Webrwanda Backend

Category: Uncategorized

  • TWABASUYE: Uruhisho rwa Chorale de Kigali ku… – #rwanda #RwOT

    Iyi konseri izaninjiza abantu mu byishimo bya Noheli, bitegura gusoza umwaka wa 2021. Ibyishimo bya Noheli byigisha kuba abanyamahoro n'umutima w'amahoro.

    Chorale de Kigali, iritegura gukora igitaramo yise “Christmas Carols Concert 2021” ikora buri mwaka. Kuri iyi nshuro, kizabera muri Kigali Arena ku wa 19 Ukuboza 2021.

    INYARWANDA yasuye abaririmbyi b'iyi korali aho bakorera imyitozo ibaganisha ku munsi wa nyuma w'iki gitaramo gikomeye, ibera muri Saint Paul.

    Ni imyitozo bakora basubiramo indirimbo zabo, iz'abandi zakunzwe mu bihe bitandukanye bifashishije abacuranzi babo n'umutoza wabo, kugira ngo bahuze neza amajwi n'ibyuma bazifashisha mu gitaramo cyabo.

    Iyi myitozo imara hafi amasaha ibiri, isiga buri wese yumvise neza kandi afashe mu mutwe uko indirimbo iririmbwa n'amagambo ayigize!

    Umuyobozi wa Tekiniki muri Chorale de Kigali, Shema Patrick yabwiye INYARWANDA, ko tariki 19 Ukuboza 2021 itinze kugera ngo bataramire abakunzi babo, kuko bafasha igihe cyo kwitegura basubiramo indirimbo baririmba ziri hagati ya 20 na 30.

    Iki gitaramo avuga ko bagihaye umwihariko kuko gitandukanye n'ibindi byabanje bakoze. Avuga ko buri mwaka bakora igitaramo barushaho 'kuzamura amarangamutima y'abakunzi ba Chorale de Kigali'.

    Ati 'Ku buryo buri wese ukunda Chorale de Kigali witabira ibitaramo bya Chorale de Kigali yiyumva muri iyo konseri.'

    Uyu muyobozi avuga ko bakunze kubona ibitekerezo by'abakunzi babo babasaba ko babaririmbira n'izindi ndirimbo ziri mu ndimi zitandukanye, bityo ko kuri iyu nshuro batekereje kuri abo bose, bategura indirimbo ziri mu ndimi zose zikoreshwa mu Karere ka Afurika y'Iburasirazuba.

    Patrick avuga ko bahisemo indirimbo nziza zose. Ati 'Ntabwo twapfuye guhitamo indirimbo tubonye yose.'

    Anavuga ko muri iki gitaramo batekereje ku bakunzi babo bakunda kuramya, ku buryo kuri iyi nshuro bateguye indirimbo zo kuramya no guhimbaza Imana bazafatanya kuririmba n'abakunzi babo. 

    Ati 'Mu ndirimbo twateguye, nta muntu n'umwe uzaba uri Arena uzasohoka atumvisemo ebyiri cyangwa eshatu turirimbana.'

    Ikindi, uyu muyobozi avuga ko batekereje ku bantu baba batazi neza amagambo y'indirimbo, ari nayo mpamvu amagambo ya buri ndirimbo yose bazaririmba muri iki gitaramo azaba atambuka ku nyakira amashusho ziri muri Kigali Arena.

    Kugeza ubu, abantu bakomeje kugura amatike yo kwinjira mu gitaramo cya Kigali. Kuva ku Cyumweru tariki 12 Ukuboza 2021 kugeza tariki 19 Ukuboza 2021, ushobora kugurira itike kuri St Michel no kuri Ste Famille.

    Igitaramo cya Chorale de Kigali kikazatangira i saa kumi n'ebyiri z'umugoroba kikageza i saa tatu. Kwinjira ni amafaranga ibihumbi bitanu (5 000 Frw) mu myanya yo hejuru, ibihumbi icumi (10 000 Frw) mu myanya yo hagati;

    Ibihumbi makumyabiri (20 000 Frw) mu myanya yo hasi n'ibihumbi ijana na mirongo itanu (150 000 Frw) ku meza azicarwaho n'abantu batandatu aho buri mwanya ari ibihumbi makumyabiri na bitanu (25 000 Frw).

    Mu rwego rwo gukomeza gukumira icyorezo cya Covid-19, Ubuyobozi bwa Chorale de Kigali buributsa abazitabira kwipimisha kandi akitwaza igisubizo kitarengeje amasaha mirongo irindwi n'abiri (72h).

    Inzira yo kugura itike ya Christmas Carols Concert 2021 (CCC 2021) unyuze kuri www.ticqet.rw

    1.Fungura link yatanzwe haruguru

    2.Kanda kuri “Book”

    3.Kanda mu kazu kari hepfo wemera “terms and conditions”

    4.Kanda kuri “Continue”

    5.Ongera ukande kuri “Continue”

    6.Toranya “Ticket categories”

    7.Toranya igihande ushaka kwicaramo, ahagaragara mu ibara ry’ubururu

    8.Kanda kuri “view seats”

    9.Toranya intebe mu ziri “available”

    10.Kanda kuri “check out”

    11.Uzuza amazina yawe yombi ahabugenewe

    12.Shyiramo ’email address” yawe

    13.Kanda kuri “Proceed”

    14.Kanda kuri “Continue”

    15.Toranya uburyo ushaka kwishyuramo (Momo, airtel, master card, Visa …)

    16.Shyiramo numero ya telephone yawe

    17.Kanda kuri “Confirm Payment”

    18.Kanda kuri “Continue”

    19.Emeza kubikuza cash

    20.Shyiramo Pin yawe

    21.Reba kuri e-mail ticket waguze.


    Umuyobozi wa Tekiniki muri Chorale de Kigali, Shema Patrick yavuze ko biteguye gutaramira abakunzi babo, kandi ko bazirikanye ubusabe bwabo


    Abaririmbyi ba Chorale de Kigali bakomeje imyiteguro y'igitaramo kizinjiza abantu mu byishimo bya Noheli kizaba tariki 19 Ukuboza 2021

    Mu baririmbyi barenga 100 iyi korali ifite, siko bose bagaragara imbere mu gitaramo


    Chorale de Kigali isaba buri muntu kuzaba yipimishije Covid-19 mbere y’uko umunsi w’igitaramo ugera

    KANDA HANO UREBE IMYITEGURO Y'IGITARAMO CYA KORALI DE KIGALI

    “>AMAFOTO+VIDEO: Iradukunda Jean De Dieu-INYARWANDA.COM

    Source : https://inyarwanda.com/inkuru/112648/twabasuye-uruhisho-rwa-chorale-de-kigali-ku-bazataramana-nayo-ku-cyumweru-video-112648.html

  • Producer Chrisy Neat wo mu Ibisumizi yatangaj… – #rwanda #RwOT

    Kanoheli Christmas Ruth [Chrisy Neat] akomeje kuzamuka neza mu muziki nk'umuririmbyi kandi unawutunganya wanabyigiye mu ishuri rya Nyundo. Nyuma y’uko asanzwe ari umukinnyi w'Ikinamico ‘Ni Nyampinga’ igaruka ku buzima burimo inyigisho kuri ba Nyampinga b'u Rwanda, yakinnye bwa mbere muri filime yitwa 'i Bwiza' ari nawe mukinnyi w'Imena.

    Mu kiganiro yagiranye na INYARWANDA, Chrisy Neat yagarutse ku buryo yisanze ari we mukinnyi w'Imena n’ukuntu yahuye na Clemence Nahimana nyiri filime 'I Bwiza' yaraye imurikiwe kuri Canal Olympia ku mugoroba wo kuwa Gatatu tariki 15 Ukuboza 2021. Yagize ati:

    Clemence twigeze gukorana muri ‘Ni Nyampinga’, urumva rero yari azi ukuntu nkina mu ikinamico ariko atarambona muri filime. Amenyesha ko yifuza ko twakorana bwa mbere, ikintu yambajije cyari ‘niba nzi igare’, arongera arambaza ngo ‘uzi kuririmba gakondo?’, arangije ambwira ko yifuzaga umuntu umeze nka njye. Ikibazo yari afite cyari ‘niba mbishoboye’.

    Yasabye abantu kutazacikwa n’iyi filime 'i Bwiza' ati: 'Bazarebe iyi filimi kuko irimo inyigisho cyane noneho no ku bahanzi. Ikindi yigisha abantu kwihangana irimo.' Iyi filime yateguwe kandi ikurikiranwa na Nahimana Clemence, umwanditsi wa filimi n’ikinamico wabigize umwuga. Filimd ‘I Bwiza’ yamurikiwe muri Canal Olympia mu gikorwa kitabiriwe n'abarimo n'Intumwa ya Minisiteri y’Urubyiruko n’Umuco, umunyarwenya Clapton Kibonge n’abandi.

    Chrisy Neat wishimiye gukina muri filime ‘I Bwiza’ ya Nahimana Clemence

    Chrisy Neat mu imurikwa rya filime ‘I Bwiza’ akinamo ari umukinnyi w’imena

    Nahimana Clemence nyiri filimi ‘I Bwiza’ yaraye imurikiwe kuri Canal Olympia

    Ifoto y’urwibutso ku bitabiriye imurikwa ry’iyi filime

    REBA HANO AGACE GATO KAMAMAZA FILIME ‘I BWIZA’

    Source : https://inyarwanda.com/inkuru/112643/producer-chrisy-neat-wo-mu-ibisumizi-yatangaje-uko-yagizwe-umukinnyi-wimena-muri-filime-i–112643.html

  • Umupira w’amaguru muri Afurika uri gusubizwa… – #rwanda #RwOT

    Umupira w’amaguru muri iki gihe nk’ibindi bice bitandukanye wakunze gukoresha ndetse hari aho bikiri ko bamwe bagikoresha abo hakurya y’amazi kugira ngo babone umusaruro, gusa hari n’ibimenyetso ko ibi byaba byaratangiye kugabanyuka. Usibye no gukoresha abo hakurya y’amazi, umupira wa Afurika waranzwe no kubamo abantu batawuzi ahubwo ugasanga icyizere gusa n’ikimenyane ni byo bitumya bahabwa ubushobozi kandi umupira w’amaguru si uko ukora.

    Kuva tariki 12 Werurwe 2021 haraye inkuru y’uko ishyirahamwe ry’umupira w’amaguru muri Afurika CAF ribonye umuyobozi mushya nyuma y’igihe kitari gito ubwo iri shyirahamwe ryari rifitwe na ISSA Hayatou kuva mu 1988 kugera mu 2017, asimburwa na Ahmad Ahmad utaratinzeho. Kuva icyo gihe, abenshi batangiye kuvuga ko CAF ibonye umuyobozi uzi ibya siporo by’umwihariko ya Afurika byatumaga bamwe batangira gushyira agatima impembero.

    Icyizere ni cyose muri ruhago ya Afurika 

    Patrice Motsepe yafashe ikipe ya Mamelodi Sundowns mu 2003 byanatumye iyi kipe itangira kuzamura urwego ndetse no kubakira ubushobozi bamwe mu bakinnyi b’imbere mu gihugu, bituma amakipe yo muri iki gihugu ava ku rwego rwo gukina ashaka amafaranga y’imbere iwabo ahubwo ko bashobora no guhatana ku ruhando mpuzamahanga.

    Tariki 27 Kamena uyu mwaka ni bwo mu Rwanda hasakaye inkuru ko Nizeyimana Olivier Mugabo wari usanzwe ayobora ikipe ya Mukura victory Sport yatorewe kuyobora ishyirahamwe ry’umukino w’amaguru mu Rwanda.

    Abanyarwanda bari bamaze igihe bavuga ko FERWAFA ikorera i Remera igomba kujyamo umuntu umenyereye umupira w’amaguru, ndetse uwumazemo igihe kuruta Rtd Brig Gen Sekamana wayoboraga iyi nzu ariko akaza kwegura muri Mata. Nizeyimana Olivier Mugabo usanzwe ari umufana wa FC Barcelona ufite ibyangombwa, yari anamaze imyaka isaga hafi 10 ari umuyobozi wa Mukura Victory Sport wanayifashije kwegukana igikombe cy’Amahoro mu 2018.


    Samuel Eto’o nta n’icyumweru gishize atorewe kuyobora ishyirahamwe ry’umupira w’amaguru muri Cameroun ku myaka ye 40 gusa. Samuel Eto’o yabaye Kapiteni w’ikipe y’igihugu ya Cameroun igihe kinini ndetse anafatwa nka rutahizamu Afurika yagize yewe no ku ruhando rw’isi. Samuel Eto’o yasezeye mu ikipe y’igihugu ya Cameroun mu mwaka wa 2014, gusa kuri ubu umupira wa Afrika ndetse na Cameroun umuhanze amaso.

    Mu gihe habura ukwezi kumwe gusa ngo imikino y’igikombe cya Afurika itangire muri Cameroun tariki 12 Ukuboza 2021, igihugu cya Nigeria cyatakarije icyizere uwari umutoza w’ikipe y’igihugu yabo Gernot Rohr wari umaze imyaka isaga itandatu, ahubwo ikipe bayiha abenegihugu. Uyu mutoza ukomoka mu Budage, yasimbuwe na Augustine Eguavoen ari na we uzayijyana mu mikino y’igikombe cya Afurika. 

    Iyo urebye mu bantu uyu mutoza azaba ari kumwe nabo usangano Salusu Yusuf Paul Aigbogun, Joseph Yobo, Augustine Jay Jay Okocha na Nwankwo Kanu, bose bakaba baritangiye umupira w’iki igihugu mu myaka yatambutse.

    Pitso John Hamilton Mosimane n’umwe mu batoza b’abanyafurika bakomeje kwerekana ubushobozi nk’ubwa bamwe bakomoka hakurya y’amazi banyuze kuri uyu mugabane ndetse hari na benshi arusha. Pitso Mosemane yamenyekanye cyane mu ikipe ya Mamelodi Sundowns kuva mu 2012 kugera mu 2020 ubwo mu 2016 yegukanaga igikombe cya CAF Champions League batsinze Zamalek ibitego 3-1.

    Icyo gihe kandi Pitso Mosemane yagizwe umutoza wa 10 ku Isi mwiza na IFFHS. Mu 2020 yerekeje muri Al Ahly nayo ahita ayifasha kwegukana igikombe cya 9 cya CAF Champions League. Mosemane ubu ni umwe mu batoza ikipe hafi ya zose zo muri Afurika zakifuza ko azibera umutoza.

    Tariki 26 Kanama 2021 ni bwo Benjani Mwaruwari umunyabigwi w’ikipe y’igihugu ya Zimbabwe yagize umutoza wungirije mu ikipe y’igihugu ari na ho yatangiriye inshingano ze nk’umutoza. Benjani Mwaruwari wamenyekanye cyane muri Manchester City iyo uvuze Zimbabwe mu mupira w’amaguru uyu mugabo ahita agaruka mu matwi ya benshi, muri Mutarama umwaka utaha azaba yungirije Zdravko Logarusic mu mikino y’igikombe cya Afurika. Benjani Mwaruwari w’imyaka 43, muri iki cyumweru kandi yagizwe utoza mukuru w’abatarengeje  imyaka 23 ba Zimbabwe.

    Tariki 13 Ukuboza uyu mwaka ikipe y’igihugu ya Guinea yahaye akazi Kaba Diawara ko kuba umutoza mukuru aho inshingano ze zizatangirira mu mikino y’igikombe cya Afurika kizabera muri Cameroun. Kaba Diawara wakiniye amakipe arimo Arsenal na PSG yakiniye ikipe y’igihugu ya Guinea, none kuri ubu inshingano ze z’ubutoza ku ruhando mpuzamahanga azitangiriye mu rugo.


    Ibi turi kuvuga igihugu cya Algeria kiri mu babitangiye mbere dore ko iki gihugu gifite agahigo ko kumara imikino 33 kidatsindwa ndetse umupira wabo ubu uri ku murongo byanatumye kuri ubu ari bo babitse igikombe cya Afurika giheruka. Ikipe nkuru ya Algeria itozwa na Djamel Belmadi w’imyaka 45 ndetse wanakiniye iki gihugu. Kuva mu 2018 ni bwo uyu mutoza yahawe Algeria ndetse na n’ubu ntaratsindwa. Djamel yakiniye Algeria kuva mu 2000 kugera mu 2004, none ubu icyizere cya Algeria cyose kimuri mu biganza.


    Si uwo gusa kuko ikipe y’imbere mu gihugu (Algeria) ya CHAN nayo itozwa na Madjid Bougherra umwana wa Algeria kuri ubu ufite imyaka 39 y’amavuko, yasezeye gukinira Algeria mu 2015 ndetse kuri ubu akaba yafashije Algeria kugera ku mukino wa nyuma wa FIFA Arab Cup.



    Source : https://inyarwanda.com/inkuru/112638/umupira-wamaguru-muri-afurika-uri-gusubizwa-ba-nyirawo-112638.html

  • FIilime I Bwiza Yamuritswe k'Umugaragaro Mu Nzu Mberabyombi ya Canal Olympia #rwanda #RwOT

    I BWIZA, ni filime ndende imara iminota 115 yanditswe inayoborwa kubufatanye bwa Nahimana Clemence na Emmanuel Nturanyenabo, amashusho yayo afatwa na Sibomana Gilbert (One Hundred Pixels) yerekanywe kuri uyu wa gatatu, tariki 15 Ukuboza 2021 mu cyumba cya sinema kigezweho kitwa Canal Olympia giherereye Rebero.

    I Bwiza ni filime ivuga inkuru y'umukobwa Gatoni Maya, ubarizwa muri koperative ikora ibihangano by'ubwoko bwinshi uhangana na Myasiro, umukire ubagurishiriza ibihangano kuko abona abaha amafaranga make.

    Urugamba rwo kuvuganira abahanzi, Gatoni Maya arufatanya n'urwo gutunga umuryango we, kwita kuri musaza we no kuvuza nyina.

    Kibonge na Lufonsina mu Muturanyi nabo bari bitabiriye

     

    Madame Nahimana Clemence Umuyobozi wa Filime I Bwiza

    Iyi filime IBWIZA igaragaza ubwiza bw'u Rwanda, uruhare rw'urubyiruko n'abagore mu iterambere; ni umushinga wa Madame Nahimana Clemence watewe inkunga na Imbuto foundation ifatanyije na UNDP mu mwaka wa 2020 muri gahunda yo kuzahura inganda ndangamuco zagizweho ingaruka n'icyorezo cya Koronavirus (Cultural and Creative industry Recovery Fund)

    Igikorwa cyo kumurika filime I BWIZA cyitabiriwe n'intumwa ya Ministeri y'urubyiruko n'umuco Bwana Nyangezi François, ushinjwe iterambere ry'inganda ndangamuco muri iyi Minisiteri. Bwana Nyangezi yashimye ubutumwa bukubiye muri iyi film ndetse anavuga ko bari gukora uko bashoboye kugira ngo abahanzi babone inyungu zivuye mu byo baba bakoze anabwira urubyiruko rwitabiriye iki gikorwa ko biteguye gukomeza gukorana mu rwego rwo guteza imbere uruganda ndangamuco.

    Iki gikorwa kandi cyanitabiriwe n'abakunzi ba filime muri rusange nka Mutigana wa Nkunda uherutse kwegukana igihembo muri FESPACO, Clapton Kibonge umunyarwenya ukunzwe na benshi ku mbuga nkoranyambaga, abagize uruhare mu ikorwa ry'iyi film (abakinnyi n'abatekinisiye), Double C Studio, One 100 Pixels na Teebah Film Village bagize uruhare muri tekinike zo kuyikora.
    Nyuma yo kwerekanywa mu gihugu (National Premiere), filime I BWIZA ikomeje urugendo rwo kwitabira amaserukiramuco ya sinema hirya no hino ku isi yerekana filime za Africa.

    Reba Trailer yayo hano hasi

    The post FIilime I Bwiza Yamuritswe k'Umugaragaro Mu Nzu Mberabyombi ya Canal Olympia appeared first on RUSHYASHYA.

    Source : https://rushyashya.net/fiilime-i-bwiza-yamuritsweku-mugargaro-mu-nzu-mberabyombi-ya-canal-olympia/?utm_source=rss&utm_medium=rss&utm_campaign=fiilime-i-bwiza-yamuritsweku-mugargaro-mu-nzu-mberabyombi-ya-canal-olympia

  • Kigali: Umuhinde yakandagiye umuriro azi ko a… – #rwanda #RwOT

    Umunyamakuru wa InyaRwanda.com, Josue Umukundwa wageze ahabereye iyi mpanuka muri iki gitondo, yasanze iyi modoka yinjiye neza mu nyubako ya CHIC. Amakuru yahakuye ayahawe n’abaturage babyiboneye ni uko umugabo w’umuhinde wari uvanye iyi imodoka muri Parikingi yakandagiye umuriro azi ko afashe feri, maze imodoka ihita yirukanka ku muvuduko mwinshi cyane yinjira mu nyubako ya CHIC.

    Iyi modoka yagonze umusekirite wari uri mu kazi kuri iyi nyubako arakomereka cyane ndetse hanakomereka umugore wari kumwe mu modoka n’uyu muhinde wari utwaye iyi modoka nk’uko twabitangarijwe n’umuturage twahasanze. Umwe mu bari bahari yabwiye InyaRwanda uko byagenze. Ati 'Imodoka yari iparitse muri parking aho kugira ngo afate feri yakandagiye umuriro bityo ahita yinjira muri CHIC agonga umusekirite arakomereka cyane n'umugore bari bari kumwe mu modoka nawe yagize ikibazo”.

    Icyakora kugeza ubu nta muntu wahitanywe n’iyi mpanuka ndetse n’umushoferi wari uyitwaye ntacyo yabaye. Ku rundi ruhande ariko iyi mpanuka yangije ibintu byinshi cyane dore ko yagonze iduka ry’imyenda n’irindi rikorerwamo ubucuruzi bujyanye na ‘Printing’ ikangiza za mudosobwa nyinshi n’ibindi bikoresho. Yanangije cyane iyi nyubako aho ibirahure byamenaguritse bikomeye. Polisi yahise igera ahabereye iyi mpanuka ndetse umunyamakuru wacu avuga ko ari kuhabona n’imbangukiragutabara.

    Iyi modoka yinjiye muri CHIC yangiza byinshi inakomeretsa abantu babiri

    Source : https://inyarwanda.com/inkuru/112642/kigali-imodoka-yataye-umuhanda-yinjira-mu-nyubako-ya-chic-nyuma-yuko-umushoferi-akandagiye-112642.html

  • Ibintu 5 bitangaje utari uzi kuri Neymar Jr #rwanda #RwOT

    Rutahizamu ukomoka muri Brazil ukinira ikipe ya Paris Saint Germain mu Bufarnsa, Neymar Jr akaba akunzwe na benshi bitewe n’ubumennyi afite ku mupira, tugiye kureba ibintu 5 abantu benshi batari bazi kuri we.

    Uyu rutahuzamu w’imyaka 22, yatangiriye gukina mu ikipe ya Santos muri Brazil hari mbere y’uko muri 2013 agurishwa muri FC Barcelona ku mayero miliyoni 88.20, yahakinnye imyaka 4 ahita yerekeza muri PSG akinira uyu munsi.

    Yatsinze ibitego 100 ku myaka 20

    Neymar ni umukinnyi wagarageje impano akiri muto, ubwo yari afite imya 17 nibwo yazamuwe mu ikipe nkuru ya Santos, muri 2011 aifte imyaka 19 ayifasha kwegukana igikombe cya Copa Libertadores yaherukaga muri mu 1963. Tariki ya 5 Gashyantare 2012 ku munsi yujujeho imyaka 20 ni nabwo yatsinze igitego cye cy’100, icyo gihe bakinaga na Palmeiras.

    West Ham niyo yifuje Neymar mbere

    Ubwo yarimo azamuka neza, muri 2010 ubwo yari afite imyaka 18, ikipe ya West Ham yo mu Bwongereza niyo yifuje uyu mukinnyi kuba yamusinyisha itanga miliyoni 15 z’amayero nk’uko umuyobozi w’iyi kipe, Pedro Luiz Nunes yabitangarije Daily Monitor ariko ntibayemera kuko atageraga ku mafaranga yagombaga kwishyurwa nk’uko amasezerano ye yabivugaga (release clause). Nyuma banze n’amafaranga ya Manchester City na Chelsea zamwifuzaga ahubwo 2013 ahita yerekeza muri FC Barcelona muri 2013.

    Umukinnyi wa mbere watsinze ku mukino wa nyuma wa UEFA Champions League na Copa Libertadores kandi ikipe ye ikegukana igikombe

    Ubwo ikipe ya Santos yegukanaga igikombe gihuza amakipe yabaye aya mbere muri Amerika y’Epfo kizwi nka ' Copa Libertadores’ muri 2011, Neymar yatsinze igitego muri 2-1 batsinze Club Atletico Penarol yo muri Urguay, akaba, yaraje no kuba umukinnyi w’iri rushanwa (MVP).

    Nyuma y’imyaka 4 yaje kwegukana igikombe cya UEFA Champions League ari kumwe na FC Barcelona batsinze Juventus 3-1 harimo icye, Suarez na Ivan Rakitic, bihita bimugira umukinnyi wa mbere utsinze ku mikino ya nyuma y’aya marushanwa kandi ikipe ye ikegukana igikombe.

    Neymar ni we watsinze igitego cyihuse mu mateka y’imikino Olempike

    Neymar wari mu bakinnyi batatu ba Brazil barengeje imyaka 23 kuko muri 2016 yari afite 24, yakoreye amateka muri iyi mikino Olempike yabereye iwabo muri Brazil muri Rio de Janeiro aho muri ½ banyagiye Honduras ibitego 6-0, yatsinzemo ibitego 2 icyo ku munota wa nyuma ndetse n’icyo yatsinze ku isegonda rya 15, yahise akuraho agahigo kari gafitwe na Janine Becker, umunyacanadakazi we wagitsinze Australia ku isegonda rya 19.

    Ikirenge cy’iburyo kiruta icy’ubumoso

    Kimwe mu bintu bitangaje waba utarigeze wumva kuri Neymar Jr, ni uko ikirenge cy’iburyo cye kirutaho icy’ubumoso igice cya santimetero (0.5 cm). Gusa ibi ntibimubuza gukoresha amaguru ye neza kandi nta kibazo na kimwe.

    Source : http://isimbi.rw/siporo/article/ibintu-5-bitangaje-utari-uzi-kuri-neymar-jr

  • Ibihe byaranze imurikwa rya filime i Bwiza… – #rwanda #RwOT

    Filimi yiswe 'i Bwiza' ya Nahimana Clemence, yaraye imurikiwe kuri Canal Olympia tariki 15 Ukuboza 2021. Ifite iminota 115, ikaba igaragaramo abakinnyi barimo n’abamamaye muri Cinema. Yanditswe inayoborwa ku bufatanye bwa Nahimana Clemence na Emmanuel Nturanyenabo, amashusho yayo afatwa na Sibomana Gilbert (One Hundred Pixels).

    Inkuru y'iyi filimi (i Bwiza) igaruka ku mukobwa Gatoni Maya, uba abarizwa muri koperative ikora ibihangano by'ubwoko bwinshi, uhangana na Myasiro, umukire ubagurishiriza ibihangano kuko abona abaha amafaranga make.

    Ikomeza igaruka ku rugamba rwo kuvuganira abahanzi, Gatoni Maya arufatanya n'urwo gutunga umuryango we, kwita kuri musaza we no kuvuza nyina. Iyi filime i Bwiza kandi igaragaza ubwiza bw'u Rwanda, uruhare rw'urubyiruko n'abagore mu iterambere.

    Ni umushinga wa Madamu Nahimana Clemence watewe inkunga na Imbuto Foundation ifatanyije na UNDP mu mwaka wa 2020, muri gahunda yo kuzahura inganda ndangamuco zagizweho ingaruka n'icyorezo cya Koronavirus (Cultural and Creative  industry Recovery Fund).

    Igikorwa cyo kumurika filime cyaranzwe n'ibihe byiza birimo no gutambuka ku itapi itukura.  i Bwiza cyitabiriwe n’intumwa ya Ministeri y’Urubyiruko n’Umuco Bwana Nyangezi François, ushinjwe iterambere ry’inganda ndangamuco muri iyi Minisiteri.

    Bwana Nyangezi yashimye ubutumwa bukubiye muri iyi filime, ndetse anavuga ko bari gukora uko bashoboye kugira ngo abahanzi babone inyungu zivuye mu byo baba bakoze anabwira urubyiruko rwitabiriye iki gikorwa ko biteguye gukomeza gukorana mu rwego rwo guteza imbere uruganda ndangamuco.

    Iki gikorwa kandi cyanitabiriwe n'abakunzi ba filime n'ibyamamare binyuranye birimo Mutigana wa Nkunda uherutse kwegukana igihembo muri FESPACO, Clapton Kibonge umunyarwenya ukunzwe na benshi ku mbuga nkoranyambaga, abagize uruhare mu ikorwa ry’iyi film (abakinnyi n'abatekinisiye).

    Double C Studio, One 100 Pixels na Teebah Film Village bagize uruhare muri tekinike zo kuyikora, nyuma yo kwerekanwa mu gihugu (National Premiere), filime i Bwiza  ikomeje urugendo rwo kwitabira amaserukiramuco ya sinema hirya no hino ku isi yerekana filime za Africa.

    Intumwa ya Minisiteri y’Urubyiruko n’Umuco, Nyangezi watangaje ko bakomeje kwiga ku mishinga yatuma abahanzi barushaho gukomeza gutera imbereNahimana Clemence nyiri filime 'i Bwiza' uri no mu bayiyoboye bakanayandika

    Emmanuel Nturanyenabo uri mu bayobozi bayoboye filimi i Bwiza

    Clapton Kibonge na Alphonsine bari mu byamamare byitabiriye imurikwa rya filime i Bwiza

    Umunyamakuru wa RBA, Gaga na Producer Chrisy Neat wakinnye yitwa Mya muri i Bwiza

    Mama Zulu ni umwe mu bakinnyi ba filime ya i Bwiza 

    Abafana bari bishimiye kureba bwa mbere filime nziza yiswe i BwizaBamwe mu bagize uruhare mu itegurwa rya filime bari baje baherekejwe n’inshuti zabo 

    Ifoto y’urwibutso y’abakinnyi ba Filime ‘I Bwiza’ bitabiriye imurikwa ryayo

    Source : https://inyarwanda.com/inkuru/112645/ibihe-byaranze-imurikwa-rya-filimi-i-bwiza-ryitabiwe-nabarimo-intumwa-ya-minisiteri-yuruby-112645.html

  • Yatewe inda ku myaka 9 ashyingirwa ku myaka 11 bituma agira abana 6 ku myaka 16 #rwanda #RwOT

    Umukecuru witwa Sherry Johnson akomeje kuvugwa cyane mu binyamakuru kubera inkuru y'ubuzima budasanzwe yaciyemo,bwatumye ku myaka ye 16 gusa abyara abana 6.

    Uyu mukecuru wasambanyijwe ku ngufu bwa mbere afite imyaka 9 n'umudiyakoni wo mu itorero ryabo wari ufite imyaka 18 agatwita ndetse akanabyara,yaje gushyingirwa umugabo ku myaka 11 gusa,abyara abana 6 ku myaka 16.

    Uwo musore wamusambanyije afite imyaka 9 ngo yacunze ababyeyi be n'abavandimwe be bagiye gusenga hanyuma aza mu rugo rwabo.Johnson yabisobanuye agira ati: “Byari birahagije kumanuka ingazi ziva ku itorero ryacu kugira ngo winjire mu gikoni cyacu.Aho niho yamfatiye ku ngufu.Nakangutse numva andi hejuru.”

    Johnson yabwiye nyina uko byagenze byose aramwinginga ngo amufashe kumva ibyo yahuye nabyo. Nubwo yari akiri muto, yari azi ko hari ibitagenda neza. Ariko nyina yaramwirengagije ndetse ntiyamwizera. Ndetse yabwiye itorero ko Johnson ari umubeshyi.

    Johnson agira ati: “Nabaye igitambo cyo guhisha ibyo yakoze.” Johnson yashakaga guhunga iwabo,ariko nta hantu na hamwe yari afite ajya kandi yari afite imyaka icyenda gusa. Yaje kumenya ko atwite nyuma y'amezi make asambanyijwe na diyakoni.

    Abashinzwe imibereho myiza y'abaturage baratabaye, ariko Johnson ntiyashobora kubabwira se w'umwana we kuko yari afite ubwoba. Nyina yamubwiye kandi ko agomba kubigira ibanga kugira ngo adasebya izina rye.

    Johnson yahise yirukanwa na diyakoni wongeye kumusambanya ubwo bakoraga urugendo bava Tampa berekeza i Miami.

    Ubwo yagumanaga na diyakoni ku bilometero ibihumbi uvuye iwabo, yabyariye mu bitaro. Johnson yavuze ko nyina atigeze amusura cyangwa ngo aze kureba uruhinja rwe rushya.

    Igihe yari afite imyaka 11, yahatiwe gushyingiranwa ku ngufu n'uyu mudiyakoni wamufashe ku ngufu we wari afite imyaka 20. Nyina yamuteguriye umutsima w'ubukwe,ikanzu n'ibindi.

    Nyuma yubukwe, uyu mudiyakoni yatangiye kumubabaza, haba mu byiyumvo ndetse no ku mubiri. Igihe cyose yamuteraga inda yahitaga amusiga, hanyuma akagaruka umwana amaze kuvuka kugira ngo yongere kumutera inda.Johnson yagize imyaka 16, amaze kubyara abana batandatu.

    Amaherezo, uyu mudiyakoni yarafunzwe azira ko atishyuye indezo y'abana. Johnson yagerageje gusaba gatanya ariko ntiyabishobora kuko atari yakageza ku myaka 18 y'ubukure.

    Nyuma yaje kubona iubufasha bwihariye maze atandukana na diyakoni afite imyaka 17. Johnson yahise ashyingirwa bwa kabiri, kandi muri ibyo bihe byombi yarahohotewe.

    Yabyaye abandi bana batatu nyuma.Hashize imyaka igera kuri itanu, arangije amashuri yisumbuye afite imyaka 55.

    Ubu n'umubyeyi w'abana icyenda na nyirakuru w'abuzukuru barenga 30.Akomeje guhirimbanira ihagarikwa ishyingirwa ry'abana muri Amerika. Abana be, bazi ibyo yanyuzemo akiri muto, bamuha inkunga yose akeneye.

    Source : https://umuryango.rw/ubuzima-115/udushya/article/yatewe-inda-ku-myaka-9-ashyingirwa-ku-myaka-11-bituma-agira-abana-6-ku-myaka-16

  • Nyamagabe : Umukozi wa SACCO yarashwe n’umusekirite wamukurikiye akamurasa akinjira iwe #rwanda #RwOT

    Byabaye mu masaha ya saa satu z’ijoro (ku wa Gatatu), ubwo Umusekirite witwa Ntakirutimana Bosco w’imyaka 48 y’amavuko urinda ku Umurenge SACCO Buruhukiro yakurikiye Manager w’iyi SACCO witwa Dusingizimana Moise w’imyaka 36 amurasa mu nda.

    Niyomwungeri Hildebrand, Umuyobozi w’Akarere ka Nyamagabe yabwiye yatangaje ko ibi byabaye

    Ati 'Aka kanya ntitwamenya icyo yamurasiye biracyari mu iperereza gusa uriya ucunga umutekano wa SACCO, yarashe Manager, ajyanwa kwa muganga kandi ibimenyetso by’Abaganga birerekana ko atakomeretse cyane. Yamurashe mu nda hasi ahagana ku rukenyerero.'

    Manager yarasiwe mu Mudugudu wa Nkamba, Akagali ka Rambya mu Murenge wa Buruhukiro mu Karere ka Nyamagabe, umwe mu batanze amakuru witwa Niringiyimana Olivier w’imyaka 33 ari na we watabaje yavuze ko Boss we yatashye ageze mu nzu, Umusekirite amwinjira inyuma, ahita amurasira ari muri Corridor. Ngo yamurashe isasu rimwe mu nda.

    Umuvugizi w’Urwego rw’Igihugu rw’Ubugenzacyaha (RIB), Dr Murangira B Thierry yatangaje ko uyu musekirite yafashwe afungiye kuri RIB sitasiyo ya Musebeya.

    Ati 'Yamugenze runono amurasira iwe ariko yahise afatwa.'

    Yavuze ko kugeza ubu hataramenyekana impamvu yatumye uriya musekirite arasa Manager wa SACCO. Cyakora abaturage bavuga ko ngo yamuhoye ko yamugambaniye akamwimura mu kazi ko gucunga iriya SACCO, bakamujyana gukorera mu mujyi wa Nyamagabe.

    Dr Murangira avuga ko uriya musekirite yari yagambiriye kwica ngo kuba atishe uwo yarashe si kubwe.

    Ati 'Akurikiranyweho ubwinjiracyaha ku cyaha cyo kwica, icyaha kimuhamye yahanishwa gufungwa imyaka 25.'

    Manager akimara kuraswa Polisi Yahise Ihagera, ahita ajyanwa ku Ikigo Nderabuzima cya Buruhukiro.

    Source : http://www.ukwezi.rw/1-1/Amakuru-anyuranye/article/Nyamagabe-Umukozi-wa-SACCO-yarashwe-n-umusekirite-wamukurikiye-akamurasa-akinjira-iwe

  • Rayon Sports yazanye umwenda wa 3 ufite ibara ryihariye #rwanda #RwOT

    Rayon Sports imaze gushyira ahagaragara, umwambaro wayo wa Gatatu (Third Kit) , izajya ikoresha muri uyu mwaka w'imikino wa 2021-22.

    Rayon Sports isanzwe yambara ibara ry'ubururu ku mukino yakiriye mu gihe yagiye hanze ikambara umweru ariko kuri iyi nshuro yazanye ibara ritamenyerewe ku mwenda wa 3 izajya yambara.

    Rayon Sports igeramiwe n'amakipe arimo AS Kigali akomeje gukunda ibara ryayo ry'ubururu yasaga naho yigengaho mu myaka ishize.


    Source : https://umuryango.rw/imyidagaduro/imikino/article/rayon-sports-yazanye-umwenda-wa-3-ufite-ibara-ryihariye