Category: Uncategorized

Ni umuhango wabaye mu mpera z'icyumweru tariki 18 Ukuboza 2021 nk'uko Sonia Mugabo yabisangije abamukurikira ku mbuga nkoranyambaga.

Sonia Mugabo wamaze kuba umugore w'isezerano wa Twahirwa Diego, abinyujije ku rukuta rwe rwa Twitter yasangije abamukurikira ibihe byiza byaranze ubukwe bwe kuri uyu wa 18 Ukuboza 2021.

Mu bakobwa bamugaragiye hakaba harimo Ange Kagame n'abandi banyuranye bari bambaye amakanzu y'agatangaza bigaragara ko bwari ubukwe bw'umuhanga mu guhanga imideli.

Ubukwe bwabo bukaba bwabaye nyuma y'aho mu ntangiriro za Nzeri uyu mwaka, Twahirwa Diego yafashe icyemezo yambika impeta Mugabo Sonia bari bamaze kwemeranya gutangira urugendo ruganisha ku kubana akaramata.



Ange Kagame na Teta Gisa bari mu bambariye Sonia mu muhango wo kumusaba no kumukwa

Source : https://umuryango.rw/imyidagaduro/article/amafoto-yaranze-ubukwe-bwa-sonia-mugabo-amafoto

Sonia Mugabo wari uherutse gusabwa no gukobwa na rwiyemezamirimo Twahirwa Diego, ni umwe mu bafite inzu y’imideri ikomeye mu Rwanda.

Ubukwe bw’aba bombi bwabaye ku wa Gatandatu tariki 18 Ukuboza 2021 nyuma y’igihe gito bari bamaze bakoze indi mihango y’ubukwe bwa Kinyarwanda yo gusaba no gukwa.

Mu mafoto yasangije abamukurikira, Sonia Mugabo yashimiye abamutahiye ubukwe barimo na Ange Kagame, umukobwa wa Perezida wa Repubulika Paul Kagame.

Ni umuhango wabaye nyuma y’uko tariki 4 Ukuboza 2021, Twahirwa yasabye anakwa Sonia Mugabo.

Mu ntangiriro za Nzeri uyu mwaka, Twahirwa Diego yafashe icyemezo yambika impeta Mugabo Sonia bari bamaze kwemeranya gutangira urugendo ruganisha ku kubana akaramata.

Sonia Mugabo asanzwe ari umwe mu banyamideli bakomeye mu Rwanda ndetse amaze igihe kinini muri uyu mwuga.

Source : http://www.ukwezi.rw/Imyidagaduro/article/Sonia-Mugabo-uzwi-mu-Mideli-na-rwiyemezamirimo-Diego-bakoze-ubukwe-AMAFOTO

Bamwe mu batega imodoka zijya mu ntara no mu mujyi wa Kigali, baravuga ko batigeze basabwa kubanza kwerekana icyemezo cy'uko bikingije Covid-19, bitandukanye n'amabwiriza ya Guverinoma abitegeka.

Amabwiriza mashya yo kwirinda ikwirakwira rya Covid-19 yashyizweho umukono na Minisitiri w'Intebe Dr Edouard Ngirente, aravuga ko guhera tariki ya 20 Ukuboza 2021, utarakingiwe iki cyorezo atemerewe kwinjira mu modoka zitwara abantu muri rusange.

Uyu mwanzuro ureba abava n'abajya mu mujyi wa Kigali.

Kuri uyu wa Mbere tariki 20 Ukuboza 2021, mu masaha ya saa Tatu za mu gitondo umunyamakuru w'itangazamakuru rya Flash yageze muri gare ya Nyabugogo, kureba uko iri bwirizwa ryubahirizwa.

Ukinjira muri gare ya Nyabugogo urabona urujya n'uruza rw'abajya gukatisha amatike, aberekeza mu bice bitandukanye cyane cyane mu Ntara.

Ahatangirwa amatike umugenzi arinjira agasabwa amafaranga, akinjira mu modoka nta cyemezo cy'uko yikingije Covid-19 yatswe.

Abaturage twasanze muri gare ya Nyabugogo berekezaga mu ntara zitandukanye bahamirije Flash ko batigeze basabwa kwerekana icyemezo cyerekana ko bakingiwe Covid-19.

Uretse kuba batabyatswe, barasaba ko inzego zibishinzwe zafasha abakingiwe, kwandikirwa urupapuro, kuko abenshi batazi gukoresha ikoranabuhanga bareba icyemeza ko bakingiwe.

Ndayisenga Charles werekezaga mu Karere ka Nyamagabe Yagize ati ''Ingaruka zihari bashobora kuduhagarika, ariko kuba mfite ubutumwa bugaragaza ko nikingije bishobora kumfasha. Kuri bagenzi banjye bandi batabifite ni ikibazo gikomeye, bashobora no guhagarikwa.''

Mugenzi we yagize ati' 'Njye naje nzi neza ko bari bumbaze iki cyemezo nkasubira inyuma, ariko natunguwe no kuba nahageze ntibabimbaza.''

Nkubiri Paul Yagize ati 'Icyo twasaba nuko bariya bakingira bajya batanga icyemezo, umuntu akakigendana kuko twese ntituzi kureba ko twikingije dukoresheje uburyo bw'ikoranabuhanga.''

Umwe mu bashinzwe kwaka amatike abinjiza mu madoka zerekeza mu Ntara y'Amajyepfo, avuga ko bataratangira kwaka abagenzi icyemezo cyuko bikingije Covid-19, icyo bareba ari agapfukamunwa gusa, ariko ngo mu minsi iri imbere bizakurikizwa.

Dushimimana Jerome Yagize ati 'Ntabwo nabona uko mbisobanura. Gusa icyo turi gukora ni ukubashishikariza kwambara udupfukamunwa, ariko turanateganya kujya tubasaba ibyangombwa bigaragaza ko bikingije mu minsi iri imbere.''

Aya mabwiriza yatangajwe akurikira andi yari yatangajwe ku wa Gatanu tariki ya 17 Ukuboza 2021.

Aha umwihariko Umujyi wa Kigali nk'ukomeje kugaragaramo ubwandu bwinshi bwa Covid-19.

Icyakora biragaragara ko ingamba zakajijwe muri uyu mujyi wa Kigali, kuko amabwiriza ya Minisitiri w'intebe avuga ko mu gihe cy'iminsi mikuru ibirori bibujijwe, ndetse no kujya ahasanzwe hahurira abantu benshi bisaba kuba warakingiwe Covid-19.

Nk'ubu byatangajwe ko utubari dufunga Saa Mbiri za n'ijoro ibindi bikorwA byemerewe gukora bigafungwa Saa Tatu za n'ijoro niba nta gihindutse.

Abanyamadini bamwe batangiye gushyira mu bikorwa aya mabwiriza, kuko nka Musenyeri wa diyoseze Gatulika ya Gikongoro Hakizimana Celestin yateguje abayoboke b'iri dini, ko udakingiwe byuzuye atazemererwa kuza kumva misa ya Noheli.

Umwaka ushize wa 2020, igihe nk'iki cy'iminsi mikuru abaturage benshi bavuye muri Kigali berekeza mu Ntara ubwandu buriyongera bikurikirwa na guma mu rugo kubanya-Kigali muri Mutarama 2021.

AGAHOZO Amiella

The post Aberekeza mu Ntara zitandukanye batunguwe no kuba batasabwe icyerekana ko bikingije Covid-19 appeared first on FLASH RADIO&TV.

Source : https://flash.rw/2021/12/20/aberekeza-mu-ntara-zitandukanye-batunguwe-no-kuba-batasabwe-icyerekana-ko-bikingije-covid-19/?utm_source=rss&utm_medium=rss&utm_campaign=aberekeza-mu-ntara-zitandukanye-batunguwe-no-kuba-batasabwe-icyerekana-ko-bikingije-covid-19

Source : http://www.ukwezi.rw/Mu-mahanga/Amakuru-anyuranye/article/Guinea-Umusore-akurikiranyweho-gusambanya-nyina-yarangiza-akamwica-urw-agashinyaguro

Abaturage bo mu Mujyi wa Goma muri Kivu ya Ruguru bazindukiye mu myigaragambyo yamagana ukujya kwa Polisi y'u Rwanda muri RD Congo,yaguyemo abarimo umupolisi ndetse n'umuturage umwe.

Amakuru avuga ko umupolisi yaguye muri iyi myigaragambyo yaramukiye i Goma ndetse hari n'umuturage w'ahitwa Majengo muri Teritwari ya Nyiragongo wahasize ubuzima.

Kuri uyu wa mbere tariki 20 Ukuboza 2021 nibwo ibikorwa hafi ya byose mu Mujyi wa Goma byahagaze, abaturage bajya mu myigaragambyo yo kwamagana Igipolisi cy'u Rwanda bivugwa ko kigiye koherezwa muri uriya Mujyi urangwamo umutekano mucye ukorwa n'amabandi yitwaje intwaro.

LA LUCHA ivuga ko bateguye iyi myigaragambyo kugira bakangure Leta ya Congo isa nkiyatereranye iki gihugu ikigabiza abanyamahanga, bavuga ko RD Congo imeze nk'iyagurishijwe.

Bavuga ko Polisi ya RD Congo niy'u Rwanda kuwa 13 Ukuboza 2021 basinyanye amasezerano arimo ko Polisi y'u Rwanda izajya gufasha gucunga umutekano mu Mujyi wa Goma ibintu bafata nko kugurisha igihugu.

Polisi ya RD Congo (PNC) yahakanye aya makuru itangaza ko batarenga ku Itegeko Nshinga ngo bazane Abapolisi b'amahanga kuza gucungayo umutekano, ihakana ko ayo masezerano atabayeho.

Source : https://umuryango.rw/amakuru/mu-mahanga/umutekano/article/abarimo-umupolisi-baguye-mu-myigaragambyo-yo-kwamagana-polisi-y-u-rwanda-i-goma

Umutoza w'Agateganyo wa Rayon Sports,Lomami Marcel,yavuze ko Kwizera Olivier uheruka kongera amasezerano muri iyi kipe ariko akaba ataratangira gukina, ataramera neza bitewe n'igihe amaze adakina ariko ngo ku mukino wa Police FC azaba yagarutse.

Ati “Kwizera Olivier amaze amezi 6 adakina, naramuteguye mubwira ko ko umukino wa AS Kigali ari we uzawukina, ejo nibwo yahise ambwira ko yagize ikibazo cy'urutoki, ati 'nshobora gukuramo umupira nkagira ikibazo' ndamubwira ngo nta kibazo dufite abandi (…) amaze igihe akora ndizera ko mu mukino utaha azaba ahari.”

Kwizera Olivier aheruka gukina muri Gucurasi 2021 muri shampiyona y'umwaka ushize,yongera amasezerano mu Gushyingo 2021.

Umutoza Lomami yavuze ko imvune ya Ait Lahssainne Ayoub idasobanutse.Ati “Turakora imyitozo ukabona avunitse ku munsi wa 2 cyangwa uwa 3.Nanjye ubwanjye njya nibaza icyo kibazo kuko dukora imyitozo y'ingufu twajya mu kibuga ugasanga agize ikibazo.N'ejobundi nabwo yagize ikibazo cy'imvune ajya kwa muganga kugeza ubu ibyerekeye uyu musore sindabasha kubyumva neza.”

Muri iki kiganiro n'abanyamakuru,Lomami yongeye gusaba abafana ba Rayon Sports kugaruka kuyishyigikira ku bibuga gusa Minisiteri ya siporo yahagaritse abafana.

Ati “Ikipe ni iyacu, ni iyabo kuko kureka kuza ku kibuga si wo mwanzuro icyiza ni uko bagaruka bagatera ingabo mu bitugu abakinnyi bacu, yego twatsinze harimo abafana na bo turabashimira, nibagaruke ku kibuga ibyishimo byatangiye kuza, n'imikino itaha bazajya bataha bishimye.'

Ku wa Gatatu tariki ya 23 Ukuboza, Rayon ikaba izakina na Police FC mu mukino w'umunsi wa 10 wa shampiyona y'icyiciro cya mbere mu Rwanda umwaka w'imikino 2021-22, ni umukino yijeje abakunzi b'iyi kipe ko bazatahukana intsinzi.

Source : https://umuryango.rw/imyidagaduro/imikino/article/lomami-marcel-yavuze-igihe-kwizera-olivier-azatangira-gukina-anaha-ubutumwa

UMUHESHA W'INKIKO W'UMWUGA ARAMENYESHA ABANTU BOSE KO AZATEZA MURI CYAMUNARA UMUTUNGO WIMUKANWA UGIZWE N'AMAZU UHEREREYE I NYARUGENGE-GITEGA-KORA-KORA.

PINGANWA MU CYAMUNARA RIZATANGIRA TARIKI YA 21/12/2021 SAA SAMOYA ZA NIMUGOROBA(17 :00 ) KUGEZA TARIKI YA 28/12/2021 SAA 17 :00 SAA MOYA ZA NIMUGOROBA (17 :00 ).

UWIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI:0786061728.

Source : https://umuryango.rw/amatangazo/article/itangazo-rya-cyamunara-y-umutungo-utimukanwa-ugizwe-n-amazu-uherereye

Umuryango Urwanya ruswa n'Akarengane ishami ry'u Rwanda, urasaba inzego zishinzwe uburezi gukurikiranira hafi uburyo abanyeshuri bahabwa ibigo n'uko abarimu bahindurirwa amashuri bigishamo, ibizwi nka 'Mitation' kuko ngo uko bikorwa kuri ubu bishobora gutanga icyuho cya ruswa.

Hari abarimu babwiye itangazamakuru rya Flash ko amananiza aba mu guhindurirwa ibigo ku barimu, bituma hari abashobora kwibiriza gutanga ruswa.

Ubushakashatsi ku miterere ya Ruswa nto bwa 2021 bushyira serivisi z'uburezi ku mwanya wa kane, nka hamwe mu hafite ibyago byo kugaragaramo ruswa.

Nshimiyimana Godan na mugenzi we Shema Yusuf ni abana bavuka mu karere ka Rwamagana mu Ntara y'iburasirazuba,nyuma yo gutsinda ibizami bya Leta bisoza icyiciro rusange boherejwe gukomereza amashuri mu Karere ka Burera, ntibajyayo kubera amikoro.

Nshimiyimana ati 'Byaje kugenda bitya mbona ibaruwa, ntegereza ko nzabona ubushobozi, ariko ubwo kujya ku kigo noherejweho mu karere ka Burera buza kubura.'

Mugenzi we Shema ati 'Byaje kurangira nyine mbonye ibaruwa ariko nza kubura ubushobozi,birangira ntagiyeyo.'

Uretse ibibazo mu ishyirwa mu myanya ry'abana n'abarimu bashaka guhindura ibigo ibi bizwi nka 'mitation', kubera impamvu zirimo no kwegera imiryango yabo nabyo ngo birimo amananiza yatuma ushaka iyo serivisi yibwiriza kugira icyo itanga, ngo ahindurirwe ikigo nk'uko uyu mwarimu ukorera mu mujyi wa Kigali tutashatse kugaragaza imyirondoro ye yabivuze.

Yagize ati 'Ushaka mitation ntabwo yoroherezwa ngo bikunde, kandi mitation baba bafite impamvu, abayobozi b'amashuri basinyira umwarimu kuko agiye kwegera umuryango we kandi ari ikintu cyumvikana bo babirangiza wagera ku karere noneho bakubwira ngo ako ugiye kujyamo nikagusinyire ko kakwakiriye,harimo ibintu byo kurema ibyuho bya ruswa byanze bikunze.'

Kubona ibigo mu buryo buboroheye ku banyeshuri no kubarimo nibyo ubushakashatsi ku miterere ya ruswa bwa 2021, byashingiye mu kugaragaza ko serivisi z'uburezi ziza ku mwanya wa kane mu zifite ibyago byinshi byo kugaragaramo ruswa n'ijanisha rya 13%.

Madamu Marie Immaculle INGABIRE ayobora umuryango urwanya ruswa n'akarengane wakoze ubwo bushakashatsi.

Ati 'Urebye ukuntu baburagije abana ndetse n'abarimu,babohereza mu mashuri, mu mashuri cyangwa batanga na Transfers, ni ibintu bitanga icyuho cya ruswa mu buryo bugaragarira buri wese,hari n'abayitanze erega!'

Minisiteri y'Uburezi yo ivuga ko ari umurimo ugoye kuba buri munyeshuri yabona ikigo ari nayo mpamvu Dr.Rose Baguma ushinzwe igenamigambi muri minisiteri y'uburezi, yemera ko ubwo buryo bwo gutangamo ibigo bushobora gutuma ari ukeka harimo ruswa.

Yagize ati 'Ni ikibazo gikomeye cyane kugira ngo ube washyira abanyeshuri bose aho bashaka bivuze ngo hashobora kuzamo ibyo bibazo byose bya ruswa no kuyikeka.'

Icyakora Umuryango urwanya ruswa n'akarengane hari icyo ubona cyakorwa mu rwego rwo kwirinda ibyago bya ruswa mu gushyira mu myanya abanyeshuri n'abarimu.

Madamu Ingabire Marie Immaculee niwe ukomeza.

Ati 'Ni ibintu ubona ukibaza none se ibi bintu ntibigira nyirabyo ni akajagari,kuko ubundi iyo urebye aho umwana yize amashuri abanza,bituma umenya hafi y'iwabo ni he akaba ari ho umushyira,iyo urebye abarimu nta n'umwe udashobora kumenya aho akomoka.'

Ubushakashatsi ku miterere ya ruswa nto kandi bugaragaza ko gushakira abanyeshuri ibigo byiza byaje ku mwanya wa gatatu muri serivisi zishyuwemo amafaranga menshi ya ruswa n'ijanisha rya 55%.

Mu babajije muri ubwo bushakashatsi kandi harimo n'umwarimu wo mu mashuri abanza mu karere ka Karongi wiyemereye ko yishyuye amafaranga y'u Rwanda ibihumbi 100 kugira ngo yimurwe ku kigo kimwe ajyanwe ku kindi.

Hari kandi uwavuze ko yatswe ruswa kugira ngo mushiki we muto wari woherejwe kwiga Rusizi avuye I Kigali abone ikigo cya hafi ariko abura ubwishyu bwa Ruswa yasabwaga.

Tito DUSABIREMA

The post Ruswa iravuza ubuhuha mu itangwa ry'imyanya ku banyeshuri n'abarimu-Ubushakashatsi appeared first on FLASH RADIO&TV.

Source : https://flash.rw/2021/12/20/ruswa-iravuza-ubuhuha-mu-itangwa-ryimyanya-ku-banyeshuri-nabarimu-ubushakashatsi/?utm_source=rss&utm_medium=rss&utm_campaign=ruswa-iravuza-ubuhuha-mu-itangwa-ryimyanya-ku-banyeshuri-nabarimu-ubushakashatsi

Umunyimideli ukomeye mu Rwanda, Sonia Mugabo yakoze ubukwe mu mpera z’icyumweru gishize na Twahirwa Diego aho mu bari bamugaragiye harimo na Ange Kagame.

Ni ubukwe bwabaye ku wa Gatandatu w’icyumweru gishize tariki ya 18 Ukuboza 2021, akaba mu bakobwa bari bamwambariye harimo na Ange Kagame.

Ubu bukwe bubaye nyuma y’umuhango wo gusaba no gukwa wabaye mu ntangiriro z’uku kwezi tariki ya 4 Ukuboza 2021.

Abinyujije ku rukuta rwe rwa Twitter yasangije abamukurikira amwe mu mufato yaranze ubukwe bwe.

Bakoze ubukwe nyuma y’uko muri Nzeri 2021, Twahirwa Diego yambitse impeta ya Fiançailles Sonia Mugabo amusaba kumubera umugore na we akabyemera.

Inkuru y’urukundo y’uyu rwiyemezamirimo usanzwe ukora ubuhinzi bw’urusenda na Sonia Mugabo usanzwe ari umunyamideli ukomeye mu Rwanda, ntabwo yavuzwe cyane mu itangazamakuru, ariko inshuti zabo zikaba zari zizi iby’urukundo rwabo.

Byari ibyishimo ku mpande zombi

Abageni n’ababagaragiye

Sonia Mugabo na Maraine we

Ubukwe bwabo bwabaye mu mpera z’icyumweru gishize

Ange Kagame (wa kane ibumoso) yari mu bambariye Sonia Mugabo

Sonia Mugabo yamaze kuba umugore wa Twahirwa imbere y’Imana n’amategeko

Source : http://isimbi.rw/siporo/article/ange-kagame-mu-bari-bambariye-umunyamideli-sonia-mugabo-mu-bukwe-bwe-amafoto

Uyu mukuru wa Kiliziya Gatolika ku isi yabivugiye mu kiganiro ku cyumweru cyaciye kuri televiziyo TG5 yo mu Butaliyani.

Yavuganye n'itsinda ry'abantu bane banyuze mu bibazo, barimo n'umwe warokotse ihohoterwa ryo mu rugo.

Yinubiye cyane umubare uri “hejuru cyane” w'abagore “bakubitwa bakanahohoterwa mu ngo zabo”.

Papa Francis yagize ati: “Kuri jyewe, ikibazo ni uko ari hafi icya Shitani kuko kirimo gufatirana umuntu udashobora kwirwanaho, ushobora gusa [kugerageza] kwikinga ibyo akubitwa”.

“Bitesha agaciro. Bitesha agaciro cyane”.

Yavuganye n'umugore witwa Giovanna wavuze ko yatorotse urugo rurimo urugomo akajyana n'abana be bane.

Papa yongeyeho ko abagore bakorewe ihohoterwa batatakaje agaciro kabo.

Yabwiye Giovanna ati: “Ndabona agaciro muri wowe kuko iyo uba udafite agaciro, ntiwari kuba uri hano.

“Rangamira Bikira Mariya ubundi ugumane iyo shusho y'ubutwari”.

Kuva iki cyorezo cya coronavirus cyatangira, Papa Francis amaze kuvuga kenshi ku ihohoterwa ryo mu ngo.

Ibikorwa by'ihohoterwa ryo mu ngo byariyongereye mu bihugu bimwe na bimwe, mu gihe abantu benshi basigaranye imuhira n'ababahohotera mu gihe cya gahunda ya guma mu rugo.

Raporo y'umuryango w'abibumbye (ONU/UN) yakorewe ku bihugu 13 igaragaza ko kimwe cya kabiri cy'abagore bakoreweho ubushakashatsi bavuze ko hari urugomo runaka bakorewe kuva iki cyorezo cyatangira.

Mu Butaliyani, imibare ya polisi yatangajwe mu kwezi gushize igaragaza ibikorwa bigera kuri 90 by'urugomo rukorerwa abagore buri munsi – 62% by'ibyo bikorwa by'urugomo bikaba ari iby'ihohoterwa ryo mu ngo.

Abwira Giovanna, Papa Francis yavuze ko bishoboka gukomeza kugira icyizere, haba no mu gihe cy'icyorezo.

Yagize ati: “Urimo gutanga urugero rwo kwirwanaho, isomo ryo kwirwanaho ku makuba. Urimo kuyasohokamo umeze neza cyane kurusha mbere”.

BBC

Source : https://umuryango.rw/ubuzima-115/iyobokamana/article/papa-francis-yamaganye-ihohoterwa-ryo-mu-ngo-akoresheje-amagambo-akakaye