Category: Uncategorized

Ibi byabaye kuri uyu wa gatanu tariki 24 Ukuboza 2021, mu cyiswe ikiganiro Kayumba Nyamwasa yagiranye n'umuzindaro w'ibinyoma bye, Serge Ndayizeye, kikanyura ku ngirwaradiyo Itahuka. Byari nko kwikirigita ugaseka, kuko Ndayizeye yabazaga ibibazo bisekeje, akabyisubiza Nyamwasa ataragira n'icyo abivugaho.

Ni umuntu umwe wibaza akanisubiza, kandi nta gitangaje kuko umwe yamize undi.

Kayumba Nyamwasa yiyemereye ko Abanyarwanda bananiwe kumva icyo RNC iharanira.

Mu magambo yuzuyemo ibisa nko gutera imbabazi, Kayumba Nyamwasa yavuze ko nyuma y'imyaka 11 uyu mutwe w'iterabwoba ushinzwe, ngo bagowe cyane no kubaka inzego zawo, ndetse n'abayoboke bakagenda biguru ntege kuko badasobanukiwe icyo RNC irwanira. Ibyo ngo byanatumye nyuma y'igihe kingana gutya, bafite abayoboke ngo babarirwa mu bihumbi 100 gusa, batanangana nibura na 1% by'Abanyarwanda bose. Aha yanavuze ko abo bahuriye muri 'opozisiyo' nabo ntacyo bafite cyo kuratira Abanyarwanda, ahubwo barangwa no gusenyana, aho buri wese yagombye kubanza kureba umugogo uri mu jisho rye.

Icyakora yiremye agatima avuga ko 'ubu ntaho wagera ngo usange batazi RNC', nk'aho kumenyekana bisobanuye ko buri gihe uba uzwi neza. FDLR, Interahamwe, NAZI yo kwa Hitler, n'abandi.., abo bose n'umwana ukivuka arabazi, ariko abazi nk'abagome kabuhariwe

RNC ngo bayifata nk'akarima ka Kayumba Nyamwasa.

Ibi si ubwa mbere bivuzwe kuri uyu mutwe w'iterabwoba, kuko hari n'abagiye bawuvamo kandi bari mu bawutangije. Twavuga nka Gerald Gahima na mwene nyina Theogene Rudasingwa, umugore wa Patrick Karegeya, n'abandi bagiye bipakurura RNC bashinja Kayumba Nyamwasa kuyigira ikimina ahahiramo ibyo kuzuza igifu cye. Mu rwenya rwe na Ndayizeye, Kayumba Nyamwasa yacitswe yiyemerera ko bizamutwara igihe ngo Abanyarwanda bafate RNC nk'umutwe wa politiki uharanira inyungu rusange, aho kuba akarima ke bwite n'inkomamashyi nka Serge Ndayizeye, Gervais Condo, Frank Ntwari n'abandi baheze mu buyobe.

Kayumba Nyamwasa arega Leta y'u Rwanda ubwicanyi, akirengagiza ubwo yakoreye abahoze ari abayoboke be.

Biratangaje kumva Nyamwasa yibanda ku rupfu rwa Patrick Karegeya ashinja u Rwanda atanabifitiye ibimenyetso, nyamara akaruca akarumira ku rupfu rwa Ben Rutabana bizwi ko ariwe wamwicishije, abifashijwemo n'ubutegetsi bwa Perezida Yoweri K. Museveni we n'abandi bagerageje gutunga agatoki ubujura bwa Nyamwasa, Ben Rutabana yarishwe, akurikira Abdu Nur Nsanzamahoro, Gabriel Kanyangusho, Seif Bamporiki, Casimir Nkurunziza, Petronille Mukarugwiza bitaga Mama Bonheur n'abandi bagitegereje ko umunsi wabo ugera.

Ubu bwicanyi Kayumba Nyamwasa yabupfuye n'abahoze ari inkoramutima ze, barimo Thabita Gwiza, JPaul Turayishimiye n'abandi bagiye gushinga ibiryabarezi byabo.

Kayumba Nyamwasa ntacyo ubwicanyi Paul Rusesabagina yakoreye Abanyarwanda bumubwiye.

Agaruka ku ifungwa rya Paul Rusebagina we yita ubushimusi, Kayumba Nyamwasa yamutagatifuje, avuga ko yari icyamamare mu bikorwa by'ubugiraneza, intwari y'akataraboneka, ko rero atagomba gufatwa ngo afungirwe mu Rwanda.

Aha yabaye nk'ushinga inkota mu bikomere by'abo umutwe w'iterabwoba, FLN ya Rusesabagina yishe, abandi ikabakomeretsa, ikabasahura, ikabagira ingwate.

Ibi birongera kwerekana uwo Kayumba Nyamwasa ariwe nyakuri, ko ari umugome nka ba Rusesabagina, bifuza kugera ku butegetsi bambukiye ku mirambo y'Abanyarwanda.

Kayumba Nyamwasa, mu buhumyi bwinshi ararwanya ingamba zo kwirinda Covid-19.

Muri icyo 'kiganiro', Kayumba Nyamwasa asanga umuti nyawo wa Covid-19 ari ukwikingiza. Nyamara RNC ye yumvikanye kenshi irwanya ko Abanyarwanda bakwikingiza ku bwinshi, ngo kuko Leta y'u Rwanda ibibahatira. Aravuga kwikingiza, byagera ku ngingo yo gushima Leta y'u Rwanda yashyize imbaraga nyinshi mu gushakisha inkingo, akaruca akarumira.

Uku kwivuguruza byerekana ubuhanga, no kutamenya bya nyabyo icyo abaturage bakeneye.

Kayumba Nyamwasa avuga ko ngo mu Rwanda hafatwa ingamba 'zikarishye' kandi Covid-19 idahitana abantu benshi nk'uko bimeze aho atuye muri Afrika y'Epfo. Aha naho ni uguhuzagurika mu bitekerezo, kuko kuba nyine COVID-19 idahitana benshi mu Rwanda, byatewe n'izo ngamba yita ko zikakaye.

Ese ubundi arifuza ko habanza gupfa bangahe ngo habone gufatwa ingamba'zikakaye? Aha yari akwiye kumenya ko Abanyarwanda aribo bazi neza icyo izo ngamba zibafasha.

Iyo u Rwanda ruguze indege ngo zongerere ubushobozi Rwandair, RNC iba iya mbere mu kubirwanya, ivuga ko ari ugusesagura. Nyamara Leta yafata ingamba zo kugabanya ingendo za Rwandair mu rwego rwo kwirinda ikwirakwira rya Covid-19, Nyamwasa na RNC ye, bakaba aba mbere mu gusakuza ngo Abanyarwanda bahejejwe mu bwigunge. Ntamunoza ukunda iki?

Mu bufana nk'abanyamupira, Kayumba Nyamwasa yogeje Uganda yohereje abasirikari muri Kongo, arwanya kuba u Rwanda rwaratabaye abicwa muri Santrafrika na Mozambike.

Hashize igihe gito Uganda yohereje abasirikari muri Kongo, aho byemezwa ko bagiye kurwanya umutwe wa ADF, n'ubwo hari andi makuru avuga ko bihishe indi migambi irimo gusahura no guteguirira inzira imitwe irwanya u Rwanda.

Aha Kayumba Nyamwasa yemeje ashize amanga ko Uganda yagombaga kohereza ingabo kurwanya ADF, mu rwego rwo kurinda ubusugire bwayo. Nta gitangaje kuko RNC na Uganda ari nk'impanga, cyane ko bihuriye ku ntego (itazagerwaho) yo kwangiriza u Rwanda.

Igitangaje ahubwo, ni uko Nyamwasa anenga kuba u Rwanda rwaragiye gutabara abavandimwe bo muri Santrafrika kimwe n'abo mu ntara ya Cabo Delgado muri Mozambike, bari barajujubijwe n'imitwe y'inyeshyamba.

Azaperereze itandukaniro hagati y'uko umutekano wari wifashe mbere y'uko ingabo z'u Rwanda zigera muri ibyo bihugu, n'uko ubu uhagaze. Si ngombwa ko Nyamwasa n'agatsiko ke babishima, birahagije kuba abaturage b'ibyo bihugu byombi bivugira aho ingabo z'u Rwanda zabakuye.

Kayumba Nyamwasa kandi arashimagiza 'imihanda' ingabo za Uganda zirimo kubaka muri Kongo, akiyibagiza ko abanyekongo batahuye ko iyo mihanda ari iyo kunyuzamo ibisahurano, dore ko imbaho n'amabuye y'agaciro biva muri Kongo byinjira muri Uganda buri munsi.

Ntushobora gutwika inzu ngo uhishe umwotsi. Ese Uganda irihagije ku mihanda, ku buryo ijya kuyubaka no mu mahanga? 'Ibisoro' biri muri Kampala, umurwa mukuru ubwawo, ninde utabibona?

Nyamara ahubwo, Nyamwasa azatume inkomamashyi ze zimurebere ibikorwaremezo ingabo z'u Rwanda zisiga zubatse aho zagiye gutabara abaturage. Ingero zirivugira muri Darfur, Sudan y'Amajyepfo, Santrafrika, Cabo Delgado n'ahandi, aho abaturage bavurwa, bagatozwa isuku, bakubakirwa amashuri n'ibindi bumvaga mu magambo gusa. Nabimenya, azareka gusingiza ibikorwa by'uburyarya ahuriyeho na Perezida Museveni, n'ibyegera bye.

Amateshwa Kayumba Nyamwasa yavuganye na Serge Ndayizeye ni menshi, dore ko kurya nta n'icyo baba bafite bakora, bagira umwanya wo kwangiza. Twe twahisemo kubanyuriramo muri make uko uwo bihemu ukiyita'jenerali', yongeye kwiyambika ubusa mu bakwe. Ibyo avuga byose aba atega iminsi Perezida wa Repubuliksa, Paul Kagame, ukagirango we azatura nk'umusozi.

Sibomana ni umwana w'Umunyarwanda.

Ikindi tutagenda tutavuze, ni uko Kayumba Nyamwasa ubwe yiyambuye uruhare mu ntambara yo kubohora u Rwanda. Ibyo bigaragazwa n'uko mu mvugo ze zose, yikura mu bari kuri urwo rugamba. 'TWA' ayisimbuza'BA', aho usanga avuga ngo '' nabo ntibari bazi ko batsinda urugamba…nabo babise inyangarwanda… bafashe u Rwanda batanze ibitambo…'. Ntawamuveba ariko urebye ibikorwa byamuranze kuva yagera mu Rwanda. Birashoboka ko umubiri wari ku rugamba ku Mulindi, mu Mutara n'ahandi, ariko umutima uri ahandi.

Iyo ukunda Kwishyira imbere , bigeraho ukinyuramo, ukuri kukagucika. Ngaho Nyamwasa komereza aho n'umurenzamase wawe, Serge Ndayizeye, Abanyarwanda nabo bakomeze bagucishemo ijisho.

The post Kayumba Nyamwasa Yivuyemo nk'inopfu, ahishura ko Abanyarwanda batazi icyo ikiryabarezi cye RNC giharanira. appeared first on RUSHYASHYA.

Source : https://rushyashya.net/kayumba-nyamwasa-yivuyemo-nkinopfu-ahishura-ko-abanyarwanda-batazi-icyo-ikiryabarezi-cye-rnc-giharanira/?utm_source=rss&utm_medium=rss&utm_campaign=kayumba-nyamwasa-yivuyemo-nkinopfu-ahishura-ko-abanyarwanda-batazi-icyo-ikiryabarezi-cye-rnc-giharanira

Gushimisha umugore cyangwa umukobwa ubundi si ibintu bigoye mu gihe cyose uzi uburyo ndetse n'igihe nyacyo cyo kumubwirira ibintu yishimira kubwirwa. Muri iyi nkuru twabateguriye ibintu cyangwa se amagambo abakobwa n'abagore bishimira kubwirwa n'igitsinagabo kurusha n'ijambo 'Ndagukunda' ubwaryo, nk'uko urubuga Elcrema rwabitangaje:

1.Ni wowe hazaza hanjye: Ubusanzwe urukundo rwa nyarwo kandi rw'abakuze, rwakaranzwe no kubwirana amagambo y'abakuze. Iyo ukundana n'umukobwa uba ufashe inshingano zo guharanira ko yazakubera umufasha bityo uba ubonye impamvu yo gutuma uvunika ushakisha ahazaza heza hawe na we, bityo rero uba ugomba kumubwira ko ari mu mpamvu zituma uvunika kugira ngo muzagirane ahazaza heza. Iri jambo riba rifite uburemere no kurusha 'Ndagukunda' kuko hari n'abavuga 'Ndagukunda' ariko ntiherekezwe n'ibikorwa.

2.Sinzigera ngusiga: Iri jambo rinyura amatwi ye mu buryo bukomeye buruta kumubwira ndagukunda, Kumubwira ko umukunda bizamushimisha, ariko kumubwira ko utazigera umusiga bizatuma yumva ko akunzwe cyane.

3.Utuma Nishima: Iri ni ijambo ushobora kumva ko ari rito ndetse risanzwe, nyamara mu matwi y'umugore cyangwa umukobwa risobanuye urukundo rwa nyarwo. Iyo uhora urimubwira bimugaragariza ko umukunda cyane, ko uhora wifuza kuba uri kumwe na we kugira ngo agushimishe. Ikindi bimugaragariza ko na we imbaraga zo kugushimisha akoresha zidapfa ubusa.

4. Umuryango wanjye uragukunda cyane: Iteka ryose umukobwa ahora yifuza kwishimirwa n'umuryango w'umusore umutereta, bityo iri jambo rikomeza ndetse rigatuma urukundo agufitiye rwiyongera, ariko na none ukabimubwira ari nako kuri, Kuko akenshi akunze guhita atangira kwikorera igenzura rye, kugira ngo ashake ukuri kubyo umubwira.

5.Igitekerezo cyawe kuri we: Igihe cyose umukobwa akenera ko umusore cyangwa umugabo amubwira uko asa cyane cyane igihe yahinduye n'umusatsi cyangwa se yambaye neza, Bibabyiza iyo umubwiye ko asa na bicye ndetse umukundira uko aberwa cyane.

Source : https://yegob.rw/ngaya-amagambo-akomeye-buri-mugore-umukobwa-wese-yifuza-kubwirwa-nabigitsinagabo/

Kuri uyu munsi wa Noheli tariki 25 Ukwakira 2021 ibyamamare bitandukanye byagiye byifuriza abafana babo Noheli nziza banashyira hanze amwe mu mafoto agaragaza imiryango yabo.Muri bo Miss Uwase Muyango na we ntiyacitswe dore ko yashyize hanze amafoto ateye ubwuzu y'umwana w'imfura ye yabyaranye na Kimenyi Yves maze azamura amarangamutima y'abatari bake aho bamweretse ko bamukunda kandi bamwishimira cyane, ndetse bamwifuriza Noheli nziza.

Source : https://yegob.rw/amafoto-ateye-ubwuzu-yumwana-wa-kimenyi-na-miss-muyango-yazamuye-amarangamutima-yabafana-babo/

Gukora imibonano ku mugore utwite, bizwi cyane nko gukurakuza bivugwaho byinshi bitandukanye. Babyitirira byinshi bamwe bati ni ngombwa ariko ntibasobanure impamvu, abandi bati bifungura inzira umwana azacamo avuka, n'izindi mpamvu nyinshi.

Nyamara kandi, mu gihe gukora imibonano mpuzabitsina bizanira ibyiza binyuranye abayikora (wabisoma hano) kuyikora utwite byo uretse ako kanyamuneza binafitiye akandi kamaro umugore utwite ndetse n'umwana atwite nkuko muri iyi nkuru tugiye kubivuga.

Akamaro ko gukora imibonano ku mugore utwite

1. Gutwita bituma umugore arangiza neza: Uko amaraso atembera yihuta nibyo bituma urangiza; kandi iyo umugore atwite uko amaraso atembera biba byiyongereye ni nayo mpamvu bavuga ko umugore utwite ahorana ubushake. Abagore benshi barangiza bwa mbere iyo batwite.
2. Bitwika calories: nubwo umugore utwite aba agomba kongera ibiro ariko nanone hari ibipimo aba adakwiye kurenga kuko bishobora kongera ibyago byo kurwara diyabete atwite. Ubushakashatsi bugaragaza ko iminota 30 uri gukora imibonano uba utwitse calories zirenga 50. Ibi bikaba byiza ku batabasha gukora siporo iyo batwite
3. Bigabanya umuvuduko ukabije w'amaraso: ibi bikaba bigirira akamaro umugore ndetse n'umwana kuko birinda ko umugore yazagira umuvuduko ukabije w'amaraso no kubyimba ibirenge aribyo bizwi nka preeclampsia
4. Bigabanya uburibwe: gukora imibonano ukarangiza bituma harekurwa umusemburo wa oxytocin bakunze kwita umusemburo w'urukundo. Uyu musemburo utuma wihanganira uburibwe bw'ibise ku gipimo cya 74%.
5. Bifasha gusinzira: bifasha gusinzira ku mpande zombi. Ku mugore biraruhura nuko ugasinzira neza. Naho ku mwana kwa kundi uba winyeganyeza uri mu mibonano iyo birekeye urangije akana ko mu nda nako gahita kisinzirira kuko kaba kaguwe neza.
6. Byongera ubudahangarwa; ubushakashatsi bwerekanye ko gukora imibonano bizamura igipimo cya IgA, iyi ikaba izwiho gufasha umubiri guhangana n'ibicurane n'utundi twa mikorobi
7. Byongera akanyamuneza: iyo urangije umubiri urekura endorphins nyinshi izi zikaba zitwa umusemburo w'umunezero. Ibi bifasha umugore n'umwana atwite guhorana akanyamuneza no kumva baruhutse.
8. Bifasha gukira vuba umaze kubyara: uko urangiza bituma imikaya y'amatako, ibibero n'ikibuno yitegurira igihe uzaba wabyaye bityo wamara kubyara ugakira bitagoranye. Mu gihe cy'imibonano jya ugerageza ukoremo siporo ya kegel, ariko kwa kundi unyunyanyunya, uretse kuba wigirira neza bizanashimisha umugabo kuko nawe azarangiza neza.

Ni byinshi, twaguhitiyemo iby'ingenzi. Rero gukora imibonano ku mugore utwite, urabona ko bifite akamaro kanini cyane.

Src: umutihealth

Source : https://yegob.rw/sobanukirwa-ibyiza-byo-gukora-imibonano-ku-mugore-utwite/

Abagore bane cg batanu mu Icumi batwite basamye inda batateguye, ahanini impamvu iba ari ukutamenya ni ryari uba uri mu burumbuke cg se ni ryari uba utari mu burumbuke?

Iyo wamenye igihe cy'uburumbuke ukoresha agakingirizo cg se ubundi buryo bwo kuboneza urubyaro. Naho iyo utari mu bihe by'uburumbucye amahirwe/ibyago yo gusama aba ari macye hafi ya 0%.

Biba ikibazo cy'ingutu iyo utazi kubara ukwezi kwawe, birumvikana kandi ko unahorana ubwoba bwo gusama cg se unacyeka ko igihe cyose wakorera imibonano wasama.

Ubwoko bw'ukwezi k'umugore

Ukwezi k'mugore gushobora kuba guhindagurika cg se kudahindagurika, ibyo nibyo bigena igihe cy'uburumbucye cg ikitari icy'uburumbuke.

Kumenya niba ugira ukwezi guhindagurika cyangwa se ukwezi kudahindagurika, icyo uba ugomba gukora ni ukubara ukwezi nibura mu gihe cy'amezi 6. Iyo birangiye ureba ko iminsi ha buri kwezi ingana cyangwa se nta tandukaniro rinini riri hagati y'ukwezi kumwe n'ukundi.

Iyo ukwezi kwawe kudahindagurika biba byoroshye kumenya ibyo bihe.

Nyuma cyangwa mbere y'imihango

Gukora imibonano mpuzabitsina mbere cyangwa nyuma y'imihango byongera amahirwe yo kudasama.

Mu minsi 10 ibanziriza imihango, ibyago byo gusama aba ari zeru. Naho nyuma y'imihango, ibyago byo gusama biriyongera.

Source : https://yegob.rw/menya-igihe-umukobwa-umugore-yakora-imibonano-agahita-asama/

Ku gicamunsi cyo kuri uyu wa Gatandatu tariki 25 Ukuboza 2021, mu Mujyi wa Kigali rwagati ahazwi nka Dow Town ku Muhima, hagaragaye umuntu w'umugabo uryamye ku muhanda bigaragara ko yapfuye ndetse habuze n'inzego zihamukura imvura irinda aho igwa imuhitukiraho.

Uyu mugabo bikekwa ko yapfuye yabonywe n'abantu bari muri gahunda zabo mu Mujyi wa Kigali birinda kumwegera ahubwo bategereza ko inzego ziza zikahamukura.

RADIOTV10 yatangaje ko abantu birinze kumwegera ahubwo bagategereza ko inzego ari zo zihagera zikanemeza ko yapfuye koko.Icyakora mu kurebesha amaso ntagushidikanya ko uyu mugabo yaba agitera akuka bitewe n'uburyo yari aryamye ndetse bigaragara ko yari asanganywe ikibazo cy'uburwayi.

Uyu mugabo yari aryamye munsi y'ahazwi nka Down Town ahakorera ikigo cya RIAM ahasanzwe hakunze kugaragara urujya n'uruza rw'abantu.

Iruhande rwe gari imbago bigaragara ko yicumbaga ku buryo hari abaketse ko ashobora kuba yari avuye kwa muganga cyangwa yajyagayo.

Source : https://yegob.rw/i-kigali-hagaragaye-umugabo-umeze-nkuwapfuye-anyagirwa-nimvura-ntawe-umwitayeho/

Mu gihugu cy'Uburusiya Umupadiri wumu ortodox witwa Nikolai Stremsky arashinjwa gufata kungufu abana basaga 70 mu bihe bitandukanye. Uyu mupadiri yakuraga abana mu bigo byimfubyi akabafata nkugiye kubarera gusa Nyuma yaje kuregwako abafata ku ngufu.

Nikolai rero utuye mu gace ka Saraktash bwa mbere yagejejwe imbere yamategeko mu mwaka wa 2019 Aho kwikubitiro yashinjwaga gufata kungufu abana bagera kuri 7. Muri rusange bivugwako abasaga 70 baciye iwe guhera mu myaka ya 1990s kandi abenshi muribo ubu barakuze.

Kuri ubu Nkuko bikeshwa Russian State Media Agency urukiko 01A Court rwo mu Burusiya rwamukatiye imyaka 21 ari muri gereza.

Source : https://yegob.rw/mu-burusiya-umupadiri-arashinjwa-gufata-kungufu-abana-basaga-70/

Nyuma yo kugira imvune ikomeye cyane, rutahizamu wa Napoli Victor Osimen ashyizwe mu bakinnyi 28 umutoza mukuru wa Nigeria Augustine Eguavoen ashyize hanze.

Byagiye bivugwa ko uyu rutahizamu wagiye ufasha ikipe ya Napoli ko ashobora gusiba icyi gikombe cya AFRICA cy'Ibihugu, ariko bidasubirwaho umutoza mukuru wa Nigeria amaze impungenge aabafana nabakunzi nabaturage ba Nigeria maze ahamagara uyu mukinnyi.

Augustine Eguavoen utoza ikipe y'igihugu ya Nigeria,amaze gushyira hanze abakinnyi 28 azifashisha mu gikombe cy'Afrika muri uku kwezi kwa mbere.

Ikipe ya Nigeria iri mu itsinda D Aho iri kumwe na Makipe nka  Misiri,Sudan na Guinée Bissau mw'itsinda rimwe.

Ni ku nshuro ya 19, Nigeria igiye gukina #AFCON, muri izi ncuro iyi kipe yayitwaye inshuro 3  gusa  mu mwaka wa 1980, 1994 na 2013.

URUTONDE RWA BAKINNYI BOSE HAMWE BAHAMAGAWE NA AUGASTINE:

Source : https://yegob.rw/victor-osimen-muri-28-bazifashishwa-muri-afcon-ba-nigeria/

Aba baturage bafashwe kuri uyu wa Gatandatu ubwo hizihizwaga Umunsi Mukuru wa Noheli, mu Mudugudu wa Nyirampa, Akagari ka Kiyenzi mu Murenge wa Gahini. Bavuze ko basengera mu itorero ryitwa 'Yesu Araje' ngo ryiyomoye ku badivantisite b'Umunsi wa Karindwi.

Ubwo basangwaga basenga ngo bari bacucitse mu cyumba kimwe bose uko ari 55 bakaba bahuje imyumvire imwe yo kwanga kwikingiza, kwambara agapfukamunwa no kwanga andi mabwiriza yose yo kwirinda COVID-19.

Umunyamabanga Nshingwabikorwa w'Umurenge wa Gahini, Rukeribuga Joseph yagize ati 'Ahagana saa yine z'amanywa ni bwo abashinzwe amakuru mu Mudugudu bavuze ko hari abantu bifungiranye mu nzu y'umuturage bari gusenga, twagiyeyo rero dusanga koko ni 55. Twasanze nta n'umwe muri bo urikingiza, tubabaza impamvu batubwira ko batabyemera.'

Yakomeje avuga ko abenshi mu baturage basanze aho ngaho barimo n'abaturutse mu tundi dusantere.

Ati ' Batubwiye ko batemera na gato kwikingiza, impamvu batanga ngo ni uko ku ifishi ya RBC handitseho ko niwikingiza ingaruza zizakubaho uzazirengera ariko twabonye ari nk'urwitwazo kuko twakomeje turabaganiriza batwereka imirongo yo muri Bibiliya yerekana ko isi ishaje, ibi ari ibimenyetso byerekana ko isi ishaje kandi yamaze kwandura.'

Yasabye abaturage kwikingiza bakareka kurebera iki cyorezo mu ndorerwamo ya Bibiliya rimwe na rimwe banayisobanurira nabi bikaba intandaro yo kuba byatuma bakwandura COVID-19.

Abafatiwe mu nzu basenga nta n’umwe wari warikingije ndetse nta n’umwe wari wambaye agapfukamunwa

---

Source : http://igihe.com/amakuru/u-rwanda/article/kayonza-abaturage-55-badakozwa-ibyo-kwikingiza-no-kwambara-agapfukamunwa

Ahagana saa munani n'igice zo kuri uyu wa Gatanu tariki ya 25 Ukuboza 2021, nibwo umurambo w'uyu mugabo wagaragaye ku muhanda ugana ku ishuri ryisumbuye rya APACOPE riherereye mu Murenge wa Muhima.

Abaturage babwiye ubuyobozi bw'Umurenge wa Muhima ko batunguwe no kubona umurambo w'uyu mugabo bitewe n'uko biriwe bamubona ari gusabiriza.

Umunyamabanga Nshingwabikorwa w'Umurenge wa Muhima, Mukandori Grace, na we yabwiye IGIHE ko uyu mugabo yapfuye saa munani n'igice z'amanywa mu gihe abaturage bamubonaga asabiriza ahagana saa yine.

Yagize ati 'Abaturage baravuga ko mu gitondo bamubonaga asabiriza kugera mu munani n'igice nyuma ngo nibwo umusekirite wamubonaga asabiriza yahamagaye abashinzwe umutekano ku murenge wacu ababwira ko ari kubona ari gucika intege.”

Yakomeje avuga ko inzego za polisi na RIB zahise zihagera zisanga yamaze gushiramo umwuka anashimangira ko uyu muturage atari uwo muri aka gace.

---

Source : http://igihe.com/amakuru/u-rwanda/article/muhima-umugabo-yapfiriye-ku-muhanda-nyuma-yo-kumara-amasaha-make-asabiriza