Category: Uncategorized

Ibyobo bica intege amazi ya Sebeya

Gukumira ingaruka ziterwa n’amazi ya Sebeya byatumye hubakwa inkuta zibuza amazi gutera abaturage baturiye inkengero z’umugezi wa Sebeya.

Ubuyobozi bw’Akarere ka Rubavu butangaza ko ibikorwa by’umushinga w’icyogogo cya Sebeya byatangiye muri 2019 bimaze gutanga umusaruro harimo gukora amaterasi y’indinganire kuri hegitari 541, amaterasi yikora kuri hegitari 389 n’imirwanyasuri kuri hegitari 989.

Ubuyobozi bw’Akarere ka Rubavu butangaza ko hamaze gutangwa ibigega bifata amazi ku mazu y’abaturage 120 n’ibigega 18 bifata amazi ku mashuri.

Kubungabunga icyogogo cya Sebeya byafashije abagituriye kubona amashyiga ya rondereza 1,015 naho amashuri 4 yubakirirwa rondereza ikorerwa mu kubungabunga ibidukikije.

Inkuta zubatswe ku mugezi wa Sebeya

Abaturage bafashijwe kugira imibereho myiza bahabwa inka 475 n’amatungo magufi (ihene n’intama) 1012 n’ ibiti by’imbuto 6686.

Uretse ibikorwa biteza imbere ubuzima bw’abaturage, hasanwe ibidukikije harimo gusana imikoki ireshya na kilometero 17.7, gutera imigano ku nkombe z’umugezi wa Sebeya ku birometero 15.

Ubuyobozi bw’Akarere ka Rubavu butangaza ko ibi bikorwa byatangiye kuva muri 2019 kugera muri 2021 bimaze gutwara miliyari 2, miliyoni 402, ibihumbi 954, n’amafaranga 642.

Abaturage bavuga ko ibikorwa byo kubungabunga icyogogo cya Sebeya byabafashije mu mibereho yabo kuko bahawemo imirimo yo guca amaterasi yo gufata amazi ku misozi, ndetse abandi bahabwa amatungo.

Inkuta zubatswe kuri Sebeya zitanga icyizere ko amazi atazongera gutera abaturage

Mu bihe bitandukanye umugezi wa Sebeya wagiye usenyera abaturage, abandi ukabatwarira imyaka ndetse n’ubutaka bikagira ingaruka ku nganda z’amazi n’amashanyarazi zubatse kuri Sebeya.

Umushinga wo kubungabunga icyogogo cya Sebeya uri mu turere twa Nyabihu, Rubavu, Rutsiro, na Ngororero.

Uyu mudamu w’umukuru w’igihugu cy’Ubufaransa yasagariwe ku mbuga nkoranyambaga n’abakwirakwiza ibinyoma, binyuze ku rubuga nkoranyambaga rw’abanyapolitike bagendera ku mahame ya kera (extrême droite/Far-right) mu kwezi kwa cyenda, bigahita bikwirakwizwa n’abamurwanya.

Ibi bihuha bivuga ko yavutse ari umuhungu kw’izina rya Jean-Michel Trogneux, ryasakajwe cyane ku mbuga nkoranyambaga.

Madamu Macron usanzwe ari nyina w’abana batatu bakuze yabyaye ku wo bubakanye mbere, yemeje ko ko yiteguye kujya kurega.

Umwunganizi mu mategeko wa madamu Macron, Jean Ennochi yabwiye ibiro ntaramakuru AFP ati : “Yafashe umwanzuro wo kujya mu nkiko, kandi biri mu nzira.”

Ibi binyoma kuri uyu mugore w’imyaka 68 byakwirakwijwe n’abatavuga rumwe n’umugabo we, Perezida Emmanuel Macron, barimo abo ku ruhande rwa extrême droite/Far-right, imitwe y’abarwanya inkingo, hamwe n’abagendera ku matwara y’umutwe wa QAnon.

Ibinyamakuru byo mu Bufaransa byarakurikiranye inkuru yanditswe mu kinyamakuru cya extrême droite n’umugore witwa Natacha Rey.

Nk’uko ikinyamakuru Libération kibitangaza, ngo iyi nkuru yahsomwe n’abantu benshi cyane nyuma yo gucishwa ku rubuga rwa YouTube rusanzwe rurebwa n’abantu benshi, bakanatanga ibiterezo byabo kuri yo, muri byo hakaba harimo ibirwanya inkingo, abatumva ibya Covid, hamwe n’iby’abo ku ruhande rwa extrême droite.

Si bwo bwa mbere Madamu Macron yibasirwa kuva umugabo we atorewe kuba umukuru w’igihugu muri 2017, aho abamurwanya bigeze kubibasira babaziza ko Perezida Emmanuel Macron yarongoye umugore umurusha imyaka 25 yose.

Iri totezwa rije mu gihe Ubufaransa bwitegura amatora yo muri 2022.

Perezida Macron ntaravuga ku mugaragaro ko aziyamamariza manda ya kabiri, ariko abatari bake nibyo biteze.

Utu dupfukamunwa twatanzwe kuri uyu 23 Ukuboza 2021 mu muhango wari witabiriwe n'Umuyobozi Mukuru wa Skol, Ivan Wulffaert, ndetse n'Umuyobozi Mukuru w'Ishami ry'Ubuzima n'Ubuvuzi Rusange muri Minisante, Dr Ntihabose Corneille.

Umuyobozi wa Skol, Ivan Wulffaert, yavuze ko uru ruganda rufatana uburemere ingamba zo kurwanya Covid-19, bityo ko ariyo mpamvu bifuje gutanga umusanzu mu gufatanya n'u Rwanda kurinda ikwirakwira ryayo.

Yagize ati 'Muri Skol dukoresha udupfukamunwa turenga 3000 ku munsi, aho tuduha abakozi bacu iyo binjiye mu ruganda n'igihe basohotse batashye. Rero twifuze ko twatanga n'umusanzu muri Minisiteri y'Ubuzima.'

'Navuganye na Dr. Corneille ambwira ko hari ibitaro 55 n'andi mavuriro ya leta bikoresha udupfukamunwa twinshi, niyo mpamvu twatekereje ko twabaha udupfukamunwa ibihumbi 200 two kurinda abatanga serivisi z'ubuzima muri ayo mavuriro kugira ngo turinde ubuzima bw'abo ariko tunarinda ko icyorezo gikomeza gukwirakwira.'

Dr. Ntihabose yavuze ko bishimiye umusanzu bahawe na Skol mu kurwanya ikwirakwira ry'icyorezo, avuga ko utu dupfukamunwa tuzakoreshwa n'abaganga bita ku barwayi ba Covid-19, kuko dufite ubwirinzi bwo ku rwego rwo hejuru.

Yagize ati 'Turashimira Skol kuba yatekereje kudufasha muri uru rugamba dufite rwo kurwanya Covid-19 cyane cyane no muri iki gihe dufite virus yihinduranyije. Uruhare rw'udupfukamunwa ni ingenzi kuko iyo bishyize hamwe n'izindi ngamba bituma tugabanya umubare w'abantu bandura Covid-19 tukarinda abaturage bacu.'

Utu dupfukamunwa tuzakoreshwa n'abaganga hirya no hino mu bitaro bitandukanye no mu mavuriro afasha abarwayi ba Covid-19.

Udupfukamunwa twa N-95 dufite ubushobozi bwo kurinda Coronavirus n'izindi virus zinjirira mu mazuru cyangwa mu kanwa kuruta udupfukamunwa dukunda gukoreshwa tuzwi nka 'surgical mask'.

Dr Nrihabose yashimye umusanzu wa Skol, avuga ko uje kubafasha guhangana n’iki cyorezo

Dr Ntihabose n’Umuyobozi wa Skol, Ivan Wulffaert, bari bitabiriye umuhango wo gutanga udupfukamunwa

Ivan Wulffaert yavuze ko uruganda ayoboye rwifuje gufatanya n’u Rwanda mu kurwanya ikwirakwira ry’icyorezo cya Covid-19

Hatanzwe udupfukamunwa ibihumbi 200

Utu dupfukamunwa tuzakoreshwa n’abaganga mu bitaro bitandukanye by’igihugu

Utu dupfukamunwa tuzagira uruhare mu gufasha abaganga gukora akazi kabo neza

Skol yatanze udupfukamunwa turenga ibihumbi 200

Tuzajyanwa mu bitaro bitandukanye hirya no hino mu gihugu

Udupfukamunwa twa N 95 tuzwiho kugira ubwirinzwi bwo ku rwego rwo hejuru

Minisitiri Gatabazi asaba Abanyarwanda kwishima ariko banirinda

Minisitiri Gatabazi abitangaje mu gihe Abanyarwanda batandukanye barimo gutegura iminsi mikuru isoza umwaka, bamwe bakora ingendo ziva mu Ntara zijya mu mujyi gusangira n’imiryango yabo Noheli n’Ubunani, mu gihe abandi bava mu mijyi bajya mu cyaro.

N’ubwo ari umuco mwiza gusangira n’imiryango, izi ngendo zirimo kuba mu gihe Leta y’u Rwanda isaba Abanyarwanda kudakora izitari ngombwa kuko zishobora gukurura ubwiyongere bw’abandura Covid-19.

Hagendewe ku rugero rusoza umwaka wa 2020, habonetse imibare y’abarwayi ba Covid-19 iri hejuru y’ijana yatewe n’ingendo zakozwe abantu bajya gusangira iminsi mikuru.

Uretse kwiyongera kw’imibare y’abanduye Covid-19 mu gusoza umwaka wa 2020, habonetse impanuka 4 zikomeye zaguyemo abantu 5; harimo impanuka yabereye mu Karere ka Gakenke, imodoka yagonze umuntu wari ku igare ahita apfa, mu Karere ka Nyabihu imodoka yagonze umunyamaguru ahita apfa, mu Karere ka Ngoma umuntu utwaye moto ahetse umugenzi, yarenze umuhanda uwo atwaye na we ubwe bikubita hasi bahita bapfa na ho mu Karere ka Karongi igare ryagonze umuntu ugenda ku maguru ahita apfa.

Guhura kw’abantu benshi bishimira gusoza umwaka ishobora kuba imwe mu mpamvu yo kongera ubwandu bwa Covid-19, nk’uko kongera umuvuduko nabyo bishobora gutera impfu.

Minisitiri Gatabazi ati 'Kwishima akanya gato mu buzima bwose si byiza, ushobora kwimisha utwara imodoka wihuta cyane bikarangira ujya mu irimbi. Ushobora kwishima cyane utagaguza amafaranga, mu kwezi kwa mbere wishyurira abana ugahomba byinshi, ushobora kwishima cyane ukandura Covid-19, ushobora kwishima cyane ugatakaza ubuzima.'

Akomeza avuga ko ibyemezo bifatwa bigamije kugabanya ibyo byago bituma abantu bashobora kwanduka Covid-19 n’ibyo bijyana nabyo.

Agira ati 'Ariko ntibikuraho kwishima mu muryango n’abana n’umugore, ntibyabuza Noheli kuba, Misa iraba, kwishima nyako ni ukw’igihe kirekire, twishime mu kwezi kwa mbere tugire abantu 5000 bajya mu bitaro, uko nta kwishima kwaba kurimo.'

Umuvugizi wa Polisi y’u Rwanda , CP John Bosco Kabera, aganira na RBA, yasabye urubyiruko kwirinda ibitaramo bya 'house party’ kuko hari n’abanywa inzoga batarageza imyaka y’ubukure, ibintu bifatwa nk’icyaha gihanwa n’amategeko.

Umutoza wa Guy Bukasa wa Gasogi United yavuze ko we atoza umupira yize mu ishuri ibyo kugurisha imikino (Match Fixing) ikipe ye ivugwaho ntacyo yabitangazaho kuko atazi n’uko bikorwa.

Tariki ya 17 Ukuboza 2021, Gasogi United yari yakiriye Gorilla FC mu mukino w’umunsi wa 9 wa shampiyona y’icyiciro cya mbere mu Rwanda umwaka w’imikino 2021-22.

Ni umukino warangiye ku ntsinzi ya Gorilla FC y’igitego 1-0 ariko akaba ari umukino utaravuzweho rumwe bitewe n’uko Gasogi United yari yakinishije ikipe ya 2, bikavugwa ko habayemo guharira amanota Gorilla FC yari mu bihe bibi cyangwa se umukino ukaba wari wagurishijwe (match fixing).

Ni umukino kandi utaratojwe n’umutoza Guy Bukasa aho perezida w’iyi kipe KNC yavuze ko ari mu ikipe y’igihugu muri DR Congo, ni mu gihe andi makuru yavugaga ko yanze kuwutoza kubushake bitewe n’uko yari azi ko amanota yahariwe Gorilla FC.

Aganira n’itangazamakuru rimubajije kuri iki kintu ikipe ivugwaho cyo kuba yaragurishije uyu mukino, Guy Bukasa yanze kugira byinshi avuga ahubwo ko we yize umupira ibyo bindi abazwa atazi uko bigenda.

Ati 'Njye ndi umutoza w’umupira w’amaguru, indi mikino sinzi uko igenda, nize umupira w’amaguru ku ishuri kandi ntoza ikipe yanjye gukina umupira. Ibyo muvuga simbizi, sinzi uko bigenda, nimuvuge umupira. Mwakoresheje ijambo ryishe ikibazo cyanyu cyose, ntabwo ikibazo cyawe nkisubiza. Mbaza ikindi kibazo.'

Mu mikino 5 iheruka ya shampiyona batsizwemo 2 banganya 3, uyu mutoza yavuze ko byatewe n’uko ikipe ye ifite abakinnyi bakiri bato ndetse ikaba ikirimo kwiyubaka.

Nyuma y’umunsi wa 10 wa shampiyona, Gasogi United ni iya 9 n’amanota 13, izasubira mu kibuga ku Cyumweru, tariki ya 26 Ukuboza 2021, aho izakina na APR FC mu kirarane cy’umunsi wa gatanu wa Shampiyona cyari kuba cyarakinwe ku wa 28 Ugushyingo.

Guy Bukasa ngo ibyo kugurisha imikino ntabyo yize mu ishuri ry’ubutoza

Imirimo itishyurwa ni ukuvuga ikorerwa mu rugo, harimo kwita ku bantu bari mu rugo barimo abana ndetse n’abageze mu zabukuru, n’indi irimo guteka, gukora isuku, kujya kuvoma amazi yo gukoresha, kumesa, n’ibindi.

Mu rwego rwo gukemura icyo kibazo, abagore bari mu buyobozi bw’inzego z’ibanze, barebeye hamwe uburyo bushya bwakoreshwa mu kugubanya izo mvune ku bagore, kuko usanga biterwa n’imyumvire ishingiye ku muco, ugasanga abagore bakora ibyo byose mu buryo bubagoye kugira ngo ingo zabo zishobore kurama.

Mu kiganiro abagore bahuriyemo cyateguwe na 'Rwanda Women’s Network’ na 'Oxfam’ , ku itariki 21 Ukuboza 2021, baganiriye ku buryo bwo kurwanya ihohotera rishingiye ku gitsina, ndetse n’imirimo yo mu rugo idahemberwa, abagore bavuga ko kuba bayikora bonyine, ahanini bikomoka mu muco.

Uwitwa Riziki Mukamanzi wo mu Karere ka Kayonza, yavuze ko akazi ko mu rugo kadahemberwa katajya karangira, kandi ko usanga abagore bagakora mu gihe abagabo baryamye cyangwa se bagiye mu tubari n’ahandi, bagasiga abagore babo bakora bonyine bahetse n’abana.

Mukamanzi yagize ati 'Hari ubwo mba numva meze nk’umukozi wo mu rugo, kuko nduhuka gakeya. Iyo ntekereje kuruhuka nibwo hahita haboneka akazi kenshi'.

Mukantagara Esperance yavuze ko abagore bo mu cyaro, ahanini ari bo bahura n’imirimo yo mu rugo idahemberwa, kuko usanga abantu baho bafite imyumvire ngo ishingira ku muco, y’uko iyo umugore ashatse umugabo, abantu babona ko ari we ugomba gukora imirimo yo mu rugo yose idahemberwa kandi na we akaba ari ko yibona.

Ati 'Abagore bamwe bitewe n’uko bakuze ari ko babibona, batekereza ko imirimo yo guteka, gukora isuku mu rugo, kurera abana ari iby’abagore kandi ko batayikoze bafatwa nk’abarezwe nabi'.

Muri ibyo biganiro, abagore bemeranyijwe ko binyuze mu makinamico bagiye kujya bigisha abaturage kuri icyo kibazo mu nama zibera mu midugudu, bagakorana n’abayobozi b’amadini n’amatorero mu gusakaza ayo makuru ndetse bagakoresha n’abagabo bashobora gutanga ubuhamya bwabo, mu rwego rwo guhugura bagenzi babo.

Barikungeri Mary, Umuyobozi mukuru wa 'Rwanda Women Network’ yavuze ko uwo muryango uzakomeza gushyigikira gahunda z’abagore zigamije kuzamura ubushobozi bwabo, no kuziba ibyuho ku ihame ry’uburinganire biri mu muryango nyarwanda.

Muhanga: Ababagira iminsi mikuru barasabwa kwitwararika amabwiriza y’ubuziranange bw’inyama

Bitangajwe mu gihe habura amasaha make ngo abemera Kristu binjire mu munsi mukuru wa Noheli, aho bivugwa ko abaturage bishyira hamwe bakabaga amatungo ahanini babikorera mu ngo zabo mu gihe biteganywa ko buri tungo rigomba kubagirwa ahabugenewe, mu rwego rwo kurinda ubuziranenge bw’inyama.

Umukozi w’Akarere ka Muhanga ushinzwe ubworozi, Kayiranga Calliope, avuga ko muri ako karere hari ibagiro rya Misizi ryakira inka zivuye mu Mirenge ya Nyamabuye, Muhanga, Cyeza na Shyogwe, ari na ho abaturage basabwa kuzana inka zabo kubagirwa kugira ngo inyama ziribwa zose bibe bizwi ko zatunganyirijwe ahantu hizewe.

Kayiranga avuga ko amabwiriza ateganya ko kubagira amatungo ahantu hatemewe bihanirwa, ariko ko icya mbere atari ibihano, ahubwo ibyiza ari ukwirinda kuko inyama zidapimye zishobora no gutera ibibazo by’ubuzima.

Agira ati 'Ahategereye ibagiro hari utubagiro duto kandi twujuje ibisabwa ku buryo hatunganyirizwa inyama, byaba bibabaje umuturage aguze inyama z’iminsi mikuru zikamutera ibibazo. Turabasaba kubagira no kugurira inyama ahantu hizewe'.

Kayiranga avuga ko abaveterineri b’imirenge bose bakurikirana uko amatungo abagwa muri iyi minsi mikuru kugira ngo byorohere abashaka kubaga gupimisha inyama, kandi ko bibujijwe kubagira mu bigunda.

Avuga ko hakomeza gukorwa ubugenzuzi kugira ngo ibikorwa byo kwitegura iminsi mikuru ya Noheli n’Ubunani bizasige nta muturage wandujwe n’inyama, kandi buri wese asabwa gukurikiza amabwiriza.

Umwaka ushize mu minsi mikuru ya Noheli n’Ububani habaruwe inka zisaga 400 zabazwe mu karere kose, n’ihene zisaga 300, bikaba buitezwe ko n’ubundi amatungo aza kubagwa ku bwinshi mu rwego rwo kwizihiza Noheli n’Ubunani.

Ni mu butumwa yanyujije ku mbuga nkoranyambaga kuri uwa Kane tariki ya 23 Ukuboza 2021.

Yagize ati 'Sinigeze ntekereza ko none waba umunsi nsangiza aya makuru. Ejo kuwa 24 Ukuboza uzaba umunsi wanyuma numvikanye kuri Kiss Fm.'

Yavuze ko yafashe uyu mwanzuro mu rwego rwo gufata ikiruko mu kazi ko gukora kuri radiyo.

Nkusi Arthur ufite imyaka 32 y’amavuko, yavuze ko imyaka 10 akora kuri Radiyo ari imyaka idasanzwe.

Yasezeye mu itangazamakuru nyuma y’igihe gito akoze ubukwe na Muthoni Fiona nawe ukora itangazamakuru.

Nkusi Arthur ni umwe mu banyamakuru bagize igikundiro ku maradiyo yagiye akorera harimo Kiss Fm asezeye akorera.

Bamwe mu banyamakuru biganjemo abo bakoranye kuri radiyo zitandukanye bamwifurije ibihe byiza mu rugendo agiye gutangira, bahuriza kuba barakoranye neza, yarabahaye ibyishimo.