Webrwanda Backend

Category: Uncategorized

  • Ethiopia: Raporo nshya ivuga ku bundi bwicanyi ndengakamere bwibasiye Abanya-Tigray #rwanda #RwOT

    Iyi raporo yasohotse ku wa kane, umunsi umwe mbere y'inama yihariye y'umuryango w'abibumbye (ONU/UN) yiga ku ihohoterwa ryakozwe muri iyi ntambara yiciwemo abantu imaze umwaka umwe yatangiriye mu majyaruguru.

    Ni yo raporo ya vuba aha ku rukurikirane rw'ubwicanyi ndengakamere bivugwa ko bwakorewe abaturage b'abasivile bukozwe n'impande zose ziri muri iyi ntambara.

    Gufunga abantu mu kivunge, gutuma bahunga ku ngufu ndetse n'ubwicanyi, ni bimwe mu bigarukwaho n'iyi raporo.

    Kuva mu kwezi kwa cumi na kumwe, abashinzwe umutekano bo muri Amhara, barimo na polisi yo muri ako karere hamwe n'umutwe witwaje intwaro waho, bakusanyije Abanya-Tigray baba mu mijyi myinshi birukana bamwe muri bo barahabakura, nkuko bivugwa n'iyi raporo.

    Iyi raporo isubiramo amagambo y'abavuga ko babibonye, bavuga ko imodoka nyinshi z'amakamyo zuzuyemo abantu zavuye mu turere tugenzurwa n'ingabo za Amhara zerekeza rwagati muri Tigray.

    Ubutegetsi bw'akarere ka Amhara ntiburagira icyo butangaza kuri ibi bushinjwa.

    Intambara yo muri Ethiopia ishyamiranyije ingabo za leta y'iki gihugu – zifashwa n'ingabo zo mu turere twa Amhara na Afar – n'inyeshyamba zo muri Tigray.

    Iyi ntambara yateje amakuba mu rwego rw'imibereho, ndetse hari n'amakuru avuga ko habaye ubwicanyi mu kivunge bw'abaturage b'abasivile hamwe no gufata abagore n'abakobwa ku ngufu muri gahunda yagambiriwe.

    BBC

    Source : https://umuryango.rw/amakuru/mu-mahanga/umutekano/article/ethiopia-raporo-nshya-ivuga-ku-bundi-bwicanyi-ndengakamere-bwibasiye-abanya

  • Urukiko rw’i Paris rwahamije ibyaha Muhayimana rumukatira igifungo cy’imyaka 14 #rwanda #RwOT

    Uyu mugabo w’imyaka 60 wari umushoferi wa Guest House ku Kibuye, akekwaho kuba yaratwaraga abicanyi hagati ya Mata na Nyakanga 1994. Nyamara we yavuze ko atigeze abikora nubwo hari abatangabuhamya babimushinja kuko bamubonye.

    Nyuma yo kumva uruhande rw’ubushinjacyaha, ndetse n’uruhande rw’uregwa, Urukiko rwanzuye ko uyu mugabo watwaraga abicanyi mu modoka, ahamwa n’icyaha cy’ubufatanyacyaha muri Jenoside, akatirwa gufungwa imyaka 14.

    Mu bwiregure bwe, uyu mugabo yari yasobanuye ko nta kindi yari gukora, ndetse abaza Urukiko icyo rwari gukora mu gihe cye.

    Yagize ati “Ari mwe mwari gukora iki, murumva nari kubigenza nte muri Jenoside, nakoze ibyo nashoboye. Ibindi nabituye Imana.”

    Muhayimana mu kuburana kwe yemera ko Jenoside yakozwe ariko ibyo kuba yarateguwe ngo ntabyo azi.

    Uyu mugabo uvuga ko azira kwinjira mu mutwe w’iterabwoba wa RNC, yari afite abanyamategeko bamaze kugira ubunararibonye mu kuburana imanza ziregwamo abagize uruhare muri Jenoside kuko nka Philippe Meilhac uri mu bamwunganira asanzwe ari umwunganizi mu mategeko wa Agathe Kanziga.

    Ku rundi ruhande Françoise Mathe na we umwunganira yakunze kumvikana ahakana Jenoside yakorewe Abatutsi mu Rwanda ndetse yanunganiye Octavien Ngenzi wakatiwe imyaka 20 kubera uruhare yagize muri Jenoside yakorewe Abatutsi.

    Source : http://www.ukwezi.rw/1-1/Amakuru-anyuranye/article/Urukiko-rw-i-Paris-rwahamije-ibyaha-Muhayimana-rumukatira-igifungo-cy-imyaka-14

  • Abahanzi nyarwanda bemeza ko guhangana na Covid-19 ari urugamba rubareba #Rwanda #RwOT via @kigalitoday #rwanda #RwOT

    Andy Bumuntu na Peace Jolis bemeza ko abahanzi bagize uruhare rukomeye mu guhangana na Covid-19
    Andy Bumuntu na Peace Jolis bemeza ko abahanzi bagize uruhare rukomeye mu guhangana na Covid-19

    Abahahanzi bavuga ko aho bagiye bagera bashishikarizaga abantu kwirinda Covid-19, abaturage bagiye babafatiraho urugero kimwe n’uko abagiye bakurikira indirimbo zitandukanye babashije kuzibonera ku mbuga nkoranyambaga, aho bumvaga ubutumwa bubasaba kwirinda Covid-19.

    Mu kiganiro cya Master Card Foundation ifatanyamo n’abahanzi kwirinda Covid-19 cyatambutse kuri KT Radio, umuhanzi Andy Bumuntu avuga ko n’ubwo hari bamwe mu bahanzi bagiye bafatwa batakurikije amabwiriza yo kwirinda ikwirakwira ry’icyorezo, byashoboraga gukoma mu nkokora gahunda zo gushishikariza abaturage kwirinda icyo cyorezo, ariko bitatumye ubutumwa butumvikana ku babikoze neza.

    Agira ati “Twese twasabwaga kuba intangarugero tugatanga ubutumwa natwe tubasha kubahiriza ariko ababirenzeho baganiriye n’izengo zibishinzwe, ariko hari n’ababikoze neza kandi ubutumwa buratambuka ku buryo byari bihagije kumva abo beza kurusha ababyitwayemo nabi”.

    Ku kijyanye no kuba hari ubwandu bushya bwa Covid-19 yihinduranya ya Omicron, Andy Bumuntu avuga ko abantu bakwiye kwitwararika muri iki gihe cy’iminsi mikuru y’impera z’umwaka bakarangiza umwaka neza no gutangira undi ibintu bidasubiye inyuma”.

    Agira ati “Ni ugukomeza gukaza ingamba ku buryo ibintu bizamera neza abantu bagasubira hamwe dukumbuye, ni byo byarushaho kudufasha”.

    Andy Bumuntu
    Andy Bumuntu

    Umuhanzi Peace Jolis ukunze kuririmba indirimbo zishimisha abana avuga ko muri Covid-19 indirimbo ze zatumye abana bumva ku buryo bworoshye akamaro ko gukaraba intoki, kuko ari bumwe mu buryo bukomeye bwafashije kurwanya ubwandu bwa Covid-19.

    Agira ati “Kwirinda ni ibintu buri wese akwiye kumva bitanamusabye kumva radio igihe cyose ukunda umuryango wawe ni byiza ko ubarinda, abantu bagerageze banafate urukingo rushimangira kuko ubu ntibyoroshye guhuriza abantu hamwe, ibintu tubigire ibyacu kuko kwirinda si ibya Leta”.

    Ku kijyanye no kuba abahanzi bakora za video ugasanga batambaye udupfukamunwa nka bumwe mu buryo bwo kurwanya ubwandu bwa Covid-19, Andy Bumuntu avuga ko abagaragaye barenze ku mabwiriza bagiye bakurikiranwa bakanabihanirwa n’inzego zibishinzwe.

    Peace Jolis avuga ko kuri iyo ngingo abantu bakunze gukorana video bagombaga kuba bipimishije Covid-19, naho abagiye bafatwa ngo byaterwaga rimwe na rimwe n’imiterere y’igihangano ku buryo warenga ku mabwiriza kandi ababiguyemo bigishijwe impamvu icyorezo kigomba kwirindwa.

    Peace Jolis
    Peace Jolis

    Abakunzi b’abahanzi Nyarwanda bagaragaza ko bafite inyota yo kwegerwa kugira ngo bafatanyirize hamwe kurwanya Covid-19, abahanzi na bo bakizeza ko bashishikajwe no kubona intsinzi kuri icyo cyorezo ku buryo abantu babaho mu gihugu kitagira Coid-19, kandi birashoboka igihe abantu bakomeza guhana amakuru azira kudohoka ku kwirinda.

    source : https://ift.tt/3sepoXp

  • Rwanda: Umuguzi aracyabangamiwe n'ihindagurika ry'ibiciro #rwanda #RwOT

    Minisiteri y'Ubucuruzi n'Inganda yavuze ko uburenganzira bw'umuguzi bukwiye kubahirizwa, kandi agasobanurirwa uko ibiciro biri kubyo agomba kugura.

    Hirya no hino mu gihugu humvikana abagura ibintu ku bacuruzi binubira ihindagurika ry'ibiciro rya hato na hato.

    Abaharanira inyungu z'abaguzi bavuga ko guhindaguranya ibiciro ku bicuruzwa, ari ukubangamira uburenganzira bwabo kandi ko bikwiye gukosorwa.

    Umunyambanga Nshingwabikorwa w'Umuryango Uharanira Inyungu z'Abaguzi mu Rwanda ADECOR, Ndizeye Damien ati 'Umuguzi afite uburenganzira ku buzima bw'ibanze. Usanga byinshi bimugwaho atabizi, nk'ibiciro by'amashanyarazi, amazi, ibyo byose usanga biri hejuru bituma bwa buzima yakagombye kubamo abaho neza, ugasanga agongwa n'ibintu byinshi.'

    Uwumukiza Beatrice umuyobozi mukuru w'Ikigo cy'Igihugu gishinzwe Ubugenzuzi bw'Ubuziranenge, Ihiganwa mu bucuruzi no kurengera Umuguzi (RICA), avuga  ko abacuruzi bishyiriraho ibiciro bakurikiranwa kandi ko ibyo bakora biba binyuranyije n'amategeko.

    Ati 'Ibintu abacuruzi bagomba kubahiriza ni uko ubucuruzi bugomba gukorwa hubahirijwe amategeko, budakozwe mu kajagari ariko kavamo bya bindi byo guhenda abaturage, byo gushyiraho ibiciro uko bishakiye cyangwa no ktabwira amakuru abaguzi.'

    Minisiteri y'Ubucuruzi n'Inganda ivuga ko ihiganwa mu bucuruzi, rizatuma ibi bibazo bikigaraga hirya no hino bibangamiye umuguzi bigabanuka.

    Habyarimana Beatha ni Minisitiri muri iyi minisiteri.

    Ati 'Ubundi ihiganwa ni ikintu dukeneye. Dukeneye ko abantu bacuruza mu bintu bitandukanye ari benshi, impamvu nyamukuru ni uko iyo habayeho ihiganwa rinoze, bituma umuntu uri bugure  cya gicruzwa akigura ku giciro ciza.'

    U Rwanda n'Isi kuri uyu wa 16 Ukuboza 2021, bizihije umunsi mpuzamahanga w'ihiganwa mu bucuruzi.

    Ni umunsi usanze abacuruzi binubira igihombo mu bucuruzi, batewe n'uko icyorezo cya Covid-19 cyakomye mu nkokora ibikorwa byabo, ntibakore nk'uko bari basanzwe bakora.

    Ni umunsi kandi usanze ibiciro ibicuruzwa bitandukanye byaratumbagiye,  mu buryo budasanzwe , cyane amavuta,Gaz, umuceri, isukari n'ibindi.

    Yvette Umutesi

    The post Rwanda: Umuguzi aracyabangamiwe n'ihindagurika ry'ibiciro appeared first on FLASH RADIO&TV.

    Source : https://flash.rw/2021/12/17/rwanda-umuguzi-aracyabangamiwe-nihindagurika-ryibiciro/?utm_source=rss&utm_medium=rss&utm_campaign=rwanda-umuguzi-aracyabangamiwe-nihindagurika-ryibiciro

  • Kamonyi : Abantu 150 bafashwe basengera mu rugo nyirarwo ahita ahishura ko ari ubwa gatatu bari bahateraniye #rwanda #RwOT

    Aba bantu bagizwe n’abagabo 17, abagore 108 n’abana 26bafashwe kuri uyu wa Kane tariki ya 16 Ukuboza ku bufatanye n’abaturage Polisi ubwo bari mu rugo rwa Mugirente Innocent utuye mu Mudugudu wa Rugarama mu Kagari ka Cyambwe mu Murenge wa Musambira.

    Mugirente Innocent nyiri urugo ndetse akaba yari umwe mu bayoboye amasengesho yavuze ko bariya bantu bari baje ku nshuro ya Gatatu gusengera iwe. Yemeye ko ibyo bakoze ari amakosa ashobora kubashyira mu kaga.

    Yagize ati “Aba bantu bavuye mu mirenge itandukanye ndetse harimo n’uwavuye mu Mujyi wa Kigali. Ibyo twakoze ni amakosa kuko dushobora kwanduzanya COVID-19. Ndabisabira imbabazi kandi ntabwo bizasubira, ubu tuzajya tujya gusengera ahemewe.”

    Bamwe mu baturage bafatiwe mu rugo rwa Mugirente bavuze ko baba baje gusenga basaba Imana ibintu bitandukanye birimo gukira indwara no kuyisaba ubukire. Gusa bemeye ko ibyo bakoze ari amakosa batazabisubira, babisabira imbabazi.

    Umuyobozi w’Akarere ka Kamonyi, Dr Nahayo Sylivere yavuze ko bariya bantu barenze ku mabwiriza yo kurwanya icyorezo cya COVID-19, bakaba bagomba kubihanirwa.

    Yagize ati “Aba bantu barenze ku mabwiriza yo kurwanya COVID-19 bateranira mu rugo rw’umuturage mu buryo butemewe. Tugiye kubaganiriza tubagaragarize ubukana bw’iki cyorezo n’uko bagomba kukirinda, barapimwa harebwe ko hatarimo abanduye ndetse dukingize abarimo batarikingiza.”

    Yakomeje akangurira abaturage kujya bajya mu gusengera mu nsengero zujuje ibisabwa ku buryo batakwanduzanya COVID-19.

    Umuvugizi wa Polisi mu Ntara y’Amajyepfo, Superintendent of Police (SP) Theobald Kanamugire yavuze igikorwa cyo gufata bariya bantu cyaturutse ku baturage batanze amakuru, yaboneyeho kubashimira.

    Yagize “Hari ku isaha ya saa sita z’amanywa tubona amakuru atubwira ko mu rugo rw’uriya muturage harimo abantu basenga. Polisi yahise ihagera isanga koko barahari bicaye ahantu hafunganye nta mabwiriza bubahirije yo kwirinda COVID-19.”

    Yakomeje agaragaza ko bakoze amakosa arimo gusenga mu buryo butemewe n’amategeko, kurenga ku mabwiriza yo kwirinda icyorezo cya COVID-19 ndetse harimo abatarikingije COVID-19 kandi bose ntabwo bari bipimishije icyorezo cya COVID-19.

    Abafashwe bahise bapimwa icyorezo cya COVID-19 kugira ngo harebwe ko hatarimo abanduye kandi biyishyurire ikiguzi cyo gupimwa, nyuma baracibwa amande hakurikijwe amabwiriza nderse n’abatarakingirwa bahabwe urukingo.

    Source : http://www.ukwezi.rw/1-1/Amakuru-anyuranye/article/Kamonyi-Abantu-150-bafashwe-basengera-mu-rugo-nyirarwo-ahita-ahishura-ko-ari-ubwa-gatatu-bari-bahateraniye

  • Noheli ishyushye: CANAL + ikomeje kudabagiza… – #rwanda #RwOT

    Iyi tombora iri muri poromosiyo CANAL+ yageneye abakiriya bayo, mu rwego rwo kubafasha kuryoherwa n'iminsi mikuru bahabwa impano zinyuranye. Umukiriya wa CANAL+ uguze ifatabuguzi ari guhita ahabwa iminsi 15 areba amashene yose, akaninjira ako kanya muri tombora izatangwamo Moto nk'igihembo nyamukuru.

    Mukabahire Beata uri mu banyamahirwe batomboye Televiziyo ya puse 43, yagaragaje ibyishimo afite ndetse aboneraho no gukangurira abanyarwanda kurushaho kwitabira iyi Tombola.


    Mukabahire nyuma yo gutombora Televisiyo ya puse 43

    Yagize ati “Nshimishijwe no kuba natomboye SmartTV ya puse 43. Nari naguze ifatabuguzi ry'ibihumbi 10,000Rwf ndetse nongezwa n'iminsi 15 ndeba amashene yose ya CANAL+. Mu bihembo nabonye hano harimo na MOTO ndetse nayo niteguye kuyitsindira kuko ngiye kongera ngure ifatabuguzi rya CANAL+ “

    Uwizeyimana Jean Baptiste watomboye Telefoni ya SAMSUNG S20, nawe yavuze ko yatunguwe no kwisanga mu banyamahirwe muri iyi Tombola, ndetse ashishikariza abantu kujya bagura ifatabuguzi hakiri kare.

    Uwizeyimana Jean Baptiste ashyikirizwa Telephone n’ubuyobozi bwa CANAL+

    Yagize ati ” Ntabwo hari hashize igihe kinini nguze Decoderi ya CANAL+. Kugira ngo ninjire muri iyi tombola, nari naguze ifatabuguzi rya 10,000Rwf kugira ngo ndebe ibiganiro bicukumbuye ndetse n'amakuru agezweho ku mashene ya CANAL+. Ubusanzwe ngura ifatabuguzi hakiri kare nkaba nshishikariza n'abandi kujya bagura hakiri kare. “

    Rwigema Paterne ukora mu ishami rishinzwe kwamamaza no kwita ku bakiliya ba CANAL+, yavuze ko ibihembo bigihari ndetse ashimangira ko buri wese uguze ifatabuguzi aba yinjiye muri Tombola ako kanya.

    Yasoje yibutsa abantu ko umukiriya wa Canal+ wifuza kugura ifatabuguzi ashobora kugana iduka rya CANAL+ rimwegereye, cyangwa agakoresha telefoni ngendanwa aho kuri MTN MOMO akanda (*182*3*1*4#), mu gihe kuri Airtel Money ari ugukanda (*500*7#), cyangwa se Ecobank Mobile App.



    Source : https://inyarwanda.com/inkuru/112653/ibihembo-birakomeje-hamwe-na-canal-utahiwe-ni-wowe-ngo-wegukane-igihembo-nyakuru-cya-moto-112653.html

  • Ethiopia: Abanyamakuru batangaza amakuru ku ntambara bafunzwe #rwanda #RwOT

    Abanyamakuru batatu bafunzwe muri Ethiopia bijyanye n'amategeko yo mu bihe by'intambara yashyizweho mu gihugu, bashinjwa guha urubuga umutwe leta ya Ethiopia ivuga ko ari uw'iterabwoba.

    Umwe muri bo ni Amir Aman Kiyaro, umunyamakuru ufata za videwo ukorera ibiro ntaramakuru Associated Press (AP) byo muri Amerika mu buryo bwa nyakabyizi (budahoraho, cyangwa kwisumamwo mu Kirundi).

    Abanyamakuru babiri bo muri Ethiopia Thomas Engida na Addisu Muluneh, na bo bafunzwe.

    Polisi ivuga ko abo banyamakuru barenze ku itegeko ry'igihugu ryo muri ibi bihe bidasanzwe no ku itegeko rihana ibikorwa by'iterabwoba.

    Umwanditsi mukuru wa AP Julie Pace yavuze ko ibi ari 'ibirego bidafite ishingiro'.

    Ibi biro ntaramakuru bivuga ko umunyamakuru wabyo amaze igihe atara amakuru ku mpande zombi ziri mu ntambara.

                                                                                      Amir Aman Kiyaro

    Akanama ko kurinda abanyamakuru mu mwuga wabo (Committee to Protect Journalists, CPJ) kamaganye itabwa muri yombi ry'abo banyamakuru, gasaba ko abanyamakuru bose bafungiwe gukora akazi kabo bahita barekurwa.

    CPJ ivuga ko umuvugizi wa polisi Jeylan Abdi yayibwiye ko kuvugana n'umutwe leta ivuga ko ari uw'iterabwoba ari icyaha nkuko bikubiye mu itegeko ry'iki gihugu ryo guhana ibikorwa by'iterabwoba, ko ibyo atari igikorwa cy'itangazamakuru.

    Abanyamakuru benshi bamaze gufungwa muri Ethiopia bijyanye n'amategeko y'iki gihugu y'ibihe bidasanzwe.

    SRC:BBC

    The post Ethiopia: Abanyamakuru batangaza amakuru ku ntambara bafunzwe appeared first on IRIBA NEWS.

    Source : https://iribanews.rw/2021/12/17/ethiopia-abanyamakuru-batangaza-amakuru-ku-ntambara-bafunzwe/

  • U Bufaransa: Muhayimana Claude ushinjwa uruhare muri Jenoside yakatiwe #rwanda #RwOT

    Umunyarwanda Muhayimana Claude wari warahawe ubwenegihugu bw'u Bufaransa yakatiwe igifungo cy'imyaka 14 n'Urukiko rw'i Paris ruburanisha ibyaha nshinjabyaha nyuma yo guhamwa n'ibyaha by'ubufatanyacyaha muri jenoside yakorewe Abatutsi mu Rwanda  n'ibyaha byibasiye inyokomuntu.

    Ku wa gatatu, ubushinjacyaha bukuru bwari bwasabiye Muhayimana Claude igifungo cy'imyaka 15, buvuga ko Claude Muhayimana 'yagize uruhare muri jenoside kuko yatwaraga abicanyi bajya kwica Abatutsi mu bice bitandukanye bya Kibuye mu gihe cy'amezi atatu.'

    Ni rubanza rwaburanishwaga kuva tariki 22 Ugushyingo kugera kuri 16 Ukuboza, akaba ari urwa gatatu ruciriwe mu Bufaransa ku bashijwa ibyaha bya jenoside yakorewe Abatutsi mu Rwanda mu 1994.

    Mu gufata umwanzuro urukiko rwagendeye ku byemejwe n'abaturage batoranyijwe ngo bace uru rubanza basubiza ibibazo 100 mu buryo bw'amatora.

    Ni ibibazo bijyanye no kwemeza niba Muhayimana Claude yarabaye umufatanyacyaha mu bikorwa bya jenoside byakorewe i Nyamishaba, Kizenga, Gitwa, Karongi na Bisesero, niba yarabishowemo ku gahato bikaba byakuraho uburyozwacyaha, noneho ibibazo nk'ibi bikaza no ku bufatanyacyaha mu byaha byibasiye inyoko muntu muri ibi bice.

    Hagendewe ku bwiganze bw'amajwi y'abacarubanza bahagarariye abaturage cyangwa jurés, ni ho urukiko rwahereye rumukatira igifungo cy'imyaka 14. Abajandarume bari mu rukiko bahise bamujyana muri gereza.

    Abakurikiye imikirize y'uru rubanza barimo Abanyarwanda baba mu Bubiligi no mu Bufransa  bemeza ko icy'ingenzi atari uburemere bw'igihano cyahawe uwaregwaga.

    Naho Alain na Dafroza Gauthier bo mu muryango CPCR watangije iki kirego bahamya ko uru rubanza hari ubutumwa rutanga ku bakoze jenoside bataraburanishwa, bw'uko iki cyaha kidasaza.

    Me Philippe Meilhac umaze imyaka 10 yunganira Muhayimana Claude guhera ku kirego cyo kumwohereza mu Rwanda avuga ko atanyuzwe n'imikirize y'uru rubanza ndetse ko kuri uyu wa 5 bakijuririra bakizera ko ibyaha bisigaye azabigirwaho umwere.

    Abunganiye abaregera indishyi muri uru rubanza, Me Gisagara Richard na Me Karongozi André Martin, bemeza ko ubusanzwe nta gihano gikwiriye uwahamwe n'ibyaha bya jenoside.

    Ku wa kabiri, Dafroza Gauthier yabwiye urukiko ati: 'Ubuhamya bwatanzwe imbere y'uru rukiko rwa Assize ni ibimenyetso simusiga by'ibyabereye i Kibuye, bidashobora kwibagirana[…]Aba bantu b'inzirakarengane nta bindi byaha bari bazi uretse kuba abatutsi.'

    Claude Muhayimana abaye uwa kane uburanishijwe n'ubucamanza bwo mu Bufransa mu manza 3 zimaze kuhaburanishirizwa. Ni we uhawe igihano kiri munsi y'iby'abamubanjirije kuko Pascal Simbikanga yakatiwe imyaka 25 na ho Tito Barahira na Octavien Ngenzi bahanishwa gufungwa burundu.

    Muhayimana Claude w'imyaka 61 y'amavuko, mu gihe cya Jenoside yakorewe Abatutsi, yari umushoferi wa 'Guest house' ya Kibuye (icyahoze ari Perefegitura ya Kibuye ubu ni mu Karere ka Karongi).

    [email protected]

     

    The post U Bufaransa: Muhayimana Claude ushinjwa uruhare muri Jenoside yakatiwe appeared first on IRIBA NEWS.

    Source : https://iribanews.rw/2021/12/17/u-bufaransa-muhayimana-claude-ushinjwa-uruhare-muri-jenoside-yakatiwe/

  • Bwa mbere King James yavuze ku rukundo rwe, umukobwa batandukanye #rwanda #RwOT

    Umuhanzi nyarwanda King James udakunda gushyira hanze ubuzima bwe bw’urukundo, yemeje ko hari umukobwa bakundanye baza gutandukana ari n’aho yakuye inganzo yo guhanga indirimbo ‘Uhari Udahari’.

    Ruhumuriza James uzwi nka King James, amaze imyaka irenga 10 muri muzika nyarwanda, afite abakunzi benshi biganjemo igitsina gore kubera indirimbo z’urukundo aririmba zifasha benshi.

    Gusa nubwo bimeze gutya, uyu muhanzi ntabwo yakunze kumvikana mu nkuru z’urukundo cyane nk’ibindi byamamare, ndetse ntabwo muri iyi myaka yigeze agira umukobwa agaragaza bakundana.

    Mu kiganiro n’ikinyamakuru ISIMBI, King James yavuze ko gukunda akunda kandi azi no gutereta ariko aba yifuza ko ubuzima bwe mu rukundo butandukana n’ubuzima bw’umuziki.

    Ati “Nanjye sinzi impamvu ariko ni uko mba nifuza ko ubuzima bwanjye bw’urukundo bwaba ubuzima busanzwe, butari ahagaragara. Igihe nagerageje gutereta ntabwo byigeze byanga.”

    Uyu muhanzi uherutse gusohora album nshya, iriho indirimbo yitwa ‘Uhari Udahari’, avuga ko ari nkuru mpamo y’ibyamubayeho n’ubwo yongeyemo izindi nkuru kugira buri wese yibonemo.

    Ati “Uhari udahari, ni inkuru mpamo ariko na none nkabivanga n’izindi nkuru kugira ngo buri wese yiyumvemo, urebye ushobora gukundana n’umuntu ukabona ntumufatisha neza. Ushobora gukundana n’umuntu ukabona uko birimo kugenda siko ubyifuza, twakundanye nk’umwaka.”

    King James ni umuhanzi wagiye uvugwa mu rukundo n’abakobwa benshi barimo abo mu muziki na we abarizwamo nka Priscillah, Knowless… ibi byaje kumushyira ku gitutu maze muri 2015 yerura ko hari inkumi bari mu rukundo ariko yirinda gutangaza izina rye.

    King James yavuze ko hari inkumi batandukanye bamaranye umwaka

    Source : http://isimbi.rw/imyidagaduro/article/bwa-mbere-king-james-yavuze-ku-rukundo-rwe-umukobwa-batandukanye

  • Paris: Muhayimana Claude yahamijwe ibyaha bya Jenoside akatirwa imyaka 14 y'igifungo #rwanda #RwOT

    Urukiko rwa rubanda ruherereye i Paris mu Gihugu cy'u Bufaransa, kuri uyu wa 16 Ukuboza 2021, nyuma yo kuva kwiherera, rwatangaje ko Muhayimana Claude ahamwa n'ibyaha yari akurikiranyweho bifitanye isano na Jenoside yakorewe Abatutsi mu Rwanda. Rwamuhanishije imyaka 14 y'igifungo, ruvuga ko afite gusa iminsi 10 yo kuba yajuririra igihano yahawe mu gihe yaba yumva atakishimiye.

    Guhera ku I saa tatu n'igice kugera I saa mbiri z'ijoro ku I saha y'I Paris mu Gihugu cy'u Bufaransa, abagize inteko iburanisha ( juges et Jurés) mu rukiko rwa rubanda i Paris mu Gihugu cy'u Bufaransa, aho Muhayimana Claude, ukurikiranyweho ibyaha bifitanye isano na Jenoside yakorewe Abatutsi mu Rwanda, urukiko rwamuhamije ibyaha by'ubufatanyacyaha muri Jenoside n'ibyaha byibasiye inyokomuntu, ahanishwa imyaka 14 y'igifungo. Ni mu gihe ubushinjacyaha bwari bwamusabiye imyaka 15 y'igifungo.

    Ibyaha Muhayimana Claude yari amaze igihe aburana, kuva tariki 22 Ugushyingo kugera kuri uyu wa 16 Ukuboza 2021 aho yabihamijwe n'urukiko, ni ibyo yakoreye mu cyahoze ari Perefegitura ya Kibuye ( ubu ni Akarere ka Karongi),

    Mu isomwa ry'uru rubanza, ubwo Muhayimana Claude yakatirwaga imyaka 14 y'igifungo, urukiko rwatangaje ko mu gihe yaba atishimiye imikirize y'urubanza afite gusa iminsi 10 yo kuba yajuririra icyemezo cy'urukiko. Aha, Me Philippe Meilhac wunganira Muhayimana Claude, yavuze ko bagomba kujurira.

    Nkuko Hakorimana Gratien, umunyamakuru woherejwe I Paris n'umuryango w'abanyamakuru baharanira amahoro-Pax Press gukurikirana uru rubanza yabitangarije intyoza.com, avuga ko nubwo rwasomwe amasaha akuze, ngo hari haje abantu benshi bavuye mu Bufaransa n'ahandi nko mu Bubiligi, baje kumva imyanzuro y'urukiko.

    Avuga ko abantu bari biteze ko akatirwa nubwo nta n'umwe wari uzi igihano urukiko rushobora gutanga. Avuga ko mu cyumba cy'urukiko abantu bari benshi urebye uko amasaha aba ateye.

    Avuga kandi ko urebye uruhande rw'abaregera indishyi, rwishimiye imikirize y'urubanza kuko bavuga bati 'ibi birerekana ko muri Jenoside nta ruhare ruto rubamo'. Mu isomwa ry'urubanza ku byemezo by'urukiko, umucamanza yagiye avuga kuri buri site, agaragaza ibyaha bihama Muhayimana Claude nk'ubufatanyacyaha, aho byitezwe ko imyanzuro yanditse neza izakorwa na Perezida igatangwa kuwa mbere cyangwa nyuma yaho.

    Soma hano indi nkuru kuri uru rubanza;Paris: Muhayimana yatakambiye urukiko mbere yuko rujya kwiherera ngo rutangaze igihano ahawe

    Urubanza rwa Muhayimana Claude, umunyarwanda w'imyaka 60 y'amavuko ariko unafite ubwenegihugu bw'u Bufaransa, rwaberaga mu rukiko rwa rubanda I Paris mu Gihugu cy'u Bufaransa kuva kuwa 22 Ugushyingo, aho rupfundikiwe kuri uyu wa 16 Ukuboza 2021, mbere ho umunsi umwe ku itariki yari yatangajwe mbere. Ibyaha yari akurikiranyweho, byari ubufatanyacyaha nk'icyitso muri Jenoside yakorewe Abatutsi  hamwe n'ibyaha byibasiye inyokomuntu kubera ko yafashije abigambiriye abasirikare n'interahamwe inshuro nyinshi aho yabatwaraga mu modoka akabageza aho bajyaga kwica Abatutsi mu cyahoze ari Perefegitura ya Kibuye ku misozi ya Karongi, Gitwa ndetse na Bisesero. Aha Kibuye, ni hamwe mu bice byiswe zone Turquoise, habaga ingabo z'u Bufaransa mu gihe cya Jenoside yakorewe Abatutsi.

    Munyaneza Theogene / intyoza.com

    Source : https://www.intyoza.com/paris-muhayimana-claude-yahamijwe-ibyaha-bya-jenoside-akatirwa-imyaka-14-yigifungo/