Webrwanda Backend

Category: Uncategorized

  • MSN iyoboye ubusatirizi (Trio) bwabayeho mu m… – #rwanda #RwOT

    Imibare igaragaza ko ubusatirizi bwa Messi, Suarez na Neymar muri FC Barcelona, bufite amateka yihariye kurusha ubundi busatirizi bwabayeho ku Isi.

    Muri iyi nkuru turarebera hamwe ubusatirizi bw'amakipe ane akomeye bwagiye bugarukwaho kenshi mu biganiro bitandukanye, ndetse bikanemezwa ko aribwo bukomeye mu bihugu byabo.

    Ubusatirizi bwa Messi, Suarez na Neymar muri FC Barcelona, Benzema, Bale na Cristiano muri Real Madrid, Mane, Salah na Firmino muri Liverpool ndetse na Messi, Neymar na Mbappe muri PSG.

    Ubutatu bw'aba bakinnyi basatira bwakoze amateka yihariye, yatumye bunandikwa mu bitabo bitandukanye bigaruka ku mupira w'amaguru n'abanyabigwi.

    1. MESSI-SUAREZ-NEYMAR (MSN) – (FC Barcelona)

    Mu mwaka wabo wa mbere bakinanye, ubwo hari mu 2014-15, MSN yakinanye imikino 154 mu marushanwa atandukanye, batsinze ibitego 122, batanga imipira 55 yavuyemo ibitego.

    Mu mwaka wabo wa kabiri bakinana, mu 2015-16, MSN yakinanye imikino 151, batsinda ibitego 131, banatanga imipira 65 yavuyemo ibitego.

    Mu mwaka wabo wa gatatu bakinana, MSN yakinanye imikino 148, batsinda ibitego 111, batanga imipira yavuyemo ibitego 51.

    Muri rusange MSN yakinanye imikino 453, batsinze ibitego 364, banatanga imipira 171 yavuyemo ibitego.

    Uyu musaruro wa MSN mu myaka itatu ugereranyije n'ubundi busatirizi ubwo aribwo bwose ku Isi, usanga bufite imibare iri hejuru cyane, binabushyira ku mwanya wa mbere w'ubusatirizi (Trio) bw'ibihe byose mu mupira w'amaguru.

    2. BENZEMA-BALE-CRISTIOANO (BBC) – (Real Madrid)

    Ubu busatirizi bufite imibare myiza kuko usanga buza ku mwanya wa kabiri mu busatirizi bwabayeho bwiza mu mupira w'amaguru nyuma ya MSN, kuko ufashe imyaka itatu aba bakinnyi bakinanye imibare y'ibitego batsinze, imipira ivamo ibitego batanze, byose bibashyi mu busatirizi bw'ibihe byose mu mupira w'amaguru.

    Mu mwaka wabo wa mbere bakinanye, ubwo hari mu 2014-15,   BBC yakinanye imikino 148 mu marushanwa atandukanye, batsinze ibitego 100, batanga imipira 46 yavuyemo ibitego.

    Mu mwaka wabo wa kabiri bakinana, mu 2015-16, bakinanye imikino 115, batsinda ibitego 98, banatanga imipira 34 yavuyemo ibitego.

    Mu mwaka wabo wa gatatu bakinana, BBC yakinanye imikino 120, batsinda ibitego 70, batanga imipira yavuyemo ibitego 22.

    Muri rusange BBC yakinanye imikino 383, batsinze ibitego 268, banatanga imipira 102 yavuyemo ibitego.

    BBC yakoze amateka akomeye ihesha Real Madrid ibikombe byinshi birimo iby'imbere mu gihugu ndetse no hanze y'igihugu birimo na Champions League.

    3. MANE-FIRMINO-SALAH (Liverpool)

    Ubu busatirizi bw'ikipe ya Liverpool bunamaranye igihe kirekire, bwakoze amateka yo guhesha iyi kipe igikombe cya shampiyona bari bamaze imyaka 30 bategukana ndetse banongera guhesha Liverpool igikombe cya UEFA Champions League bari bakuimbuye.

    Tariki ya 08 Nyakanga 2020, ubu busatirizi bwishimiye ibitego 250 bwari bumaze gutsinda, birumvikana ko kugeza magingo aya umubare w'ibi bitego wiyongereye, ndetse n'uyu mwaka bakaba bafite amahirwe yo kongera kwegukana igikombe cya shampiyona y'u Bwongereza, aho bari ku mwanya wa kabiri barushwa inota rimwe na Manchester City iyoboye urutonde.

    Ibi byose ni bimwe mu bishingirwaho ubu busatirizi bushyirwa ku rutonde ruzahora ruzirikanwa mu mateka y'umupira w'amaguru.

    4. MESSI-NEYMAR-MBAPPE (PSG)

    Mu ntangiriro ubu busatirizi bwafatwaga bka bumwe mu buzakora amateka atarigeze abaho mu mupira w'amaguru kubera impano z'abakinnyi batandukanye bakoze amateka akomeye muri ruhago bari bahuriye mu ikipe imwe kandi ikomeye, ifite intego y'ibikombe.

    Gusa ibyari byitezwe ntabwo byagezweho cyangwa uko abantu babatekerezaga siko bababonye kubera ko umusaruro w'ibitego wabuze, kugeza ubwo Messi yamaze imikino ine nta gitego aratsindira PSG.

    Nta kigaragara ubu busatirizi burakorera Paris, gusa Isi iracyabahanze amaso kugira ngo barebe ibyo bazakora mu mwaka wabo wa mbere bari kumwe bakinira Paris Saint Germain.

    Umusaruro mubi mu ntangiriro z'ubu busatirizi wavuzwe mu buryo butandukanye, bamwe bakawegeka ku mutoza Pochettino, abandi bakawegeka ku bwumvikane bucye buri hagati y'abakinnyi ubwabo, gusa batangiye gukosora ndetse banatangiye gutsinda kandi bafatanyije.

    Source : https://inyarwanda.com/inkuru/112691/msn-iyoboye-ubusatirizi-trio-bwabayeho-mu-mupira-wamaguru-bugatigisa-isi-112691.html

  • Umukobwa w’Umusitari yahitanywe n’imiti yo kuboneza urubyaro yanyoye akimara kurushinga #rwanda #RwOT

    Ku wa Gatanu, tariki ya 17 Ukuboza 2021, uyu mukobwa w’umuyobozi w’ishuri ryisumbuye rya Gayaza Robina Kizito yashakanye n’umukunzi we Derrick Wabwire mu birori byiza byabereye kuri All Saints Cathedral, nyuma baza kubakira muri Sheraton Hotel, Kampala.

    Nk’uko amakuru yatangajwe n’umuvugizi wa CID, Charles Twiine, mu kiganiro yagiranye n’abanyamakuru ku cyicaro gikuru cya Polisi kiri Naguru mu ntangiriro ziki cyumweru, abashakanye baraye muri hoteri ya Sheraton bitegura kujya mu kwezi kwa buki.

    Ariko, kuwa gatandatu, abashakanye bahisemo kubanza kujya mu bitaro by’abagore i Bukoto gufata inshinge zo kuboneza urubyaro.

    Twine yagize ati :”Bakigera ku bitaro, abaganga babagiriye inama yo gufata intrauterine device (IUD). 'Yarasuzumwe ariko nyababyeyi ye ntabwo yari ihagaze neza.Abaganga bamuhaye amazi bizeye ko bishoboka ko bizahuza nyababyeyi. Byagaragaye kandi ko na we yari afite imihango kandi yiyiriza ubusa. '

    Polisi yavuze ko umuganga w’ubuzima bw’imyororokere yabagiriye inama ko umuntu ufite imihango adashobora gufata IUD, ariko nyuma y’impamvu zitazwi, bamwizamo ubwo buryo maze agira ububabare bukabije bwo mu gifu araremba.

    Uwo mugeni yahawe ubuvuzi ariko ntibyagira icyo bitanga.Yahise yoherezwa mu bitaro bya Victoria,ari muri koma.

    Nk’uko byatangajwe n’Umuvugizi w’ibitaro bya Women Hospital International,Arthur Metso, ngo abo bashakanye basabye ubufasha mu kuboneza urubyaro, ariko nyuma yo gushyirwamo igikoresho cya IUD cyo kuboneza urubyaro, Joanna yagize ikibazo bituma abaganga bamwitagaho bahita bamwohereza ahandi kugira ngo arusheho kwitabwaho.

    Ku wa gatatu, abaganga bane bo muri ibyo bitaro batoranyijwe n’abapolisi kugira ngo babazwe.

    Source : http://www.ukwezi.rw/13/article/Umukobwa-w-Umusitari-yahitanywe-n-imiti-yo-kuboneza-urubyaro-yanyoye-akimara-kurushinga

  • Perezida Kagame ari i Istanbul muri Turukiya (Amafoto) #rwanda #RwOT

    Perezida Paul Kagame yageze i Istanbul muri Turukiya, yitabiriye inama ya Gatatu yiga ku bufatanye bw'iki gihugu na Afurika.

    Ni inama itangira kuri uyu wa Gatanu ikazageza kuri uyu wa Gatandatu, yitabiriwe n'abakuru b'ibihugu na za guverinoma batandukanye bo ku mugabane wa Afurika.

    Image

    Kuri uyu mugoroba, Perezida Kagame uri muri Turukiya mu nama ya Gatatu yiga ku bufatanye bw'iki gihugu na Afurika, yagiranye ibiganiro na mugenzi we w'iki gihugu,Recep Tayyip Erdoğan byibanze mu kurushaho kunoza umubano w'ibihugu byombi.

    Image

    Photo: Urugwiro

    The post Perezida Kagame ari i Istanbul muri Turukiya (Amafoto) appeared first on IRIBA NEWS.

    Source : https://iribanews.rw/2021/12/17/perezida-kagame-ari-i-istanbul-muri-turukiya-amafoto/

  • Abapolisi 481 birukanwe mu kazi kubera imyitwarire idahwitse #rwanda #RwOT

    Inama Nkuru ya Polisi y'Igihugu, yafashe icyemezo cyo kwirukana burundu mu kazi abapolisi 481 kubera amakosa n'ibyaha bihabanye n'imyitwarire y'umwuga iranga igipolisi cy'u Rwanda,aya makosa akaba arimo ruswa,ubusinzi no gutoroka mu kazi.

    Uyu munsi tariki ya 17 Ukuboza 2021,nibwo Minisitiri w'umutekano mu gihugu, Gasana Alfred, ari kumwe na IGP Dan Munyuza, bayoboye umuhango wo gutangiza ku mugaragaro inama nkuru ya polisi iteraniye ku cyicaro gikuru, Kacyiru.

    Inama nkuru ya polisi nirwo rwego rukuru muri Polisi y'u Rwanda ruganirirwamo imirongo migari yo guteza imbere ubunyamwuga muri polisi hagamijwe kurushaho kubungabunga umutekano no gukumira ibyaha.

    Niyo mpamvu muri iyi nama hafatiwemo uriya mwanzuro wo kwirukana bariya bapolisi batandukanye.

    Umuyobozi Mukuru wa Polisi y'Igihugu, IGP Dan Munyuza yavuze ko umubare w'abapolisi bagaragaweho amakosa atandukanye ari munini, ari nayo mpamvu hafashwe iki cyemezo mu rwego rwo kurushaho kunoza ubunyamwuga muri Polisi y'igihugu.

    Iyi nama ya polisi ibaye nyuma y'aho Umuryango Urwanya Ruswa n'Akarengane, Transparency International Rwanda (TI-Rwanda),ugaragaje ko inzego z'abikorera n'Ishami rya Polisi rishinzwe umutekano wo mu muhanda biza ku isonga mu zo ruswa yiyongereye cyane kurusha izindi mu 2021.

    Bikubiye muri raporo izwi nka Rwanda Bribery Index (RBI) yasohowe ku nshuro ya 12 ikaba n'inshuro ya kabiri isohowe u Rwanda n'isi biri mu bihe bya Covid-19.

    Ni raporo yamuritswe ku mugaragaro kuri uyu wa 14 Ukuboza 2021 mu muhango wabereye mu Mujyi wa Kigali.

    Mu nzego zagarayemo ruswa kurusha izindi mu itangwa rya serivisi mu 2021 harimo inzego z'abikorera zagarawemo iri ku kigero cya 20,4 %, ishami rya Polisi rishinzwe umutekano wo mu muhanda ryagaragayemo ruswa ku kigero cya 15,2 % ivuye kuri 12% yari iriho mu 2020.

    Source : https://umuryango.rw/amakuru/mu-rwanda/umutekano/article/abapolisi-481-birukanwe-mu-kazi-kubera-imyitwarire-idahwitse

  • Gisagara : Baratakira ubuyobozi nyuma y’uko amasomo bahawe atambamiwe n’ibura ry’amazi #rwanda #RwOT

    Imiryango itandukanye nka Plan International yigishije impunzi ziri mu nkambi ya Mugombwa ibijyanye n’isuku, kurwanya imirire mibi no gufatanya inshingano ku bashakanye nk’umusemburo wabageza ku iterambere n’imibereho myiza. Amasomo yahawe impunzi, ninayo yahawe abaturiye inkambi.

    Mu byo bigishijwe harimo kwikorera uturima tw’igikoni, korora amatungo magufi n’ibijyanye n’isuku n’isukura, nka zimwe mu ngamba zabafasha kurwanya imirire mibi n’igwingira ku bana. Ibi byose ariko kubishyira mu bikorwa bisaba ko baba bafite amazi, nyamara nta muyoboro wa WASAC ugera muri aka gace ndetse n’amazi bavoma mu gishanga, uretse kuba atari n’amazi afite isuku no kuhagera birabagora kuko ari kure.

    Bamwe mu baturage twaganiriye, basaba ubuyobozi bw’akarere ka Gisagara, ikigo gishinzwe amazi n’isukura ndetse n’abandi baterankunga ko babafasha bakabona amazi bityo amasomo meza bize ntakomeze gukomwa mu nkokora no kubura amazi.

    Mukamana wo mu mudugudu wa Migina mu kagari ka Mugombwa muri uyu murenge wa Mugombwa, avuga ko kutabona amazi meza ari ikibazo ku mibereho myiza yabo, kuko no kubona ayanduye bashobora gusukura mbere yo kuyakoresha nabyo bibasaba gukora urugendo rurerure.

    Habimana Jean wo mu mudugudu wa Bishya muri aka kagari we avuga ko ibijyanye n’isuku, gutegura indyo yuzuye no kurwanya imirire mibi, batabigeraho mu gihe kubona amazi bibakomerera cyane.

    Ku ruhande rw’ubuyobozi bw’Akarere ka Gisagara, umuyobozi wungirije ushinzwe imibereho myiza y’abaturage Madamu Dusabe Denise, avuga ko ikibazo bakizi kandi batabatereranye kuko hari umuyoboro ugiye gukorwa, wazarangira bakazahita babona amazi.

    Bigishijwe gukora byinshi bihindura imibereho yabo ariko amazi yabaye imbogamizi

    Source : http://www.ukwezi.rw/1-1/17/article/Gisagara-Baratakira-ubuyobozi-nyuma-y-uko-amasomo-bahawe-atambamiwe-n-ibura-ry-amazi

  • Perezida Kagame ari muri Turukiya #rwanda #RwOT

    Perezida Paul Kagame yageze Istanbul mu gihugu cya Turukiya aho yitabiriye inama ya Gatatu yiga ku bufatanye bw'iki gihugu na Afurika.

    Ni inama y'iminsi ibiri yitabiriwe n'abakuru b'ibihugu na za Guverinoma batandukanye bo ku mugabane wa Afurika.

    Iyi nama izafungurwa na Perezida wa Turikiya, Recep Tayyip Erdoğan, biteganyijwe ko izitabirwa n'abakuru b'ibihugu 13 n'abaminisitiri baturutse mu bihugu 39.

    Mu byitezwe kuganirwaho muri iyi nama harimo ibijyanye n'ubufatanye mu ishoramari n'ubucuruzi, umutekano n'izindi ngingo zitandukanye.

    Umubano wa Turikiya n'ibihugu bya Afurika wagiye waguka kuko nko mu 2003, iki gihugu cyari gifite za Ambasade 13 muri Afurika ariko ubu zimaze kugera kuri 43.

    Nko ku ruhande rw'u Rwanda muri Nzeri uyu mwaka, ibihugu by'u Rwanda na Turikiya byasinyanye amasezerano y'ubufatanye mu burezi, inganda na siporo.

    Muri Werurwe 2020 Polisi y'u Rwanda na Polisi ya Turikiya bemeranyije gukomeza gushimangira ubufatanye mu nzego zitandukanye by'umwihariko mu kubaka ubushobozi.

    Mu 2015 kandi impande zombi zasinyanye amasezerano y'ubufatanye mu bijyanye no guhanahana amahugurwa mu kurwanya iterabwoba, kurwanya ibyaha by'ikoranabuhanga, amahugurwa y'umutwe udasanzwe wa Polisi (Special forces ) ndetse no guhugura Abapolisi bazahugura abandi.

    Hari n'ibindi bihugu bitandukanye bya Afurika birimo Ethiopia, Angola, Maroc n'ibindi bifitanye imikoranire n'ubufatanye bwa hafi n'iki gihugu cyo mu Burasirazuba bwo hagati.

    Ni mu gihe sosiyete y'indege ya Turkish Airlines ikorera igendo mu byerekezo 60 bya Afurika birimo n'u Rwanda.

    Perezida Recep Tayyip Erdoğan avuga ko igihugu cye gifite intego yo kuzamura ingano y'ubucuruzi gikorana na Afurika bukagera ku gaciro ka miliyari 75$.

    The post Perezida Kagame ari muri Turukiya appeared first on FLASH RADIO&TV.

    Source : https://flash.rw/2021/12/17/perezida-kagame-ari-muri-turukiya-mu-nama-yigira-hamwe/?utm_source=rss&utm_medium=rss&utm_campaign=perezida-kagame-ari-muri-turukiya-mu-nama-yigira-hamwe

  • Urukundo rw'Ukuri!!! Umugore w'imyaka 27 yemeye gushyingiranwa n'umugabo w'imyaka 45 udahaguruka kubera ubumuga #rwanda #RwOT

    Ku wa gatandatu, tariki ya 11 Ukuboza, umugore witwa Christiana w'imyaka 27 yasezeranye kubana akaramata n'umugabo we witwa Terkimbir Benjamin Tyough w'imyaka 45 uhora aryamye ku buriri, kubera ubumuga yagize.

    Benjamin, ukomoka muri Gboko muri Leta ya Benue muri Nijeriya, yakoraga amashanyarazi mbere yo guhura n'impanuka yamuteye ubumuga budakira.

    Uyu mugabo yangiritse uruti rw'umugongo nyuma yo guhanuka ku nkingi 'amashanyarazi ubwo yari mu kazi mu ntangiriro za Werurwe.

    Yasezeye ku mirimo ye nyuma yokunanirwa gukusanya amafaranga (hejuru ya $ 2,500) yari akenewe ngo abagwe.

    Aganira na BBC News Pidgin, Christiana yavuze ko akunda umugabo we cyane nubwo afite ubumuga kandi ko yiteguye kugumana na we kugeza imperuka.

    Nyina w'abahungu batatu yavuze ko umugabo we ari umugabo mwiza, avuga ko babeshejweho n'ubufasha abaturanyi babo babahaye.

    Ati: 'Umugabo wanjye ni umugabo mwiza kandi niteguye kubana na we ubuziraherezo kubera urukundo mukunda. Kubera ko yagize impanuka, abaturanyi ni bo badutera inkunga,nta kazi mfite kandi umugabo wanjye yatangaga ibyo umuryango ukeneye mbere y'impanuka '.


    Source : https://umuryango.rw/ubuzima-115/udushya/article/urukundo-rw-ukuri-umugore-w-imyaka-27-yemeye-gushyingiranwa-n-umugabo-w-imyaka

  • Koreya ya Ruguru: Abantu 7 bishwe ku mugaragaro bazira kureba imiziki yo mu mahanga #rwanda #RwOT

    Raporo nshya ibabaje yerekanye ko Koreya ya ruguru yishe ku mugaragaro abantu 7 bazira kureba amashusho y'umuziki wa Koreya y'Epfo [K-pop] mu gihe kurwanya imyidagaduro y'ahandi bigenda byiyongera.

    Abantu barindwi biciwe ku mugaragaro muri Koreya ya ruguru bazira kureba amashusho ya K-pop,ubwoko bw'umuziki w'igihugu gituranyi cyabo.

    K-pop ni ijambo rivuga ubwoko butandukanye bw'umuziki ukomoka muri Koreya y'epfo, urangwa n'uruvange rw'amajwi n'amashusho.

    Raporo nshya yatangaje n'umuryango uharanira uburenganzira bw'ikiremwamuntu yerekana ko abantu 27 bakatiwe urwo gupfa kuva mu mwaka wa 2011, harimo umubare w'abazira “kureba no gukwirakwiza” imyidagaduro yo mu majyepfo y'umupaka wa Koreya.

    Gutunga umuziki wa K-pop hamwe na filimi zo muri Koreya y'Epfo n'ahandi byaabujijwe ku mugaragaro na perezida wa Koreya ya Ruuru,Kim Jong Un, watangije intambara mu gihugu mu myaka mike ishize bitewe n'uko itangazamakuru ryagendaga rishinga imizi mu benegihugu.

    Ibibazo byabajijwe abantu 700 bashinzwe ibyo kunyonga berekanye ko batandatu muri barindwi biciwe mu mujyi wa Hyesan hagati ya 2012 na 2014.

    Uwo mujyi uri kumupaka n'Ubushinwa kandi wabaye indiri y'abambutsa magendu, harimo n'abazana ibyerekeranye n'imyidagaduro mu gihugu.

    Kubera iyo mpamvu, ingamba za guverinoma mu gukumira imico yo hanze ziri kwibanda muri ako karere.

    Abaturage bahatiwe kureba ku ngufu abo bantu bicwa nabi harimo n'abagize umuryango bose mu rwego rwo kubaburira

    Raporo igira iti: 'Ababajijwe bakunze kuvuga ko amategeko agenga iyicwa rusange ategeka abarashi batatu kurasa amasasu icyenda yose mu mubiri w'uwahamwe n'icyaha. Imiryango y'abicwa itegekwa kureba ku ngufu uko bicwa.”

    Source : https://umuryango.rw/ubuzima-115/udushya/article/koreya-ya-ruguru-abantu-7-bishwe-ku-mugaragaro-bazira-kureba-imiziki-yo-mu

  • Ni gute wamenya niba umukobwa ari kugukoresha mu rukundo #rwanda #RwOT

    Gukoreshwa bitera agahinda cyane, nta muntu n'umwe wakwishimira kubona ari gukoreshwa by'umwihariko iyo bigeze mu rukundo. Abahanga basobanura ko aho gukoreshwa mu rukundo wakoreshwa mu bindi bintu, kubera ko mu rukundo bigusaba gutanga umwanya n'ibirenze umwanya kandi ukazicuza nyuma.

    Binyuze mu biganiro mugirana uzabasha kumenya neza niba koko agukoresha cyangwa niba ari ibya nyabyo koko warakunzwe. Mbere yo kujya kure rero banza usome izi ngingo twaguteguriye.

    1.Genzura ibyiyumviro byawe n'ibyo uteganya kuri we

    Ikintu cya mbere usabwa gukora ngo umenya neza niba uri gukoreshwa, ni ukubanza kugenzura neza ibyiyumviro byawe wowe ubwawe, ukareba niba bijyanye n'urukundo rwa nyarwo koko. Nusanga wowe urimo neza koko ubone umwibazeho bigeye kure urebe niba nawe ari uko. Ese ashaka ubushuti busanzwe gusa? Ese ashaka ko mujya muryamana gusa? Ese aba yifuza ko mutakaza amafaranga menshi buri gihe mu bidafite umumaro? Ese ni byo nawe ushaka?

    2.Ese arakumva cyangwa akuvugiramo?

    Ikindi kimenyetso simusiga kizakwereka ko ari kugukoresha ni uko atazajya akumva mu gihe wowe uri kuvuga, azajya akuvugiramo cyane akubuze umwanya wo kuvuga ibitekerezo byawe. Niba atari kugukoresha rero menya ko atakumva kandi atakwitayeho na gato. Ntabwo yita kuri wowe, yita ku bye gusa kuko ni byo ashaka ko bishyirwa mu bikorwa, ntabwo ashaka ko ugira ibyo umwemeza.

    3.Ese ashishikajwe nawe?

    Menya neza niba akora uko ashoboye ngo amenye amakuru yawe. Menya neza niba agukunda koko. Ese hari ubwo ajya agusiga mu gitaramo mwasohotse? Ese hari ibintu bibahuza yaremye we ubwe?

    4.Menya neza niba atuma ugera ku ntego zawe

    Hari abantu benshi mushobora gukundana ariko ntihagire icyo bakumarira mu buzima. Menya neza niba hari icyo ubona waragezeho cyangwa uzageraho nimumara gushyira urukundo rwanyu ku rundi rwego.

    5.Ese agukundiye amafaranga ufite?

    Menya neza niba akurikiye amafaranga ufite. Iki ni ikimenyetso cy'umuntu uri kugukoresha. Bishobora kurenga amafaranga akaba agukurikiyeho ikindi kintu ufite cyamutera ishema muri rubanda.

    Urukundo ntabwo rugira icyo rushingiraho na kimwe, rero genzura neza uwo muntu umenye neza niba koko agukunda. Ntabwo ari byiza kugenzura mugenzi wawe cyane ariko Abanyarwanda baravuga ngo 'Ibuye ryamenyekanye ntiriba ricyishe isuka'. Ahari ni wo mwanya wawe wo kwigobotora ku ngoyi izakuzirika iteka ryose, mu buzima uzamara aha ku isi.

    Inkomoko: Wikihow

    Source : https://umuryango.rw/ubuzima-115/udushya/article/ni-gute-wamenya-niba-umukobwa-ari-kugukoresha-mu-rukundo

  • Polisi y’u Rwanda yirukanye burundu Abapolisi 480 kubera amakosa arimo ubusinzi, ruswa,… #rwanda #RwOT

    Ni icyemezo cyafatiwe mu Nama Nkuru ya Polisi y’Igihugu yateranye kuri uyu wa Gatanu tariki 17 Ukuboza 2021 yatangijwe na Minisitiri w’umutekano mu gihugu, Gasana Alfred, ari kumwe na IGP Dan Munyuza, mu mugaragaro wabereye ku cyicaro gikuru cya Polisi y’u Rwanda ku Kacyiru.

    Inama nkuru ya polisi ni rwo rwego rukuru muri Polisi y’u Rwanda ruganirirwamo imirongo migari yo guteza imbere ubunyamwuga muri polisi hagamijwe kurushaho kubungabunga umutekano no gukumira ibyaha.

    Niyo mpamvu muri iyi nama hafatiwemo uriya mwanzuro wo kwirukana bariya bapolisi batandukanye.

    Umuyobozi Mukuru wa Polisi y’Igihugu, IGP Dan Munyuza yavuze ko umubare w’abapolisi bagaragaweho amakosa atandukanye ari munini, ari nayo mpamvu hafashwe iki cyemezo mu rwego rwo kurushaho kunoza ubunyamwuga muri Polisi y’igihugu.

    Iyi nama ya polisi ibaye nyuma y’aho Umuryango Urwanya Ruswa n’Akarengane, Transparency International Rwanda (TI-Rwanda),ugaragaje ko inzego z’abikorera n’Ishami rya Polisi rishinzwe umutekano wo mu muhanda biza ku isonga mu zo ruswa yiyongereye cyane kurusha izindi mu 2021.

    Bikubiye muri raporo izwi nka Rwanda Bribery Index (RBI) yasohowe ku nshuro ya 12 ikaba n’inshuro ya kabiri isohowe u Rwanda n’isi biri mu bihe bya Covid-19.

    Ni raporo yamuritswe ku mugaragaro kuri uyu wa 14 Ukuboza 2021 mu muhango wabereye mu Mujyi wa Kigali.

    Mu nzego zagarayemo ruswa kurusha izindi mu itangwa rya serivisi mu 2021 harimo inzego z’abikorera zagarawemo iri ku kigero cya 20,4 %, ishami rya Polisi rishinzwe umutekano wo mu muhanda ryagaragayemo ruswa ku kigero cya 15,2 % ivuye kuri 12% yari iriho mu 2020.

    Source : http://www.ukwezi.rw/1-1/2/article/Polisi-y-u-Rwanda-yirukanye-burundu-Abapolisi-480-kubera-amakosa-arimo-ubusinzi-ruswa