Category: Uncategorized

Uwa Gatanu wo ku wa 24 Ukuboza 2021 ntiwatandukanye cyane n'iminsi isanzwe kuko mu mihanda myinshi ya Kigali abantu bari urujya n'uruza mu masaha y'umugoroba bahaha, abandi batonze imirongo muri gare bagiye kwizihiza iminsi mikuru mu ntara hamwe n'imiryango yabo.

Nubwo ariko byagaragara ko benshi bari guhaha, umwe mu bacuruzi waganiriye na IGIHE yavuze ko ugereranyije no mu myaka yashize abakiliya ari bake.

Ati 'Abakiliya nta bo, nta bahari, ubundi mu minsi nk'iyi nabaga nacuruje imifuka nk'ibiri y'imiceri ariko dore n'igice nararanye ng'iki, nta bakiliya barimo.'

Umucuruzi w'inyama we yavuze ko saa Kumi n'imwe zo ku munsi ubanziriza Noheli zasangaga nta nyama nziza agisiragaranye yaba iroti, urushyi rw'akaboko cyangwa umwijima gusa uyu mwaka izo saha zasanze akizifite zose.

Birindiro Emmy wari wagiye guhaha yavuze ko ibintu byatangiye guhenda kuko benshi batabona uko bigerera mu isoko kubera ko ntawuryinjiramo atarakingije Covid-19.

Yagize ati 'Ibintu byarahenze kuko kujya mu isoko birasa nk'ibidashoboka utarikingije. Mbere yo kuryinjiramo ni ukugaragaza icyangombwa cy'uko wikingije rero usanga twebwe abatarafata urwo rukingo kenshi bitugora.'

Muri gare naho hari abantu benshi bajya mu ntara ndetse mu baganiriye na IGIHE bavuze ko bamaze iminsi bajya gushaka amatike yo gutaha bakayabura.

Maniraguha Gerald wari ugiye mu Karere ka Muhanga yagize ati 'N'ejo navuye hano nje gushaka itike mbona abantu ni benshi nsubira mu rugo n'uyu munsi byanze. Simperuka gusura mu cyaro ndashaka kujyayo tugasangira Noheli nkanabagurira n'ako kaboga.'

IGIHE yasuye Gare ya Nyabugogo kuri uyu wa Gatanu, tariki ya 24 Ukuboza 2021, isanga imirongo ari miremire y'abantu bategereje kubona imodoka zibajyana gusangira Noheli n'inshuti ndetse n'imiryango yabo.

Kimwe no mu bindi bihe, muri iyi minsi benshi bahitamo gusangira Noheli n'Ubunani n'abo mu miryango yabo, ari na yo mpamvu nka Nyabugogo haba hari urujya n'uruza rw'abantu bava n'abinjira muri Kigali.

Umunsi wa Noheli wizihizwa ku itariki 25 Ukuboza buri mwaka ni umunsi uziririzwa cyane n'abakirisitu, aho imiryango ihura igasangira, ababyeyi, abana n'inshuti bagasabana ndetse bakishimana. Gusa muri uyu mwaka abantu barasabwa kuzakora ibyo byose bakurikiza amabwiriza yose yo kwirinda Covid-19.

Ababyeyi bagurira abana impano zitandukanye ku munsi wa Noheli

Abacuruzi b’inyama bavuze ko zitabonye abakiliya nk’ibisanzwe

Abacuruzi barataka ko nta bakiliya benshi babonye nk’uko byagendaga mbere

Abagabo na bo bitabiriye guhaha ibyo gusangira n’imiryango yabo

Abagenzi bari uruvunganzoka muri Gare ya Nyabugogo bajya kwizihiza iminsi mikuru mu ntara

Abakoranabushake b’urubyiruko bagerageza kubwira abantu guhana intera mu kwirinda ikwirakwira rya COVID-19

Abaturage bahashye ibyo kuzateka mu minsi mikuru

Bamwe baguze ibikinisho bya Père Noël

Bamwe bahamya ko bamaze iminsi baza gushaka itike bakayibura kubera ubwinshi bw’abagenzi bashaka imodoka

Bamwe bahitagamo kwitwaza ibyo bahashye ku mutwe

Bamwe bari babuze imodoka zibatahana

Bamwe ibyo bahashye babitegeye moto

Hari abagura impano zo gushyira abantu b’iwabo batuye mu ntara

Hari abaguze ibyocyezo byo kuzakoresha ku minsi mikuru

Hari abatahanye inkoko zo kuzabaga kuri Noheli

Imihanda yari urujya n’uruza rw’abantu bajya guhaha ibya Noheli

Inkoko zagurishwaga ku bwinshi

Kubera ubwinshi bw’ibyo bahahaga bamwe bitwazwaga n’abo kubatwaza

Kubera umubyigano kubahiriza amabwiriza ya Covid 19 ntibyari byoroshye hamwe na hamwe

Kwinjira mu Isoko bizaba kwerekana icyemezo cy’uko wakingiwe Covid-19

Kwinjira mu modoka nabwo bisaba kuba warikingije Covid-19

Maniraguha yavuze ko yifuza kujya mu ntara agasangira n’umuryango we akabagurira n’akaboga

Nshimiyimana Venuste ukora muri Volcano yavuze ko abagenzi babanye benshi kubera iminsi mikuru

Mbere yo kwinjira muri Gare ya Nyabugogo ni ihame kubanza gukaraba intoki n’amazi meza ndetse n’isabune

Nubwo abagenzi ari benshi, amabwiriza yemera ko abagenzi bicara 100%

Ababyeyi na bo bagiye guhigira imiryango yabo

Abanyarwanda bamaze kubigira umuco kwizihiza iminsi mikuru ya Noheli n’Ubunani

Mu masaha ashyira nimugoroba, benshi bihutaga bashaka gutangirira Noheli mu ngo zabo

Amafoto: Igirubuntu Darcy

Abasezeranye ni imiryango igera kuri 12 imaze igihe ihabwa inyigisho na Komisiyo y'Ubutabera n'Amahoro ya Kiliziya Gatolika binyuze mu mushinga 'Mupaka Shamba Letu'' ugamije gufasha abagore bakora ubucuruzi buciriritse bwambukiranya imipaka.

Uyu mushinga ushyirwa mu bikorwa na Komisiyo y'Ubutabera n'Amahoro ya Kiliziya Gatolika ku bufatanye na Alert International ku nkunga ya SIDA na Cooperation Suisse.

Murera Félicien yari amaranye imyaka 21 na Uwamahoro Annonciata nk'umugore n'umugabo ariko batarasezeranye bigatuma batizerana kandi bagahora mu makimbirane batitaye ku bana bane bafitanye.

Murera ati 'Nta bwisanzure nagiraga mu rugo kandi n'umugore ntabwo twizeranaga bitewe n'uko twabanaga nk'abantu b'indaya, amakimbirane akavuka ugasanga turarwana buri munsi, ariko aho twumviye inyigisho twaranyuzwe twumva turishimye dufata icyemezo cyo gusezerana byemewe n'amategeko.'

Uwamahoro Annonciata na we avuga ko atajyaga inama n'umugabo we ndetse yahoraga ahangayikishijwe n'uko umugabo we ashobora kumuta akajya kwishakira undi mugore nk'uko byigeze kubaho.

Ati 'Twagiye inama kandi iby'amakimbirane twagiranaga mbona byaragabanutse. Yigeze gushaka undi mugore aragenda ariko arongera aragaruka. Urabona ko ari njyewe yahisemo ni njyewe twateranye igikumwe tumaze kwizerana.'

Imiryango yasezeranye yaganiriye na IGIHE yose ihuriza ku kwishimira ko igiye gusangira iminsi mikuru ya Noheli n'Ubunani ibana neza mu ngo zizira kutizerana n'amakimbirane.

Bagaragaje ko kubana mu buryo butemewe n'amategeko byagiraga ingaruka no ku bana babo kuko batari banditswe mu bitabo by'irangamimerere.

Munyampenda Damien ukuriye Umushinga Mupaka Shamba Letu, ku mupaka w'Akanyaru uhuza u Rwanda n'u Burundi, yavuze ko mu byo babigisha harimo kubana mu mahoro kandi ko bigomba guhera mu muryango.

Ati 'Twabigishije agaciro n'icyiza cyo gusezerana byemewe n'amategeko aho bigira ingaruka nziza ku muryango, abana bakagira aho babarizwa hazwi ndetse n'umugore n'umugabo bakabana nta rwikekwe ruri hagati yabo.'

Umunyamabanga Nshingwabikorwa w'Umurenge wa Nyagisozi, Umuhoza Josephine, yavuze ko gusezerana kw'abashakanye ari ubwishingizi ku muryango, akangurira n'abandi babana barishyingiye guhindura imyumvire.

Ati 'Baba bibanira bataranyuze mu bishobora kurinda rya sezerano ryabo, ni ukuvuga ngo urugo rwabo ruba rushobora gusenyuka igihe icyo ari cyo cyose kuko nta tegeko rirurinze. Ni yo mpamvu dusaba n'abasigaye kuza gusezerana mu buryo bwemewe n'amategeko.

Uwo mushinga mu gihugu hose ukorana n'abagore 400 n'abagabo 240 ukaba ukorera ku mipaka ya Akanyaru, Rubavu, Rusizi ndetse na Bugarama.

Basabwe kugira inama bagenzi babo bishyingiye kwemera gusezerana mu mategeko

Biyemeje kubana n’abo bashakanye mu buryo bwemewe n’amategeko

Hari hashize igihe iyi miryango ihabwa inyigisho ku kubana byemewe n’amategeko

Gitifu w’Umurenge wa Nyagisozi, Umuhoza Josephine, arahira ubwo yasezeranyaga iyi miryango mu buryo bwemewe n’amategeko

Imiryango 12 ni yo yasezeranye byemewe n’amategeko ya Repubulika y’u Rwanda

[email protected]

Kugeza ubu mu Karere ka Karongi, umuturage yemererwa kwinjira mu isoko cyangwa muri gare ari uko yerekanye ubutumwa bugufi cyangwa agapapuro bigaragaza ko yikingije Covid-19.

Umuyobozi w'Akarere ka Karongi, Mukarutesi Vestine, yabwiye IGIHE ko bafite site zimukanwa zo gukingira, ku buryo uwo bari gusanga atarikingije bari kumusaba kujya kwikingiza akabona kwinjira mu isoko cyangwa muri gare.

Yagize ati 'Twifashisha abaganga n'abapasiteri bakabasobanurira neza ibyiza byo kwikingiza, kandi tumaze kugenda tubonamo abantu batandukanye bagenda bahinduka.'

Yongeyeho ko ubu bukangurambaga buzakomeza, ati 'Kwigisha bizakomeza, niyo hasigara umwe tuzakomeza tumwigishe kuko nta buzima bw'umuturage tugomba kubura kandi inkingo zihari, igihugu cyarazitanze.'

Abaturage bashima ubu bukangurambaga bwo kubegera no kubasanga ku isoko cyangwa muri gare, bakabereka ibyiza byo kwikingiza.

Umugore w'imyaka 25 wo mu murenge wa Bwishyura, wari utarikingiza urukingo na rumwe rwa covid19, yageze ku marembo y'isoko rya Karongi ahasanga umukozi w'Akarere wamusabye kwikingiza.

Habumuremyi Pierre wo mu murenge wa Gitesi, wari umaze kwikingiza urukingo rwa kabiri yavuze ko kwikingiza ntacyo byamutwaye, asaba ubuyobozi kongera ubukangurambaga kuko hari abaturage bumva ko kwikingiza byabagiraho ingaruka.

Ati 'Kuba abayobozi bari kuza kudukangurira kwikingiza turabyishimiye, turajya kubikangurira n'abandi ariko ubuyobozi bukomeze ibi bikorwa kuko by'ubukangurambaga, abaturage bumve ko urukingo ntacyo rutwaye.'

Umuyobozi w'Akarere ka Karongi, Mukarutesi Vestine, yabwiye IGIHE ko bafite site zimukanwa zo gukingira

Umunyamabanga Nshingwabikorwa w’Akagari ka Byahi, Rwema Bienvenu, avuga ko Mvuyekure yafashwe binyuze ku makuru yatanzwe n’abaturage.

Yagize ati 'Mu bikorwa byo kwicungira umutekano mu minsi mikuru, abaturage bo mu mudugudu w’Isangano n’abakora irondo ry’umwuga, twafashe igisambo cyitwa Mvuyekure Jean Pierre.'

Mvuyekure yafashwe ashaka gutobora inzu y’umuturage witwa Buntu, ariko kubera amakuru yamenyekanye baramutangata ngo atabacika ahitamo kugenda hejuru y’amabati.

Mvuyekure akimara gufatwa yasatswe asanganwa icyuma, ahita ashyikirizwa Urwego rw’Ubugenzacyaha (RIB).

Mu Karere ka Rubavu hamaze iminsi havugwa ikibazo cy’abasore biyise abuzukuru ba Shitani bishora mu bikorwa byo gutobora inzu no kwambura abaturage mu nzira.

Umunyamabanga Nshingwabikorwa w’Umurenge wa Rubavu, Gikundiro Jeannine, aherutse gutangariza Kigali Today ko bakomeje gushaka abo bagizi ba nabi, ariko zimwe mu mbogamizi bagira ari uko abakora ibyo bikorwa bibi badatuye mu murenge wabo ahubwo bava mu yindi mirenge.

Bamwe mu baturage babwiye Kigali Today ko guca abuzukuru ba Shitani bigomba no kujyana n’abagore bazenguruka mu ngo babaza inkweto n’imyenda bishaje bigurishwa.

Umwe yagize ati “Bariya buzukuru ba shitani bakorana n’abagore birirwa bazenguruka mu ngo basabiriza abandi babaza niba nta nkweto n’imyenda bishaje bigurishwa. Abo ni bo batanga amakuru y’ibyo babona aho binjira, kuko abenshi batwiba ntibaba bazi urugo ariko baza kwiba bazi ibyo biba n’aho biherereye”.

Polisi ikorera mu Karere ka Rubavu iherutse kurasa umwe witwaga ko akuriye abuzukuru ba Shitani, kandi yarasiwe mu Kagari Mvuyekure yafatiwemo.

Ibi byatangajwe na Perezida w’u Burundi, Evariste Ndayishimiye, ku wa Gatanu tariki 24 Ukuboza 2021, ubwo yarimo yifurizwa umwaka mushya n’inzego z’umutekano zirimo igisirikare, igipolisi n’iperereza.

Abapolisi b’u Burundi bakumiriwe mu bikorwa byo kubungabunga amahoro n’umutekano mu mahanga, bashinjwa kugira uruhare mu guhohotera abigaragambyaga bamagana nyakwigendera Petero Nkurunziza, wiyamamarizaga kuyobora icyo gihugu muri manda ya gatatu.

Mw’ijambo rye, Umukuru w’igihugu cy’u Burundi yanavuze ko abashinjwa kugira uruhare mu bwicanyi bwo muri 1972 bakiriho batazakurikiranwa mu butabera kuko bamaze gusaza.

Miss Umunyana Shanitah wegukanye ikamba rya Miss East Africa, asanzwe afite ikamba rya Miss Supranational Rwanda 2019 ndetse n’igisonga cya mbere cya Miss Rwanda 2018.

Mu birori bibereye ijisho byabaye mu ijoro ryo kuri uyu wa gatanu, byari biteganyijwe ko harara hamenyekanye Nyampinga wa East Africa, ndetse bikaba ariko byagenze kuko umunyarwandakazi Umunyana Shanitah niwe waryegukanye.

Ni ibirori byaririmbyemo umuhanzi uturuka mu nzu ifasha abahanzi ya Wasafi, bikaba byatambutswaga imbonankubone n'ubundi kuri Wasafi Tv, ikaba ari n'imwe mu baterankunga b'iri rushanwa.

Miss Mutesi Jolly na Miss Shanitah nyuma yo kwegukana ikamba

Miss Shanitah wabaye Nyampinga wa East Africa yegukanye ibihembo birimo imodoka nshya ya Nissan xtrail yakozwe muri uyu mwaka wa 2021, ifite agaciro kagera ku bihumbi 44 by'Amadolari ya Amerika (ni ukuvuga abarirwa muri miliyoni 44 z'Amafaranga y'u Rwanda), ndetse akazajya ahembwa Amadolari 1500 buri kwezi.  

Muri irushanwa rya Miss East Africa ryegukanywe na Miss Shanitah, Igisonga cya mbere cyahmbwe 5000 $ ni ukuvuga Miliyoni eshanu z'amanyarwanda mu gihe igisonga cya kabiri cyahawe 3000 $ uyashyize mu manyarwanda ni miliyoni eshatu.

Miss Shanitah yegukanye imodoka ifite agaciro ka miliyoni 44

Miss Umunyana Shanitah amaze guhagararira u Rwanda mu marushanwa y'ubwiza atandukanye arimo Miss Supranational International, Miss University Africa yegukanyemo ibihembo bitatu n'iri yegukanye rya Miss East Africa

Miss Shanitah yiyerekanye mu mwambaro wa kinyarwanda

Umuhanzi Mbosso yasusurukije abitabiriye ari kumwe n’ababyinnyi

Miss Shanitah yambitswe ikamba na Miss Jolly

izi mashini zifite ubushobozi bwo gukora meterokibe 16 ku isaha z’umwuka wa Oxygen

Ni uruganda rwuzuye rutwaye asaga miliyoni 180Frw, muri gahunda yo gukora umwuka uhagije wo guha abarwayi, yatekerejwe nyuma y’uko hadutse icyorezo cya Covid-19 ku buryo byasabaga ko abarwayi benshi bongererwa umwuka, umuhango wo guhererekanya urwo ruganda ukaba warabaye ku wa 24 Ukuboza 2021.

Muri iyo Gahunda ibitaro bikuru n’iby’uturere bigera kuri 22 mu Gihugu hose, ni byo byagenewe imashini zikora umwuka, birimo n’ibitaro bya Kabgayi byari byarashyizweho ishami ryakira abarwayi aba Covid-19.

Izo mashini zigizwe n’ibice bitatu birimo imashini ebyiri ziteganye zikurura umwuka usanzwe hifashishijwe amashanyarazi, zikawunyuza mu zindi mashini eshatu zigenda zisimburana kuwuyungurura ziwukuramo ibinyabutabire bitandukanye kugeza mu gice cya gatatu aho umwuka wa Oxygen wibika ukahava werekeza mu miyoboro iwugeza ku bitanda by’abarwayi.

Umuka ugera mu cyumba cyakira indembe zihutirwa unyuze muri iyi miyoboro

Umuyobozi mukuru w’ibitaro bya Kabgayi, Dr. Muvunyi Jean, avuga ko uru ruganda rufite ubushobozi bwo gukora umwuka ungana na meterokibe 16 ku isaha, ukaba ari umwuka uhagije ushobora gufasha abarwayi bagera ku 100 bose bahabwa ukenewe.

Avuga ko kuba bahawe urwo ruganda bizanoza isuku kuko gukoresha amacupa basanganywe bajya kuwugura hanze, aho byatwaraga nibura amafaranga asaga miliyoni eshatu buri kwezi, ubu hakaba habonetse ubushobozi buzatuma nta murwayi uzongera kugira ikibazo cy’umwuka.

Agira ati 'Ubushobozi bw’izi mashini nibura zikora umwuka ungana na meterokibe 16/h ku buryo n’abarwayi 100 bawukeneye bawubona nta kibazo. Ubu uragera muri serivisi yakira indembe n’ahakirirwa abarwayi bihutirwa. Biteganyijwe kuwugeza n’ahandi nko mu nzu y’ababyeyi irimo kubakwa'.

Aha niho bacomeka umuyoboro ushyirwa ku mazuru y’umurwayi ukeneye uwo mwuka

Yongeraho ko amacupa y’umwuka wasangaga ateza isuku nke mu bitaro kuko umurwayi yabaga yegeranye n’icupa ku gitanda, ubu bakazajya bawuhabwa kuri buri gitanda bikazatuma serivisi ihabwa indembe izarusho kunoga.

Agira ati 'Iyo umwuka uguteretse iruhande burya hashobora nko kuvuka impanuka igihe ryakwikubita hasi, kuba na none icupa rimwe rishiramo ukajya kuzana irindi, amacupa na yo ashaje, byabaga bigoye. Bigaragara ko ubu buryo ari bwiza, buzafasha umurwayi kurusha gukoresha amacupa'.

Kugeza ubu igiciro cy’umuntu uhabwa umwuka wa Oxygen ni 600Frw/h ku bafite ubwishingizi, uwiyishyurira 100% akaba yishyura 1000frw/h, ikigereranyo ku murwayi uhabwa umwuka nibura akoresha litiro eshanu ku munota, ni ukuvuga ko umurwayi woroheje uhabwa umwuka akoresha litilo 300 za Ogusijeni ku isaha.

Dr. Muvunyi avuga ko bakoreshaga miliyoni eshatu buri kwezi zo kugura umwuka

Abarwayi barenza icyo kigero bashyirwa ku mashini zitanga umwuka cyangwa bakambikwa masike (Masque) ifite agafuka kuko bene abo baba bashobora kumererwa nabi kurushaho, icyo gihe ibitaro bikaba bimwohereza ku bitaro bifite ibyo bikoresho.

Amacupa yakoreshwaga mu kugura no kugeza uwmuka ku barwayi yabaga ateye inkeke