Category: Uncategorized
-
Gasabo: Wa mugore washinjwe gufatwa ari guca inyuma umugabo yavuze ukuri kw'ibyabaye #rwanda #RwOT
Mu kiganiro yahaye ibinyamakuru birimo ISIMBI TV na BTN TV,Akayezu yavuze ko amaze igihe kinini atabanye neza na Mike baherukaga kurushinga bitewe nuko yamuhatiraga gusaba inguzanyo muri Banki agatanga ingwate y'inzu ye n'abana be babiri 2 bashakanye afite.
Uyu mugore yavuze ko Mike ibyo Mike ari gukora ari ukumuharabika nyuma yo kugirana ubwumvikane buke bushingiye ku mitungo uyu mugabo yashakaga gusahura.
Akayezu Odette atangaza ko bijya gutangira umugabo yamubeshye ko nta mugore afite batandukanye nyamara bamara kugera mu rugo nyuma y'imihango yo gusaba aza kumenya ko mike yari afite abandi bagore 3 n'abana batandukanye.
Ati' Njya kubimenya numvise umugore amuhamagara bavugana ibijyanye no kutubahiriza inshingano zo kwita ku bana (gutanga indezo)noneho ndamubaza nti ko wambwiye ko ari amagambo uwo muvuganye byo bimeze bite, ati noneho reka nkubwize ukuri ati mfite umugore wa mbere twabanye mu nzu turananiranwa tubyanye 3, undi natunze mu nzu twabyaranye umwe nawe turananiranwa uwa 3 we ni umukobwa w'I Gikondo nateye inda hanyuma mushakira aho kuba ntitwabana'.
Akomeza Avuga ko umubano wabo warushijeho kujya habi nyuma yo kwanga ko imitungo y'umuryango Mike yamusanganye imwandikwaho ,ikagurishwa cyangwa igatangwamwo ingwate muri bank nkuko Mike yabyifuzaga.
Ati 'Yambwiye ko iyo umugore afite imitungo umugabo ntayo afite batubaka ati bibaye ngombwa iyo mitungo yakwandikwa k'umugabo cyangwa ikagurishwa hagashakwa indi bahuriyeho noneho bigacungwa n'umugabo nibwo umugore yubaka'.
Akayezu yavuze ko we na Mike bashwanye ku cyumweru,biturutse kuri telephone ya smart phone Mike yamusabye ngo ayikoreshe we abe akoresha agatelephone gato ka Mike,arabyanga amucyurira cyane ko ntacyo azigezaho kugeza ubwo ku cyumweru I saa tanu n'igice z'ijoro Mike yakase imodoka y'akazi agasubira inyuma yari ageze munsi y'urugo.
Odette yavuze ko akunda Mike cyane ndetse ko muri iryo joro yashatse kumugarura undi arabyanga aramubwira ngo “gumana ibyondo byawe.”
Uyu mugore yavuze ko yamutegereje kugeza mu rukerera rwo kuwa mbere ari nabwo yahamagaye Simeon ngo aze amuganirize ibyamubayeho nawe akihagera saa kumi n'igice ngo nibwo Mike yahise agera mu rugo atangira gushaka kumukubita.
Akomeza avuga ko yahise asaba Simeon kwirukira mu cyumba kubera ko Mike yamumerera nabi undi yibagirwa kujyana inkweto ze aribwo Mike yatangiye guhamagara abantu ko Akayezu yari ari kumuca inyuma.
Uyu mugore yavuze ko Mike asanzwe amukubita guhera banakirambagizanya ndetse nawe ngo uwo munsi yagiye kwihisha mu gikoni kugira ngo atamukubitira mu bantu.
Yavuze ko uyu mugabo yamukubise inda yari atwite ivamo yanga kujya kumurega ngo adafungwa kandi amukunda.
Uyu mugore yavuze ko atari gusambana na Simeon kuko yari mu mihango ndetse na bamwe mu bahuruye barimo na mudugudu yarabiberetse.
Yasoje avuga ko nubwo agikunda Mike ariko yifuza ko ibyabo byarangira akagenda cyane ko ngo basezeranye mu idini gusa ndetse ko ntacyo amufasha mu mibereho.
-
Ba nyampinga b’u Rwanda 5 bifatanyije na Miss Ingabire Grace ufite urubanza rutoroshye #rwanda #RwOT
Harabura amasaha make hakamenyekana Nyampinga w’Isi wa 2021 (Miss World 2021), Miss Ingabire Grace uhagarariye u Rwanda muri iri rushanwa ry’ubwiza ririmo kubera muri Puerto Rico, bakuru be bamweretse ko bamushyigikiye ndetse bamwifuriza kuza kuryegukana.
Tariki ya 19 Ugushyingo 2021 nibwo Ingabire Grace yerekeje muri Puerto Rico yitabiriye iri rushanwa ryari rigiye kuba ku nshuro ya 70.
Mu ijoro ryo kuri uyu wa 16 Ukuboza nibwo hari bube umuhango wo gutanga ikamba kuri Nyampinga uhiga abandi ku Isi, mu bwiza, ubumenyi, umuco n’ibindi.
Amatsiko ni menshi ku banyarwanda kuza kumenya uko umukobwa wegukanye ikamba rya Nyampinga w’u Rwanda wa 2021, Ingabire Grace ari buze kwitwara muri iri rushanwa.
Amahirwe y’uyu mukobwa asa n’aho ari make bitewe n’ibyiciro byabanjirije uyu muhango nyirizina kuko atigeze yitwara neza yaba mu kumurika imideli, imikino, head to head challenge n’ibindi.
Mbere y’amasaha make kugira ngo iri rushanwa ribe, abakobwa begukanye ikamba rya Nyampinga w’u Rwanda mbere ye barimo Mutesi Jolly wa 2016, Nimwiza Meghan wa 2019, Iradukunda Elsa wa 2017, Iradukunda Liliane wa 2018, Bahati Grace wa 2009 bose banyijujije kuri Instagram zabo bamwifurije kuza gutsinda.
Ingabiri Grace ahatanye muri Miss World -
Kigali : Abasore bane bakurikiranyweho ibyaha birimo gusambanya abakobwa babanje kubizeza akazi #rwanda #RwOT
RIB yerekanye aba basore kuri uyu wa Kane tariki 16 Ukuboza 2021, ikaba ibakurikiranyeho ibyaha bitandatu birimo ubujura bukoreshejwe kiboko cyangwa ibikangisho no gukoresha undi imibonano mpuzabitsina ku gahato.
Aba basore bretswe itangazamakuru ni Habumuremyi Yves, Bizimana Pacific, Mugisha Aimable na Gatete Emmanuel.
Ibi bikorwa bakurikiranyweho byakorewe mu mujyi wa Kigali ahantu hatandukanye no mu bihe bitandukanye.
Urwego rw’Igihugu rw’Ubugenzacyaha rutangaza ko abahohotewe bose hamwe ari abakobwa umunani bari mu kigero kiri hagati y’imyaka 21 -30 y’amavuko.
Umwe muri aba basore yashukaga abakobwa bamenyaniraga ku mbuga nkoranyambaga, akababwira ko bakundana ubundi akabasaba ko bazahura kugira ngo basohokane banasangire.
Guhura k’uyu musore n’abo bakobwa, byakundaga kuba nijoro, uyu musore agahita ahamagara bagenzi be bakaza ubundi bakabiba ibyo babaga bafite babanje kubasambanya.
Aba basore bakodeshaga imodoka bakoreshaga muri ibi bikorwa ubundi bahura n’umukobwa bakamushyiramo bakamujyana aho bashaka bakamukorera biriya bikorwa byose.
Abafashwe bose ubu bafungiwe kuri sitasiyo ya RIB ya Kicukiro mu gihe harimo gukorwa dosiye kugira ngo ishyikirizwe Ubushinjacyaha.
Umuvugizi w’Urwego rw’Igihugu rw’Ubugenzacyaha, Dr Murangira B Thierry, yavuze ko ibi ari ibyaha bigenda bigaragara bikorwa hifashishijwe imbuga nkoranyambaga, (social media).
Yaboneyeho kugira icyo asaba abantu, agira ati 'Ababikorewe ni 8 ariko hashobora kugaragara abandi bantu. Abanyarwanda ni ukureka gushamadukira abandi bantu bababwira ko bashaka gufatanya business. Social media zikoreshwa n’abantu beza n’ababi, hari abaza bihishe inyuma y’ikoranabuhanga bakaguha amafoto atari yo, urubyiruko ni ugushishoza.
Ntabwo umuntu yagombye kukubwira ngo muhurire ahantu nijoro, wamusaba mugahurira ahantu hazwi kandi hari abantu, ntabwo ukwiye kwemera umuntu ugushyira mu modoka utamuzi.'
-
Abanyapolitike 2 batavugaga rumwe bakemuriye amakimbirane yabo mu mukino w'Iteramakofe bahuriyemo #rwanda #RwOT
Abanyapolitike babiri batavugaga rumwe muri Brazil,bahisemo gukemura ibibazo byabo mu murwano ukomeye w'iteramakofe warangiye umwe akubise undi mu gace ka 3.
Meya wa Borba, Simão Peixoto, yatumiwe mu mukino w'iteramakofe na mugenzi we batumvikanaga Erineu da Silva wahoze ari umujyanama.Iyi ntambara yasabwe muri Nzeri uyu mwaka.
Bwana Silva ukoresha izina rya Mirico, ngo yaba yararakariye uyu muyobozi w'akarere avuga ko yananiwe kurinda parike iri hafi y'umugezi wa Madeira maze yibasira Peixoto.
Peixoto yemeye ibyasabwe ashyira amashusho ku mbuga nkoranyambaga avuga ko yiteguye kurwanya Silva.
“Erekana isura yawe! Umuyobozi w'akarere abwiye Silva. Umuyobozi w'akarere ka Borba yahise yoroshya ijwi nyuma yuko bamwe mu bamutoye bavuze ko imyitwarire ye idakwiriye umuyobozi batowe. Peixoto yabwiye abantu ko atazitabira guterana amagambo kubanziriza intambara yo muri ring.
Ku rubuga rwe rwa Facebook yagize ati: “Ntabwo ndi indwanyi yo ku muhanda⦔. “Ndi umuyobozi w'akarere ka Borba.” Ariko] niba ashaka kurwana⦠twiteguye kurwana⦠mpora ntsinda. “
Amaherezo imirwano yabaye mu rukerera rwo ku cyumweru, tariki ya 12 Ukuboza, abantu babarirwa mu magana bishyura kuyireba.
Peixoto yinjiye mu kibuga ahagana mu ma saa munani n'igice z'urukerera akikijwe n'abamushyigikiye kandi yambaye igitambaro cy'umukara cyanditseho “Yesu”.
Umuyobozi w'akarere yagaragaye afite ubwoba bwinshi,ubwo yari agiye guhangana na mukeba we mu ntambara yamaze iminota 13.
Ikipe ya Peixoto yatangaje umukino imbonankubone. Mu masegonda ya mbere, umuyobozi w'akarere w'imyaka 39, yakubise Silva hasi. Ariko Silva, uzwi ku izina rya Mirico w'imyaka 45, yarahagurutse.
BNC Amazonas yagize ati: “Nyuma y'uduce dutatu tw'umukino, umuyobozi wa Borba ntiyashoboye kugenda kubera umubare w'amakofe yakubiswe n'uwo bari bahanganye “.
Urundi rubuga rwo mu karere, Fato Amazônico rwatangaje ruti: 'Umuyobozi w'akarere yakubiswe ikofe akarinda amenyo karagwa.'
Peixoto yaje gutsinda umukino nyuma y'agace ka gatatu k'uyu murwano wiswe “Intambara ya Borba”. Fato Amazônico yagize ati: “Igitangaje, Mirico yatsindiwe mu manota.”
Abafana bavugije induru,bararira mu rwego rwo kwamagana abari bayoboye umukino,batangaje ko umuyobozi w'akarere ariwe watsinze.
-
Miss World: 17 banduye Covid-19 mbere yuko i… – #rwanda #RwOT
Ikinyamakuru Primera Hora cyatangaje ko bitaramenyekana uko byagenze kugira ngo bandure icyorezo cya Covid-19, n'ubwo kugeza ubu abategura Miss World batangaza ko abakobwa barindwi (7) ari bo bamaze gushyira mu kato.
Iri rushanwa rirasozwa mu ijoro ry'uyu wa Kane tariki 16 Ukuboza 2021 ahitwa Coliseo muri Teritwari ya Puerto Rico, aho umunya-Jamaica, Toni-Ann Singh aza gutanga ikamba ku musimbura we.
Ni ku nshuro ya 70 iri rushanwa riba. Mu 2020 ryasubitswe kubera icyorezo cya Covid-19, bituma Toni-Ann Singh aba Nyampinga wa mbere mu mateka y'iri rushanwa utindanye ikamba.
Umuvugizi wa Minisitiri w'Ubuzima muri Puerto Rico, Lisdian Acevedo yavuze ko kugeza ubu '17 ari bo banduye Covid-19', ariko ko ejo 'hashize bari barindwi (7). Avuga ko mu banduye harimo abakobwa bahataniye ikamba n'abari mu ikipe itegura iri rushanwa.
Acevedo yavuze ko n'ubwo 'nta n'umwe urembye ku buryo yajyanwa mu bitaro, ariko bose bagomba kumara iminsi 10 bari mu kato.'
Umuyobozi Mukuru wa Miss World Organizations, Julia Morley yabwiye ikinyamakuru Primera Hora ko umukobwa wanduye Covid-19 atari bugaragare mu muhango wo gutanga ikamba, ariko ko 'niba ari we utsinda azagutangazwa'.
Julia yavuze ko bazi neza ibihe Isi irimo byo guhangana na Covid-19, ari nayo mpamvu bafashe amashusho buri mukobwa, bityo ko ariyo ashobora kwifashishwa mu gutanga ikamba mu gihe uwo mukobwa yaba atabonetse kubera Covid-19.
Ati 'Akanama Nkemurampaka karongera kanyuze amaso mu mashusho y'abo bakobwa ku buryo kayashingiraho gafata umwanzuro.'
Mu Ugushyingo 2021, Botino wari uhagarariye u Bufaransa muri Miss Universe yategetswe kumara iminsi 10 mu kato nyuma y'uko yanduye Covid-19.
Uyu mukobwa yabashije kugera mu bavuyemo uwegukana ikamba rya Miss Universe 2021. Imbere y'abari bakuriye umuhango wo gutanga ikamba, yavuze ko ibihe yanyuzemo yanduye Covid-19 'byatumye ndushaho gushikama'.
![]()
17 bari muri Miss World 2021 barimo abari mu irushanwa n'abakozi nibo banduye Covid-19 -
Ku munsi wo gutanga ikamba, bitunguranye Miss World yitabiriwe na Ingabire Grace yasubitswe #rwanda #RwOT
Mu ijoro ry’uyu munsi ku wa Kane tariki ya 16 Ukuboza nibwo hagombaga gutangwa ikamba kuri Nyampinga uhiga abandi ku Isi wa 2021 (Miss World 2021) mu irushanwa ririmo kubera muri Puerto Rico ariko ryaje gusubikwa nyuma y’uko bamwe mu bakobwa baryitabiriye banduye Coronavirus.
Mu izina rya Julia Morley uhagarariye Miss World, basohoye itangazo bavuga ko ikamba ritagitanzwe irushanwa risubitswe mu gihe cy’iminsi 90 mu rwego rwo kurengera abahatana ndetse n’abandi bafitemo akazi.
Yagize ati “Miss World 2021 yasubitse by’agateganyo gusoza irushanwa ryagombaga kwerekwa Isi yose riri kubera muri Puerto Rico kubera inyungu z’umutekano by’abahatana, abakozi n’abaturage muri rusange. Irushanwa rizaba muri Puerto Rico Coliseum José Miguel Agrelot mu minsi 90 iri imbere.'
Yakomeje avuga ko nyuma y’uko hari abanduye iki cyorezo abakobwa bose bahise bashyirwa mu kato kugeza igihe bizagaragarira ko nta bwandu bafite, bazahita bategerwa basubire mu bihugu byabo.
Iri rushanwa ryabaga ku nshuro ya 70 amakuru avuga17 ari bo banduye, rikaba risubitswe nyuma y’uko n’irya 2020 ritabaye kubera iki cyorezo cyugarije Isi.
U Rwanda rwari ruhagarariwe na Ingabire Grace wegukanye ikamba rya Miss Rwanda 2021.
Miss World yasubitswe ku munota wa nyuma -
Breaking: Miss World 2021 yagombaga gusozwa k… – #rwanda #RwOT
Amakuru y’isubikwa rya Miss World 2021 yitabiriwe n’abakobwa barimo umunyarwandakazi Ingabire Grace, yemejwe mu kanya gato gashize n’Ubuyobozi bw’iri rushanwa mu itangazo rirerire ribisobanura neza. Abategura iri rushanwa batangaje ko babaye basubitse iri rushanwa kubera impamvu z’ubuzima n’umutekano w’abakobwa baryitabiriye, abakozi n’abayobozi baryo n’umuryango mugari.
Irushanwa rya Miss World rizongera gusubukurwa nyuma y'iminsi 90 ribere Puerto Rico nk'uko byari biteganyijwe. Iki cyemezo cyafashwe nyuma y'inama yahuje abategura irushanwa rya Miss World, inzobere mu by'ubuganga n'inzego zishinzwe ubuzima muri Teritwari ya Puerto Rico' hemezwa ko irushanwa rizongera gusubukurwa nyuma y'iminsi 90.
Julai Moley ati 'Twizera ko abakobwa bacu bahataniraga ikamba bazongera kugaruka bagahatanira ikamba. Bari bamaze gukura bariremyemo n'umutima wo gukundana.'
Mu itangazo rigenewe abanyamakuru ryasohotswe mu ijoro ry'uyu wa Kane tariki 16 Ukuboza 2021, Miss World Organizations yatangaje ko abahatanaga bose n'abafite aho bari bahuriye n'irushanwa bagiye kujya mu kato hagakurikizwa ingamba zijyanye n'iby'ubuzima hanyuma 'hazakurikizwa izindi ngamba tuzagirwa n'inzobere mu by'ubuzima zizatuma abakobwa basubira mu bihugu byabo'.
Iki cyemezo gifashwe nyuma y'uko inzego z'ubuzima muri Teritwari ya Puerto Rico zemeje ko abakobwa 17 bahataniye ikamba rya Nyampinga w'Isi 2021 banduye icyorezo cya Covid-19.
Ikinyamakuru Primera Hora cyatangaje ko bitaramenyeka uko byagenze kugira ngo aba bakobwa bandure icyorezo cya Covid-19 n'ubwo kugeza ubu abategura Miss World batangaza ko abakobwa barindwi (7) ari bo bamaze gushyira mu kato.
Ni ku nshuro ya 70 iri rushanwa riba. Mu 2020 ryasubitswe kubera icyorezo cya Covid-19, bituma Toni-Ann Singh aba Nyampinga wa mbere mu mateka y'iri rushanwa utindanye ikamba.
Umuvugizi wa Minisitiri w'Ubuzima muri Puerto Rico, Lisdian Acevedo yari yavuze ko kugeza ubu 'abakobwa 17 ari bo banduye Covid-19', ariko ko ejo 'hashize bari barindwi (7). Avuga ko mu banduye harimo abakobwa bahataniye ikamba n'abari mu ikipe itegura iri rushanwa.
Acevedo yavuze ko n'ubwo 'nta n'umwe urembye ku buryo yajyanwa mu bitaro ariko bose bagomba kumara iminsi 10 bari mu kato.'
![]()
Abakobwa bagera kuri 17 bari muri Miss World 2021 banduye Covid-19
![]()
![]()
![]()
Itangazo rishimangira isubikwa rya Miss World 2022
-
VIDEO-Ibizongamubiri byinshi mubigize Alliah The Movie, Filime yaritegerejwe na benshi yasohotse #rwanda #RwOT
VIDEO ISESENGURA KURI FILIME ALLIAH THE MOVIE
Ni film igaragaramo ibyamamare bitandukanye bizwi cyane hano mu Rwanda, yaba mu muziki cyangwa se sinema.Ni filime ikinamo Alliance ukinamo yitwa Alliah, ari nawe mukinnyi wibanze, igakinamo kandi Baraka usanzwe uzwi cyane mu mashusho yizindi filime ndetse n'amashusho y'indirimbo z'abahanzi. aha we akinamo yitwa Justice.
Iyi film kandi igaragaramo ibyamamare bizwi mu ruganda rw'umuziki nka Dj Diallo usanzwe akorera Isibo TV ukina muri iyi filime ari Bishop, abasore b'ibigango bo muri B-KGL nka Yantare, ndetse na bagenzi be igaragaramo kandi Muzehe Nkota usanzwe ari icyamamare muri sinema nyarwanda kuva cyera.
Gusomana biba ari ibisanzwe
Ni filme igaragaramo cyane ibizongamubiri kubagira ukwihangana gucye ku birebana n'irari, dore ko gusomana umunwa ku munwa biba byabaye ibisanzwe ariko batagamije gushitura imibiri ya rubanda ahubwo bagamije kubigisha no kubahugura.Ni film benshi bakunze itarasohoka dore ko buri wese wabonaga integuza yayo yahitaga yibaza igihe iyuzuye izasohoka.
Filime yaritegerejwe nabenshi
Nubwo ari filime irimo ibyo twagarutseho haruguru, ni filime yiganjemo cyane ibibera mu ngo nyinshi, aho umugabo atoteza umugore we nyamara nta na kimwe aba atamukoreye. kugeza ubwo umugore afata icyemezo cyo kumwica, ariko kubera kumukunda bikamunanira.
Alliah aba acunaguzwa cyane n'umugabo bashakanyeNubwo irangira utabishaka, iki gice cyagiye hanze kimara isaha irengaho iminota 45, ariko kuri bamwe ishira wagira ngo nibwo igitangira!
Ubwo yayimurikaga ku mugaragaro mu minsi yashize, Alliance yatangaje ko yifuza ko iyi filime yazaca ku ma site akomeye asanzwe acururizwaho sinema nka Netflix n'izindi. kuri ubu iyi filime irabarizwa kuri YouTube Channel ya Isimbi Alliah Cool.
KANDA HANO UREBE FILM ALLIAH THE MOVIE
-
RIB yerekanye abasore 4 babeshyaga abakobwa bakabasambanya bakanabambura #rwanda #RwOT
Urwego rw'igihugu rw'ubugenzacyaha (RIB) rwerekanye abasore bane bafatiwe mu Mujyi wa Kigali bakurikiranyweho kubeshya abakobwa akazi ubundi bakabajyana ahantu bakabasambanya bakanabiba ibyo baje bitwaje byose.
Aba basore berekanwe kuri uyu wa Kane tariki 16 Ukuboza 2021,bakurikiranyweho ibyaha bitandatu birimo ubujura bukoreshejwe kiboko cyangwa ibikangisho no gukoresha undi imibonano mpuzabitsina ku gahato.
Aba basore beretswe itangazamakuru ni Habumuremyi Yves, Bizimana Pacific, Mugisha Aimable na Gatete Emmanuel.
Ibi byaha bakurikiranyweho byakorewe mu mujyi wa Kigali ahantu hatandukanye no mu bihe bitandukanye.
Urwego rw'Igihugu rw'Ubugenzacyaha rwatangaje ko abahohotewe bose hamwe ari abakobwa umunani bari mu kigero kiri hagati y'imyaka 21 -30 y'amavuko.
Umwe muri aba basore yashukaga abakobwa bamenyaniraga ku mbuga nkoranyambaga, akababwira ko bakundana ubundi akabasaba ko bazahura kugira ngo basohokane banasangire.
Guhura k'uyu musore n'abo bakobwa, byakundaga kuba nijoro, uyu musore agahita ahamagara bagenzi be bakaza ubundi bakabiba ibyo babaga bafite babanje kubasambanya.
Aba basore bakodeshaga imodoka bakoreshaga muri ibi bikorwa ubundi bahura n'umukobwa bakamushyiramo bakamujyana aho bashaka bakamukorera biriya bikorwa byose.
Abafashwe bose ubu bafungiwe kuri sitasiyo ya RIB ya Kicukiro mu gihe harimo gukorwa dosiye kugira ngo ishyikirizwe Ubushinjacyaha.
Umuvugizi w'Urwego rw'Igihugu rw'Ubugenzacyaha, Dr Murangira B Thierry, yavuze ko ibi ari ibyaha bigenda bigaragara bikorwa hifashishijwe imbuga nkoranyambaga, (social media).
Yaboneyeho kugira icyo asaba abantu, agira ati 'Ababikorewe ni 8 ariko hashobora kugaragara abandi bantu. Abanyarwanda ni ukureka gushamadukira abandi bantu bababwira ko bashaka gufatanya business. Social media zikoreshwa n'abantu beza n'ababi, hari abaza bihishe inyuma y'ikoranabuhanga bakaguha amafoto atari yo, urubyiruko ni ugushishoza.
Ntabwo umuntu yagombye kukubwira ngo muhurire ahantu nijoro, wamusaba mugahurira ahantu hazwi kandi hari abantu, ntabwo ukwiye kwemera umuntu ugushyira mu modoka utamuzi.'
