urukiko Rukuru rwahamije Dr Munyakazi Isaac icyaha yaregwaga cya ruswa, rumuhanisha igihano cy'imyaka itanu y'igifungo ariko gisubitse mu gihe cy'imyaka itanu. Uwo bareganwa igihano cy'imyaka 5 yari yakatiwe cyagumijweho ndetse azayifungwa.

    Saa tanu nibwo inteko y'Abacamanza batatu n'Umwanditsi w'Urukiko yatangiye gusoma icyemezo cy'urukiko mu rubanza rw'ubujurire rwa Dr Isaac Munyakazi wabaye Umunyamabanga wa Leta muri Minisiteri y'Uburezi ushinzwe amashuri abanza n'ayisumbuye.

    Urukiko Rukuru rwamumije icyaha aregwa rumukatira igihano cy'imyaka itanu isubitse mu gihe cy'imyaka itanu, no gutanga ihazabu ya miliyoni 3Frw.

    Gahima Abdoul ureganwa na Dr Munyakazi nyiri shuri ryitwa Good Harvest School bari bajuririye hamwe Umucamanza yavuze ko ubujurire bwe nta shingiro bufite.

    Yategetse ko azafungwa imyaka itanu muri Gereza, ndetse agatanga n'ihazabu ya miliyoni 1,5Frw.

    Ubujurire bwatangiye kuburanwa muri Gicurasi 2021  mu Rukiko Rukuru, Dr Munyakazi Isaac yatakambiye Urukiko arubwira ko yasabye imbabazi Perezida wa Repebulika y'u Rwanda ku byaha yakoze n'izindi nzego zose yagiye anyuramo ubwo yabazwaga haba mu Bugenzacyaha no mu Bushinjacyaha.

    Uru rubanza rwarasubitswe inshuro 7 n'isomwa ryarwo ryasubitswe inshuru ebyiri.

    Kuwa 16 Ukwakira, 2020 Urukiko Rwisumbuye rwa Nyarugenge nibwo rwakatiye Dr Isaac Munyakazi igihano cyo gufungwa imyaka 10 n'ihazabu ya miliyoni 10Frw

    Abdoul Gahima bareganwa we icyo gihe rwamukatiye igihano cy'igifungo cy'imyaka itanu n'ihazabu ya miliyoni 1,5Frw.

    Affaire Munyakazi

    Mu mwiherero w'Abayobozi bakuru wabaye muri Gashyantare 2020, Perezida Kagame Paul yagarutse ku myitwarire ya bamwe mu bari bamaze gukurwa muri Guverinoma kubera imyitwarire mibi yabarangaga irimo n'igize ibyaha.

    Yavuze kuri Isaac Munyakazi ko yakiriye ruswa y'ibihumbi 500 Frw kugira ngo ahe umwanya mwiza kimwe mu bigo by'amashuri.

    Icyo gihe Perezida Kagame yavuze ko uyu wahoze ari umuyobozi mu nzego nkuru atigeze anaruhanya ahubwo ko yahise yemera ibya kiriya gikorwa cyo kwakira ruswa.

    Perezida Kagame yagize ati 'Ibi mbabwira ntabwo ari inkuru kuko na we yaje kubyemera kuko hari ibimenyetso adashobora guhakana, bamufatiye mu cyuho…'

    Yakomeje agira ati 'Iyo ntamwirukana yagombaga kuza akaba yicaye hano nka Minisitiri mubizi, ndashaka kubereka ikibi kiturimo gituma na biriya bidashoboka, ni aho bihera.'

    SRC: Umuseke

    The post Dr Munyakazi yakatiwe igifungo cy'imyaka gisubitse appeared first on IRIBA NEWS.

    Source : https://iribanews.rw/2021/12/15/dr-munyakazi-yakatiwe-igifungo-cyimyaka-gisubitse/

  • Rwanda: Ignace Nkaka na Nsekanabo Jean Pierre ba FDLR bakatiwe gufungwa imyaka 10 #rwanda #RwOT

    Urugereko rw'urukiko rukuru ruri I Nyanza rwakatiye igifungo cy'imyaka 10 Ignace Nkaka (La Forge Fils Bazeye) wahoze ari umuvugizi w'umutwe wa FDLR hamwe na Lt Col Jean Pierre Nsekanabo (Abega) wari ushinzwe iperereza muri uwo mutwe.

    Urukiko rwabahamije icyaha cyo kuba mu ishyirahamwe ry'iterabwoba ruvuga ko bo ubwabo biyemereye kuba mu mutwe wa FDLR n'ubwo mu rubanza bavuze ko batari bazi ko ari umutwe w'iterabwoba.

    Mu kwezi kwa 12 mu 2018, aba bagabo bafatiwe ku mupaka wa Bunagana wa Congo na Uganda bivugwa ko bashinjwa ko bari bavuye i Kampala mu nama y'abarwanya ubutegetsi bw'u Rwanda.

    Mu rubanza rwabo rumaze imyaka isaga ibiri, ubushinjacyaha bwabashinje ibyaha byinshi birimo iby'ubugambanyi no kurema umutwe w'ingabo utemewe, kugirira nabi ubutegetsi buriho – kuri Ignace Nkanka hakiyongeraho n'icyaha cyo gukwirakwiza ibihuha.

    Ibyo byaha bindi ariko urukiko rwavuze ko rusanga batabikurikiranwaho. Rwavuze ko n'ubwo ubushinjacyaha bwagaragaje ko bari mu nzego zo hejuru za FDLR, ntibwavashije kugaragaza ko aribo bateguraga ibitero by'uwo mutwe cyangwa ngo babe bafite ububasha bufatika bwo kubuza igabwa ry'ibitero bya FDLR cyangwa se guhana ababikoze.

    Urukiko ruvuga ko bigaragara ko nta bubasha bari bafite bwo kumenya cyangwa guhagarika ibyari byateguwe n'ubuyobozi bukuru bwa FDLR.

    Mu rubanza abo bagabo bombi bari basabye kurekurwa no kudakurikiranwa mu nkiko bavuga ko kuva bafatwa bafashije inzego zitandukanye z'umutekano baziha amakuru y'ibanze ngo yazifashije mu kumenya imigambi mibisha y'abarwanya ubutegetsi bw'u Rwanda barimo abarwanyi ba FDLR n'indi mitwe iri mu burasirazuba bwa Congo.

    Ikindi kandi ngo bafashije korohereza inzego z'ubutabera muri uru rubanza.

    Icyo nicyo cyahereweho n'urukiko rwavuze ko rubagabanyirije ibihano rukabakatira igifungo cy'imyaka 10 ku cyaha rukumbi cyo kuba mu ishyirahamwe ry'iterabwoba.

    Ku byerekeranye n'ubusabe bwabo mu gusubizwa mu buzima busanzwe nk'uko byagendekeye abandi bari abarwanyi ba FDLR ,urukiko rwavuze ko Ignace Nkaka na Nsekanabo Jean Pierre batarebwa n'iyo ngingo kuko bo bataje mu Rwanda bitandukanyije na FDLR ahubwo bafashwe bakiyirimo.

    Ignace Nkaka wari umuvugizi wa FDLR azwi ku izina rya La Forge Fils Bazeye na Lt Col Nsekanabo Jean Pierre azwi nka 'ABEGA Camara' wari ushinzwe iperereza mu mri uwo mutwe ndetse n'ababunganira ntibari mu rukiko ubwo umwanzuro wafatwaga. Gusa umucamanza yavuzeko bafite iminsi 30 yo kuba bajuririra icyo cyemezo.

    BBC

    Source : https://umuryango.rw/amakuru/mu-rwanda/ubutabera/article/rwanda-ignace-nkaka-na-nsekanabo-jean-pierre-ba-fdlr-bakatiwe-gufungwa-imyaka

  • Paris: Muhayimana Claude wasabiwe gufungwa imyaka 15 yasohotse mu isura idasanzwe #rwanda #RwOT

    Mu rukiko rwa Rubanda i Paris mu Gihugu cy'Ubufaransa, ahabera urubanza rw'Umunyarwanda Muhayimana Claude w'imyaka 60 y'amavuko, aho aregwa ibyaha bifitanye isano na Jenoside yakorewe Abatutsi mu Rwanda, kuri uyu munsi wa 18 usatira ibihe bya nyuma by'uru rubanza, ubushinjacyaha bwamusabiye igihano cy'imyaka 15 y'igifungo. Mu rukiko nyuma yo gusabirwa ibihano, yari afite akanyamuneza ku maso, asohoka nabwo ngo yari yishimye mu buryo ubundi bitari bisanzwe mu gihe urubanza rumaze.

    Ubushinjacyaha, bwabanje gusubira muri bimwe mu byagiye bivugwa n'abatangabuhamya, baba abashinjaga Muhayimana Claude ndetse n'abamushinjura. Bwagaragaje ko mu gihe cya Jenoside yari umuntu uzwi cyane kubera gukorera ibigo bikomeye, ko kandi ubwe yivugiye ko yacuruzaga kiyosike, ubwato, akanagemurira amashuri ayaha ibiribwa.

    Nyuma yo gusubira muri bimwe mu byagiye bivugirwa mu rukiko n'impande zombi no kugaragaza ibishingirwa ho hasabwa ibihano, ubushinjacyaha bwavuze ko ubundi bukurikije uburemere bw'ibyaha, yagakwiye guhanishwa igihano cya 'Burundu', ariko ngo kubera impamvu zinyuranye, Muhayimana Claude, yagabanyirizwa igifungo, agahanishwa imyaka 15 y'igifungo.

    Umunyamakuru Saro Francine Andrew, woherejwe n'umuryango w'abanyamakuru baharanira amahoro gukurikirana uru rubanza, yabwiye intyoza.com ko ubwo ubushinjacyaha bwamaraga gutangaza igihano busabiye Muhayimana Claude, ngo yagaragaye nk'uwishimye mu maso, acyeye, asa n'ushaka guseka ukurikije uko asanzwe, ndetse ngo ubwo yagendaga mu rukiko yerekeza hanze mu kiruhuko byakomeje, anasuhuza abantu ubundi atabikoraga.

    Avuga ko mu busanzwe, Muhayimana Claude ari umuntu utajya apfa kugaragaza amarangamutima ye, keretse iyo arimo kwiregura. Ubundi ngo usanga ari umuntu utuje, akurikiye ibivugwa nk'uri mu biganiro bisanzwe cyangwa se akurikiye amahugurwa, ariko ngo nyuma y'ibyari bimaze gusabwa n'ubushinjacyaha, yagaragaraga acyeye mu maso, ameze nk'ushaka guseka.

    Akomeza avuga ko kuva mu rukiko yerekeza hanze ariko akiri mu cyumba cy'urukiko, ngo byagaragaraga ko acyeye mu maso, yishimye ariko bitari kumwe umuntu asimbagurika yasazwe n'ibyishimo. Mu gihe yagendaga asohoka yerekeza hanze mu kiruhuko, mu buryo atari asanzwe abikora cyangwa se batari bamuziho, ngo yasuhuje abo asanze ndetse abakora mu ntoki, asuhuza abavoka b'uruhande ruhagarariye inyungu z'abaregera indishyi nabo abakora mu ntoki….

    Muhayimana Claude, ni umunyarwanda ariko akaba anafite ubwenegihugu bw'Ubufaransa. Urubanza rwe ruraburanishirizwa mu rukiko rwa rubanda I Paris mu Gihugu cy'u Bufaransa kuva kuwa 22 Ugushyingo kugeza ku wa 17 Ukuboza 2021. Akurikiranyweho ubufatanyacyaha nk'icyitso muri Jenoside yakorewe Abatutsi hamwe n'ibyaha byibasiye inyokomuntu kubera ko yafashije abigambiriye abasirikare n'interahamwe inshuro nyinshi aho yabatwaraga mu modoka akabageza aho bajyaga kwica Abatutsi mu cyahoze ari Perefegitura ya Kibuye ku misozi ya Karongi, Gitwa ndetse na Bisesero. Aha Kibuye, ni hamwe mu bice byiswe zone Turquoise, habaga ingabo z'u Bufaransa mu gihe cya Jenoside yakorewe Abatutsi.

    Photo: AFP

    Munyaneza Theogene / intyoza.com

    Source : https://www.intyoza.com/paris-muhayimana-claude-wasabiwe-gufungwa-imyaka-15-yasohotse-mu-isura-idasanzwe/

  • Ntibisanzwe umukobwa w'imyaka 26 yashyingiranwe n'umusaza umurusha imyaka 44[AMAFOTO] #rwanda #RwOT

    Ubu bukwe bwabereye muri Benin bwatangaje abantu benshi mubakoresha imbuga nkoranyambaga kubera ikinyuranyo cy'imyaka y'aba bombi. Umukobwa w'imyaka 26 yakoze ubukwe n'umusaza w'umuzungu w'imyaka 70 y'amavuko.


    Uyu mukobwa ukomoka muri Benin bivugwako yari amaze imyaka igera kuri ibiri akundana n'uyu muzungu.

    Mu kiganiro yagiranye n'ikinyamakuru B-News, uyu mukobwa yahamijeko urukundo arirwo rwabahuje akumva ntawundi mugabo akeneye atari uyu nguyu bakoze ubukwe.

    Yagize ati:''Abantu benshi bakomeje gutangazwa n'ikinyuranyo cy'imyaka n'umukunzi wanjye ariko bakirengagiza ko namukunze ndetse nkiyemeza kubana nawe ubuzima bwanjye bwose''……

    Uyu mukobwa ukomoka muri Benin bivugwako yari amaze imyaka igera kuri ibiri akundana n'uyu muzungu.

    Source : https://umuryango.rw/ubuzima-115/udushya/article/ntibisanzwe-umukobwa-w-imyaka-26-yashyingiranwe-n-umusaza-umurusha-imyaka-44

  • Menya ingaruka zikomeye zibasira umuntu ukunda kuryamira #rwanda #RwOT

    Ibyo bikaba bifasha ubwonko bwe gukora neza, umubiri ukagira imbaraga zituma ugera ku byo ashaka gukora. Iyo umuntu aryama neza uko bikwiye bimufasha kwirinda zimwe mu ndwara zikomeye nk'umubyibuho ukabije, diyabete, indwara z'umutima no gupfa urupfu rutunguranye.

    Kuryama neza ntibivuze kuryama amasaha yose cyangwa menshi birenze. Kuko no kuryama igihe kinini bishobora kugira ingaruka ku mubiri nk'uko kuryama igihe gito bigenda. Ushobora kwibaza amasaha nyirizina waba ugenewe yo kuryama ushingiye ku myaka y'amavuko ufite ariyihe.
    1.Umwana umaze amezi kuva kuri 0 kugera ku mezi atatu akwiye kuryama amasaha nibura hagati 14-17 ku munsi.

    2.Umwana umaze amezi 4-kugera kuri 11 akwiye kuryama amasaha hagati ya 12-15 ku munsi.

    3.Umwana umaze amezi kuva kuri 11 ,kugera ku myaka 2 y'ubukuru akwiye kuryama amasaha hagati ya 11-14 ku munsi.

    4.Umwana kuva ku myaka 3- kugera kuri 5 akwiye kuryama amasaha nibura hagati ya 10- 13 ku munsi.

    5.Umwana kuva ku myaka 6 kugera kuri 13 akwiye kuryama nibura amasaha hagati ya 9-11 ku munsi.

    6.Ingimbi kuva ku myaka 14 kugera kuwa 17 bakwiye kuryama nibura hagati y'amasaha 8-10

    7.Ingimbi kuva ku myaka 18 kugera kuba 25 y'ubukuru baryama hagati y'amasaha 8-10

    8.Abafite kuva ku myaka 26-64 bakwiye kuryama nibura hagati y'amasaha 7-9 ku munsi.

    9.Naho abafite hejuru y'imyaka 65 y'ubukuru bakwiye kuryama amasaha 7-8.

    Aya niyo masaha ukwiye kuba nibura waryama kugirango umubiri wawe n'ubwonko bwawe bibe byakora neza , iyo umuntu aryamira cyangwa se ntaryame amasaha akwiye nibwo usanga umuntu afite ibibazo byinshi mu mikorere y'umubiri we. Ibi bikurikira ni bimwe mu bibazo by'umubiri bishobora kuba byaterwa nuko umuntu adakurikiza uburyo bumubereye asinzira.

    1.Kubyibuha bikabije

    Hari isano hagati yo kuryamira cyane n'umubyibuho ukabije. Mu gihe uryamye amasaha menshi, bituma igihe umara ukoresha umubiri wawe kigabanuka, uko utawukoresha niko ibiro byiyongera bitewe nuko calories zitwikwa ku rugero rwo hasi.

    2.Kuribwa umugongo : Niba ukora akazi kagusaba kwicara cyane, wagera mu rugo ugahita uryama, niko ibyago byawe byo kurwara umugongo byiyongera cyane.Kumara igihe kinini uryamye mu buryo bumwe byongera uburibwe bw'umugongo kuko imikaya n'amagufa aba abangamiwe cyane, kubera guhora ahantu hamwe.

    3.byongera ibyago byo kwibasirwa na diyabete: Kuryama igihe kirerire bishobora guhindura imikorere y'umubiri mu buryo ukoresha isukari, bikongera ubwinangire bw'umusemburo wa insulin, bityo isukari ikaba nyinshi mu maraso.Kumara igihe kinini wicaye ntacyo ukora (nko mu gihe uryamye) ndetse n'umubyibuho ukabije ni bimwe mu byongera cyane ibyago byo kurwara diyabete.

    4.Byongera ibibazo byo kurwara umutima: Uko uryama igihe kirekire niko umutima wawe ubigenderamo. Uba uri kugenda wongera ibyago byo kwibasirwa n'indwara z'umutima.

    Kuryama igihe gito byongera ibyago ku kigero cya 18% byo kwibasirwa n'indwara ya stroke mu gihe kuryama igihe kirekire byongera ibyago ku kigero cya 46% byo kwibasirwa n'iyi ndwara.

    5.Bitera imikorere mibi ku bwonko: Kuryama igihe kirekire bishobora guhindura ubushobozi bw'ubwonko, kuko bituma busaza vuba. Iyo usinzira amasaha menshi bishobora guhindura isaha yo mu mutwe (ubu ni uburyo ubwonko bubasha gutandukanya umunsi n'ijoro, kuryama no kubyuka), bikaba byatera imihindagurikire mibi ku miterere y'ubwonko n'ubushobozi bwo kwibuka bugatangira kugabanuka.

    6.Byongera kuribwa umutwe :Ibi bishobora kuba byarakubayeho, niba nawe ujya uryama igihe kirekire ukumva uribwa umutwe, biterwa n'imihindagurikire mu bihererekanyamakuru ku bwonko (neurotransmitters) cyane cyane serotonin igihe usinziriye.Kuribwa umutwe bishobora guterwa kandi n'isukari iba yagabanutse cyane cg umwuma mu mubiri, uterwa no kumara igihe kinini uryamye.

    7.Bishobora gutera kwigunga bikabije: Nubwo kimwe mu bimenyetso byo kwigunga bikabije (depression) ari imihindagurikire y'uburyo usinzira, byaragaragaye ko kuryama igihe kirekire bigira icyo bihindura kuri mood yawe bikaba byatera depression. Kuryama cyane bihindura ihererekanya makuru ku bwonko ; aho imisemburo ya dopamine na serotonin igabanuka cyane bikaba byatuma wumva ubabaye cyane, akanyamuneza kakagabanuka.

    Bimwe mu byagufasha gusinzira neza, harimo :

    Kugerageza kuryama no kubyukira amasaha adahinduka

    Kuryama ahantu hasa neza, hadasakuza kandi hari urumuri ruke rushoboka cg ntarwo

    Kwirinda kureba television, mudasobwa cg gukoresha telephone ugiye kuryama

    Kwirinda kunywa ikawa, inzoga wenda kuryama kuko bizatuma usinzira nabi

    Shaka uburyo ibintu ukora ukibyuka bidahinduka, ugire gahunda imwe, ku buryo bizakurinda gutinda cyane mu buriri.

    Tubifurije kugira amagara mazima.

    Refe:wellwellwell.com

    Source : https://umuryango.rw/ubuzima-115/udushya/article/menya-ingaruka-zikomeye-zibasira-umuntu-ukunda-kuryamira