Category: Uncategorized

Bamwe bakoze amasezerano mashya abandi bakora aya burundu

Ni mu muhango wabereye muri Paruwasi Gatolika 'Umubyeyi ugira Ibambe' ya Rutongo tariki 27 Ukuboza 2021, uyoborwa na Antoine Cardinal Kambanda, Arikiyesikopi wa Kigali, aho Aba Novisi umunani bagizwe Ababikira ku mugaragaro, mu gihe Ababikira batandatu bakoze amasezerano ya burundu.

Muri iyo Misa yabereyemo uwo muhango kandi wari n’umwanya wo gushimira Imana, kubera imyaka 35 Umuryango 'Inshuti z’Abakene' umaze ushinzwe ndetse n’imyaka 10 ishize ubutumwa bw’uwo muryango bwemewe ku mugaragaro na Kiliziya.

Abakobwa b’aba Novisi bakoze amasezerano mashya abinjiza mu Bubikira, ni Jeanne d’Arc Umuhoza wo muri Paruwasi ya Mbogo Arkidiyosezi ya Kigali, Léontine Twizeyemariya wo muri Paruwasi ya Nyarurema muri Diyosezi ya Byumba, Lucie Mukamurangira wo muri Paruwasi ya Rukira Diyosezi ya Kibungo, na Marie Louise Uwayezu wo muri Paruwasi Kabgayi Diyosezi ya Kabgayi.

Abandi ni Alphonsine Uwimana wo muri Paruwasi ya Kibirizi Diyosezi ya Butare, Christine Dusengimana wo muri Paruwasi ya Munyana Arkidiyosezi ya Kigali, Clementine Uwamariya wo muri Paruwasi ya Shyorongi Arkidiyosezi ya Kigali na Florence Mukansanga wo muri Paruwasi ya Mbogo Arkidiyosezi ya Kigali.

Ni mu gihe Ababikira batandatu bakoze amasezerano ya burundu ari bo, Sr Denise Musabyimana wo muri Paruwasi Zaza Diyosezi ya Kibungo, Sr Francine Mukanyonga wo muri Paruwasi Nyamiyaga Diyosezi ya Butare, Sr Alice Niyonsaba wo muri Paruwasi Kabgayi, Sr Alphonsine Mukamana wo muri Paruwasi Ruli Arkidiyosezi ya Kigali, Sr Appolinarie Mukansanga wo muri Paruwasi Ruli Diyosezi ya Ruhengeli na Sr Christine Nyirandikubwayo wo muri Paruwasi Nemba Diyosezi ya Ruhengeli.

Mu butumwa bwa Antoine Cardinal Kambanda, yabanje kubibutsa ko umuhamagaro wabo ari uwo bahamagawemo n’Imana bari kumwe na Nyagasani, abibutsa ko kwiha Imana atari ibintu umuntu yipangira hatarimo ibimenyetso by’Imana.

Yabasabye gushikama mu butumwa bahawe, birinda kugira ubwoba, ahubwo bakarushako kwegera Nyagasani, bamukurikira, kumuhereza barangwa no kwigomwa, birinda n’ibibazitira, ahubwo bakamenya guhitamo igikwiye.

Cardinal Kambanda kandi yababwiye ko ubugingo bwabigaragarije muri Yezu Kristu bubabera intwaro yo guhumuriza abafite ibibazo by’ubuzima, abihebye, abigunze, abafite ubwoba, abahungabanyijwe n’icyorezo cya COVID-19, n’abageze ku rwego rwo kwiheba bakaba bakwiyahura. Yababwiye ko kuba muri Kristu birenze kure ubukene n’ububabare kandi ko kwiyegurira Imana nyakuri ari ukuyikunda bakiyibagirwa mu buzima bwabo, bagasigara babereyeho Imana gusa.

Yongeyeho ati 'Uku niko kwiyegurira Imana ku bw’aya masezerano, ku isonga isezerano ryo kumvira ari na rwo rufunguzo rw’andi masezerano. Bavandimwe rero ni byo tubifuriza kandi ni na byo tubasabira'.

Mukanyirigira Judith, Umuyobozi w’Akarere ka Rulindo witabiriye uwo muhango, yashimangiye ubufatanye bukomeje kuranga Kiliziya na Leta ndetse anasaba ko bwarushaho gushinga imizi, ashima cyane uburere n’uburezi bitangirwa mu bigo by’Abihayimana Gatolika, anasaba ko hakongerwa imbaraga kugira ngo ireme ry’uburezi rikomeze kwiyongera.

Ababonye iyo nkongi iba bavuze ko iyo nkongi yari ifite ingufu ku buryo kuyizimya byasabye kwitabaza imodoka zabugenewe za Polisi hamwe n’imodoka yo ku kibuga mpuzamahanga cy’indege cy’i Kanombe.

Ibi ngo byatumye inkongi itibasira isoko rya Kabeza byegeranye cyane. Ni mu gihe abacuruzi bamwe bari bamaze guhungisha ibicuruzwa byabo.

Icyateye iyo nkongi nticyahise kimenyekana, gusa ngo ibyari mu kabari byo byatikiriye muri iyo nkongi. Ba nyiri ako kabari na bo ntibabashije guhita bagira icyo batangaza ako kanya ariko biravugwa ko bari bafite ubwishingizi.

Ibaruwa y’uyu mwarimu witwa Ngabonziza Innocent, yanditswe kuri uyu wa Gatatu tarik 29 Ukuboza 2021, yavuze ko ayanditse ashaka gusezera.

Iyi baruwa yandikiye Umuyobozi w’Akarere, yatangiye agira ati 'Nejejwe no kubandikira iyi baruwa ngira ngo mbasabe gusezera akazi k’uburezi.'

Akomeza agira ati 'Muri macye nari nsanzwe ndi umurezi ku ishuri ryisumbuye rwa G.S Kabiza ho mu Murenge wa Nyamyumba. Bitewe n’imyizerere yanjye ku giti cyanjye ku bwo kubaha umutimanama wanjye n’icyo ijambo ry’Imana rivuga, sinemera kwiteza urukindo rwa COVID-19. Bityo rero nsezeye akazi kuko ntawemerewe kubana n’abanyeshuri atarakingiwe.'

Uyu mwarimu asezeye nyuma y’icyumweru kimwe hari undi wo mu Karere ka Karongi na we wasezeye avuga ko na we adashobora kwikingiza icyorezo cya COVID-19.

Muri iyi baruwa yanditswe tariki 22 Ukuboza 2021, uyu mwarimu witwa Mutuyimana Zibie, agira ati 'Ku mpamvu zo kumvira umutimanama wanjye Uwiteka Imana inyoboreramo nkaba ntarikingiza nshingiye ku myanzuro y’Inama y’Abayobozi ivuga ko umuntu utarikingije atemerewe kujya mu kazi, nifuje gusezera kugira ngo ntabangamira uburenganzira bw’abo tubana buri munsi mu kazi.'

Minisitiri w’Ubutegetsi bw’Igihugu, Gatabazi Jean Marie Vianney wasuye Akarere ka Rubavu ahavugwa bamwe mu baturage banze kwikingiza, yabahaye nyirantarengwa ko batagomba kurenza tariki 31 Ukuboza 2021 batarikingiza.

Nubwo hari abavuga ko Polisi ibikora igamije kwihaza mu ngengo y'imari yayo, inshuro nyinshi yakunze kwerekana ko amande acibwa abakoresha ibinyabiziga ateganywa n'itegeko kandi rigamije kurengera ubuzima bw'abaturage.

Gusa hari ingingo imwe Polisi itajya ikomozaho; ni uko igice gikomeye cy'amande acibwa abakoresha umuhanda ashyirwa mu bikorwa bifitiye akamaro sosiyete.

Urugero rwa vuba ni ibikorwa biheruka gutahwa ku wa 28 Ukuboza 2021, ubwo hasozwaga Police Week, yakozwemo ibikorwa bifite agaciro ka miliyoni 997 Frw.

Muri ibyo bikorwa, Polisi yubakiye abaturage inzu 30 aho buri karere kubatswemo imwe, itanga imirasire y'izuba 4578, ubwisungane mu kwivuza ku bantu 1600 n'imodoka yahawe Umurenge wa Bumbogo wo mu Karere ka Gasabo wahize iyindi mu bukangurambaga bwo kwirinda Covid-19. Yanatanze imitiba y'inzuki ya kijyambere ku makoperative 11, inka enye inubaka aho ziterewa umuti hagera kuri 13.

Mu yandi magambo, nubwo ibihumbi byawe 25.000 Frw bishobora kugira akamaro, Polisi yifuza ko wagabanya umuvuduko.

Kuvuga ko abapolisi bo mu Ishami Rishinzwe Umutekano wo mu Muhanda buri munsi na buri mwaka, babyuka bakajya mu modoka bakerekeza mu muhanda bagamije gukusanya amafaranga abafitiye akamaro gusa, kwaba ari ukwirengagiza akaga katerwaga n'impanuka zo mu muhanda.

Hari n'abageze aho bavuga ko camera zo ku muhanda zigenzura umuvuduko w'imodoka zashyizwe mu bice bitandukanye hagamijwe kurushaho gukusanya amafaranga.

Iteka rya Perezida No 85/01 ryo ku wa 02/09/2002 rishyiraho amabwiriza rusange agenga imihanda n'uburyo bwo kuyigendamo, rigena ko imodoka zigomba kugendera ku muvuduko uri hagati y'ibilometero 25-80 ku isaha.

Mu mwaka ushize, camera zigenzura umuvuduko wo ku muhanda zashyizweho mu bice bitandukanye bya Kigali. Ibyapa byinshi byashyizwe mu duce dutandukanye mu mujyi byerekana ko umuvuduko ugenderwaho ari uwa 40km/h.

Ku mpamvu zitandukanye, abashoferi benshi bagiye bagwa mu makosa yo kunyuranya n'amategeko yo mu muhanda. Ubundi bakwiye gushimira ko izi ngamba zashyizweho. Zarokoye ubuzima bwa benshi.

Imibare irivugira

Mu mezi icumi ya 2019, mbere y'ishyirwaho rya camera, impanuka zo mu muhanda zatewe n'umuvuduko ukabije zahitanye abantu 739. Camera zashyizweho umwaka ushize.

Imibare y'Ishami rya Polisi yo mu Muhanda yerekana ko mu gihe nk'icyo uyu mwaka, abahitanywe n'impanuka zo mu muhanda bagabanutse bagera kuri 548. Iri gabanuka ringana na 25.8%, ryagakwiye kuba impamvu yo kwishimira.

Iyi mibare yerekana ko Polisi ikora izindi nshingano zirimo kurokora ubuzima bw'abantu no kubaka ibikorwa biteza imbere ry'abaturage.

Polisi y'Igihugu isanzwe inatanga umusanzu wayo mu ngeri zitandukanye nk'aho igira uruhare mu kunganira Mutuelle de Santé.

Imibare y'Urwego rw'Ubwiteganyirize mu Rwanda, RSSB, igaragaza ko inkunga ya Leta inyuze mu misanzu ishyigikira mituweli yashyizweho mu 2019, igeze kuri miliyari 29 Frw. Mu 2019/2020 habonetse miliyari 10 Frw mu gihe kuva muri Nyakanga 2020 kugeza muri Werurwe 2021 habonetse miliyari 19 Frw. Iyi misanzu itangwa n'ibigo birimo iby'itumanaho, Polisi n'ibindi.

Polisi y’u Rwanda yashyikirije abaturage ibikorwa yabageneye byatwaye agera kuri 997.000.000 Frw. Muri buri karere ko mu Rwanda hubatswe inzu yashyikirijwe utishoboye

Byari ibyishimo ubwo uyu muturage utishoboye yashyikirizwaga inzu

Nyuma y’amasomo bahawe biyemeje kutazasubira mu ngeso mbi bahozemo

Babitangaje ku wa Gatatu tariki 29 Ukuboza 2021, ubwo basozaga amasomo bari bamaze igihe cy’amezi 9 bahabwa, arimo guteka, ubudozi no gutunganya imisatsi.

Guhurizwa mu kigo ngororamuco cya Gitagata ngo byabafashije kwitekerezaho kuko bahigishirijwe byinshi birimo indangagaciro z’Umunyarwanda, bityo bituma barushaho gusobanukirwa ko bari baratandukiriye kuko ibyo barimo mbere byabatereye umwanya ndetse binabatesha agaciro mu muryango nyarwanda, ku buryo badashobora kongera kubisubiramo ukundi.

Angelique Uwiragiye wo mu Karere ka Ngoma, avuga ko yakoraga akazi k’uburaya ariko amaze kugezwa i Gitagata yahigiye byinshi birimo umwuga w’ubudozi, bituma afata umwanzuro wo Kureka izo ngeso mbi.

Ati 'Nabashije kumenya ko hari indangagaciro nyinshi nari narirengagije, nk’iyo kwihesha agaciro nari narayitakaje, iyo gukunda igihugu nari narayitakaje kuko ntabwo waba ukunda igihugu ngo wicuruze, ntabwo waba ukunda igihugu ngo usenyere bagenzi bawe. Ubu aha mpavuye mfite ingamba nshya zo gukora, ngakura amaboko mu mifuka sintegereze ayo abagabo baribunzanire, kuko nasanze ibibazo byose bidakemurwa n’ubusambanyi'.

Hidayat Muganga wari warabaswe n’ibiyobyabwenge by’umwihariko urumogi, avuga ko yari yarananiye ababyeyi, akaba yicuza umwanya yataye akoresha ibiyobyabwenge kuko byatumye atarangiza amashuri ye.

Ati 'Ubu rwanshizemo, ntekereza neza, mbasha kwitekerezaho ngafata umwanzuro w’umubiri wanjye, ariko iyo wabinyoye uba wumva ko nta wundi muntu wakurusha agaciro, n’umubyeyi yakubwira ikintu ukajya umusubiza nk’aho atakubyaye. Ubu imico yarahindutse na mama naramurahiriye ko ntazabisubiramo kuko byatumye nta agaciro'.

Bahawe impamyabushobozi

Umuyobozi Mukuru w’Ikigo cy’igihugu cy’igororamuco (NRS), Fred Mufulukye, avuga ko aho bagororerwa baba babonye iby’ibanze ariko kandi ngo mu gihe bagiye hanze nabwo biba bisaba ko bakurikiranwa bakababa hafi.

Ati 'Turasaba abayobozi b’uturere mubakurikirane, buriya igororamuco ntabwo risozwa no kuvuga ngo twasoje uyu munsi, ahubwo baba babonye iby’ibanze baniyemeje guhinduka, ariko iyo bagiye mu buzima busanzwe bisaba y’uko dukomeza kubaba hafi ndetse no kubahuza n’ababafasha bakabagira inama. Turagira ngo rwose dusaba aho bazajya ko babaherekeza'.

Umunyamabanga wa Leta ushinzwe imibereho myiza muri Minisiteri y’Ubutegetsi bw’igihugu, Assumpta Ingabire, avuga ko mbere y’uko basoza amasomo yabo habanje gutegurwa imiryango yabo kugira ngo izabakire, gusa ngo hari n’icyo ubuyobozi bubateganyiriza.

Ati 'Twumvikanye n’ubuyobozi bw’uturere uko buri wese mu byo yize afashwa, ni abantu bashobora kubonerwa imirimo, ni abantu bashobora guhabwa ibikoresho niba ari umudozi bakamuha imashini cyangwa bakamuha igishoro, hanyuma na we agakomeza ubuzima bwe. Ni yo mpamvu ibyo tuzabafasha byose, niba ashakiwe akazi muri hoteli najyane ikinyabupfura akore akazi uko yakize ariko afite n’imyitwarire ihamye'.

Mu byo bize harimo no guteka

Mu basoje harimo abize ibijyanye n’ubudozi 35, ibijyanye no gutunganya imisatsi ni 33 na ho 22 bize guteka.

Kuva tariki 01 Kamena 2019, ubwo Ikigo ngororamuco cya Gitagata cyantangiraga kwakira abakobwa n’abagore, hamaze gusorezwa ibyiciro bitatu byanyuzemo abagera kuri 276 bigishijwe imyuga itandukanye.

Perezida Philipe Nyusi yakoze uru ruzinduko kuri uyu wa Gatatu tariki 29 Ukuboza 2021 aherekejwe na Minisitiri w’Umutekano w’iki Gihugu bakaba bakiriwe n’Umuyobozi w’Ingabo za Moambique w’agateganyo, Brig Gen Vidigal.

Nyuma yo kugezwaho uko ibikorwa byo kugarura amahoro i Cabo Delgado, Perezida Philipe Nyusi yahuye n’abayoboye ingabo ziri mu butumwa muri aka gace barimo uyoboye iz’u Rwanda ndetse n’uyoboye iza SADC.

President Nyusi yashimiye ibihugu byose bifite ingabo zaje mu butumwa mu Gihugu cye ku kazi keza ziri gukora ko guhashya ibyihebe ndetse aboneraho kubisaba gukomeza ibikorwa bya Gisirikare mu Turere twa Macomia, Mocimboa da Praia, Nangade Mueda na Ibo island.

Yaboneyeho kongera gushimira Perezida w’u Rwanda, Paul Kagame n’Abanyarwanda muri rusange kuba baremeye kohereza abana babo mu bikorwa byo kurandura ibyihebe kandi ko ubwitange bwabo buzahora mu mitima y’Abanyagihugu cye.

Mu mpera za Nzeri 2021, Perezida Nyusi na bwo yari yashimiye byimazeyo mugenzi we Paul Kagame wagiriye uruzinduko mu Ntara ya Cabo Delgado bakanaganira n’ingabo z’u Rwanda ziriyo.

Perezida Paul Kahame washimiye uko ingabo z’u Rwanda ziri muri ubu butumwa ziri kwitwara, yaboneyeho kuzibwira ko akazi ari bwo gasa nk’agatangiye kuko uretse kuba barakoze ibikorwa bikomeye byo kwirukana ibyihebe mu birindiro byabyo ariko ko ibikorwa nk’ibi bikomeje kandi ko no gutuma habaho amahoro arambye bigomba kugerwaho.

Umuvugizi wa Polisi mu Ntara y'Iburengerazuba, Chief Inspector of Police (CIP) Bonaventure Twizere Karekezi, yavuze ko abaturage bari bamaze iminsi batanze amakuru ku bayobozi ba koperative y'abamotari bavuga ko hari moto babonye ikoreshwa mu bikorwa byo kubibira amatungo (ihene) zikajya kubagwa ari na yo yaje gufatwa.

CIP Karekezi yavuze ko bamaze gutanga ayo makuru abashinzwe umutekano mu makoperative y'abamotari muri Kamembe bafashe ya moto bayishyikiriza Polisi ariko uwari uyiriho aracika.

Yaje guca inyuma ajya kuri Polisi ahafungiye iyo Mota abwira umupolisi ko amuha amafaranga y'u Rwanda ibihumbi bitanu akamurekurira moto. Umupolisi yaramwemereye ariko abimenyesha bagenzi be abamenyesha aho aza guhurira n'uwo muntu amuha iyo ruswa kugira ngo bamufate.

CIP Karekezi yakomeje avuga ko abapolisi bafatiye mu cyuho uwo mugabo arimo gutanga iyo ruswa.

Yaboneyeho kongera gukangurira abantu gucika ku ngeso mbi yo gushaka gutanga ruswa kugira ngo bahabwe ibyo batemererwa n'amategeko byongeye bakabikora ku bapolisi kandi aribo bashinzwe kurwanya ruswa.

Ati' Uriya muntu yagombaga gukurikirana moto ye mu bundi buryo bwemewe n'amategeko atagombye gutanga ruswa, abantu duhora tubakangurira kwirinda ingeso yo kumva ko bazatanga ruswa kugira ngo bahabwe serivisi batemererwa n'amategeko. Byongeye hari abafatwa baha ruswa abapolisi birengagije ko Polisi ari urwego rushinzwe kurwanya ruswa aho iva ikagera.'

Uwo mugabo wafashwe yahise ashyikirizwa Urwego rushinzwe ubugenzacyaha(RIB) rukorera muri sitasiyo ya Polisi ya Kamembe aho yamaze gukorerwa dosiye ishyikirizwa ubushinjacyaha.

Itegeko no 54/2018 ryo kuwa 13/08/2018 rirwanya ruswa ingingo yaryo ya 4 ivuga ko umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose. Iyo abihamijwe n'urukiko, ahanishwa igifungo kirenze imyaka itanu (5) ariko kitarenze imyaka. irindwi (7) n'ihazabu y'amafaranga y'u Rwanda yikubye inshuro kuva kuri eshatu (3) kugeza kuri eshanu (5) z'agaciro k'indonke yatse cyangwa yakiriye.